1. மஹாவக்³கோ³

மாதிகா

1. ஸோதாவதா⁴னே பஞ்ஞா ஸுதமயே ஞாணம்.

2. ஸுத்வான ஸம்வரே பஞ்ஞா ஸீலமயே ஞாணம்.

3. ஸம்வரித்வா ஸமாத³ஹனே பஞ்ஞா ஸமாதி⁴பா⁴வனாமயே ஞாணம்.

4. பச்சயபரிக்³க³ஹே பஞ்ஞா த⁴ம்மட்டி²திஞாணம்.

5. அதீதானாக³தபச்சுப்பன்னானம் த⁴ம்மானம் ஸங்கி²பித்வா வவத்தா²னே பஞ்ஞா ஸம்மஸனே ஞாணம்.

6. பச்சுப்பன்னானம் த⁴ம்மானம் விபரிணாமானுபஸ்ஸனே பஞ்ஞா உத³யப்³ப³யானுபஸ்ஸனே ஞாணம்.

7. ஆரம்மணம் படிஸங்கா² ப⁴ங்கா³னுபஸ்ஸனே பஞ்ஞா விபஸ்ஸனே ஞாணம்.

8. ப⁴யதுபட்டா²னே பஞ்ஞா ஆதீ³னவே ஞாணம்.

9. முஞ்சிதுகம்யதாபடிஸங்கா²ஸந்திட்ட²னா பஞ்ஞா ஸங்கா²ருபேக்கா²ஸு ஞாணம்.

10. ப³ஹித்³தா⁴ வுட்டா²னவிவட்டனே பஞ்ஞா கோ³த்ரபு⁴ஞாணம்.

11. து³ப⁴தோ வுட்டா²னவிவட்டனே பஞ்ஞா மக்³கே³ ஞாணம்.

12. பயோக³ப்படிப்பஸ்ஸத்³தி⁴ பஞ்ஞா ப²லே ஞாணம்.

13. சி²ன்னவடுமானுபஸ்ஸனே [சி²ன்னமனுபஸ்ஸனே (ஸ்யா.), சி²ன்னவட்டமனுபஸ்ஸனே (ஸீ. அட்ட².)] பஞ்ஞா விமுத்திஞாணம்.

14. ததா³ ஸமுதா³க³தே [ஸமுபாக³தே (ஸ்யா.)] த⁴ம்மே பஸ்ஸனே பஞ்ஞா பச்சவேக்க²ணே ஞாணம்.

15. அஜ்ஜ²த்தவவத்தா²னே பஞ்ஞா வத்து²னானத்தே ஞாணம்.

16. ப³ஹித்³தா⁴வவத்தா²னே பஞ்ஞா கோ³சரனானத்தே ஞாணம்.

17. சரியாவவத்தா²னே பஞ்ஞா சரியானானத்தே ஞாணம்.

18. சதுத⁴ம்மவவத்தா²னே பஞ்ஞா பூ⁴மினானத்தே ஞாணம்.

19. நவத⁴ம்மவவத்தா²னே பஞ்ஞா த⁴ம்மனானத்தே ஞாணம்.

20. அபி⁴ஞ்ஞாபஞ்ஞா ஞாதட்டே² ஞாணம்.

21. பரிஞ்ஞாபஞ்ஞா தீரணட்டே² ஞாணம்.

22. பஹானே பஞ்ஞா பரிச்சாக³ட்டே² ஞாணம்.

23. பா⁴வனாபஞ்ஞா ஏகரஸட்டே² ஞாணம்.

24. ஸச்சி²கிரியாபஞ்ஞா ப²ஸ்ஸனட்டே² [பு²ஸனட்டே² (க.)] ஞாணம்.

25. அத்த²னானத்தே பஞ்ஞா அத்த²படிஸம்பி⁴தே³ ஞாணம்.

26. த⁴ம்மனானத்தே பஞ்ஞா த⁴ம்மபடிஸம்பி⁴தே³ ஞாணம்.

27. நிருத்தினானத்தே பஞ்ஞா நிருத்திபடிஸம்பி⁴தே³ ஞாணம்.

28. படிபா⁴னனானத்தே பஞ்ஞா [படிபா⁴ணனானத்தே (ஸ்யா.)] படிபா⁴னபடிஸம்பி⁴தே³ ஞாணம்.

29. விஹாரனானத்தே பஞ்ஞா விஹாரட்டே² ஞாணம்.

30. ஸமாபத்தினானத்தே பஞ்ஞா ஸமாபத்தட்டே² ஞாணம்.

31. விஹாரஸமாபத்தினானத்தே பஞ்ஞா விஹாரஸமாபத்தட்டே² ஞாணம்.

32. அவிக்கே²பபரிஸுத்³த⁴த்தா ஆஸவஸமுச்சே²தே³ பஞ்ஞா ஆனந்தரிகஸமாதி⁴ம்ஹி ஞாணம்.

33. த³ஸ்ஸனாதி⁴பதேய்யம் ஸந்தோ ச விஹாராதி⁴க³மோ பணீதாதி⁴முத்ததா பஞ்ஞா அரணவிஹாரே ஞாணம்.

34. த்³வீஹி ப³லேஹி ஸமன்னாக³தத்தா தயோ ச ஸங்கா²ரானம் படிப்பஸ்ஸத்³தி⁴யா ஸோளஸஹி ஞாணசரியாஹி நவஹி ஸமாதி⁴சரியாஹி வஸிபா⁴வதா பஞ்ஞா நிரோத⁴ஸமாபத்தியா ஞாணம்.

35. ஸம்பஜானஸ்ஸ பவத்தபரியாதா³னே பஞ்ஞா பரினிப்³பா³னே ஞாணம்.

36. ஸப்³ப³த⁴ம்மானம் ஸம்மா ஸமுச்சே²தே³ நிரோதே⁴ ச அனுபட்டா²னதா பஞ்ஞா ஸமஸீஸட்டே² ஞாணம்.

37. புது²னானத்ததேஜபரியாதா³னே பஞ்ஞா ஸல்லேக²ட்டே² ஞாணம்.

38. அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணம்.

39. நானாத⁴ம்மப்பகாஸனதா பஞ்ஞா அத்த²ஸந்த³ஸ்ஸனே ஞாணம்.

40. ஸப்³ப³த⁴ம்மானம் ஏகஸங்க³ஹதானானத்தேகத்தபடிவேதே⁴ பஞ்ஞா த³ஸ்ஸனவிஸுத்³தி⁴ஞாணம்.

41. விதி³தத்தா பஞ்ஞா க²ந்திஞாணம்.

42. பு²ட்ட²த்தா பஞ்ஞா பரியோகா³ஹணே [பரியோகா³ஹனே (ஸ்யா.)] ஞாணம்.

43. ஸமோத³ஹனே பஞ்ஞா பதே³ஸவிஹாரே ஞாணம்.

44. அதி⁴பதத்தா பஞ்ஞா ஸஞ்ஞாவிவட்டே ஞாணம்.

45. நானத்தே பஞ்ஞா சேதோவிவட்டே ஞாணம்.

46. அதி⁴ட்டா²னே பஞ்ஞா சித்தவிவட்டே ஞாணம்.

47. ஸுஞ்ஞதே பஞ்ஞா ஞாணவிவட்டே ஞாணம்.

48. வோஸக்³கே³ [வோஸ்ஸக்³கே³ (ப³ஹூஸு)] பஞ்ஞா விமோக்க²விவட்டே ஞாணம்.

49. தத²ட்டே² பஞ்ஞா ஸச்சவிவட்டே ஞாணம்.

50. காயம்பி சித்தம்பி ஏகவவத்தா²னதா ஸுக²ஸஞ்ஞஞ்ச லஹுஸஞ்ஞஞ்ச அதி⁴ட்டா²னவஸேன இஜ்ஜ²னட்டே² பஞ்ஞா இத்³தி⁴விதே⁴ ஞாணம்.

51. விதக்கவிப்பா²ரவஸேன நானத்தேகத்தஸத்³த³னிமித்தானம் பரியோகா³ஹணே பஞ்ஞா ஸோததா⁴துவிஸுத்³தி⁴ஞாணம்.

52. திண்ணன்னம் சித்தானம் விப்பா²ரத்தா இந்த்³ரியானம் பஸாத³வஸேன நானத்தேகத்தவிஞ்ஞாணசரியா பரியோகா³ஹணே பஞ்ஞா சேதோபரியஞாணம்.

53. பச்சயப்பவத்தானம் த⁴ம்மானம் நானத்தேகத்தகம்மவிப்பா²ரவஸேன பரியோகா³ஹணே பஞ்ஞா புப்³பே³னிவாஸானுஸ்ஸதிஞாணம்.

54. ஓபா⁴ஸவஸேன நானத்தேகத்தரூபனிமித்தானம் த³ஸ்ஸனட்டே² பஞ்ஞா தி³ப்³ப³சக்கு²ஞாணம்.

55. சதுஸட்டி²யா ஆகாரேஹி திண்ணன்னம் இந்த்³ரியானம் வஸீபா⁴வதா பஞ்ஞா ஆஸவானம் க²யே ஞாணம்.

56. பரிஞ்ஞட்டே² பஞ்ஞா து³க்கே² ஞாணம்.

57. பஹானட்டே² பஞ்ஞா ஸமுத³யே ஞாணம்.

58. ஸச்சி²கிரியட்டே² பஞ்ஞா நிரோதே⁴ ஞாணம்.

59. பா⁴வனட்டே² பஞ்ஞா மக்³கே³ ஞாணம்.

60. து³க்கே² ஞாணம்.

61. து³க்க²ஸமுத³யே ஞாணம்.

62. து³க்க²னிரோதே⁴ ஞாணம்.

63. து³க்க²னிரோத⁴கா³மினியா படிபதா³ய ஞாணம்.

64. அத்த²படிஸம்பி⁴தே³ ஞாணம்.

65. த⁴ம்மபடிஸம்பி⁴தே³ ஞாணம்.

66. நிருத்திபடிஸம்பி⁴தே³ ஞாணம்.

67. படிபா⁴னபடிஸம்பி⁴தே³ ஞாணம்.

68. இந்த்³ரியபரோபரியத்தே ஞாணம்.

69. ஸத்தானம் ஆஸயானுஸயே ஞாணம்.

70. யமகபாடிஹீரே ஞாணம்.

71. மஹாகருணாஸமாபத்தியா ஞாணம்.

72. ஸப்³ப³ஞ்ஞுதஞாணம்.

73. அனாவரணஞாணம்.

இமானி தேஸத்ததி ஞாணானி. இமேஸம் தேஸத்ததியா ஞாணானம் ஸத்தஸட்டி² ஞாணானி ஸாவகஸாதா⁴ரணானி; ச² ஞாணானி அஸாதா⁴ரணானி ஸாவகேஹி.

மாதிகா நிட்டி²தா.

1. ஞாணகதா²

1. ஸுதமயஞாணனித்³தே³ஸோ

1. கத²ம் ஸோதாவதா⁴னே பஞ்ஞா ஸுதமயே ஞாணம்?

‘‘இமே த⁴ம்மா அபி⁴ஞ்ஞேய்யா’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இமே த⁴ம்மா பரிஞ்ஞேய்யா’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இமே த⁴ம்மா பஹாதப்³பா³’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இமே த⁴ம்மா பா⁴வேதப்³பா³’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இமே த⁴ம்மா ஸச்சி²காதப்³பா³’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இமே த⁴ம்மா ஹானபா⁴கி³யா’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இமே த⁴ம்மா டி²திபா⁴கி³யா’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இமே த⁴ம்மா விஸேஸபா⁴கி³யா’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இமே த⁴ம்மா நிப்³பே³த⁴பா⁴கி³யா’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘ஸப்³பே³ ஸங்கா²ரா அனிச்சா’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘ஸப்³பே³ ஸங்கா²ரா து³க்கா²’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘ஸப்³பே³ த⁴ம்மா அனத்தா’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இத³ம் து³க்க²ம் அரியஸச்ச’’ந்தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இத³ம் து³க்க²ஸமுத³யம் [து³க்க²ஸமுத³யோ (ஸ்யா.)] அரியஸச்ச’’ந்தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இத³ம் து³க்க²னிரோத⁴ம் [து³க்க²னிரோதோ⁴ (ஸ்யா.) அட்ட²கதா² ஓலோகேதப்³பா³] அரியஸச்ச’’ந்தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

‘‘இத³ம் து³க்க²னிரோத⁴கா³மினீ படிபதா³ அரியஸச்ச’’ந்தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்.

2. கத²ம் ‘‘இமே த⁴ம்மா அபி⁴ஞ்ஞேய்யா’’தி ஸோதாவதா⁴னம், தம்பஜானனா பஞ்ஞா ஸுதமயே ஞாணம்?

ஏகோ த⁴ம்மோ அபி⁴ஞ்ஞேய்யோ – ஸப்³பே³ ஸத்தா ஆஹாரட்டி²திகா. த்³வே த⁴ம்மா அபி⁴ஞ்ஞேய்யா – த்³வே தா⁴துயோ. தயோ த⁴ம்மா அபி⁴ஞ்ஞேய்யா – திஸ்ஸோ தா⁴துயோ. சத்தாரோ த⁴ம்மா அபி⁴ஞ்ஞேய்யா – சத்தாரி அரியஸச்சானி. பஞ்ச த⁴ம்மா அபி⁴ஞ்ஞேய்யா – பஞ்ச விமுத்தாயதனானி. ச² த⁴ம்மா அபி⁴ஞ்ஞேய்யா – ச² அனுத்தரியானி. ஸத்த த⁴ம்மா அபி⁴ஞ்ஞேய்யா – ஸத்த நித்³த³ஸவத்தூ²னி. அட்ட² த⁴ம்மா அபி⁴ஞ்ஞேய்யா – அட்ட² அபி⁴பா⁴யதனானி. நவ த⁴ம்மா அபி⁴ஞ்ஞேய்யா – நவ அனுபுப்³ப³விஹாரா. த³ஸ த⁴ம்மா அபி⁴ஞ்ஞேய்யா – த³ஸ நிஜ்ஜரவத்தூ²னி.

3. ‘‘ஸப்³ப³ம், பி⁴க்க²வே, அபி⁴ஞ்ஞேய்யம். கிஞ்ச, பி⁴க்க²வே, ஸப்³ப³ம் அபி⁴ஞ்ஞேய்யம்? சக்கு² [சக்கு²ம் (ஸ்யா. க.)], பி⁴க்க²வே, அபி⁴ஞ்ஞேய்யம்; ரூபா அபி⁴ஞ்ஞேய்யா; சக்கு²விஞ்ஞாணம் அபி⁴ஞ்ஞேய்யம்; சக்கு²ஸம்ப²ஸ்ஸோ அபி⁴ஞ்ஞேய்யோ; யம்பித³ம் [யமித³ம் (க.) ஸம். நி. 4.52 பஸ்ஸிதப்³போ³] சக்கு²ஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா, தம்பி அபி⁴ஞ்ஞேய்யம். ஸோதம் அபி⁴ஞ்ஞேய்யம்; ஸத்³தா³ அபி⁴ஞ்ஞேய்யா…பே… கா⁴னம் அபி⁴ஞ்ஞேய்யம்; க³ந்தா⁴ அபி⁴ஞ்ஞேய்யா… ஜிவ்ஹா அபி⁴ஞ்ஞேய்யா; ரஸா அபி⁴ஞ்ஞேய்யா… காயோ அபி⁴ஞ்ஞேய்யோ; போ²ட்ட²ப்³பா³ அபி⁴ஞ்ஞேய்யா… மனோ அபி⁴ஞ்ஞேய்யோ; த⁴ம்மா அபி⁴ஞ்ஞேய்யா; மனோவிஞ்ஞாணம் அபி⁴ஞ்ஞேய்யம், மனோஸம்ப²ஸ்ஸோ அபி⁴ஞ்ஞேய்யோ; யம்பித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா, தம்பி அபி⁴ஞ்ஞேய்யம்.’’

ரூபம் அபி⁴ஞ்ஞேய்யம்; வேத³னா அபி⁴ஞ்ஞேய்யா; ஸஞ்ஞா அபி⁴ஞ்ஞேய்யா; ஸங்கா²ரா அபி⁴ஞ்ஞேய்யா; விஞ்ஞாணம் அபி⁴ஞ்ஞேய்யம்.

சக்கு² அபி⁴ஞ்ஞேய்யம்; ஸோதம் அபி⁴ஞ்ஞேய்யம்; கா⁴னம் அபி⁴ஞ்ஞேய்யம்; ஜிவ்ஹா அபி⁴ஞ்ஞேய்யா; காயோ அபி⁴ஞ்ஞேய்யோ; மனோ அபி⁴ஞ்ஞேய்யோ. ரூபா அபி⁴ஞ்ஞேய்யா; ஸத்³தா³ அபி⁴ஞ்ஞேய்யா; க³ந்தா⁴ அபி⁴ஞ்ஞேய்யா; ரஸா அபி⁴ஞ்ஞேய்யா; போ²ட்ட²ப்³பா³ அபி⁴ஞ்ஞேய்யா; த⁴ம்மா அபி⁴ஞ்ஞேய்யா. சக்கு²விஞ்ஞாணம் அபி⁴ஞ்ஞேய்யம்; ஸோதவிஞ்ஞாணம் அபி⁴ஞ்ஞேய்யம்; கா⁴னவிஞ்ஞாணம் அபி⁴ஞ்ஞேய்யம்; ஜிவ்ஹாவிஞ்ஞாணம் அபி⁴ஞ்ஞேய்யம்; காயவிஞ்ஞாணம் அபி⁴ஞ்ஞேய்யம்; மனோவிஞ்ஞாணம் அபி⁴ஞ்ஞேய்யம். சக்கு²ஸம்ப²ஸ்ஸோ அபி⁴ஞ்ஞேய்யோ; ஸோதஸம்ப²ஸ்ஸோ அபி⁴ஞ்ஞேய்யோ; கா⁴னஸம்ப²ஸ்ஸோ அபி⁴ஞ்ஞேய்யோ; ஜிவ்ஹாஸம்ப²ஸ்ஸோ அபி⁴ஞ்ஞேய்யோ; காயஸம்ப²ஸ்ஸோ அபி⁴ஞ்ஞேய்யோ; மனோஸம்ப²ஸ்ஸோ அபி⁴ஞ்ஞேய்யோ; சக்கு²ஸம்ப²ஸ்ஸஜா வேத³னா அபி⁴ஞ்ஞேய்யா; ஸோதஸம்ப²ஸ்ஸஜா வேத³னா அபி⁴ஞ்ஞேய்யா; கா⁴னஸம்ப²ஸ்ஸஜா வேத³னா அபி⁴ஞ்ஞேய்யா; ஜிவ்ஹாஸம்ப²ஸ்ஸஜா வேத³னா அபி⁴ஞ்ஞேய்யா; காயஸம்ப²ஸ்ஸஜா வேத³னா அபி⁴ஞ்ஞேய்யா; மனோஸம்ப²ஸ்ஸஜா வேத³னா அபி⁴ஞ்ஞேய்யா. ரூபஸஞ்ஞா அபி⁴ஞ்ஞேய்யா; ஸத்³த³ஸஞ்ஞா அபி⁴ஞ்ஞேய்யா; க³ந்த⁴ஸஞ்ஞா அபி⁴ஞ்ஞேய்யா; ரஸஸஞ்ஞா அபி⁴ஞ்ஞேய்யா; போ²ட்ட²ப்³ப³ஸஞ்ஞா அபி⁴ஞ்ஞேய்யா; த⁴ம்மஸஞ்ஞா அபி⁴ஞ்ஞேய்யா. ரூபஸஞ்சேதனா அபி⁴ஞ்ஞேய்யா; ஸத்³த³ஸஞ்சேதனா அபி⁴ஞ்ஞேய்யா; க³ந்த⁴ஸஞ்சேதனா அபி⁴ஞ்ஞேய்யா; ரஸஸஞ்சேதனா அபி⁴ஞ்ஞேய்யா; போ²ட்ட²ப்³ப³ஸஞ்சேதனா அபி⁴ஞ்ஞேய்யா; த⁴ம்மஸஞ்சேதனா அபி⁴ஞ்ஞேய்யா. ரூபதண்ஹா அபி⁴ஞ்ஞேய்யா; ஸத்³த³தண்ஹா அபி⁴ஞ்ஞேய்யா; க³ந்த⁴தண்ஹா அபி⁴ஞ்ஞேய்யா; ரஸதண்ஹா அபி⁴ஞ்ஞேய்யா; போ²ட்ட²ப்³ப³தண்ஹா அபி⁴ஞ்ஞேய்யா; த⁴ம்மதண்ஹா அபி⁴ஞ்ஞேய்யா. ரூபவிதக்கோ அபி⁴ஞ்ஞேய்யோ; ஸத்³த³விதக்கோ அபி⁴ஞ்ஞேய்யோ; க³ந்த⁴விதக்கோ அபி⁴ஞ்ஞேய்யோ; ரஸவிதக்கோ அபி⁴ஞ்ஞேய்யோ; போ²ட்ட²ப்³ப³விதக்கோ அபி⁴ஞ்ஞேய்யோ; த⁴ம்மவிதக்கோ அபி⁴ஞ்ஞேய்யோ. ரூபவிசாரோ அபி⁴ஞ்ஞேய்யோ; ஸத்³த³விசாரோ அபி⁴ஞ்ஞேய்யோ; க³ந்த⁴விசாரோ அபி⁴ஞ்ஞேய்யோ; ரஸவிசாரோ அபி⁴ஞ்ஞேய்யோ; போ²ட்ட²ப்³ப³விசாரோ அபி⁴ஞ்ஞேய்யோ; த⁴ம்மவிசாரோ அபி⁴ஞ்ஞேய்யோ.

4. பத²வீதா⁴து அபி⁴ஞ்ஞேய்யா; ஆபோதா⁴து அபி⁴ஞ்ஞேய்யா; தேஜோதா⁴து அபி⁴ஞ்ஞேய்யா; வாயோதா⁴து அபி⁴ஞ்ஞேய்யா; ஆகாஸதா⁴து அபி⁴ஞ்ஞேய்யா; விஞ்ஞாணதா⁴து அபி⁴ஞ்ஞேய்யா.

பத²வீகஸிணம் அபி⁴ஞ்ஞேய்யம்; ஆபோகஸிணம் அபி⁴ஞ்ஞேய்யம்; தேஜோகஸிணம் அபி⁴ஞ்ஞேய்யம்; வாயோகஸிணம் அபி⁴ஞ்ஞேய்யம்; நீலகஸிணம் அபி⁴ஞ்ஞேய்யம்; பீதகஸிணம் அபி⁴ஞ்ஞேய்யம்; லோஹிதகஸிணம் அபி⁴ஞ்ஞேய்யம்; ஓதா³தகஸிணம் அபி⁴ஞ்ஞேய்யம்; ஆகாஸகஸிணம் அபி⁴ஞ்ஞேய்யம்; விஞ்ஞாணகஸிணம் அபி⁴ஞ்ஞேய்யம்.

கேஸா அபி⁴ஞ்ஞேய்யா; லோமா அபி⁴ஞ்ஞேய்யா; நகா² அபி⁴ஞ்ஞேய்யா; த³ந்தா அபி⁴ஞ்ஞேய்யா; தசோ அபி⁴ஞ்ஞேய்யோ, மம்ஸம் அபி⁴ஞ்ஞேய்யம்; ந்ஹாரூ [நஹாரூ (ஸ்யா.)] அபி⁴ஞ்ஞேய்யா; அட்டீ² அபி⁴ஞ்ஞேய்யா; அட்டி²மிஞ்ஜா அபி⁴ஞ்ஞேய்யா [அட்டி²மஞ்ஜம் அபி⁴ஞ்ஞேய்யம் (ஸ்யா. க.)]; வக்கம் அபி⁴ஞ்ஞேய்யம்; ஹத³யம் அபி⁴ஞ்ஞேய்யம்; யகனம் அபி⁴ஞ்ஞேய்யம்; கிலோமகம் அபி⁴ஞ்ஞேய்யம்; பிஹகம் அபி⁴ஞ்ஞேய்யம்; பப்பா²ஸம் அபி⁴ஞ்ஞேய்யம்; அந்தம் அபி⁴ஞ்ஞேய்யம் அந்தகு³ணம் அபி⁴ஞ்ஞேய்யம்; உத³ரியம் அபி⁴ஞ்ஞேய்யம்; கரீஸம் அபி⁴ஞ்ஞேய்யம்; பித்தம் அபி⁴ஞ்ஞேய்யம்; ஸேம்ஹம் அபி⁴ஞ்ஞேய்யம்; புப்³போ³ அபி⁴ஞ்ஞேய்யோ; லோஹிதம் அபி⁴ஞ்ஞேய்யம்; ஸேதோ³ அபி⁴ஞ்ஞேய்யோ; மேதோ³ அபி⁴ஞ்ஞேய்யோ; அஸ்ஸு அபி⁴ஞ்ஞேய்யம்; வஸா அபி⁴ஞ்ஞேய்யா; கே²ளோ அபி⁴ஞ்ஞேய்யோ; ஸிங்கா⁴ணிகா அபி⁴ஞ்ஞேய்யா; லஸிகா அபி⁴ஞ்ஞேய்யா; முத்தம் அபி⁴ஞ்ஞேய்யம்; மத்த²லுங்க³ம் அபி⁴ஞ்ஞேய்யம்.

சக்கா²யதனம் அபி⁴ஞ்ஞேய்யம்; ரூபாயதனம் அபி⁴ஞ்ஞேய்யம். ஸோதாயதனம் அபி⁴ஞ்ஞேய்யம்; ஸத்³தா³யதனம் அபி⁴ஞ்ஞேய்யம். கா⁴னாயதனம் அபி⁴ஞ்ஞேய்யம்; க³ந்தா⁴யதனம் அபி⁴ஞ்ஞேய்யம். ஜிவ்ஹாயதனம் அபி⁴ஞ்ஞேய்யம்; ரஸாயதனம் அபி⁴ஞ்ஞேய்யம். காயாயதனம் அபி⁴ஞ்ஞேய்யம்; போ²ட்ட²ப்³பா³யதனம் அபி⁴ஞ்ஞேய்யம். மனாயதனம் அபி⁴ஞ்ஞேய்யம்; த⁴ம்மாயதனம் அபி⁴ஞ்ஞேய்யம்.

சக்கு²தா⁴து அபி⁴ஞ்ஞேய்யா; ரூபதா⁴து அபி⁴ஞ்ஞேய்யா; சக்கு²விஞ்ஞாணதா⁴து அபி⁴ஞ்ஞேய்யா. ஸோததா⁴து அபி⁴ஞ்ஞேய்யா; ஸத்³த³தா⁴து அபி⁴ஞ்ஞேய்யா; ஸோதவிஞ்ஞாணதா⁴து அபி⁴ஞ்ஞேய்யா. கா⁴னதா⁴து அபி⁴ஞ்ஞேய்யா; க³ந்த⁴தா⁴து அபி⁴ஞ்ஞேய்யா; கா⁴னவிஞ்ஞாணதா⁴து அபி⁴ஞ்ஞேய்யா. ஜிவ்ஹாதா⁴து அபி⁴ஞ்ஞேய்யா; ரஸதா⁴து அபி⁴ஞ்ஞேய்யா; ஜிவ்ஹாவிஞ்ஞாணதா⁴து அபி⁴ஞ்ஞேய்யா. காயதா⁴து அபி⁴ஞ்ஞேய்யா; போ²ட்ட²ப்³ப³தா⁴து அபி⁴ஞ்ஞேய்யா; காயவிஞ்ஞாணதா⁴து அபி⁴ஞ்ஞேய்யா. மனோதா⁴து அபி⁴ஞ்ஞேய்யா; த⁴ம்மதா⁴து அபி⁴ஞ்ஞேய்யா; மனோவிஞ்ஞாணதா⁴து அபி⁴ஞ்ஞேய்யா.

சக்கு²ந்த்³ரியம் அபி⁴ஞ்ஞேய்யம்; ஸோதிந்த்³ரியம் அபி⁴ஞ்ஞேய்யம்; கா⁴னிந்த்³ரியம் அபி⁴ஞ்ஞேய்யம்; ஜிவ்ஹிந்த்³ரியம் அபி⁴ஞ்ஞேய்யம்; காயிந்த்³ரியம் அபி⁴ஞ்ஞேய்யம்; மனிந்த்³ரியம் அபி⁴ஞ்ஞேய்யம்; ஜீவிதிந்த்³ரியம் அபி⁴ஞ்ஞேய்யம்; இத்தி²ந்த்³ரியம் அபி⁴ஞ்ஞேய்யம்; புரிஸிந்த்³ரியம் அபி⁴ஞ்ஞேய்யம்; ஸுகி²ந்த்³ரியம் அபி⁴ஞ்ஞேய்யம்; து³க்கி²ந்த்³ரியம் அபி⁴ஞ்ஞேய்யம்; ஸோமனஸ்ஸிந்த்³ரியம் அபி⁴ஞ்ஞேய்யம்; தோ³மனஸ்ஸிந்த்³ரியம் அபி⁴ஞ்ஞேய்யம்; உபேக்கி²ந்த்³ரியம் அபி⁴ஞ்ஞேய்யம்; ஸத்³தி⁴ந்த்³ரியம் அபி⁴ஞ்ஞேய்யம்; வீரியிந்த்³ரியம் [விரியிந்த்³ரியம் (ஸ்யா.)] அபி⁴ஞ்ஞேய்யம்; ஸதிந்த்³ரியம் அபி⁴ஞ்ஞேய்யம்; ஸமாதி⁴ந்த்³ரியம் அபி⁴ஞ்ஞேய்யம்; பஞ்ஞிந்த்³ரியம் அபி⁴ஞ்ஞேய்யம்; அனஞ்ஞாதஞ்ஞஸ்ஸாமீதிந்த்³ரியம் அபி⁴ஞ்ஞேய்யம்; அஞ்ஞிந்த்³ரியம் அபி⁴ஞ்ஞேய்யம்; அஞ்ஞாதாவிந்த்³ரியம் அபி⁴ஞ்ஞேய்யம்.

5. காமதா⁴து அபி⁴ஞ்ஞேய்யா; ரூபதா⁴து அபி⁴ஞ்ஞேய்யா; அரூபதா⁴து அபி⁴ஞ்ஞேய்யா. காமப⁴வோ அபி⁴ஞ்ஞேய்யோ; ரூபப⁴வோ அபி⁴ஞ்ஞேய்யோ; அரூபப⁴வோ அபி⁴ஞ்ஞேய்யோ. ஸஞ்ஞாப⁴வோ அபி⁴ஞ்ஞேய்யோ; அஸஞ்ஞாப⁴வோ அபி⁴ஞ்ஞேய்யோ; நேவஸஞ்ஞானாஸஞ்ஞாப⁴வோ அபி⁴ஞ்ஞேய்யோ. ஏகவோகாரப⁴வோ அபி⁴ஞ்ஞேய்யோ; சதுவோகாரப⁴வோ அபி⁴ஞ்ஞேய்யோ; பஞ்சவோகாரப⁴வோ அபி⁴ஞ்ஞேய்யோ.

6. பட²மம் ஜா²னம் [பட²மஜ்ஜா²னம் (ஸ்யா.) ஏவமீதி³ஸேஸு டா²னேஸு] அபி⁴ஞ்ஞேய்யம்; து³தியம் ஜா²னம் அபி⁴ஞ்ஞேய்யம்; ததியம் ஜா²னம் அபி⁴ஞ்ஞேய்யம்; சதுத்த²ம் ஜா²னம் அபி⁴ஞ்ஞேய்யம். மேத்தாசேதோவிமுத்தி அபி⁴ஞ்ஞேய்யா; கருணாசேதோவிமுத்தி அபி⁴ஞ்ஞேய்யா; முதி³தாசேதோவிமுத்தி அபி⁴ஞ்ஞேய்யா; உபேக்கா²சேதோவிமுத்தி அபி⁴ஞ்ஞேய்யா. ஆகாஸானஞ்சாயதனஸமாபத்தி அபி⁴ஞ்ஞேய்யா; விஞ்ஞாணஞ்சாயதனஸமாபத்தி அபி⁴ஞ்ஞேய்யா; ஆகிஞ்சஞ்ஞாயதனஸமாபத்தி அபி⁴ஞ்ஞேய்யா; நேவஸஞ்ஞானாஸஞ்ஞாயதனஸமாபத்தி அபி⁴ஞ்ஞேய்யா.

அவிஜ்ஜா அபி⁴ஞ்ஞேய்யா; ஸங்கா²ரா அபி⁴ஞ்ஞேய்யா; விஞ்ஞாணம் அபி⁴ஞ்ஞேய்யம்; நாமரூபம் அபி⁴ஞ்ஞேய்யம்; ஸளாயதனம் அபி⁴ஞ்ஞேய்யம்; ப²ஸ்ஸோ அபி⁴ஞ்ஞேய்யோ; வேத³னா அபி⁴ஞ்ஞேய்யா; தண்ஹா அபி⁴ஞ்ஞேய்யா; உபாதா³னம் அபி⁴ஞ்ஞேய்யம்; ப⁴வோ அபி⁴ஞ்ஞேய்யோ; ஜாதி அபி⁴ஞ்ஞேய்யா; ஜராமரணம் அபி⁴ஞ்ஞேய்யம்.

7. து³க்க²ம் அபி⁴ஞ்ஞேய்யம்; து³க்க²ஸமுத³யோ அபி⁴ஞ்ஞேய்யோ; து³க்க²னிரோதோ⁴ அபி⁴ஞ்ஞேய்யோ; து³க்க²னிரோத⁴கா³மினீ படிபதா³ அபி⁴ஞ்ஞேய்யா. ரூபம் அபி⁴ஞ்ஞேய்யம்; ரூபஸமுத³யோ அபி⁴ஞ்ஞேய்யோ; ரூபனிரோதோ⁴ அபி⁴ஞ்ஞேய்யோ; ரூபனிரோத⁴கா³மினீ படிபதா³ அபி⁴ஞ்ஞேய்யா. வேத³னா அபி⁴ஞ்ஞேய்யா…பே… ஸஞ்ஞா அபி⁴ஞ்ஞேய்யா…பே… ஸங்கா²ரா அபி⁴ஞ்ஞேய்யா…பே… விஞ்ஞாணம் அபி⁴ஞ்ஞேய்யம். சக்கு² அபி⁴ஞ்ஞேய்யம்…பே… ஜராமரணம் அபி⁴ஞ்ஞேய்யம்; ஜராமரணஸமுத³யோ அபி⁴ஞ்ஞேய்யோ; ஜராமரணனிரோதோ⁴ அபி⁴ஞ்ஞேய்யோ; ஜராமரணனிரோத⁴கா³மினீ படிபதா³ அபி⁴ஞ்ஞேய்யா.

து³க்க²ஸ்ஸ பரிஞ்ஞட்டோ² அபி⁴ஞ்ஞேய்யோ; து³க்க²ஸமுத³யஸ்ஸ பஹானட்டோ² அபி⁴ஞ்ஞேய்யோ; து³க்க²னிரோத⁴ஸ்ஸ ஸச்சி²கிரியட்டோ² அபி⁴ஞ்ஞேய்யோ; து³க்க²னிரோத⁴கா³மினியா படிபதா³ய பா⁴வனட்டோ² அபி⁴ஞ்ஞேய்யோ. ரூபஸ்ஸ பரிஞ்ஞட்டோ² அபி⁴ஞ்ஞேய்யோ; ரூபஸமுத³யஸ்ஸ பஹானட்டோ² அபி⁴ஞ்ஞேய்யோ; ரூபனிரோத⁴ஸ்ஸ ஸச்சி²கிரியட்டோ² அபி⁴ஞ்ஞேய்யோ; ரூபனிரோத⁴கா³மினியா படிபதா³ய பா⁴வனட்டோ² அபி⁴ஞ்ஞேய்யோ. வேத³னாய…பே… ஸஞ்ஞாய… ஸங்கா²ரானம்… விஞ்ஞாணஸ்ஸ… சக்கு²ஸ்ஸ…பே… ஜராமரணஸ்ஸ பரிஞ்ஞட்டோ² அபி⁴ஞ்ஞேய்யோ; ஜராமரணஸமுத³யஸ்ஸ பஹானட்டோ² அபி⁴ஞ்ஞேய்யோ; ஜராமரணனிரோத⁴ஸ்ஸ ஸச்சி²கிரியட்டோ² அபி⁴ஞ்ஞேய்யோ; ஜராமரணனிரோத⁴கா³மினியா படிபதா³ய பா⁴வனட்டோ² அபி⁴ஞ்ஞேய்யோ.

து³க்க²ஸ்ஸ பரிஞ்ஞாபடிவேத⁴ட்டோ² அபி⁴ஞ்ஞேய்யோ; து³க்க²ஸமுத³யஸ்ஸ பஹானபடிவேத⁴ட்டோ² அபி⁴ஞ்ஞேய்யோ; து³க்க²னிரோத⁴ஸ்ஸ ஸச்சி²கிரியாபடிவேத⁴ட்டோ² அபி⁴ஞ்ஞேய்யோ; து³க்க²னிரோத⁴கா³மினியா படிபதா³ய பா⁴வனாபடிவேத⁴ட்டோ² அபி⁴ஞ்ஞேய்யோ. ரூபஸ்ஸ பரிஞ்ஞாபடிவேத⁴ட்டோ² அபி⁴ஞ்ஞேய்யோ; ரூபஸமுத³யஸ்ஸ பஹானபடிவேத⁴ட்டோ² அபி⁴ஞ்ஞேய்யோ; ரூபனிரோத⁴ஸ்ஸ ஸச்சி²கிரியாபடிவேத⁴ட்டோ² அபி⁴ஞ்ஞேய்யோ; ரூபனிரோத⁴கா³மினியா படிபதா³ய பா⁴வனாபடிவேத⁴ட்டோ² அபி⁴ஞ்ஞேய்யோ. வேத³னாய…பே… ஸஞ்ஞாய… ஸங்கா²ரானம்… விஞ்ஞாணஸ்ஸ… சக்கு²ஸ்ஸ…பே… ஜராமரணஸ்ஸ பரிஞ்ஞாபடிவேத⁴ட்டோ² அபி⁴ஞ்ஞேய்யோ; ஜராமரணஸமுத³யஸ்ஸ பஹானபடிவேத⁴ட்டோ² அபி⁴ஞ்ஞேய்யோ; ஜராமரணனிரோத⁴ஸ்ஸ ஸச்சி²கிரியாபடிவேத⁴ட்டோ² அபி⁴ஞ்ஞேய்யோ; ஜராமரணனிரோத⁴கா³மினியா படிபதா³ய பா⁴வனாபடிவேத⁴ட்டோ² அபி⁴ஞ்ஞேய்யோ.

8. து³க்க²ம் அபி⁴ஞ்ஞேய்யம்; து³க்க²ஸமுத³யோ அபி⁴ஞ்ஞேய்யோ; து³க்க²னிரோதோ⁴ அபி⁴ஞ்ஞேய்யோ; து³க்க²ஸ்ஸ ஸமுத³யனிரோதோ⁴ அபி⁴ஞ்ஞேய்யோ; து³க்க²ஸ்ஸ ச²ந்த³ராக³னிரோதோ⁴ அபி⁴ஞ்ஞேய்யோ; து³க்க²ஸ்ஸ அஸ்ஸாதோ³ அபி⁴ஞ்ஞேய்யோ; து³க்க²ஸ்ஸ ஆதீ³னவோ அபி⁴ஞ்ஞேய்யோ; து³க்க²ஸ்ஸ நிஸ்ஸரணம் அபி⁴ஞ்ஞேய்யம். ரூபம் அபி⁴ஞ்ஞேய்யம்; ரூபஸமுத³யோ அபி⁴ஞ்ஞேய்யோ; ரூபனிரோதோ⁴ அபி⁴ஞ்ஞேய்யோ; ரூபஸ்ஸ ஸமுத³யனிரோதோ⁴ அபி⁴ஞ்ஞேய்யோ; ரூபஸ்ஸ ச²ந்த³ராக³னிரோதோ⁴ அபி⁴ஞ்ஞேய்யோ; ரூபஸ்ஸ அஸ்ஸாதோ³ அபி⁴ஞ்ஞேய்யோ; ரூபஸ்ஸ ஆதீ³னவோ அபி⁴ஞ்ஞேய்யோ; ரூபஸ்ஸ நிஸ்ஸரணம் அபி⁴ஞ்ஞேய்யம். வேத³னா அபி⁴ஞ்ஞேய்யா…பே… ஸஞ்ஞா அபி⁴ஞ்ஞேய்யா… ஸங்கா²ரா அபி⁴ஞ்ஞேய்யா… விஞ்ஞாணம் அபி⁴ஞ்ஞேய்யம்… சக்கு² அபி⁴ஞ்ஞேய்யம்…பே… ஜராமரணம் அபி⁴ஞ்ஞேய்யம்; ஜராமரணஸமுத³யோ அபி⁴ஞ்ஞேய்யோ; ஜராமரணனிரோதோ⁴ அபி⁴ஞ்ஞேய்யோ; ஜராமரணஸ்ஸ ஸமுத³யனிரோதோ⁴ அபி⁴ஞ்ஞேய்யோ; ஜராமரணஸ்ஸ ச²ந்த³ராக³னிரோதோ⁴ அபி⁴ஞ்ஞேய்யோ; ஜராமரணஸ்ஸ அஸ்ஸாதோ³ அபி⁴ஞ்ஞேய்யோ; ஜராமரணஸ்ஸ ஆதீ³னவோ அபி⁴ஞ்ஞேய்யோ; ஜராமரணஸ்ஸ நிஸ்ஸரணம் அபி⁴ஞ்ஞேய்யம்.

து³க்க²ம் அபி⁴ஞ்ஞேய்யம்; து³க்க²ஸமுத³யோ அபி⁴ஞ்ஞேய்யோ; து³க்க²னிரோதோ⁴ அபி⁴ஞ்ஞேய்யோ; து³க்க²னிரோத⁴கா³மினீ படிபதா³ அபி⁴ஞ்ஞேய்யா; து³க்க²ஸ்ஸ அஸ்ஸாதோ³ அபி⁴ஞ்ஞேய்யோ; து³க்க²ஸ்ஸ ஆதீ³னவோ அபி⁴ஞ்ஞேய்யோ; து³க்க²ஸ்ஸ நிஸ்ஸரணம் அபி⁴ஞ்ஞேய்யம். ரூபம் அபி⁴ஞ்ஞேய்யம்; ரூபஸமுத³யோ அபி⁴ஞ்ஞேய்யோ; ரூபனிரோதோ⁴ அபி⁴ஞ்ஞேய்யோ; ரூபனிரோத⁴கா³மினீ படிபதா³ அபி⁴ஞ்ஞேய்யா; ரூபஸ்ஸ அஸ்ஸாதோ³ அபி⁴ஞ்ஞேய்யோ; ரூபஸ்ஸ ஆதீ³னவோ அபி⁴ஞ்ஞேய்யோ; ரூபஸ்ஸ நிஸ்ஸரணம் அபி⁴ஞ்ஞேய்யம். வேத³னா அபி⁴ஞ்ஞேய்யா…பே… ஸஞ்ஞா அபி⁴ஞ்ஞேய்யா… ஸங்கா²ரா அபி⁴ஞ்ஞேய்யா… விஞ்ஞாணம் அபி⁴ஞ்ஞேய்யம்… சக்கு² அபி⁴ஞ்ஞேய்யம்…பே… ஜராமரணம் அபி⁴ஞ்ஞேய்யம்; ஜராமரணஸமுத³யோ அபி⁴ஞ்ஞேய்யோ; ஜராமரணனிரோதோ⁴ அபி⁴ஞ்ஞேய்யோ; ஜராமரணனிரோத⁴கா³மினீ படிபதா³ அபி⁴ஞ்ஞேய்யா; ஜராமரணஸ்ஸ அஸ்ஸாதோ³ அபி⁴ஞ்ஞேய்யோ; ஜராமரணஸ்ஸ ஆதீ³னவோ அபி⁴ஞ்ஞேய்யோ; ஜராமரணஸ்ஸ நிஸ்ஸரணம் அபி⁴ஞ்ஞேய்யம்.

9. அனிச்சானுபஸ்ஸனா அபி⁴ஞ்ஞேய்யா; து³க்கா²னுபஸ்ஸனா அபி⁴ஞ்ஞேய்யா; அனத்தானுபஸ்ஸனா அபி⁴ஞ்ஞேய்யா; நிப்³பி³தா³னுபஸ்ஸனா அபி⁴ஞ்ஞேய்யா; விராகா³னுபஸ்ஸனா அபி⁴ஞ்ஞேய்யா; நிரோதா⁴னுபஸ்ஸனா அபி⁴ஞ்ஞேய்யா; படினிஸ்ஸக்³கா³னுபஸ்ஸனா அபி⁴ஞ்ஞேய்யா. ரூபே அனிச்சானுபஸ்ஸனா அபி⁴ஞ்ஞேய்யா; ரூபே து³க்கா²னுபஸ்ஸனா அபி⁴ஞ்ஞேய்யா; ரூபே அனத்தானுபஸ்ஸனா அபி⁴ஞ்ஞேய்யா; ரூபே நிப்³பி³தா³னுபஸ்ஸனா அபி⁴ஞ்ஞேய்யா; ரூபே விராகா³னுபஸ்ஸனா அபி⁴ஞ்ஞேய்யா; ரூபே நிரோதா⁴னுபஸ்ஸனா அபி⁴ஞ்ஞேய்யா; ரூபே படினிஸ்ஸக்³கா³னுபஸ்ஸனா அபி⁴ஞ்ஞேய்யா. வேத³னாய…பே… ஸஞ்ஞாய… ஸங்கா²ரேஸு… விஞ்ஞாணே… சக்கு²ஸ்மிம்…பே… ஜராமரணே அனிச்சானுபஸ்ஸனா அபி⁴ஞ்ஞேய்யா; ஜராமரணே து³க்கா²னுபஸ்ஸனா அபி⁴ஞ்ஞேய்யா; ஜராமரணே அனத்தானுபஸ்ஸனா அபி⁴ஞ்ஞேய்யா; ஜராமரணே நிப்³பி³தா³னுபஸ்ஸனா அபி⁴ஞ்ஞேய்யா; ஜராமரணே விராகா³னுபஸ்ஸனா அபி⁴ஞ்ஞேய்யா; ஜராமரணே நிரோதா⁴னுபஸ்ஸனா அபி⁴ஞ்ஞேய்யா; ஜராமரணே படினிஸ்ஸக்³கா³னுபஸ்ஸனா அபி⁴ஞ்ஞேய்யா.

10. உப்பாதோ³ அபி⁴ஞ்ஞேய்யோ; பவத்தம் அபி⁴ஞ்ஞேய்யம்; நிமித்தம் அபி⁴ஞ்ஞேய்யம்; ஆயூஹனா [ஆயுஹனா (ஸ்யா.) ஏவமுபரிபி] அபி⁴ஞ்ஞேய்யா; படிஸந்தி⁴ அபி⁴ஞ்ஞேய்யா; க³தி அபி⁴ஞ்ஞேய்யா; நிப்³ப³த்தி அபி⁴ஞ்ஞேய்யா; உபபத்தி அபி⁴ஞ்ஞேய்யா; ஜாதி அபி⁴ஞ்ஞேய்யா; ஜரா அபி⁴ஞ்ஞேய்யா; ப்³யாதி⁴ அபி⁴ஞ்ஞேய்யோ, மரணம் அபி⁴ஞ்ஞேய்யம்; ஸோகோ அபி⁴ஞ்ஞேய்யோ; பரிதே³வோ அபி⁴ஞ்ஞேய்யோ; உபாயாஸோ அபி⁴ஞ்ஞேய்யோ.

அனுப்பாதோ³ அபி⁴ஞ்ஞேய்யோ; அப்பவத்தம் அபி⁴ஞ்ஞேய்யம்; அனிமித்தம் அபி⁴ஞ்ஞேய்யம்; அனாயூஹனா [அனாயுஹனா (ஸ்யா.) ஏவமுபரிபி] அபி⁴ஞ்ஞேய்யா; அப்படிஸந்தி⁴ அபி⁴ஞ்ஞேய்யா; அக³தி அபி⁴ஞ்ஞேய்யா; அனிப்³ப³த்தி அபி⁴ஞ்ஞேய்யா; அனுபபத்தி அபி⁴ஞ்ஞேய்யா; அஜாதி அபி⁴ஞ்ஞேய்யா; அஜரா அபி⁴ஞ்ஞேய்யா; அப்³யாதி⁴ அபி⁴ஞ்ஞேய்யோ; அமதம் அபி⁴ஞ்ஞேய்யம்; அஸோகோ அபி⁴ஞ்ஞேய்யோ; அபரிதே³வோ அபி⁴ஞ்ஞேய்யோ; அனுபாயாஸோ அபி⁴ஞ்ஞேய்யோ.

உப்பாதோ³ அபி⁴ஞ்ஞேய்யோ; அனுப்பாதோ³ அபி⁴ஞ்ஞேய்யோ; பவத்தம் அபி⁴ஞ்ஞேய்யம்; அப்பவத்தம் அபி⁴ஞ்ஞேய்யம். நிமித்தம் அபி⁴ஞ்ஞேய்யம்; அனிமித்தம் அபி⁴ஞ்ஞேய்யம். ஆயூஹனா அபி⁴ஞ்ஞேய்யா; அனாயூஹனா அபி⁴ஞ்ஞேய்யா. படிஸந்தி⁴ அபி⁴ஞ்ஞேய்யா; அப்படிஸந்தி⁴ அபி⁴ஞ்ஞேய்யா. க³தி அபி⁴ஞ்ஞேய்யா; அக³தி அபி⁴ஞ்ஞேய்யா. நிப்³ப³த்தி அபி⁴ஞ்ஞேய்யா; அனிப்³ப³த்தி அபி⁴ஞ்ஞேய்யா. உபபத்தி அபி⁴ஞ்ஞேய்யா; அனுபபத்தி அபி⁴ஞ்ஞேய்யா. ஜாதி அபி⁴ஞ்ஞேய்யா; அஜாதி அபி⁴ஞ்ஞேய்யா. ஜரா அபி⁴ஞ்ஞேய்யா; அஜரா அபி⁴ஞ்ஞேய்யா. ப்³யாதி⁴ அபி⁴ஞ்ஞேய்யோ; அப்³யாதி⁴ அபி⁴ஞ்ஞேய்யோ. மரணம் அபி⁴ஞ்ஞேய்யம்; அமதம் அபி⁴ஞ்ஞேய்யம். ஸோகோ அபி⁴ஞ்ஞேய்யோ; அஸோகோ அபி⁴ஞ்ஞேய்யோ. பரிதே³வோ அபி⁴ஞ்ஞேய்யோ; அபரிதே³வோ அபி⁴ஞ்ஞேய்யோ. உபாயாஸோ அபி⁴ஞ்ஞேய்யோ; அனுபாயாஸோ அபி⁴ஞ்ஞேய்யோ.

உப்பாதோ³ து³க்க²ந்தி அபி⁴ஞ்ஞேய்யம். பவத்தம் து³க்க²ந்தி அபி⁴ஞ்ஞேய்யம். நிமித்தம் து³க்க²ந்தி அபி⁴ஞ்ஞேய்யம். ஆயூஹனா து³க்க²ந்தி அபி⁴ஞ்ஞேய்யம். படிஸந்தி⁴ து³க்க²ந்தி அபி⁴ஞ்ஞேய்யம். க³தி து³க்க²ந்தி அபி⁴ஞ்ஞேய்யம். நிப்³ப³த்தி து³க்க²ந்தி அபி⁴ஞ்ஞேய்யம். உபபத்தி து³க்க²ந்தி அபி⁴ஞ்ஞேய்யம். ஜாதி து³க்க²ந்தி அபி⁴ஞ்ஞேய்யம். ஜரா து³க்க²ந்தி அபி⁴ஞ்ஞேய்யம். ப்³யாதி⁴ து³க்க²ந்தி அபி⁴ஞ்ஞேய்யம். மரணம் து³க்க²ந்தி அபி⁴ஞ்ஞேய்யம். ஸோகோ து³க்க²ந்தி அபி⁴ஞ்ஞேய்யம். பரிதே³வோ து³க்க²ந்தி அபி⁴ஞ்ஞேய்யம். உபாயாஸோ து³க்க²ந்தி அபி⁴ஞ்ஞேய்யம்.

அனுப்பாதோ³ ஸுக²ந்தி அபி⁴ஞ்ஞேய்யம். அப்பவத்தம் ஸுக²ந்தி அபி⁴ஞ்ஞேய்யம். அனிமித்தம் ஸுக²ந்தி அபி⁴ஞ்ஞேய்யம். அனாயூஹனா ஸுக²ந்தி அபி⁴ஞ்ஞேய்யம். அப்படிஸந்தி⁴ ஸுக²ந்தி அபி⁴ஞ்ஞேய்யம். அக³தி ஸுக²ந்தி அபி⁴ஞ்ஞேய்யம். அனிப்³ப³த்தி ஸுக²ந்தி அபி⁴ஞ்ஞேய்யம். அனுபபத்தி ஸுக²ந்தி அபி⁴ஞ்ஞேய்யம். அஜாதி ஸுக²ந்தி அபி⁴ஞ்ஞேய்யம். அஜரா ஸுக²ந்தி அபி⁴ஞ்ஞேய்யம். அப்³யாதி⁴ ஸுக²ந்தி அபி⁴ஞ்ஞேய்யம். அமதம் ஸுக²ந்தி அபி⁴ஞ்ஞேய்யம். அஸோகோ ஸுக²ந்தி அபி⁴ஞ்ஞேய்யம். அபரிதே³வோ ஸுக²ந்தி அபி⁴ஞ்ஞேய்யம். அனுபாயாஸோ ஸுக²ந்தி அபி⁴ஞ்ஞேய்யம்.

உப்பாதோ³ து³க்க²ம், அனுப்பாதோ³ ஸுக²ந்தி அபி⁴ஞ்ஞேய்யம். பவத்தம் து³க்க²ம், அப்பவத்தம் ஸுக²ந்தி அபி⁴ஞ்ஞேய்யம். நிமித்தம் து³க்க²ம், அனிமித்தம் ஸுக²ந்தி அபி⁴ஞ்ஞேய்யம். ஆயூஹனா து³க்க²ம், அனாயூஹனா ஸுக²ந்தி அபி⁴ஞ்ஞேய்யம். படிஸந்தி⁴ து³க்க²ம், அப்படிஸந்தி⁴ ஸுக²ந்தி அபி⁴ஞ்ஞேய்யம். க³தி து³க்க²ம், அக³தி ஸுக²ந்தி அபி⁴ஞ்ஞேய்யம். நிப்³ப³த்தி து³க்க²ம், அனிப்³ப³த்தி ஸுக²ந்தி அபி⁴ஞ்ஞேய்யம். உபபத்தி து³க்க²ம், அனுபபத்தி ஸுக²ந்தி அபி⁴ஞ்ஞேய்யம். ஜாதி து³க்க²ம், அஜாதி ஸுக²ந்தி அபி⁴ஞ்ஞேய்யம். ஜரா து³க்க²ம், அஜரா ஸுக²ந்தி அபி⁴ஞ்ஞேய்யம். ப்³யாதி⁴ து³க்க²ம், அப்³யாதி⁴ ஸுக²ந்தி அபி⁴ஞ்ஞேய்யம். மரணம் து³க்க²ம், அமதம் ஸுக²ந்தி அபி⁴ஞ்ஞேய்யம். ஸோகோ து³க்க²ம், அஸோகோ ஸுக²ந்தி அபி⁴ஞ்ஞேய்யம். பரிதே³வோ து³க்க²ம், அபரிதே³வோ ஸுக²ந்தி அபி⁴ஞ்ஞேய்யம். உபாயாஸோ து³க்க²ம், அனுபாயாஸோ ஸுக²ந்தி அபி⁴ஞ்ஞேய்யம்.

உப்பாதோ³ ப⁴யந்தி அபி⁴ஞ்ஞேய்யம். பவத்தம் ப⁴யந்தி அபி⁴ஞ்ஞேய்யம். நிமித்தம் ப⁴யந்தி அபி⁴ஞ்ஞேய்யம். ஆயூஹனா ப⁴யந்தி அபி⁴ஞ்ஞேய்யம். படிஸந்தி⁴ ப⁴யந்தி அபி⁴ஞ்ஞேய்யம். க³தி ப⁴யந்தி அபி⁴ஞ்ஞேய்யம். நிப்³ப³த்தி ப⁴யந்தி அபி⁴ஞ்ஞேய்யம். உபபத்தி ப⁴யந்தி அபி⁴ஞ்ஞேய்யம். ஜாதி ப⁴யந்தி அபி⁴ஞ்ஞேய்யம். ஜரா ப⁴யந்தி அபி⁴ஞ்ஞேய்யம். ப்³யாதி⁴ ப⁴யந்தி அபி⁴ஞ்ஞேய்யம். மரணம் ப⁴யந்தி அபி⁴ஞ்ஞேய்யம். ஸோகோ ப⁴யந்தி அபி⁴ஞ்ஞேய்யம். பரிதே³வோ ப⁴யந்தி அபி⁴ஞ்ஞேய்யம். உபாயாஸோ ப⁴யந்தி அபி⁴ஞ்ஞேய்யம்.

அனுப்பாதோ³ கே²மந்தி அபி⁴ஞ்ஞேய்யம். அப்பவத்தம் கே²மந்தி அபி⁴ஞ்ஞேய்யம். அனிமித்தம் கே²மந்தி அபி⁴ஞ்ஞேய்யம். அனாயூஹனா கே²மந்தி அபி⁴ஞ்ஞேய்யம். அப்படிஸந்தி⁴ கே²மந்தி அபி⁴ஞ்ஞேய்யம். அக³தி கே²மந்தி அபி⁴ஞ்ஞேய்யம். அனிப்³ப³த்தி கே²மந்தி அபி⁴ஞ்ஞேய்யம். அனுபபத்தி கே²மந்தி அபி⁴ஞ்ஞேய்யம். அஜாதி கே²மந்தி அபி⁴ஞ்ஞேய்யம். அஜரா கே²மந்தி அபி⁴ஞ்ஞேய்யம். அப்³யாதி⁴ கே²மந்தி அபி⁴ஞ்ஞேய்யம். அமதம் கே²மந்தி அபி⁴ஞ்ஞேய்யம். அஸோகோ கே²மந்தி அபி⁴ஞ்ஞேய்யம். அபரிதே³வோ கே²மந்தி அபி⁴ஞ்ஞேய்யம். அனுபாயாஸோ கே²மந்தி அபி⁴ஞ்ஞேய்யம்.

உப்பாதோ³ ப⁴யம், அனுப்பாதோ³ கே²மந்தி அபி⁴ஞ்ஞேய்யம். பவத்தம் ப⁴யம், அப்பவத்தம் கே²மந்தி அபி⁴ஞ்ஞேய்யம். நிமித்தம் ப⁴யம், அனிமித்தம் கே²மந்தி அபி⁴ஞ்ஞேய்யம். ஆயூஹனா ப⁴யம், அனாயூஹனா கே²மந்தி அபி⁴ஞ்ஞேய்யம். படிஸந்தி⁴ ப⁴யம், அப்படிஸந்தி⁴ கே²மந்தி அபி⁴ஞ்ஞேய்யம். க³தி ப⁴யம், அக³தி கே²மந்தி அபி⁴ஞ்ஞேய்யம். நிப்³ப³த்தி ப⁴யம், அனிப்³ப³த்தி கே²மந்தி அபி⁴ஞ்ஞேய்யம். உபபத்தி ப⁴யம், அனுபபத்தி கே²மந்தி அபி⁴ஞ்ஞேய்யம். ஜாதி ப⁴யம், அஜாதி கே²மந்தி அபி⁴ஞ்ஞேய்யம். ஜரா ப⁴யம், அஜரா கே²மந்தி அபி⁴ஞ்ஞேய்யம். ப்³யாதி⁴ ப⁴யம், அப்³யாதி⁴ கே²மந்தி அபி⁴ஞ்ஞேய்யம். மரணம் ப⁴யம், அமதம் கே²மந்தி அபி⁴ஞ்ஞேய்யம். ஸோகோ ப⁴யம், அஸோகோ கே²மந்தி அபி⁴ஞ்ஞேய்யம். பரிதே³வோ ப⁴யம், அபரிதே³வோ கே²மந்தி அபி⁴ஞ்ஞேய்யம். உபாயாஸோ ப⁴யம், அனுபாயாஸோ கே²மந்தி அபி⁴ஞ்ஞேய்யம்.

உப்பாதோ³ ஸாமிஸந்தி அபி⁴ஞ்ஞேய்யம். பவத்தம் ஸாமிஸந்தி அபி⁴ஞ்ஞேய்யம். நிமித்தம் ஸாமிஸந்தி அபி⁴ஞ்ஞேய்யம். ஆயூஹனா ஸாமிஸந்தி அபி⁴ஞ்ஞேய்யம். படிஸந்தி⁴ ஸாமிஸந்தி அபி⁴ஞ்ஞேய்யம். க³தி ஸாமிஸந்தி அபி⁴ஞ்ஞேய்யம். நிப்³ப³த்தி ஸாமிஸந்தி அபி⁴ஞ்ஞேய்யம். உபபத்தி ஸாமிஸந்தி அபி⁴ஞ்ஞேய்யம். ஜாதி ஸாமிஸந்தி அபி⁴ஞ்ஞேய்யம். ஜரா ஸாமிஸந்தி அபி⁴ஞ்ஞேய்யம். ப்³யாதி⁴ ஸாமிஸந்தி அபி⁴ஞ்ஞேய்யம். மரணம் ஸாமிஸந்தி அபி⁴ஞ்ஞேய்யம். ஸோகோ ஸாமிஸந்தி அபி⁴ஞ்ஞேய்யம். பரிதே³வோ ஸாமிஸந்தி அபி⁴ஞ்ஞேய்யம். உபாயாஸோ ஸாமிஸந்தி அபி⁴ஞ்ஞேய்யம்.

அனுப்பாதோ³ நிராமிஸந்தி அபி⁴ஞ்ஞேய்யம். அப்பவத்தம் நிராமிஸந்தி அபி⁴ஞ்ஞேய்யம். அனிமித்தம் நிராமிஸந்தி அபி⁴ஞ்ஞேய்யம். அனாயூஹனா நிராமிஸந்தி அபி⁴ஞ்ஞேய்யம். அப்படிஸந்தி⁴ நிராமிஸந்தி அபி⁴ஞ்ஞேய்யம். அக³தி நிராமிஸந்தி அபி⁴ஞ்ஞேய்யம். அனிப்³ப³த்தி நிராமிஸந்தி அபி⁴ஞ்ஞேய்யம். அனுபபத்தி நிராமிஸந்தி அபி⁴ஞ்ஞேய்யம். அஜாதி நிராமிஸந்தி அபி⁴ஞ்ஞேய்யம். அஜரா நிராமிஸந்தி அபி⁴ஞ்ஞேய்யம். அப்³யாதி⁴ நிராமிஸந்தி அபி⁴ஞ்ஞேய்யம். அமதம் நிராமிஸந்தி அபி⁴ஞ்ஞேய்யம். அஸோகோ நிராமிஸந்தி அபி⁴ஞ்ஞேய்யம். அபரிதே³வோ நிராமிஸந்தி அபி⁴ஞ்ஞேய்யம். அனுபாயாஸோ நிராமிஸந்தி அபி⁴ஞ்ஞேய்யம்.

உப்பாதோ³ ஸாமிஸம், அனுப்பாதோ³ நிராமிஸந்தி அபி⁴ஞ்ஞேய்யம். பவத்தம் ஸாமிஸம், அப்பவத்தம் நிராமிஸந்தி அபி⁴ஞ்ஞேய்யம். நிமித்தம் ஸாமிஸம், அனிமித்தம் நிராமிஸந்தி அபி⁴ஞ்ஞேய்யம். ஆயூஹனா ஸாமிஸம், அனாயூஹனா நிராமிஸந்தி அபி⁴ஞ்ஞேய்யம். படிஸந்தி⁴ ஸாமிஸம், அப்படிஸந்தி⁴ நிராமிஸந்தி அபி⁴ஞ்ஞேய்யம். க³தி ஸாமிஸம், அக³தி நிராமிஸந்தி அபி⁴ஞ்ஞேய்யம். நிப்³ப³த்தி ஸாமிஸம், அனிப்³ப³த்தி நிராமிஸந்தி அபி⁴ஞ்ஞேய்யம். உபபத்தி ஸாமிஸம், அனுபபத்தி நிராமிஸந்தி அபி⁴ஞ்ஞேய்யம். ஜாதி ஸாமிஸம், அஜாதி நிராமிஸந்தி அபி⁴ஞ்ஞேய்யம். ஜரா ஸாமிஸம், அஜரா நிராமிஸந்தி அபி⁴ஞ்ஞேய்யம். ப்³யாதி⁴ ஸாமிஸம், அப்³யாதி⁴ நிராமிஸந்தி அபி⁴ஞ்ஞேய்யம். மரணம் ஸாமிஸம், அமதம் நிராமிஸந்தி அபி⁴ஞ்ஞேய்யம். ஸோகோ ஸாமிஸம், அஸோகோ நிராமிஸந்தி அபி⁴ஞ்ஞேய்யம். பரிதே³வோ ஸாமிஸம், அபரிதே³வோ நிராமிஸந்தி அபி⁴ஞ்ஞேய்யம். உபாயாஸோ ஸாமிஸம், அனுபாயாஸோ நிராமிஸந்தி அபி⁴ஞ்ஞேய்யம்.

உப்பாதோ³ ஸங்கா²ராதி அபி⁴ஞ்ஞேய்யம். பவத்தம் ஸங்கா²ராதி அபி⁴ஞ்ஞேய்யம். நிமித்தம் ஸங்கா²ராதி அபி⁴ஞ்ஞேய்யம். ஆயூஹனா ஸங்கா²ராதி அபி⁴ஞ்ஞேய்யம். படிஸந்தி⁴ ஸங்கா²ராதி அபி⁴ஞ்ஞேய்யம். க³தி ஸங்கா²ராதி அபி⁴ஞ்ஞேய்யம். நிப்³ப³த்தி ஸங்கா²ராதி அபி⁴ஞ்ஞேய்யம். உபபத்தி ஸங்கா²ராதி அபி⁴ஞ்ஞேய்யம். ஜாதி ஸங்கா²ராதி அபி⁴ஞ்ஞேய்யம். ஜரா ஸங்கா²ராதி அபி⁴ஞ்ஞேய்யம். ப்³யாதி⁴ ஸங்கா²ராதி அபி⁴ஞ்ஞேய்யம். மரணம் ஸங்கா²ராதி அபி⁴ஞ்ஞேய்யம். ஸோகோ ஸங்கா²ராதி அபி⁴ஞ்ஞேய்யம். பரிதே³வோ ஸங்கா²ராதி அபி⁴ஞ்ஞேய்யம். உபாயாஸோ ஸங்கா²ராதி அபி⁴ஞ்ஞேய்யம்.

அனுப்பாதோ³ நிப்³பா³னந்தி அபி⁴ஞ்ஞேய்யம். அப்பவத்தம் நிப்³பா³னந்தி அபி⁴ஞ்ஞேய்யம். அனிமித்தம் நிப்³பா³னந்தி அபி⁴ஞ்ஞேய்யம். அனாயூஹனா நிப்³பா³னந்தி அபி⁴ஞ்ஞேய்யம். அப்படிஸந்தி⁴ நிப்³பா³னந்தி அபி⁴ஞ்ஞேய்யம். அக³தி நிப்³பா³னந்தி அபி⁴ஞ்ஞேய்யம். அனிப்³ப³த்தி நிப்³பா³னந்தி அபி⁴ஞ்ஞேய்யம். அனுபபத்தி நிப்³பா³னந்தி அபி⁴ஞ்ஞேய்யம். அஜாதி நிப்³பா³னந்தி அபி⁴ஞ்ஞேய்யம். அஜரம் நிப்³பா³னந்தி அபி⁴ஞ்ஞேய்யம். அப்³யாதி⁴ நிப்³பா³னந்தி அபி⁴ஞ்ஞேய்யம். அமதம் நிப்³பா³னந்தி அபி⁴ஞ்ஞேய்யம். அஸோகோ நிப்³பா³னந்தி அபி⁴ஞ்ஞேய்யம். அபரிதே³வோ நிப்³பா³னந்தி அபி⁴ஞ்ஞேய்யம். அனுபாயாஸோ நிப்³பா³னந்தி அபி⁴ஞ்ஞேய்யம்.

உப்பாதோ³ ஸங்கா²ரா, அனுப்பாதோ³ நிப்³பா³னந்தி அபி⁴ஞ்ஞேய்யம். பவத்தம் ஸங்கா²ரா, அப்பவத்தம் நிப்³பா³னந்தி அபி⁴ஞ்ஞேய்யம். நிமித்தம் ஸங்கா²ரா, அனிமித்தம் நிப்³பா³னந்தி அபி⁴ஞ்ஞேய்யம். ஆயூஹனா ஸங்கா²ரா, அனாயூஹனா நிப்³பா³னந்தி அபி⁴ஞ்ஞேய்யம். படிஸந்தி⁴ ஸங்கா²ரா, அப்படிஸந்தி⁴ நிப்³பா³னந்தி அபி⁴ஞ்ஞேய்யம். க³தி ஸங்கா²ரா, அக³தி நிப்³பா³னந்தி அபி⁴ஞ்ஞேய்யம். நிப்³ப³த்தி ஸங்கா²ரா, அனிப்³ப³த்தி நிப்³பா³னந்தி அபி⁴ஞ்ஞேய்யம். உபபத்தி ஸங்கா²ரா, அனுபபத்தி நிப்³பா³னந்தி அபி⁴ஞ்ஞேய்யம். ஜாதி ஸங்கா²ரா, அஜாதி நிப்³பா³னந்தி அபி⁴ஞ்ஞேய்யம். ஜரா ஸங்கா²ரா, அஜரா நிப்³பா³னந்தி அபி⁴ஞ்ஞேய்யம். ப்³யாதி⁴ ஸங்கா²ரா, அப்³யாதி⁴ நிப்³பா³ன’’ந்தி அபி⁴ஞ்ஞேய்யம். மரணம் ஸங்கா²ரா, அமதம் நிப்³பா³னந்தி அபி⁴ஞ்ஞேய்யம். ஸோகோ ஸங்கா²ரா, அஸோகோ நிப்³பா³னந்தி அபி⁴ஞ்ஞேய்யம். பரிதே³வோ ஸங்கா²ரா, அபரிதே³வோ நிப்³பா³னந்தி அபி⁴ஞ்ஞேய்யம். உபாயாஸோ ஸங்கா²ரா, அனுபாயாஸோ நிப்³பா³னந்தி அபி⁴ஞ்ஞேய்யம்.

பட²மபா⁴ணவாரோ.

11. பரிக்³க³ஹட்டோ² அபி⁴ஞ்ஞேய்யோ; பரிவாரட்டோ² அபி⁴ஞ்ஞேய்யோ; பரிபூரட்டோ² [பரிபூரணட்டோ² (க.), பரிபூரிட்டோ² (ஸீ. அட்ட².)] அபி⁴ஞ்ஞேய்யோ; ஏகக்³க³ட்டோ² அபி⁴ஞ்ஞேய்யோ; அவிக்கே²பட்டோ² அபி⁴ஞ்ஞேய்யோ; பக்³க³ஹட்டோ² அபி⁴ஞ்ஞேய்யோ; அவிஸாரட்டோ² அபி⁴ஞ்ஞேய்யோ; அனாவிலட்டோ² அபி⁴ஞ்ஞேய்யோ; அனிஞ்ஜனட்டோ² அபி⁴ஞ்ஞேய்யோ; ஏகத்துபட்டா²னவஸேன சித்தஸ்ஸ டி²தட்டோ² அபி⁴ஞ்ஞேய்யோ; ஆரம்மணட்டோ² அபி⁴ஞ்ஞேய்யோ; கோ³சரட்டோ² அபி⁴ஞ்ஞேய்யோ; பஹானட்டோ² அபி⁴ஞ்ஞேய்யோ; பரிச்சாக³ட்டோ² அபி⁴ஞ்ஞேய்யோ; வுட்டா²னட்டோ² அபி⁴ஞ்ஞேய்யோ; விவட்டனட்டோ² [நிவத்தனட்டோ² (க.)] அபி⁴ஞ்ஞேய்யோ; ஸந்தட்டோ² அபி⁴ஞ்ஞேய்யோ; பணீதட்டோ² அபி⁴ஞ்ஞேய்யோ; விமுத்தட்டோ² அபி⁴ஞ்ஞேய்யோ; அனாஸவட்டோ² அபி⁴ஞ்ஞேய்யோ; தரணட்டோ² அபி⁴ஞ்ஞேய்யோ; அனிமித்தட்டோ² அபி⁴ஞ்ஞேய்யோ; அப்பணிஹிதட்டோ² அபி⁴ஞ்ஞேய்யோ; ஸுஞ்ஞதட்டோ² அபி⁴ஞ்ஞேய்யோ; ஏகரஸட்டோ² அபி⁴ஞ்ஞேய்யோ; அனதிவத்தனட்டோ² அபி⁴ஞ்ஞேய்யோ; யுக³னத்³த⁴ட்டோ² [யுக³னந்த⁴னட்டோ² (க.)] அபி⁴ஞ்ஞேய்யோ; நிய்யானட்டோ² அபி⁴ஞ்ஞேய்யோ; ஹேதுட்டோ² [ஹேதட்டோ² (ஸ்யா.)] அபி⁴ஞ்ஞேய்யோ; த³ஸ்ஸனட்டோ² அபி⁴ஞ்ஞேய்யோ; ஆதி⁴பதேய்யட்டோ² அபி⁴ஞ்ஞேய்யோ.

12. ஸமத²ஸ்ஸ அவிக்கே²பட்டோ² அபி⁴ஞ்ஞேய்யோ; விபஸ்ஸனாய அனுபஸ்ஸனட்டோ² அபி⁴ஞ்ஞேய்யோ; ஸமத²விபஸ்ஸனானம் ஏகரஸட்டோ² அபி⁴ஞ்ஞேய்யோ; யுக³னத்³த⁴ஸ்ஸ அனதிவத்தனட்டோ² அபி⁴ஞ்ஞேய்யோ; ஸிக்கா²ய ஸமாதா³னட்டோ² அபி⁴ஞ்ஞேய்யோ; ஆரம்மணஸ்ஸ கோ³சரட்டோ² அபி⁴ஞ்ஞேய்யோ; லீனஸ்ஸ சித்தஸ்ஸ பக்³க³ஹட்டோ² அபி⁴ஞ்ஞேய்யோ; உத்³த⁴தஸ்ஸ சித்தஸ்ஸ நிக்³க³ஹட்டோ² அபி⁴ஞ்ஞேய்யோ; உபோ⁴விஸுத்³தா⁴னம் அஜ்ஜு²பேக்க²னட்டோ² அபி⁴ஞ்ஞேய்யோ; விஸேஸாதி⁴க³மட்டோ² அபி⁴ஞ்ஞேய்யோ; உத்தரி படிவேத⁴ட்டோ² அபி⁴ஞ்ஞேய்யோ; ஸச்சாபி⁴ஸமயட்டோ² அபி⁴ஞ்ஞேய்யோ; நிரோதே⁴ பதிட்டா²பகட்டோ² அபி⁴ஞ்ஞேய்யோ.

ஸத்³தி⁴ந்த்³ரியஸ்ஸ அதி⁴மோக்க²ட்டோ² அபி⁴ஞ்ஞேய்யோ; வீரியிந்த்³ரியஸ்ஸ பக்³க³ஹட்டோ² அபி⁴ஞ்ஞேய்யோ; ஸதிந்த்³ரியஸ்ஸ உபட்டா²னட்டோ² அபி⁴ஞ்ஞேய்யோ; ஸமாதி⁴ந்த்³ரியஸ்ஸ அவிக்கே²பட்டோ² அபி⁴ஞ்ஞேய்யோ; பஞ்ஞிந்த்³ரியஸ்ஸ த³ஸ்ஸனட்டோ² அபி⁴ஞ்ஞேய்யோ.

ஸத்³தா⁴ப³லஸ்ஸ அஸ்ஸத்³தி⁴யே அகம்பியட்டோ² அபி⁴ஞ்ஞேய்யோ; வீரியப³லஸ்ஸ கோஸஜ்ஜே அகம்பியட்டோ² அபி⁴ஞ்ஞேய்யோ; ஸதிப³லஸ்ஸ பமாதே³ அகம்பியட்டோ² அபி⁴ஞ்ஞேய்யோ; ஸமாதி⁴ப³லஸ்ஸ உத்³த⁴ச்சே அகம்பியட்டோ² அபி⁴ஞ்ஞேய்யோ; பஞ்ஞாப³லஸ்ஸ அவிஜ்ஜாய அகம்பியட்டோ² அபி⁴ஞ்ஞேய்யோ.

ஸதிஸம்போ³ஜ்ஜ²ங்க³ஸ்ஸ உபட்டா²னட்டோ² அபி⁴ஞ்ஞேய்யோ; த⁴ம்மவிசயஸம்போ³ஜ்ஜ²ங்க³ஸ்ஸ பவிசயட்டோ² அபி⁴ஞ்ஞேய்யோ; வீரியஸம்போ³ஜ்ஜ²ங்க³ஸ்ஸ பக்³க³ஹட்டோ² அபி⁴ஞ்ஞேய்யோ; பீதிஸம்போ³ஜ்ஜ²ங்க³ஸ்ஸ ப²ரணட்டோ² அபி⁴ஞ்ஞேய்யோ; பஸ்ஸத்³தி⁴ஸம்போ³ஜ்ஜ²ங்க³ஸ்ஸ உபஸமட்டோ² அபி⁴ஞ்ஞேய்யோ; ஸமாதி⁴ஸம்போ³ஜ்ஜ²ங்க³ஸ்ஸ அவிக்கே²பட்டோ² அபி⁴ஞ்ஞேய்யோ; உபேக்கா²ஸம்போ³ஜ்ஜ²ங்க³ஸ்ஸ படிஸங்கா²னட்டோ² அபி⁴ஞ்ஞேய்யோ.

ஸம்மாதி³ட்டி²யா த³ஸ்ஸனட்டோ² அபி⁴ஞ்ஞேய்யோ; ஸம்மாஸங்கப்பஸ்ஸ அபி⁴னிரோபனட்டோ² அபி⁴ஞ்ஞேய்யோ; ஸம்மாவாசாய பரிக்³க³ஹட்டோ² அபி⁴ஞ்ஞேய்யோ; ஸம்மாகம்மந்தஸ்ஸ ஸமுட்டா²னட்டோ² அபி⁴ஞ்ஞேய்யோ; ஸம்மாஆஜீவஸ்ஸ வோதா³னட்டோ² அபி⁴ஞ்ஞேய்யோ; ஸம்மாவாயாமஸ்ஸ பக்³க³ஹட்டோ² அபி⁴ஞ்ஞேய்யோ; ஸம்மாஸதியா உபட்டா²னட்டோ² அபி⁴ஞ்ஞேய்யோ; ஸம்மாஸமாதி⁴ஸ்ஸ அவிக்கே²பட்டோ² அபி⁴ஞ்ஞேய்யோ.

13. இந்த்³ரியானம் ஆதி⁴பதேய்யட்டோ² அபி⁴ஞ்ஞேய்யோ; ப³லானம் அகம்பியட்டோ² அபி⁴ஞ்ஞேய்யோ; போ³ஜ்ஜ²ங்கா³னம் நிய்யானட்டோ² அபி⁴ஞ்ஞேய்யோ; மக்³க³ஸ்ஸ ஹேதுட்டோ² அபி⁴ஞ்ஞேய்யோ; ஸதிபட்டா²னானம் உபட்டா²னட்டோ² அபி⁴ஞ்ஞேய்யோ; ஸம்மப்பதா⁴னானம் பத³ஹனட்டோ² அபி⁴ஞ்ஞேய்யோ; இத்³தி⁴பாதா³னம் இஜ்ஜ²னட்டோ² அபி⁴ஞ்ஞேய்யோ; ஸச்சானம் தத²ட்டோ² அபி⁴ஞ்ஞேய்யோ; பயோகா³னம் [மக்³கா³னம் (ஸப்³ப³த்த²) அட்ட²கதா² பஸ்ஸிதப்³பா³] படிப்பஸ்ஸத்³த⁴ட்டோ² அபி⁴ஞ்ஞேய்யோ; ப²லானம் ஸச்சி²கிரியட்டோ² அபி⁴ஞ்ஞேய்யோ.

விதக்கஸ்ஸ அபி⁴னிரோபனட்டோ² அபி⁴ஞ்ஞேய்யோ; விசாரஸ்ஸ உபவிசாரட்டோ² அபி⁴ஞ்ஞேய்யோ; பீதியா ப²ரணட்டோ² அபி⁴ஞ்ஞேய்யோ; ஸுக²ஸ்ஸ அபி⁴ஸந்த³னட்டோ² அபி⁴ஞ்ஞேய்யோ. சித்தஸ்ஸ ஏகக்³க³ட்டோ² அபி⁴ஞ்ஞேய்யோ. ஆவஜ்ஜனட்டோ² அபி⁴ஞ்ஞேய்யோ; விஜானனட்டோ² அபி⁴ஞ்ஞேய்யோ; பஜானனட்டோ² அபி⁴ஞ்ஞேய்யோ; ஸஞ்ஜானனட்டோ² அபி⁴ஞ்ஞேய்யோ; ஏகோத³ட்டோ² அபி⁴ஞ்ஞேய்யோ. அபி⁴ஞ்ஞாய ஞாதட்டோ² அபி⁴ஞ்ஞேய்யோ; பரிஞ்ஞாய தீரணட்டோ² அபி⁴ஞ்ஞேய்யோ; பஹானஸ்ஸ பரிச்சாக³ட்டோ² அபி⁴ஞ்ஞேய்யோ; பா⁴வனாய ஏகரஸட்டோ² அபி⁴ஞ்ஞேய்யோ; ஸச்சி²கிரியாய ப²ஸ்ஸனட்டோ² அபி⁴ஞ்ஞேய்யோ; க²ந்தா⁴னம் க²ந்த⁴ட்டோ² அபி⁴ஞ்ஞேய்யோ; தா⁴தூனம் தா⁴துட்டோ² [தா⁴தட்டோ² (ஸ்யா.)] அபி⁴ஞ்ஞேய்யோ; ஆயதனானம் ஆயதனட்டோ² அபி⁴ஞ்ஞேய்யோ; ஸங்க²தானம் ஸங்க²தட்டோ² அபி⁴ஞ்ஞேய்யோ; அஸங்க²தஸ்ஸ அஸங்க²தட்டோ² அபி⁴ஞ்ஞேய்யோ.

14. சித்தட்டோ² அபி⁴ஞ்ஞேய்யோ; சித்தானந்தரியட்டோ² அபி⁴ஞ்ஞேய்யோ; சித்தஸ்ஸ வுட்டா²னட்டோ² அபி⁴ஞ்ஞேய்யோ; சித்தஸ்ஸ விவட்டனட்டோ² அபி⁴ஞ்ஞேய்யோ; சித்தஸ்ஸ ஹேதுட்டோ² அபி⁴ஞ்ஞேய்யோ; சித்தஸ்ஸ பச்சயட்டோ² அபி⁴ஞ்ஞேய்யோ; சித்தஸ்ஸ வத்து²ட்டோ² [வத்த²ட்டோ² (ஸ்யா.)] அபி⁴ஞ்ஞேய்யோ; சித்தஸ்ஸ பூ⁴மட்டோ² [பு⁴ம்மட்டோ² (ஸ்யா. ஸீ. அட்ட².) (ஏகத்தே உபனிப³ந்த⁴னட்டோ² அபி⁴ஞ்ஞேய்யோ) (க.) அட்ட²கதா² பஸ்ஸிதப்³பா³] அபி⁴ஞ்ஞேய்யோ; சித்தஸ்ஸ ஆரம்மணட்டோ² அபி⁴ஞ்ஞேய்யோ; சித்தஸ்ஸ கோ³சரட்டோ² அபி⁴ஞ்ஞேய்யோ; சித்தஸ்ஸ சரியட்டோ² அபி⁴ஞ்ஞேய்யோ; சித்தஸ்ஸ க³தட்டோ² அபி⁴ஞ்ஞேய்யோ; சித்தஸ்ஸ அபி⁴னீஹாரட்டோ² அபி⁴ஞ்ஞேய்யோ; சித்தஸ்ஸ நிய்யானட்டோ² அபி⁴ஞ்ஞேய்யோ; சித்தஸ்ஸ நிஸ்ஸரணட்டோ² அபி⁴ஞ்ஞேய்யோ.

15. ஏகத்தே ஆவஜ்ஜனட்டோ² அபி⁴ஞ்ஞேய்யோ; ஏகத்தே விஜானனட்டோ² அபி⁴ஞ்ஞேய்யோ; ஏகத்தே பஜானனட்டோ² அபி⁴ஞ்ஞேய்யோ; ஏகத்தே ஸஞ்ஜானனட்டோ² அபி⁴ஞ்ஞேய்யோ; ஏகத்தே ஏகத³ட்டோ² அபி⁴ஞ்ஞேய்யோ; ஏகத்தே உபனிப³ந்த⁴ட்டோ² அபி⁴ஞ்ஞேய்யோ; ஏகத்தே பக்க²ந்த³னட்டோ² அபி⁴ஞ்ஞேய்யோ; ஏகத்தே பஸீத³னட்டோ² அபி⁴ஞ்ஞேய்யோ; ஏகத்தே ஸந்திட்ட²னட்டோ² அபி⁴ஞ்ஞேய்யோ; ஏகத்தே விமுச்சனட்டோ² அபி⁴ஞ்ஞேய்யோ; ஏகத்தே ‘‘ஏதம் ஸந்த’’ந்தி பஸ்ஸனட்டோ² அபி⁴ஞ்ஞேய்யோ; ஏகத்தே யானீகதட்டோ² அபி⁴ஞ்ஞேய்யோ; ஏகத்தே வத்து²கதட்டோ² அபி⁴ஞ்ஞேய்யோ; ஏகத்தே அனுட்டி²தட்டோ² அபி⁴ஞ்ஞேய்யோ; ஏகத்தே பரிசிதட்டோ² அபி⁴ஞ்ஞேய்யோ; ஏகத்தே ஸுஸமாரத்³த⁴ட்டோ² அபி⁴ஞ்ஞேய்யோ; ஏகத்தே பரிக்³க³ஹட்டோ² அபி⁴ஞ்ஞேய்யோ; ஏகத்தே பரிவாரட்டோ² அபி⁴ஞ்ஞேய்யோ; ஏகத்தே பரிபூரட்டோ² அபி⁴ஞ்ஞேய்யோ; ஏகத்தே ஸமோதா⁴னட்டோ² அபி⁴ஞ்ஞேய்யோ; ஏகத்தே அதி⁴ட்டா²னட்டோ² அபி⁴ஞ்ஞேய்யோ; ஏகத்தே ஆஸேவனட்டோ² அபி⁴ஞ்ஞேய்யோ; ஏகத்தே பா⁴வனட்டோ² அபி⁴ஞ்ஞேய்யோ; ஏகத்தே ப³ஹுலீகம்மட்டோ² அபி⁴ஞ்ஞேய்யோ; ஏகத்தே ஸுஸமுக்³க³தட்டோ² அபி⁴ஞ்ஞேய்யோ; ஏகத்தே ஸுவிமுத்தட்டோ² அபி⁴ஞ்ஞேய்யோ; ஏகத்தே பு³ஜ்ஜ²னட்டோ² அபி⁴ஞ்ஞேய்யோ; ஏகத்தே அனுபு³ஜ்ஜ²னட்டோ² அபி⁴ஞ்ஞேய்யோ; ஏகத்தே படிபு³ஜ்ஜ²னட்டோ² அபி⁴ஞ்ஞேய்யோ; ஏகத்தே ஸம்பு³ஜ்ஜ²னட்டோ² அபி⁴ஞ்ஞேய்யோ; ஏகத்தே போ³த⁴னட்டோ² அபி⁴ஞ்ஞேய்யோ; ஏகத்தே அனுபோ³த⁴னட்டோ² அபி⁴ஞ்ஞேய்யோ; ஏகத்தே படிபோ³த⁴னட்டோ² அபி⁴ஞ்ஞேய்யோ; ஏகத்தே ஸம்போ³த⁴னட்டோ² அபி⁴ஞ்ஞேய்யோ; ஏகத்தே போ³தி⁴பக்கி²யட்டோ² அபி⁴ஞ்ஞேய்யோ; ஏகத்தே அனுபோ³தி⁴பக்கி²யட்டோ² அபி⁴ஞ்ஞேய்யோ; ஏகத்தே படிபோ³தி⁴பக்கி²யட்டோ² அபி⁴ஞ்ஞேய்யோ; ஏகத்தே ஸம்போ³தி⁴பக்கி²யட்டோ² அபி⁴ஞ்ஞேய்யோ; ஏகத்தே ஜோதனட்டோ² அபி⁴ஞ்ஞேய்யோ; ஏகத்தே உஜ்ஜோதனட்டோ² அபி⁴ஞ்ஞேய்யோ; ஏகத்தே அனுஜோதனட்டோ² அபி⁴ஞ்ஞேய்யோ; ஏகத்தே படிஜோதனட்டோ² அபி⁴ஞ்ஞேய்யோ; ஏகத்தே ஸஞ்ஜோதனட்டோ² அபி⁴ஞ்ஞேய்யோ.

16. பதாபனட்டோ² [பகாஸனட்டோ² (க.)] அபி⁴ஞ்ஞேய்யோ; விரோசனட்டோ² அபி⁴ஞ்ஞேய்யோ; கிலேஸானம் ஸந்தாபனட்டோ² அபி⁴ஞ்ஞேய்யோ; அமலட்டோ² அபி⁴ஞ்ஞேய்யோ; விமலட்டோ² அபி⁴ஞ்ஞேய்யோ; நிம்மலட்டோ² அபி⁴ஞ்ஞேய்யோ; ஸமட்டோ² அபி⁴ஞ்ஞேய்யோ; ஸமயட்டோ² அபி⁴ஞ்ஞேய்யோ; விவேகட்டோ² அபி⁴ஞ்ஞேய்யோ; விவேகசரியட்டோ² அபி⁴ஞ்ஞேய்யோ; விராக³ட்டோ² அபி⁴ஞ்ஞேய்யோ; விராக³சரியட்டோ² அபி⁴ஞ்ஞேய்யோ; நிரோத⁴ட்டோ² அபி⁴ஞ்ஞேய்யோ; நிரோத⁴சரியட்டோ² அபி⁴ஞ்ஞேய்யோ; வோஸக்³க³ட்டோ² [வோஸ்ஸக்³க³ட்டோ² (ஸ்யா. க.)] அபி⁴ஞ்ஞேய்யோ; வோஸக்³க³சரியட்டோ² அபி⁴ஞ்ஞேய்யோ; விமுத்தட்டோ² அபி⁴ஞ்ஞேய்யோ; விமுத்திசரியட்டோ² அபி⁴ஞ்ஞேய்யோ.

ச²ந்த³ட்டோ² அபி⁴ஞ்ஞேய்யோ; ச²ந்த³ஸ்ஸ மூலட்டோ² அபி⁴ஞ்ஞேய்யோ; ச²ந்த³ஸ்ஸ பாத³ட்டோ² அபி⁴ஞ்ஞேய்யோ; ச²ந்த³ஸ்ஸ பதா⁴னட்டோ² அபி⁴ஞ்ஞேய்யோ; ச²ந்த³ஸ்ஸ இஜ்ஜ²னட்டோ² அபி⁴ஞ்ஞேய்யோ; ச²ந்த³ஸ்ஸ அதி⁴மோக்க²ட்டோ² அபி⁴ஞ்ஞேய்யோ; ச²ந்த³ஸ்ஸ பக்³க³ஹட்டோ² அபி⁴ஞ்ஞேய்யோ; ச²ந்த³ஸ்ஸ உபட்டா²னட்டோ² அபி⁴ஞ்ஞேய்யோ; ச²ந்த³ஸ்ஸ அவிக்கே²பட்டோ² அபி⁴ஞ்ஞேய்யோ; ச²ந்த³ஸ்ஸ த³ஸ்ஸனட்டோ² அபி⁴ஞ்ஞேய்யோ.

வீரியட்டோ² அபி⁴ஞ்ஞேய்யோ; வீரியஸ்ஸ மூலட்டோ² அபி⁴ஞ்ஞேய்யோ; வீரியஸ்ஸ பாத³ட்டோ² அபி⁴ஞ்ஞேய்யோ; வீரியஸ்ஸ பதா⁴னட்டோ² அபி⁴ஞ்ஞேய்யோ; வீரியஸ்ஸ இஜ்ஜ²னட்டோ² அபி⁴ஞ்ஞேய்யோ; வீரியஸ்ஸ அதி⁴மோக்க²ட்டோ² அபி⁴ஞ்ஞேய்யோ; வீரியஸ்ஸ பக்³க³ஹட்டோ² அபி⁴ஞ்ஞேய்யோ; வீரியஸ்ஸ உபட்டா²னட்டோ² அபி⁴ஞ்ஞேய்யோ; வீரியஸ்ஸ அவிக்கே²பட்டோ² அபி⁴ஞ்ஞேய்யோ; வீரியஸ்ஸ த³ஸ்ஸனட்டோ² அபி⁴ஞ்ஞேய்யோ.

சித்தட்டோ² அபி⁴ஞ்ஞேய்யோ; சித்தஸ்ஸ மூலட்டோ² அபி⁴ஞ்ஞேய்யோ; சித்தஸ்ஸ பாத³ட்டோ² அபி⁴ஞ்ஞேய்யோ; சித்தஸ்ஸ பதா⁴னட்டோ² அபி⁴ஞ்ஞேய்யோ; சித்தஸ்ஸ இஜ்ஜ²னட்டோ² அபி⁴ஞ்ஞேய்யோ; சித்தஸ்ஸ அதி⁴மோக்க²ட்டோ² அபி⁴ஞ்ஞேய்யோ; சித்தஸ்ஸ பக்³க³ஹட்டோ² அபி⁴ஞ்ஞேய்யோ; சித்தஸ்ஸ உபட்டா²னட்டோ² அபி⁴ஞ்ஞேய்யோ; சித்தஸ்ஸ அவிக்கே²பட்டோ² அபி⁴ஞ்ஞேய்யோ; சித்தஸ்ஸ த³ஸ்ஸனட்டோ² அபி⁴ஞ்ஞேய்யோ.

வீமம்ஸட்டோ² அபி⁴ஞ்ஞேய்யோ; வீமம்ஸாய மூலட்டோ² அபி⁴ஞ்ஞேய்யோ; வீமம்ஸாய பாத³ட்டோ² அபி⁴ஞ்ஞேய்யோ; வீமம்ஸாய பதா⁴னட்டோ² அபி⁴ஞ்ஞேய்யோ; வீமம்ஸாய இஜ்ஜ²னட்டோ² அபி⁴ஞ்ஞேய்யோ; வீமம்ஸாய அதி⁴மோக்க²ட்டோ² அபி⁴ஞ்ஞேய்யோ; வீமம்ஸாய பக்³க³ஹட்டோ² அபி⁴ஞ்ஞேய்யோ; வீமம்ஸாய உபட்டா²னட்டோ² அபி⁴ஞ்ஞேய்யோ; வீமம்ஸாய அவிக்கே²பட்டோ² அபி⁴ஞ்ஞேய்யோ; வீமம்ஸாய த³ஸ்ஸனட்டோ² அபி⁴ஞ்ஞேய்யோ.

17. து³க்க²ட்டோ² அபி⁴ஞ்ஞேய்யோ; து³க்க²ஸ்ஸ பீளனட்டோ² அபி⁴ஞ்ஞேய்யோ; து³க்க²ஸ்ஸ ஸங்க²தட்டோ² அபி⁴ஞ்ஞேய்யோ; து³க்க²ஸ்ஸ ஸந்தாபட்டோ² அபி⁴ஞ்ஞேய்யோ; து³க்க²ஸ்ஸ விபரிணாமட்டோ² அபி⁴ஞ்ஞேய்யோ. ஸமுத³யட்டோ² அபி⁴ஞ்ஞேய்யோ; ஸமுத³யஸ்ஸ ஆயூஹனட்டோ² [ஆயுஹனட்டோ² (ஸ்யா.)] அபி⁴ஞ்ஞேய்யோ; ஸமுத³யஸ்ஸ நிதா³னட்டோ² அபி⁴ஞ்ஞேய்யோ; ஸமுத³யஸ்ஸ ஸஞ்ஞோக³ட்டோ² அபி⁴ஞ்ஞேய்யோ; ஸமுத³யஸ்ஸ பலிபோ³த⁴ட்டோ² அபி⁴ஞ்ஞேய்யோ; நிரோத⁴ட்டோ² அபி⁴ஞ்ஞேய்யோ; நிரோத⁴ஸ்ஸ நிஸ்ஸரணட்டோ² அபி⁴ஞ்ஞேய்யோ; நிரோத⁴ஸ்ஸ விவேகட்டோ² அபி⁴ஞ்ஞேய்யோ; நிரோத⁴ஸ்ஸ அஸங்க²தட்டோ² அபி⁴ஞ்ஞேய்யோ; நிரோத⁴ஸ்ஸ அமதட்டோ² அபி⁴ஞ்ஞேய்யோ. மக்³க³ட்டோ² அபி⁴ஞ்ஞேய்யோ; மக்³க³ஸ்ஸ நிய்யானட்டோ² அபி⁴ஞ்ஞேய்யோ; மக்³க³ஸ்ஸ ஹேதுட்டோ² அபி⁴ஞ்ஞேய்யோ; மக்³க³ஸ்ஸ த³ஸ்ஸனட்டோ² அபி⁴ஞ்ஞேய்யோ; மக்³க³ஸ்ஸ ஆதி⁴பதேய்யட்டோ² அபி⁴ஞ்ஞேய்யோ.

தத²ட்டோ² அபி⁴ஞ்ஞேய்யோ; அனத்தட்டோ² அபி⁴ஞ்ஞேய்யோ; ஸச்சட்டோ² அபி⁴ஞ்ஞேய்யோ; படிவேத⁴ட்டோ² அபி⁴ஞ்ஞேய்யோ; அபி⁴ஜானனட்டோ² அபி⁴ஞ்ஞேய்யோ; பரிஜானனட்டோ² அபி⁴ஞ்ஞேய்யோ; த⁴ம்மட்டோ² அபி⁴ஞ்ஞேய்யோ; தா⁴துட்டோ² அபி⁴ஞ்ஞேய்யோ; ஞாதட்டோ² அபி⁴ஞ்ஞேய்யோ; ஸச்சி²கிரியட்டோ² அபி⁴ஞ்ஞேய்யோ; ப²ஸ்ஸனட்டோ² அபி⁴ஞ்ஞேய்யோ; அபி⁴ஸமயட்டோ² அபி⁴ஞ்ஞேய்யோ.

18. நேக்க²ம்மம் அபி⁴ஞ்ஞேய்யம்; அப்³யாபாதோ³ அபி⁴ஞ்ஞேய்யோ; ஆலோகஸஞ்ஞா அபி⁴ஞ்ஞேய்யா; அவிக்கே²போ அபி⁴ஞ்ஞேய்யோ; த⁴ம்மவவத்தா²னம் அபி⁴ஞ்ஞேய்யம்; ஞாணம் அபி⁴ஞ்ஞேய்யம்; பாமோஜ்ஜம் [பாமுஜ்ஜம் (ஸ்யா.)] அபி⁴ஞ்ஞேய்யம்.