4. அப⁴யஸுத்தவண்ணனா

184. சதுத்தே² ஸோசதீதி சித்தே உப்பன்னப³லவஸோகேன ஸோசதி, சித்தஸந்தாபேன அந்தோ நிஜ்ஜா²யதீதி அத்தோ². கிலமதீதி தஸ்ஸேவ ஸோகஸ்ஸ வஸேன காயே ச உப்பன்னது³க்கே²ன கிலமதி. பரிதே³வதீதி ஸோகுத்³தே³ஹகவஸேன தம் தம் விப்பலபந்தோ வாசாய பரிதே³வதி. உரத்தாளிந்தி உரத்தாளம், உரம் தாளேத்வாதி அத்தோ². தேனாஹ ‘‘உரம் தாளேத்வா’’தி. கங்கா²விசிகிச்சா²தி ஏத்த² ‘‘ஏகமேவித³ம் பஞ்சமம் நீவரணம். கிம் நு கோ² இத³’’ந்தி ஆரம்மணம் கங்க²னதோ கங்கா², ‘‘இத³மேவ வர’’ந்தி நிச்சே²தும் அஸமத்த²பா⁴வதோ ‘‘விசிகிச்சா²’’தி வுச்சதி – ‘‘த⁴ம்மஸபா⁴வம் விசினந்தோ கிச்ச²தி, விக³தா சிகிச்சா²’’தி வா கத்வா.

அப⁴யஸுத்தவண்ணனா நிட்டி²தா.