4. அரஹந்தஸுத்தம்

1094. ஸாவத்தி²னிதா³னம். யே ஹி கேசி, பி⁴க்க²வே, அதீதமத்³தா⁴னம் அரஹந்தோ ஸம்மாஸம்பு³த்³தா⁴ யதா²பூ⁴தம் அபி⁴ஸம்பு³ஜ்ஜி²ம்ஸு, ஸப்³பே³ தே சத்தாரி அரியஸச்சானி யதா²பூ⁴தம் அபி⁴ஸம்பு³ஜ்ஜி²ம்ஸு. யே ஹி [யேபி ஹி (ப³ஹூஸு)] கேசி, பி⁴க்க²வே, அனாக³தமத்³தா⁴னம் அரஹந்தோ ஸம்மாஸம்பு³த்³தா⁴ யதா²பூ⁴தம் அபி⁴ஸம்பு³ஜ்ஜி²ஸ்ஸந்தி, ஸப்³பே³ தே சத்தாரி அரியஸச்சானி யதா²பூ⁴தம் அபி⁴ஸம்பு³ஜ்ஜி²ஸ்ஸந்தி. யே ஹி கேசி, பி⁴க்க²வே, ஏதரஹி அரஹந்தோ ஸம்மாஸம்பு³த்³தா⁴ யதா²பூ⁴தம் அபி⁴ஸம்பு³ஜ்ஜ²ந்தி, ஸப்³பே³ தே சத்தாரி அரியஸச்சானி யதா²பூ⁴தம் அபி⁴ஸம்பு³ஜ்ஜ²ந்தி.

‘‘கதமானி சத்தாரி? து³க்க²ம் அரியஸச்சம், து³க்க²ஸமுத³யம் அரியஸச்சம், து³க்க²னிரோத⁴ம் அரியஸச்சம், து³க்க²னிரோத⁴கா³மினீ படிபதா³ அரியஸச்சம். யே ஹி, கேசி, பி⁴க்க²வே, அதீதமத்³தா⁴னம் அரஹந்தோ ஸம்மாஸம்பு³த்³தா⁴ யதா²பூ⁴தம் அபி⁴ஸம்பு³ஜ்ஜி²ம்ஸு…பே… அபி⁴ஸம்பு³ஜ்ஜி²ஸ்ஸந்தி…பே… அபி⁴ஸம்பு³ஜ்ஜ²ந்தி, ஸப்³பே³ தே இமானி சத்தாரி அரியஸச்சானி யதா²பூ⁴தம் அபி⁴ஸம்பு³ஜ்ஜ²ந்தி.

‘‘தஸ்மாதிஹ, பி⁴க்க²வே, ‘இத³ம் து³க்க²’ந்தி யோகோ³ கரணீயோ…பே… ‘அயம் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. சதுத்த²ம்.