7. பட்டா²னமாதிகத்த²வண்ணனா

இதா³னி பட்டா²னமாதிகாய அத்த²ஸம்வண்ணனானயோ ஹோதி. கேனட்டே²ன பட்டா²னந்தி? நானப்பகாரபச்சயட்டே²ன. ப-ஸத்³தோ³ ஹி நானப்பகாரத்த²ம் தீ³பேதி, டா²ன-ஸத்³தோ³ பச்சயத்த²ம். அத² வா விப⁴ஜனட்டே²ன பட்டா²னம். யதா² ஹி பஞ்ஞாபனா பட்ட²பனா விவரணா விப⁴ஜனா உத்தானீகம்மந்தி ஆக³தட்டா²னே விப⁴ஜனட்டோ² பட்டா²னஸத்³த³ஸமானத்தோ² பட்ட²பனா-ஸத்³தோ³ தி³ஸ்ஸதி, ஏவமிதா⁴பி குஸலாதீ³னம் த⁴ம்மானம் ஹேதுபச்சயாதீ³ஹி விப⁴ஜனதோ விப⁴ஜனட்டே²ன பட்டா²னம் நாம. அத² வா பட்டி²தட்டே²ன பட்டா²னம், க³மனட்டே²னாதி அத்தோ². ஸப்³ப³த⁴ம்மேஸு ஹி அஸங்க³க³மனஸ்ஸ ஸப்³ப³ஞ்ஞுதஞ்ஞாணஸ்ஸ ஹேதுபச்சயாதி³பே⁴த³பி⁴ன்னேஸு குஸலாதீ³ஸு வித்தா²ரிதனயலாப⁴தோ நிஸ்ஸங்க³வஸேன பவத்தக³மனத்தா க³மனட்டே²ன பட்டா²னம் நாம, இதி நானப்பகாரபச்சயட்டே²ன, விப⁴ஜனட்டே²ன, க³மனட்டே²ன ச திகபட்டா²னாதீ³ஸு சதுவீஸதியா பட்டா²னேஸு ஏகேகம்பி பட்டா²னம் நாம, தேஸம் பன ஸமூஹதோ பகரணம் பட்டா²னம் நாம, தேஸம் பட்டா²னானம் மாதிகா. ஸயம்பி வா பட்டா²னபூ⁴தா மாதிகா, ஸப்³ப³ம்பேதம் பட்டா²னமாதிகா. யா ஸா ‘‘ஹேதுபச்சயோ, ஆரம்மணபச்சயோ…பே… அவிக³தபச்சயோ’’தி ஏவம் திகபட்டா²னாதி³சதுவீஸதிப்பபே⁴த³ஸமந்தபட்டா²னதே³ஸனாய மூலபூ⁴தபச்சயபே⁴த³ஸ்ஸ வஸேன ப⁴க³வதா பகரணஸ்ஸ ஆதி³ம்ஹி ட²பிதா, அயம் இத⁴ பட்டா²னமாதிகா நாம.

தத்த² அனுத்தானத்தா²தி³ஸஹிதோ ஸங்கே²பத்த²வினிச்ச²யோ தாவ ஏவம் வேதி³தப்³போ³ – ஹேதுபச்சயோதிஆதீ³ஸு ஹி ஹேது ச ஸோ பச்சயோ சாதி ஹேதுபச்சயோ, ஹேது ஹுத்வா பச்சயோ ஹேதுபச்சயோ, ஹேதுபா⁴வேன பச்சயோதி வுத்தம் ஹோதி. தத்த² ஹேதூதி வசனாவயவகாரணமூலானமேதம் அதி⁴வசனம். ‘‘படிஞ்ஞாஹேதூ’’திஆதீ³ஸு ஹி லோகே வசனாவயவோ ‘‘ஹேதூ’’தி வுச்சதி, ஸாஸனே பன ‘‘யே த⁴ம்மா ஹேதுப்பப⁴வா’’திஆதீ³ஸு (மஹாவ. 60; அப. தே²ர 1.1.286) காரணம், ‘‘தயோ குஸலா ஹேதூ, தயோ அகுஸலா ஹேதூ’’திஆதீ³ஸு (த⁴. ஸ. 1059) மூலம், இத³ம் இத⁴ அதி⁴ப்பேதம், தம் படிச்ச ஏதஸ்மா ஏதீதி பச்சயோ, அபச்சக்கா²ய நம் வத்ததீதி அத்தோ². யோ ஹி த⁴ம்மோ யம் த⁴ம்மம் படிச்ச அபச்சக்கா²ய திட்ட²தி வா உப்பஜ்ஜதி வா, ஸோ தஸ்ஸ உபகாரகலக்க²ணேன பச்சயோ நாம. இதி மூலட்டே²ன ஹேது, உபகாரகட்டே²ன பச்சயோதி ஸங்கே²பதோ மூலட்டே²ன உபகாரகோ த⁴ம்மோ ஹேதுபச்சயோ, குஸலாதீ³னம் குஸலாதி³பா⁴வஸாத⁴கோதி கேசி, ஏவம் ஸந்தே பன தம்ஸமுட்டா²னரூபேஸு ஹேதுபச்சயதா ந ஸம்பஜ்ஜதி, அஹேதுகசித்தானஞ்ச வினா ஏதேஹி அப்³யாகதபா⁴வோ ஸித்³தோ⁴, ஸஹேதுகானம்பி ச யோனிஸோமனஸிகாராதி³படிப³த்³தோ⁴ குஸலாதி³பா⁴வோ, ந ஸம்பயுத்தஹேதுபடிப³த்³தோ⁴. யதி³ ச ஸியா, ஹேதூஸுபி குஸலாதி³பா⁴வஸாத⁴கேன அஞ்ஞேன ப⁴விதப்³ப³ம், குஸலாதி³பா⁴வஸாத⁴னவஸேன பன ஹேதூனம் மூலட்ட²ம் அக்³க³ஹேத்வா ஸுப்பதிட்டி²தபா⁴வஸாத⁴னவஸேன க³ய்ஹமானே ந கிஞ்சி விருஜ்ஜ²தி. லத்³த⁴ஹேதுபச்சயா ஹி த⁴ம்மா விருள்ஹமூலா விய பாத³பா தி²ரா ஹோந்தி ஸுப்பதிட்டி²தா, இதரே பன திலபீ³ஜகாதி³ஸேவாலா விய ந ஸுப்பதிட்டி²தா, இதி மூலட்டே²ன உபகாரகோதி ஸுப்பதிட்டி²தபா⁴வஸாத⁴னேன உபகாரகோ த⁴ம்மோ ஹேதுபச்சயோதி வேதி³தப்³போ³.

நித்³தே³ஸே ‘‘ஹேதூ ஹேதுஸம்பயுத்தகானம் த⁴ம்மானம் தம்ஸமுட்டா²னானஞ்ச ரூபானம் ஹேதுபச்சயேன பச்சயோ’’தி வுத்தம், தத்த² ‘‘சித்தஸமுட்டா²னான’’ந்தி அவத்வா ‘‘தம்ஸமுட்டா²னான’’ந்தி இத³ம் அசித்தஸமுட்டா²னானம்பி ஸங்க³ண்ஹனத்த²ம். பஞ்ஹாவாரஸ்மிம் ஹி ‘‘படிஸந்தி⁴க்க²ணே விபாகாப்³யாகதா ஹேதூ ஸம்பயுத்தகானம் க²ந்தா⁴னம் கடத்தா ச ரூபானம் ஹேதுபச்சயேன பச்சயோ’’தி ஆக³தம், கஸ்மா பனாயம் ஹேது படிஸந்தி⁴யமேவ கடத்தாரூபானம் ஹேதுபச்சயேன பச்சயோ ஹோதி, ந பவத்தேதி? படிஸந்தி⁴யம் கம்மஜரூபானம் சித்தபடிப³த்³த⁴வுத்திதாய, ப⁴வபட²மனிபாததோ சித்தஜாதி. இதரரூபஸந்ததிஉப்பத்த²ம்பா⁴பா⁴வேன ஏவ து³ப்³ப³லவத்து²ம் சித்தமேவ நிஸ்ஸாய உப்பஜ்ஜதி சேவ திட்ட²தி ச. தம் சித்தம்பி ஹி படிஸந்தி⁴க்க²ணே கம்மவேக³க்கி²த்ததாய சேவ அபுரேஜாதவத்து²கதாய ச அப்பதிட்டி²தம், பபாதே பதிதமத்தகோ புரிஸோ ந கிஞ்சி ஸிப்பம் காதும் விய சித்தஜரூபம் ஜனேதும் ந ஸக்கோதி, தமேவ கடத்தாரூபம் நிஸ்ஸாய பதிட்டா²தி. படிஸந்தி⁴சித்தானி ஹி ரூபம் ந ஜனேந்தி, கம்மஜரூபமேவ பன தேஸம் சித்தஸமுட்டா²னரூபட்டா²னே திட்ட²தி, பவத்தியம் பன படிலத்³து⁴பத்த²ம்ப⁴தாய தம் ரூபம் வினாபி கம்மபடிப³த்³தா⁴வ பவத்தி, ஹேதுபச்சயஸ்ஸ பனேத்த² குஸலாதி³பே⁴த³தோ, பூ⁴மிபே⁴த³தோ ச விபா⁴கோ³ ஹேட்டா² வுத்தனயேனேவ வேதி³தப்³போ³தி அயம் ஹேதுபச்சயே நயோ.

ததோ பரேஸு ஆரம்மணபா⁴வேன உபகாரகோ த⁴ம்மோ ஆரம்மணபச்சயோ, ஸோ நித்³தே³ஸே ‘‘ரூபாயதனம் சக்கு²விஞ்ஞாணதா⁴துயா…பே… போ²ட்ட²ப்³பா³யதனம் காயவிஞ்ஞாணதா⁴துயா தம்ஸம்பயுத்தகானஞ்ச த⁴ம்மானம்…பே… ரூபாயதனம் ஸத்³த³க³ந்த⁴ரஸபோ²ட்ட²ப்³பா³யதனம் மனோதா⁴துயா…பே… ஸப்³பே³ த⁴ம்மா மனோவிஞ்ஞாணதா⁴துயா…பே… யம் யம் த⁴ம்மம் ஆரப்³ப⁴ யே யே த⁴ம்மா உப்பஜ்ஜந்தி சித்தசேதஸிகா த⁴ம்மா, தே தே த⁴ம்மா தேஸம் தேஸம் த⁴ம்மானம் ஆரம்மணபச்சயேன பச்சயோ’’தி ஏவம் நித்³தி³ட்ட²த்தா ந கோசி த⁴ம்மோ ந ஹோதி. யதா² ஹி து³ப்³ப³லபுரிஸோ த³ண்ட³ம் வா ரஜ்ஜும் வா ஆலம்பி³த்வா உட்ட²ஹதி சேவ திட்ட²தி ச, ஏவம் சித்தசேதஸிகா த⁴ம்மா ரூபாதீ³ஸு ச²ஸு யம் கிஞ்சி ஆலம்பி³த்வா உப்பஜ்ஜந்தி சேவ திட்ட²ந்தி ச, தஸ்மா லோகியலோகுத்தராதி³பே⁴தா³ ஸப்³பே³பி த⁴ம்மா யதா²யோக³ம் சித்தசேதஸிகானம் ஆரம்மணபச்சயோதி வேதி³தப்³போ³தி அயம் ஆரம்மணபச்சயே நயோ.

ஜேட்ட²கட்டே²ன உபகாரகோ த⁴ம்மோ அதி⁴பதிபச்சயோ, ஸோ நித்³தே³ஸே ‘‘ச²ந்தா³தி⁴பதி ச²ந்த³ஸம்பயுத்தகானம் த⁴ம்மானம் தம்ஸமுட்டா²னானஞ்ச ரூபானம்…பே… வீரியசித்தவீமம்ஸாதி⁴பதி…பே… அதி⁴பதிபச்சயேன பச்சயோ, யம் யம் த⁴ம்மம் க³ரும் கத்வா யே யே த⁴ம்மா உப்பஜ்ஜந்தி சித்தசேதஸிகா த⁴ம்மா, தே தே த⁴ம்மா தேஸம் தேஸம் த⁴ம்மானம் அதி⁴பதிபச்சயேன பச்சயோ’’தி ஏவம் த்³விதா⁴ நித்³தி³ட்டோ². தத்த² ச²ந்தா³த³யோ ஸஹஜாதாதி⁴பதிபா⁴வேன வுத்தா, க³ருகாதப்³ப³ம் ஆரம்மணாதி⁴பதிபா⁴வேன. தத்த² ச லோகியகுஸலபூ⁴தோ ஆரம்மணாதி⁴பதி லோகியகுஸலானஞ்சேவ லோப⁴ஸஹக³தசித்தானஞ்ச ஆரம்மணாதி⁴பதி ஹோதி, நாஞ்ஞஸ்ஸ, அகுஸலபூ⁴தோ பன லோப⁴ஸஹக³தசித்துப்பாதோ³தி வுச்சதி இதரேஸு க³ருகாதப்³ப³தாய அபா⁴வதோ, ஸோ த்³விஹேதுகாஹேதுகாதி³லோகியவிபாகரூபக்க²ந்த⁴பூ⁴தோ ச லோப⁴ஸஹக³தஸ்ஸேவ, நாஞ்ஞஸ்ஸ, ததா² கிரியபூ⁴தோபீதி அட்ட²கதா²யம் ஆக³தம், தம் ஞாணஸம்பயுத்தகிரியானம் ஸப்³ப³ஞ்ஞுதஞ்ஞாணாபி⁴ஞ்ஞாதி³புப்³ப³வஸப்பவத்தானம் காமாவசரகுஸலேஹி க³ருகாதப்³ப³பா⁴வஸ்ஸாவிரோத⁴பா⁴வஸ்ஸ த³ஸ்ஸனதோ வீமம்ஸிதப்³ப³ம். லோகுத்தரகுஸலானி பன காமாவசரஞாணஸம்பயுத்தஜவனானமேவ ஆரம்மணாதி⁴பதிபச்சயா ஹோந்தி, நிப்³பா³னம் பன தேஸஞ்ஞேவ லோகுத்தரகுஸலவிபாகானஞ்சாதி வேதி³தப்³ப³ந்தி அயம் அதி⁴பதிபச்சயே நயோ.

அனந்தரபா⁴வேன உபகாரகோ த⁴ம்மோ அனந்தரபச்சயோ, ஸோவ ஸமனந்தரபச்சயோ, ப்³யஞ்ஜனமத்தமேவ நானம் ‘‘உபசயஸந்ததீ’’திஆதீ³ஸு விய. யம்பி ‘‘அத்தா²னந்தரதாய அனந்தரபச்சயோ, காலானந்தரதாய ஸமனந்தரபச்சயோ’’தி ஆசரியானம் மதம், தம் ‘‘நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனகுஸலம் ப²லஸமாபத்தியா ஸமனந்தரபச்சயேன பச்சயோ’’திஆதீ³ஹி விருஜ்ஜ²தி, தம்னித்³தே³ஸே ‘‘சக்கு²விஞ்ஞாணதா⁴து தம்ஸம்பயுத்தகா ச த⁴ம்மா மனோதா⁴துயா…பே… காயவிஞ்ஞாணதா⁴து…பே… மனோதா⁴து…பே… மனோவிஞ்ஞாணதா⁴துயா…பே… புரிமா புரிமா குஸலா த⁴ம்மா பச்சி²மானம் பச்சி²மானம் குஸலானம் த⁴ம்மானம்…பே… அப்³யாகதானம் த⁴ம்மானம்…பே… புரிமா புரிமா அகுஸலா த⁴ம்மா பச்சி²மானம் பச்சி²மானம் அகுஸலானம்…பே… அப்³யாகதானம்…பே… யேஸம் யேஸம் த⁴ம்மானம் அனந்தரா யே யே த⁴ம்மா உப்பஜ்ஜந்தி சித்தசேதஸிகா த⁴ம்மா, தே தே த⁴ம்மா தேஸம் தேஸம் த⁴ம்மானம் அனந்தரபச்சயேன பச்சயோ’’தி இமினா அனந்தரபச்சயனித்³தே³ஸஸமகோ ஏவ ஸமனந்தரபச்சயோ நித்³தி³ட்டோ² அஞ்ஞத்ர நாமனானாத்தாதி அயம் அனந்தரஸமனந்தரபச்சயத்³வயே நயோ.

உப்பஜ்ஜமானோவ ஸஹ உப்பஜ்ஜமானபா⁴வேன உபகாரகோ த⁴ம்மோ ஸஹஜாதபச்சயோ, ஸோ நித்³தே³ஸே ‘‘சத்தாரோ க²ந்தா⁴ அரூபினோ அஞ்ஞமஞ்ஞம் ஸஹஜாதபச்சயேன பச்சயோ, சத்தாரோ மஹாபூ⁴தா அஞ்ஞமஞ்ஞம்…பே… ஓக்கந்திக்க²ணே நாமரூபம் அஞ்ஞமஞ்ஞம்…பே… சித்தசேதஸிகா த⁴ம்மா சித்தஸமுட்டா²னானம் ரூபானம்…பே… மஹாபூ⁴தா உபாதா³ரூபானம்…பே… ரூபினோ த⁴ம்மா அரூபீனம் த⁴ம்மானம் கிஞ்சிகாலே ஸஹஜாதபச்சயேன பச்சயோ, கிஞ்சிகாலே நஸஹஜாதபச்சயேன பச்சயோ’’தி ஏவம் ச²ப்³பி³தோ⁴ நித்³தி³ட்டோ². தத்த² அஞ்ஞமஞ்ஞந்தி இமினா தேஸம் த⁴ம்மானம் ஏகக்க²ணே பச்சயபா⁴வஞ்சேவ பச்சயுப்பன்னபா⁴வஞ்ச தீ³பேதி, படிஸந்தி⁴க்க²ணே வத்து²ரூபம் ரூபம் நாம. சித்தசேதஸிகாதி பவத்தியம் சத்தாரோ க²ந்தா⁴, படிஸந்தி⁴யம்பீதி கேசி தத்த² கடத்தாரூபானம்பி சித்தஸமுட்டா²னே பவிட்ட²த்தா. தேஸம் ஹி படிஸந்தி⁴சித்தசேதஸிகா ஸஹஜாதபச்சயா ஹோந்தியேவ, தானி பன வத்து²விரஹிதானி ரூபானி பவத்தியம் சித்தஸமுட்டா²னானம் விய சித்தசேதஸிகானம் பச்சயத்த²ம் ந ப²ரந்தி, தஸ்மா ‘‘அஞ்ஞமஞ்ஞ’’ந்தி ந வுத்தம், ததா² பூ⁴தானம் உபாதா³ரூபம். ஏவம் ஹி அக³ய்ஹமானே படிஸந்தி⁴யம் கடத்தாரூபானம் ஸஹஜாதா நாம நிஸ்ஸயதா ந வுத்தாதி ஸஹஜாதபச்சயனித்³தே³ஸோ அபரிபுண்ணோ ஏவ ஸியா. கிஞ்சிகாலேதி இத³ம்பி ஓக்கந்திக்க²ணே ஹத³யவத்து²மேவ ஸந்தா⁴ய வுத்தத்தா ததியகோட்டா²ஸமேவ ப⁴ஜதீதி அத்த²தோ அயம் பச்சயோ பஞ்சவிதோ⁴தி அயம் ஸஹஜாதபச்சயே நயோ.

அஞ்ஞமஞ்ஞம் உப்பாத³னுபத்த²ம்ப⁴னபா⁴வேன உபகாரகோ த⁴ம்மோ அஞ்ஞமஞ்ஞபச்சயோ தித³ண்ட³கம் விய. ஸோ நித்³தே³ஸே ‘‘சத்தாரோ க²ந்தா⁴ அரூபினோ அஞ்ஞமஞ்ஞபச்சயேன பச்சயோ, சத்தாரோ மஹாபூ⁴தா…பே… ஓக்கந்திக்க²ணே நாமரூபம் அஞ்ஞமஞ்ஞபச்சயேன பச்சயோ’’தி ஏவம் திதா⁴ நித்³தி³ட்டோ²தி அயம் அஞ்ஞமஞ்ஞபச்சயே நயோ.

அதி⁴ட்டா²னாகாரேன, நிஸ்ஸயாகாரேன ச உபகாரகோ த⁴ம்மோ நிஸ்ஸயபச்சயோ தருசித்தகம்மாதீ³னம் பத²வீபடாத³யோ விய, ஸோ நித்³தே³ஸே ஸஹஜாதபச்சயே விய ச²தா⁴வ நித்³தி³ட்டோ². ச²ட்டோ² பனேத்த² கோட்டா²ஸோ ‘‘சக்கா²யதனம் சக்கு²விஞ்ஞாணதா⁴துயா, ஸோதகா⁴னஜிவ்ஹாகாயாயதனம் காயவிஞ்ஞாணதா⁴துயா…பே… யம் ரூபம் நிஸ்ஸாய மனோதா⁴து ச மனோவிஞ்ஞாணதா⁴து ச வத்தந்தி, தம் ரூபம் மனோதா⁴துயா ச மனோவிஞ்ஞாணதா⁴துயா ச தம்ஸம்பயுத்தகானஞ்ச த⁴ம்மானம் நிஸ்ஸயபச்சயேன பச்சயோ’’தி ஏவம் புரேஜாதனிஸ்ஸயத³ஸ்ஸனவஸேன விப⁴த்தோ, ஸேஸம் தாதி³ஸமேவ. தத்த² ரூபந்தி ஹத³யவத்து².

உபனிஸ்ஸயபச்சயோதி ஏத்த² பனாயம் வசனத்தோ² – தத³தீ⁴னவுத்திதாய அத்தனோ ப²லேன நிஸ்ஸிதோ, நப்படிக்கி²த்தோதி நிஸ்ஸயோ, யதா² பன பு⁴ஸோ ஆயாஸோ உபாயாஸோ, ஏவம் பு⁴ஸோ நிஸ்ஸயோ உபனிஸ்ஸயோ, ப³லவகாரணஸ்ஸேதம் அதி⁴வசனம், தஸ்மா ப³லவகாரணபா⁴வேன உபகாரகோ த⁴ம்மோ உபனிஸ்ஸயபச்சயோதி வேதி³தப்³போ³. ஸோ ஆரம்மணூபனிஸ்ஸயோ அனந்தரூபனிஸ்ஸயோ பகதூபனிஸ்ஸயோதி திவிதோ⁴ ஹோதி. தத்த² ஆரம்மணூபனிஸ்ஸயோ தாவ ஆரம்மணாதி⁴பதினா ஸத்³தி⁴ம் நானத்தம் அகத்வா விப⁴த்தோ. தத்த² யம் ஆரம்மணம் க³ரும் கத்வா சித்தசேதஸிகா உப்பஜ்ஜந்தி, தம் நியமதோ தேஸம் ஆரம்மணேஸு ப³லவாரம்மணம் ஹோதி, இதி க³ருகாதப்³ப³மத்தட்டே²ன ஆரம்மணாதி⁴பதி, ப³லவகாரணட்டே²ன ஆரம்மணூபனிஸ்ஸயோதி ஏவமேதேஸம் நானத்தம் வேதி³தப்³ப³ம்.

அனந்தரூபனிஸ்ஸயோபி அனந்தரபச்சயேன நானத்தம் அகத்வாவ விப⁴த்தோ, ஏவம் ஸந்தேபி அத்தனோ அத்தனோ அனந்தரம் அனுரூபஸ்ஸ சித்துப்பாத³ஸ்ஸ பவத்தனஸமத்த²தாய அனந்தரதா, புரிமசித்தஸ்ஸ பச்சி²மசித்துப்பாத³னே ப³லவதாய அனந்தரூபனிஸ்ஸயதா ச வேதி³தப்³பா³. யதா² ஹி ஹேதுபச்சயாதீ³ஸு கஞ்சி த⁴ம்மம் வினாபி சித்தம் உப்பஜ்ஜதி, ந ஏவம் அனந்தரசித்தம் வினா சித்தஸ்ஸ உப்பத்தி நாம அத்தி², தஸ்மா ப³லவபச்சயோ ஹோதி, இதி ப³லவகாரணட்டே²ன அனந்தரோவ அனந்தரூபனிஸ்ஸயோதி ஏவமேதேஸம் நானத்தம் வேதி³தப்³ப³ம்.

பகதோ உபனிஸ்ஸயோ பகதூபனிஸ்ஸயோ, பகதோ நாம அத்தனோ ஸந்தானே உப்பாதி³தோ வா ஸத்³தா⁴ஸீலாதி³உபஸேவிதோ வா உதுபோ⁴ஜனாதி³பகதியாயேவ வா உபனிஸ்ஸயோ பகதூபனிஸ்ஸயோ, இதி பரூபனிஸ்ஸயேன அமிஸ்ஸோதி அத்தோ². ஸோ ச பகதூபனிஸ்ஸயோ ‘‘ஸத்³த⁴ம் உபனிஸ்ஸாய தா³னம் தே³தி, ஸீலம் ஸமாதி³யதி, உபோஸத²கம்மம் கரோதி, ஜா²னம் உப்பாதே³தி; விபஸ்ஸனம், மக்³க³ம், அபி⁴ஞ்ஞம், ஸமாபத்திம் உப்பாதே³தி; ஸீலம், ஸுதம், சாக³ம், பஞ்ஞம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தீ’’திஆதி³னா இமேஸம் ஸத்³தா⁴தீ³னம் வஸேன ப³ஹுதா⁴ விப⁴த்தோ, ஏவம் உபனிஸ்ஸயபச்சயோ திவிதோ⁴. நித்³தே³ஸே பனாயம் ‘‘புரிமா புரிமா குஸலா த⁴ம்மா பச்சி²மானம் பச்சி²மானம் குஸலானம் த⁴ம்மானம் …பே… அகுஸலானம் கேஸஞ்சி…பே… அப்³யாகதானம் த⁴ம்மானம்…பே… புரிமா புரிமா அகுஸலா த⁴ம்மா பச்சி²மானம் பச்சி²மானம் அகுஸலானம்…பே… குஸலானம் கேஸஞ்சி…பே… அப்³யாகதானம் த⁴ம்மானம்…பே… புரிமா புரிமா அப்³யாகதா த⁴ம்மா…பே… அப்³யாகதானம், குஸலானம், அகுஸலானம் உபனிஸ்ஸயபச்சயேன பச்சயோ, புக்³க³லோபி உபனிஸ்ஸயபச்சயேன பச்சயோ, ஸேனாஸனம்பீ’’தி ஏவம் நித்³தி³ட்டோ². தத்த² புரிமாதி அனந்தரூபனிஸ்ஸயே ஸமனந்தராதீதாவ லப்³ப⁴ந்தி.

ஆரம்மணூபனிஸ்ஸயபகதூபனிஸ்ஸயேஸு பன நானாவிதி⁴வஸேன புரிமதராவாதி தயோபி ராஸீ குஸலேன குஸலபதே³ லப்³ப⁴ந்தி. குஸலேன பனாகுஸலே ஸமனந்தராதீதா ந லப்³ப⁴ந்தி, தேனாஹ ‘‘கேஸஞ்சீ’’தி. இத³ம் ஹி ‘‘குஸலோ த⁴ம்மோ அகுஸலஸ்ஸ த⁴ம்மஸ்ஸ ஆரம்மணூபனிஸ்ஸயோ பகதூபனிஸ்ஸயோ, ஆரம்மணூபனிஸ்ஸயோ பன தா³னம் த³த்வா…பே… தம் க³ரும் கத்வா ராகோ³ உப்பஜ்ஜதி…பே… பகதூபனிஸ்ஸயோ ஸத்³த⁴ம் உபனிஸ்ஸாய மானம் ஜப்பேதீ’’திஆதி³னா பஞ்ஹாவாரே ஆக³தம் இமம் நயம் ஸந்தா⁴ய வுத்தம்.

அகுஸலேன குஸலபதே³ ஹி ஸமனந்தராதீதா ந லப்³ப⁴ந்தி, தேனாஹ ‘‘கேஸஞ்சீ’’தி. இத³ம் பன ‘‘அகுஸலோ த⁴ம்மோ குஸலஸ்ஸ த⁴ம்மஸ்ஸ பகதூபனிஸ்ஸயோ. ராக³ம் உபனிஸ்ஸாய தா³னம் தே³தி…பே… பாணம் ஹந்த்வா தஸ்ஸ படிகா⁴தத்தா²ய தா³னம் தே³தீ’’திஆதி³னா நயேன பஞ்ஹாவாரே ஆக³தம் பகதூபனிஸ்ஸயமேவ ஸந்தா⁴ய வுத்தம். யதா² ஹி அகுஸலம் குஸலஸ்ஸ அனந்தரூபனிஸ்ஸயோ ந ஹோதி, ததா² ஆரம்மணூபனிஸ்ஸயோபி ந ஹோதி. ந ஹி தம் க³ரும் கத்வா குஸலம் பவத்ததி.

அகுஸலேன அப்³யாகதபதே³ பன ஆரம்மணூபனிஸ்ஸயோவ ந லப்³ப⁴தி. ந ஹி தம் அப்³யாகதா க³ரும் கரோந்தி, அனந்தரா பனஸ்ஸ ஹோந்தி. தேனேவேத்த² ‘‘கேஸஞ்சீ’’தி ந வுத்தம். ஸேஸபதே³ஸு தயோபி உபனிஸ்ஸயா லப்³ப⁴ந்தேவ. ‘‘புக்³க³லோபி, ஸேனாஸனம்பீ’’தி இத³ம்பி த்³வயம் பகதூபனிஸ்ஸயவஸேனேவேத்த² வுத்தம், உதுபோ⁴ஜனாத³யோ சேத்த² ஸங்க³ஹேதப்³பா³. இமஸ்மிஞ்ச பச்சயே ஏகச்சாய பஞ்ஞத்தியா ஸத்³தி⁴ம் ஸப்³பே³பி சதுபூ⁴மகா த⁴ம்மா ஸங்க³ஹிதாதி வேதி³தப்³பா³தி அயம் உபனிஸ்ஸயபச்சயே நயோ.

பட²மதரம் உப்பஜ்ஜித்வா வத்தமானபா⁴வேன உபகாரகா ரூபத⁴ம்மா புரேஜாதபச்சயோ, ஸோ பஸாத³தப்³பி³ஸயஹத³யவத்து²வஸேன ஏகாத³ஸவிதோ⁴. நித்³தே³ஸே ச ‘‘சக்கா²யதனம் சக்கு²விஞ்ஞாணதா⁴துயா தம்ஸம்பயுத்தகானஞ்ச த⁴ம்மானம் புரேஜாதபச்சயேன பச்சயோ…பே… காயாயதனம் காயவிஞ்ஞாணதா⁴துயா …பே… ரூபாயதனம் சக்கு²விஞ்ஞாணதா⁴துயா…பே… போ²ட்ட²ப்³பா³யதனம் காயவிஞ்ஞாணதா⁴துயா…பே… ரூபாயதனம் ஸத்³த³க³ந்த⁴ரஸபோ²ட்ட²ப்³பா³யதனம் மனோதா⁴துயா…பே… யம் ரூபம் நிஸ்ஸாய…பே… தம் ரூபம் மனோதா⁴துயா ச மனோவிஞ்ஞாணதா⁴துயா ச கிஞ்சிகாலே புரேஜாதபச்சயேன பச்சயோ, கிஞ்சிகாலே ந புரேஜாதபச்சயேன பச்சயோ’’தி ஏவம் ஸப்³ப³தா²பி பஞ்சத்³வாரே வத்தா²ரம்மணவஸேன, மனோத்³வாரே வத்து²வஸேனேவ சாயம் நித்³தி³ட்டோ². பஞ்ஹாவாரே பன ஆரம்மணபுரேஜாதம் ‘‘அரஹா சக்கு²ம் அனிச்சதோ து³க்க²தோ அனத்ததோ விபஸ்ஸதீ’’தி ஆக³தத்தா மனோத்³வாரேபி அட்டா²ரஸன்னம் ரூபானம் வஸேன ஆரம்மணபுரேஜாதம்பி லப்³ப⁴தேவாதி அயம் புரேஜாதபச்சயே நயோ.

புரேஜாதானம் ரூபத⁴ம்மானம் உபத்த²ம்ப⁴கட்டே²ன உபகாரகோ அரூபத⁴ம்மோ பச்சா²ஜாதபச்சயோ கி³ஜ்ஜ²போதகஸரீரானம் ஆஹாராஸா சேதனா விய. நித்³தே³ஸேபி சஸ்ஸ ‘‘பச்சா²ஜாதா சித்தசேதஸிகா த⁴ம்மா புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ’’தி ஏவம் வுத்தம். தத்த² இமஸ்ஸ காயஸ்ஸாதி சதுஸமுட்டா²னிகதிஸமுட்டா²னிகபூ⁴துபாதா³யரூபகாயஸ்ஸ. த⁴ம்மதோ சாயம் ட²பேத்வா படிஸந்தி⁴விபாகே ஆருப்பவிபாகே அவஸேஸா ஸப்³பே³ சதுபூ⁴மகா அரூபத⁴ம்மாதி வேதி³தப்³பா³தி அயம் பச்சா²ஜாதபச்சயே நயோ.

ஆஸேவனட்டே²ன அனந்தரானம் பகு³ணப³லவபா⁴வேன உபகாரகோ த⁴ம்மோ ஆஸேவனபச்சயோ க³ந்தா²தி³புரிமாபி⁴யோகோ³ விய. ஸோ குஸலாகுஸலகிரியஜவனவஸேன திவிதோ⁴. நித்³தே³ஸே பனஸ்ஸ ‘‘புரிமா புரிமா குஸலா த⁴ம்மா பச்சி²மானம் பச்சி²மானம் குஸலானம் த⁴ம்மானம்…பே… அகுஸலானம் த⁴ம்மானம்…பே… கிரியாப்³யாகதானம் த⁴ம்மானம் ஆஸேவனபச்சயேன பச்சயோ’’தி நித்³தி³ட்டோ². தத்த² புரிமா புரிமாதி ஸப்³ப³த்த² ஸமனந்தராதீதாவ த³ட்ட²ப்³பா³, தத்தா²பி குஸலாத³யோ அப்³யாகதாதீ³னம் பி⁴ன்னஜாதிகானம் ஸமனந்தரானம்பி வாஸனாஸங்கா²தேன ஆஸேவனேன பகு³ணதரப³லவபா⁴வவிஸிட்ட²ம் அத்தனோ குஸலாதி³பா⁴வஸங்கா²தக³திம் கா³ஹாபேதும் அஸமத்த²தாய ஆஸேவனபச்சயா ந ஹோந்தி, பூ⁴மிதோ, பன ஆரம்மணதோ ச பி⁴ன்னாபி காமாவசரதிஹேதுககுஸலகிரியா அத்தனா ஸதி³ஸவேத³னானமேவ மஹக்³க³தலோகுத்தரகுஸலகிரியானம்பி, ஸங்கா²ராரம்மணஞ்ச அனுலோமகுஸலம் நிப்³பா³னாரம்மணஸ்ஸ கோ³த்ரபு⁴குஸலஸ்ஸ ஆஸேவனபச்சயா ஹோந்தியேவ. லோகுத்தரோ பன ஆஸேவனபச்சயோ நத்தி², ததா² விபாகோ கம்மபரிணாமிதத்தாதி அயம் ஆஸேவனபச்சயே நயோ.

சித்தப்பயோக³ஸங்கா²தேன கிரியபா⁴வேன உபகாரகோ த⁴ம்மோ கம்மபச்சயோ. ஸோ நானக்க²ணிகாய குஸலாகுஸலசேதனாய சேவ ஸஹஜாதாய ச ஸப்³பா³யபி சேதனாய வஸேன து³விதோ⁴ ஹோதி. நித்³தே³ஸேபி சஸ்ஸ ‘‘குஸலாகுஸலம் கம்மம் விபாகானம் க²ந்தா⁴னம் கடத்தா ச ரூபானம்…பே… சேதனா ஸம்பயுத்தகானம் த⁴ம்மானம் தம்ஸமுட்டா²னானஞ்ச ரூபானம் கம்மபச்சயேன பச்சயோ’’தி த்³விதா⁴வ வுத்தோ. தத்த² கம்மந்தி சேதனாகம்மமேவ. கடத்தா ச ரூபானந்தி கம்மஸ்ஸ கடத்தா உபசிதத்தா நிப்பா²தி³தத்தா உப்பன்னானம் கம்மஜானம் ரூபானம் கடத்தா ஏவ, கம்மம்பி காலந்தரேயேவ அவஸேஸபச்சயஸமாயோகே³ ஸதி அத்தனோ ப²லம் உப்பாதே³தி, ந து வினட்ட²த்தா டி²தத்தா தம் வா டி²தம் பன கம்மம் ந ஜனேதி. ஏவம் தம்ஸமுட்டா²னந்தி இமினா படிஸந்தி⁴யம் கடத்தாரூபக்³க³ஹணம் த³ட்ட²ப்³ப³ந்தி அயம் கம்மபச்சயே நயோ.

நிருஸ்ஸாஹஸந்தபா⁴வேன நிருஸ்ஸாஹஸந்தபா⁴வாய உபகாரகோ விபாகத⁴ம்மோ விபாகபச்சயோ. ஸோ பவத்தே சித்தஸமுட்டா²னானம், படிஸந்தி⁴க்க²ணே கடத்தாரூபானம், ஸப்³ப³த்த² ச ஸம்பயுத்தத⁴ம்மானம் பச்சயோ ஹோதி. யதா²ஹ ஸப்³ப³பஞ்ஹாவாரே – ‘‘விபாகாப்³யாகதோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் படிஸந்தி⁴க்க²ணே…பே… கடத்தா ச ரூபானம் விபாகபச்சயேன பச்சயோ’’திஆதி³. நித்³தே³ஸே பனஸ்ஸ ‘‘விபாகா சத்தாரோ க²ந்தா⁴ அரூபினோ அஞ்ஞமஞ்ஞம் விபாகபச்சயேன பச்சயோ’’தி ஏத்தகமேவ வுத்தம். தம் பஞ்ஹாவாரே வுத்தவிதா⁴னம் ஸந்தா⁴ய ஸாவஸேஸம் வுத்தந்தி அயம் விபாகபச்சயே நயோ.

ரூபாரூபானம் உபத்த²ம்ப⁴கட்டே²ன உபகாரகா சத்தாரோ ஆஹாரா ஆஹாரபச்சயோ. நித்³தே³ஸே பன ‘‘கப³ளீகாரோ ஆஹாரோ இமஸ்ஸ காயஸ்ஸ…பே… அரூபினோ ஆஹாரா ஸம்பயுத்தகானம் த⁴ம்மானம் தம்ஸமுட்டா²னானஞ்ச ரூபானம் ஆஹாரபச்சயேன பச்சயோ’’தி ஏவம் நித்³தி³ட்டோ². தத்த² சதுஸமுட்டா²னமுபக³தா ஓஜா கப³ளீகாரோ ஆஹாரோ நாம. ஸோ யஸ்மா ஆஹாரூபஸேவீனஞ்ஞேவ அஜ்ஜோ²ஹடாஹாரஉதுஜாஹாரூபத்த²த்³தோ⁴ ஏவ ச கம்மஜாதி³ஆஹாரோ இமஸ்ஸ காயஸ்ஸ டி²தியா பவத்ததி, ந அஞ்ஞதா², தஸ்மா கப³ளீகாதப்³ப³உதுஜவத்து²ஸன்னிஸ்ஸிததாத³ஸ்ஸனத்த²ம் கப³ளீகாரோ ஆஹாரோதி வுத்தோ. கிஞ்சாபி சாயம் ‘‘இமஸ்ஸ காயஸ்ஸா’’தி அவிஸேஸேன வுத்தோ, விஸேஸதோ பன ஆஹாரஜரூபஸ்ஸ ஜனகோ சேவ அனுபாலகோ ச ஹுத்வா ஸேஸதிஸந்ததிஸமுட்டா²னரூபஸ்ஸ அனுபாலகோ ஏவ ஹுத்வா ஆஹாரபச்சயோ ஹோதி. தம்ஸமுட்டா²னானந்தி இமினா படிஸந்தி⁴யம் கம்மஸமுட்டா²னானி க³ஹிதானேவ. பஞ்ஹாவாரே ஹி ‘‘படிஸந்தி⁴க்க²ணே விபாகாப்³யாகதா ஆஹாரா ஸம்பயுத்தகானம் க²ந்தா⁴னம் கடத்தா ச ரூபானம் ஆஹாரபச்சயேன பச்சயோ’’தி வுத்தந்தி அயம் ஆஹாரபச்சயே நயோ.

அதி⁴பதியட்டே²ன உபகாரகா இத்தி²ந்த்³ரியபுரிஸிந்த்³ரியவஜ்ஜா வீஸதி இந்த்³ரியா இந்த்³ரியபச்சயோ. இத்தி²ந்த்³ரியபுரிஸிந்த்³ரியானி ஹி கிஞ்சாபி இத்தி²புரிஸலிங்கா³கப்பாதீ³னம் பீ³ஜபூ⁴தானி, நேவ பன தேஸம், ந அஞ்ஞேஸம் இந்த்³ரியாதி³பச்சயதம் ப²ரந்தி. ஸுத்தந்திகபரியாயேன பன தேஸம் பகதூபனிஸ்ஸயபா⁴வம் ப²ரந்தீதி பா³வீஸதேவ இந்த்³ரியானி. தத்த² சக்கு²ந்த்³ரியாத³யோ பஞ்ச அரூபத⁴ம்மானமேவ இந்த்³ரியபச்சயோ, ரூபஜீவிதிந்த்³ரியம் கடத்தாரூபானமேவ, ஸேஸா ரூபாரூபானம். நித்³தே³ஸே ‘‘சக்கு²ந்த்³ரியம் சக்கு²விஞ்ஞாணதா⁴துயா தம்ஸம்பயுத்தகானஞ்ச த⁴ம்மானம்…பே… காயவிஞ்ஞாணதா⁴துயா…பே… ரூபஜீவிதிந்த்³ரியம் கடத்தாரூபானம், அரூபினோ இந்த்³ரியா ஸம்பயுத்தகானம் த⁴ம்மானம் தம்ஸமுட்டா²னானஞ்ச ரூபானம் இந்த்³ரியபச்சயேன பச்சயோ’’தி ஏவம் நித்³தி³ட்டோ². தம்ஸமுட்டா²னானந்தி ஏத்தா²பி கடத்தாரூபம்பி ஸங்க³ஹிதம். பஞ்ஹாவாரே ஹி ‘‘படிஸந்தி⁴க்க²ணே விபாகாப்³யாகதா இந்த்³ரியா ஸம்பயுத்தகானம் க²ந்தா⁴னம் கடத்தா ச ரூபான’’ந்தி வுத்தந்தி அயம் இந்த்³ரியபச்சயே நயோ.

உபனிஜ்ஜா²யனட்டே²ன உபகாரகானி ட²பேத்வா த்³விபஞ்சவிஞ்ஞாணேஸு வேத³னாத்தயம், ஏகக்³க³தஞ்ச ஸேஸானி குஸலாதி³பே⁴தா³னி ஸத்த ஜா²னங்கா³னி ஜா²னபச்சயோ. த்³விபஞ்சவிஞ்ஞாணானம் ஹி அபி⁴னிபாதமத்தத்தா தேஸு வேத³னேகக்³க³தா உபனிஜ்ஜா²யனாகாரஸ்ஸ அபா⁴வேன ஜா²னங்கே³ஸு ந உத்³த⁴டா, நித்³தே³ஸே பனஸ்ஸ ‘‘ஜா²னங்கா³னி ஜா²னஸம்பயுத்தகானம் த⁴ம்மானம் தம்ஸமுட்டா²னானஞ்ச ரூபானம் ஜா²னபச்சயேன பச்சயோ’’தி நித்³தி³ட்டோ². இதா⁴பி தம்ஸமுட்டா²னானந்தி இமினா ச கடத்தாரூபம்பி க³ஹிதம். பஞ்ஹாவாரேஹி ‘‘படிஸந்தி⁴க்க²ணே விபாகாப்³யாகதானி ஜா²னங்கா³னி ஸம்பயுத்தகானம் க²ந்தா⁴னம் கடத்தா ச ரூபான’’ந்தி வுத்தந்தி அயம் ஜா²னபச்சயே நயோ.

யதோ ததோ வா நிய்யானட்டே²ன உபகாரகானி குஸலாதி³பே⁴தா³னி த்³வாத³ஸ மக்³க³ங்கா³னி மக்³க³பச்சயோ. நித்³தே³ஸே பன ‘‘மக்³க³ங்கா³னி மக்³க³ஸம்பயுத்தகானம் த⁴ம்மானம் தம்ஸமுட்டா²னானஞ்ச ரூபானம் மக்³க³பச்சயேன பச்சயோ’’தி நித்³தி³ட்டோ². ஏத்தா²பி தம்ஸமுட்டா²னானந்தி இமினா கடத்தாரூபக்³க³ஹணம். பஞ்ஹாவாரே ஹி ‘‘படிஸந்தி⁴க்க²ணே விபாகாப்³யாகதானி மக்³க³ங்கா³னி ஸம்பயுத்தகானம் க²ந்தா⁴னம் கடத்தா ச ரூபான’’ந்தி வுத்தம், அஹேதுகசித்தேஸு சேத்த² விஜ்ஜமானானி மக்³க³ங்கா³னி மக்³க³பச்சயா ந ஹோந்தி. அயம் மக்³க³பச்சயே நயோ.

ஏகவத்து²கஏகாரம்மணஏகுப்பாத³ஏகனிரோத⁴ஸங்கா²தேன ஸம்பயுத்தபா⁴வேன உபகாரகா அரூபினோ த⁴ம்மா ஸம்பயுத்தபச்சயோ. நித்³தே³ஸே பன ‘‘சத்தாரோ க²ந்தா⁴ அரூபினோ த⁴ம்மா அஞ்ஞமஞ்ஞம் ஸம்பயுத்தபச்சயேன பச்சயோ’’தி நித்³தி³ட்டோ²தி அயம் ஸம்பயுத்தபச்சயே நயோ.

ஏகவத்து²காதி³பா⁴வானுபக³மேன உபகாரகா ரூபினோ த⁴ம்மா அரூபீனம், அரூபினோ த⁴ம்மா ரூபீனம் விப்பயுத்தபச்சயோ, ஸோ ஸஹஜாதபுரேஜாதபச்சா²ஜாதவஸேன திவிதோ⁴ ஹோதி. வுத்தம் ஹேதம் ‘‘ஸஹஜாதா குஸலா க²ந்தா⁴ சித்தஸமுட்டா²னானம் ரூபானம்…பே… பச்சா²ஜாதா குஸலா க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ’’திஆதி³. புரேஜாதம் பன ச²வத்து²வஸேனேவ வேதி³தப்³ப³ம். நித்³தே³ஸே பனஸ்ஸ ‘‘ரூபினோ த⁴ம்மா அரூபீனம்…பே… அரூபினோ த⁴ம்மா ரூபீனம் த⁴ம்மானம் விப்பயுத்தபச்சயேன பச்சயோ’’தி ஏவம் ஸாமஞ்ஞதோ நித்³தி³ட்டோ². தத்த² ரூபினோதி இத³ம் ச²வத்தூ²னம் வஸேன வுத்தம், ரூபாத³யோ பன ஆரம்மணத⁴ம்மா ஸம்பயோகா³ஸங்காயாபா⁴வேன விப்பயுத்தபச்சயா ந வுத்தா. சக்கா²தீ³னம் ஹி வத்தூ²னம் அப்³ப⁴ந்தரதோ அரூபத⁴ம்மா நிக்க²மந்தா விய உப்பஜ்ஜந்தி, தத்த² ஸம்பயோகா³ஸங்கா ஹோதி. பஞ்ஹாவாரேபி ஹி ‘‘வத்து² குஸலானம் க²ந்தா⁴னம்…பே… சக்கா²யதனம் சக்கு²விஞ்ஞாணதா⁴துயா’’திஆதி³னா ச² வத்தூ²னேவ உத்³த⁴டானி, அரூபினோ த⁴ம்மா ரூபீனந்தி ஏத்தா²பி நிப்³பா³னம் அரூபம்பி ஸமானம் ரூபஸ்ஸ விப்பயுத்தபச்சயோ ந ஹோதி ஸப்³ப³தா² ஸம்பயோகா³ஸங்காபா⁴வதோ, ‘‘சதூஹி ஸம்பயோகோ³ சதூஹி விப்பயோகோ³’’தி (தா⁴து. 3) ஹி வுத்தந்தி அயம் விப்பயுத்தபச்சயே நயோ.

பச்சுப்பன்னலக்க²ணேன அத்தி²பா⁴வேன தாதி³ஸஸ்ஸேவ த⁴ம்மஸ்ஸ உபத்த²ம்ப⁴கட்டே²ன உபகாரகோ த⁴ம்மோ அத்தி²பச்சயோ, ஸோ நித்³தே³ஸே ‘‘சத்தாரோ க²ந்தா⁴ அரூபினோ அஞ்ஞமஞ்ஞம்…பே… சத்தாரோ மஹாபூ⁴தா அஞ்ஞமஞ்ஞம், ஓக்கந்திக்க²ணே நாமரூபம் அஞ்ஞமஞ்ஞம், சித்தசேதஸிகா த⁴ம்மா சித்தஸமுட்டா²னானம் ரூபானம், மஹாபூ⁴தா உபாதா³ரூபானம், சக்கா²யதனம் சக்கு²விஞ்ஞாணதா⁴துயா…பே… ரூபாயதனம் சக்கு²விஞ்ஞாணதா⁴துயா தம்ஸம்பயுத்தகானஞ்ச த⁴ம்மானம்…பே… ரூபாயதனம்…பே… போ²ட்ட²ப்³பா³யதனம் மனோதா⁴துயா…பே… மனோதா⁴துயா ச மனோவிஞ்ஞாணதா⁴துயா ச தம்ஸம்பயுத்தகானஞ்ச த⁴ம்மானம் அத்தி²பச்சயேன பச்சயோ’’தி ஏவம் ஸஹஜாதபுரேஜாதவஸேன ச ப³ஹுதா⁴ நித்³தி³ட்டோ², பஞ்ஹாவாரே பன ‘‘ஸஹஜாதம் புரேஜாதம் பச்சா²ஜாதம் ஆஹாரம் இந்த்³ரிய’’ந்தி இமேஸம் பஞ்சன்னம்பி வஸேன ஆக³தத்தா பச்சா²ஜாதகப³ளீகாரஆஹாரரூபஜீவிதிந்த்³ரியானம் வஸேனாபி அத்தி²பச்சயோ க³ஹேதப்³போ³வாதி அயம் அத்தி²பச்சயே நயோ.

அத்தனோ அனந்தரம் உப்பஜ்ஜமானானம் அரூபத⁴ம்மானம் பவத்திஓகாஸதா³னவஸேன உபகாரகா ஸமனந்தரனிருத்³தா⁴ அரூபத⁴ம்மா நத்தி²பச்சயோ, நித்³தே³ஸே பன ‘‘ஸமனந்தரனிருத்³தா⁴ சித்தசேதஸிகா த⁴ம்மா படுப்பன்னானம் சித்தசேதஸிகானம் த⁴ம்மானம் நத்தி²பச்சயேன பச்சயோ’’தி ஏவம் ஸாமஞ்ஞதோவ நித்³தி³ட்டோ². ஸப்³ப³தா² அனந்தரபச்சயஸதி³ஸதாய தத்த² நித்³தி³ட்ட²னயேனேவேத்த² விஸேஸோ ஞாதப்³போ³தி அயம் நத்தி²பச்சயே நயோ.

நத்தி²பச்சயத⁴ம்மாவ விக³தபா⁴வேன உபகாரகத்தா விக³தபச்சயோதி ஸஹ நித்³தே³ஸேன நத்தி²பச்சயஸதி³ஸோவாதி.

அவிக³தபச்சயோபி ஸப்³ப³தா² அத்தி²பச்சயஸதி³ஸோவ, தே³ஸனாவிலாஸேன, வேனேய்யவஸேன வா அயம் து³கோ வுத்தோதி அயம் அவிக³தபச்சயே நயோ.

பகிண்ணகவினிச்ச²யோ

இமேஸு பன சதுவீஸதியா பச்சயேஸு ஞாணசாரஸ்ஸ விஸத³பா⁴வத்த²ம் –

த⁴ம்மதோ காலதோ சேவ, ஏகஸ்ஸானேகபச்சயா;

அனேகேஸஞ்ச த⁴ம்மானம், ஏகபச்சயபா⁴வதோ.

ஸபா⁴கா³ விஸபா⁴கா³ ச, யுக³ளா ஜனகாதி³தோ;

ஸப்³ப³ட்டா²னாதி³பே⁴தா³ ச, ரூபாரூபவிகப்பதோ;

ப⁴வதோ ஸங்க³ஹா ஞேய்யோ, பகிண்ணகவினிச்ச²யோ.

தத்த² த⁴ம்மதோதி இமேஸு ஹி பச்சயேஸு ஹேதுபச்சயோ தாவ நாமரூபத⁴ம்மேஸு நாமத⁴ம்மேகதே³ஸோ, ததா² ஸஹஜாதாதி⁴பதிகம்மஜா²னமக்³க³பச்சயா, ததா² ஆஸேவனவிபாகபச்சயா, சதுக்க²ந்த⁴ஸங்க³ஹிதாபி விபாகத⁴ம்மா அனந்தரஸமனந்தரபச்சா²ஜாதஸம்பயுத்தனத்தி²விக³தபச்சயா. நிப்³பா³னஸ்ஸ அஸங்க³ஹதோ நாமேகதே³ஸோதிபி வத்தும் வட்டதி. புரேஜாதபச்சயோ ரூபத⁴ம்மோவ, ஸேஸா யதா²லாப⁴வஸேன நாமரூபத⁴ம்மா. தத்த² ச ஆரம்மணாதி⁴பதிஆரம்மணூபனிஸ்ஸயபகதூபனிஸ்ஸயேஸு பஞ்ஞத்திபி ஸங்க³ஹிதாதி அயம் த⁴ம்மதோ வினிச்ச²யோ.

காலதோ பன ஹேதுஸஹஜாதஅஞ்ஞமஞ்ஞனிஸ்ஸயபுரேஜாதபச்சா²ஜாதவிபாகஆஹாரஇந்த்³ரியஜா²னமக்³க³ஸம்பயுத்தவிப்பயுத்தஅத்தி²அவிக³தபச்சயா பன்னரஸ பச்சுப்பன்னாவ ஹுத்வா அத்தனோ ப²லஸ்ஸ பச்சயா ஹோந்தி, அனந்தரஸமனந்தரஆஸேவனனத்தி²விக³தபச்சயா பஞ்ச அதீதா ஏவ ஹுத்வா, கம்மபச்சயோ பனேகோ பச்சுப்பன்னோபி அதீதோபி ஹுத்வா, ஸேஸா ஆரம்மணஅதி⁴பதிஉபனிஸ்ஸயபச்சயா தயோபி தேகாலிகாபி, நிப்³பா³னபஞ்ஞத்திவஸேன காலவிமுத்தாபி ஹுத்வா அத்தனோ ப²லஸ்ஸ பச்சயா ஹோந்தீதி அயம் காலதோ வினிச்ச²யோ.

ஏகஸ்ஸானேகபச்சயாதி ஏகத⁴ம்மஸ்ஸ, ஏகபச்சயஸ்ஸ ச அனேகபச்சயபா⁴வதோ. கத²ம்? ஹேதுபச்சயே தாவ அமோஹோ ஏகோ த⁴ம்மோ, ஸோ புரேஜாதகம்மஆஹாரஜா²னவஜ்ஜானம் வீஸதியா பச்சயானம் வஸேன அனேகபச்சயோ ஹோதி, ஹேதுபச்சயத்தம் அவிஜஹந்தோவ அதி⁴பதிஸஹஜாதஅஞ்ஞமஞ்ஞனிஸ்ஸயவிபாகிந்த்³ரியமக்³க³ஸம்பயுத்தவிப்பயுத்தஅத்தி²அவிக³தானம் அஞ்ஞேஸம் ஏகாத³ஸன்னம் வஸேன வா அனேகபச்சயோ ஹோதி, ததா² அலோபா⁴த³யோ, தேஸு பன அலோபா⁴தோ³ஸா இந்த்³ரியமக்³க³பச்சயா ந ஹோந்தி, தே தயோ அவிபாகபூ⁴தா லோப⁴தோ³ஸமோஹா விபாகபச்சயாபி ந ஹோந்தி, தே பன அமோஹவஜ்ஜிதா பஞ்ச அதி⁴பதிபச்சயா ந ஹோந்தி, ததா² ஸேஸாபி அவிபாகபூ⁴தா.

ஆரம்மணபச்சயே ரூபாயதனம் சக்கு²விஞ்ஞாணதா⁴துயா ஆரம்மணபுரேஜாதஅத்தி²அவிக³தானம் சதுன்னம் வஸேன அனேகபச்சயோ ஹோதி, ததா² மனோதா⁴துயா, அஹேதுகமனோவிஞ்ஞாணதா⁴துயா ச. ஸஹேதுகாய பன ஆரம்மணாதி⁴பதிஆரம்மணூபனிஸ்ஸயானம்பி வஸேன, ஸத்³தா³தீ³ஸுபி ஏஸேவ நயோ. த⁴ம்மாயதனம் பன நிஸ்ஸயவிப்பயுத்தானம் வஸேனாபி அனேகபச்சயோ ஹோதி, ததா² ஆரம்மணபச்சயத்தம் அவிஜஹந்தோவ ஆரம்மணாதி⁴பதினிஸ்ஸயஉபனிஸ்ஸயபுரேஜாதவிப்பயுத்தஅத்தி²அவிக³தானம் வஸேன அபரேஸம்பி ஸத்தன்னம் வஸேன அனேகபச்சயோ ஹோதீதி அயமேத்த² உக்கட்ட²பரிச்சே²தோ³. தத்த² அரூபானம் பன ரூபானம் வா அதீதானாக³தானம் ஆரம்மணபச்சயபா⁴வே ஸதி ஆரம்மணாதி⁴பதிஉபனிஸ்ஸயமத்தமேவ உத்தரி லப்³ப⁴தி.

அதி⁴பதிபச்சயே ஆரம்மணாதி⁴பதி வுத்தனயோவ. ஸஹஜாதாதி⁴பதீஸு சித்தம் ஹேதுபுரேஜாதகம்மஜா²னமக்³க³வஜ்ஜானம் ஏகூனவீஸதியா பச்சயானம் வஸேன அனேகபச்சயோ ஹோதி, அதி⁴பதிபச்சயத்தம் அவிஜஹந்தோ அபரேஸம் ஸஹஜாதஅஞ்ஞமஞ்ஞனிஸ்ஸயவிபாகாஹாரிந்த்³ரியஸம்பயுத்தவிப்பயுத்தஅத்தி²அவிக³தானம் த³ஸன்னம் வஸேனேவ, ததா² வீரியம் ஆஹாரபச்சயவஜ்ஜானம் மக்³க³பச்சயஸஹிதானம் வஸேன, ச²ந்தோ³ ஆஹாரிந்த்³ரியவஜ்ஜானம் வஸேன அனேகபச்சயோ ஹோதி, வீமம்ஸா ஹேதுபச்சயே வுத்தனயாவ.

அனந்தரபச்சயே சதூஸு க²ந்தே⁴ஸு வேத³னாக்க²ந்தோ⁴ தாவ ஹேதுபுரேஜாதகம்மாஹாரமக்³க³பச்சயவஜ்ஜானம் ஏகூனவீஸதியா வஸேன, ஸஞ்ஞாக்க²ந்தோ⁴ தேஸு இந்த்³ரியஜா²னவஜ்ஜானம் ஸத்தரஸன்னம் வஸேன, ஸங்கா²ரக்க²ந்தோ⁴ ஹேதுபுரேஜாதகம்மிந்த்³ரியஜா²னமக்³க³வஜ்ஜானம் அட்டா²ரஸன்னம் வஸேன, ததா² சேதனா கம்மஸஹிதானம், விதக்கோ ஹேதுபுரேஜாதகம்மஆஹாரிந்த்³ரியவஜ்ஜானம் ஜா²னமக்³க³ஸஹிதானம், விசாரோ, பீதி ச ஆனந்தரியானம் மக்³க³வஜ்ஜானம், ஏகக்³க³தா ஹேதுபுரேஜாதகம்மாஹாரவஜ்ஜானம் வீஸதியா பச்சயானம் வஸேன, ஸத்³தா⁴, ஜீவிதிந்த்³ரியஞ்ச அனந்தரானம் ஹேதுபுரேஜாதகம்மாஹாரஜா²னமக்³க³வஜ்ஜானம் அட்டா²ரஸன்னம், ஸதி மக்³க³ஸஹிதானம் ஏகூனவீஸதியா, ஹிரிஓத்தப்பகாயபஸ்ஸத்³தா⁴தி³ச²யுகா³, யேவாபனகேஸு அதி⁴மோக்க²மனஸிகாரதத்ரமஜ்ஜ²த்ததா, கருணாமுதி³தா ச ஹேதுபுரேஜாதகம்மாஹாரஜா²னமக்³கி³ந்த்³ரியவஜ்ஜானம் ஸத்தரஸன்னம், விரதியோ பன மக்³க³ஸஹிதானம் அட்டா²ரஸன்னம், மிச்சா²தி³ட்டி² ததோ விபாகவஜ்ஜானம் ஸத்தரஸன்னம் வஸேன, மிச்சா²வாசாகம்மந்தாஜீவா தேஹி சேவ கம்மாஹாரபச்சயேஹி சாதி ஏகூனவீஸதியா பச்சயானம் வஸேன, அஹிரிகம் அனோத்தப்பம் மானோ தி²னம் மித்³த⁴ம் உத்³த⁴ச்சந்தி இமே ஹேதுபுரேஜாதகம்மவிபாகாஹாரிந்த்³ரியஜா²னமக்³க³வஜ்ஜானம் ஸோளஸன்னம், விசிகிச்சா² இஸ்ஸாமச்ச²ரியகுக்குச்சானி ததோ அதி⁴பதிவஜ்ஜானம் பன்னரஸன்னம் வஸேன அனேகபச்சயா ஹோந்தி. அனந்தரபச்சயத்தம் அவிஜஹந்தானம் பனேதேஸம் ஸமனந்தரஉபனிஸ்ஸயகம்மனத்தி²விக³தானம் அபரேஸம் ச²ன்னம் வஸேன ச. விஞ்ஞாணக்க²ந்த⁴ஸ்ஸ அதி⁴பதிபச்சயேனேவ அனேகபச்சயபா⁴வோ வேதி³தப்³போ³.

ஸஹஜாதபச்சயே மஹாபூ⁴தானி ஆரம்மணஆரம்மணாதி⁴பதிஸஹஜாதஅஞ்ஞமஞ்ஞனிஸ்ஸயஉபனிஸ்ஸயபுரேஜாதஅத்தி²அவிக³தானம் நவன்னம், ஹத³யவத்து² தேஸஞ்ஞேவ விப்பயுத்தஸஹிதானம் வஸேன. நிஸ்ஸயபச்சயே சக்கா²யதனாதீ³னி ஆரம்மணஆரம்மணாதி⁴பதினிஸ்ஸயஉபனிஸ்ஸயபுரேஜாதஇந்த்³ரியவிப்பயுத்தஅத்தி²அவிக³தானம் நவன்னம் வஸேன. புரேஜாதபச்சயே ரூபஸத்³த³க³ந்த⁴ரஸாயதனாதீ³னி ஆரம்மணஆரம்மணாதி⁴பதிஉபனிஸ்ஸயபுரேஜாதஅத்தி²அவிக³தானம் ச²ன்னம் வஸேன. ஆஹாரபச்சயே ஓஜா ஆரம்மணஆரம்மணாதி⁴பதிஉபனிஸ்ஸயாஹாரஅத்தி²அவிக³தானம் ச²ன்னம் பச்சயானம் வஸேன அனேகதா⁴ பச்சயோ ஹோதி. தம்தம்பச்சயத்தம் அவிஜஹந்தானம் தேஸம் தேஸம் ஸப்³ப³த்த² ஆரம்மணாதி⁴பதிஅனந்தரஸமனந்தரூபனிஸ்ஸயாதி³பச்சயதா வுத்தனயேன வேதி³தப்³பா³. ஸேஸம் ஸுவிஞ்ஞேய்யமேவாதி அயம் ஏகஸ்ஸானேகபச்சயதோ வினிச்ச²யோ.

அனேகேஸஞ்ச த⁴ம்மானம், ஏகபச்சயபா⁴வதோதி ஏதேஸு ஹி ட²பேத்வா கம்மபச்சயம் ஸேஸேஸு தேவீஸதியா பச்சயேஸு அனேகே அனேகேஸம் த⁴ம்மானம் ஏகதோ ஏகேகம் பச்சயா ஹோந்தி. கம்மபச்சயோ பன சேதனா ஏகத⁴ம்மோவாதி அயம் அனேகத⁴ம்மானம் ஏகபச்சயபா⁴வதோ வினிச்ச²யோ.

ஸபா⁴கா³ விஸபா⁴கா³ சாதி ஏதேஸு ஹி அனந்தரஸமனந்தரஅனந்தரூபனிஸ்ஸயாஸேவனனத்தி²விக³தபச்சயா ஸபா⁴கா³, ததா² ஆரம்மணஆரம்மணாதி⁴பதிஆரம்மணூபனிஸ்ஸயா. புரேஜாதபச்சயோ பனேத்த² பச்சா²ஜாதேன விஸபா⁴கோ³, ததா² ஸம்பயுத்தோ விப்பயுத்தேன, அத்தி² நத்தி²னா, விக³தோ அவிக³தேனாதி அயம் ஸபா⁴க³விஸபா⁴க³தோ வினிச்ச²யோ.

யுக³ளாதி ஏத்த² அத்த²ஸரிக்க²தாய ஸத்³த³ஸரிக்க²தாய காலபடிபக்க²தாய ஹேதுப²லதாய அஞ்ஞமஞ்ஞபடிபக்க²தாயாதி இமேஹி காரணேஹி யுக³ளம் வேதி³தப்³ப³ம். அனந்தரஸமனந்தரா ஹி அத்த²ஸரிக்க²தாய ஏகம் யுக³ளம் நாம. நிஸ்ஸயூபனிஸ்ஸயா ஸத்³த³ஸரிக்க²தாய, புரேஜாதபச்சா²ஜாதா காலபடிபக்க²தாய, கம்மவிபாகா ஹேதுப²லதாய, ஸம்பயுத்தவிப்பயுத்தா அஞ்ஞமஞ்ஞபடிபக்க²தாய ஏகம் யுக³ளம், ததா² அத்தி²னத்தி²பச்சயா, விக³தஅவிக³தபச்சயாதி அயம் யுக³ளதோ வினிச்ச²யோ.

ஜனகாதி³தோதி ஜனகோபத்த²ம்ப⁴கதோ. ஏதேஸு ஹி அனந்தரஸமனந்தரூபனிஸ்ஸயபகதூபனிஸ்ஸயாஸேவனபச்சயா, நானக்க²ணிகோ கம்மபச்சயோ, நத்தி²விக³தபச்சயா சாதி இமே ஜனகா ஏவ, ந உபத்த²ம்ப⁴கா. பச்சா²ஜாதபச்சயோ உபத்த²ம்ப⁴கோ ஏவ, ந ஜனகோ. ஸேஸா ஜனகா சேவ உபத்த²ம்ப⁴கா சாதி அயம் ஜனகாதி³தோ வினிச்ச²யோ.

ஸப்³ப³ட்டா²னாதி³பே⁴தா³தி ஸப்³ப³ட்டா²னிகஅஸப்³ப³ட்டா²னிகபே⁴த³தோ. ஏதேஸு ஹி ஸஹஜாதனிஸ்ஸயஅத்தி²அவிக³தபச்சயா ஸப்³ப³ட்டா²னிகா. ஸப்³பே³ஸு பச்சயுப்பன்னேஸு இச்சி²தப்³பா³. ஏதேஹி வினா உப்பஜ்ஜமானோ ஏகத⁴ம்மோபி நத்தி². ஸேஸா அஸப்³ப³ட்டா²னிகா. தத்த² ச ஆரம்மணஆரம்மணாதி⁴பதிஅனந்தரஸமனந்தரானந்தரூபனிஸ்ஸயபகதூபனிஸ்ஸயபுரேஜாதாஸேவனஸம்பயுத்த அத்தி²னத்தி²விக³தபச்சயா அரூபத⁴ம்மானஞ்ஞேவ காரணதோ அஸப்³ப³ட்டா²னிகா. ததா² பச்சா²ஜாதபச்சயோ ரூபானஞ்ஞேவ காரணதோ, ஸேஸா ஏகச்சானம் ரூபாரூபத⁴ம்மானம் காரணதோ அஸப்³ப³ட்டா²னிகா. அயம் ஸப்³ப³ட்டா²னாதி³பே⁴த³தோ வினிச்ச²யோ.

ரூபாரூபவிகப்பதோதி ரூபம் ரூபஸ்ஸ, ரூபம் அரூபஸ்ஸாதிஆதி³ விகப்பதோ. ஏதேஸு ஹி ஏகோபி பச்சயோ ரூபமேவ ஹுத்வா ரூபஸ்ஸேவ பச்சயோ ப⁴வந்தோ நாம நத்தி², ரூபமேவ பன அரூபஸ்ஸேவ அத்தி², ஸோ புரேஜாதபச்சயோ ஏகோ ஏவ. ரூபமேவ ஹுத்வா ரூபாரூபஸ்ஸேவ பச்சயோ நாமாதிபி நத்தி², அரூபமேவ ஹுத்வா அரூபஸ்ஸேவ பச்சயோபி அத்தி², ஸோ அனந்தரஸமனந்தரஆஸேவனஸம்பயுத்தனத்தி²விக³தவஸேன ச²ப்³பி³தோ⁴. அரூபமேவ பன ரூபஸ்ஸேவ பச்சயோபி அத்தி², ஸோ பச்சா²ஜாதபச்சயோ ஏகோ ஏவ. அரூபமேவ ஹுத்வா ரூபாரூபானம்பி அத்தி², ஸோ ஹேதுகம்மவிபாகஜா²னமக்³க³வஸேன பஞ்சவிதோ⁴. ரூபாரூபபஞ்ஞத்தி ஹுத்வா அரூபஸ்ஸேவ பச்சயோபி அத்தி², ஸோ ஆரம்மணஉபனிஸ்ஸயவஸேன து³விதோ⁴. ரூபாரூபம் பன ரூபாரூபஸ்ஸாபி அத்தி², ஸோ அதி⁴பதிஸஹஜாதஅஞ்ஞமஞ்ஞனிஸ்ஸயாஹாரிந்த்³ரியவிப்பயுத்தஅத்தி²அவிக³தவஸேன நவவிதோ⁴தி அயம் ரூபாரூபவிகப்பதோ வினிச்ச²யோ.

ப⁴வதோதி இமேஸு ஹி பச்சயேஸு பஞ்சவோகாரப⁴வே தாவ ந கோசி பச்சயோ ந லப்³ப⁴தி நாம, ஸப்³பே³பி லப்³ப⁴ந்தி. சதுவோகாரப⁴வே பன புரேஜாதபச்சா²ஜாதவிப்பயுத்தபச்சயே அபனேத்வா ஸேஸா ஏகவீஸதிமேவ. ஏகவோகாரப⁴வே ஸஹஜாதஅஞ்ஞமஞ்ஞனிஸ்ஸயகம்மிந்த்³ரியஅத்தி²அவிக³தவஸேன ஸத்தேவ. பா³ஹிரே பன அனிந்த்³ரியப³த்³த⁴ரூபே தேஸு கம்மிந்த்³ரியவஜ்ஜா பஞ்சேவ லப்³ப⁴ந்தீதி அயம் ப⁴வதோ வினிச்ச²யோ.

ஸங்க³ஹாதி ஸப்³பே³பி ஹி இமே சதுவீஸதி பச்சயா ஆரம்மணஸஹஜாதஉபனிஸ்ஸயபுரேஜாதபச்சா²ஜாதகம்மாஹாரிந்த்³ரியேஸு அட்ட²ஸு ச பச்சயேஸு ஸங்க³ஹம் க³ச்ச²ந்தி. கத²ம்? தேஸு ஹி ஹேதுஅஞ்ஞமஞ்ஞவிபாகஜா²னமக்³க³ஸம்பயுத்தபச்சயா ச² ஸஹஜாதபச்சயே ஸங்க³ஹம் க³ச்ச²ந்தி. அனந்தரஸமனந்தராஸேவனனத்தி²விக³தபச்சயா பஞ்ச அனந்தரூபனிஸ்ஸயே உபனிஸ்ஸயபச்சயே. நிஸ்ஸயபச்சயோ ஸஹஜாதபுரேஜாதபே⁴த³தோ து³விதோ⁴. தத்த² ஸஹஜாதோ ஸஹஜாதபச்சயே, புரேஜாதோ புரேஜாதபச்சயே. அதி⁴பதிபச்சயோபி ஆரம்மணபூ⁴தோ ஆரம்மணூபனிஸ்ஸயே, ஸஹஜாதபூ⁴தோ ஸஹஜாதபச்சயே. விப்பயுத்தபச்சயோபி ஸஹஜாதபுரேஜாதபச்சா²ஜாதபூ⁴ததாய தத்த² தத்த² ஸங்க³ஹம் க³ச்ச²தி. அத்தி²அவிக³தபச்சயாபி ஸஹஜாதபுரேஜாதபச்சா²ஜாதாஹாரிந்த்³ரியபூ⁴ததாய தத்த² தத்த² பச்சயேஸு ஸங்க³ஹம் க³ச்ச²ந்தி. ஏவம் இமேஸு பச்சயேஸு ஸப்³ப³பச்சயானம் ஸங்க³ஹோ வேதி³தப்³போ³. தேனேவ திகபட்டா²னபாளியம் பச்சனீயனயே இமேஸம் அட்ட²ன்னம் பச்சயானம் வஸேனேவ கதிபயபஞ்ஹா விஸ்ஸஜ்ஜிதா. இமேஸம் பன அட்ட²ன்னம்பி அஞ்ஞமஞ்ஞஸங்க³ஹோபி அத்தி²யேவ. தேஸு ஹி ஆரம்மணபச்சயோ அதி⁴பதிபூ⁴தோ உபனிஸ்ஸயே, அனதி⁴பதிபூ⁴தோ ந கத்த²சீதி ஆரம்மணபச்சயோ ஹுத்வா விஸுஞ்ஞேவ திட்ட²தி. கம்மபச்சயோபி ஸஹஜாதோ ஸஹஜாதே. நானக்க²ணிகோ பன ப³லவா விபாகத⁴ம்மானம் உபனிஸ்ஸயோ ஹோதீதி உபனிஸ்ஸயபச்சயே ஸங்க³ஹம் க³ச்ச²தி. ப³லவாபி பன கம்மஜரூபானம், து³ப்³ப³லோ அரூபானம் நானக்க²ணிககம்மபச்சயோ ஹுத்வா விஸுஞ்ஞேவ திட்ட²தி. ஆஹாரபச்சயோபி அரூபபூ⁴தோ ஸஹஜாதே, ரூபபூ⁴தோ ந கத்த²சீதி விஸுஞ்ஞேவ திட்ட²தி, இந்த்³ரியபச்சயோபி அரூபபூ⁴தோ ஸஹஜாதே, பஸாதி³ந்த்³ரியா புரேஜாதே, ரூபஜீவிதிந்த்³ரியம் ந கத்த²சி ஸங்க³ஹம் க³ச்ச²தீதி இந்த்³ரியபச்சயோ ஹுத்வா விஸுஞ்ஞேவ திட்ட²தீதி ஏவமேவம் அஞ்ஞமஞ்ஞஸங்க³ஹோபி அத்தே²வ. ஸப்³பே³பி பனேதே சதுவீஸதி பச்சயா ஆரம்மணஉபனிஸ்ஸயகம்மஅத்தி²பச்சயேஸு சதூஸுபி ஸங்க³ஹம் க³ச்ச²ந்தீதி அயம் ஸங்க³ஹதோ வினிச்ச²யோ. அயம் அனுத்தானபத³த்த²ஸஹிதோ ஸங்கே²பத்த²வினிச்ச²யோ.

பகிண்ணகவினிச்ச²யோ நிட்டி²தோ.

விப⁴ங்க³னயே பனேத்த² பாளிவவத்தா²னம் தாவ ஸங்கே²பதோ ஏவம் வேதி³தப்³ப³ம். பட்டா²னபாளியம் ஹி ‘‘ஹேதுபச்சயோ…பே… அவிக³தபச்சயோ’’தி பச்சயபதா³னி மாதிகாவஸேன நிக்கி²பித்வா தேஸம் பச்சயானம் – ‘‘ஹேதூ ஹேதுஸம்பயுத்தகானம் த⁴ம்மானம் தம்ஸமுட்டா²னானஞ்ச ரூபானம் ஹேதுபச்சயேன பச்சயோ’’திஆதி³னா நயேன பச்சயபா⁴ஜனீயஸங்கா²தோ நித்³தே³ஸவாரோ பட²மம் வுத்தோ. ஸோபி ச அனந்தரஸங்கே²பத்த²வினிச்ச²யோ தத்த² தத்த² த³ஸ்ஸிதோ ஏவ. தத³னந்தரம் தேஸம் சதுவீஸதியா பச்சயானம் குஸலத்திகாத³யோ த்³வாவீஸதிதிகே, ஹேதுது³காத³யோ ஸதம் து³கே ச நிஸ்ஸாய நானானயதோ விப⁴ஜனவஸேன சதுவீஸதிஸமந்தபட்டா²னஸமோதா⁴னம் அனந்தனயஸமந்தபட்டா²னம் விப⁴த்தம். கத²ம்? சதுப்³பி³த⁴ம் ஹி பட்டா²னம் – அனுலோமபட்டா²னம், பச்சனீகபட்டா²னம், அனுலோமபச்சனீகபட்டா²னம், பச்சனீகானுலோமபட்டா²னந்தி. தத்த² ‘‘குஸலம் த⁴ம்மம் படிச்ச குஸலோ த⁴ம்மோ உப்பஜ்ஜதி ஹேதுபச்சயா’’திஆதி³னா, ‘‘ஹேதும் த⁴ம்மம் படிச்ச ஹேதுத⁴ம்மோ உப்பஜ்ஜதி ஹேதுபச்சயா’’திஆதி³னா குஸலாதீ³னம், ஹேதுஆதீ³னஞ்ச த⁴ம்மானம் அனுலோமவஸேன பவத்தம் அனுலோமபட்டா²னம் நாம. ‘‘நகுஸலம் த⁴ம்மம் படிச்ச நகுஸலோ த⁴ம்மோ உப்பஜ்ஜதி ஹேதுபச்சயா…பே… நஹேதும் த⁴ம்மம் படிச்ச நஹேதுத⁴ம்மோ உப்பஜ்ஜதி ஹேதுபச்சயா’’திஆதி³னா குஸலாதீ³னம், ஹேதுஆதீ³னஞ்ச த⁴ம்மானம் பச்சனீகவஸேன பவத்தம் பச்சனீகபட்டா²னம் நாம. ‘‘குஸலம் த⁴ம்மம் படிச்ச நகுஸலோ த⁴ம்மோ உப்பஜ்ஜதி ஹேதுபச்சயா…பே… ஹேதும் த⁴ம்மம் படிச்ச நஹேதுத⁴ம்மோ உப்பஜ்ஜதி ஹேதுபச்சயா’’திஆதி³னா பவத்தம் அனுலோமபச்சனீகபட்டா²னம் நாம. ‘‘நகுஸலம் த⁴ம்மம் படிச்ச குஸலோ த⁴ம்மோ…பே… நஹேதும் த⁴ம்மம் படிச்ச ஹேதுத⁴ம்மோ உப்பஜ்ஜதி ஹேதுபச்சயா’’திஆதி³னா பவத்தம் பச்சனீகானுலோமபட்டா²னம் நாம.

ஏவமேதேஸு சதூஸு பட்டா²னேஸு யம் த⁴ம்மம் அனுலோமபட்டா²னம் நாம, தம் தாவ ச²ப்³பி³த⁴ம் ஹோதி – திகபட்டா²னம் து³கபட்டா²னம் து³கதிகபட்டா²னம் திகது³கபட்டா²னம் திகதிகபட்டா²னம் து³கது³கபட்டா²னந்தி. யதா² சேதம், ஏவம் பச்சனீகபட்டா²னாதீ³னிபி தீணி தீணி பச்சேகந்தி சதுவீஸதிஸமந்தபட்டா²னஸமோதா⁴னம் பட்டா²னப்பகரணம் வேதி³தப்³ப³ம். ஸம்மாஸம்பு³த்³தே⁴ன ஹி அனுலோமபட்டா²னே த்³வாவீஸதிதிகே நிஸ்ஸாய திகபட்டா²னம் நாம நித்³தி³ட்ட²ம். ஸதம் து³கே நிஸ்ஸாய து³கபட்டா²னம் நாம. ததோ திகே து³கேஸு பக்கி²பித்வா து³கதிகபட்டா²னம் நாம. ததோ து³கே திகேஸு பக்கி²பித்வா திகது³கபட்டா²னம் நாம. திகே பன திகேஸுயேவ பக்கி²பித்வா திகதிகபட்டா²னம் நாம. து³கே ச து³கேஸு ஏவ பக்கி²பித்வா து³கது³கபட்டா²னம் நாம நித்³தி³ட்ட²ம். பட²மம் தாவேத்த² அனுலோமபட்டா²னே திகபட்டா²னனயோ நித்³தி³ட்டோ². ஏவம் பச்சனீகபட்டா²னே, அனுலோமபச்சனீகபட்டா²னே, பச்சனீகானுலோமபட்டா²னேதி சதுவீஸதிஸமந்தபட்டா²னம் தே³ஸிதம்.

ஏத்த² ச து³வித⁴ம் அனுலோமம், பச்சனீகஞ்ச த⁴ம்மானுலோமம் த⁴ம்மபச்சனீகம், பச்சயானுலோமம் பச்சயபச்சனீகந்தி. தத்த² ‘‘குஸலம் த⁴ம்மம் படிச்ச குஸலோ த⁴ம்மோ’’திஆதி³னா குஸலாதீ³னம் திகத⁴ம்மானம், ஹேதுஆதீ³னம் து³கத⁴ம்மானஞ்ச அனுலோமதே³ஸனாவஸேன த⁴ம்மானுலோமம் வேதி³தப்³ப³ம். ‘‘நகுஸலம் த⁴ம்மம் படிச்ச நகுஸலோ த⁴ம்மோ’’திஆதி³னா திகது³கத⁴ம்மானம் பச்சனீகவஸேன த⁴ம்மபச்சனீகம் வேதி³தப்³ப³ம். ‘‘ஹேதுபச்சயா ஆரம்மணபச்சயா’’தி ஏவம் சதுவீஸதியா பச்சயானம் அனுலோமதே³ஸனாவஸேன பச்சயானுலோமம் வேதி³தப்³ப³ம். ‘‘நஹேதுபச்சயா நாரம்மணபச்சயா’’தி ஏவம் பச்சயானம் பச்சனீகவஸேன பச்சயபச்சனீகஞ்ச வேதி³தப்³ப³ம். தத்ர யதி³த³ம் த⁴ம்மானுலோமம் த⁴ம்மபச்சனீகஞ்ச, தஸ்ஸ வஸேன சதுவீஸதிஸமந்தபட்டா²னம் வேதி³தப்³ப³ம். பச்சயானுலோமம் பச்சயபச்சனீகஞ்ச அனுலோமதிகபட்டா²னாதீ³ஸு சதுவீஸதியா பட்டா²னேஸு ஏகேகதிகது³கேஸு ஏவம் லப்³ப⁴தி. தஞ்ச உபரி பாளினயத³ஸ்ஸனே ஏவ பாகடம் ப⁴விஸ்ஸதி. தத்ரிமானி சதுவீஸதி பட்டா²னானி இமேஸம் திகது³கானம் வஸேன நித்³தி³ட்ட²த்தா திகபட்டா²னம்…பே… து³கது³கபட்டா²னந்தி வுச்சதி.

தேஸு திகது³கேஸு ஏகேகம் திகது³கம் இமேஸம் ஹேதுபச்சயாதீ³னம் சதுவீஸதியா பச்சயானம் அனுலோமாதி³னயசதுக்கவஸேன ஸத்தஹி ஸத்தஹி மஹாவாரேஹி வித்தா²ரதோ விப⁴த்தம். கதமேஹி ஸத்தஹி? படிச்சவாரோ ஸஹஜாதவாரோ பச்சயவாரோ நிஸ்ஸயவாரோ ஸம்ஸட்ட²வாரோ ஸம்பயுத்தவாரோ பஞ்ஹாவாரோதி இமேஹி. தத்த² ‘‘குஸலம் த⁴ம்மம் படிச்ச குஸலோ த⁴ம்மோ’’திஆதி³னா படிச்சாபி⁴தா⁴னேன வுத்தோ படிச்சவாரோ நாம. ‘‘குஸலம் த⁴ம்மம் ஸஹஜாதோ, குஸலம் த⁴ம்மம் பச்சயா, குஸலம் த⁴ம்மம் நிஸ்ஸாய, குஸலம் த⁴ம்மம் ஸம்ஸட்டோ², குஸலம் த⁴ம்மம் ஸம்பயுத்தோ’’தி ஏவம் ஸஹஜாதாதி³அபி⁴தா⁴னேஹி வுத்தா பஞ்ச வாரா ஸஹஜாதாதி³வாரானி. பரதோ ச ஸம்ஸட்ட²ஸம்பயுத்தவாரேஸு த்³வீஸு அரூபத⁴ம்மவஸேனேவ பச்சயபச்சயுப்பன்னா ச, ஸேஸேஸு சதூஸு வாரேஸு, ஸத்தமேவ பஞ்ஹாவாரே ச ரூபாரூபவஸேன, பச்சயவாரே, நிஸ்ஸயவாரே ச ஸஹஜாதபச்சா²ஜாதபுரேஜாதவஸேன, ஸேஸேஸு ஸஹஜாதவஸேன பச்சயபச்சயுப்பன்னா ச கதி²தாதி அயம் விஸேஸோ. ஸத்தமவாரே பன யஸ்மா ‘‘குஸலோ த⁴ம்மோ குஸலஸ்ஸ த⁴ம்மஸ்ஸ ஹேதுபச்சயேன பச்சயோ’’திஆதி³னா நயேன தே தே பஞ்ஹே உத்³த⁴ரித்வா புன ‘‘குஸலா ஹேதூ ஸம்பயுத்தகானம் க²ந்தா⁴ன’’ந்திஆதி³னா நயேன ஸப்³பே³பி தே பஞ்ஹா நிஜ்ஜடா, நிக்³கு³ம்பா³ ச கத்வா விப⁴த்தா, தஸ்மா ஸோ வாரோ பஞ்ஹானம் ஸாது⁴கம் விப⁴த்தத்தா பஞ்ஹாவாரோத்வேவ ஸங்க²ம் க³தோ. இதி இமேஹி ஸத்தஹி மஹாவாரேஹி சதுவீஸதியா ஸமந்தபட்டா²னேஸு ஸப்³பே³பி திகது³கா சதுவீஸதியா பச்சயானம் அனுலோமாதி³வஸேன வித்தா²ரதோ விப⁴த்தா. கத²ம்? அனுலோமபட்டா²னே ஹி யதி³த³ம் த்³வாவீஸதிதிகே நிஸ்ஸாய திகபட்டா²னம் நாம ஸப்³ப³பட²மம் நித்³தி³ட்ட²ம். தத்த² குஸலத்திகம் தாவ இமேஹி படிச்சவாராதீ³ஹி மஹாவாரேஹி பச்சயானுலோமாதி³னயசதுக்கதோ விப⁴த்தம். தத்த² யோ தாவேஸ ஸப்³ப³பட²மோ படிச்சவாரோ நாம, ஸோ உத்³தே³ஸனித்³தே³ஸதோ து³விதோ⁴ ஹோதி.

தத்த² உத்³தே³ஸவாரோ குஸலாத³யோ படிச்ச ஹேதுபச்சயாதி³வஸேன குஸலாதீ³னம் யுத்தானம், அகுஸலாதீ³னம் அயுத்தகானஞ்ச த⁴ம்மானம் உப்பத்திபுச்ச²னவஸேனேவ பவத்தத்தா ‘‘புச்சா²வாரோ’’திபி, புச்சா²னஞ்ஞேவ பஞ்ஞாபனதோ ‘‘பண்ணத்திவாரோ’’திபி வுச்சதி. ந ஹி தத்த² விஸ்ஸஜ்ஜனம் அத்தி². நித்³தே³ஸவாரோ பன புச்சா²வாரே பரிபுச்சி²தேஸு பஞ்ஹேஸு ‘‘ஸியா அகுஸலம் த⁴ம்மம் படிச்ச அகுஸலோ த⁴ம்மோ உப்பஜ்ஜேய்யா’’திஆதி³கம் அயுத்தம் பஞ்ஹம் அனுத்³த⁴ரித்வா லப்³ப⁴மானானஞ்ஞேவ பஞ்ஹானம் வஸேன பவத்தோ. இதரேஸு பன ஸஹஜாதாதீ³ஸு, ஸேஸேஸு ச திகேஸு, ஸேஸபட்டா²னேஸு ச ஸப்³ப³த்த² புச்சா²வாரோ நத்தி², லப்³ப⁴மானவஸேன ஸப்³ப³விஸ்ஸஜ்ஜனமேவ த³ஸ்ஸிதந்தி இத³மேத்த² ஸங்கே²பதோ பாளிவவத்தா²னம்.

இதா³னி பனேத்த² ஆதி³தோ பட்டா²ய ஏவம் விப⁴ங்க³னயோ வேதி³தப்³போ³. அனுலோமபட்டா²னஸ்மிஞ்ஹி திகபட்டா²னே குஸலத்திகஸ்ஸ ஸத்தஸு மஹாவாரேஸு பட²மஸ்ஸ படிச்சவாரஸ்ஸ புச்சா²வாரே தாவ – ‘‘ஸியா குஸலம் த⁴ம்மம் படிச்ச குஸலோ த⁴ம்மோ உப்பஜ்ஜேய்ய ஹேதுபச்சயா…பே… அகுஸலோ த⁴ம்மோ…பே… அப்³யாகதோ…பே… குஸலோ ச அப்³யாகதோ ச…பே… அகுஸலோ ச அப்³யாகதோ ச…பே… குஸலோ ச அகுஸலோ ச…பே… குஸலோ ச அகுஸலோ ச அப்³யாகதோ ச த⁴ம்மா உப்பஜ்ஜேய்யும் ஹேதுபச்சயா’’தி குஸலபத³மூலா ஸத்த புச்சா² உத்³த⁴டா.

ஏவம் அகுஸலபத³மூலா, அப்³யாகதபத³மூலா ச. ‘‘ஸியா குஸலஞ்ச அப்³யாகதஞ்ச த⁴ம்மம் படிச்ச அகுஸலோ…பே… ஸியா அகுஸலஞ்ச அப்³யாகதஞ்ச…பே… ஸியா குஸலஞ்ச அகுஸலஞ்ச…பே… ஸியா குஸலஞ்ச அகுஸலஞ்ச அப்³யாகதஞ்ச த⁴ம்மம் படிச்சா’’தி த்³விமூலகா, திமூலகா ச ஸத்த ஸத்த புச்சா²தி ஏகூனபஞ்ஞாஸ புச்சா² ஹேதுபச்சயமூலகா உத்³த⁴டா.

இமினாவ நயேன ‘‘ஸியா குஸலம் த⁴ம்மம் படிச்ச குஸலோ த⁴ம்மோ உப்பஜ்ஜேய்ய ஆரம்மணபச்சயா…பே… அவிக³தபச்சயா’’தி ஏவம் ஸேஸபச்சயமூலகாபி புச்சா²வேதி³தப்³பா³. ஏகமூலகனயோ.

யதா² ச ஏகமூலகே, ஏவம் ‘‘ஸியா குஸலம் த⁴ம்மம் படிச்ச குஸலோ த⁴ம்மோ உப்பஜ்ஜேய்ய ஹேதுபச்சயா ஆரம்மணபச்சயா…பே… ஹேதுபச்சயா அவிக³தபச்சயா’’திஆதி³னா த்³விமூலகேபி. ‘‘ஹேதுபச்சயா ஆரம்மணபச்சயா அதி⁴பதிபச்சயா…பே… ஹேதுபச்சயா ஆரம்மணபச்சயா அனந்தரபச்சயா…பே… ஹேதுபச்சயா ஆரம்மணபச்சயா அவிக³தபச்சயா’’திஆதி³னா திமூலகாதீ³ஸு ஸப்³ப³மூலகபரியோஸானேஸு வாரேஸு நயா வேதி³தப்³பா³. ஹேதுபச்சயமூலகனயோ.

யதா² ச ஹேதுமூலகே, ஏவம் ‘‘ஸியா குஸலம் த⁴ம்மம் படிச்ச குஸலோ த⁴ம்மோ உப்பஜ்ஜேய்ய ஆரம்மணபச்சயா’’திஆதி³னா ஸேஸபச்சயமூலகேஸுபி நயோ ஞாதப்³போ³. பச்சயானுலோமவாரோ. ஏதேனேவ உபாயேன ‘‘ஸியா குஸலம் த⁴ம்மம் படிச்ச குஸலோ த⁴ம்மோ உப்பஜ்ஜேய்ய நஹேதுபச்சயா’’திஆதி³னா ஸப்³ப³ப்பகாரயுத்தோ பச்சயபச்சனீகவாரோபி. ‘‘ஸியா குஸலம் த⁴ம்மம்…பே… உப்பஜ்ஜதி ஹேதுபச்சயா நாரம்மணபச்சயா’’திஆதி³னா அனுலோமபச்சனீகபச்சயவாரோபி. ‘‘ஸியா குஸலம் த⁴ம்மம்…பே… உப்பஜ்ஜேய்ய நஹேதுபச்சயா ஆரம்மணபச்சயா’’திஆதி³னா பச்சனீயானுலோமவாரோபி ஸப்³ப³த்த² நேதப்³போ³தி அயம் தாவேத்த² புச்சா²வாரே நயோ.

நித்³தே³ஸவாரோ பன உத்³தே³ஸவாரே த³ஸ்ஸிதாஸு புச்சா²ஸு குஸலாகுஸலாதீ³னம் ஸஹுப்பத்தியா அபா⁴வதோ யா ஏதா ‘‘குஸலம் த⁴ம்மம் படிச்ச குஸலோ த⁴ம்மோ உப்பஜ்ஜதீ’’திஆதி³கா புச்சா² ஸப்³ப³ஸோ விஸ்ஸஜ்ஜனம் லப⁴ந்தி, தா பஹாய யா விஸ்ஸஜ்ஜனம் லப⁴ந்தி, தாஸமேவ விஸ்ஸஜ்ஜனவஸேன பவத்தோ. தத்ராயம் நயோ – ‘‘குஸலம் த⁴ம்மம் படிச்ச குஸலோ த⁴ம்மோ உப்பஜ்ஜதி ஹேதுபச்சயா. குஸலம் ஏகம் க²ந்த⁴ம் படிச்ச தயோ க²ந்தா⁴. தயோ க²ந்தே⁴ படிச்ச ஏகோ க²ந்தோ⁴. த்³வே க²ந்தே⁴ படிச்ச த்³வே க²ந்தா⁴. குஸலம் த⁴ம்மம் படிச்ச அப்³யாகதோ த⁴ம்மோ உப்பஜ்ஜதி ஹேதுபச்சயா. குஸலே க²ந்தே⁴ படிச்ச சித்தஸமுட்டா²னம் ரூபம். குஸலம் த⁴ம்மம் படிச்ச குஸலோ ச அப்³யாகதோ ச த⁴ம்மா உப்பஜ்ஜந்தி ஹேதுபச்சயா. குஸலம் ஏகம் க²ந்த⁴ம் படிச்ச தயோ க²ந்தா⁴ சித்தஸமுட்டா²னஞ்ச ரூபம். தயோ க²ந்தே⁴ படிச்ச ஏகோ க²ந்தோ⁴ சித்தஸமுட்டா²னஞ்ச ரூபம். த்³வே க²ந்தே⁴ படிச்ச த்³வே க²ந்தா⁴ சித்தஸமுட்டா²னஞ்ச ரூப’’ந்தி ஏவம் குஸலபத³மூலாஸு ஸத்தஸு புச்சா²ஸு திஸ்ஸோவ லப்³ப⁴மானா விஸ்ஸஜ்ஜிதா. ததா² அகுஸலபத³மூலாஸுபி திஸ்ஸோவ. அப்³யாகதபத³மூலாஸு பன ‘‘அப்³யாகதம் த⁴ம்மம் படிச்ச அப்³யாகதோ த⁴ம்மோ உப்பஜ்ஜதி ஹேதுபச்சயா. விபாகாப்³யாகதம் கிரியாப்³யாகதம் ஏகம் க²ந்த⁴ம் படிச்ச தயோ க²ந்தா⁴ சித்தஸமுட்டா²னஞ்ச ரூபம்…பே… த்³வே க²ந்தே⁴ படிச்ச த்³வே க²ந்தா⁴ சித்தஸமுட்டா²னஞ்ச ரூபம். படிஸந்தி⁴க்க²ணே விபாகாப்³யாகதம் ஏகம் க²ந்த⁴ம் படிச்ச தயோ க²ந்தா⁴ கடத்தா ச ரூபம்…பே… த்³வே க²ந்தா⁴ கடத்தா ச ரூபம். க²ந்தே⁴ படிச்ச வத்து², வத்து²ம் படிச்ச க²ந்தா⁴. ஏகம் மஹாபூ⁴தம் படிச்ச தயோ மஹாபூ⁴தா…பே… த்³வே மஹாபூ⁴தே படிச்ச த்³வே மஹாபூ⁴தா. மஹாபூ⁴தே படிச்ச சித்தஸமுட்டா²னம் ரூபம் கடத்தாரூபம் உபாதா³ரூப’’ந்தி ஏகாவ. த்³விமூலிகாதீ³ஸு ச ‘‘குஸலஞ்ச அப்³யாகதஞ்ச த⁴ம்மம் படிச்ச அப்³யாகதோ த⁴ம்மோ உப்பஜ்ஜதி ஹேதுபச்சயா. குஸலே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூப’’ந்தி ஏகா. ததா² ‘‘அகுஸலஞ்ச அப்³யாகதஞ்ச படிச்சா’’தி, ஏவம் ஹேதுபச்சயமூலிகாஸு ஏகூனபஞ்ஞாஸாய புச்சா²ஸு நவேவ லப்³ப⁴மானா விஸ்ஸஜ்ஜிதா. ஸேஸா சத்தாலீஸ மோக⁴புச்சா²தி ந விஸ்ஸஜ்ஜிதா. ஏவம் உபரி ஆரம்மணபச்சயாதீ³ஸு விஸ்ஸஜ்ஜிதாவஸேஸா மோக⁴புச்சா²தி க³ஹேதப்³பா³. விஜானனஸுக²த்த²ம் பன ப⁴க³வதா புச்சா²வாரே லப்³ப⁴மானா, அலப்³ப⁴மானா ச ஸப்³பா³பி தா த³ஸ்ஸிதாதி வேதி³தப்³பா³தி.

தத்த² குஸலம் த⁴ம்மம் படிச்சாதி ஸஹஜாதேஸு வேத³னாக்க²ந்தா⁴தி³பே⁴த³ம் ஏகம் குஸலம் த⁴ம்மம் படிச்ச படிக³ந்த்வா, ஸஹுப்பத்திஸங்கா²தேன ஸதி³ஸபா⁴வேன பத்வாதி அத்தோ². ஸதி³ஸத்தோ² ஹி ஏத்த² படிஸத்³தோ³ ‘‘படிபுக்³க³லோ’’திஆதீ³ஸு விய. குஸலோ த⁴ம்மோதி ஸஞ்ஞாக்க²ந்தா⁴தி³பே⁴தோ³ ஸஹுப்பன்னோ குஸலோ த⁴ம்மோ. உப்பஜ்ஜதீதி பாகடபா⁴வதோ உத்³த⁴ம் உப்பாதா³தி³ம் பாபுணாதி, அத்தானம் வா படிலப⁴தி. ஹேதுபச்சயாதி ந கேவலம் குஸலத⁴ம்மமத்தமேவ படிச்ச உப்பஜ்ஜதி, அத² கோ² குஸலஹேதுனா ஹேதுபச்சயதம் ஸாதே⁴ந்தேன ச உப்பஜ்ஜதீதி ஏவமத்தோ² க³ஹேதப்³போ³.

ஏவமித³ம் ‘‘உப்பஜ்ஜேய்யா’’தி புச்சா²ய ‘‘உப்பஜ்ஜதீ’’தி அவிஸேஸேன விஸ்ஸஜ்ஜனம் வத்வா இதா³னி யம் த⁴ம்மம் படிச்ச யே த⁴ம்மா உப்பஜ்ஜந்தி, தே பச்சயபச்சயுப்பன்னே க²ந்த⁴வஸேன விஸேஸேத்வா த³ஸ்ஸேதும் ‘‘குஸலம் ஏகம் க²ந்த⁴’’ந்திஆதி³ வுத்தம். யஸ்மா பனேத்த² ஏகோ க²ந்தோ⁴ ஏகஸ்ஸேவ, த்³வின்னம்யேவ வா, த்³வே வா பன ஏகஸ்ஸேவ பச்சயா நாம ந ஹோந்தி, தஸ்மா தே பகாரேன அனாமஸித்வா ‘‘ஏகம் க²ந்த⁴ம் படிச்ச தயோ க²ந்தா⁴’’திஆதி³னா பச்சயபா⁴வேன க³ஹிதாவஸேஸம் ஸப்³ப³ம் பச்சயுப்பன்னம் கத்வா த³ஸ்ஸிதந்தி வேதி³தப்³ப³ம். ஏவம் உபரிபி ஸப்³ப³த்த². சித்தஸமுட்டா²னம் ரூபந்தி இத³ம் படிச்சத்த²ஸ்ஸ ஸஹஜாதத்த²த்தா யம் குஸலேன ஸஹஜாதஞ்சேவ ஹேதுபச்சயஞ்ச லப⁴தி, தம் த³ஸ்ஸேதும் வுத்தம் ‘‘விபாகாப்³யாகதம் கிரியாப்³யாகத’’ந்தி. ஏத்த² ஹேதுபச்சயாதி⁴காரே அஹேதுகா ந க³ஹேதப்³பா³. க²ந்தே⁴ படிச்ச வத்தூ²திஆதி³ கடத்தாரூபக்³க³ஹணேன வத்து²ஸ்மிம் க³ஹிதேபி வத்து²ம் படிச்ச அரூபக்க²ந்தா⁴னம் உப்பத்தித³ஸ்ஸனத்த²ம் வுத்தம். ஏகம் மஹாபூ⁴தந்திஆதி³ பன ரூபாப்³யாகதம் படிச்ச ரூபாப்³யாகதஸ்ஸ உப்பத்தித³ஸ்ஸனத்த²ம். ஹேதுபச்சயே உபத்த²ம்ப⁴கானமேவ சேத்த² சித்தஜானம், படிஸந்தி⁴யம் கம்மஜானஞ்ச அஞ்ஞமஞ்ஞம் பச்சயபச்சயுப்பன்னதா க³ஹேதப்³பா³, ந அஹேதுகசித்தஜஉதுஜாதீ³னம் தேஸம் ஹேதுபச்சயா உப்பத்தியா அபா⁴வதோ. மஹாபூ⁴தே படிச்ச சித்தஸமுட்டா²னந்திஆதி³ மஹாபூ⁴தே படிச்ச உபாதா³தீ³னம் உப்பத்தித³ஸ்ஸனத்த²ம் வுத்தம். இமினா உபாயேன ஆரம்மணபச்சயாதீ³ஸுபி விஸ்ஸஜ்ஜனானம் அத்தோ² வேதி³தப்³போ³.

ஆரம்மணபச்சயே ‘‘குஸலம் த⁴ம்மம் படிச்ச குஸலோ த⁴ம்மோ உப்பஜ்ஜதி ஆரம்மணபச்சயா. ஏகம் க²ந்த⁴ம்…பே… த்³வே க²ந்தே⁴ படிச்ச த்³வே க²ந்தா⁴. அகுஸலம் த⁴ம்மம் படிச்ச அகுஸலோ த⁴ம்மோ…பே… அப்³யாகதம் த⁴ம்மம் படிச்ச அப்³யாகதோ த⁴ம்மோ உப்பஜ்ஜதி ஆரம்மணபச்சயா. விபாகாப்³யாகதம் கிரியாப்³யாகதம் ஏகம் க²ந்த⁴ம்…பே… த்³வே க²ந்தா⁴. படிஸந்தி⁴க்க²ணே விபாகாப்³யாகதம் ஏகம் க²ந்த⁴ம்…பே… த்³வே க²ந்தா⁴. வத்து²ம் படிச்ச க²ந்தா⁴’’தி ஏவம் திஸ்ஸோ விஸ்ஸஜ்ஜிதா. ஸேஸா ரூபமிஸ்ஸகத்தா, ரூபஸ்ஸ ச ஆரம்மணபச்சயேன அனுப்பத்திதோ ந க³ஹிதா. தேனேவ ‘‘வத்து²ம் படிச்ச க²ந்தா⁴’’தி வத்வா ‘‘க²ந்தே⁴ படிச்ச வத்தூ²’’தி ந வுத்தம். ஏத்த² ச ஆரம்மணபச்சயாதி ஸஹஜாதம் குஸலம் த⁴ம்மம் படிச்ச உப்பஜ்ஜமானோ குஸலோ த⁴ம்மோ ததோ அஞ்ஞேன அஸஹஜாதேன ச²ப்³பி³தே⁴ன ஆரம்மணபூ⁴தேன பச்சயேனாதி ஏவம் அத்தோ² க³ஹேதப்³போ³. ந ஹி அத்தனா ஸஹஜாதம் ஆரம்மணம் கத்வா சித்தசேதஸிகா உப்பஜ்ஜந்தி.

அதி⁴பதிபச்சயே ஹேதுபச்சயஸதி³ஸம் விஸ்ஸஜ்ஜனம். அனந்தரஸமனந்தரேஸு பன ரூபாபா⁴வதோ ஆரம்மணபச்சயஸதி³ஸம். ஸஹஜாதபச்சயேபி ஹேதுபச்சயஸதி³ஸம். அப்³யாகதம் படிச்ச அப்³யாகதுப்பத்தியா பன ‘‘பா³ஹிரம் ஏகம் மஹாபூ⁴தம் படிச்ச…பே… த்³வே மஹாபூ⁴தா. மஹாபூ⁴தே படிச்ச உபாதா³ரூபம்…பே… ஆஹாரஸமுட்டா²னம் ஏகம் மஹாபூ⁴தம்…பே… த்³வே மஹாபூ⁴தா…பே… உதுஸமுட்டா²னம் ஏகம்…பே… த்³வே மஹாபூ⁴தா…பே… அஸஞ்ஞஸத்தானம் ஏகம் மஹாபூ⁴தம் படிச்ச…பே… த்³வே மஹாபூ⁴தா…பே… கடத்தாரூபம் உபாதா³ரூப’’ந்தி இத³ம் அதி⁴கம். ஏவம் அஞ்ஞமஞ்ஞபச்சயேபி. கேவலம் தத்த² கடத்தாரூபம் உபாதா³ரூபஞ்ச ந க³ஹிதம் தேஸம் அஞ்ஞமஞ்ஞபச்சயத்தாபா⁴வா. நிஸ்ஸயபச்சயேபி ஸஹஜாதபச்சயஸதி³ஸம் விஸ்ஸஜ்ஜனம். படிச்சத்த²ஸ்ஸ பன ஸஹஜாதத்த²த்தா சக்கா²தீ³ஸு புரேஜாதனிஸ்ஸயா இத⁴ ந க³ஹிதாதி. உபனிஸ்ஸயபச்சயேபி ரூபஸ்ஸ உபனிஸ்ஸயபச்சயுப்பன்னத்தாபா⁴வா ஆரம்மணபச்சயஸதி³ஸமேவ விஸ்ஸஜ்ஜனம்.

புரேஜாதபச்சயே பன ‘‘குஸலம் த⁴ம்மம் படிச்ச குஸலோ த⁴ம்மோ உப்பஜ்ஜதி புரேஜாதபச்சயா. குஸலம் ஏகம்…பே… த்³வே க²ந்தா⁴. வத்து²ம் புரேஜாதபச்சயா. அகுஸலம் த⁴ம்மம் படிச்ச அகுஸலோ…பே… அப்³யாகதம் த⁴ம்மம் படிச்ச அப்³யாகதோ…பே… புரேஜாதபச்சயா. விபாகாப்³யாகதம் கிரியாப்³யாகதம் ஏகம் க²ந்த⁴ம்…பே… த்³வே க²ந்தா⁴. வத்து²ம் புரேஜாதபச்சயா’’தி ஏவம் திஸ்ஸோ புச்சா² விஸ்ஸஜ்ஜிதா. தத்த² வத்து²ம் புரேஜாதபச்சயாதி இத³ம் ஆரம்மணபுரேஜாதனிவத்தனத்த²ம் வுத்தம். தம் ஹி சக்கு²விஞ்ஞாணாதீ³னம்யேவ புரேஜாதபச்சயதம் ஸாத⁴யதி, ந மனோவிஞ்ஞாணதா⁴துயாதி இத⁴ ந க³ஹிதம்.

பச்சா²ஜாதபச்சயோ இத⁴ அரூபத⁴ம்மேஸு ந லப்³ப⁴தி. ரூபத⁴ம்மேஸு ச உபத்த²ம்ப⁴கோவ, ந ஜனகோ, தஸ்மா ‘‘அப்³யாகதம் த⁴ம்மம் படிச்ச அப்³யாகதோ த⁴ம்மோ உப்பஜ்ஜதீ’’திஆதி³ ந வத்தப்³போ³வாதி அயம் ந க³ஹிதோ. ஆஸேவனபச்சயேபி ஆரம்மணபச்சயே விய திஸ்ஸோவ புச்சா² விஸ்ஸஜ்ஜிதா.

கம்மபச்சயே ‘‘குஸலம் த⁴ம்மம் படிச்ச குஸலோ த⁴ம்மோ உப்பஜ்ஜதி கம்மபச்சயா. குஸலம் ஏகம் க²ந்த⁴ம்…பே… அப்³யாகதோ த⁴ம்மோ உப்பஜ்ஜதி…பே… சித்தஸமுட்டா²னஞ்ச ரூபம்…பே… குஸலோ ச அப்³யாகதோ ச த⁴ம்மா…பே… சித்தஸமுட்டா²னம் ரூப’’ந்தி குஸலபதே³ திஸ்ஸோ, ததா² அகுஸலபதே³. அப்³யாகதபதே³ பன ‘‘அப்³யாகதம் த⁴ம்மம் படிச்ச அப்³யாகதோ…பே… விபாகாப்³யாகதம் கிரியாப்³யாகதம் ஏகம் க²ந்த⁴ம் படிச்ச…பே… மஹாபூ⁴தே படிச்ச சித்தஸமுட்டா²னம் ரூபம் கடத்தாரூபம் உபாதா³ரூபம், அஸஞ்ஞஸத்தானம்…பே… கடத்தாரூபம் உபாதா³ரூப’’ந்தி ஏவம் திஸ்ஸோ. ‘‘குஸலஞ்ச அப்³யாகதஞ்ச த⁴ம்மம் படிச்ச அப்³யாகதோ…பே… குஸலே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூப’’ந்திஆதி³னா ஸஹஜாதஸதி³ஸம் விஸ்ஸஜ்ஜனம். நத்தி²விக³தபச்சயேஸு ஆரம்மணஸதி³ஸம்.

ஏவம் ஸப்³ப³பச்சயேஸு லப்³ப⁴மானபஞ்ஹே விஸ்ஸஜ்ஜனம் த³ஸ்ஸேத்வா ததோ ஹேதுஅதி⁴பதிஜா²னமக்³க³பச்சயா ஏகஸதி³ஸா. ஆரம்மணானந்தரஸமனந்தரூபனிஸ்ஸயாஸேவனனத்தி²விக³தபச்சயா ஏகஸதி³ஸா. ஸஹஜாதஅஞ்ஞமஞ்ஞனிஸ்ஸயஅத்தி²அவிக³தா ஏகஸதி³ஸா. ஆஸேவனபச்சயே விபாகோ ந லப்³ப⁴தி. அஞ்ஞமஞ்ஞபச்சயே சித்தஜரூபம், உபாதா³ரூபஞ்ச ந லப்³ப⁴தீதிஆதி³னா பச்சயானம் அஞ்ஞமஞ்ஞஸதி³ஸத்தம் வத்வா புன தேஸம் ‘‘ஹேதுயா நவ. ஆரம்மணே தீணி. அதி⁴பதியா நவ. அனந்தரஸமனந்தரேஸு தீணி. ஸஹஜாதே நவ. அஞ்ஞமஞ்ஞே தீணி. நிஸ்ஸயே நவ. உபனிஸ்ஸயே தீணி. புரேஜாதே தீணி. ஆஸேவனே தீணி. கம்மே நவ. விபாகே ஏகம். ஆஹாரே நவ. இந்த்³ரியே நவ. ஜா²னே நவ. மக்³கே³ நவ. ஸம்பயுத்தே தீணி. விப்பயுத்தே நவ. அத்தி²யா நவ. நத்தி²யா தீணி. விக³தே தீணி. அவிக³தே நவா’’தி ஏவம் ஹேதுபச்சயாதீ³னம் ஏகேகஸ்மிம் புச்சா²விஸ்ஸஜ்ஜனவாரக³ணனா வுத்தாதி அயம் ஏகமூலகனயோ.

யதா² ச ஏகமூலகே, ஏவம் ‘‘ஹேதுபச்சயா ஆரம்மணபச்சயா’’திஆதி³னா த்³விமூலகாதீ³ஸுபி ஸப்³ப³மூலகபரியோஸானேஸு யதா²னுரூபம் நயோ நேதப்³போ³. பாளியம்பி வித்தா²ரனயம் அத³ஸ்ஸேத்வா ‘‘ஹேதுபச்சயா ஆரம்மணே தீணீ’’திஆதி³னா விஸ்ஸஜ்ஜனவாரக³ணனபே⁴தோ³ த³ஸ்ஸிதோதி அயம் பச்சயானுலோமே நயோ.

பச்சயபச்சனீயே பன ‘‘அகுஸலம் த⁴ம்மம் படிச்ச அகுஸலோ த⁴ம்மோ உப்பஜ்ஜதி நஹேதுபச்சயா. விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ படிச்ச விசிகிச்சா²ஸஹக³தோ உத்³த⁴ச்சஸஹக³தோ மோஹோ. அப்³யாகதம் த⁴ம்மம் படிச்ச அப்³யாகதோ த⁴ம்மோ உப்பஜ்ஜதி நஹேதுபச்சயா. அஹேதுகம் விபாகாப்³யாகதம் கிரியாப்³யாகதம் ஏகம் க²ந்த⁴ம்…பே… த்³வே க²ந்தா⁴ சித்தஸமுட்டா²னஞ்ச ரூபம். அஹேதுகபடிஸந்தி⁴க்க²ணே விபாகாப்³யாகதம் ஏகம் க²ந்த⁴ம்…பே… த்³வே க²ந்தா⁴ கடத்தா ச ரூபம்…பே… வத்து²ம் படிச்ச க²ந்தா⁴. ஏகம் மஹாபூ⁴தம் படிச்ச…பே… மஹாபூ⁴தே படிச்ச சித்தஸமுட்டா²னம் ரூபம், கடத்தாரூபம் உபாதா³ரூபம்…பே… ஏகம் மஹாபூ⁴தம் படிச்ச…பே… உபாதா³ரூப’’ந்தி இமா த்³வே விஸ்ஸஜ்ஜிதா.

நாரம்மணபச்சயே ‘‘குஸலம் த⁴ம்மம் படிச்ச அப்³யாகதோ…பே… குஸலே…பே… அகுஸலம் த⁴ம்மம் படிச்ச அப்³யாகதோ…பே… அகுஸலே…பே… அப்³யாகதம் த⁴ம்மம் படிச்ச அப்³யாகதோ…பே… குஸலஞ்ச அப்³யாகதஞ்ச த⁴ம்மம் படிச்ச அப்³யாகதோ…பே… சித்தஸமுட்டா²னம் ரூபம், அகுஸலஞ்ச அப்³யாகதஞ்ச த⁴ம்மம் படிச்ச அப்³யாகதோ…பே… மஹாபூ⁴தே படிச்ச சித்தஸமுட்டா²னம் ரூப’’ந்தி இமா பஞ்ச விஸ்ஸஜ்ஜிதா.

நாதி⁴பதிபச்சயே ‘‘குஸலம் த⁴ம்மம் படிச்ச குஸலோ…பே… குஸலம் ஏகம் க²ந்த⁴ம்…பே… த்³வே க²ந்தா⁴. குஸலம் த⁴ம்மம் படிச்ச அப்³யாகதோ…பே… குஸலே க²ந்தே⁴ படிச்ச சித்தஸமுட்டா²னம் ரூபம். குஸலம் த⁴ம்மம் படிச்ச குஸலோ ச அப்³யாகதோ ச த⁴ம்மா உப்பஜ்ஜந்தி…பே… அகுஸலம் த⁴ம்மம் படிச்ச அகுஸலோ…பே… த்³வே க²ந்தே⁴ படிச்ச த்³வே க²ந்தா⁴, அகுஸலம் த⁴ம்மம் படிச்ச அப்³யாகதோ…பே… அகுஸலே க²ந்தே⁴ படிச்ச சித்தஸமுட்டா²னம் ரூபம். அகுஸலம் த⁴ம்மம் படிச்ச அகுஸலோ ச அப்³யாகதோ ச த⁴ம்மா…பே… அப்³யாகதம் த⁴ம்மம் படிச்ச அப்³யாகதோ …பே… மஹாபூ⁴தே படிச்ச…பே… கடத்தாரூபம் உபாதா³ரூபம். குஸலஞ்ச அப்³யாகதஞ்ச த⁴ம்மம் படிச்ச அப்³யாகதோ…பே… குஸலே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூபம். அகுஸலஞ்ச அப்³யாகதஞ்ச த⁴ம்மம் படிச்ச அப்³யாகதோ…பே… அகுஸலே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூப’’ந்தி நவ புச்சா² விஸ்ஸஜ்ஜிதா. நானந்தரனஸமனந்தரபச்சயா நாரம்மணபச்சயஸதி³ஸா.

நாஞ்ஞமஞ்ஞபச்சயே ‘‘குஸலம் த⁴ம்மம் படிச்ச அப்³யாகதோ…பே… குஸலே…பே… சித்தஸமுட்டா²னம் ரூபம். அகுஸலம் த⁴ம்மம் படிச்ச அப்³யாகதோ…பே… அகுஸலே…பே… சித்தஸமுட்டா²னம் ரூபம். அப்³யாகதம் த⁴ம்மம் படிச்ச அப்³யாகதோ…பே… விபாகாப்³யாகதே கிரியாப்³யாகதே க²ந்தே⁴ படிச்ச சித்தஸமுட்டா²னம் ரூபம். படிஸந்தி⁴க்க²ணே விபாகாப்³யாகதே…பே… கடத்தா ரூபம். மஹாபூ⁴தே படிச்ச சித்தஸமுட்டா²னம் ரூபம் கடத்தாரூபம் உபாதா³ரூபம். பா³ஹிரே மஹாபூ⁴தே படிச்ச உபாதா³ரூபம். ஆஹாரஸமுட்டா²னே மஹாபூ⁴தே படிச்ச உபாதா³ரூபம். உதுஸமுட்டா²னே…பே… உபாதா³ரூபம். அஸஞ்ஞஸத்தானம் மஹாபூ⁴தே படிச்ச கடத்தாரூபம் உபாதா³ரூபம். குஸலஞ்ச அப்³யாகதஞ்ச த⁴ம்மம் படிச்ச அப்³யாகதோ…பே… குஸலே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூபம். அகுஸலஞ்ச அப்³யாகதஞ்ச த⁴ம்மம் படிச்ச அப்³யாகதோ…பே… அகுஸலே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூப’’ந்தி பஞ்ச விஸ்ஸஜ்ஜிதா. தத்த² விபாகாப்³யாகதே க²ந்தே⁴ படிச்ச கடத்தாரூபந்தி ஹத³யவத்து²வஜ்ஜம் வேதி³தப்³ப³ம். நஉபனிஸ்ஸயபச்சயோ நாரம்மணபச்சயஸதி³ஸோ.

நபுரேஜாதபச்சயே ‘‘குஸலம் த⁴ம்மம் படிச்ச குஸலோ…பே… அரூபே குஸலம்…பே… த்³வே க²ந்தா⁴. குஸலம் படிச்ச அப்³யாகதோ…பே… சித்தஸமுட்டா²னம் ரூப’’ந்தி குஸலபதே³ த்³வே, ததா² அகுஸலபதே³பி. ‘‘அப்³யாகதம் படிச்ச அப்³யாகதோ…பே… அரூபே விபாகாப்³யாகதம் கிரியாப்³யாகதம்…பே… பா³ஹிரம்…பே… உபாதா³ரூபம். குஸலஞ்ச அப்³யாகதஞ்ச த⁴ம்மம் படிச்ச அப்³யாகதோ. குஸலே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூபம். அகுஸலஞ்ச அப்³யாகதஞ்ச…பே… அகுஸலே க²ந்தே⁴ ச…பே… ரூப’’ந்தி இமா திஸ்ஸோதி ஸத்த விஸ்ஸஜ்ஜிதா. நபச்சா²ஜாதனாஸேவனபச்சயா நாதி⁴பதிபச்சயஸதி³ஸா. தத்த² குஸலாகுஸலகிரியானம் பட²மஜவனவஸேன நாஸேவனபச்சயப்பவத்தி வேதி³தப்³பா³.

நகம்மபச்சயே ‘‘குஸலம் படிச்ச குஸலோ, குஸலா சேதனா. அகுஸலம் படிச்ச அகுஸலோ, அகுஸலா சேதனா. அப்³யாகதம் படிச்ச அப்³யாகதோ, விபாககிரியா சேதனா. பா³ஹிரம், ஆஹாரஸமுட்டா²னம், உதுஸமுட்டா²ன’’ந்தி திஸ்ஸோ விஸ்ஸஜ்ஜிதா.

நவிபாகபச்சயே ‘‘குஸலம் படிச்ச குஸலோ, அப்³யாகதோ. குஸலோ ச அப்³யாகதோ சா’’தி குஸலபதே³ திஸ்ஸோ, ததா² அகுஸலபதே³பி. ‘‘அப்³யாகதம் படிச்ச அப்³யாகதோ…பே… பா³ஹிரம் ஆஹாரஸமுட்டா²னம் உதுஸமுட்டா²னம் அஸஞ்ஞ…பே… உபாதா³ரூபம்…பே… அகுஸலஞ்ச அப்³யாகதஞ்ச அப்³யாகதோ’’தி இமா திஸ்ஸோதி நவ விஸ்ஸஜ்ஜிதா.

நாஹாரபச்சயே ‘‘அப்³யாகதம் படிச்ச அப்³யாகதோ. பா³ஹிரம் உதுஸமுட்டா²னம், அஸஞ்ஞ…பே… உபாதா³ரூப’’ந்தி ஏகாவ.

நஇந்த்³ரியபச்சயே ‘‘அப்³யாகதம் படிச்ச அப்³யாகதோ. பா³ஹிரம் ஆஹாரஸமுட்டா²னம்…பே… உதுஸமுட்டா²னம்…பே… அஸஞ்ஞஸத்தானம் மஹாபூ⁴தே படிச்ச ரூபஜீவிதிந்த்³ரிய’’ந்தி ஏகாவ.

நஜா²னபச்சயே ‘‘அப்³யாகதம் படிச்ச அப்³யாகதோ. பஞ்சவிஞ்ஞாணஸஹக³தம்…பே… பா³ஹிரம் ஆஹாரஉதுஅஸஞ்ஞஉபாதா³ரூப’’ந்தி ஏகாவ.

நமக்³க³பச்சயே ‘‘அப்³யாகதம் படிச்ச அப்³யாகதோ. அஹேதுகம் விபாகாப்³யாகதம் கிரியாப்³யாகதம்…பே… சித்தஸமுட்டா²னம்…பே… அஹேதுகபடிஸந்தி⁴க்க²ணே விபாகா…பே… கடத்தா ச ரூபம்…பே… பா³ஹிரம் ஆஹாரஉதுஅஸஞ்ஞஉபாதா³ரூப’’ந்தி ஏகாவ.

நஸம்பயுத்தபச்சயோ நாரம்மணபச்சயஸதி³ஸோ.

நவிப்பயுத்தபச்சயே ‘‘குஸலம் படிச்ச குஸலோ. அரூபே குஸலோவ. அகுஸலம்…பே… அரூபே அகுஸலோ. அப்³யாகதம் படிச்ச அப்³யாகதோ, அரூபே விபாககிரியாப்³யாகதம். பா³ஹிரம் அஸஞ்ஞ…பே… உபாதா³ரூப’’ந்தி இமா திஸ்ஸோவ புச்சா² விஸ்ஸஜ்ஜிதா. நோனத்தி²னோவிக³தபச்சயா நாரம்மணபச்சயஸதி³ஸா. நஸஹஜாதனனிஸ்ஸயனோஅத்தி²னோஅவிக³தபச்சயா பனேத்த² சத்தாரோபி ந லப்³ப⁴ந்தீதி.

ஏவம் பச்சனீகே லப்³ப⁴மானபஞ்ஹவிஸ்ஸஜ்ஜனம் த³ஸ்ஸேத்வா ததோ ‘‘நஹேதுயா த்³வே. நாரம்மணே பஞ்ச. நாதி⁴பதியா நவ. நானந்தரே நஸமனந்தரே நாஞ்ஞமஞ்ஞே நஉபனிஸ்ஸயே பஞ்ச. நபுரேஜாதே ஸத்த. நபச்சா²ஜாதே நாஸேவனே நவ. நகம்மே தீணி. நவிபாகே நவ. நாஹாரே நஇந்த்³ரியே நஜா²னே நமக்³கே³ ஏகம். நஸம்பயுத்தே பஞ்ச. நவிப்பயுத்தே தீணி. நோனத்தி²னோவிக³தேஸு பஞ்சா’’தி விஸ்ஸஜ்ஜனவாரக³ணனா வுத்தாதி அயம் ஏகமூலகனயோ.

இமினாவ நயேன த்³விமூலகாதீ³ஸுபி யதா²னுரூபம் நயோ நேதப்³போ³, பாளியம் பன ‘‘நஹேதுபச்சயா நாரம்மணே ஏக’’ந்திஆதி³னா விஸ்ஸஜ்ஜனவாரக³ணனாவ த³ஸ்ஸிதாதி அயம் பச்சயபச்சனீயனயோ.

இமினா வுத்தானுஸாரேனேவ ‘‘குஸலம் த⁴ம்மம் படிச்ச அப்³யாகதோ த⁴ம்மோ உப்பஜ்ஜதி ஹேதுபச்சயா நாரம்மணபச்சயா’’திஆதி³னா அனுலோமபச்சனீயனயே, ‘‘அகுஸலம் த⁴ம்மம் படிச்ச அகுஸலோ த⁴ம்மோ உப்பஜ்ஜதி நஹேதுபச்சயா ஆரம்மணபச்சயா’’திஆதி³னா பச்சனீயானுலோமனயே பஞ்ஹவிஸ்ஸஜ்ஜனனயோ வேதி³தப்³போ³. பாளியம் பனேத்த² விஸ்ஸஜ்ஜனவாரக³ணனாவ த³ஸ்ஸிதாதி அயம் அனுலோமபச்சனீயகுஸலத்திகே படிச்சவாரனயோ.

ஸஹஜாதவாராதீ³ஸுபி ச²வாரேஸு படிச்சவாரே வுத்தானுஸாரேன ஸப்³ப³த்த² நயோ நேதப்³போ³. யே பன தத்த² தத்த² பாளிவிஸேஸா, அத்த²விஸேஸா ச உபலப்³ப⁴ந்தி, தே பட்டா²னபாளிஅட்ட²கதா²ஸு ஏவ ஸப்³பா³காரதோ க³ஹேதப்³பா³. இத⁴ பன தே ஸப்³பே³ ஸங்கே²பனயதோ த³ஸ்ஸியமானாபி க³ந்த²பா⁴ரியம் கரோந்தீதி ந த³ஸ்ஸிதா.

தேஸு பன வாரேஸு ‘‘குஸலம் த⁴ம்மம் ஸஹஜாதோ குஸலோ த⁴ம்மோ உப்பஜ்ஜதி ஹேதுபச்சயா. குஸலம் த⁴ம்மம் பச்சயா… குஸலம் த⁴ம்மம் நிஸ்ஸாய… குஸலம் த⁴ம்மம் ஸம்ஸட்டோ²… குஸலம் த⁴ம்மம் ஸம்பயுத்தோ குஸலோ த⁴ம்மோ உப்பஜ்ஜதி ஹேதுபச்சயா’’தி ஏவம் ஆதி³தோ பஞ்சஸு வாரேஸு பாளிக³தி ஞாதப்³பா³. தேஸு ச படிச்சஸஹஜாதா ஏகத்தா², பச்சயனிஸ்ஸயா ஏகத்தா², ஸம்ஸட்ட²ஸம்பயுத்தா ஏகத்தா². தத்த² ‘‘குஸலம் த⁴ம்மம் ஸஹஜாதோ’’திஆதீ³ஸு குஸலம் த⁴ம்மம் படிச்ச தேன ஸஹஜாதோ ஹுத்வாதிஆதி³னா யதா²னுரூபம் அத்தோ² வேதி³தப்³போ³. பச்சி²மே பன பஞ்ஹாவாரே ‘‘குஸலோ த⁴ம்மோ குஸலஸ்ஸ த⁴ம்மஸ்ஸ ஹேதுபச்சயேன பச்சயோ. குஸலா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. குஸலோ அப்³யாகதஸ்ஸ…பே… குஸலஸ்ஸ ச அப்³யாகதஸ்ஸ ச…பே… குஸலா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்சா’’திஆதி³னா ஹேதுபச்சயே,

‘‘குஸலோ த⁴ம்மோ குஸலஸ்ஸ த⁴ம்மஸ்ஸ ஆரம்மணபச்சயேன பச்சயோ. தா³னம் த³த்வா ஸீலம் ஸமாதி³யித்வா உபோஸத²கம்மம் கத்வா தம் பச்சவேக்க²தி. புப்³பே³ ஸுசிண்ணானி…பே… ஜா²னா வுட்ட²ஹித்வா ஜா²னம்… ஸேகா² கோ³த்ரபு⁴ம் வோதா³னம் மக்³க³ம் பச்சவேக்க²ந்தி. ஸேகா² வா புது²ஜ்ஜனா வா குஸலம் அனிச்சதோ து³க்க²தோ அனத்ததோ விபஸ்ஸந்தி. சேதோபரியஞாணேன குஸலசித்தஸமங்கி³ஸ்ஸ சித்தம் ஜானந்தி. ஆகாஸானஞ்சாயதனகுஸலம் விஞ்ஞாணஞ்சாயதனகுஸலஸ்ஸ ஆரம்மணபச்சயேன பச்சயோ. ஆகிஞ்சஞ்ஞாயதனகுஸலம் நேவஸஞ்ஞானாஸஞ்ஞாயதனகுஸலஸ்ஸ… குஸலா க²ந்தா⁴ இத்³தி⁴வித⁴ஞாணஸ்ஸ சேதோபரியபுப்³பே³னிவாஸயதா²கம்மூபக³அனாக³தம்ஸஞாணஸ்ஸ ஆரம்மணபச்சயேன பச்சயோ.

குஸலோ அகுஸலஸ்ஸ…பே… தா³னம் த³த்வா…பே… கத்வா தம் அஸ்ஸாதே³தி அபி⁴னந்த³தி. தம் ஆரப்³ப⁴ ராகோ³ உப்பஜ்ஜதி. தி³ட்டி² விசிகிச்சா² உத்³த⁴ச்சம் தோ³மனஸ்ஸம் உப்பஜ்ஜதி. புப்³பே³ ஸுசிண்ணானி அஸ்ஸாதே³தி …பே… தோ³மனஸ்ஸம் உப்பஜ்ஜதி. ஜா²னா வுட்ட²ஹித்வா ஜா²னம் அஸ்ஸாதே³தி…பே… உத்³த⁴ச்சம் உப்பஜ்ஜதி. ஜா²னே பரிஹீனே விப்படிஸாரிஸ்ஸ தோ³மனஸ்ஸம் உப்பஜ்ஜதி.

குஸலோ அப்³யாகதஸ்ஸ…பே… பச்சயோ. அரஹா மக்³க³ம் பச்சவேக்க²தி. புப்³பே³ ஸுசிண்ணானி… குஸல…பே… விபஸ்ஸதி…பே… விபாகோ ததா³ரம்மணதா உப்பஜ்ஜதி. ஆகாஸானஞ்சாயதனகுஸலம் விஞ்ஞாணஞ்சாயதனவிபாகஸ்ஸ…பே… கிரியஸ்ஸ. ஆகிஞ்சஞ்ஞாயதன…பே… விபாகஸ்ஸ ச கிரியஸ்ஸ ச. குஸலா க²ந்தா⁴ சேதோபரிய…பே… அனாக³தம்ஸஞாணஸ்ஸ ஆவஜ்ஜனாய.

அகுஸலோ அகுஸலஸ்ஸ…பே… பச்சயோ. ராக³ம் அஸ்ஸாதே³தி…பே… உத்³த⁴ச்சம் உப்பஜ்ஜதி. அகுஸலோ குஸலஸ்ஸ…பே… பச்சயோ. ஸேகா² பஹீனே கிலேஸே…பே… அனாக³தம்ஸஞாணஸ்ஸ. அகுஸலோ அப்³யாகதஸ்ஸ… அரஹா பஹீனே கிலேஸே…பே… ஆவஜ்ஜனாய.

அப்³யாகதோ அப்³யாகதஸ்ஸ… அரஹா ப²லம் பச்சவேக்க²தி. நிப்³பா³னம், சக்கு²ம்…பே… போ²ட்ட²ப்³ப³ம் விபஸ்ஸதி. தி³ப்³பே³ன சக்கு²னா ரூபம் பஸ்ஸதி…பே… ஆகிஞ்சஞ்ஞாயதனகிரியம்…பே… கிரியஸ்ஸ. ரூபாயதனம் சக்கு²விஞ்ஞாணஸ்ஸ…பே… ஆவஜ்ஜனாய. அப்³யாகதோ குஸலஸ்ஸ… ஸேகா² ப²லம்…பே… அனாக³தம்ஸஞாணஸ்ஸ. அப்³யாகதோ அகுஸலஸ்ஸ… சக்கு²ம் அஸ்ஸாதே³தீ’’திஆதி³னா ஆரம்மணபச்சயே ச,

‘‘குஸலோ குஸலஸ்ஸ அதி⁴பதிபச்சயேன பச்சயோ. ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம் த³த்வா’’திஆதி³னா அதி⁴பதிபச்சயே ச,

‘‘குஸலோ குஸலஸ்ஸ அனந்தரபச்சயேன பச்சயோ’’திஆதி³னா வித்தா²ரதோ அனந்தரஸமனந்தரஸஹஜாதஅஞ்ஞமஞ்ஞனிஸ்ஸயபச்சயேஸு ச,

‘‘குஸலோ குஸலஸ்ஸ உபனிஸ்ஸயபச்சயேன பச்சயோ. ஆரம்மணூபனிஸ்ஸயோ அனந்தரூபனிஸ்ஸயோ பகதூபனிஸ்ஸயோ. ஆரம்மணூபனிஸ்ஸயோ – தா³னம் த³த்வா’’திஆதி³னா ஆரம்மணபச்சயே வுத்தனயேன, ‘‘அனந்தரூபனிஸ்ஸயோ – புரிமா புரிமா குஸலா க²ந்தா⁴ பச்சி²மானம் பச்சி²மான’’ந்திஆதி³னா அனந்தரபச்சயே வுத்தனயேனேவ, ‘‘பகதூபனிஸ்ஸயோ – ஸத்³த⁴ம் உபனிஸ்ஸாய…பே… உபோஸத²கம்மம் கரோதி. ஜா²னம், விபஸ்ஸனம், மக்³க³ம், அபி⁴ஞ்ஞம், ஸமாபத்திம் உப்பாதே³தி. ஸீலம், ஸுதம், சாக³ம், பஞ்ஞம் உபனிஸ்ஸாய…பே… பட²மஸ்ஸ ஜா²னஸ்ஸ பரிகம்மம் பட²மஸ்ஸ ஜா²னஸ்ஸ உபனிஸ்ஸயபச்சயேன பச்சயோ…பே… ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ…பே… யதா²கம்மூபக³ஞாணம் அனாக³தம்ஸஞாணஸ்ஸ…பே… பட²மஸ்ஸ மக்³க³ஸ்ஸ பரிகம்மம் பட²மஸ்ஸ…பே… ததியோ மக்³கோ³ சதுத்த²ஸ்ஸ. மக்³கோ³ ஸேகா²னம் அத்த²படிஸம்பி⁴தா³ய…பே… டா²னாடா²னகோஸல்லஸ்ஸ உபனிஸ்ஸய. குஸலோ அகுஸலஸ்ஸ…பே… ஆரம்மணூபனிஸ்ஸயோ. பகதூப…பே… பகதூபனிஸ்ஸயோ – ஸத்³த⁴ம் உபனிஸ்ஸாய மானம் ஜப்பேதி. தி³ட்டி²ம் க³ண்ஹாதி…பே… ஸத்³தா⁴ ஸீலம் ஸுதம் சாகோ³ பஞ்ஞா ராக³ஸ்ஸ, தோ³ஸஸ்ஸ, மோஹஸ்ஸ, மானஸ்ஸ, தி³ட்டி²யா. பத்த²னாய…பே… குஸலோ அப்³யாகதஸ்ஸ…பே… ஆரம்மணூபனிஸ்ஸயோ. அனந்தரூபனிஸ்ஸயோ. பகதூப…பே… பகதூபனிஸ்ஸயோ – ஸத்³த⁴ம் உபனிஸ்ஸாய அத்தானம் ஆதாபேதி…பே… காயிகஸ்ஸ ஸுக²ஸ்ஸ, து³க்க²ஸ்ஸ, ப²லஸமாபத்தியா. குஸலம் கம்மம் விபாகஸ்ஸ…பே… மக்³கோ³ அரஹதோ அத்த²படிஸம்பி⁴தா³ய பச்சயோ.

அகுஸலோ அகுஸலஸ்ஸ…பே… பகதூபனிஸ்ஸயோ – ராக³ம் உபனிஸ்ஸாய பாணம் ஹனதி…பே… ஸம்ப²ம் பலபதி…பே… ஸங்க⁴ம் பி⁴ந்த³தி. தோ³ஸம், மோஹம், மானம், தி³ட்டி²ம், பத்த²னம் உபனிஸ்ஸாய…பே… ஸங்க⁴ம் பி⁴ந்த³தி…பே… பாணாதிபாதோ பாணாதிபாதஸ்ஸ…பே… ஸங்க⁴பே⁴த³கம்மஸ்ஸ…பே… பச்சயோ.

அகுஸலோ குஸலஸ்ஸ…பே… பகதூபனிஸ்ஸயோ – ராக³ம் உபனிஸ்ஸாய தா³னம் தே³தி…பே… மக்³க³ம் உப்பாதே³தி…பே… ஸமாபத்திம் உப்பாதே³தி. ராகோ³…பே… பத்த²னா. ஸத்³தா⁴ய, ஸீலஸ்ஸ…பே… பஞ்ஞாய உபனிஸ்ஸய. பாணம் ஹந்த்வா தஸ்ஸ படிகா⁴தத்தா²ய தா³னம் தே³தீ’’திஆதி³னா ச உபனிஸ்ஸயபச்சயே ச,

‘‘அப்³யாகதோ அப்³யாகதஸ்ஸ புரேஜாதபச்சயேன பச்சயோ…பே… ஆரம்மணபுரேஜாதம் – அரஹா சக்கு²ம்…பே… போ²ட்ட²ப்³பே³, வத்து²ம் விபஸ்ஸதி…பே… தி³ப்³பே³ன சக்கு²னா ரூபம் பஸ்ஸதி…பே… ரூபாயதனம் சக்கு²விஞ்ஞாணஸ்ஸ…பே… வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… வத்து² விபாகாப்³யாகதான’’ந்திஆதி³னா புரேஜாதபச்சயே ச,

‘‘குஸலோ அப்³யாகதஸ்ஸ…பே… பச்சா²ஜாதா குஸலா க²ந்தா⁴ புரேஜாதஸ்ஸ இமஸ்ஸ காயஸ்ஸா’’திஆதி³னா பச்சா²ஜாதபச்சயே ச,

‘‘குஸலோ குஸலஸ்ஸ…பே… புரிமா புரிமா குஸலா க²ந்தா⁴’’திஆதி³னா ஆஸேவனபச்சயே ச,

‘‘ஸஹஜாதா நானாக்க²ணிகா, ஸஹஜாதா குஸலா சேதனா…பே… ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம். நானாக்க²ணிகா விபாகானம் க²ந்தா⁴னம் கடத்தா ச ரூபான’’ந்திஆதி³னா கம்மபச்சயே ச,

‘‘அப்³யாகதோ அப்³யாகதஸ்ஸ…பே… ஏகோ க²ந்தோ⁴ திண்ணன்ன’’ந்திஆதி³னா விபாகபச்சயே ச,

‘‘குஸலோ குஸலஸ்ஸா’’திஆதி³னா ஆஹாரபச்சயாதீ³ஸு ச, ‘‘குஸலோ அப்³யாகதஸ்ஸ, ஸஹஜாதம், பச்சா²ஜாதம், ஸஹஜாதா சித்தஸமுட்டா²னானம் ரூபானம். பச்சா²ஜாதா இமஸ்ஸ காயஸ்ஸ…பே… அப்³யாகதோ குஸலஸ்ஸ…பே… புரேஜாதம் வத்து² குஸலானம் க²ந்தா⁴னம் விப்பயுத்தபச்சயேன பச்சயோ’’திஆதி³னா விப்பயுத்தபச்சயாதீ³ஸு ச பாளிக³தி வேதி³தப்³பா³.

தத்த² குஸலத⁴ம்மோ நாமேஸ யஸ்மா உப்பஜ்ஜந்தோ ட²பேத்வா பச்சா²ஜாதபச்சயம், விபாகபச்சயஞ்ச ஸேஸேஹி த்³வாவீஸதியா பச்சயேஹி உப்பஜ்ஜதி. குஸலஸ்ஸ ச பச்சயோ ஹோந்தோ ட²பேத்வா புரேஜாதபச்சா²ஜாதவிபாகவிப்பயுத்தபச்சயே ஸேஸேஹி வீஸதியா பச்சயேஹி பச்சயோ ஹோதி. ஏவம் குஸலோ குஸலாதீ³னம், அகுஸலோ ச அகுஸலாதீ³னம் யதா²னுரூபம் பச்சயா ஹோந்தி, தஸ்மா குஸலாதீ³னம் தம்தம்பச்சயுப்பன்னவிபா⁴க³ம் த³ஸ்ஸேதும் பஞ்ஹாவாரோ வுத்தோ. தத்த² ஸேகா² கோ³த்ரபு⁴ந்தி ஸோதாபன்னம் ஸந்தா⁴ய வுத்தம், வோதா³னந்தி ஸகதா³கா³மிஅனாகா³மினோ. தேஸம் ஹி கோ³த்ரபு⁴சித்தம் வோதா³னம் நாம. மக்³கா³ வுட்ட²ஹித்வாதி மக்³க³வீதி²தோ வுட்டா²ய. ந ஹி மக்³கா³னந்தரா பச்சவேக்க²ணா நாம அத்தீ²தி அயம் அனுலோமபட்டா²னே குஸலத்திகனயோ.

வேத³னாத்திகாதீ³ஸு ‘‘ஸுகா²ய வேத³னாய ஸம்பயுத்தம் த⁴ம்மம் படிச்ச ஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா. ஸுகா²ய வேத³னாய ஸம்பயுத்தம் ஏகம் க²ந்த⁴ம் படிச்ச த்³வே க²ந்தா⁴. த்³வே க²ந்தே⁴ படிச்ச ஏகோ க²ந்தோ⁴’’திஆதி³னா குஸலத்திகே வுத்தானுஸாரேன படிச்சவாராதீ³ஸு பஞ்ஹாவாரபரியோஸானேஸு ஸத்தஸு வாரேஸு ஏகேகஸ்மிம் பச்சயானுலோமாதீ³ஹி ச ஏகமூலாதீ³ஹி நயேஹி ச ஸப்³ப³த்திகேஸு லப்³ப⁴மானபத³வஸேன க³ணனானயோ யோஜேத்வா ஞாதப்³போ³. தத்த² வேத³னாத்திகே வேத³னாக்க²ந்த⁴ஸ்ஸ அலப்³ப⁴னதோ ‘‘ஏகம் க²ந்த⁴ம் நிஸ்ஸாய த்³வே க²ந்தா⁴’’திஆதி³ வுத்தம். ஸப்³ப³த்த² விஸேஸோ பாளிஅட்ட²கதா²னுஸாரேனேவ ஞாதப்³போ³தி அயம் அனுலோமபடிலோமே திகபட்டா²னனயோ.

து³கபட்டா²னே பன ‘‘ஹேதும் த⁴ம்மம் படிச்ச ஹேது த⁴ம்மோ உப்பஜ்ஜதி ஹேதுபச்சயா. அலோப⁴ம் படிச்ச அதோ³ஸோ. அமோஹோ. அதோ³ஸம் அமோஹம் படிச்ச அலோபோ⁴. அதோ³ஸோ. லோப⁴ம் படிச்ச மோஹோ. மோஹம் படிச்ச லோபோ⁴. தோ³ஸம் படிச்ச மோஹோ. மோஹம் படிச்ச தோ³ஸோ. படிஸந்தி⁴க்க²ணே ஹேதும் த⁴ம்மம் படிச்ச நஹேது த⁴ம்மோ உப்பஜ்ஜதி…பே… ஹேதூ ச நஹேதூ ச. நஹேதும் படிச்ச நஹேது த⁴ம்மோ ந…பே… ஹேதூ ச நஹேதூ சா’’திஆதி³னா ஹேதுது³கே,

‘‘ஸஹேதுகம் த⁴ம்மம் படிச்ச ஸஹேதுகோ த⁴ம்மோ உப்பஜ்ஜதி ஹேதுபச்சயா. ஸஹேதுகம் ஏகம் க²ந்த⁴ம்…பே… ஸஹேதுகம் த⁴ம்மம் படிச்ச. அஹேதுகோ…பே… சித்தஸமுட்டா²னம் ரூபம். படிஸந்தி⁴க்க²ணே…பே… ஸஹேதுகோ ச, அஹேதுகோ ச…பே… அஹேதுகம் க²ந்த⁴ம் படிச்ச அஹேதுகோ. விசிகிச்சா²ஸஹக³தம் உத்³த⁴ச்சஸஹக³தம் மோஹம் படிச்ச ஸம்பயுத்தகா க²ந்தா⁴…பே… சித்தஸமுட்டா²னம். ஆஹாரஸமுட்டா²ன’’ந்திஆதி³னா ஸஹேதுகது³காதீ³ஸு ச கேனசிவிஞ்ஞேய்யது³கவஜ்ஜிதேஸு ஸப்³ப³து³கேஸு பச்சேகம் படிச்சவாராதீ³ஸு ஸத்தஸு மஹாவாரேஸு ஏகேகஸ்மிம் பச்சயானுலோமாதீ³ஸு சதூஸு நயேஸு ஏகமூலகாதீ³ஹி ஸப்³ப³வாரேஹி குஸலத்திகே வுத்தானுஸாரேன யதா²னுரூபம் விப⁴ங்க³னயோ யோஜேத்வா ஞாதப்³போ³. ஸப்³ப³ஸ்மிம்பி ஹி பட்டா²னே கேனசிவிஞ்ஞேய்யது³கம் ந லப்³ப⁴தீதி அயம் து³கபட்டா²னனயோ.

து³கதிகபட்டா²னே பன ‘‘ஹேதும் குஸலம் த⁴ம்மம் படிச்ச ஹேது குஸலோ த⁴ம்மோ உப்பஜ்ஜதி ஹேதுபச்சயா’’திஆதி³னா ஹேதுது³கேன ஸத்³தி⁴ம் குஸலத்திகே குஸலம் பத³ம் யோஜேத்வா படிச்சவாராதீ³ஸு ஸத்தஸு வாரேஸு பச்சயானுலோமாதீ³னம் சதுன்னம் நயானம் வஸேன லப்³ப⁴மானகபச்சயா ஏகமூலகாதி³னயேஹி த³ஸ்ஸிதா. யதா² ச குஸலம் பத³ம், ஏவம் அகுஸலம் பத³ம், அப்³யாகதஞ்ச ஹேதுது³கேன யோஜேத்வா வுத்தனயேன த³ஸ்ஸேத்வா ஹேதுகுஸலது³கதிகந்தி ட²பிதம். பாளி பன அதிஸம்கி²த்தா. யதா² குஸலத்திகம், ஏவம் ‘‘ஹேதும் ஸுகா²ய வேத³னாய ஸம்பயுத்தம் த⁴ம்மம் படிச்ச ஹேது ஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா’’திஆதி³னா லப்³ப⁴மானகபத³வஸேன வேத³னாத்திகாத³யோபி ஹேதுது³கேன யோஜேத்வா ஹேதுவேத³னது³கதிகாதீ³னி ஏகவீஸதிது³கதிகானி த³ஸ்ஸிதானீதி. யதா² ச ஹேதுது³கேன ஸத்³தி⁴ம் லப்³ப⁴மானகபத³வஸேன த்³வாவீஸதிதிகா யோஜிதா, ஏவம் ஸஹேதுகது³காதீ³ஹி ஸப்³பே³ஹி ஸத்³தி⁴ம் பச்சேகம் த்³வாவீஸதிதிகா யோஜேதப்³பா³. பாளி பனேத்த² இதோ பரேஸுபி ஸப்³ப³த்த² அதிஸம்கி²த்தா. ஏவம் த்³வாவீஸதிதிகே க³ஹேத்வா து³கஸதே பக்கி²பித்வா து³கதிகபட்டா²னம் தே³ஸிதந்தி அயம் து³கதிகபட்டா²னனயோ.

திகது³கபட்டா²னேபி ‘‘குஸலம் ஹேதும் த⁴ம்மம் படிச்ச குஸலோ ஹேது த⁴ம்மோ உப்பஜ்ஜதி ஹேதுபச்சயா’’திஆதி³னா குஸலத்திகேன ஸத்³தி⁴ம் ஹேதுபத³ம் யோஜேத்வா படிச்சவாராதீ³ஸு ஸத்தஸு மஹாவாரேஸு பச்சயானுலோமாதி³னயசதுக்கவஸேன லப்³ப⁴மானகபச்சயா ஏகமூலாதீ³ஹி ஸப்³ப³வாரேஹி த³ஸ்ஸிதா. யதா² ஹேதுபத³ம், ஏவம் நஹேதுபத³ம்பி குஸலத்திகேன ஸத்³தி⁴ம் யோஜேத்வா குஸலஹேது திகது³கந்தி ட²பிதம். யதா² ச குஸலத்திகேன ஸத்³தி⁴ம் ஹேதுது³கம், ஏவம் ‘‘ஸுகா²ய வேத³னாய ஸம்பயுத்தம் ஹேதும் குஸலம் த⁴ம்மம் படிச்சா’’திஆதி³னா வேத³னாத்திகாதீ³ஹிபி தம் யோஜேத்வா வேத³னாத்திகது³காதீ³னி ஏகவீஸதிதிகது³காதீ³னி த³ஸ்ஸிதானி. யதா² ச ஹேதுது³கம், ஏவம் ஸஹேதுகாத³யோபி ஸப்³பே³ பச்சேகம் த்³வாவீஸதியா திகேஹி லப்³ப⁴மானபத³வஸேனேவ யோஜிதா. ஏவம் து³கஸதம் த்³வாவீஸதியா திகேஸு பக்கி²பித்வா திகது³கபட்டா²னம் தே³ஸிதந்தி அயம் திகது³கபட்டா²னனயோ.

திகதிகபட்டா²னேபி ‘‘குஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச குஸலோ ஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா’’திஆதி³னா குஸலத்திகம் வேத³னாத்திகாதீ³ஹி ஸப்³ப³த்திகேஹி, வேத³னாத்திகாத³யோ ச குஸலத்திகாதீ³ஹி வுத்தனயேன யோஜேத்வா பச்சயா த³ஸ்ஸிதா. ஏவம் திகேஸு ஏவ திகே பக்கி²பித்வா திகதிகபட்டா²னம் தே³ஸிதந்தி அயம் திகதிகபட்டா²னனயோ.

து³கது³கபட்டா²னேபி ‘‘ஹேதும் ஸஹேதுகம் த⁴ம்மம் படிச்ச ஹேது ஸஹேதுகோ த⁴ம்மோ உப்பஜ்ஜதி ஹேதுபச்சயா’’திஆதி³னா ஹேதுது³கம் ஸஹேதுகாதீ³ஹி, ஸஹேதுகஞ்ச ஹேதுது³காதீ³ஹி யோஜேத்வா ஹேட்டா² வுத்தனயேஹி பச்சயா த³ஸ்ஸிதா. ஏவம் து³கேஸு ஏவ து³கே பக்கி²பித்வா து³கது³கபட்டா²னம் தே³ஸிதந்தி அயம் து³கது³கபட்டா²னனயோ. ஏவம் தாவ அனுலோமபட்டா²னே –

‘‘திகஞ்ச பட்டா²னவரம் து³குத்தமம்,

து³கதிகஞ்சேவ திகது³கஞ்ச;

திகதிகஞ்சேவ து³கது³கஞ்ச,

ச² அனுலோமம்ஹி நயா ஸுக³ம்பீ⁴ரா’’தி. –

வுத்தா ச² நயா வேதி³தப்³பா³. பச்சயவஸேன பனேதேஸு ச²ஸு ஏகேகஸ்மிம் பட்டா²னே பச்சயானுலோமாதீ³னம் சதுன்னம் நயானம் வஸேன ஏதேன பரியாயேன சதுவீஸதினயபடிமண்டி³தமித³ம் த⁴ம்மானுலோமபட்டா²னந்தி வேதி³தப்³ப³ம். அயம் அனுலோமபட்டா²னனயோ.

பச்சனீயபட்டா²னே பன ‘‘நகுஸலம் த⁴ம்மம் படிச்ச நகுஸலோ த⁴ம்மோ உப்பஜ்ஜதி ஹேதுபச்சயா. அகுஸலம் அப்³யாகதம் ஏகம் க²ந்த⁴ம் படிச்ச…பே… த்³வே க²ந்தா⁴, சித்தஸமுட்டா²னஞ்ச ரூப’’ந்திஆதி³னா திகபட்டா²னே, ‘‘நஹேதும் த⁴ம்மம் படிச்ச நஹேது த⁴ம்மோ உப்பஜ்ஜதி ஹேதுபச்சயா. நஹேதும் ஏகம் க²ந்த⁴ம் படிச்ச…பே… சித்தஸமுட்டா²னஞ்ச ரூப’’ந்திஆதி³னா து³கபட்டா²னே ச, ‘‘நஹேதும் நகுஸலம் த⁴ம்மம் படிச்ச நஹேது நகுஸலோ த⁴ம்மோ உப்பஜ்ஜதி ஹேதுபச்சயா. நஹேதும் நகுஸலம் அப்³யாகதம் ஏகம் க²ந்த⁴ம் படிச்ச தயோ க²ந்தா⁴’’திஆதி³னா து³கதிகபட்டா²னே ச, ‘‘நகுஸலம் நஹேதும் த⁴ம்மம் படிச்ச நகுஸலோ நஹேது த⁴ம்மோ உப்பஜ்ஜதீ’’திஆதி³னா திகது³கபட்டா²னே ச, ‘‘நகுஸலம் நஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதீ’’திஆதி³னா திகதிகபட்டா²னே ச, ‘‘நஹேதும் நஸஹேதுகம் த⁴ம்மம் படிச்ச நஹேது நஸஹேதுகோ த⁴ம்மோ உப்பஜ்ஜதி ஹேதுபச்சயா’’திஆதி³னா து³கது³கபட்டா²னே சாதி ச²ஸு பச்சனீயபட்டா²னேஸு அனுலோமதிகபட்டா²னாதீ³ஸு ச²ஸு பட்டா²னேஸு வுத்தேன ஸப்³பே³ன பகாரேன பாளினயோ வேதி³தப்³போ³. இத³ஞ்ச குஸலாதீ³னம், ஹேதுஆதீ³னஞ்ச த⁴ம்மானம் பச்சயுப்பன்னபா⁴வபடிக்கே²பவஸேன பவத்தத்தா த⁴ம்மபச்சனீயபட்டா²னம் நாம ஜாதம். தத்த² ஹி நகுஸலம் த⁴ம்மம் படிச்சாதி குஸலஸ்ஸ பச்சயபடிக்கே²போ. நகுஸலோ த⁴ம்மோ உப்பஜ்ஜதீதி குஸலஸ்ஸ பச்சயுப்பன்னபா⁴வபடிக்கே²போ. ததா² ‘‘அகுஸலம் அப்³யாகதம் ஏகம் க²ந்த⁴ம் படிச்ச…பே… அகுஸலா, அப்³யாகதா க²ந்தா⁴ சித்தஸமுட்டா²னஞ்ச ரூபம் உப்பஜ்ஜதீ’’தி ஏவமாதி³னா நயேனேத்த² அத்தோ² வேதி³தப்³போ³. ஏவமேத்த² பச்சனீயபட்டா²னே –

‘‘திகஞ்ச பட்டா²னவரம் து³குத்தமம்,

து³கதிகஞ்சேவ திகது³கஞ்ச;

திகதிகஞ்சேவ து³கது³கஞ்ச,

ச² பச்சனீயம்ஹி நயா ஸுக³ம்பீ⁴ரா’’தி. –

வுத்தா ச² நயா வேதி³தப்³பா³. பச்சயவஸேன பனேத்தா²பி ஏகேகஸ்மிம் பச்சயானுலோமாதீ³னம் சதுன்னம் சதுன்னம் நயானம் வஸேன சதுவீஸதினயபடிமண்டி³தமித³ம் த⁴ம்மபச்சனீயபட்டா²னந்தி வேதி³தப்³ப³ந்தி அயம் பச்சனீயபட்டா²னனயோ.

அனுலோமபச்சனீயபட்டா²னே பன ‘‘குஸலம் த⁴ம்மம் படிச்ச நகுஸலோ த⁴ம்மோ உப்பஜ்ஜதி ஹேதுபச்சயா. குஸலே க²ந்தே⁴ படிச்ச சித்தஸமுட்டா²னம் ரூப’’ந்திஆதி³னா திகபட்டா²னே, ‘‘ஹேதும் த⁴ம்மம் படிச்ச நஹேது த⁴ம்மோ உப்பஜ்ஜதி ஹேதுபச்சயா’’திஆதி³னா து³கபட்டா²னே ச, ‘‘ஹேதும் குஸலம் த⁴ம்மம் படிச்ச நஹேது நகுஸலோ த⁴ம்மோ உப்பஜ்ஜதீ’’திஆதி³னா து³கதிகபட்டா²னே ச, ‘‘குஸலம் ஹேதும் த⁴ம்மம் படிச்ச நகுஸலோ நஹேது த⁴ம்மோ உப்பஜ்ஜதீ’’திஆதி³னா திகது³கபட்டா²னே ச, ‘‘குஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதீ’’திஆதி³னா திகதிகபட்டா²னே ச, ‘‘ஹேதும் ஸஹேதுகம் த⁴ம்மம் படிச்ச நஹேது நஸஹேதுகோ த⁴ம்மோ உப்பஜ்ஜதீ’’திஆதி³னா து³கது³கபட்டா²னே ச ஹேட்டா² வுத்தனயேன ஸப்³பே³ன பகாரேன பாளினயோ வேதி³தப்³போ³. இத³ம் குஸலாதீ³னம் த⁴ம்மானம் பச்சயத்தம் அப்படிக்கி²பித்வா பச்சயுப்பன்னானம் குஸலாதி³பா⁴வபடிக்கே²பவஸேன பவத்தத்தா த⁴ம்மானுலோமபச்சனீயபட்டா²னம் நாம ஜாதம். தத்த² ஹி குஸலம் த⁴ம்மம் படிச்சாதி குஸலஸ்ஸ பச்சயபா⁴வவிதா⁴னம். நகுஸலோ த⁴ம்மோ உப்பஜ்ஜதீதி குஸலஸ்ஸ பச்சயுப்பன்னபா⁴வனிவாரணம், தஸ்மா ‘‘குஸலே க²ந்தே⁴ படிச்ச சித்தஸமுட்டா²னம் ரூப’’ந்திஆதி³னா விஸ்ஸஜ்ஜனம் வுத்தந்தி வேதி³தப்³ப³ந்தி ஏவமேத்த² அனுலோமபச்சனீயபட்டா²னே –

‘‘திகஞ்ச பட்டா²னவரம் து³குத்தமம்,

து³கதிகஞ்சேவ திகது³கஞ்ச;

திகதிகஞ்சேவ து³கது³கஞ்ச,

ச² அனுலோமபச்சனீயம்ஹி நயா ஸுக³ம்பீ⁴ரா’’தி. –

வுத்தா ச² நயா வேதி³தப்³பா³. பச்சயவஸேன பனேத்தா²பி ஏகேகஸ்மிம் பச்சயானுலோமாதீ³னம் சதுன்னம் சதுன்னம் நயானம் வஸேன சதுவீஸதினயபடிமண்டி³தமித³ம் த⁴ம்மானுலோமபச்சனீயபட்டா²னந்தி வேதி³தப்³ப³ந்தி அயம் அனுலோமபச்சனீயபட்டா²னனயோ.

பச்சனீயானுலோமபட்டா²னே ‘‘நகுஸலம் த⁴ம்மம் படிச்ச அகுஸலோ த⁴ம்மோ…பே… நகுஸலம் த⁴ம்மம் படிச்ச அப்³யாகதோ த⁴ம்மோ உப்பஜ்ஜதி ஹேதுபச்சயா’’திஆதி³னா திகபட்டா²னே, ‘‘நஹேதும் த⁴ம்மம் படிச்ச ஹேது த⁴ம்மோ உப்பஜ்ஜதீ’’திஆதி³னா து³கபட்டா²னே ச, ‘‘நஹேதும் நகுஸலம் த⁴ம்மம் படிச்ச ஹேது அகுஸலோ த⁴ம்மோ…பே… ஹேது அப்³யாகதோ த⁴ம்மோ உப்பஜ்ஜதீதி’’ஆதி³னா து³கதிகபட்டா²னே ச, ‘‘நகுஸலம் நஹேதும் த⁴ம்மம் படிச்ச அகுஸலோ ஹேது த⁴ம்மோ…பே… அப்³யாகதோ ஹேது த⁴ம்மோ உப்பஜ்ஜதீ’’திஆதி³னா திகது³கபட்டா²னே ச, ‘‘நகுஸலம் நஸுகா²ய வேத³னாய ஸம்பயுத்தம் த⁴ம்மம் படிச்ச அகுஸலோ ஸுகா²ய வேத³னாய ஸம்பயுத்தோ த⁴ம்மோ…பே… அப்³யாகதோ ஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதீ’’திஆதி³னா திகதிகபட்டா²னே ச, ‘‘நஹேதும் நஸஹேதுகம் த⁴ம்மம் படிச்ச ஹேது ஸஹேதுகோ த⁴ம்மோ உப்பஜ்ஜதீ’’திஆதி³னா து³கது³கபட்டா²னே ச, ஹேட்டா² வுத்தேன பகாரேன பாளினயோ வேதி³தப்³போ³. இத³ஞ்ச குஸலாதி³த⁴ம்மானம் பச்சயத்தம் படிக்கி²பித்வா தேஸம் பச்சயுப்பன்னபா⁴வஅப்படிக்கே²பவஸேன பவத்தத்தா த⁴ம்மபச்சனீயானுலோமபட்டா²னம் நாம ஜாதம். தத்த² நகுஸலம் த⁴ம்மந்தி குஸலஸ்ஸ பச்சயபா⁴வனிவாரணம். அகுஸலோ த⁴ம்மோ உப்பஜ்ஜதீதி அகுஸலஸ்ஸ உப்பத்திவிதா⁴னம். குஸலம் பன படிச்ச குஸலஸ்ஸ உப்பத்திஅபா⁴வதோ ‘‘குஸலோ த⁴ம்மோ உப்பஜ்ஜதீ’’தி அவத்வா ‘‘அகுஸலோ த⁴ம்மோ உப்பஜ்ஜதீ’’தி லப்³ப⁴மானபத³வஸேன வுத்தம். குஸலம், ஹி அகுஸலம், அப்³யாகதம் வா ஸஹஜாதபச்சயம் கத்வா உப்பஜ்ஜமானோ குஸலோ நாம நத்தி², தஸ்மா அகுஸலஸ்ஸ ச அப்³யாகதஸ்ஸ ச வஸேன தே³ஸனா கதா. ஏவமஞ்ஞத்த². ஏவமேத்த² த⁴ம்மபச்சனீயானுலோமபட்டா²னே –

‘‘திகஞ்ச பட்டா²னவரம் து³குத்தமம்,

து³கதிகஞ்சேவ திகது³கஞ்ச;

திகதிகஞ்சேவ து³கது³கஞ்ச,

ச² பச்சனீயானுலோமம்ஹி நயா ஸுக³ம்பீ⁴ரா’’தி. –

வுத்தா ச² நயா வேதி³தப்³பா³. பச்சயவஸேன பனேத்தா²பி திகபட்டா²னாதீ³ஸு ஏகேகஸ்மிம் பச்சயானுலோமாதீ³னம் சதுன்னம் சதுன்னம் நயானம் வஸேன ஏகேன பரியாயேன சதுவீஸதினயபடிமண்டி³தமித³ம் த⁴ம்மபச்சனீயானுலோமபட்டா²னந்தி வேதி³தப்³ப³ந்தி அயம் பச்சனீயானுலோமபட்டா²னனயோ.

ஏவமித³ம் ப⁴க³வதா அனுலோமபட்டா²னாதீ³ஸு சதூஸு ஏகேகஸ்மிம் பட்டா²னே திகது³காதீ³னஞ்ஞேவ ச²ன்னம் ச²ன்னம் நயானம் வஸேன சதுவீஸதினயபடிமண்டி³தம் ஸமந்தபட்டா²னமஹாபகரணம் தே³ஸிதம். பச்சயவஸேன பனேதேஸு சதுவீஸதியா பட்டா²னேஸு ஏகேகஸ்மிம் பச்சயானுலோமாதீ³னம் சதுன்னம் சதுன்னம் நயானம் வஸேனேதம் ச²ன்னவுதினயபடிமண்டி³தம் ஹோதி, த⁴ம்மவஸேனேவ சேதம் பகரணம் சதுவீஸதிஸமந்தபட்டா²னம் வுத்தந்தி அயமேத்த² விப⁴ங்க³னயோ.

மோஹவிச்சே²த³னியா அபி⁴த⁴ம்மமாதிகத்த²வண்ணனாய

பட்டா²னமாதிகத்த²வண்ணனா நிட்டி²தா.

நிக³மனகதா²

ஏத்தாவதா ச –

1. மாதிகாயாபி⁴த⁴ம்மஸ்ஸ, ஆரத்³தா⁴ அத்த²வண்ணனா;

மோஹவிச்சே²த³னீ நாம, யா ஸா நிட்ட²முபாக³தா.

2. நிட்ட²ம் யதா²யம் ஸம்பத்தா, லஜ்ஜீஹி அபி⁴பத்தி²தா;

ஸப்³பே³ நிட்ட²ம் ததா² ஸந்தா, ஸமேந்து ஸுமனோரதா².

3. யோ க³ம்பீ⁴ரோ ஸஸாதீ³னம், ஸமுத்³தோ³வ ப⁴யாவஹோ;

காலேஸ்மிம் தீ⁴மதஞ்சாபி, அபி க³ந்தா²வலோகனே.