6. பதே³ஸஸுத்தம்

392. ஏகம் ஸமயம் ஆயஸ்மா ச ஸாரிபுத்தோ ஆயஸ்மா ச மஹாமோக்³க³ல்லானோ ஆயஸ்மா ச அனுருத்³தோ⁴ ஸாகேதே விஹரந்தி கண்ட³கீவனே [கண்டகீவனே (ஸீ. ஸ்யா. கம். பீ.)]. அத² கோ² ஆயஸ்மா ச ஸாரிபுத்தோ ஆயஸ்மா ச மஹாமோக்³க³ல்லானோ ஸாயன்ஹஸமயம் படிஸல்லானா வுட்டி²தா யேனாயஸ்மா அனிருத்³தோ⁴ தேனுபஸங்கமிம்ஸு; உபஸங்கமித்வா ஆயஸ்மதா அனுருத்³தே⁴ன ஸத்³தி⁴ம் ஸம்மோதி³ம்ஸு. ஸம்மோத³னீயம் கத²ம் ஸாரணீயம் வீதிஸாரேத்வா ஏகமந்தம் நிஸீதி³ம்ஸு. ஏகமந்தம் நிஸின்னோ கோ² ஆயஸ்மா ஸாரிபுத்தோ ஆயஸ்மந்தம் அனுருத்³த⁴ம் ஏதத³வோச – ‘‘‘ஸேகோ², ஸேகோ²’தி [ஸேக்கோ² ஸேக்கோ²தி (ஸ்யா. கம்.)], ஆவுஸோ அனுருத்³த⁴, வுச்சதி. கித்தாவதா நு கோ², ஆவுஸோ, ஸேகோ² ஹோதீ’’தி? ‘‘சதுன்னம் கோ², ஆவுஸோ, ஸதிபட்டா²னானம் பதே³ஸம் பா⁴விதத்தா ஸேகோ² ஹோதி’’.

‘‘கதமேஸம் சதுன்னம்? இதா⁴வுஸோ, பி⁴க்கு² காயே காயானுபஸ்ஸீ விஹரதி ஆதாபீ ஸம்பஜானோ ஸதிமா, வினேய்ய லோகே அபி⁴ஜ்ஜா²தோ³மனஸ்ஸம்; வேத³னாஸு…பே… சித்தே…பே… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா, வினேய்ய லோகே அபி⁴ஜ்ஜா²தோ³மனஸ்ஸம். இமேஸம் கோ², ஆவுஸோ, சதுன்னம் ஸதிபட்டா²னானம் பதே³ஸம் பா⁴விதத்தா ஸேகோ² ஹோதீ’’தி. ச²ட்ட²ம்.