8. து³தியஏகத⁴ம்மபேய்யாலவக்³கோ³

1. கல்யாணமித்தஸுத்தம்

77. ஸாவத்தி²னிதா³னம். ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி, யேன அனுப்பன்னோ வா அரியோ அட்ட²ங்கி³கோ மக்³கோ³ உப்பஜ்ஜதி, உப்பன்னோ வா அரியோ அட்ட²ங்கி³கோ மக்³கோ³ பா⁴வனாபாரிபூரிம் க³ச்ச²தி, யத²யித³ம், பி⁴க்க²வே, கல்யாணமித்ததா. கல்யாணமித்தஸ்ஸேதம், பி⁴க்க²வே, பி⁴க்கு²னோ பாடிகங்க²ம் – அரியம் அட்ட²ங்கி³கம் மக்³க³ம் பா⁴வேஸ்ஸதி, அரியம் அட்ட²ங்கி³கம் மக்³க³ம் ப³ஹுலீகரிஸ்ஸதி. கத²ஞ்ச, பி⁴க்க²வே, பி⁴க்கு² கல்யாணமித்தோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதி? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி விவேகனிஸ்ஸிதம்…பே… ஸம்மாஸமாதி⁴ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். ஏவம் கோ², பி⁴க்க²வே, பி⁴க்கு² கல்யாணமித்தோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதீ’’தி. பட²மம்.

2-6. ஸீலஸம்பதா³தி³ஸுத்தபஞ்சகம்

78-82. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி, யேன அனுப்பன்னோ வா அரியோ அட்ட²ங்கி³கோ மக்³கோ³ உப்பஜ்ஜதி, உப்பன்னோ வா அரியோ அட்ட²ங்கி³கோ மக்³கோ³ பா⁴வனாபாரிபூரிம் க³ச்ச²தி, யத²யித³ம், பி⁴க்க²வே, ஸீலஸம்பதா³…பே… யத²யித³ம், பி⁴க்க²வே, ச²ந்த³ஸம்பதா³…பே… யத²யித³ம், பி⁴க்க²வே, அத்தஸம்பதா³…பே… யத²யித³ம், பி⁴க்க²வே, தி³ட்டி²ஸம்பதா³…பே… யத²யித³ம், பி⁴க்க²வே, அப்பமாத³ஸம்பதா³…பே…. ச²ட்ட²ம்.

7. யோனிஸோமனஸிகாரஸம்பதா³ஸுத்தம்

83. ‘‘யத²யித³ம், பி⁴க்க²வே, யோனிஸோமனஸிகாரஸம்பதா³. யோனிஸோமனஸிகாரஸம்பன்னஸ்ஸேதம், பி⁴க்க²வே, பி⁴க்கு²னோ பாடிகங்க²ம் – அரியம் அட்ட²ங்கி³கம் மக்³க³ம் பா⁴வேஸ்ஸதி, அரியம் அட்ட²ங்கி³கம் மக்³க³ம் ப³ஹுலீகரிஸ்ஸதி. கத²ஞ்ச, பி⁴க்க²வே, பி⁴க்கு² யோனிஸோமனஸிகாரஸம்பன்னோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதி? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி விவேகனிஸ்ஸிதம்…பே… ஸம்மாஸமாதி⁴ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். ஏவம் கோ², பி⁴க்க²வே, பி⁴க்கு² யோனிஸோமனஸிகாரஸம்பன்னோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதீ’’தி. ஸத்தமம்.

1. கல்யாணமித்தஸுத்தம்

84. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி, யேன அனுப்பன்னோ வா அரியோ அட்ட²ங்கி³கோ மக்³கோ³ உப்பஜ்ஜதி, உப்பன்னோ வா அரியோ அட்ட²ங்கி³கோ மக்³கோ³ பா⁴வனாபாரிபூரிம் க³ச்ச²தி, யத²யித³ம், பி⁴க்க²வே, கல்யாணமித்ததா. கல்யாணமித்தஸ்ஸேதம், பி⁴க்க²வே, பி⁴க்கு²னோ பாடிகங்க²ம் – அரியம் அட்ட²ங்கி³கம் மக்³க³ம் பா⁴வேஸ்ஸதி, அரியம் அட்ட²ங்கி³கம் மக்³க³ம் ப³ஹுலீகரிஸ்ஸதி. கத²ஞ்ச, பி⁴க்க²வே, பி⁴க்கு² கல்யாணமித்தோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதி? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி ராக³வினயபரியோஸானம் தோ³ஸவினயபரியோஸானம் மோஹவினயபரியோஸானம்…பே… ஸம்மாஸமாதி⁴ம் பா⁴வேதி ராக³வினயபரியோஸானம் தோ³ஸவினயபரியோஸானம் மோஹவினயபரியோஸானம். ஏவம் கோ², பி⁴க்க²வே, பி⁴க்கு² கல்யாணமித்தோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதீ’’தி. பட²மம்.

2-6. ஸீலஸம்பதா³தி³ஸுத்தபஞ்சகம்

85-89. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி, யேன அனுப்பன்னோ வா அரியோ அட்ட²ங்கி³கோ மக்³கோ³ உப்பஜ்ஜதி, உப்பன்னோ வா அரியோ அட்ட²ங்கி³கோ மக்³கோ³ பா⁴வனாபாரிபூரிம் க³ச்ச²தி, யத²யித³ம், பி⁴க்க²வே, ஸீலஸம்பதா³…பே… யத²யித³ம், பி⁴க்க²வே, ச²ந்த³ஸம்பதா³…பே… யத²யித³ம், பி⁴க்க²வே, அத்தஸம்பதா³…பே… யத²யித³ம், பி⁴க்க²வே, தி³ட்டி²ஸம்பதா³…பே… யத²யித³ம், பி⁴க்க²வே, அப்பமாத³ஸம்பதா³…பே…. ச²ட்ட²ம்.

7. யோனிஸோமனஸிகாரஸம்பதா³ஸுத்தம்

90. ‘‘யத²யித³ம், பி⁴க்க²வே, யோனிஸோமனஸிகாரஸம்பதா³. யோனிஸோமனஸிகாரஸம்பன்னஸ்ஸேதம், பி⁴க்க²வே, பி⁴க்கு²னோ பாடிகங்க²ம் – அரியம் அட்ட²ங்கி³கம் மக்³க³ம் பா⁴வேஸ்ஸதி, அரியம் அட்ட²ங்கி³கம் மக்³க³ம் ப³ஹுலீகரிஸ்ஸதி. கத²ஞ்ச, பி⁴க்க²வே, பி⁴க்கு² யோனிஸோமனஸிகாரஸம்பன்னோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதி? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி ராக³வினயபரியோஸானம் தோ³ஸவினயபரியோஸானம் மோஹவினயபரியோஸானம்…பே… ஸம்மாஸமாதி⁴ம் பா⁴வேதி ராக³வினயபரியோஸானம் தோ³ஸவினயபரியோஸானம் மோஹவினயபரியோஸானம். ஏவம் கோ², பி⁴க்க²வே, பி⁴க்கு² யோனிஸோமனஸிகாரஸம்பன்னோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதீ’’தி. ஸத்தமம்.

து³தியஏகத⁴ம்மபேய்யாலவக்³கோ³ அட்ட²மோ.

தஸ்ஸுத்³தா³னம் –

கல்யாணமித்தம் ஸீலஞ்ச, ச²ந்தோ³ ச அத்தஸம்பதா³;

தி³ட்டி² ச அப்பமாதோ³ ச, யோனிஸோ ப⁴வதி ஸத்தமம்.