10. ஸீலவந்தஸுத்தம்

122. ஏகம் ஸமயம் ஆயஸ்மா ச ஸாரிபுத்தோ ஆயஸ்மா ச மஹாகோட்டி²கோ [மஹாகோட்டி²தோ (ஸீ. ஸ்யா. கம். பீ.)] பா³ராணஸியம் விஹரந்தி இஸிபதனே மிக³தா³யே. அத² கோ² ஆயஸ்மா மஹாகோட்டி²கோ ஸாயன்ஹஸமயம் படிஸல்லானா வுட்டி²தோ யேனாயஸ்மா ஸாரிபுத்தோ தேனுபஸங்கமி…பே… ஏதத³வோச – ‘‘ஸீலவதாவுஸோ, ஸாரிபுத்த, பி⁴க்கு²னா கதமே த⁴ம்மா யோனிஸோ மனஸிகாதப்³பா³’’தி? ‘‘ஸீலவதாவுஸோ, கோட்டி²க, பி⁴க்கு²னா பஞ்சுபாதா³னக்க²ந்தா⁴ அனிச்சதோ து³க்க²தோ ரோக³தோ க³ண்ட³தோ ஸல்லதோ அக⁴தோ ஆபா³த⁴தோ பரதோ பலோகதோ ஸுஞ்ஞதோ அனத்ததோ யோனிஸோ மனஸி காதப்³பா³. கதமே பஞ்ச? ஸேய்யதி²த³ம் – ரூபுபாதா³னக்க²ந்தோ⁴, வேத³னுபாதா³னக்க²ந்தோ⁴, ஸஞ்ஞுபாதா³னக்க²ந்தோ⁴, ஸங்கா²ருபாதா³னக்க²ந்தோ⁴, விஞ்ஞாணுபாதா³னக்க²ந்தோ⁴. ஸீலவதாவுஸோ, கோட்டி²க, பி⁴க்கு²னா இமே பஞ்சுபாதா³னக்க²ந்தா⁴ அனிச்சதோ து³க்க²தோ ரோக³தோ க³ண்ட³தோ ஸல்லதோ அக⁴தோ ஆபா³த⁴தோ பரதோ பலோகதோ ஸுஞ்ஞதோ அனத்ததோ யோனிஸோ மனஸி காதப்³பா³. டா²னம் கோ² பனேதம், ஆவுஸோ, விஜ்ஜதி யம் ஸீலவா பி⁴க்கு² இமே பஞ்சுபாதா³னக்க²ந்தே⁴ அனிச்சதோ…பே… அனத்ததோ யோனிஸோ மனஸி கரோந்தோ ஸோதாபத்திப²லம் ஸச்சி²கரேய்யா’’தி.

‘‘ஸோதாபன்னேன பனாவுஸோ ஸாரிபுத்த, பி⁴க்கு²னா கதமே த⁴ம்மா யோனிஸோ மனஸி காதப்³பா³’’தி? ‘‘ஸோதாபன்னேனபி கோ², ஆவுஸோ கோட்டி²க, பி⁴க்கு²னா இமே பஞ்சுபாதா³னக்க²ந்தா⁴ அனிச்சதோ…பே… அனத்ததோ யோனிஸோ மனஸி காதப்³பா³. டா²னம் கோ² பனேதம், ஆவுஸோ, விஜ்ஜதி யம் ஸோதாபன்னோ பி⁴க்கு² இமே பஞ்சுபாதா³னக்க²ந்தே⁴ அனிச்சதோ…பே… அனத்ததோ யோனிஸோ மனஸி கரோந்தோ ஸகதா³கா³மிப²லம் ஸச்சி²கரேய்யா’’தி.

‘‘ஸகதா³கா³மினா பனாவுஸோ ஸாரிபுத்த, பி⁴க்கு²னா கதமே த⁴ம்மா யோனிஸோ மனஸி காதப்³பா³’’தி? ‘‘ஸகதா³கா³மினாபி கோ², ஆவுஸோ கோட்டி²க, பி⁴க்கு²னா இமே பஞ்சுபாதா³னக்க²ந்தா⁴ அனிச்சதோ…பே… அனத்ததோ யோனிஸோ மனஸி காதப்³பா³. டா²னம் கோ² பனேதம், ஆவுஸோ, விஜ்ஜதி யம் ஸகதா³கா³மீ பி⁴க்கு² இமே பஞ்சுபாதா³னக்க²ந்தே⁴ அனிச்சதோ…பே… அனத்ததோ யோனிஸோ மனஸி கரோந்தோ அனாகா³மிப²லம் ஸச்சி²கரேய்யா’’தி.

‘‘அனாகா³மினா பனாவுஸோ ஸாரிபுத்த, பி⁴க்கு²னா கதமே த⁴ம்மா யோனிஸோ மனஸி காதப்³பா³’’தி? ‘‘அனாகா³மினாபி கோ², ஆவுஸோ கோட்டி²க, பி⁴க்கு²னா இமே பஞ்சுபாதா³னக்க²ந்தா⁴ அனிச்சதோ…பே… அனத்ததோ யோனிஸோ மனஸி காதப்³பா³. டா²னம் கோ² பனேதம், ஆவுஸோ, விஜ்ஜதி யம் அனாகா³மீ பி⁴க்கு² இமே பஞ்சுபாதா³னக்க²ந்தே⁴ அனிச்சதோ…பே… அனத்ததோ யோனிஸோ மனஸி கரோந்தோ அரஹத்தம் ஸச்சி²கரேய்யா’’தி.

‘‘அரஹதா பனாவுஸோ ஸாரிபுத்த, கதமே த⁴ம்மா யோனிஸோ மனஸி காதப்³பா³’’தி? ‘‘அரஹதாபி கோ², ஆவுஸோ கோட்டி²க, இமே பஞ்சுபாதா³னக்க²ந்தே⁴ அனிச்சதோ து³க்க²தோ ரோக³தோ க³ண்ட³தோ ஸல்லதோ அக⁴தோ ஆபா³த⁴தோ பரதோ பலோகதோ ஸுஞ்ஞதோ அனத்ததோ யோனிஸோ மனஸி காதப்³பா³. நத்தி², க்²வாவுஸோ, அரஹதோ உத்தரி கரணீயம் கதஸ்ஸ வா பதிசயோ; அபி ச இமே த⁴ம்மா பா⁴விதா ப³ஹுலீகதா தி³ட்ட²த⁴ம்மஸுக²விஹாரா சேவ ஸம்வத்தந்தி ஸதிஸம்பஜஞ்ஞா சா’’தி. த³ஸமம்.