13. அவிஜ்ஜாவக்³கோ³

1. ஸமுத³யத⁴ம்மஸுத்தம்

126. ஸாவத்தி²னிதா³னம். அத² கோ² அஞ்ஞதரோ பி⁴க்கு² யேன ப⁴க³வா தேனுபஸங்கமி; உபஸங்கமித்வா…பே… ஏகமந்தம் நிஸின்னோ கோ² ஸோ பி⁴க்கு² ப⁴க³வந்தம் ஏதத³வோச – ‘‘‘அவிஜ்ஜா அவிஜ்ஜா’தி, ப⁴ந்தே, வுச்சதி. கதமா நு கோ², ப⁴ந்தே, அவிஜ்ஜா, கித்தாவதா ச அவிஜ்ஜாக³தோ ஹோதீ’’தி?

‘‘இத⁴, பி⁴க்கு², அஸ்ஸுதவா புது²ஜ்ஜனோ ஸமுத³யத⁴ம்மம் ரூபம் ‘ஸமுத³யத⁴ம்மம் ரூப’ந்தி யதா²பூ⁴தம் நப்பஜானாதி; வயத⁴ம்மம் ரூபம் ‘வயத⁴ம்மம் ரூப’ந்தி யதா²பூ⁴தம் நப்பஜானாதி; ஸமுத³யவயத⁴ம்மம் ரூபம் ‘ஸமுத³யவயத⁴ம்மம் ரூப’ந்தி யதா²பூ⁴தம் நப்பஜானாதி. ஸமுத³யத⁴ம்மம் வேத³னம் ‘ஸமுத³யத⁴ம்மா வேத³னா’தி யதா²பூ⁴தம் நப்பஜானாதி; வயத⁴ம்மம் வேத³னம் ‘வயத⁴ம்மா வேத³னா’தி யதா²பூ⁴தம் நப்பஜானாதி; ஸமுத³யவயத⁴ம்மம் வேத³னம் ‘ஸமுத³யவயத⁴ம்மா வேத³னா’தி யதா²பூ⁴தம் நப்பஜானாதி. ஸமுத³யத⁴ம்மம் ஸஞ்ஞம்…பே… ஸமுத³யத⁴ம்மே ஸங்கா²ரே ‘ஸமுத³யத⁴ம்மா ஸங்கா²ரா’தி யதா²பூ⁴தம் நப்பஜானாதி; வயத⁴ம்மே ஸங்கா²ரே ‘வயத⁴ம்மா ஸங்கா²ரா’தி யதா²பூ⁴தம் நப்பஜானாதி; ஸமுத³யவயத⁴ம்மே ஸங்கா²ரே ‘ஸமுத³யவயத⁴ம்மா ஸங்கா²ரா’தி யதா²பூ⁴தம் நப்பஜானாதி. ஸமுத³யத⁴ம்மம் விஞ்ஞாணம் ‘ஸமுத³யத⁴ம்மம் விஞ்ஞாண’ந்தி யதா²பூ⁴தம் நப்பஜானாதி; வயத⁴ம்மம் விஞ்ஞாணம் ‘வயத⁴ம்மம் விஞ்ஞாண’ந்தி யதா²பூ⁴தம் நப்பஜானாதி; ஸமுத³யவயத⁴ம்மம் விஞ்ஞாணம் ‘ஸமுத³யவயத⁴ம்மம் விஞ்ஞாண’ந்தி யதா²பூ⁴தம் நப்பஜானாதி. அயம் வுச்சதி, பி⁴க்கு², அவிஜ்ஜா; ஏத்தாவதா ச அவிஜ்ஜாக³தோ ஹோதீ’’தி.

ஏவம் வுத்தே, ஸோ பி⁴க்கு² ப⁴க³வந்தம் ஏதத³வோச – ‘‘‘விஜ்ஜா விஜ்ஜா’தி, ப⁴ந்தே, வுச்சதி. கதமா நு கோ², ப⁴ந்தே, விஜ்ஜா, கித்தாவதா ச விஜ்ஜாக³தோ ஹோதீ’’தி?

‘‘இத⁴, பி⁴க்கு², ஸுதவா அரியஸாவகோ ஸமுத³யத⁴ம்மம் ரூபம் ‘ஸமுத³யத⁴ம்மம் ரூப’ந்தி யதா²பூ⁴தம் பஜானாதி; வயத⁴ம்மம் ரூபம் ‘வயத⁴ம்மம் ரூப’ந்தி யதா²பூ⁴தம் பஜானாதி; ஸமுத³யவயத⁴ம்மம் ரூபம் ‘ஸமுத³யவயத⁴ம்மம் ரூப’ந்தி யதா²பூ⁴தம் பஜானாதி. ஸமுத³யத⁴ம்மம் வேத³னம் ‘ஸமுத³யத⁴ம்மா வேத³னா’தி யதா²பூ⁴தம் பஜானாதி; வயத⁴ம்மம் வேத³னம் ‘வயத⁴ம்மா வேத³னா’தி யதா²பூ⁴தம் பஜானாதி; ஸமுத³யவயத⁴ம்மம் வேத³னம் ‘ஸமுத³யவயத⁴ம்மா வேத³னா’தி யதா²பூ⁴தம் பஜானாதி. ஸமுத³யத⁴ம்மம் ஸஞ்ஞம்… ஸமுத³யத⁴ம்மே ஸங்கா²ரே ‘ஸமுத³யத⁴ம்மா ஸங்கா²ரா’தி யதா²பூ⁴தம் பஜானாதி; வயத⁴ம்மே ஸங்கா²ரே ‘வயத⁴ம்மா ஸங்கா²ரா’தி யதா²பூ⁴தம் பஜானாதி; ஸமுத³யவயத⁴ம்மே ஸங்கா²ரே ‘ஸமுத³யவயத⁴ம்மா ஸங்கா²ரா’தி யதா²பூ⁴தம் பஜானாதி. ஸமுத³யத⁴ம்மம் விஞ்ஞாணம் ‘ஸமுத³யத⁴ம்மம் விஞ்ஞாண’ந்தி யதா²பூ⁴தம் பஜானாதி; வயத⁴ம்மம் விஞ்ஞாணம் ‘வயத⁴ம்மம் விஞ்ஞாண’ந்தி யதா²பூ⁴தம் பஜானாதி; ஸமுத³யவயத⁴ம்மம் விஞ்ஞாணம் ‘ஸமுத³யவயத⁴ம்மம் விஞ்ஞாண’ந்தி யதா²பூ⁴தம் பஜானாதி. அயம் வுச்சதி, பி⁴க்கு², விஜ்ஜா; ஏத்தாவதா ச விஜ்ஜாக³தோ ஹோதீ’’தி. பட²மம்.

2. து³தியஸமுத³யத⁴ம்மஸுத்தம்

127. ஏகம் ஸமயம் ஆயஸ்மா ச ஸாரிபுத்தோ ஆயஸ்மா ச மஹாகோட்டி²கோ பா³ராணஸியம் விஹரந்தி இஸிபதனே மிக³தா³யே. அத² கோ² ஆயஸ்மா மஹாகோட்டி²கோ ஸாயன்ஹஸமயம் படிஸல்லானா வுட்டி²தோ…பே… ஏகமந்தம் நிஸின்னோ கோ² ஆயஸ்மா மஹாகோட்டி²கோ ஆயஸ்மந்தம் ஸாரிபுத்தம் ஏதத³வோச – ‘‘‘அவிஜ்ஜா, அவிஜ்ஜா’தி, ஆவுஸோ ஸாரிபுத்த, வுச்சதி. கதமா நு கோ², ஆவுஸோ, அவிஜ்ஜா, கித்தாவதா ச அவிஜ்ஜாக³தோ ஹோதீ’’தி?

‘‘இதா⁴வுஸோ அஸ்ஸுதவா புது²ஜ்ஜனோ ஸமுத³யத⁴ம்மம் ரூபம் ‘ஸமுத³யத⁴ம்மம் ரூப’ந்தி யதா²பூ⁴தம் நப்பஜானாதி; வயத⁴ம்மம் ரூபம்…பே… ‘ஸமுத³யவயத⁴ம்மம் ரூப’ந்தி யதா²பூ⁴தம் நப்பஜானாதி. ஸமுத³யத⁴ம்மம் வேத³னம்…பே… வயத⁴ம்மம் வேத³னம்…பே… ‘ஸமுத³யவயத⁴ம்மா வேத³னா’தி யதா²பூ⁴தம் நப்பஜானாதி. ஸமுத³யத⁴ம்மம் ஸஞ்ஞம்…பே… ஸமுத³யத⁴ம்மே ஸங்கா²ரே…பே… வயத⁴ம்மே ஸங்கா²ரே…பே… ஸமுத³யவயத⁴ம்மே ஸங்கா²ரே ‘ஸமுத³யவயத⁴ம்மா ஸங்கா²ரா’தி யதா²பூ⁴தம் நப்பஜானாதி. ஸமுத³யத⁴ம்மம் விஞ்ஞாணம்…பே… ஸமுத³யவயத⁴ம்மம் விஞ்ஞாணம் ‘ஸமுத³யவயத⁴ம்மம் விஞ்ஞாண’ந்தி யதா²பூ⁴தம் நப்பஜானாதி. அயம் வுச்சதி, ஆவுஸோ, அவிஜ்ஜா; ஏத்தாவதா ச அவிஜ்ஜாக³தோ ஹோதீ’’தி. து³தியம்.

3. ததியஸமுத³யத⁴ம்மஸுத்தம்

128. ஏகம் ஸமயம் ஆயஸ்மா ச ஸாரிபுத்தோ ஆயஸ்மா ச மஹாகோட்டி²கோ பா³ராணஸியம் விஹரந்தி இஸிபதனே மிக³தா³யே…பே… ஏகமந்தம் நிஸின்னோ கோ² ஆயஸ்மா மஹாகோட்டி²கோ ஆயஸ்மந்தம் ஸாரிபுத்தம் ஏதத³வோச – ‘‘‘விஜ்ஜா, விஜ்ஜா’தி, ஆவுஸோ ஸாரிபுத்த, வுச்சதி. கதமா நு கோ², ஆவுஸோ, விஜ்ஜா, கித்தாவதா ச விஜ்ஜாக³தோ ஹோதீ’’தி?

‘‘இதா⁴வுஸோ, ஸுதவா அரியஸாவகோ ஸமுத³யத⁴ம்மம் ரூபம் ‘ஸமுத³யத⁴ம்மம் ரூப’ந்தி யதா²பூ⁴தம் பஜானாதி; வயத⁴ம்மம் ரூபம்…பே… ஸமுத³யவயத⁴ம்மம் ரூபம் ‘ஸமுத³யவயத⁴ம்மம் ரூப’ந்தி யதா²பூ⁴தம் பஜானாதி; ஸமுத³யத⁴ம்மம் வேத³னம்…பே… ஸமுத³யவயத⁴ம்மா வேத³னா … ஸமுத³யத⁴ம்மம் ஸஞ்ஞம்…பே… ஸமுத³யத⁴ம்மே ஸங்கா²ரே… வயத⁴ம்மே ஸங்கா²ரே… ஸமுத³யவயத⁴ம்மே ஸங்கா²ரே ‘ஸமுத³யவயத⁴ம்மா ஸங்கா²ரா’தி யதா²பூ⁴தம் பஜானாதி. ஸமுத³யத⁴ம்மம் விஞ்ஞாணம்… வயத⁴ம்மம் விஞ்ஞாணம்… ஸமுத³யவயத⁴ம்மம் விஞ்ஞாணம் ‘ஸமுத³யவயத⁴ம்மம் விஞ்ஞாண’ந்தி யதா²பூ⁴தம் பஜானாதி. அயம் வுச்சதாவுஸோ, விஜ்ஜா; ஏத்தாவதா ச விஜ்ஜாக³தோ ஹோதீ’’தி. ததியம்.

4. அஸ்ஸாத³ஸுத்தம்

129. பா³ராணஸியம் விஹரந்தி இஸிபதனே மிக³தா³யே…பே… ஏகமந்தம் நிஸின்னோ கோ² ஆயஸ்மா மஹாகோட்டி²கோ ஆயஸ்மந்தம் ஸாரிபுத்தம் ஏதத³வோச – ‘‘‘அவிஜ்ஜா, அவிஜ்ஜா’தி, ஆவுஸோ ஸாரிபுத்த, வுச்சதி. கதமா நு கோ², ஆவுஸோ, அவிஜ்ஜா, கித்தாவதா ச அவிஜ்ஜாக³தோ ஹோதீ’’தி?

‘‘இதா⁴வுஸோ அஸ்ஸுதவா புது²ஜ்ஜனோ ரூபஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் நப்பஜானாதி. வேத³னாய…பே… ஸஞ்ஞாய… ஸங்கா²ரானம்… விஞ்ஞாணஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் நப்பஜானாதி. அயம் வுச்சதாவுஸோ, அவிஜ்ஜா; ஏத்தாவதா ச அவிஜ்ஜாக³தோ ஹோதீ’’தி. சதுத்த²ம்.

5. து³தியஅஸ்ஸாத³ஸுத்தம்

130. பா³ராணஸியம் விஹரந்தி இஸிபதனே மிக³தா³யே…பே… ‘‘‘விஜ்ஜா, விஜ்ஜா’தி, ஆவுஸோ ஸாரிபுத்த, வுச்சதி. கதமா நு கோ², ஆவுஸோ, விஜ்ஜா, கித்தாவதா ச விஜ்ஜாக³தோ ஹோதீ’’தி?

‘‘இதா⁴வுஸோ, ஸுதவா அரியஸாவகோ ரூபஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் பஜானாதி. வேத³னாய…பே… ஸஞ்ஞாய… ஸங்கா²ரானம்… விஞ்ஞாணஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் பஜானாதி. அயம் வுச்சதாவுஸோ, விஜ்ஜா; ஏத்தாவதா ச விஜ்ஜாக³தோ ஹோதீ’’தி. பஞ்சமம்.

6. ஸமுத³யஸுத்தம்

131. பா³ராணஸியம் விஹரந்தி இஸிபதனே மிக³தா³யே…பே… ‘‘‘அவிஜ்ஜா, அவிஜ்ஜா’தி, ஆவுஸோ ஸாரிபுத்த, வுச்சதி. கதமா நு கோ², ஆவுஸோ, அவிஜ்ஜா, கித்தாவதா ச அவிஜ்ஜாக³தோ ஹோதீ’’தி?

‘‘இதா⁴வுஸோ, அஸ்ஸுதவா புது²ஜ்ஜனோ ரூபஸ்ஸ ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் நப்பஜானாதி. வேத³னாய…பே… ஸஞ்ஞாய… ஸங்கா²ரானம்… விஞ்ஞாணஸ்ஸ ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் நப்பஜானாதி. அயம் வுச்சதாவுஸோ, அவிஜ்ஜா; ஏத்தாவதா ச அவிஜ்ஜாக³தோ ஹோதீ’’தி. ச²ட்ட²ம்.

7. து³தியஸமுத³யஸுத்தம்

132. பா³ராணஸியம் விஹரந்தி இஸிபதனே மிக³தா³யே…பே… ஏகமந்தம் நிஸின்னோ கோ² ஆயஸ்மா மஹாகோட்டி²கோ ஆயஸ்மந்தம் ஸாரிபுத்தம் ஏதத³வோச – ‘‘‘விஜ்ஜா, விஜ்ஜா’தி, ஆவுஸோ ஸாரிபுத்த, வுச்சதி. கதமா நு கோ², ஆவுஸோ, விஜ்ஜா, கித்தாவதா ச விஜ்ஜாக³தோ ஹோதீ’’தி?

‘‘இதா⁴வுஸோ, ஸுதவா அரியஸாவகோ ரூபஸ்ஸ ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் பஜானாதி. வேத³னாய…பே… ஸஞ்ஞாய… ஸங்கா²ரானம்… விஞ்ஞாணஸ்ஸ ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் பஜானாதி. அயம் வுச்சதாவுஸோ, விஜ்ஜா; ஏத்தாவதா ச விஜ்ஜாக³தோ ஹோதீ’’தி. ஸத்தமம்.

8. கோட்டி²கஸுத்தம்

133. பா³ராணஸியம் விஹரந்தி இஸிபதனே மிக³தா³யே. அத² கோ² ஆயஸ்மா ஸாரிபுத்தோ ஸாயன்ஹஸமயம்…பே… ஏகமந்தம் நிஸின்னோ கோ² ஆயஸ்மா ஸாரிபுத்தோ ஆயஸ்மந்தம் மஹாகோட்டி²கம் ஏதத³வோச – ‘‘‘அவிஜ்ஜா, அவிஜ்ஜா’தி, ஆவுஸோ கோட்டி²க, வுச்சதி. கதமா நு கோ², ஆவுஸோ, அவிஜ்ஜா, கித்தாவதா ச அவிஜ்ஜாக³தோ ஹோதீ’’தி?

‘‘இதா⁴வுஸோ, அஸ்ஸுதவா புது²ஜ்ஜனோ ரூபஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் நப்பஜானாதி. வேத³னாய…பே… ஸஞ்ஞாய… ஸங்கா²ரானம்… விஞ்ஞாணஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் நப்பஜானாதி. அயம் வுச்சதாவுஸோ, அவிஜ்ஜா; ஏத்தாவதா ச அவிஜ்ஜாக³தோ ஹோதீ’’தி.

‘‘இதா⁴வுஸோ ஸுதவா அரியஸாவகோ ரூபஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் பஜானாதி. வேத³னாய…பே… ஸஞ்ஞாய… ஸங்கா²ரானம்… விஞ்ஞாணஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் பஜானாதி. அயம் வுச்சதாவுஸோ, விஜ்ஜா; ஏத்தாவதா ச விஜ்ஜாக³தோ ஹோதீ’’தி. அட்ட²மம்.

9. து³தியகோட்டி²கஸுத்தம்

134. பா³ராணஸியம் விஹரந்தி இஸிபதனே மிக³தா³யே…பே… ‘‘‘அவிஜ்ஜா, அவிஜ்ஜா’தி, ஆவுஸோ கோட்டி²க, வுச்சதி. கதமா நு கோ², ஆவுஸோ, அவிஜ்ஜா, கித்தாவதா ச அவிஜ்ஜாக³தோ ஹோதீ’’தி?

10. ததியகோட்டி²கஸுத்தம்

135. தஞ்ஞேவ நிதா³னம். ஏகமந்தம் நிஸின்னோ கோ² ஆயஸ்மா ஸாரிபுத்தோ ஆயஸ்மந்தம் மஹாகோட்டி²கம் ஏதத³வோச – ‘‘‘அவிஜ்ஜா, அவிஜ்ஜா’தி, ஆவுஸோ கோட்டி²க, வுச்சதி. கதமா நு கோ², ஆவுஸோ, அவிஜ்ஜா, கித்தாவதா ச அவிஜ்ஜாக³தோ ஹோதீ’’தி?

‘‘இதா⁴வுஸோ, அஸ்ஸுதவா புது²ஜ்ஜனோ ரூபம் நப்பஜானாதி, ரூபஸமுத³யம் நப்பஜானாதி, ரூபனிரோத⁴ம் நப்பஜானாதி, ரூபனிரோத⁴கா³மினிம் படிபத³ம் நப்பஜானாதி. வேத³னம் நப்பஜானாதி…பே… ஸஞ்ஞம்… ஸங்கா²ரே… விஞ்ஞாணம் நப்பஜானாதி, விஞ்ஞாணஸமுத³யம் நப்பஜானாதி, விஞ்ஞாணனிரோத⁴ம் நப்பஜானாதி, விஞ்ஞாணனிரோத⁴கா³மினிம் படிபத³ம் நப்பஜானாதி. அயம் வுச்சதாவுஸோ, அவிஜ்ஜா; ஏத்தாவதா ச அவிஜ்ஜாக³தோ ஹோதீ’’தி.

ஏவம் வுத்தே, ஆயஸ்மா ஸாரிபுத்தோ ஆயஸ்மந்தம் மஹாகோட்டி²கம் ஏதத³வோச – ‘‘‘விஜ்ஜா, விஜ்ஜா’தி, ஆவுஸோ கோட்டி²க, வுச்சதி. கதமா நு கோ², ஆவுஸோ, விஜ்ஜா, கித்தாவதா ச விஜ்ஜாக³தோ ஹோதீ’’தி? ‘‘இதா⁴வுஸோ, ஸுதவா அரியஸாவகோ ரூபம் பஜானாதி, ரூபஸமுத³யம் பஜானாதி, ரூபனிரோத⁴ம் பஜானாதி, ரூபனிரோத⁴கா³மினிம் படிபத³ம் பஜானாதி. வேத³னம்… ஸஞ்ஞம்… ஸங்கா²ரே… விஞ்ஞாணம் பஜானாதி, விஞ்ஞாணஸமுத³யம் பஜானாதி, விஞ்ஞாணனிரோத⁴ம் பஜானாதி, விஞ்ஞாணனிரோத⁴கா³மினிம் படிபத³ம் பஜானாதி. அயம் வுச்சதாவுஸோ, விஜ்ஜா; ஏத்தாவதா ச விஜ்ஜாக³தோ ஹோதீ’’தி. த³ஸமம்.

அவிஜ்ஜாவக்³கோ³ தேரஸமோ.

தஸ்ஸுத்³தா³னம் –

ஸமுத³யத⁴ம்மே தீணி, அஸ்ஸாதோ³ அபரே து³வே;

ஸமுத³யே ச த்³வே வுத்தா, கோட்டி²கே அபரே தயோதி.