9. விபஸ்ஸனாகதா²

36. ஏவம் மே ஸுதம் – ஏகம் ஸமயம் ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸும். ப⁴க³வா ஏதத³வோச –

‘‘ஸோ வத, பி⁴க்க²வே, பி⁴க்கு² கஞ்சி [கிஞ்சி (க.) அ. நி. 6.99-100 பஸ்ஸிதப்³பா³] ஸங்கா²ரம் நிச்சதோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – நேதம் டா²னம் விஜ்ஜதி; அனுலோமிகாய க²ந்தியா அஸமன்னாக³தோ ஸம்மத்தனியாமம் ஓக்கமிஸ்ஸதீதி – நேதம் டா²னம் விஜ்ஜதி; ஸம்மத்தனியாமம் அனோக்கமமானோ ஸோதாபத்திப²லம் வா ஸகதா³கா³மிப²லம் வா அனாகா³மிப²லம் வா அரஹத்தம் வா [அரஹத்தப²லம் வா (ஸ்யா. க.) அ. நி. 6.98 பஸ்ஸிதப்³பா³] ஸச்சி²கரிஸ்ஸதீதி – நேதம் டா²னம் விஜ்ஜதி.

‘‘ஸோ வத, பி⁴க்க²வே, பி⁴க்கு² ஸப்³ப³ஸங்கா²ரே அனிச்சதோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – டா²னமேதம் விஜ்ஜதி; அனுலோமிகாய க²ந்தியா ஸமன்னாக³தோ ஸம்மத்தனியாமம் ஓக்கமிஸ்ஸதீதி – டா²னமேதம் விஜ்ஜதி, ஸம்மத்தனியாமம் ஓக்கமமானோ ஸோதாபத்திப²லம் வா ஸகதா³கா³மிப²லம் வா அனாகா³மிப²லம் வா அரஹத்தம் வா ஸச்சி²கரிஸ்ஸதீதி – டா²னமேதம் விஜ்ஜதி.

‘‘ஸோ வத, பி⁴க்க²வே, பி⁴க்கு² கஞ்சி ஸங்கா²ரம் ஸுக²தோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – நேதம் டா²னம் விஜ்ஜதி; அனுலோமிகாய க²ந்தியா அஸமன்னாக³தோ ஸம்மத்தனியாமம் ஓக்கமிஸ்ஸதீதி – நேதம் டா²னம் விஜ்ஜதி; ஸம்மத்தனியாமம் அனோக்கமமானோ ஸோதாபத்திப²லம் வா ஸகதா³கா³மிப²லம் வா அனாகா³மிப²லம் வா அரஹத்தம் வா ஸச்சி²கரிஸ்ஸதீதி – நேதம் டா²னம் விஜ்ஜதி.

‘‘ஸோ வத, பி⁴க்க²வே, பி⁴க்கு² ஸப்³ப³ஸங்கா²ரே து³க்க²தோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – டா²னமேதம் விஜ்ஜதி; அனுலோமிகாய க²ந்தியா ஸமன்னாக³தோ ஸம்மத்தனியாமம் ஓக்கமிஸ்ஸதீதி – டா²னமேதம் விஜ்ஜதி; ஸம்மத்தனியாமம் ஓக்கமமானோ ஸோதாபத்திப²லம் வா ஸகதா³கா³மிப²லம் வா அனாகா³மிப²லம் வா அரஹத்தம் வா ஸச்சி²கரிஸ்ஸதீதி – டா²னமேதம் விஜ்ஜதி.

‘‘ஸோ வத, பி⁴க்க²வே, பி⁴க்கு² கஞ்சி த⁴ம்மம் அத்ததோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – நேதம் டா²னம் விஜ்ஜதி; அனுலோமிகாய க²ந்தியா அஸமன்னாக³தோ ஸம்மத்தனியாமம் ஓக்கமிஸ்ஸதீதி – நேதம் டா²னம் விஜ்ஜதி; ஸம்மத்தனியாமம் அனோக்கமமானோ ஸோதாபத்திப²லம் வா ஸகதா³கா³மிப²லம் வா அனாகா³மிப²லம் வா அரஹத்தம் வா ஸச்சி²கரிஸ்ஸதீதி – நேதம் டா²னம் விஜ்ஜதி.

‘‘ஸோ வத, பி⁴க்க²வே, பி⁴க்கு² ஸப்³ப³த⁴ம்மே [கஞ்சி த⁴ம்மம் (ஸ்யா.), கிஞ்சி த⁴ம்மம் (க.) அ. நி. 6.100 பஸ்ஸிதப்³பா³] அனத்ததோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – டா²னமேதம் விஜ்ஜதி; அனுலோமிகாய க²ந்தியா ஸமன்னாக³தோ ஸம்மத்தனியாமம் ஓக்கமிஸ்ஸதீதி – டா²னமேதம் விஜ்ஜதி; ஸம்மத்தனியாமம் ஓக்கமமானோ ஸோதாபத்திப²லம் வா ஸகதா³கா³மிப²லம் வா அனாகா³மிப²லம் வா அரஹத்தம் வா ஸச்சி²கரிஸ்ஸதீதி – டா²னமேதம் விஜ்ஜதி.

‘‘ஸோ வத, பி⁴க்க²வே, பி⁴க்கு² நிப்³பா³னம் து³க்க²தோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – நேதம் டா²னம் விஜ்ஜதி; அனுலோமிகாய க²ந்தியா அஸமன்னாக³தோ ஸம்மத்தனியாமம் ஓக்கமிஸ்ஸதீதி – நேதம் டா²னம் விஜ்ஜதி; ஸம்மத்தனியாமம் அனோக்கமமானோ ஸோதாபத்திப²லம் வா ஸகதா³கா³மிப²லம் வா அனாகா³மிப²லம் வா அரஹத்தம் வா ஸச்சி²கரிஸ்ஸதீதி – நேதம் டா²னம் விஜ்ஜதி.

‘‘ஸோ வத, பி⁴க்க²வே, பி⁴க்கு² நிப்³பா³னம் ஸுக²தோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – டா²னமேதம் விஜ்ஜதி; அனுலோமிகாய க²ந்தியா ஸமன்னாக³தோ ஸம்மத்தனியாமம் ஓக்கமிஸ்ஸதீதி – டா²னமேதம் விஜ்ஜதி; ஸம்மத்தனியாமம் ஓக்கமமானோ ஸோதாபத்திப²லம் வா ஸகதா³கா³மிப²லம் வா அனாகா³மிப²லம் வா அரஹத்தம் வா ஸச்சி²கரிஸ்ஸதீதி – டா²னமேதம் விஜ்ஜதி’’.

37. கதிஹாகாரேஹி அனுலோமிகம் க²ந்திம் படிலப⁴தி, கதிஹாகாரேஹி ஸம்மத்தனியாமம் ஓக்கமதி? சத்தாரீஸாய ஆகாரேஹி அனுலோமிகம் க²ந்திம் படிலப⁴தி, சத்தாரீஸாய ஆகாரேஹி ஸம்மத்தனியாமம் ஓக்கமதி.

கதமேஹி சத்தாரீஸாய ஆகாரேஹி அனுலோமிகம் க²ந்திம் படிலப⁴தி, கதமஹி சத்தாரீஸாய ஆகாரேஹி ஸம்மத்தனியாமம் ஓக்கமதி? பஞ்சக்க²ந்தே⁴ அனிச்சதோ து³க்க²தோ ரோக³தோ க³ண்ட³தோ ஸல்லதோ அக⁴தோ ஆபா³த⁴தோ பரதோ பலோகதோ ஈதிதோ உபத்³த³வதோ ப⁴யதோ உபஸக்³க³தோ சலதோ பப⁴ங்கு³தோ [பப⁴ங்க³தோ (ஸ்யா.)] அத்³து⁴வதோ அதாணதோ [அத்தாணதோ (ஸ்யா.)] அலேணதோ அஸரணதோ ரித்ததோ துச்ச²தோ ஸுஞ்ஞதோ அனத்ததோ ஆதீ³னவதோ விபரிணாமத⁴ம்மதோ அஸாரகதோ அக⁴மூலதோ வத⁴கதோ விப⁴வதோ ஸாஸவதோ ஸங்க²ததோ மாராமிஸதோ ஜாதித⁴ம்மதோ ஜராத⁴ம்மதோ ப்³யாதி⁴த⁴ம்மதோ மரணத⁴ம்மதோ ஸோகத⁴ம்மதோ பரிதே³வத⁴ம்மதோ உபாயாஸத⁴ம்மதோ ஸம்கிலேஸிகத⁴ம்மதோ.

38. பஞ்சக்க²ந்தே⁴ அனிச்சதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ நிச்சம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ து³க்க²தோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ ஸுக²ம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ரோக³தோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ ஆரோக்³யம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ க³ண்ட³தோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அக³ண்ட³ம் [நிக³ண்டோ³ (ஸ்யா.)] நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ஸல்லதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ விஸல்லம் [நிஸ்ஸல்லம் (ஸ்யா.)] நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி.

பஞ்சக்க²ந்தே⁴ அக⁴தோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அனகோ⁴ நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ஆபா³த⁴தோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அனாபா³தோ⁴ நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ பரதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அபரப்பச்சயம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ பலோகதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அபலோகத⁴ம்மோ நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ஈதிதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அனீதிகம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி.

பஞ்சக்க²ந்தே⁴ உபத்³த³வதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அனுபத்³த³வம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ப⁴யதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அப⁴யம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ உபஸக்³க³தோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அனுபஸக்³க³ம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ சலதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அசலம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ பப⁴ங்கு³தோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அபப⁴ங்கு³ [அப்பப⁴ங்க³ம் (ஸ்யா.)] நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி.

பஞ்சக்க²ந்தே⁴ அத்³து⁴வதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ து⁴வம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ அதாணதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ தாணம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ அலேணதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ லேணம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ அஸரணதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ ஸரணம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ரித்ததோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அரித்தம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி.

பஞ்சக்க²ந்தே⁴ துச்ச²தோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அதுச்ச²ம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ஸுஞ்ஞதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ பரமஸுஞ்ஞம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ அனத்ததோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ பரமத்த²ம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ஆதீ³னவதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அனாதீ³னவம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ விபரிணாமத⁴ம்மதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அவிபரிணாமத⁴ம்மம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி.

பஞ்சக்க²ந்தே⁴ அஸாரகதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ ஸாரம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ அக⁴மூலதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அனக⁴மூலம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ வத⁴கதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அவத⁴கம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ விப⁴வதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அவிப⁴வம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ஸாஸவதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அனாஸவம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி.

பஞ்சக்க²ந்தே⁴ ஸங்க²ததோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அஸங்க²தம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ மாராமிஸதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ நிராமிஸம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ஜாதித⁴ம்மதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அஜாதம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ஜராத⁴ம்மதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அஜரம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ப்³யாதி⁴த⁴ம்மதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அப்³யாதி⁴ [அப்³யாதி⁴த⁴ம்மம் (ஸ்யா.)] நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி.

பஞ்சக்க²ந்தே⁴ மரணத⁴ம்மதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அமதம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ஸோகத⁴ம்மதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அஸோகம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ பரிதே³வத⁴ம்மதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அபரிதே³வம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ உபாயாஸத⁴ம்மதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அனுபாயாஸம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி. பஞ்சக்க²ந்தே⁴ ஸம்கிலேஸிகத⁴ம்மதோ பஸ்ஸந்தோ அனுலோமிகம் க²ந்திம் படிலப⁴தி. பஞ்சன்னம் க²ந்தா⁴னம் நிரோதோ⁴ அஸம்கிலிட்ட²ம் நிப்³பா³னந்தி பஸ்ஸந்தோ ஸம்மத்தனியாமம் ஓக்கமதி.

39. அனிச்சதோதி, அனிச்சானுபஸ்ஸனா. து³க்க²தோதி, து³க்கா²னுபஸ்ஸனா. ரோக³தோதி, து³க்கா²னுபஸ்ஸனா. க³ண்ட³தோதி, து³க்கா²னுபஸ்ஸனா. ஸல்லதோதி, து³க்கா²னுபஸ்ஸனா. அக⁴தோதி, து³க்கா²னுபஸ்ஸனா. ஆபா³த⁴தோதி, து³க்கா²னுபஸ்ஸனா. பரதோதி, அனத்தானுபஸ்ஸனா. பலோகதோதி, அனிச்சானுபஸ்ஸனா. ஈதிதோதி, து³க்கா²னுபஸ்ஸனா.

உபத்³த³வதோதி, து³க்கா²னுபஸ்ஸனா. ப⁴யதோதி, து³க்கா²னுபஸ்ஸனா. உபஸக்³க³தோதி, து³க்கா²னுபஸ்ஸனா. சலதோதி, அனிச்சானுபஸ்ஸனா. பப⁴ங்கு³தோதி, அனிச்சானுபஸ்ஸனா. அத்³து⁴வதோதி, அனிச்சானுபஸ்ஸனா. அதாணதோதி, து³க்கா²னுபஸ்ஸனா. அலேணதோதி, து³க்கா²னுபஸ்ஸனா. அஸரணதோதி, து³க்கா²னுபஸ்ஸனா. ரித்ததோதி, அனத்தானுபஸ்ஸனா.

துச்ச²தோதி, அனத்தானுபஸ்ஸனா. ஸுஞ்ஞதோதி, அனத்தானுபஸ்ஸனா. அனத்ததோதி, அனத்தானுபஸ்ஸனா. ஆதீ³னவதோதி, து³க்கா²னுபஸ்ஸனா. விபரிணாமத⁴ம்மதோதி, அனிச்சானுபஸ்ஸனா. அஸாரகதோதி, அனத்தானுபஸ்ஸனா. அக⁴மூலதோதி, து³க்கா²னுபஸ்ஸனா. வத⁴கதோதி, து³க்கா²னுபஸ்ஸனா. விப⁴வதோதி, அனிச்சானுபஸ்ஸனா. ஸாஸவதோதி, து³க்கா²னுபஸ்ஸனா.

ஸங்க²ததோதி, அனிச்சானுபஸ்ஸனா. மாராமிஸதோதி, து³க்கா²னுபஸ்ஸனா. ஜாதித⁴ம்மதோதி, து³க்கா²னுபஸ்ஸனா. ஜராத⁴ம்மதோதி, து³க்கா²னுபஸ்ஸனா. ப்³யாதி⁴த⁴ம்மதோதி, து³க்கா²னுபஸ்ஸனா. மரணத⁴ம்மதோதி, அனிச்சானுபஸ்ஸனா. ஸோகத⁴ம்மதோதி, து³க்கா²னுபஸ்ஸனா. பரிதே³வத⁴ம்மதோதி, து³க்கா²னுபஸ்ஸனா. உபாயாஸத⁴ம்மதோதி, து³க்கா²னுபஸ்ஸனா. ஸம்கிலேஸிகத⁴ம்மதோதி, து³க்கா²னுபஸ்ஸனா.

இமேஹி சத்தாலீஸாய ஆகாரேஹி அனுலோமிகம் க²ந்திம் படிலப⁴தி. இமேஹி சத்தாலீஸாய ஆகாரேஹி ஸம்மத்தனியாமம் ஓக்கமதி.

இமேஹி சத்தாலீஸாய ஆகாரேஹி அனுலோமிகம் க²ந்திம் படிலப⁴ந்தஸ்ஸ, இமேஹி சத்தாலீஸாய ஆகாரேஹி ஸம்மத்தனியாமம் ஓக்கமந்தஸ்ஸ கதி அனிச்சானுபஸ்ஸனா, கதி து³க்கா²னுபஸ்ஸனா, கதி அனத்தானுபஸ்ஸனா?

பஞ்சவீஸதி அனத்தானுபஸ்ஸனா, பஞ்ஞாஸ அனிச்சானுபஸ்ஸனா;

ஸதம் பஞ்சவீஸதி சேவ, யானி து³க்கே² பவுச்சரேதி.

விபஸ்ஸனாகதா² நிட்டி²தா.