1-2. குஸினாரஸுத்தாதி³வண்ணனா

124-125. ததியஸ்ஸ பட²மே தண்ஹாகே³தே⁴ன க³தி²தோதி தண்ஹாப³ந்த⁴னேன ப³த்³தோ⁴. தண்ஹாமுச்ச²னாயாதி தண்ஹாய வஸேன முச்சா²பத்தியா. முச்சி²தோதி முச்ச²ம் மோஹம் பமாத³ம் ஆபன்னோ. அஜ்ஜோ²பன்னோதி அதி⁴ஓபன்னோ. தண்ஹாய அதி⁴ப⁴வித்வா அஜ்ஜோ²த்த²டோ கி³லித்வா பரினிட்ட²பேத்வா விய டி²தோ. தேனாஹ ‘‘அஜ்ஜோ²பன்னோதி தண்ஹாய கி³லித்வா பரினிட்ட²பேத்வா பவத்தோ’’தி. அனாதீ³னவத³ஸ்ஸாவீதி க³தி²தாதி³பா⁴வேன பரிபோ⁴கே³ ஆதீ³னவமத்தம்பி ந பஸ்ஸதி. நிஸ்ஸரணபஞ்ஞோதி அயமத்தோ² ஆஹாரபரிபோ⁴கே³தி தத்த² பயோஜனபரிச்சே²தி³கா ‘‘யாவதே³வ இமஸ்ஸ காயஸ்ஸ டி²தியா’’திஆதி³னா (ம. நி. 1.23; 2.24; 3.75; ஸம். நி. 4.120; அ. நி. 6.58; 8.9) பவத்தா ஆஹாரபடிப³த்³த⁴ச²ந்த³ராக³னிஸ்ஸரணபூ⁴தா பஞ்ஞா அஸ்ஸ அத்தீ²தி நிஸ்ஸரணபஞ்ஞோ. ஸேஸமேத்த² உத்தானமேவ. து³தியே நத்தி² வத்தப்³ப³ம்.

குஸினாரஸுத்தாதி³வண்ணனா நிட்டி²தா.