6. ஸூரியபேய்யாலவக்³கோ³

1. கல்யாணமித்தஸுத்தம்

49. ஸாவத்தி²னிதா³னம். ‘‘ஸூரியஸ்ஸ, பி⁴க்க²வே, உத³யதோ ஏதம் புப்³ப³ங்க³மம் ஏதம் புப்³ப³னிமித்தம், யதி³த³ம் – அருணுக்³க³ம்; ஏவமேவ கோ², பி⁴க்க²வே, பி⁴க்கு²னோ அரியஸ்ஸ அட்ட²ங்கி³கஸ்ஸ மக்³க³ஸ்ஸ உப்பாதா³ய ஏதம் புப்³ப³ங்க³மம் ஏதம் புப்³ப³னிமித்தம், யதி³த³ம் – கல்யாணமித்ததா. கல்யாணமித்தஸ்ஸேதம், பி⁴க்க²வே, பி⁴க்கு²னோ பாடிகங்க²ம் – அரியம் அட்ட²ங்கி³கம் மக்³க³ம் பா⁴வேஸ்ஸதி, அரியம் அட்ட²ங்கி³கம் மக்³க³ம் ப³ஹுலீகரிஸ்ஸதி. கத²ஞ்ச, பி⁴க்க²வே, பி⁴க்கு² கல்யாணமித்தோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதி? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம்…பே… ஸம்மாஸமாதி⁴ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். ஏவம் கோ², பி⁴க்க²வே, பி⁴க்கு² கல்யாணமித்தோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதீ’’தி. பட²மம்.

2-6. ஸீலஸம்பதா³தி³ஸுத்தபஞ்சகம்

50-54. ‘‘ஸூரியஸ்ஸ, பி⁴க்க²வே, உத³யதோ ஏதம் புப்³ப³ங்க³மம் ஏதம் புப்³ப³னிமித்தம், யதி³த³ம் – அருணுக்³க³ம்; ஏவமேவ கோ², பி⁴க்க²வே, பி⁴க்கு²னோ அரியஸ்ஸ அட்ட²ங்கி³கஸ்ஸ மக்³க³ஸ்ஸ உப்பாதா³ய ஏதம் புப்³ப³ங்க³மம் ஏதம் புப்³ப³னிமித்தம், யதி³த³ம் – ஸீலஸம்பதா³. ஸீலஸம்பன்னஸ்ஸேதம், பி⁴க்க²வே, பி⁴க்கு²னோ பாடிகங்க²ம்… யதி³த³ம் – ச²ந்த³ஸம்பதா³… யதி³த³ம் – அத்தஸம்பதா³… யதி³த³ம் – தி³ட்டி²ஸம்பதா³… யதி³த³ம் – அப்பமாத³ஸம்பதா³…. ச²ட்ட²ம்.

7. யோனிஸோமனஸிகாரஸம்பதா³ஸுத்தம்

55. ‘‘ஸூரியஸ்ஸ, பி⁴க்க²வே, உத³யதோ ஏதம் புப்³ப³ங்க³மம் ஏதம் புப்³ப³னிமித்தம், யதி³த³ம் – அருணுக்³க³ம்; ஏவமேவ கோ², பி⁴க்க²வே, பி⁴க்கு²னோ அரியஸ்ஸ அட்ட²ங்கி³கஸ்ஸ மக்³க³ஸ்ஸ உப்பாதா³ய ஏதம் புப்³ப³ங்க³மம் ஏதம் புப்³ப³னிம்மித்தம், யதி³த³ம் – யோனிஸோமனஸிகாரஸம்பதா³. யோனிஸோமனஸிகாரஸம்பன்னஸ்ஸேதம், பி⁴க்க²வே, பி⁴க்கு²னோ பாடிகங்க²ம் – அரியம் அட்ட²ங்கி³கம் மக்³க³ம் பா⁴வேஸ்ஸதி, அரியம் அட்ட²ங்கி³கம் மக்³க³ம் ப³ஹுலீகரிஸ்ஸதி. கத²ஞ்ச, பி⁴க்க²வே, பி⁴க்கு² யோனிஸோமனஸிகாரஸம்பன்னோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதி? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம்…பே… ஸம்மாஸமாதி⁴ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். ஏவம் கோ², பி⁴க்க²வே, பி⁴க்கு² யோனிஸோமனஸிகாரஸம்பன்னோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதீ’’தி. ஸத்தமம்.

1. கல்யாணமித்தஸுத்தம்

56. ‘‘ஸூரியஸ்ஸ, பி⁴க்க²வே, உத³யதோ ஏதம் புப்³ப³ங்க³மம் ஏதம் புப்³ப³னிமித்தம், யதி³த³ம் – அருணுக்³க³ம்; ஏவமேவ கோ², பி⁴க்க²வே, பி⁴க்கு²னோ அரியஸ்ஸ அட்ட²ங்கி³கஸ்ஸ மக்³க³ஸ்ஸ உப்பாதா³ய ஏதம் புப்³ப³ங்க³மம் ஏதம் புப்³ப³னிமித்தம், யதி³த³ம் – கல்யாணமித்ததா. கல்யாணமித்தஸ்ஸேதம், பி⁴க்க²வே, பி⁴க்கு²னோ பாடிகங்க²ம் – அரியம் அட்ட²ங்கி³கம் மக்³க³ம் பா⁴வேஸ்ஸதி, அரியம் அட்ட²ங்கி³கம் மக்³க³ம் ப³ஹுலீகரிஸ்ஸதி. கத²ஞ்ச, பி⁴க்க²வே, பி⁴க்கு² கல்யாணமித்தோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதி? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி ராக³வினயபரியோஸானம் தோ³ஸவினயபரியோஸானம் மோஹவினயபரியோஸானம்…பே… ஸம்மாஸமாதி⁴ம் பா⁴வேதி ராக³வினயபரியோஸானம் தோ³ஸவினயபரியோஸானம் மோஹவினயபரியோஸானம். ஏவம் கோ², பி⁴க்க²வே, பி⁴க்கு² கல்யாணமித்தோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதீ’’தி. பட²மம்.

2-6. ஸீலஸம்பதா³தி³ஸுத்தபஞ்சகம்

57-61. ‘‘ஸூரியஸ்ஸ, பி⁴க்க²வே, உத³யதோ ஏதம் புப்³ப³ங்க³மம் ஏதம் புப்³ப³னிமித்தம், யதி³த³ம் – அருணுக்³க³ம்; ஏவமேவ கோ², பி⁴க்க²வே, பி⁴க்கு²னோ அரியஸ்ஸ அட்ட²ங்கி³கஸ்ஸ மக்³க³ஸ்ஸ உப்பாதா³ய ஏதம் புப்³ப³ங்க³மம் ஏதம் புப்³ப³னிமித்தம், யதி³த³ம் – ஸீலஸம்பதா³…பே… யதி³த³ம் – ச²ந்த³ஸம்பதா³…பே… யதி³த³ம் – அத்தஸம்பதா³…பே… யதி³த³ம் – தி³ட்டி²ஸம்பதா³…பே… யதி³த³ம் – அப்பமாத³ஸம்பதா³…பே…. ச²ட்ட²ம்.

7. யோனிஸோமனஸிகாரஸம்பதா³ஸுத்தம்

62. ‘‘யதி³த³ம் – யோனிஸோமனஸிகாரஸம்பதா³. யோனிஸோமனஸிகாரஸம்பன்னஸ்ஸேதம், பி⁴க்க²வே, பி⁴க்கு²னோ பாடிகங்க²ம் – அரியம் அட்ட²ங்கி³கம் மக்³க³ம் பா⁴வேஸ்ஸதி, அரியம் அட்ட²ங்கி³கம் மக்³க³ம் ப³ஹுலீகரிஸ்ஸதி. கத²ஞ்ச, பி⁴க்க²வே, பி⁴க்கு² யோனிஸோமனஸிகாரஸம்பன்னோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதி? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி ராக³வினயபரியோஸானம் தோ³ஸவினயபரியோஸானம் மோஹவினயபரியோஸானம்…பே… ஸம்மாஸமாதி⁴ம் பா⁴வேதி ராக³வினயபரியோஸானம் தோ³ஸவினயபரியோஸானம் மோஹவினயபரியோஸானம். ஏவம் கோ², பி⁴க்க²வே, பி⁴க்கு² யோனிஸோமனஸிகாரஸம்பன்னோ அரியம் அட்ட²ங்கி³கம் மக்³க³ம் பா⁴வேதி, அரியம் அட்ட²ங்கி³கம் மக்³க³ம் ப³ஹுலீகரோதீ’’தி. ஸத்தமம்.

ஸூரியபேய்யாலவக்³கோ³ ச²ட்டோ².

தஸ்ஸுத்³தா³னம் –

கல்யாணமித்தம் ஸீலஞ்ச, ச²ந்தோ³ ச அத்தஸம்பதா³;

தி³ட்டி² ச அப்பமாதோ³ ச, யோனிஸோ ப⁴வதி ஸத்தமம்.