8. பரிஞ்ஞாதஸுத்தம்

404. ‘‘சத்தாரோமே, பி⁴க்க²வே, ஸதிபட்டா²னா. கதமே சத்தாரோ? இத⁴, பி⁴க்க²வே, பி⁴க்கு² காயே காயானுபஸ்ஸீ விஹரதி ஆதாபீ ஸம்பஜானோ ஸதிமா, வினேய்ய லோகே அபி⁴ஜ்ஜா²தோ³மனஸ்ஸம். தஸ்ஸ காயே காயானுபஸ்ஸினோ விஹரதோ காயோ பரிஞ்ஞாதோ ஹோதி. காயஸ்ஸ பரிஞ்ஞாதத்தா அமதம் ஸச்சி²கதம் ஹோதி.

‘‘வேத³னாஸு வேத³னானுபஸ்ஸீ விஹரதி ஆதாபீ ஸம்பஜானோ ஸதிமா, வினேய்ய லோகே அபி⁴ஜ்ஜா²தோ³மனஸ்ஸம். தஸ்ஸ வேத³னாஸு வேத³னானுபஸ்ஸினோ விஹரதோ வேத³னா பரிஞ்ஞாதா ஹோந்தி. வேத³னானம் பரிஞ்ஞாதத்தா அமதம் ஸச்சி²கதம் ஹோதி.

‘‘சித்தே சித்தானுபஸ்ஸீ விஹரதி ஆதாபீ ஸம்பஜானோ ஸதிமா, வினேய்ய லோகே அபி⁴ஜ்ஜா²தோ³மனஸ்ஸம். தஸ்ஸ சித்தே சித்தானுபஸ்ஸினோ விஹரதோ சித்தம் பரிஞ்ஞாதம் ஹோதி. சித்தஸ்ஸ பரிஞ்ஞாதத்தா அமதம் ஸச்சி²கதம் ஹோதி.

‘‘த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா, வினேய்ய லோகே அபி⁴ஜ்ஜா²தோ³மனஸ்ஸம். தஸ்ஸ த⁴ம்மேஸு த⁴ம்மானுபஸ்ஸினோ விஹரதோ த⁴ம்மா பரிஞ்ஞாதா ஹோந்தி. த⁴ம்மானம் பரிஞ்ஞாதத்தா அமதம் ஸச்சி²கதம் ஹோதீ’’தி. அட்ட²மம்.