7. ஏஸனாவக்³கோ³

1. ஏஸனாஸுத்தம்

161. ஸாவத்தி²னிதா³னம். ‘‘திஸ்ஸோ இமா, பி⁴க்க²வே, ஏஸனா. கதமா திஸ்ஸோ? காமேஸனா, ப⁴வேஸனா, ப்³ரஹ்மசரியேஸனா – இமா கோ², பி⁴க்க²வே, திஸ்ஸோ ஏஸனா. இமாஸம் கோ², பி⁴க்க²வே, திஸ்ஸன்னம் ஏஸனானம் அபி⁴ஞ்ஞாய அரியோ அட்ட²ங்கி³கோ மக்³கோ³ பா⁴வேதப்³போ³. கதமோ அரியோ அட்ட²ங்கி³கோ மக்³கோ³? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி விவேகனிஸ்ஸிதம்…பே… ஸம்மாஸமாதி⁴ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். இமாஸம் கோ², பி⁴க்க²வே, திஸ்ஸன்னம் ஏஸனானம் அபி⁴ஞ்ஞாய அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி.

‘‘திஸ்ஸோ இமா கோ², பி⁴க்க²வே, ஏஸனா. கதமா திஸ்ஸோ? காமேஸனா, ப⁴வேஸனா, ப்³ரஹ்மசரியேஸனா – இமா கோ², பி⁴க்க²வே, திஸ்ஸோ ஏஸனா. இமாஸம் கோ², பி⁴க்க²வே, திஸ்ஸன்னம் ஏஸனானம் அபி⁴ஞ்ஞாய அரியோ அட்ட²ங்கி³கோ மக்³கோ³ பா⁴வேதப்³போ³. கதமோ அரியோ அட்ட²ங்கி³கோ மக்³கோ³? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி…பே… ஸம்மாஸமாதி⁴ம் பா⁴வேதி ராக³வினயபரியோஸானம் தோ³ஸவினயபரியோஸானம் மோஹவினயபரியோஸானம். இமாஸம் கோ², பி⁴க்க²வே, திஸ்ஸன்னம் ஏஸனானம் அபி⁴ஞ்ஞாய அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி.

‘‘திஸ்ஸோ இமா கோ², பி⁴க்க²வே, ஏஸனா. கதமா திஸ்ஸோ? காமேஸனா, ப⁴வேஸனா, ப்³ரஹ்மசரியேஸனா – இமா கோ², பி⁴க்க²வே, திஸ்ஸோ ஏஸனா. இமாஸம் கோ², பி⁴க்க²வே, திஸ்ஸன்னம் ஏஸனானம் அபி⁴ஞ்ஞாய அரியோ அட்ட²ங்கி³கோ மக்³கோ³ பா⁴வேதப்³போ³. கதமோ அரியோ அட்ட²ங்கி³கோ மக்³கோ³? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி…பே… ஸம்மாஸமாதி⁴ம் பா⁴வேதி அமதோக³த⁴ம் அமதபராயனம் அமதபரியோஸானம். இமாஸம் கோ², பி⁴க்க²வே, திஸ்ஸன்னம் ஏஸனானம் அபி⁴ஞ்ஞாய அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி.

‘‘திஸ்ஸோ இமா கோ², பி⁴க்க²வே, ஏஸனா. கதமா திஸ்ஸோ? காமேஸனா, ப⁴வேஸனா, ப்³ரஹ்மசரியேஸனா – இமா கோ², பி⁴க்க²வே, திஸ்ஸோ ஏஸனா. இமாஸம் கோ², பி⁴க்க²வே, திஸ்ஸன்னம் ஏஸனானம் அபி⁴ஞ்ஞாய அரியோ அட்ட²ங்கி³கோ மக்³கோ³ பா⁴வேதப்³போ³. கதமோ அரியோ அட்ட²ங்கி³கோ மக்³கோ³? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி…பே… ஸம்மாஸமாதி⁴ம் பா⁴வேதி நிப்³பா³னனின்னம் நிப்³பா³னபோணம் நிப்³பா³னபப்³பா⁴ரம். இமாஸம் கோ², பி⁴க்க²வே, திஸ்ஸன்னம் ஏஸனானம் அபி⁴ஞ்ஞாய அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி.

‘‘திஸ்ஸோ இமா, பி⁴க்க²வே, ஏஸனா. கதமா திஸ்ஸோ? காமேஸனா, ப⁴வேஸனா, ப்³ரஹ்மசரியேஸனா – இமா கோ², பி⁴க்க²வே, திஸ்ஸோ ஏஸனா. இமாஸம் கோ², பி⁴க்க²வே, திஸ்ஸன்னம் ஏஸனானம் பரிஞ்ஞாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. (யத³பி அபி⁴ஞ்ஞா, தத³பி பரிஞ்ஞாய வித்தா²ரேதப்³ப³ம்.)

‘‘திஸ்ஸோ இமா, பி⁴க்க²வே, ஏஸனா. கதமா திஸ்ஸோ? காமேஸனா, ப⁴வேஸனா, ப்³ரஹ்மசரியேஸனா – இமா கோ², பி⁴க்க²வே, திஸ்ஸோ ஏஸனா. இமாஸம் கோ², பி⁴க்க²வே, திஸ்ஸன்னம் ஏஸனானம் பரிக்க²யாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. (யத³பி அபி⁴ஞ்ஞா, தத³பி பரிக்க²யாய வித்தா²ரேதப்³ப³ம்.)

‘‘திஸ்ஸோ இமா, பி⁴க்க²வே, ஏஸனா. கதமா திஸ்ஸோ? காமேஸனா, ப⁴வேஸனா, ப்³ரஹ்மசரியேஸனா – இமா கோ², பி⁴க்க²வே, திஸ்ஸோ ஏஸனா. இமாஸம் கோ², பி⁴க்க²வே, திஸ்ஸன்னம் ஏஸனானம் பஹானாய அரியோ அட்ட²ங்கி³கோ மக்³கோ³ பா⁴வேதப்³போ³. கதமோ அரியோ அட்ட²ங்கி³கோ மக்³கோ³? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி…பே… ஸம்மாஸமாதி⁴ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம்…பே… இமாஸம் கோ², பி⁴க்க²வே, திஸ்ஸன்னம் ஏஸனானம் பஹானாய அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. (யத³பி அபி⁴ஞ்ஞா, தத³பி பஹானாய வித்தா²ரேதப்³ப³ம்.) பட²மம்.

2. விதா⁴ஸுத்தம்

162. ‘‘திஸ்ஸோ இமா, பி⁴க்க²வே, விதா⁴. கதமா திஸ்ஸோ? ‘ஸேய்யோஹமஸ்மீ’தி விதா⁴, ‘ஸதி³ஸோஹமஸ்மீ’தி விதா⁴, ‘ஹீனோஹமஸ்மீ’தி விதா⁴ – இமா கோ², பி⁴க்க²வே, திஸ்ஸோ விதா⁴. இமாஸம் கோ², பி⁴க்க²வே, திஸ்ஸன்னம் விதா⁴னம் அபி⁴ஞ்ஞாய பரிஞ்ஞாய பரிக்க²யாய பஹானாய அரியோ அட்ட²ங்கி³கோ மக்³கோ³ பா⁴வேதப்³போ³. கதமோ அரியோ அட்ட²ங்கி³கோ மக்³கோ³? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி…பே… ஸம்மாஸமாதி⁴ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம்…பே… இமாஸம் கோ², பி⁴க்க²வே திஸ்ஸன்னம் விதா⁴னம் அபி⁴ஞ்ஞாய பரிஞ்ஞாய பரிக்க²யாய பஹானாய அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. (யதா² ஏஸனா, ஏவம் வித்தா²ரேதப்³ப³ம்). து³தியம்.

3. ஆஸவஸுத்தம்

163. ‘‘தயோமே, பி⁴க்க²வே, ஆஸவா. கதமே தயோ? காமாஸவோ, ப⁴வாஸவோ, அவிஜ்ஜாஸவோ – இமே கோ², பி⁴க்க²வே, தயோ ஆஸவா. இமேஸம் கோ², பி⁴க்க²வே, திண்ணன்னம் ஆஸவானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. ததியம்.

4. ப⁴வஸுத்தம்

164. ‘‘தயோமே, பி⁴க்க²வே, ப⁴வா. கதமே தயோ? காமப⁴வோ, ரூபப⁴வோ, அரூபப⁴வோ – இமே கோ², பி⁴க்க²வே, தயோ ப⁴வா. இமேஸம் கோ², பி⁴க்க²வே, திண்ணன்னம் ப⁴வானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. சதுத்த²ம்.

5. து³க்க²தாஸுத்தம்

165. ‘‘திஸ்ஸோ இமா, பி⁴க்க²வே, து³க்க²தா. கதமா திஸ்ஸோ? து³க்க²து³க்க²தா, ஸங்கா²ரது³க்க²தா, விபரிணாமது³க்க²தா – இமா கோ², பி⁴க்க²வே, திஸ்ஸோ து³க்க²தா. இமாஸம் கோ², பி⁴க்க²வே, திஸ்ஸன்னம் து³க்க²தானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அட்ட²ங்கி³கோ மக்³கோ³ பா⁴வேதப்³போ³’’தி. பஞ்சமம்.

6. கி²லஸுத்தம்

166. ‘‘தயோமே, பி⁴க்க²வே, கி²லா. கதமே தயோ? ராகோ³ கி²லோ, தோ³ஸோ கி²லோ, மோஹோ கி²லோ – இமே கோ², பி⁴க்க²வே, தயோ கி²லா. இமேஸம் கோ², பி⁴க்க²வே, திண்ணன்னம் கி²லானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. ச²ட்ட²ம்.

7. மலஸுத்தம்

167. ‘‘தீணிமானி, பி⁴க்க²வே, மலானி. கதமானி தீணி? ராகோ³ மலம், தோ³ஸோ மலம், மோஹோ மலம் – இமானி கோ², பி⁴க்க²வே, தீணி மலானி. இமேஸம் கோ², பி⁴க்க²வே, திண்ணன்னம் மலானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. ஸத்தமம்.

8. நீக⁴ஸுத்தம்

168. ‘‘தயோமே, பி⁴க்க²வே, நீகா⁴. கதமே தயோ? ராகோ³ நீகோ⁴, தோ³ஸோ நீகோ⁴, மோஹோ நீகோ⁴ – இமே கோ², பி⁴க்க²வே, தயோ நீகா⁴. இமேஸம் கோ², பி⁴க்க²வே, திண்ணன்னம் நீகா⁴னம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. அட்ட²மம்.

9. வேத³னாஸுத்தம்

169. ‘‘திஸ்ஸோ இமா, பி⁴க்க²வே, வேத³னா. கதமா திஸ்ஸோ? ஸுகா² வேத³னா, து³க்கா² வேத³னா, அது³க்க²மஸுகா² வேத³னா – இமா கோ², பி⁴க்க²வே, திஸ்ஸோ வேத³னா. இமாஸம் கோ², பி⁴க்க²வே, திஸ்ஸன்னம் வேத³னானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. நவமம்.

10. தண்ஹாஸுத்தம்

170. ‘‘திஸ்ஸோ இமா, பி⁴க்க²வே, தண்ஹா. கதமா திஸ்ஸோ? காமதண்ஹா, ப⁴வதண்ஹா, விப⁴வதண்ஹா – இமா கோ², பி⁴க்க²வே, திஸ்ஸோ தண்ஹா. இமாஸம் கோ², பி⁴க்க²வே, திஸ்ஸன்னம் தண்ஹானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³. கதமோ அரியோ அட்ட²ங்கி³கோ மக்³கோ³? இத⁴, பி⁴க்க²வே, பி⁴க்கு² ஸம்மாதி³ட்டி²ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம்…பே… ஸம்மாஸமாதி⁴ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். இமாஸம் கோ², பி⁴க்க²வே, திஸ்ஸன்னம் தண்ஹானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. த³ஸமம்.

11. தஸினாஸுத்தம்

171. ‘‘திஸ்ஸோ இமா, பி⁴க்க²வே, தஸினா. கதமா திஸ்ஸோ? காமதஸினா, ப⁴வதஸினா, விப⁴வதஸினா. இமாஸம் கோ², பி⁴க்க²வே, திஸ்ஸன்னம் தஸினானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… ராக³வினயபரியோஸானம் தோ³ஸவினயபரியோஸானம் மோஹவினயபரியோஸானம்…பே… அமதோக³த⁴ம் அமதபராயனம் அமதபரியோஸானம்…பே… நிப்³பா³னனின்னம் நிப்³பா³னபோணம் நிப்³பா³னபப்³பா⁴ரம். இமாஸம் கோ², பி⁴க்க²வே, திஸ்ஸன்னம் தஸினானம் அபி⁴ஞ்ஞாய பரிஞ்ஞாய பரிக்க²யாய பஹானாய…பே… அயம் அரியோ அட்ட²ங்கி³கோ மக்³கோ³ பா⁴வேதப்³போ³’’தி. ஏகாத³ஸமம்.

ஏஸனாவக்³கோ³ ஸத்தமோ.

தஸ்ஸுத்³தா³னம் –

ஏஸனா விதா⁴ ஆஸவோ, ப⁴வோ ச து³க்க²தா கி²லா;

மலம் நீகோ⁴ ச வேத³னா, த்³வே தண்ஹா தஸினாய சாதி.