5. அஞ்ஞதித்தி²யபேய்யாலவக்³கோ³

1. ராக³விராக³ஸுத்தம்

41. ஸாவத்தி²னிதா³னம். ‘‘ஸசே வோ, பி⁴க்க²வே, அஞ்ஞதித்தி²யா பரிப்³பா³ஜகா ஏவம் புச்சே²ய்யும் – ‘கிமத்தி²யம், ஆவுஸோ, ஸமணே கோ³தமே ப்³ரஹ்மசரியம் வுஸ்ஸதீ’தி, ஏவம் புட்டா² தும்ஹே, பி⁴க்க²வே, தேஸம் அஞ்ஞதித்தி²யானம் பரிப்³பா³ஜகானம் ஏவம் ப்³யாகரேய்யாத² – ‘ராக³விராக³த்த²ம் கோ², ஆவுஸோ, ப⁴க³வதி ப்³ரஹ்மசரியம் வுஸ்ஸதீ’தி. ஸசே பன வோ, பி⁴க்க²வே, அஞ்ஞதித்தி²யா பரிப்³பா³ஜகா ஏவம் புச்சே²ய்யும் – ‘அத்தி² பனாவுஸோ, மக்³கோ³, அத்தி² படிபதா³ ராக³விராகா³யா’தி, ஏவம் புட்டா² தும்ஹே, பி⁴க்க²வே, தேஸம் அஞ்ஞதித்தி²யானம் பரிப்³பா³ஜகானம் ஏவம் ப்³யாகரேய்யாத² – ‘அத்தி² கோ², ஆவுஸோ, மக்³கோ³, அத்தி² படிபதா³ ராக³விராகா³யா’தி. கதமோ ச, பி⁴க்க²வே, மக்³கோ³, கதமா ச படிபதா³ ராக³விராகா³ய? அயமேவ அரியோ அட்ட²ங்கி³கோ மக்³கோ³, ஸேய்யதி²த³ம் – ஸம்மாதி³ட்டி²…பே… ஸம்மாஸமாதி⁴. அயம், பி⁴க்க²வே, மக்³கோ³, அயம் படிபதா³ ராக³விராகா³யாதி. ஏவம் புட்டா² தும்ஹே, பி⁴க்க²வே, தேஸம் அஞ்ஞதித்தி²யானம் பரிப்³பா³ஜகானம் ஏவம் ப்³யாகரேய்யாதா²’’தி. பட²மம்.

2-7. ஸம்யோஜனப்பஹானாதி³ஸுத்தச²க்கம்

42-47. ‘‘ஸசே வோ, பி⁴க்க²வே, அஞ்ஞதித்தி²யா பரிப்³பா³ஜகா ஏவம் புச்சே²ய்யும் – ‘கிமத்தி²யம், ஆவுஸோ, ஸமணே கோ³தமே ப்³ரஹ்மசரியம் வுஸ்ஸதீ’தி, ஏவம் புட்டா² தும்ஹே, பி⁴க்க²வே, தேஸம் அஞ்ஞதித்தி²யானம் பரிப்³பா³ஜகானம் ஏவம் ப்³யாகரேய்யாத² – ‘ஸம்யோஜனப்பஹானத்த²ம் கோ², ஆவுஸோ, ப⁴க³வதி ப்³ரஹ்மசரியம் வுஸ்ஸதீ’தி…பே… ‘அனுஸயஸமுக்³கா⁴தனத்த²ம் கோ², ஆவுஸோ, ப⁴க³வதி ப்³ரஹ்மசரியம் வுஸ்ஸதீ’தி…பே… ‘அத்³தா⁴னபரிஞ்ஞத்த²ம் கோ², ஆவுஸோ, ப⁴க³வதி ப்³ரஹ்மசரியம் வுஸ்ஸதீ’தி…பே… ‘ஆஸவானம் க²யத்த²ம் கோ², ஆவுஸோ, ப⁴க³வதி ப்³ரஹ்மசரியம் வுஸ்ஸதீ’தி…பே… ‘விஜ்ஜாவிமுத்திப²லஸச்சி²கிரியத்த²ம் கோ², ஆவுஸோ, ப⁴க³வதி ப்³ரஹ்மசரியம் வுஸ்ஸதீ’தி…பே… ‘ஞாணத³ஸ்ஸனத்த²ம் கோ², ஆவுஸோ, ப⁴க³வதி ப்³ரஹ்மசரியம் வுஸ்ஸதீ’தி…பே…. ஸத்தமம்.

8. அனுபாதா³பரினிப்³பா³னஸுத்தம்

48. ஸாவத்தி²னிதா³னம். ‘‘ஸசே வோ, பி⁴க்க²வே, அஞ்ஞதித்தி²யா பரிப்³பா³ஜகா ஏவம் புச்சே²ய்யும் – ‘கிமத்தி²யம், ஆவுஸோ, ஸமணே கோ³தமே ப்³ரஹ்மசரியம் வுஸ்ஸதீ’தி, ஏவம் புட்டா² தும்ஹே, பி⁴க்க²வே, தேஸம் அஞ்ஞதித்தி²யானம் பரிப்³பா³ஜகானம் ஏவம் ப்³யாகரேய்யாத² – ‘அனுபாதா³பரினிப்³பா³னத்த²ம் கோ², ஆவுஸோ, ப⁴க³வதி ப்³ரஹ்மசரியம் வுஸ்ஸதீ’தி. ஸசே பன வோ, பி⁴க்க²வே, அஞ்ஞதித்தி²யா பரிப்³பா³ஜகா ஏவம் புச்சே²ய்யும் – ‘அத்தி² பனாவுஸோ, மக்³கோ³, அத்தி² படிபதா³ அனுபாதா³பரினிப்³பா³னாயா’தி, ஏவம் புட்டா² தும்ஹே, பி⁴க்க²வே, தேஸம் அஞ்ஞதித்தி²யானம் பரிப்³பா³ஜகானம் ஏவம் ப்³யாகரேய்யாத² – ‘அத்தி² கோ², ஆவுஸோ, மக்³கோ³, அத்தி² படிபதா³ அனுபாதா³பரினிப்³பா³னாயா’தி. கதமோ ச, பி⁴க்க²வே, மக்³கோ³, கதமா ச படிபதா³ அனுபாதா³பரினிப்³பா³னாய? அயமேவ அரியோ அட்ட²ங்கி³கோ மக்³கோ³, ஸேய்யதி²த³ம் – ஸம்மாதி³ட்டி²…பே… ஸம்மாஸமாதி⁴. அயம், பி⁴க்க²வே, மக்³கோ³, அயம் படிபதா³ அனுபாதா³பரினிப்³பா³னாயாதி. ஏவம் புட்டா² தும்ஹே, பி⁴க்க²வே, தேஸம் அஞ்ஞதித்தி²யானம் பரிப்³பா³ஜகானம் ஏவம் ப்³யாகரேய்யாதா²’’தி. அட்ட²மம்.

அஞ்ஞதித்தி²யபேய்யாலவக்³கோ³ பஞ்சமோ.

தஸ்ஸுத்³தா³னம் –

விராக³ஸம்யோஜனம் அனுஸயம், அத்³தா⁴னம் ஆஸவா க²யா;

விஜ்ஜாவிமுத்திஞாணஞ்ச, அனுபாதா³ய அட்ட²மீ.