8. ஓக⁴வக்³கோ³

1. ஓக⁴ஸுத்தம்

172. ஸாவத்தி²னிதா³னம். ‘‘சத்தாரோமே, பி⁴க்க²வே, ஓகா⁴. கதமே சத்தாரோ? காமோகோ⁴, ப⁴வோகோ⁴, தி³ட்டோ²கோ⁴, அவிஜ்ஜோகோ⁴ – இமே கோ², பி⁴க்க²வே, சத்தாரோ ஓகா⁴. இமேஸம் கோ², பி⁴க்க²வே, சதுன்னம் ஓகா⁴னம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. (யதா² ஏஸனா, ஏவம் ஸப்³ப³ம் வித்தா²ரேதப்³ப³ம்.) பட²மம்.

2. யோக³ஸுத்தம்

173. ‘‘சத்தாரோமே, பி⁴க்க²வே, யோகா³. கதமே சத்தாரோ? காமயோகோ³, ப⁴வயோகோ³, தி³ட்டி²யோகோ³ அவிஜ்ஜாயோகோ³ – இமே கோ², பி⁴க்க²வே, சத்தாரோ யோகா³. இமேஸம் கோ², பி⁴க்க²வே, சதுன்னம் யோகா³னம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. து³தியம்.

3. உபாதா³னஸுத்தம்

174. ‘‘சத்தாரிமானி, பி⁴க்க²வே, உபாதா³னானி. கதமானி சத்தாரி? காமுபாதா³னம், தி³ட்டு²பாதா³னம், ஸீலப்³ப³துபாதா³னம், அத்தவாது³பாதா³னம் – இமானி கோ², பி⁴க்க²வே, சத்தாரி உபாதா³னானி. இமேஸம் கோ², பி⁴க்க²வே, சதுன்னம் உபாதா³னானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. ததியம்.

4. க³ந்த²ஸுத்தம்

175. ‘‘சத்தாரோமே, பி⁴க்க²வே, க³ந்தா². கதமே சத்தாரோ? அபி⁴ஜ்ஜா² காயக³ந்தோ², ப்³யாபாதோ³ காயக³ந்தோ², ஸீலப்³ப³தபராமாஸோ காயக³ந்தோ², இத³ம்ஸச்சாபி⁴னிவேஸோ காயக³ந்தோ² – இமே கோ², பி⁴க்க²வே, சத்தாரோ க³ந்தா². இமேஸம் கோ², பி⁴க்க²வே, சதுன்னம் க³ந்தா²னம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. சதுத்த²ம்.

5. அனுஸயஸுத்தம்

176. ‘‘ஸத்திமே, பி⁴க்க²வே, அனுஸயா. கதமே ஸத்த? காமராகா³னுஸயோ, படிகா⁴னுஸயோ, தி³ட்டா²னுஸயோ, விசிகிச்சா²னுஸயோ, மானானுஸயோ, ப⁴வராகா³னுஸயோ, அவிஜ்ஜானுஸயோ – இமே கோ², பி⁴க்க²வே, ஸத்தானுஸயா. இமேஸம் கோ², பி⁴க்க²வே, ஸத்தன்னம் அனுஸயானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. பஞ்சமம்.

6. காமகு³ணஸுத்தம்

177. ‘‘பஞ்சிமே, பி⁴க்க²வே, காமகு³ணா. கதமே பஞ்ச? சக்கு²விஞ்ஞேய்யா ரூபா இட்டா² கந்தா மனாபா பியரூபா காமூபஸம்ஹிதா ரஜனீயா, ஸோதவிஞ்ஞேய்யா ஸத்³தா³…பே… கா⁴னவிஞ்ஞேய்யா க³ந்தா⁴…பே… ஜிவ்ஹாவிஞ்ஞேய்யா ரஸா…பே… காயவிஞ்ஞேய்யா போ²ட்ட²ப்³பா³ இட்டா² கந்தா மனாபா பியரூபா காமூபஸம்ஹிதா ரஜனீயா – இமே கோ², பி⁴க்க²வே, பஞ்ச காமகு³ணா. இமேஸம் கோ², பி⁴க்க²வே, பஞ்சன்னம் காமகு³ணானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. ச²ட்ட²ம்.

7. நீவரணஸுத்தம்

178. ‘‘பஞ்சிமானி, பி⁴க்க²வே, நீவரணானி. கதமானி பஞ்ச? காமச்ச²ந்த³னீவரணம், ப்³யாபாத³னீவரணம், தி²னமித்³த⁴னீவரணம், உத்³த⁴ச்சகுக்குச்சனீவரணம், விசிகிச்சா²னீவரணம் – இமானி கோ², பி⁴க்க²வே, பஞ்ச நீவரணானி. இமேஸம் கோ², பி⁴க்க²வே, பஞ்சன்னம் நீவரணானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. ஸத்தமம்.

8. உபாதா³னக்க²ந்த⁴ஸுத்தம்

179. ‘‘பஞ்சிமே, பி⁴க்க²வே, உபாதா³னக்க²ந்தா⁴. கதமே பஞ்ச? ஸேய்யதி²த³ம் – ரூபுபாதா³னக்க²ந்தோ⁴, வேத³னுபாதா³னக்க²ந்தோ⁴, ஸஞ்ஞுபாதா³னக்க²ந்தோ⁴, ஸங்கா²ருபாதா³னக்க²ந்தோ⁴, விஞ்ஞாணுபாதா³னக்க²ந்தோ⁴. இமே கோ², பி⁴க்க²வே, பஞ்சுபாதா³னக்க²ந்தா⁴. இமேஸம் கோ², பி⁴க்க²வே, பஞ்சன்னம் உபாதா³னக்க²ந்தா⁴னம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. அட்ட²மம்.

9. ஓரம்பா⁴கி³யஸுத்தம்

180. ‘‘பஞ்சிமானி, பி⁴க்க²வே, ஓரம்பா⁴கி³யானி ஸம்யோஜனானி. கதமானி பஞ்ச? ஸக்காயதி³ட்டி², விசிகிச்சா², ஸீலப்³ப³தபராமாஸோ, காமச்ச²ந்தோ³, ப்³யாபாதோ³ – இமானி கோ², பி⁴க்க²வே, பஞ்சோரம்பா⁴கி³யானி ஸம்யோஜனானி. இமேஸம் கோ² பி⁴க்க²வே, பஞ்சன்னம் ஓரம்பா⁴கி³யானம் ஸம்யோஜனானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. நவமம்.

10. உத்³த⁴ம்பா⁴கி³யஸுத்தம்

181. ‘‘பஞ்சிமானி, பி⁴க்க²வே, உத்³த⁴ம்பா⁴கி³யானி ஸம்யோஜனானி. கதமானி பஞ்ச? ரூபராகோ³, அரூபராகோ³, மானோ, உத்³த⁴ச்சம், அவிஜ்ஜா – இமானி கோ², பி⁴க்க²வே, பஞ்சுத்³த⁴ம்பா⁴கி³யானி ஸம்யோஜனானி. இமேஸம் கோ², பி⁴க்க²வே, பஞ்சன்னம் உத்³த⁴ம்பா⁴கி³யானம் ஸம்யோஜனானம் அபி⁴ஞ்ஞாய பரிஞ்ஞாய பரிக்க²யாய பஹானாய அரியோ அட்ட²ங்கி³கோ மக்³கோ³ பா⁴வேதப்³போ³. கதமோ அரியோ அட்ட²ங்கி³கோ மக்³கோ³? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி விவேகனிஸ்ஸிதம்…பே… ஸம்மாஸமாதி⁴ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். இமேஸம் கோ², பி⁴க்க²வே, பஞ்சன்னம் உத்³த⁴ம்பா⁴கி³யானம் ஸம்யோஜனானம் அபி⁴ஞ்ஞாய பரிஞ்ஞாய பரிக்க²யாய பஹானாய அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி.

‘‘பஞ்சிமானி, பி⁴க்க²வே, உத்³த⁴ம்பா⁴கி³யானி ஸம்யோஜனானி. கதமானி பஞ்ச? ரூபராகோ³, அரூபராகோ³, மானோ, உத்³த⁴ச்சம், அவிஜ்ஜா – இமானி கோ², பி⁴க்க²வே, பஞ்சுத்³த⁴ம்பா⁴கி³யானி ஸம்யோஜனானி. இமேஸம் கோ², பி⁴க்க²வே, பஞ்சன்னம் உத்³த⁴ம்பா⁴கி³யானம் ஸம்யோஜனானம் அபி⁴ஞ்ஞாய பரிஞ்ஞாய பரிக்க²யாய பஹானாய அரியோ அட்ட²ங்கி³கோ மக்³கோ³ பா⁴வேதப்³போ³. கதமோ அரியோ அட்ட²ங்கி³கோ மக்³கோ³? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி…பே… ஸம்மாஸமாதி⁴ம் பா⁴வேதி ராக³வினயபரியோஸானம் தோ³ஸவினயபரியோஸானம் மோஹவினயபரியோஸானம்… அமதோக³த⁴ம் அமதபராயனம் அமதபரியோஸானம்… நிப்³பா³னனின்னம் நிப்³பா³னபோணம் நிப்³பா³னபப்³பா⁴ரம். இமேஸம் கோ², பி⁴க்க²வே, பஞ்சன்னம் உத்³த⁴ம்பா⁴கி³யானம் ஸம்யோஜனானம் அபி⁴ஞ்ஞாய பரிஞ்ஞாய பரிக்க²யாய பஹானாய அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. த³ஸமம்.

ஓக⁴வக்³கோ³ அட்ட²மோ.

தஸ்ஸுத்³தா³னம் –

ஓகோ⁴ யோகோ³ உபாதா³னம், க³ந்த²ம் அனுஸயேன ச;

காமகு³ணா நீவரணம், க²ந்தா⁴ ஓருத்³த⁴ம்பா⁴கி³யாதி.

வக்³கு³த்³தா³னம் –

அவிஜ்ஜாவக்³கோ³ பட²மோ, து³தியம் விஹாரம் வுச்சதி;

மிச்ச²த்தம் ததியோ வக்³கோ³, சதுத்த²ம் படிபன்னேனேவ.

தித்தி²யம் பஞ்சமோ வக்³கோ³, ச²ட்டோ² ஸூரியேன ச;

ப³ஹுகதே ஸத்தமோ வக்³கோ³, உப்பாதோ³ அட்ட²மேன ச.

தி³வஸவக்³கோ³ நவமோ, த³ஸமோ அப்பமாதே³ன ச;

ஏகாத³ஸப³லவக்³கோ³, த்³வாத³ஸ ஏஸனா பாளியம்;

ஓக⁴வக்³கோ³ ப⁴வதி தேரஸாதி.

மக்³க³ஸம்யுத்தம் பட²மம்.