7. கம்மகதா²

234. அஹோஸி கம்மம், அஹோஸி கம்மவிபாகோ. அஹோஸி கம்மம், நாஹோஸி கம்மவிபாகோ. அஹோஸி கம்மம், அத்தி² கம்மவிபாகோ. அஹோஸி கம்மம், நத்தி² கம்மவிபாகோ. அஹோஸி கம்மம், ப⁴விஸ்ஸதி கம்மவிபாகோ. அஹோஸி கம்மம், ந ப⁴விஸ்ஸதி கம்மவிபாகோ. [அதீதகம்மம்]

அத்தி² கம்மம், அத்தி² கம்மவிபாகோ. அத்தி² கம்மம், நத்தி² கம்மவிபாகோ. அத்தி² கம்மம், ப⁴விஸ்ஸதி கம்மவிபாகோ. அத்தி² கம்மம், ந ப⁴விஸ்ஸதி கம்மவிபாகோ. [பச்சுப்பன்னகம்மம்]

ப⁴விஸ்ஸதி கம்மம், ப⁴விஸ்ஸதி கம்மவிபாகோ. ப⁴விஸ்ஸதி கம்மம், ந ப⁴விஸ்ஸதி கம்மவிபாகோ. [அனாக³தகம்மம்]

235. அஹோஸி குஸலம் கம்மம், அஹோஸி குஸலஸ்ஸ கம்மஸ்ஸ விபாகோ. அஹோஸி குஸலம் கம்மம், நாஹோஸி குஸலஸ்ஸ கம்மஸ்ஸ விபாகோ. அஹோஸி குஸலம் கம்மம், அத்தி² குஸலஸ்ஸ கம்மஸ்ஸ விபாகோ. அஹோஸி குஸலம் கம்மம், நத்தி² குஸலஸ்ஸ கம்மஸ்ஸ விபாகோ. அஹோஸி குஸலம் கம்மம், ப⁴விஸ்ஸதி குஸலஸ்ஸ கம்மஸ்ஸ விபாகோ. அஹோஸி குஸலம் கம்மம், ந ப⁴விஸ்ஸதி குஸலஸ்ஸ கம்மஸ்ஸ விபாகோ.

அத்தி² குஸலம் கம்மம், அத்தி² குஸலஸ்ஸ கம்மஸ்ஸ விபாகோ. அத்தி² குஸலம் கம்மம், நத்தி² குஸலஸ்ஸ கம்மஸ்ஸ விபாகோ. அத்தி² குஸலம் கம்மம், ப⁴விஸ்ஸதி குஸலஸ்ஸ கம்மஸ்ஸ விபாகோ. அத்தி² குஸலம் கம்மம், ந ப⁴விஸ்ஸதி குஸலஸ்ஸ கம்மஸ்ஸ விபாகோ.

ப⁴விஸ்ஸதி குஸலம் கம்மம், ப⁴விஸ்ஸதி குஸலஸ்ஸ கம்மஸ்ஸ விபாகோ. ப⁴விஸ்ஸதி குஸலம் கம்மம், ந ப⁴விஸ்ஸதி குஸலஸ்ஸ கம்மஸ்ஸ விபாகோ.

அஹோஸி அகுஸலம் கம்மம், அஹோஸி அகுஸலஸ்ஸ கம்மஸ்ஸ விபாகோ. அஹோஸி அகுஸலம் கம்மம், நாஹோஸி அகுஸலஸ்ஸ கம்மஸ்ஸ விபாகோ. அஹோஸி அகுஸலம் கம்மம், அத்தி² அகுஸலஸ்ஸ கம்மஸ்ஸ விபாகோ. அஹோஸி அகுஸலம் கம்மம், நத்தி² அகுஸலஸ்ஸ கம்மஸ்ஸ விபாகோ. அஹோஸி அகுஸலம் கம்மம், ப⁴விஸ்ஸதி அகுஸலஸ்ஸ கம்மஸ்ஸ விபாகோ. அஹோஸி அகுஸலம் கம்மம், ந ப⁴விஸ்ஸதி அகுஸலஸ்ஸ கம்மஸ்ஸ விபாகோ.

அத்தி² அகுஸலம் கம்மம், அத்தி² அகுஸலஸ்ஸ கம்மஸ்ஸ விபாகோ. அத்தி² அகுஸலம் கம்மம், நத்தி² அகுஸலஸ்ஸ கம்மஸ்ஸ விபாகோ. அத்தி² அகுஸலம் கம்மம், ப⁴விஸ்ஸதி அகுஸலஸ்ஸ கம்மஸ்ஸ விபாகோ. அத்தி² அகுஸலம் கம்மம், ந ப⁴விஸ்ஸதி அகுஸலஸ்ஸ கம்மஸ்ஸ விபாகோ.

ப⁴விஸ்ஸதி அகுஸலம் கம்மம், ப⁴விஸ்ஸதி அகுஸலஸ்ஸ கம்மஸ்ஸ விபாகோ. ப⁴விஸ்ஸதி அகுஸலம் கம்மம், ந ப⁴விஸ்ஸதி அகுஸலஸ்ஸ கம்மஸ்ஸ விபாகோ.

அஹோஸி ஸாவஜ்ஜம் கம்மம்…பே… அஹோஸி அனவஜ்ஜம் கம்மம்…பே… அஹோஸி கண்ஹம் கம்மம்…பே… அஹோஸி ஸுக்கம் கம்மம்…பே… அஹோஸி ஸுகு²த்³ரயம் கம்மம்…பே… அஹோஸி து³க்கு²த்³ரயம் கம்மம்…பே… அஹோஸி ஸுக²விபாகம் கம்மம்…பே… அஹோஸி து³க்க²விபாகம் கம்மம், அஹோஸி து³க்க²விபாகஸ்ஸ கம்மஸ்ஸ விபாகோ. அஹோஸி து³க்க²விபாகம் கம்மம், நாஹோஸி து³க்க²விபாகஸ்ஸ கம்மஸ்ஸ விபாகோ. அஹோஸி து³க்க²விபாகம் கம்மம், அத்தி² து³க்க²விபாகஸ்ஸ கம்மஸ்ஸ விபாகோ. அஹோஸி து³க்க²விபாகம் கம்மம், நத்தி² து³க்க²விபாகஸ்ஸ கம்மஸ்ஸ விபாகோ. அஹோஸி து³க்க²விபாகம் கம்மம், ப⁴விஸ்ஸதி து³க்க²விபாகஸ்ஸ கம்மஸ்ஸ விபாகோ. அஹோஸி து³க்க²விபாகம் கம்மம், ந ப⁴விஸ்ஸதி து³க்க²விபாகஸ்ஸ கம்மஸ்ஸ விபாகோ.

அத்தி² து³க்க²விபாகம் கம்மம், அத்தி² து³க்க²விபாகஸ்ஸ கம்மஸ்ஸ விபாகோ. அத்தி² து³க்க²விபாகம் கம்மம், நத்தி² து³க்க²விபாகஸ்ஸ கம்மஸ்ஸ விபாகோ. அத்தி² து³க்க²விபாகம் கம்மம், ப⁴விஸ்ஸதி து³க்க²விபாகஸ்ஸ கம்மஸ்ஸ விபாகோ. அத்தி² து³க்க²விபாகம் கம்மம், ந ப⁴விஸ்ஸதி து³க்க²விபாகஸ்ஸ கம்மஸ்ஸ விபாகோ.

ப⁴விஸ்ஸதி து³க்க²விபாகம் கம்மம், ப⁴விஸ்ஸதி து³க்க²விபாகஸ்ஸ கம்மஸ்ஸ விபாகோ. ப⁴விஸ்ஸதி து³க்க²விபாகம் கம்மம், ந ப⁴விஸ்ஸதி து³க்க²விபாகஸ்ஸ கம்மஸ்ஸ விபாகோதி.

கம்மகதா² நிட்டி²தா.