1. ப⁴யஸுத்தவண்ணனா

1. திகனிபாதஸ்ஸ பட²மே ப⁴யந்தி பீ⁴தி சேதஸோ ப்³யதோ⁴தி ஆஹ ‘‘சித்துத்ராஸோ’’தி. உபத்³த³வோதி அந்தராயோ. தஸ்ஸ பன விக்கே²பகாரணத்தா வுத்தம் ‘‘அனேகக்³க³தாகாரோ’’தி. உபஸக்³கோ³தி உபஸஜ்ஜனம், தே³வதோபபீளாதி³னா அப்படிகாரவிகா⁴தாபத்தி. ஸா பன யஸ்மா படிகாராபா⁴வேன விஹஞ்ஞமானஸ்ஸ கிஞ்சி காதும் அஸமத்த²ஸ்ஸ ஓஸீத³னகாரணம், தஸ்மா வுத்தம் ‘‘தத்த² தத்த² லக்³க³னாகாரோ’’தி. யதா²வுத்தே தி³வஸே அனாக³ச்ச²ந்தேஸூதி வஞ்சேத்வா ஆக³ந்தும் நியமிததி³வஸே அனாக³ச்ச²ந்தேஸு. த்³வாரே அக்³கி³ம் த³த்வாதி ப³ஹி அனிக்க²மனத்தா²ய த்³வாரே அக்³கி³ம் த³த்வா.

நளேஹி ச²ன்னபடிச்ச²ன்னாதி நளேஹி திணச்ச²த³னஸங்கே²பேன உபரி சா²தே³த்வா தேஹியேவ தா³ருகுடிகனியாமேன பரிதோபி சா²தி³தா. ஏஸேவ நயோதி இமினா திணேஹி ச²ன்னதம் ஸேஸஸம்பா⁴ரானம் ருக்க²மயதஞ்ச அதிதி³ஸதி.

வித⁴வபுத்தேதி அந்தபா⁴வோபலக்க²ணம். தே ஹி நிப்பிதிகா அவினீதா அஸம்யதா யம் கிஞ்சி காரினோ. ஸேஸமேத்த² உத்தானமேவ.

ப⁴யஸுத்தவண்ணனா நிட்டி²தா.