5-6. உபவாணஸுத்தாதி³வண்ணனா

175-6. பஞ்சமே விஜ்ஜாயாதி தி³ப்³ப³சக்கு²புப்³பே³னிவாஸானுஸ்ஸதிஆஸவக்க²யஞாணஸங்கா²தாய திவிதா⁴ய விஜ்ஜாய, அட்ட²விதா⁴ய வா. அட்ட²விதா⁴பி ஹி விஜ்ஜா விபஸ்ஸனாஞாணேன மனோமயித்³தி⁴யா ச ஸஹ அபி⁴ஞ்ஞா பரிக்³க³ஹேத்வா வுத்தா. பன்னரஸத⁴ம்மபே⁴தே³ன சரணேன ஸமன்னாக³தோதி ஸீலஸம்வரோ, இந்த்³ரியேஸு கு³த்தத்³வாரதா, போ⁴ஜனே மத்தஞ்ஞுதா, ஜாக³ரியானுயோகோ³, ஸத்³தா⁴, ஹிரீ, ஓத்தப்பம், பா³ஹுஸச்சம், வீரியம், ஸதி, பஞ்ஞா, சத்தாரி ரூபாவசரஜ்ஜா²னானீதி ஏவம் பன்னரஸபே⁴தே³ன சரணத⁴ம்மேன ஸமன்னாக³தோ. இமேயேவ ஹி பன்னரஸ த⁴ம்மா யஸ்மா ஏதேஹி சரதி அரியஸாவகோ க³ச்ச²தி அமதம் தி³ஸம், தஸ்மா ‘‘சரண’’ந்தி வுத்தா. ச²ட்டே² நத்தி² வத்தப்³ப³ம்.

உபவாணஸுத்தாதி³வண்ணனா நிட்டி²தா.