6. ஸாள்ஹஸுத்தவண்ணனா

67. ச²ட்டே² பாதோ அஸிதப்³ப³போ⁴ஜனம் பாதராஸம், பு⁴த்தம் பாதராஸம் ஏதேஸந்தி பு⁴த்தபாதராஸா. தா³ஸா நாம அந்தோஜாதா வா த⁴னக்கீதா வா கரமரானீதா வா ஸயம் வா தா³ஸப்³யம் உபக³தா. ப⁴த்தவேதனப⁴தா கம்மகாரா நாம.

நிச்சா²தோதி ஏத்த² சா²தம் வுச்சதி தண்ஹா ஜிக⁴ச்சா²ஹேதுதாய, ஸா அஸ்ஸ நத்தீ²தி நிச்சா²தோ. தேனாஹ ‘‘நித்தண்ஹோ’’தி. அப்³ப⁴ந்தரே ஸந்தாபகரானம் கிலேஸானந்தி அத்தனோ ஸந்தானே த³ரத²பரிளாஹஜனனேன ஸந்தாபனகிலேஸானம். அந்தோதாபனகிலேஸானம் அபா⁴வா ஸீதோ ஸீதலோ பூ⁴தோ ஜாதோதி ஸீதிபூ⁴தோ. தேனாஹ ‘‘ஸீதலீபூ⁴தோ’’தி. மக்³க³ப²லனிப்³பா³னஸுகா²னி வா படிஸம்வேதே³தீதி ஸுக²ப்படிஸம்வேதீ³. ஸேஸம் ஸுவிஞ்ஞேய்யமேவ.

ஸாள்ஹஸுத்தவண்ணனா நிட்டி²தா.