நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ

அபி⁴த⁴ம்மமாதிகாபாளி

ஏகம் ஸமயம் ப⁴க³வா தே³வேஸு விஹரதி தாவதிம்ஸப⁴வனே பாரிச்ச²த்தகமூலே பண்டு³கம்ப³லஸிலாயம். தத்ர கோ² ப⁴க³வா தே³வானம் தாவதிம்ஸானம் அபி⁴த⁴ம்மகத²ம் கதே²ஸி.

1. த⁴ம்மஸங்க³ணீமாதிகா

திகமாதிகா

குஸலா த⁴ம்மா (த⁴. ஸ. திகமாதிகா 1-22), அகுஸலா த⁴ம்மா, அப்³யாகதா த⁴ம்மா. ஸுகா²ய வேத³னாய ஸம்பயுத்தா த⁴ம்மா, து³க்கா²ய வேத³னாய ஸம்பயுத்தா த⁴ம்மா, அது³க்க²மஸுகா²ய வேத³னாய ஸம்பயுத்தா த⁴ம்மா. விபாகா த⁴ம்மா, விபாகத⁴ம்மத⁴ம்மா, நேவவிபாகனவிபாகத⁴ம்மத⁴ம்மா. உபாதி³ண்ணுபாதா³னியா த⁴ம்மா, அனுபாதி³ண்ணுபாதா³னியா த⁴ம்மா, அனுபாதி³ண்ணஅனுபாதா³னியா த⁴ம்மா. ஸம்கிலிட்ட²ஸம்கிலேஸிகா த⁴ம்மா, அஸம்கிலிட்ட²ஸம்கிலேஸிகா த⁴ம்மா, அஸம்கிலிட்ட²அஸம்கிலேஸிகா த⁴ம்மா. ஸவிதக்கஸவிசாரா த⁴ம்மா, அவிதக்கவிசாரமத்தா த⁴ம்மா, அவிதக்கஅவிசாரா த⁴ம்மா. பீதிஸஹக³தா த⁴ம்மா, ஸுக²ஸஹக³தா த⁴ம்மா, உபேக்கா²ஸஹக³தா த⁴ம்மா. த³ஸ்ஸனேன பஹாதப்³பா³ த⁴ம்மா, பா⁴வனாய பஹாதப்³பா³ த⁴ம்மா, நேவ த³ஸ்ஸனேன ந பா⁴வனாய பஹாதப்³பா³ த⁴ம்மா. த³ஸ்ஸனேன பஹாதப்³ப³ஹேதுகா த⁴ம்மா, பா⁴வனாய பஹாதப்³ப³ஹேதுகா த⁴ம்மா, நேவ த³ஸ்ஸனேன ந பா⁴வனாய பஹாதப்³ப³ஹேதுகா த⁴ம்மா. ஆசயகா³மினோ த⁴ம்மா, அபசயகா³மினோ த⁴ம்மா, நேவாசயகா³மினாபசயகா³மினோ த⁴ம்மா. ஸேக்கா² த⁴ம்மா, அஸேக்கா² த⁴ம்மா, நேவஸேக்க²னாஸேக்கா² த⁴ம்மா. பரித்தா த⁴ம்மா, மஹக்³க³தா த⁴ம்மா, அப்பமாணா த⁴ம்மா. பரித்தாரம்மணா த⁴ம்மா, மஹக்³க³தாரம்மணா த⁴ம்மா, அப்பமாணாரம்மணா த⁴ம்மா. ஹீனா த⁴ம்மா, மஜ்ஜி²மா த⁴ம்மா, பணீதா த⁴ம்மா. மிச்ச²த்தனியதா த⁴ம்மா, ஸம்மத்தனியதா த⁴ம்மா, அனியதா த⁴ம்மா. மக்³கா³ரம்மணா த⁴ம்மா, மக்³க³ஹேதுகா த⁴ம்மா, மக்³கா³தி⁴பதினோ த⁴ம்மா. உப்பன்னா த⁴ம்மா, அனுப்பன்னா த⁴ம்மா, உப்பாதி³னோ த⁴ம்மா. அதீதா த⁴ம்மா, அனாக³தா த⁴ம்மா, பச்சுப்பன்னா த⁴ம்மா. அதீதாரம்மணா த⁴ம்மா, அனாக³தாரம்மணா த⁴ம்மா, பச்சுப்பன்னாரம்மணா த⁴ம்மா. அஜ்ஜ²த்தா த⁴ம்மா, ப³ஹித்³தா⁴ த⁴ம்மா, அஜ்ஜ²த்தப³ஹித்³தா⁴ த⁴ம்மா. அஜ்ஜ²த்தாரம்மணா த⁴ம்மா, ப³ஹித்³தா⁴ரம்மணா த⁴ம்மா, அஜ்ஜ²த்தப³ஹித்³தா⁴ரம்மணா த⁴ம்மா. ஸனித³ஸ்ஸனஸப்படிகா⁴ த⁴ம்மா, அனித³ஸ்ஸனஸப்படிகா⁴ த⁴ம்மா, அனித³ஸ்ஸனஅப்படிகா⁴ த⁴ம்மா (த⁴. ஸ. திகமாதிகா 1-22).

த்³வாவீஸதிதிகம்.

து³கமாதிகா

ஹேதுகோ³ச்ச²கம்

ஹேதூ த⁴ம்மா, ந ஹேதூ த⁴ம்மா. ஸஹேதுகா த⁴ம்மா, அஹேதுகா த⁴ம்மா. ஹேதுஸம்பயுத்தா த⁴ம்மா, ஹேதுவிப்பயுத்தா த⁴ம்மா. ஹேதூ சேவ த⁴ம்மா ஸஹேதுகா ச, ஸஹேதுகா சேவ த⁴ம்மா ந ச ஹேதூ. ஹேதூ சேவ த⁴ம்மா ஹேதுஸம்பயுத்தா ச, ஹேதுஸம்பயுத்தா சேவ த⁴ம்மா ந ச ஹேதூ. ந ஹேதூ கோ² பன த⁴ம்மா ஸஹேதுகாபி, அஹேதுகாபி. ஹேதுகோ³ச்ச²கம்.

சூளந்தரது³கம்

ஸப்பச்சயா த⁴ம்மா, அப்பச்சயா த⁴ம்மா. ஸங்க²தா த⁴ம்மா, அஸங்க²தா த⁴ம்மா. ஸனித³ஸ்ஸனா த⁴ம்மா, அனித³ஸ்ஸனா த⁴ம்மா. ஸப்படிகா⁴ த⁴ம்மா, அப்படிகா⁴ த⁴ம்மா. ரூபினோ த⁴ம்மா, அரூபினோ த⁴ம்மா. லோகியா த⁴ம்மா, லோகுத்தரா த⁴ம்மா. கேனசி விஞ்ஞேய்யா த⁴ம்மா, கேனசி ந விஞ்ஞேய்யா த⁴ம்மா. சூளந்தரது³கம்.

ஆஸவகோ³ச்ச²கம்

ஆஸவா த⁴ம்மா, நோ ஆஸவா த⁴ம்மா. ஸாஸவா த⁴ம்மா, அனாஸவா த⁴ம்மா. ஆஸவஸம்பயுத்தா த⁴ம்மா, ஆஸவவிப்பயுத்தா த⁴ம்மா. ஆஸவா சேவ த⁴ம்மா ஸாஸவா ச, ஸாஸவா சேவ த⁴ம்மா நோ ச ஆஸவா. ஆஸவா சேவ த⁴ம்மா ஆஸவஸம்பயுத்தா ச, ஆஸவஸம்பயுத்தா சேவ த⁴ம்மா நோ ச ஆஸவா. ஆஸவவிப்பயுத்தா கோ² பன த⁴ம்மா ஸாஸவாபி, அனாஸவாபி. ஆஸவகோ³ச்ச²கம்.

ஸஞ்ஞோஜனகோ³ச்ச²கம்

ஸஞ்ஞோஜனா த⁴ம்மா, நோ ஸஞ்ஞோஜனா த⁴ம்மா. ஸஞ்ஞோஜனியா த⁴ம்மா, அஸஞ்ஞோஜனியா த⁴ம்மா. ஸஞ்ஞோஜனஸம்பயுத்தா த⁴ம்மா, ஸஞ்ஞோஜனவிப்பயுத்தா த⁴ம்மா. ஸஞ்ஞோஜனா சேவ த⁴ம்மா ஸஞ்ஞோஜனியா ச, ஸஞ்ஞோஜனியா சேவ த⁴ம்மா நோ ச ஸஞ்ஞோஜனா. ஸஞ்ஞோஜனா சேவ த⁴ம்மா ஸஞ்ஞோஜனஸம்பயுத்தா ச, ஸஞ்ஞோஜனஸம்பயுத்தா சேவ த⁴ம்மா நோ ச ஸஞ்ஞோஜனா. ஸஞ்ஞோஜனவிப்பயுத்தா கோ² பன த⁴ம்மா ஸஞ்ஞோஜனியாபி, அஸஞ்ஞோஜனியாபி. ஸஞ்ஞோஜனகோ³ச்ச²கம்.

க³ந்த²கோ³ச்ச²கம்

க³ந்தா² த⁴ம்மா, நோ க³ந்தா² த⁴ம்மா. க³ந்த²னியா த⁴ம்மா, அக³ந்த²னியா த⁴ம்மா. க³ந்த²ஸம்பயுத்தா த⁴ம்மா, க³ந்த²விப்பயுத்தா த⁴ம்மா. க³ந்தா² சேவ த⁴ம்மா க³ந்த²னியா ச, க³ந்த²னியா சேவ த⁴ம்மா நோ ச க³ந்தா². க³ந்தா² சேவ த⁴ம்மா க³ந்த²ஸம்பயுத்தா ச, க³ந்த²ஸம்பயுத்தா சேவ த⁴ம்மா நோ ச க³ந்தா². க³ந்த²விப்பயுத்தா கோ² பன த⁴ம்மா க³ந்த²னியாபி, அக³ந்த²னியாபி. க³ந்த²கோ³ச்ச²கம்.

ஓக⁴கோ³ச்ச²கம்

ஓகா⁴ த⁴ம்மா, நோ ஓகா⁴ த⁴ம்மா. ஓக⁴னியா த⁴ம்மா, அனோக⁴னியா த⁴ம்மா. ஓக⁴ஸம்பயுத்தா த⁴ம்மா, ஓக⁴விப்பயுத்தா த⁴ம்மா. ஓகா⁴ சேவ த⁴ம்மா ஓக⁴னியா ச, ஓக⁴னியா சேவ த⁴ம்மா நோ ச ஓகா⁴. ஓகா⁴ சேவ த⁴ம்மா ஓக⁴ஸம்பயுத்தா ச, ஓக⁴ஸம்பயுத்தா சேவ த⁴ம்மா நோ ச ஓகா⁴. ஓக⁴விப்பயுத்தா கோ² பன த⁴ம்மா ஓக⁴னியாபி, அனோக⁴னியாபி. ஓக⁴கோ³ச்ச²கம்.

யோக³கோ³ச்ச²கம்

யோகா³ த⁴ம்மா, நோ யோகா³ த⁴ம்மா. யோக³னியா த⁴ம்மா, அயோக³னியா த⁴ம்மா. யோக³ஸம்பயுத்தா த⁴ம்மா, யோக³விப்பயுத்தா த⁴ம்மா. யோகா³ சேவ த⁴ம்மா யோக³னியா ச, யோக³னியா சேவ த⁴ம்மா நோ ச யோகா³. யோகா³ சேவ த⁴ம்மா யோக³ஸம்பயுத்தா ச, யோக³ஸம்பயுத்தா சேவ த⁴ம்மா நோ ச யோகா³. யோக³விப்பயுத்தா கோ² பன த⁴ம்மா யோக³னியாபி, அயோக³னியாபி. யோக³கோ³ச்ச²கம்.

நீவரணகோ³ச்ச²கம்

நீவரணா த⁴ம்மா, நோ நீவரணா த⁴ம்மா. நீவரணியா த⁴ம்மா, அனீவரணியா த⁴ம்மா. நீவரணஸம்பயுத்தா த⁴ம்மா, நீவரணவிப்பயுத்தா த⁴ம்மா. நீவரணா சேவ த⁴ம்மா நீவரணியா ச, நீவரணியா சேவ த⁴ம்மா நோ ச நீவரணா. நீவரணா சேவ த⁴ம்மா நீவரணஸம்பயுத்தா ச, நீவரணஸம்பயுத்தா சேவ த⁴ம்மா நோ ச நீவரணா. நீவரணவிப்பயுத்தா கோ² பன த⁴ம்மா நீவரணியாபி, அனீவரணியாபி. நீவரணகோ³ச்ச²கம்.

பராமாஸகோ³ச்ச²கம்

பராமாஸா த⁴ம்மா, நோ பராமாஸா த⁴ம்மா. பராமட்டா² த⁴ம்மா, அபராமட்டா² த⁴ம்மா. பராமாஸஸம்பயுத்தா த⁴ம்மா, பராமாஸவிப்பயுத்தா த⁴ம்மா. பராமாஸா சேவ த⁴ம்மா பராமட்டா² ச, பராமட்டா²சேவ த⁴ம்மா நோ ச பராமாஸா. பராமாஸவிப்பயுத்தா கோ² பன த⁴ம்மா பராமட்டா²பி, அபராமட்டா²பி. பராமாஸகோ³ச்ச²கம்.

மஹந்தரது³கம்

ஸாரம்மணா த⁴ம்மா, அனாரம்மணா த⁴ம்மா. சித்தா த⁴ம்மா, நோ சித்தா த⁴ம்மா. சேதஸிகா த⁴ம்மா, அசேதஸிகா த⁴ம்மா. சித்தஸம்பயுத்தா த⁴ம்மா, சித்தவிப்பயுத்தா த⁴ம்மா. சித்தஸம்ஸட்டா² த⁴ம்மா, சித்தவிஸம்ஸட்டா² த⁴ம்மா. சித்தஸமுட்டா²னா த⁴ம்மா, நோ சித்தஸமுட்டா²னா த⁴ம்மா. சித்தஸஹபு⁴னோ த⁴ம்மா, நோ சித்தஸஹபு⁴னோ த⁴ம்மா. சித்தானுபரிவத்தினோ த⁴ம்மா, நோ சித்தானுபரிவத்தினோ த⁴ம்மா. சித்தஸம்ஸட்ட²ஸமுட்டா²னா த⁴ம்மா, நோ சித்தஸம்ஸட்ட²ஸமுட்டா²னா த⁴ம்மா. சித்தஸம்ஸட்ட²ஸமுட்டா²னஸஹபு⁴னோ த⁴ம்மா, நோ சித்தஸம்ஸட்ட²ஸமுட்டா²னஸஹபு⁴னோ த⁴ம்மா. சித்தஸம்ஸட்ட²ஸமுட்டா²னானுபரிவத்தினோ த⁴ம்மா, நோ சித்தஸம்ஸட்ட²ஸமுட்டா²னானுபரிவத்தினோ த⁴ம்மா. அஜ்ஜ²த்திகா த⁴ம்மா, பா³ஹிரா த⁴ம்மா. உபாதா³ த⁴ம்மா, நோ உபாதா³ த⁴ம்மா. உபாதி³ண்ணா த⁴ம்மா, அனுபாதி³ண்ணா த⁴ம்மா. மஹந்தரது³கம்.

உபாதா³னகோ³ச்ச²கம்

உபாதா³னா த⁴ம்மா, நோ உபாதா³னா த⁴ம்மா. உபாதா³னியா த⁴ம்மா, அனுபாதா³னியா த⁴ம்மா. உபாதா³னஸம்பயுத்தா த⁴ம்மா, உபாதா³னவிப்பயுத்தா த⁴ம்மா. உபாதா³னா சேவ த⁴ம்மா உபாதா³னியா ச, உபாதா³னியா சேவ த⁴ம்மா நோ ச உபாதா³னா. உபாதா³னா சேவ த⁴ம்மா உபாதா³னஸம்பயுத்தா ச, உபாதா³னஸம்பயுத்தா சேவ த⁴ம்மா நோ ச உபாதா³னா. உபாதா³னவிப்பயுத்தா கோ² பன த⁴ம்மா உபாதா³னியாபி, அனுபாதா³னியாபி. உபாதா³னகோ³ச்ச²கம்.

கிலேஸகோ³ச்ச²கம்

கிலேஸா த⁴ம்மா, நோ கிலேஸா த⁴ம்மா. ஸம்கிலேஸிகா த⁴ம்மா, அஸம்கிலேஸிகா த⁴ம்மா. ஸம்கிலிட்டா² த⁴ம்மா, அஸம்கிலிட்டா² த⁴ம்மா. கிலேஸஸம்பயுத்தா த⁴ம்மா, கிலேஸவிப்பயுத்தா த⁴ம்மா. கிலேஸா சேவ த⁴ம்மா ஸம்கிலேஸிகா ச, ஸம்கிலேஸிகா சேவ த⁴ம்மா நோ ச கிலேஸா. கிலேஸா சேவ த⁴ம்மா ஸம்கிலிட்டா² ச, ஸம்கிலிட்டா² சேவ த⁴ம்மா நோ ச கிலேஸா. கிலேஸா சேவ த⁴ம்மா கிலேஸஸம்பயுத்தா ச, கிலேஸஸம்பயுத்தா சேவ த⁴ம்மா நோ ச கிலேஸா. கிலேஸவிப்பயுத்தா கோ² பன த⁴ம்மா ஸம்கிலேஸிகாபி, அஸம்கிலேஸிகாபி. கிலேஸகோ³ச்ச²கம்.

பிட்டி²து³கம்

த³ஸ்ஸனேன பஹாதப்³பா³ த⁴ம்மா, ந த³ஸ்ஸனேன பஹாதப்³பா³ த⁴ம்மா. பா⁴வனாய பஹாதப்³பா³ த⁴ம்மா, ந பா⁴வனாய பஹாதப்³பா³ த⁴ம்மா. த³ஸ்ஸனேன பஹாதப்³ப³ஹேதுகா த⁴ம்மா, ந த³ஸ்ஸனேன பஹாதப்³ப³ஹேதுகா த⁴ம்மா. பா⁴வனாய பஹாதப்³ப³ஹேதுகா த⁴ம்மா, ந பா⁴வனாய பஹாதப்³ப³ஹேதுகா த⁴ம்மா. ஸவிதக்கா த⁴ம்மா, அவிதக்கா த⁴ம்மா. ஸவிசாரா த⁴ம்மா, அவிசாரா த⁴ம்மா. ஸப்பீதிகா த⁴ம்மா, அப்பீதிகா த⁴ம்மா. பீதிஸஹக³தா த⁴ம்மா, ந பீதிஸஹக³தா த⁴ம்மா. ஸுக²ஸஹக³தா த⁴ம்மா, ந ஸுக²ஸஹக³தா த⁴ம்மா. உபேக்கா²ஸஹக³தா த⁴ம்மா, ந உபேக்கா²ஸஹக³தா த⁴ம்மா. காமாவசரா த⁴ம்மா, ந காமாவசரா த⁴ம்மா. ரூபாவசரா த⁴ம்மா, ந ரூபாவசரா த⁴ம்மா. அரூபாவசரா த⁴ம்மா, ந அரூபாவசரா த⁴ம்மா. பரியாபன்னா த⁴ம்மா, அபரியாபன்னா த⁴ம்மா. நிய்யானிகா த⁴ம்மா, அனிய்யானிகா த⁴ம்மா. நியதா த⁴ம்மா, அனியதா த⁴ம்மா. ஸஉத்தரா த⁴ம்மா, அனுத்தரா த⁴ம்மா. ஸரணா த⁴ம்மா, அரணா த⁴ம்மா. பிட்டி²து³கம்.

அபி⁴த⁴ம்மது³கமாதிகா.

ஸுத்தந்திகது³கமாதிகா

விஜ்ஜாபா⁴கி³னோ த⁴ம்மா, அவிஜ்ஜாபா⁴கி³னோ த⁴ம்மா. விஜ்ஜூபமா த⁴ம்மா, வஜிரூபமா த⁴ம்மா. பா³லா த⁴ம்மா, பண்டி³தா த⁴ம்மா. கண்ஹா த⁴ம்மா, ஸுக்கா த⁴ம்மா. தபனீயா த⁴ம்மா, அதபனீயா த⁴ம்மா. அதி⁴வசனா த⁴ம்மா, அதி⁴வசனபதா² த⁴ம்மா. நிருத்தி த⁴ம்மா, நிருத்திபதா² த⁴ம்மா. பஞ்ஞத்தி த⁴ம்மா, பஞ்ஞத்திபதா² த⁴ம்மா. நாமஞ்ச, ரூபஞ்ச. அவிஜ்ஜா ச, ப⁴வதண்ஹா ச. ப⁴வதி³ட்டி² ச, விப⁴வதி³ட்டி² ச. ஸஸ்ஸததி³ட்டி² ச, உச்சே²த³தி³ட்டி² ச. அந்தவா தி³ட்டி² ச, அனந்தவா தி³ட்டி² ச. புப்³ப³ந்தானுதி³ட்டி² ச, அபரந்தானுதி³ட்டி² ச. அஹிரிகஞ்ச, அனோத்தப்பஞ்ச. ஹிரீ ச, ஓத்தப்பஞ்ச. தோ³வசஸ்ஸதா ச, பாபமித்ததா ச. ஸோவசஸ்ஸதா ச, கல்யாணமித்ததா ச. ஆபத்திகுஸலதா ச, ஆபத்திவுட்டா²னகுஸலதா ச. ஸமாபத்திகுஸலதா ச, ஸமாபத்திவுட்டா²னகுஸலதா ச. தா⁴துகுஸலதா ச, மனஸிகாரகுஸலதா ச. ஆயதனகுஸலதா ச, படிச்சஸமுப்பாத³குஸலதா ச. டா²னகுஸலதா ச, அட்டா²னகுஸலதா ச. அஜ்ஜவோ ச, மத்³த³வோ ச. க²ந்தி ச, ஸோரச்சஞ்ச. ஸாக²ல்யஞ்ச, படிஸந்தா²ரோ ச. இந்த்³ரியேஸு அகு³த்தத்³வாரதா ச, போ⁴ஜனே அமத்தஞ்ஞுதா ச. இந்த்³ரியேஸு கு³த்தத்³வாரதா ச, போ⁴ஜனே மத்தஞ்ஞுதா ச. முட்ட²ஸ்ஸச்சஞ்ச, அஸம்பஜஞ்ஞஞ்ச. ஸதி ச, ஸம்பஜஞ்ஞஞ்ச. படிஸங்கா²னப³லஞ்ச, பா⁴வனாப³லஞ்ச. ஸமதோ² ச, விபஸ்ஸனா ச. ஸமத²னிமித்தஞ்ச, பக்³கா³ஹனிமித்தஞ்ச. பக்³கா³ஹோ ச, அவிக்கே²போ ச. ஸீலவிபத்தி ச, தி³ட்டி²விபத்தி ச. ஸீலஸம்பதா³ ச, தி³ட்டி²ஸம்பதா³ ச. ஸீலவிஸுத்³தி⁴ ச, தி³ட்டி²விஸுத்³தி⁴ ச. தி³ட்டி²விஸுத்³தி⁴ கோ² பன, யதா²தி³ட்டி²ஸ்ஸ ச பதா⁴னம். ஸம்வேகோ³ ச ஸம்வேஜனியேஸு டா²னேஸு, ஸம்விக்³க³ஸ்ஸ ச யோனிஸோ பதா⁴னம். அஸந்துட்டி²தா ச குஸலேஸு த⁴ம்மேஸு, அப்படிவானிதா ச பதா⁴னஸ்மிம். விஜ்ஜா ச, விமுத்தி ச. க²யே ஞாணம், அனுப்பாதே³ ஞாணந்தி.

ஸுத்தந்திகது³கமாதிகா.

த⁴ம்மஸங்க³ணீமாதிகா நிட்டி²தா.

2. விப⁴ங்க³மாதிகா

க²ந்த⁴விப⁴ங்கோ³

பஞ்சக்க²ந்தா⁴ – (விப⁴. 1) ரூபக்க²ந்தோ⁴ வேத³னாக்க²ந்தோ⁴ ஸஞ்ஞாக்க²ந்தோ⁴ ஸங்கா²ரக்க²ந்தோ⁴ விஞ்ஞாணக்க²ந்தோ⁴தி. க²ந்த⁴விப⁴ங்க³ம்.

ஆயதனவிப⁴ங்கோ³

த்³வாத³ஸாயதனானி (விப⁴. 154) – சக்கா²யதனம் ரூபாயதனம் ஸோதாயதனம் ஸத்³தா³யதனம் கா⁴னாயதனம் க³ந்தா⁴யதனம் ஜிவ்ஹாயதனம் ரஸாயதனம் காயாயதனம் போ²ட்ட²ப்³பா³யதனம் மனாயதனம் த⁴ம்மாயதனந்தி. ஆயதனவிப⁴ங்க³ம்.

தா⁴துவிப⁴ங்கோ³

அட்டா²ரஸ தா⁴துயோ (விப⁴. 183) – சக்கு²தா⁴து ரூபதா⁴து சக்கு²விஞ்ஞாணதா⁴து, ஸோததா⁴து ஸத்³த³தா⁴து ஸோதவிஞ்ஞாணதா⁴து, கா⁴னதா⁴து க³ந்த⁴தா⁴து கா⁴னவிஞ்ஞாணதா⁴து, ஜிவ்ஹாதா⁴து ரஸதா⁴து ஜிவ்ஹாவிஞ்ஞாணதா⁴து, காயதா⁴து போ²ட்ட²ப்³ப³தா⁴து காயவிஞ்ஞாணதா⁴து, மனோதா⁴து த⁴ம்மதா⁴து மனோவிஞ்ஞாணதா⁴தூதி. தா⁴துவிப⁴ங்க³ம்.

ஸச்சவிப⁴ங்கோ³

சத்தாரி அரியஸச்சானி (விப⁴. 189) – து³க்க²ம் அரியஸச்சம், து³க்க²ஸமுத³யம் அரியஸச்சம், து³க்க²னிரோத⁴ம் அரியஸச்சம், து³க்க²னிரோத⁴கா³மினீ படிபதா³ அரியஸச்சந்தி. ஸச்சவிப⁴ங்க³ம்.

இந்த்³ரியவிப⁴ங்கோ³

பா³வீஸதிந்த்³ரியானி (விப⁴. 219) – சக்கு²ந்த்³ரியம் ஸோதிந்த்³ரியம் கா⁴னிந்த்³ரியம் ஜிவ்ஹிந்த்³ரியம் காயிந்த்³ரியம் மனிந்த்³ரியம் இத்தி²ந்த்³ரியம் புரிஸிந்த்³ரியம் ஜீவிதிந்த்³ரியம் ஸுகி²ந்த்³ரியம் து³க்கி²ந்த்³ரியம் ஸோமனஸ்ஸிந்த்³ரியம் தோ³மனஸ்ஸிந்த்³ரியம் உபேக்கி²ந்த்³ரியம் ஸத்³தி⁴ந்த்³ரியம் வீரியிந்த்³ரியம் ஸதிந்த்³ரியம் ஸமாதி⁴ந்த்³ரியம் பஞ்ஞிந்த்³ரியம் அனஞ்ஞாதஞ்ஞஸ்ஸாமீதிந்த்³ரியம் அஞ்ஞிந்த்³ரியம் அஞ்ஞாதாவிந்த்³ரியந்தி. இந்த்³ரியவிப⁴ங்க³ம்.

படிச்சஸமுப்பாத³விப⁴ங்கோ³

அவிஜ்ஜாபச்சயா ஸங்கா²ரா (விப⁴. 225), ஸங்கா²ரபச்சயா விஞ்ஞாணம், விஞ்ஞாணபச்சயா நாமரூபம், நாமரூபபச்சயா ஸளாயதனம், ஸளாயதனபச்சயா ப²ஸ்ஸோ, ப²ஸ்ஸபச்சயா வேத³னா, வேத³னாபச்சயா தண்ஹா, தண்ஹாபச்சயா உபாதா³னம், உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம் ஸோகபரிதே³வது³க்க²தோ³மனஸ்ஸுபாயாஸா ஸம்ப⁴வந்தி, ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி. படிச்சஸமுப்பாத³விப⁴ங்க³ம்.

ஸதிபட்டா²னவிப⁴ங்கோ³

சத்தாரோ ஸதிபட்டா²னா (விப⁴. 355) – இத⁴ பி⁴க்கு² அஜ்ஜ²த்தம் காயே காயானுபஸ்ஸீ விஹரதி, ப³ஹித்³தா⁴ காயே காயானுபஸ்ஸீ விஹரதி, அஜ்ஜ²த்தப³ஹித்³தா⁴ காயே காயானுபஸ்ஸீ விஹரதி ஆதாபீ ஸம்பஜானோ ஸதிமா வினேய்ய லோகே அபி⁴ஜ்ஜா²தோ³மனஸ்ஸம்.

அஜ்ஜ²த்தம் வேத³னாஸு வேத³னானுபஸ்ஸீ விஹரதி, ப³ஹித்³தா⁴ வேத³னாஸு வேத³னானுபஸ்ஸீ விஹரதி, அஜ்ஜ²த்தப³ஹித்³தா⁴ வேத³னாஸு வேத³னானுபஸ்ஸீ விஹரதி ஆதாபீ ஸம்பஜானோ ஸதிமா வினேய்ய லோகே அபி⁴ஜ்ஜா²தோ³மனஸ்ஸம்.

அஜ்ஜ²த்தம் சித்தே சித்தானுபஸ்ஸீ விஹரதி, ப³ஹித்³தா⁴ சித்தே சித்தானுபஸ்ஸீ விஹரதி, அஜ்ஜ²த்தப³ஹித்³தா⁴ சித்தே சித்தானுபஸ்ஸீ விஹரதி ஆதாபீ ஸம்பஜானோ ஸதிமா வினேய்ய லோகே அபி⁴ஜ்ஜா²தோ³மனஸ்ஸம்.

அஜ்ஜ²த்தம் த⁴ம்மேஸு த⁴ம்மானுபஸ்ஸீ விஹரதி, ப³ஹித்³தா⁴ த⁴ம்மேஸு த⁴ம்மானுபஸ்ஸீ விஹரதி, அஜ்ஜ²த்தப³ஹித்³தா⁴ த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா வினேய்ய லோகே அபி⁴ஜ்ஜா²தோ³மனஸ்ஸம். ஸதிபட்டா²னவிப⁴ங்க³ம்.

ஸம்மப்பதா⁴னவிப⁴ங்கோ³

சத்தாரோ ஸம்மப்பதா⁴னா (விப⁴. 390) – இத⁴ பி⁴க்கு² அனுப்பன்னானம் பாபகானம் அகுஸலானம் த⁴ம்மானம் அனுப்பாதா³ய ச²ந்த³ம் ஜனேதி வாயமதி வீரியம் ஆரப⁴தி சித்தம் பக்³க³ண்ஹாதி பத³ஹதி.

உப்பன்னானம் பாபகானம் அகுஸலானம் த⁴ம்மானம் பஹானாய ச²ந்த³ம் ஜனேதி வாயமதி வீரியம் ஆரப⁴தி சித்தம் பக்³க³ண்ஹாதி பத³ஹதி.

அனுப்பன்னானம் குஸலானம் த⁴ம்மானம் உப்பாதா³ய ச²ந்த³ம் ஜனேதி வாயமதி வீரியம் ஆரப⁴தி சித்தம் பக்³க³ண்ஹாதி பத³ஹதி.

உப்பன்னானம் குஸலானம் த⁴ம்மானம் டி²தியா அஸம்மோஸாய பி⁴ய்யோபா⁴வாய வேபுல்லாய பா⁴வனாய பாரிபூரியா ச²ந்த³ம் ஜனேதி வாயமதி வீரியம் ஆரப⁴தி சித்தம் பக்³க³ண்ஹாதி பத³ஹதி. ஸம்மப்பதா⁴னவிப⁴ங்க³ம்.

இத்³தி⁴பாத³விப⁴ங்கோ³

சத்தாரோ இத்³தி⁴பாதா³ (விப⁴. 430) – இத⁴ பி⁴க்கு² ச²ந்த³ஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி, வீரியஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி, சித்தஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி, வீமம்ஸாஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி. இத்³தி⁴பாத³விப⁴ங்க³ம்.

போ³ஜ்ஜ²ங்க³விப⁴ங்கோ³

ஸத்த போ³ஜ்ஜ²ங்கா³ (விப⁴. 466) – ஸதிஸம்போ³ஜ்ஜ²ங்கோ³ த⁴ம்மவிசயஸம்போ³ஜ்ஜ²ங்கோ³ வீரியஸம்போ³ஜ்ஜ²ங்கோ³ பீதிஸம்போ³ஜ்ஜ²ங்கோ³ பஸ்ஸத்³தி⁴ஸம்போ³ஜ்ஜ²ங்கோ³ ஸமாதி⁴ஸம்போ³ஜ்ஜ²ங்கோ³ உபேக்கா²ஸம்போ³ஜ்ஜ²ங்கோ³. போ³ஜ்ஜ²ங்க³விப⁴ங்க³ம்.

மக்³க³ங்க³விப⁴ங்கோ³

அரியோ அட்ட²ங்கி³கோ மக்³கோ³ (விப⁴. 486). ஸேய்யதி²த³ம் – ஸம்மாதி³ட்டி² ஸம்மாஸங்கப்போ ஸம்மாவாசா ஸம்மாகம்மந்தோ ஸம்மாஆஜீவோ ஸம்மாவாயாமோ ஸம்மாஸதி ஸம்மாஸமாதி⁴. மக்³க³ங்க³விப⁴ங்க³ம்.

ஜா²னவிப⁴ங்கோ³

இத⁴ பி⁴க்கு² பாதிமோக்க²ஸம்வரஸம்வுதோ விஹரதி (விப⁴. 508) ஆசாரகோ³சரஸம்பன்னோ அணுமத்தேஸு வஜ்ஜேஸு ப⁴யத³ஸ்ஸாவீ ஸமாதா³ய ஸிக்க²தி ஸிக்கா²பதே³ஸு இந்த்³ரியேஸு கு³த்தத்³வாரோ போ⁴ஜனே மத்தஞ்ஞூ புப்³ப³ரத்தாபரரத்தம் ஜாக³ரியானுயோக³மனுயுத்தோ ஸாதச்சம் நேபக்கம் போ³தி⁴பக்கி²கானம் த⁴ம்மானம் பா⁴வனானுயோக³மனுயுத்தோ.

ஸோ அபி⁴க்கந்தே படிக்கந்தே ஸம்பஜானகாரீ ஹோதி, ஆலோகிதே விலோகிதே ஸம்பஜானகாரீ ஹோதி, ஸமிஞ்ஜிதே பஸாரிதே ஸம்பஜானகாரீ ஹோதி, ஸங்கா⁴டிபத்தசீவரதா⁴ரணே ஸம்பஜானகாரீ ஹோதி, அஸிதே பீதே கா²யிதே ஸாயிதே ஸம்பஜானகாரீ ஹோதி, உச்சாரபஸ்ஸாவகம்மே ஸம்பஜானகாரீ ஹோதி, க³தே டி²தே நிஸின்னே ஸுத்தே ஜாக³ரிதே பா⁴ஸிதே துண்ஹீபா⁴வே ஸம்பஜானகாரீ ஹோதி.

ஸோ விவித்தம் ஸேனாஸனம் ப⁴ஜதி அரஞ்ஞம் ருக்க²மூலம் பப்³ப³தம் கந்த³ரம் கி³ரிகு³ஹம் ஸுஸானம் வனபத்த²ம் அப்³போ⁴காஸம் பலாலபுஞ்ஜம் அப்பஸத்³த³ம் அப்பனிக்³கோ⁴ஸம் விஜனவாதம் மனுஸ்ஸராஹஸ்ஸேய்யகம் படிஸல்லானஸாருப்பம்.

ஸோ அரஞ்ஞக³தோ வா ருக்க²மூலக³தோ வா ஸுஞ்ஞாகா³ரக³தோ வா நிஸீத³தி பல்லங்கம் ஆபு⁴ஜித்வா உஜும் காயம் பணிதா⁴ய பரிமுக²ம் ஸதிம் உபட்ட²பேத்வா, ஸோ அபி⁴ஜ்ஜ²ம் லோகே பஹாய விக³தாபி⁴ஜ்ஜே²ன சேதஸா விஹரதி, அபி⁴ஜ்ஜா²ய சித்தம் பரிஸோதே⁴தி, ப்³யாபாத³பதோ³ஸம் பஹாய அப்³யாபன்னசித்தோ விஹரதி ஸப்³ப³பாணபூ⁴தஹிதானுகம்பீ, ப்³யாபாத³பதோ³ஸா சித்தம் பரிஸோதே⁴தி, தி²னமித்³த⁴ம் பஹாய விக³ததி²னமித்³தோ⁴ விஹரதி ஆலோகஸஞ்ஞீ ஸதோ ஸம்பஜானோ, தி²னமித்³தா⁴ சித்தம் பரிஸோதே⁴தி, உத்³த⁴ச்சகுக்குச்சம் பஹாய அனுத்³த⁴தோ விஹரதி அஜ்ஜ²த்தம் வூபஸந்தசித்தோ, உத்³த⁴ச்சகுக்குச்சா சித்தம் பரிஸோதே⁴தி, விசிகிச்ச²ம் பஹாய திண்ணவிசிகிச்சோ² விஹரதி அகத²ம்கதீ² குஸலேஸு த⁴ம்மேஸு, விசிகிச்சா²ய சித்தம் பரிஸோதே⁴தி.

ஸோ இமே பஞ்ச நீவரணே பஹாய சேதஸோ உபக்கிலேஸே பஞ்ஞாய து³ப்³ப³லீகரணே விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கம் ஸவிசாரம் விவேகஜம் பீதிஸுக²ம் பட²மம் ஜா²னம் உபஸம்பஜ்ஜ விஹரதி, விதக்கவிசாரானம் வூபஸமா அஜ்ஜ²த்தம் ஸம்பஸாத³னம் சேதஸோ ஏகோதி³பா⁴வம் அவிதக்கம் அவிசாரம் ஸமாதி⁴ஜம் பீதிஸுக²ம் து³தியம் ஜா²னம் உபஸம்பஜ்ஜ விஹரதி, பீதியா ச விராகா³ உபேக்க²கோ ச விஹரதி ஸதோ ச ஸம்பஜானோ ஸுக²ஞ்ச காயேன படிஸம்வேதே³தி, யம் தம் அரியா ஆசிக்க²ந்தி ‘‘உபேக்க²கோ ஸதிமா ஸுக²விஹாரீ’’தி, ததியம் ஜா²னம் உபஸம்பஜ்ஜ விஹரதி, ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானம் அத்த²ங்க³மா அது³க்க²மஸுக²ம் உபேக்கா²ஸதிபாரிஸுத்³தி⁴ம் சதுத்த²ம் ஜா²னம் உபஸம்பஜ்ஜ விஹரதி.

ஸப்³ப³ஸோ ரூபஸஞ்ஞானம் ஸமதிக்கமா படிக⁴ஸஞ்ஞானம் அத்த²ங்க³மா நானத்தஸஞ்ஞானம் அமனஸிகாரா ‘‘அனந்தோ ஆகாஸோ’’தி ஆகாஸானஞ்சாயதனம் உபஸம்பஜ்ஜ விஹரதி, ஸப்³ப³ஸோ ஆகாஸானஞ்சாயதனம் ஸமதிக்கம்ம ‘‘அனந்தம் விஞ்ஞாண’’ந்தி விஞ்ஞாணஞ்சாயதனம் உபஸம்பஜ்ஜ விஹரதி, ஸப்³ப³ஸோ விஞ்ஞாணஞ்சாயதனம் ஸமதிக்கம்ம ‘‘நத்தி² கிஞ்சீ’’தி ஆகிஞ்சஞ்ஞாயதனம் உபஸம்பஜ்ஜ விஹரதி, ஸப்³ப³ஸோ ஆகிஞ்சஞ்ஞாயதனம் ஸமதிக்கம்ம நேவஸஞ்ஞானாஸஞ்ஞாயதனம் உபஸம்பஜ்ஜ விஹரதி. ஜா²னவிப⁴ங்க³ம்.

அப்பமஞ்ஞாவிப⁴ங்கோ³

சதஸ்ஸோ அப்பமஞ்ஞாயோ (விப⁴. 642) – இத⁴ பி⁴க்கு² மேத்தாஸஹக³தேன சேதஸா ஏகம் தி³ஸம் ப²ரித்வா விஹரதி, ததா² து³தியம், ததா² ததியம், ததா² சதுத்த²ம். இதி உத்³த⁴மதோ⁴ திரியம் ஸப்³ப³தி⁴ ஸப்³ப³த்ததாய ஸப்³பா³வந்தம் லோகம் மேத்தாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன ப²ரித்வா விஹரதி.

கருணாஸஹக³தேன சேதஸா ஏகம் தி³ஸம் ப²ரித்வா விஹரதி, ததா² து³தியம், ததா² ததியம், ததா² சதுத்த²ம். இதி உத்³த⁴மதோ⁴ திரியம் ஸப்³ப³தி⁴ஸப்³ப³த்ததாய ஸப்³பா³வந்தம் லோகம் கருணாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன ப²ரித்வா விஹரதி.

முதி³தாஸஹக³தேன சேதஸா ஏகம் தி³ஸம் ப²ரித்வா விஹரதி, ததா² து³தியம், ததா² ததியம், ததா² சதுத்த²ம். இதி உத்³த⁴மதோ⁴ திரியம் ஸப்³ப³தி⁴ ஸப்³ப³த்ததாய ஸப்³பா³வந்தம் லோகம் முதி³தாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன ப²ரித்வா விஹரதி.

உபேக்கா²ஸஹக³தேன சேதஸா ஏகம் தி³ஸம் ப²ரித்வா விஹரதி, ததா² து³தியம், ததா² ததியம், ததா² சதுத்த²ம். இதி உத்³த⁴மதோ⁴ திரியம் ஸப்³ப³தி⁴ ஸப்³ப³த்ததாய ஸப்³பா³வந்தம் லோகம் உபேக்கா²ஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன ப²ரித்வா விஹரதி. அப்பமஞ்ஞாவிப⁴ங்க³ம்.

ஸிக்கா²பத³விப⁴ங்கோ³

பஞ்ச ஸிக்கா²பதா³னி (விப⁴. 703) – பாணாதிபாதா வேரமணீ ஸிக்கா²பத³ம், அதி³ன்னாதா³னா வேரமணீ ஸிக்கா²பத³ம், காமேஸுமிச்சா²சாரா வேரமணீ ஸிக்கா²பத³ம், முஸாவாதா³ வேரமணீ ஸிக்கா²பத³ம், ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம். ஸிக்கா²பத³விப⁴ங்க³ம்.

படிஸம்பி⁴தா³விப⁴ங்கோ³

சதஸ்ஸோ படிஸம்பி⁴தா³ (விப⁴. 718) – அத்த²படிஸம்பி⁴தா³ த⁴ம்மபடிஸம்பி⁴தா³ நிருத்திபடிஸம்பி⁴தா³ படிபா⁴னபடிஸம்பி⁴தா³. படிஸம்பி⁴தா³விப⁴ங்க³ம்.

ஞாணவிப⁴ங்கோ³

ஏகவிதே⁴ன ஞாணவத்து² (விப⁴. 751) – பஞ்ச விஞ்ஞாணா ந ஹேதூ, அஹேதுகா, ஹேதுவிப்பயுத்தா, ஸப்பச்சயா, ஸங்க²தா, அரூபா, லோகியா, ஸாஸவா, ஸம்யோஜனியா, க³ந்த²னியா, ஓக⁴னியா, யோக³னியா, நீவரணியா, பராமட்டா², உபாதா³னியா, ஸம்கிலேஸிகா, அப்³யாகதா, ஸாரம்மணா, அசேதஸிகா, விபாகா, உபாதி³ண்ணுபாதா³னியா, அஸம்கிலிட்ட²ஸம்கிலேஸிகா, ந ஸவிதக்கஸவிசாரா, ந அவிதக்கவிசாரமத்தா, அவிதக்கஅவிசாரா, ந பீதிஸஹக³தா, நேவ த³ஸ்ஸனேன ந பா⁴வனாய பஹாதப்³பா³, நேவ த³ஸ்ஸனேன ந பா⁴வனாய பஹாதப்³ப³ஹேதுகா, நேவாசயகா³மினாபசயகா³மினோ, நேவஸேக்க²னாஸேக்கா², பரித்தா, காமாவசரா, ந ரூபாவசரா, ந அரூபாவசரா, பரியாபன்னா, நோ அபரியாபன்னா, அனியதா, அனிய்யானிகா.

உப்பன்னவத்து²கா, உப்பன்னாரம்மணா, புரேஜாதவத்து²கா, புரேஜாதாரம்மணா, அஜ்ஜ²த்திகவத்து²கா, பா³ஹிராரம்மணா, அஸம்பி⁴ன்னவத்து²கா, அஸம்பி⁴ன்னாரம்மணா, நானாவத்து²கா, நானாரம்மணா, ந அஞ்ஞமஞ்ஞஸ்ஸ கோ³சரவிஸயம் பச்சனுபோ⁴ந்தி, ந அஸமன்னாஹாரா உப்பஜ்ஜந்தி, ந அமனஸிகாரா உப்பஜ்ஜந்தி, ந அப்³போ³கிண்ணா உப்பஜ்ஜந்தி, ந அபுப்³ப³ம் அசரிமம் உப்பஜ்ஜந்தி, ந அஞ்ஞமஞ்ஞஸ்ஸ ஸமனந்தரா உப்பஜ்ஜந்தி.

பஞ்ச விஞ்ஞாணா அனாபோ⁴கா³, பஞ்சஹி விஞ்ஞாணேஹி ந கஞ்சி த⁴ம்மம் படிவிஜானாதி, அஞ்ஞத்ர அபி⁴னிபாதமத்தா, பஞ்சன்னம் விஞ்ஞாணானம் ஸமனந்தராபி ந கஞ்சி த⁴ம்மம் படிவிஜானாதி, பஞ்சஹி விஞ்ஞாணேஹி ந கஞ்சி இரியாபத²ம் கப்பேதி, பஞ்சன்னம் விஞ்ஞாணானம் ஸமனந்தராபி ந கஞ்சி இரியாபத²ம் கப்பேதி, பஞ்சஹி விஞ்ஞாணேஹி ந காயகம்மம் ந வசீகம்மம் பட்ட²பேதி, பஞ்சன்னம் விஞ்ஞாணானம் ஸமனந்தராபி ந காயகம்மம் ந வசீகம்மம் பட்ட²பேதி, பஞ்சஹி விஞ்ஞாணேஹி ந குஸலாகுஸலம் த⁴ம்மம் ஸமாதி³யதி, பஞ்சன்னம் விஞ்ஞாணானம் ஸமனந்தராபி ந குஸலாகுஸலம் த⁴ம்மம் ஸமாதி³யதி, பஞ்சஹி விஞ்ஞாணேஹி ந ஸமாபஜ்ஜதி ந வுட்டா²தி, பஞ்சன்னம் விஞ்ஞாணானம் ஸமனந்தராபி ந ஸமாபஜ்ஜதி ந வுட்டா²தி, பஞ்சஹி விஞ்ஞாணேஹி ந சவதி ந உப்பஜ்ஜதி, பஞ்சன்னம் விஞ்ஞாணானம் ஸமனந்தராபி ந சவதி ந உப்பஜ்ஜதி, பஞ்சஹி விஞ்ஞாணேஹி ந ஸுபதி ந படிபு³ஜ்ஜ²தி ந ஸுபினம் பஸ்ஸதி, பஞ்சன்னம் விஞ்ஞாணானம் ஸமனந்தராபி ந ஸுபதி ந படிபு³ஜ்ஜ²தி ந ஸுபினம் பஸ்ஸதி, யாதா²வகவத்து²விபா⁴வனா பஞ்ஞா. ஏவம் ஏகவிதே⁴ன ஞாணவத்து².

து³விதே⁴ன ஞாணவத்து² – லோகியா பஞ்ஞா, லோகுத்தரா பஞ்ஞா. கேனசி விஞ்ஞேய்யா பஞ்ஞா, கேனசி ந விஞ்ஞேய்யா பஞ்ஞா. ஸாஸவா பஞ்ஞா, அனாஸவா பஞ்ஞா. ஆஸவவிப்பயுத்தா ஸாஸவா பஞ்ஞா, ஆஸவவிப்பயுத்தா அனாஸவா பஞ்ஞா. ஸம்யோஜனியா பஞ்ஞா, அஸம்யோஜனியா பஞ்ஞா. ஸம்யோஜனவிப்பயுத்தா ஸம்யோஜனியா பஞ்ஞா, ஸம்யோஜனவிப்பயுத்தா அஸம்யோஜனியா பஞ்ஞா. க³ந்த²னியா பஞ்ஞா, அக³ந்த²னியா பஞ்ஞா. க³ந்த²விப்பயுத்தா க³ந்த²னியா பஞ்ஞா, க³ந்த²விப்பயுத்தா அக³ந்த²னியா பஞ்ஞா.

ஓக⁴னியா பஞ்ஞா, அனோக⁴னியா பஞ்ஞா. ஓக⁴விப்பயுத்தா ஓக⁴னியா பஞ்ஞா, ஓக⁴விப்பயுத்தா அனோக⁴னியா பஞ்ஞா. யோக³னியா பஞ்ஞா, அயோக³னியா பஞ்ஞா. யோக³விப்பயுத்தா யோக³னியா பஞ்ஞா, யோக³விப்பயுத்தா அயோக³னியா பஞ்ஞா. நீவரணியா பஞ்ஞா, அனீவரணியா பஞ்ஞா. நீவரணவிப்பயுத்தா நீவரணியா பஞ்ஞா, நீவரணவிப்பயுத்தா அனீவரணியா பஞ்ஞா. பராமட்டா² பஞ்ஞா, அபராமட்டா² பஞ்ஞா. பராமாஸவிப்பயுத்தா பராமட்டா² பஞ்ஞா, பராமாஸவிப்பயுத்தா அபராமட்டா² பஞ்ஞா. உபாதி³ண்ணா பஞ்ஞா, அனுபாதி³ண்ணா பஞ்ஞா. உபாதா³னியா பஞ்ஞா, அனுபாதா³னியா பஞ்ஞா. உபாதா³னவிப்பயுத்தா உபாதா³னியா பஞ்ஞா, உபாதா³னவிப்பயுத்தா அனுபாதா³னியா பஞ்ஞா.

ஸம்கிலேஸிகா பஞ்ஞா, அஸம்கிலேஸிகா பஞ்ஞா. கிலேஸவிப்பயுத்தா ஸம்கிலேஸிகா பஞ்ஞா, கிலேஸவிப்பயுத்தா அஸம்கிலேஸிகா பஞ்ஞா. ஸவிதக்கா பஞ்ஞா, அவிதக்கா பஞ்ஞா. ஸவிசாரா பஞ்ஞா, அவிசாரா பஞ்ஞா. ஸப்பீதிகா பஞ்ஞா, அப்பீதிகா பஞ்ஞா. பீதிஸஹக³தா பஞ்ஞா, ந பீதிஸஹக³தா பஞ்ஞா. ஸுக²ஸஹக³தா பஞ்ஞா, ந ஸுக²ஸஹக³தா பஞ்ஞா. உபேக்கா²ஸஹக³தா பஞ்ஞா, ந உபேக்கா²ஸஹக³தா பஞ்ஞா. காமாவசரா பஞ்ஞா, ந காமாவசரா பஞ்ஞா. ரூபாவசரா பஞ்ஞா, ந ரூபாவசரா பஞ்ஞா. அரூபாவசரா பஞ்ஞா, ந அரூபாவசரா பஞ்ஞா. பரியாபன்னா பஞ்ஞா, அபரியாபன்னா பஞ்ஞா. நிய்யானிகா பஞ்ஞா, அனிய்யானிகா பஞ்ஞா. நியதா பஞ்ஞா, அனியதா பஞ்ஞா. ஸஉத்தரா பஞ்ஞா, அனுத்தரா பஞ்ஞா. அத்த²ஜாபிகா பஞ்ஞா, ஜாபிதத்தா² பஞ்ஞா. ஏவம் து³விதே⁴ன ஞாணவத்து².

திவிதே⁴ன ஞாணவத்து² – சிந்தாமயா பஞ்ஞா, ஸுதமயா பஞ்ஞா, பா⁴வனாமயா பஞ்ஞா. தா³னமயா பஞ்ஞா, ஸீலமயா பஞ்ஞா, பா⁴வனாமயா பஞ்ஞா. அதி⁴ஸீலே பஞ்ஞா, அதி⁴சித்தே பஞ்ஞா, அதி⁴பஞ்ஞாய பஞ்ஞா. ஆயகோஸல்லம், அபாயகோஸல்லம், உபாயகோஸல்லம்.

விபாகா பஞ்ஞா, விபாகத⁴ம்மத⁴ம்மா பஞ்ஞா, நேவவிபாகனவிபாகத⁴ம்மத⁴ம்மா பஞ்ஞா. உபாதி³ண்ணுபாதா³னியா பஞ்ஞா, அனுபாதி³ண்ணுபாதா³னியா பஞ்ஞா, அனுபாதி³ண்ணஅனுபாதா³னியா பஞ்ஞா. ஸவிதக்கஸவிசாரா பஞ்ஞா, அவிதக்கவிசாரமத்தா பஞ்ஞா, அவிதக்கஅவிசாரா பஞ்ஞா. பீதிஸஹக³தா பஞ்ஞா, ஸுக²ஸஹக³தா பஞ்ஞா, உபேக்கா²ஸஹக³தா பஞ்ஞா. ஆசயகா³மினீ பஞ்ஞா, அபசயகா³மினீ பஞ்ஞா, நேவாசயகா³மினாபசயகா³மினீ பஞ்ஞா. ஸேக்கா² பஞ்ஞா, அஸேக்கா² பஞ்ஞா, நேவஸேக்க²னாஸேக்கா² பஞ்ஞா. பரித்தா பஞ்ஞா, மஹக்³க³தா பஞ்ஞா, அப்பமாணா பஞ்ஞா. பரித்தாரம்மணா பஞ்ஞா, மஹக்³க³தாரம்மணா பஞ்ஞா, அப்பமாணாரம்மணா பஞ்ஞா. மக்³கா³ரம்மணா பஞ்ஞா, மக்³க³ஹேதுகா பஞ்ஞா, மக்³கா³தி⁴பதினீ பஞ்ஞா. உப்பன்னா பஞ்ஞா, அனுப்பன்னா பஞ்ஞா, உப்பாதி³னீ பஞ்ஞா. அதீதா பஞ்ஞா, அனாக³தா பஞ்ஞா, பச்சுப்பன்னா பஞ்ஞா. அதீதாரம்மணா பஞ்ஞா, அனாக³தாரம்மணா பஞ்ஞா, பச்சுப்பன்னாரம்மணா பஞ்ஞா. அஜ்ஜ²த்தா பஞ்ஞா, ப³ஹித்³தா⁴ பஞ்ஞா, அஜ்ஜ²த்தப³ஹித்³தா⁴ பஞ்ஞா. அஜ்ஜ²த்தாரம்மணா பஞ்ஞா, ப³ஹித்³தா⁴ரம்மணா பஞ்ஞா, அஜ்ஜ²த்தப³ஹித்³தா⁴ரம்மணா பஞ்ஞா.

ஸவிதக்கஸவிசாரா பஞ்ஞா அத்தி² விபாகா, அத்தி² விபாகத⁴ம்மத⁴ம்மா, அத்தி² நேவவிபாகனவிபாகத⁴ம்மத⁴ம்மா. அத்தி² உபாதி³ண்ணுபாதா³னியா, அத்தி² அனுபாதி³ண்ணுபாதா³னியா, அத்தி² அனுபாதி³ண்ணஅனுபாதா³னியா. அத்தி² பீதிஸஹக³தா, அத்தி² ஸுக²ஸஹக³தா, அத்தி² உபேக்கா²ஸஹக³தா. அத்தி² ஆசயகா³மினீ, அத்தி² அபசயகா³மினீ, அத்தி² நேவாசயகா³மினாபசயகா³மினீ. அத்தி² ஸேக்கா², அத்தி² அஸேக்கா², அத்தி² நேவஸேக்க²னாஸேக்கா². அத்தி² பரித்தா, அத்தி² மஹக்³க³தா, அத்தி² அப்பமாணா. அத்தி² பரித்தாரம்மணா, அத்தி² மஹக்³க³தாரம்மணா, அத்தி² அப்பமாணாரம்மணா. அத்தி² மக்³கா³ரம்மணா, அத்தி² மக்³க³ஹேதுகா, அத்தி² மக்³கா³தி⁴பதினீ. அத்தி² உப்பன்னா, அத்தி² அனுப்பன்னா, அத்தி² உப்பாதி³னீ. அத்தி² அதீதா, அத்தி² அனாக³தா, அத்தி² பச்சுப்பன்னா. அத்தி² அதீதாரம்மணா, அத்தி² அனாக³தாரம்மணா, அத்தி² பச்சுப்பன்னாரம்மணா. அத்தி² அஜ்ஜ²த்தா, அத்தி² ப³ஹித்³தா⁴, அத்தி² அஜ்ஜ²த்தப³ஹித்³தா⁴. அத்தி² அஜ்ஜ²த்தாரம்மணா, அத்தி² ப³ஹித்³தா⁴ரம்மணா, அத்தி² அஜ்ஜ²த்தப³ஹித்³தா⁴ரம்மணா.

அவிதக்கவிசாரமத்தா பஞ்ஞா அத்தி² விபாகா, அத்தி² விபாகத⁴ம்மத⁴ம்மா, அத்தி² நேவவிபாகனவிபாகத⁴ம்மத⁴ம்மா. அத்தி² உபாதி³ண்ணுபாதா³னியா, அத்தி² அனுபாதி³ண்ணுபாதா³னியா, அத்தி² அனுபாதி³ண்ணஅனுபாதா³னியா. அத்தி² ஆசயகா³மினீ, அத்தி² அபசயகா³மினீ, அத்தி² நேவாசயகா³மினாபசயகா³மினீ. அத்தி² ஸேக்கா², அத்தி² அஸேக்கா², அத்தி² நேவஸேக்க²னாஸேக்கா². அத்தி² உப்பன்னா, அத்தி² அனுப்பன்னா, அத்தி² உப்பாதி³னீ. அத்தி² அதீதா, அத்தி² அனாக³தா, அத்தி² பச்சுப்பன்னா. அத்தி² அஜ்ஜ²த்தா, அத்தி² ப³ஹித்³தா⁴, அத்தி² அஜ்ஜ²த்தப³ஹித்³தா⁴.

அவிதக்கஅவிசாரா பஞ்ஞா அத்தி² விபாகா, அத்தி² விபாகத⁴ம்மத⁴ம்மா, அத்தி² நேவவிபாகனவிபாகத⁴ம்மத⁴ம்மா. அத்தி² உபாதி³ண்ணுபாதா³னியா, அத்தி² அனுபாதி³ண்ணுபாதா³னியா, அத்தி² அனுபாதி³ண்ணஅனுபாதா³னியா. அத்தி² பீதிஸஹக³தா, அத்தி² ஸுக²ஸஹக³தா, அத்தி² உபேக்கா²ஸஹக³தா. அத்தி² ஆசயகா³மினீ, அத்தி² அபசயகா³மினீ, அத்தி² நேவாசயகா³மினாபசயகா³மினீ. அத்தி² ஸேக்கா², அத்தி² அஸேக்கா², அத்தி² நேவஸேக்க²னாஸேக்கா². அத்தி² பரித்தாரம்மணா, அத்தி² மஹக்³க³தாரம்மணா, அத்தி² அப்பமாணாரம்மணா. அத்தி² மக்³கா³ரம்மணா, அத்தி² மக்³க³ஹேதுகா, அத்தி² மக்³கா³தி⁴பதினீ. அத்தி² உப்பன்னா, அத்தி² அனுப்பன்னா, அத்தி² உப்பாதி³னீ. அத்தி² அதீதா, அத்தி² அனாக³தா, அத்தி² பச்சுப்பன்னா. அத்தி² அதீதாரம்மணா, அத்தி² அனாக³தாரம்மணா, அத்தி² பச்சுப்பன்னாரம்மணா. அத்தி² அஜ்ஜ²த்தா, அத்தி² ப³ஹித்³தா⁴, அத்தி² அஜ்ஜ²த்தப³ஹித்³தா⁴. அத்தி² அஜ்ஜ²த்தாரம்மணா, அத்தி² ப³ஹித்³தா⁴ரம்மணா, அத்தி² அஜ்ஜ²த்தப³ஹித்³தா⁴ரம்மணா.

பீதிஸஹக³தா பஞ்ஞா, ஸுக²ஸஹக³தா பஞ்ஞா அத்தி² விபாகா, அத்தி² விபாகத⁴ம்மத⁴ம்மா, அத்தி² நேவவிபாகனவிபாகத⁴ம்மத⁴ம்மா. அத்தி² உபாதி³ண்ணுபாதா³னியா, அத்தி² அனுபாதி³ண்ணுபாதா³னியா, அத்தி² அனுபாதி³ண்ணஅனுபாதா³னியா. அத்தி² ஸவிதக்கஸவிசாரா, அத்தி² அவிதக்கவிசாரமத்தா, அத்தி² அவிதக்கஅவிசாரா. அத்தி² ஆசயகா³மினீ, அத்தி² அபசயகா³மினீ, அத்தி² நேவாசயகா³மினாபசயகா³மினீ. அத்தி² ஸேக்கா², அத்தி² அஸேக்கா², அத்தி² நேவஸேக்க²னாஸேக்கா². அத்தி² பரித்தா, அத்தி² மஹக்³க³தா, அத்தி² அப்பமாணா. அத்தி² பரித்தாரம்மணா, அத்தி² மஹக்³க³தாரம்மணா, அத்தி² அப்பமாணாரம்மணா. அத்தி² மக்³கா³ரம்மணா, அத்தி² மக்³க³ஹேதுகா, அத்தி² மக்³கா³தி⁴பதினீ. அத்தி² உப்பன்னா, அத்தி² அனுப்பன்னா, அத்தி² உப்பாதி³னீ. அத்தி² அதீதா, அத்தி² அனாக³தா, அத்தி² பச்சுப்பன்னா. அத்தி² அதீதாரம்மணா, அத்தி² அனாக³தாரம்மணா, அத்தி² பச்சுப்பன்னாரம்மணா. அத்தி² அஜ்ஜ²த்தா, அத்தி² ப³ஹித்³தா⁴, அத்தி² அஜ்ஜ²த்தப³ஹித்³தா⁴. அத்தி² அஜ்ஜ²த்தாரம்மணா, அத்தி² ப³ஹித்³தா⁴ரம்மணா, அத்தி² அஜ்ஜ²த்தப³ஹித்³தா⁴ரம்மணா.

உபேக்கா²ஸஹக³தா பஞ்ஞா அத்தி² விபாகா, அத்தி² விபாகத⁴ம்மத⁴ம்மா, அத்தி² நேவவிபாகனவிபாகத⁴ம்மத⁴ம்மா. அத்தி² உபாதி³ண்ணுபாதா³னியா, அத்தி² அனுபாதி³ண்ணுபாதா³னியா, அத்தி² அனுபாதி³ண்ணஅனுபாதா³னியா. அத்தி² ஆசயகா³மினீ, அத்தி² அபசயகா³மினீ, அத்தி² நேவாசயகா³மினாபசயகா³மினீ. அத்தி² ஸேக்கா², அத்தி² அஸேக்கா², அத்தி² நேவஸேக்க²னாஸேக்கா². அத்தி² பரித்தா, அத்தி² மஹக்³க³தா, அத்தி² அப்பமாணா. அத்தி² பரித்தாரம்மணா, அத்தி² மஹக்³க³தாரம்மணா, அத்தி² அப்பமாணாரம்மணா. அத்தி² மக்³கா³ரம்மணா, அத்தி² மக்³க³ஹேதுகா, அத்தி² மக்³கா³தி⁴பதினீ. அத்தி² உப்பன்னா, அத்தி² அனுப்பன்னா, அத்தி² உப்பாதி³னீ. அத்தி² அதீதா, அத்தி² அனாக³தா, அத்தி² பச்சுப்பன்னா. அத்தி² அதீதாரம்மணா, அத்தி² அனாக³தாரம்மணா, அத்தி² பச்சுப்பன்னாரம்மணா. அத்தி² அஜ்ஜ²த்தா, அத்தி² ப³ஹித்³தா⁴, அத்தி² அஜ்ஜ²த்தப³ஹித்³தா⁴. அத்தி² அஜ்ஜ²த்தாரம்மணா, அத்தி² ப³ஹித்³தா⁴ரம்மணா, அத்தி² அஜ்ஜ²த்தப³ஹித்³தா⁴ரம்மணா. ஏவம் திவிதே⁴ன ஞாணவத்து².

சதுப்³பி³தே⁴ன ஞாணவத்து² – கம்மஸ்ஸகதஞாணம், ஸச்சானுலோமிகம் ஞாணம், மக்³க³ஸமங்கி³ஸ்ஸ ஞாணம், ப²லஸமங்கி³ஸ்ஸ ஞாணம். து³க்கே² ஞாணம், து³க்க²ஸமுத³யே ஞாணம், து³க்க²னிரோதே⁴ ஞாணம், து³க்க²னிரோத⁴கா³மினியா படிபதா³ய ஞாணம். காமாவசரா பஞ்ஞா, ரூபாவசரா பஞ்ஞா, அரூபாவசரா பஞ்ஞா, அபரியாபன்னா பஞ்ஞா. த⁴ம்மே ஞாணம், அன்வயே ஞாணம், பரிச்சே ஞாணம், ஸம்முதி ஞாணம். அத்தி² பஞ்ஞா ஆசயாய, நோ அபசயாய, அத்தி² பஞ்ஞா அபசயாய, நோ ஆசயாய, அத்தி² பஞ்ஞா ஆசயாய சேவ, அபசயாய ச, அத்தி² பஞ்ஞா நேவாசயாய, நோ அபசயாய. அத்தி² பஞ்ஞா நிப்³பி³தா³ய, நோ படிவேதா⁴ய, அத்தி² பஞ்ஞா படிவேதா⁴ய, நோ நிப்³பி³தா³ய, அத்தி² பஞ்ஞா நிப்³பி³தா³ய சேவ, படிவேதா⁴ய ச, அத்தி² பஞ்ஞா நேவ நிப்³பி³தா³ய, நோ படிவேதா⁴ய. ஹானபா⁴கி³னீ பஞ்ஞா, டி²திபா⁴கி³னீ பஞ்ஞா, விஸேஸபா⁴கி³னீ பஞ்ஞா, நிப்³பே³த⁴பா⁴கி³னீ பஞ்ஞா.

சதஸ்ஸோ படிஸம்பி⁴தா³. சதஸ்ஸோ படிபதா³. சத்தாரி ஆரம்மணானி. ஜராமரணே ஞாணம், ஜராமரணஸமுத³யே ஞாணம், ஜராமரணனிரோதே⁴ ஞாணம், ஜராமரணனிரோத⁴கா³மினியா படிபதா³ய ஞாணம். ஜாதியா ஞாணம்…பே… ப⁴வே ஞாணம்…பே… உபாதா³னே ஞாணம்…பே… தண்ஹாய ஞாணம்…பே… வேத³னாய ஞாணம்…பே… ப²ஸ்ஸே ஞாணம்…பே… ஸளாயதனே ஞாணம்…பே… நாமரூபே ஞாணம்…பே… விஞ்ஞாணே ஞாணம்…பே… ஸங்கா²ரேஸு ஞாணம், ஸங்கா²ரஸமுத³யே ஞாணம், ஸங்கா²ரனிரோதே⁴ ஞாணம், ஸங்கா²ரனிரோத⁴கா³மினியா படிபதா³ய ஞாணம். ஏவம் சதுப்³பி³தே⁴ன ஞாணவத்து².

பஞ்சவிதே⁴ன ஞாணவத்து² – பஞ்சங்கி³கோ ஸம்மாஸமாதி⁴, பஞ்சஞாணிகோ ஸம்மாஸமாதி⁴. ஏவம் பஞ்சவிதே⁴ன ஞாணவத்து².

ச²ப்³பி³தே⁴ன ஞாணவத்து² – ச²ஸு அபி⁴ஞ்ஞாஸு பஞ்ஞா. ஏவம் ச²ப்³பி³தே⁴ன ஞாணவத்து².

ஸத்தவிதே⁴ன ஞாணவத்து² – ஸத்தஸத்ததி ஞாணவத்தூ²னி. ஏவம் ஸத்தவிதே⁴ன ஞாணவத்து².

அட்ட²விதே⁴ன ஞாணவத்து² – சதூஸு மக்³கே³ஸு, சதூஸு ப²லேஸு பஞ்ஞா. ஏவம் அட்ட²விதே⁴ன ஞாணவத்து².

நவவிதே⁴ன ஞாணவத்து² – நவஸு அனுபுப்³ப³விஹாரஸமாபத்தீஸு பஞ்ஞா. ஏவம் நவவிதே⁴ன ஞாணவத்து².

த³ஸவிதே⁴ன ஞாணவத்து² – த³ஸ ததா²க³தஸ்ஸ ததா²க³தப³லானி, யேஹி ப³லேஹி ஸமன்னாக³தோ ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி. கதமானி த³ஸ? இத⁴ ததா²க³தோ டா²னஞ்ச டா²னதோ அட்டா²னஞ்ச அட்டா²னதோ யதா²பூ⁴தம் பஜானாதி, யம்பி ததா²க³தோ டா²னஞ்ச டா²னதோ அட்டா²னஞ்ச அட்டா²னதோ யதா²பூ⁴தம் பஜானாதி, இத³ம்பி ததா²க³தஸ்ஸ ததா²க³தப³லம் ஹோதி. யம் ப³லம் ஆக³ம்ம ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி.

புன சபரம் ததா²க³தோ அதீதானாக³தபச்சுப்பன்னானம் கம்மஸமாதா³னானம் டா²னஸோ ஹேதுஸோ விபாகம் யதா²பூ⁴தம் பஜானாதி. யம்பி ததா²க³தோ அதீதானாக³தபச்சுப்பன்னானம் கம்மஸமாதா³னானம் டா²னஸோ ஹேதுஸோ விபாகம் யதா²பூ⁴தம் பஜானாதி, இத³ம்பி ததா²க³தஸ்ஸ ததா²க³தப³லம் ஹோதி. யம் ப³லம் ஆக³ம்ம ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி.

புன சபரம் ததா²க³தோ ஸப்³ப³த்த²கா³மினிம் படிபத³ம் யதா²பூ⁴தம் பஜானாதி, யம்பி ததா²க³தோ ஸப்³ப³த்த²கா³மினிம் படிபத³ம் யதா²பூ⁴தம் பஜானாதி, இத³ம்பி ததா²க³தஸ்ஸ ததா²க³தப³லம் ஹோதி. யம் ப³லம் ஆக³ம்ம ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி.

புன சபரம் ததா²க³தோ அனேகதா⁴துனானாதா⁴துலோகம் யதா²பூ⁴தம் பஜானாதி, யம்பி ததா²க³தோ அனேகதா⁴துனானாதா⁴துலோகம் யதா²பூ⁴தம் பஜானாதி, இத³ம்பி ததா²க³தஸ்ஸ ததா²க³தப³லம் ஹோதி. யம் ப³லம் ஆக³ம்ம ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி.

புன சபரம் ததா²க³தோ ஸத்தானம் நானாதி⁴முத்திகதம் யதா²பூ⁴தம் பஜானாதி, யம்பி ததா²க³தோ ஸத்தானம் நானாதி⁴முத்திகதம் யதா²பூ⁴தம் பஜானாதி, இத³ம்பி ததா²க³தஸ்ஸ ததா²க³தப³லம் ஹோதி. யம் ப³லம் ஆக³ம்ம ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி.

புன சபரம் ததா²க³தோ பரஸத்தானம் பரபுக்³க³லானம் இந்த்³ரியபரோபரியத்தம் யதா²பூ⁴தம் பஜானாதி, யம்பி ததா²க³தோ பரஸத்தானம் பரபுக்³க³லானம் இந்த்³ரியபரோபரியத்தம் யதா²பூ⁴தம் பஜானாதி, இத³ம்பி ததா²க³தஸ்ஸ ததா²க³தப³லம் ஹோதி. யம் ப³லம் ஆக³ம்ம ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி.

புன சபரம் ததா²க³தோ ஜா²னவிமோக்க²ஸமாதி⁴ஸமாபத்தீனம் ஸம்கிலேஸம் வோதா³னம் வுட்டா²னம் யதா²பூ⁴தம் பஜானாதி, யம்பி ததா²க³தோ ஜா²னவிமோக்க²ஸமாதி⁴ஸமாபத்தீனம் ஸம்கிலேஸம் வோதா³னம் வுட்டா²னம் யதா²பூ⁴தம் பஜானாதி, இத³ம்பி ததா²க³தஸ்ஸ ததா²க³தப³லம் ஹோதி. யம் ப³லம் ஆக³ம்ம ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி.

புன சபரம் ததா²க³தோ புப்³பே³னிவாஸானுஸ்ஸதிம் யதா²பூ⁴தம் பஜானாதி, யம்பி ததா²க³தோ புப்³பே³னிவாஸானுஸ்ஸதிம் யதா²பூ⁴தம் பஜானாதி, இத³ம்பி ததா²க³தஸ்ஸ ததா²க³தப³லம் ஹோதி. யம் ப³லம் ஆக³ம்ம ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி.

புன சபரம் ததா²க³தோ ஸத்தானம் சுதூபபாதம் யதா²பூ⁴தம் பஜானாதி, யம்பி ததா²க³தோ ஸத்தானம் சுதூபபாதம் யதா²பூ⁴தம் பஜானாதி, இத³ம்பி ததா²க³தஸ்ஸ ததா²க³தப³லம் ஹோதி. யம் ப³லம் ஆக³ம்ம ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி.

புன சபரம் ததா²க³தோ ஆஸவானம் க²யம் யதா²பூ⁴தம் பஜானாதி, யம்பி ததா²க³தோ ஆஸவானம் க²யம் யதா²பூ⁴தம் பஜானாதி, இத³ம்பி ததா²க³தஸ்ஸ ததா²க³தப³லம் ஹோதி. யம் ப³லம் ஆக³ம்ம ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி.

இமானி த³ஸ ததா²க³தஸ்ஸ ததா²க³தப³லானி. யேஹி ப³லேஹி ஸமன்னாக³தோ ததா²க³தோ ஆஸப⁴ம் டா²னம் படிஜானாதி, பரிஸாஸு ஸீஹனாத³ம் நத³தி, ப்³ரஹ்மசக்கம் பவத்தேதி. ஏவம் த³ஸவிதே⁴ன ஞாணவத்து².

ஞாணவிப⁴ங்க³ம்.

கு²த்³த³கவத்து²விப⁴ங்கோ³

ஏககம்

ஜாதிமதோ³ (விப⁴. 832), கோ³த்தமதோ³, ஆரோக்³யமதோ³, யோப்³ப³னமதோ³, ஜீவிதமதோ³, லாப⁴மதோ³, ஸக்காரமதோ³, க³ருகாரமதோ³, புரேக்கா²ரமதோ³, பரிவாரமதோ³, போ⁴க³மதோ³, வண்ணமதோ³, ஸுதமதோ³, படிபா⁴னமதோ³, ரத்தஞ்ஞுமதோ³, பிண்ட³பாதிகமதோ³, அனவஞ்ஞாதமதோ³, இரியாபத²மதோ³, இத்³தி⁴மதோ³, யஸமதோ³, ஸீலமதோ³, ஜா²னமதோ³, ஸிப்பமதோ³, ஆரோஹமதோ³, பரிணாஹமதோ³, ஸண்டா²னமதோ³, பாரிபூரிமதோ³, மதோ³, பமாதோ³, த²ம்போ⁴, ஸாரம்போ⁴, அத்ரிச்ச²தா, மஹிச்ச²தா, பாபிச்ச²தா, ஸிங்க³ம், திந்திணம், சாபல்யம், அஸபா⁴க³வுத்தி, அரதி, தந்தீ³, விஜம்பி⁴தா, ப⁴த்தஸம்மதோ³, சேதஸோ ச லீனத்தம், குஹனா, லபனா, நேமித்திகதா, நிப்பேஸிகதா, லாபே⁴ன லாப⁴ம் நிஜிகீ³ஸனதா, ‘‘ஸேய்யோஹமஸ்மீ’’தி மானோ, ‘‘ஸதி³ஸோஹமஸ்மீ’’தி மானோ, ‘‘ஹீனோஹமஸ்மீ’’தி மானோ. ஸேய்யஸ்ஸ ‘‘ஸேய்யோஹமஸ்மீ’’தி மானோ, ஸேய்யஸ்ஸ ‘‘ஸதி³ஸோஹமஸ்மீ’’தி மானோ, ஸேய்யஸ்ஸ ‘‘ஹீனோஹமஸ்மீ’’தி மானோ, ஸதி³ஸஸ்ஸ ‘‘ஸேய்யோஹமஸ்மீ’’தி மானோ, ஸதி³ஸஸ்ஸ ‘‘ஸதி³ஸோஹமஸ்மீ’’தி மானோ, ஸதி³ஸஸ்ஸ ‘‘ஹீனோஹமஸ்மீ’’தி மானோ, ஹீனஸ்ஸ ‘‘ஸேய்யோஹமஸ்மீ’’தி மானோ, ஹீனஸ்ஸ ‘‘ஸதி³ஸோஹமஸ்மீ’’தி மானோ, ஹீனஸ்ஸ ‘‘ஹீனோஹமஸ்மீ’’தி மானோ, மானோ, அதிமானோ, மானாதிமானோ, ஓமானோ, அதி⁴மானோ, அஸ்மிமானோ, மிச்சா²மானோ, ஞாதிவிதக்கோ, ஜனபத³விதக்கோ, அமரவிதக்கோ, பரானுத்³த³யதாபடிஸம்யுத்தோ விதக்கோ, லாப⁴ஸக்காரஸிலோகபடிஸம்யுத்தோ விதக்கோ, அனவஞ்ஞத்திபடிஸம்யுத்தோ விதக்கோ (விப⁴. 832). ஏககம்.

து³கம்

கோதோ⁴ ச உபனாஹோ ச, மக்கோ² ச பளாஸோ ச, இஸ்ஸா ச மச்ச²ரியஞ்ச, மாயா ச ஸாடே²ய்யஞ்ச, அவிஜ்ஜா ச ப⁴வதண்ஹா ச, ப⁴வதி³ட்டி² ச விப⁴வதி³ட்டி² ச, ஸஸ்ஸததி³ட்டி² ச உச்சே²த³தி³ட்டி² ச, அந்தவாதி³ட்டி² ச அனந்தவாதி³ட்டி² ச, புப்³ப³ந்தானுதி³ட்டி² ச அபரந்தானுதி³ட்டி² ச, அஹிரிகஞ்ச அனோத்தப்பஞ்ச, தோ³வசஸ்ஸதா ச பாபமித்ததா ச, அனஜ்ஜவோ ச அமத்³த³வோ ச, அக்க²ந்தி ச அஸோரச்சஞ்ச, அஸாக²ல்யஞ்ச அப்படிஸந்தா²ரோ ச, இந்த்³ரியேஸு அகு³த்தத்³வாரதா ச போ⁴ஜனே அமத்தஞ்ஞுதா ச, முட்ட²ஸ்ஸச்சஞ்ச அஸம்பஜஞ்ஞஞ்ச, ஸீலவிபத்தி ச தி³ட்டி²விபத்தி ச, அஜ்ஜ²த்தஸம்யோஜனஞ்ச ப³ஹித்³தா⁴ஸம்யோஜனஞ்ச. து³கம்.

திகம்

தீணி அகுஸலமூலானி, தயோ அகுஸலவிதக்கா, திஸ்ஸோ அகுஸலஸஞ்ஞா, திஸ்ஸோ அகுஸலதா⁴துயோ, தீணி து³ச்சரிதானி, தயோ ஆஸவா, தீணி ஸம்யோஜனானி, திஸ்ஸோ தண்ஹா, அபராபி திஸ்ஸோ தண்ஹா, அபராபி திஸ்ஸோ தண்ஹா, திஸ்ஸோ ஏஸனா, திஸ்ஸோ விதா⁴, தீணி ப⁴யானி, தீணி தமானி, தீணி தித்தா²யதனானி, தயோ கிஞ்சனா, தீணி அங்க³ணானி, தீணி மலானி, தீணி விஸமானி, அபரானிபி தீணி விஸமானி, தயோ அக்³கீ³, தயோ கஸாவா, அபரேபி தயோ கஸாவா.

அஸ்ஸாத³தி³ட்டி² அத்தானுதி³ட்டி² மிச்சா²தி³ட்டி², அரதி விஹேஸா அத⁴ம்மசரியா, தோ³வசஸ்ஸதா பாபமித்ததா நானத்தஸஞ்ஞா, உத்³த⁴ச்சம் கோஸஜ்ஜம் பமாதோ³, அஸந்துட்டி²தா அஸம்பஜஞ்ஞதா மஹிச்ச²தா, அஹிரிகம் அனோத்தப்பம் பமாதோ³, அனாத³ரியம் தோ³வசஸ்ஸதா பாபமித்ததா, அஸ்ஸத்³தி⁴யம் அவத³ஞ்ஞுதா கோஸஜ்ஜம், உத்³த⁴ச்சம் அஸம்வரோ து³ஸ்ஸீல்யம், அரியானம் அத³ஸ்ஸனகம்யதா ஸத்³த⁴ம்மம் அஸோதுகம்யதா உபாரம்ப⁴சித்ததா, முட்ட²ஸ்ஸச்சம் அஸம்பஜஞ்ஞம் சேதஸோ விக்கே²போ, அயோனிஸோ மனஸிகாரோ கும்மக்³க³ஸேவனா சேதஸோ ச லீனத்தம். திகம்.

சதுக்கம்

சத்தாரோ ஆஸவா, சத்தாரோ க³ந்தா², சத்தாரோ ஓகா⁴, சத்தாரோ யோகா³, சத்தாரி உபாதா³னானி, சத்தாரோ தண்ஹுப்பாதா³, சத்தாரி அக³திக³மனானி, சத்தாரோ விபரியாஸா, சத்தாரோ அனரியவோஹாரா, அபரேபி சத்தாரோ அனரியவோஹாரா, சத்தாரி து³ச்சரிதானி, அபராபி சத்தாரி து³ச்சரிதானி, சத்தாரி ப⁴யானி, (அபரானிபி சத்தாரி ப⁴யானி,) சதஸ்ஸோ தி³ட்டி²யோ. சதுக்கம்.

பஞ்சகம்

பஞ்சோரம்பா⁴கி³யானி ஸம்யோஜனானி, பஞ்சுத்³த⁴ம்பா⁴கி³யானி ஸம்யோஜனானி, பஞ்ச மச்ச²ரியானி, பஞ்ச ஸங்கா³, பஞ்ச ஸல்லா, பஞ்ச சேதோகி²லா, பஞ்ச சேதஸோவினிப³ந்தா⁴, பஞ்ச நீவரணானி, பஞ்ச கம்மானி ஆனந்தரிகானி, பஞ்ச தி³ட்டி²யோ, பஞ்ச வேரா, பஞ்ச ப்³யஸனா, பஞ்ச அக்க²ந்தியா ஆதீ³னவா, பஞ்ச ப⁴யானி, பஞ்ச தி³ட்ட²த⁴ம்மனிப்³பா³னவாதா³. பஞ்சகம்.

ச²க்கம்

ச² விவாத³மூலானி, ச² ச²ந்த³ராகா³ த⁴ம்மா, ச² விரோத⁴வத்தூ²னி, ச² தண்ஹாகாயா, ச² அகா³ரவா, ச² பரிஹானியா த⁴ம்மா, அபரேபி ச² பரிஹானியா த⁴ம்மா, ச² ஸோமனஸ்ஸுபவிசாரா, ச² தோ³மனஸ்ஸுபவிசாரா, ச² உபேக்கு²பவிசாரா, ச² கே³ஹஸிதானி ஸோமனஸ்ஸானி, ச² கே³ஹஸிதானி தோ³மனஸ்ஸானி, ச² கே³ஹஸிதா உபேக்கா², ச² தி³ட்டி²யோ. ச²க்கம்.

ஸத்தகம்

ஸத்த அனுஸயா, ஸத்த ஸம்யோஜனானி, ஸத்த பரியுட்டா²னானி, ஸத்த அஸத்³த⁴ம்மா, ஸத்த து³ச்சரிதானி, ஸத்த மானா, ஸத்த தி³ட்டி²யோ. ஸத்தகம்.

அட்ட²கம்

அட்ட² கிலேஸவத்தூ²னி, அட்ட² குஸீதவத்தூ²னி, அட்ட²ஸு லோகத⁴ம்மேஸு சித்தஸ்ஸ படிகா⁴தோ, அட்ட² அனரியவோஹாரா, அட்ட² மிச்ச²த்தா, அட்ட² புரிஸதோ³ஸா, அட்ட² அஸஞ்ஞிவாதா³, அட்ட² நேவஸஞ்ஞினாஸஞ்ஞிவாதா³. அட்ட²கம்.

நவகம்

நவ ஆகா⁴தவத்தூ²னி, நவ புரிஸமலானி, நவவிதா⁴ மானா, நவ தண்ஹாமூலகா த⁴ம்மா, நவ இஞ்ஜிதானி, நவ மஞ்ஞிதானி, நவ ப²ந்தி³தானி, நவ பபஞ்சிதானி, நவ ஸங்க²தானி. நவகம்.

த³ஸகம்

த³ஸ கிலேஸவத்தூ²னி, த³ஸ ஆகா⁴தவத்தூ²னி, த³ஸ அகுஸலகம்மபதா², த³ஸ ஸம்யோஜனானி, த³ஸ மிச்ச²த்தா, த³ஸவத்து²கா மிச்சா²தி³ட்டி², த³ஸவத்து²கா அந்தக்³கா³ஹிகா தி³ட்டி². த³ஸகம்.

அட்டா²ரஸ தண்ஹாவிசரிதானி அஜ்ஜ²த்திகஸ்ஸ உபாதா³ய, அட்டா²ரஸ தண்ஹாவிசரிதானி பா³ஹிரஸ்ஸ உபாதா³ய, ததே³கஜ்ஜ²ம் அபி⁴ஸஞ்ஞுஹித்வா அபி⁴ஸங்கி²பித்வா ச²த்திம்ஸ தண்ஹாவிசரிதானி ஹோந்தி, இதி அதீதானி ச²த்திம்ஸ தண்ஹாவிசரிதானி, அனாக³தானி ச²த்திம்ஸ தண்ஹாவிசரிதானி, பச்சுப்பன்னானி ச²த்திம்ஸ தண்ஹாவிசரிதானி, ததே³கஜ்ஜ²ம் அபி⁴ஸஞ்ஞுஹித்வா அபி⁴ஸங்கி²பித்வா அட்ட² தண்ஹாவிசரிதஸதம் ஹோதி, யானி ச த்³வாஸட்டி² தி³ட்டி²க³தானி ப்³ரஹ்மஜாலே வேய்யாகரணே வுத்தானி ப⁴க³வதா.

கு²த்³த³கவத்து²விப⁴ங்க³ம்.

த⁴ம்மஹத³யவிப⁴ங்கோ³

கதி க²ந்தா⁴, கதி ஆயதனானி, கதி தா⁴துயோ, கதி ஸச்சானி, கதி இந்த்³ரியானி, கதி ஹேதூ, கதி ஆஹாரா, கதி ப²ஸ்ஸா, கதி வேத³னா, கதி ஸஞ்ஞா, கதி சேதனா, கதி சித்தானி (விப⁴. 978)?

பஞ்சக்க²ந்தா⁴, த்³வாத³ஸாயதனானி, அட்டா²ரஸ தா⁴துயோ, சத்தாரி ஸச்சானி, பா³வீஸதிந்த்³ரியானி, நவ ஹேதூ, சத்தாரோ ஆஹாரா, ஸத்த ப²ஸ்ஸா, ஸத்த வேத³னா, ஸத்த ஸஞ்ஞா, ஸத்த சேதனா, ஸத்த சித்தானி (விப⁴. 978).

த⁴ம்மஹத³யவிப⁴ங்க³ம்.

விப⁴ங்க³மாதிகா நிட்டி²தா.

3. தா⁴துகதா²மாதிகா

நயமாதிகா

ஸங்க³ஹோ அஸங்க³ஹோ (தா⁴து. 1). ஸங்க³ஹிதேன அஸங்க³ஹிதம். அஸங்க³ஹிதேன ஸங்க³ஹிதம். ஸங்க³ஹிதேன ஸங்க³ஹிதம். அஸங்க³ஹிதேன அஸங்க³ஹிதம். ஸம்பயோகோ³ விப்பயோகோ³. ஸம்பயுத்தேன விப்பயுத்தம். விப்பயுத்தேன ஸம்பயுத்தம். ஸம்பயுத்தேன ஸம்பயுத்தம். விப்பயுத்தேன விப்பயுத்தம். ஸங்க³ஹிதேன ஸம்பயுத்தம் விப்பயுத்தம். ஸம்பயுத்தேன ஸங்க³ஹிதம் அஸங்க³ஹிதம். அஸங்க³ஹிதேன ஸம்பயுத்தம் விப்பயுத்தம். விப்பயுத்தேன ஸங்க³ஹிதம் அஸங்க³ஹிதம்.

அப்³ப⁴ந்தரமாதிகா