2. யுக³னத்³த⁴வக்³கோ³

1. யுக³னத்³த⁴கதா²

1. ஏவம் மே ஸுதம் – ஏகம் ஸமயம் ஆயஸ்மா ஆனந்தோ³ கோஸம்பி³யம் விஹரதி கோ⁴ஸிதாராமே. தத்ர கோ² ஆயஸ்மா ஆனந்தோ³ பி⁴க்கூ² ஆமந்தேஸி – ‘‘ஆவுஸோ பி⁴க்க²வோ’’தி. ‘‘ஆவுஸோ’’தி கோ² தே பி⁴க்கூ² ஆயஸ்மதோ ஆனந்த³ஸ்ஸ பச்சஸ்ஸோஸும். ஆயஸ்மா ஆனந்தோ³ ஏதத³வோச –

‘‘யோ ஹி கோசி, ஆவுஸோ, பி⁴க்கு² வா பி⁴க்கு²னீ வா மம ஸந்திகே அரஹத்தபத்தம் [அரஹத்தம் (ஸ்யா.), அரஹத்தபத்திம் அ. நி. 4.170] ப்³யாகரோதி, ஸப்³ப³ஸோ சதூஹி மக்³கே³ஹி ஏதேஸம் வா அஞ்ஞதரேன. கதமேஹி சதூஹி?

‘‘இதா⁴வுஸோ, பி⁴க்கு² ஸமத²புப்³ப³ங்க³மம் விபஸ்ஸனம் பா⁴வேதி. தஸ்ஸ ஸமத²புப்³ப³ங்க³மம் விபஸ்ஸனம் பா⁴வயதோ மக்³கோ³ ஸஞ்ஜாயதி. ஸோ தம் மக்³க³ம் ஆஸேவதி பா⁴வேதி ப³ஹுலீகரோதி [ப³ஹுலிம் கரோதி (க.) அ. நி. 4.170 பஸ்ஸிதப்³பா³]. தஸ்ஸ தம் மக்³க³ம் ஆஸேவதோ பா⁴வயதோ ப³ஹுலீகரோதோ ஸஞ்ஞோஜனானி பஹீயந்தி, அனுஸயா ப்³யந்தீஹோந்தி.

‘‘புன சபரம், ஆவுஸோ, பி⁴க்கு² விபஸ்ஸனாபுப்³ப³ங்க³மம் ஸமத²ம் பா⁴வேதி. தஸ்ஸ விபஸ்ஸனாபுப்³ப³ங்க³மம் ஸமத²ம் பா⁴வயதோ மக்³கோ³ ஸஞ்ஜாயதி. ஸோ தம் மக்³க³ம் ஆஸேவதி பா⁴வேதி ப³ஹுலீகரோதி. தஸ்ஸ தம் மக்³க³ம் ஆஸேவதோ பா⁴வயதோ ப³ஹுலீகரோதோ ஸஞ்ஞோஜனானி பஹீயந்தி, அனுஸயா ப்³யந்தீஹோந்தி.

‘‘புன சபரம், ஆவுஸோ, பி⁴க்கு² ஸமத²விபஸ்ஸனம் யுக³னத்³த⁴ம் [யுக³னந்த⁴ம் (க. ஸீ. அட்ட².)] பா⁴வேதி. தஸ்ஸ ஸமத²விபஸ்ஸனம் யுக³னத்³த⁴ம் பா⁴வயதோ மக்³கோ³ ஸஞ்ஜாயதி. ஸோ தம் மக்³க³ம் ஆஸேவதி பா⁴வேதி ப³ஹுலீகரோதி. தஸ்ஸ தம் மக்³க³ம் ஆஸேவதோ பா⁴வயதோ ப³ஹுலீகரோதோ ஸஞ்ஞோஜனானி பஹீயந்தி, அனுஸயா ப்³யந்தீஹோந்தி.

‘‘புன சபரம், ஆவுஸோ, பி⁴க்கு²னோ த⁴ம்முத்³த⁴ச்சவிக்³க³ஹிதம் மானஸம் ஹோதி. ஸோ, ஆவுஸோ, ஸமயோ யம் தம் சித்தம் அஜ்ஜ²த்தமேவ [அஜ்ஜ²த்தஞ்ஞேவ (ஸ்யா. க.)] ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி. தஸ்ஸ மக்³கோ³ ஸஞ்ஜாயதி. ஸோ தம் மக்³க³ம் ஆஸேவதி பா⁴வேதி ப³ஹுலீகரோதி. தஸ்ஸ தம் மக்³க³ம் ஆஸேவதோ பா⁴வயதோ ப³ஹுலீகரோதோ ஸஞ்ஞோஜனானி பஹீயந்தி, அனுஸயா ப்³யந்தீஹோந்தி.

‘‘யோ ஹி கோசி, ஆவுஸோ, பி⁴க்கு² வா பி⁴க்கு²னீ வா மம ஸந்திகே அரஹத்தபத்தம் ப்³யாகரோதி, ஸப்³ப³ஸோ இமேஹி சதூஹி மக்³கே³ஹி, ஏதேஸம் வா அஞ்ஞதரேனா’’தி.

1. ஸுத்தந்தனித்³தே³ஸோ

2. கத²ம் ஸமத²புப்³ப³ங்க³மம் விபஸ்ஸனம் பா⁴வேதி? நேக்க²ம்மவஸேன சித்தஸ்ஸ ஏகக்³க³தா அவிக்கே²போ ஸமாதி⁴. தத்த² ஜாதே த⁴ம்மே அனிச்சதோ அனுபஸ்ஸனட்டே²ன விபஸ்ஸனா, து³க்க²தோ அனுபஸ்ஸனட்டே²ன விபஸ்ஸனா, அனத்ததோ அனுபஸ்ஸனட்டே²ன விபஸ்ஸனா. இதி பட²மம் ஸமதோ², பச்சா² விபஸ்ஸனா. தேன வுச்சதி – ‘‘ஸமத²புப்³ப³ங்க³மம் விபஸ்ஸனம் பா⁴வேதீ’’தி. பா⁴வேதீதி சதஸ்ஸோ பா⁴வனா – தத்த² ஜாதானம் த⁴ம்மானம் அனதிவத்தனட்டே²ன பா⁴வனா, இந்த்³ரியானம் ஏகரஸட்டே²ன பா⁴வனா, தது³பக³வீரியவாஹனட்டே²ன பா⁴வனா, ஆஸேவனட்டே²ன பா⁴வனா.

மக்³கோ³ ஸஞ்ஜாயதீதி கத²ம் மக்³கோ³ ஸஞ்ஜாயதி? த³ஸ்ஸனட்டே²ன ஸம்மாதி³ட்டி² மக்³கோ³ ஸஞ்ஜாயதி, அபி⁴னிரோபனட்டே²ன ஸம்மாஸங்கப்போ மக்³கோ³ ஸஞ்ஜாயதி, பரிக்³க³ஹட்டே²ன ஸம்மாவாசா மக்³கோ³ ஸஞ்ஜாயதி, ஸமுட்டா²னட்டே²ன ஸம்மாகம்மந்தோ மக்³கோ³ ஸஞ்ஜாயதி, வோதா³னட்டே²ன ஸம்மாஆஜீவோ மக்³கோ³ ஸஞ்ஜாயதி, பக்³க³ஹட்டே²ன ஸம்மாவாயாமோ மக்³கோ³ ஸஞ்ஜாயதி, உபட்டா²னட்டே²ன ஸம்மாஸதி மக்³கோ³ ஸஞ்ஜாயதி, அவிக்கே²பட்டே²ன ஸம்மாஸமாதி⁴ மக்³கோ³ ஸஞ்ஜாயதி – ஏவம் மக்³கோ³ ஸஞ்ஜாயதி.

ஸோ தம் மக்³க³ம் ஆஸேவதி பா⁴வேதி ப³ஹுலீகரோதி ஆஸேவதீதி கத²ம் ஆஸேவதி? ஆவஜ்ஜந்தோ ஆஸேவதி, ஜானந்தோ ஆஸேவதி, பஸ்ஸந்தோ ஆஸேவதி, பச்சவேக்க²ந்தோ ஆஸேவதி, சித்தம் அதி⁴ட்ட²ஹந்தோ ஆஸேவதி, ஸத்³தா⁴ய அதி⁴முச்சந்தோ ஆஸேவதி, வீரியம் பக்³க³ண்ஹந்தோ ஆஸேவதி, ஸதிம் உபட்டா²பேந்தோ ஆஸேவதி, சித்தம் ஸமாத³ஹந்தோ ஆஸேவதி, பஞ்ஞாய பஜானந்தோ ஆஸேவதி, அபி⁴ஞ்ஞேய்யம் அபி⁴ஜானந்தோ ஆஸேவதி, பரிஞ்ஞேய்யம் பரிஜானந்தோ ஆஸேவதி, பஹாதப்³ப³ம் பஜஹந்தோ ஆஸேவதி, பா⁴வேதப்³ப³ம் பா⁴வேந்தோ ஆஸேவதி, ஸச்சி²காதப்³ப³ம் ஸச்சி²கரோந்தோ ஆஸேவதி – ஏவம் ஆஸேவதி.

பா⁴வேதீதி கத²ம் பா⁴வேதி? ஆவஜ்ஜந்தோ பா⁴வேதி, ஜானந்தோ பா⁴வேதி, பஸ்ஸந்தோ பா⁴வேதி, பச்சவேக்க²ந்தோ பா⁴வேதி, சித்தம் அதி⁴ட்ட²ஹந்தோ பா⁴வேதி, ஸத்³தா⁴ய அதி⁴முச்சந்தோ பா⁴வேதி, வீரியம் பக்³க³ண்ஹந்தோ பா⁴வேதி, ஸதிம் உபட்டா²பேந்தோ பா⁴வேதி, சித்தம் ஸமாத³ஹந்தோ பா⁴வேதி, பஞ்ஞாய பஜானந்தோ பா⁴வேதி, அபி⁴ஞ்ஞேய்யம் அபி⁴ஜானந்தோ பா⁴வேதி, பரிஞ்ஞேய்யம் பரிஜானந்தோ பா⁴வேதி, பஹாதப்³ப³ம் பஜஹந்தோ பா⁴வேதி, பா⁴வேதப்³ப³ம் பா⁴வேந்தோ பா⁴வேதி, ஸச்சி²காதப்³ப³ம் ஸச்சி²கரோந்தோ பா⁴வேதி – ஏவம் பா⁴வேதி.

ப³ஹுலீகரோதீதி கத²ம் ப³ஹுலீகரோதி? ஆவஜ்ஜந்தோ ப³ஹுலீகரோதி, ஜானந்தோ ப³ஹுலீகரோதி, பஸ்ஸந்தோ ப³ஹுலீகரோதி, பச்சவேக்க²ந்தோ ப³ஹுலீகரோதி, சித்தம் அதி⁴ட்ட²ஹந்தோ ப³ஹுலீகரோதி, ஸத்³தா⁴ய அதி⁴முச்சந்தோ ப³ஹுலீகரோதி, வீரியம் பக்³க³ண்ஹந்தோ ப³ஹுலீகரோதி, ஸதிம் உபட்டா²பேந்தோ ப³ஹுலீகரோதி, சித்தம் ஸமாத³ஹந்தோ ப³ஹுலீகரோதி, பஞ்ஞாய பஜானந்தோ ப³ஹுலீகரோதி, அபி⁴ஞ்ஞேய்யம் அபி⁴ஜானந்தோ ப³ஹுலீகரோதி, பரிஞ்ஞேய்யம் பரிஜானந்தோ ப³ஹுலீகரோதி, பஹாதப்³ப³ம் பஜஹந்தோ ப³ஹுலீகரோதி, பா⁴வேதப்³ப³ம் பா⁴வேந்தோ ப³ஹுலீகரோதி, ஸச்சி²காதப்³ப³ம் ஸச்சி²கரோந்தோ ப³ஹுலீகரோதி – ஏவம் ப³ஹுலீகரோதி.

தஸ்ஸ தம் மக்³க³ம் ஆஸேவதோ பா⁴வயதோ ப³ஹுலீகரோதோ ஸஞ்ஞோஜனானி பஹீயந்தி அனுஸயா ப்³யந்தீஹோந்தீதி கத²ம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி? ஸோதாபத்திமக்³கே³ன, ஸக்காயதி³ட்டி², விசிகிச்சா², ஸீலப்³ப³தபராமாஸோ – இமானி தீணி ஸஞ்ஞோஜனானி பஹீயந்தி; தி³ட்டா²னுஸயோ, விசிகிச்சா²னுஸயோ – இமே த்³வே அனுஸயா ப்³யந்தீஹோந்தி. ஸகதா³கா³மிமக்³கே³ன ஓளாரிகம் காமராக³ஸஞ்ஞோஜனம், படிக⁴ஸஞ்ஞோஜனம் – இமானி த்³வே ஸஞ்ஞோஜனானி பஹீயந்தி; ஓளாரிகோ காமராகா³னுஸயோ, படிகா⁴னுஸயோ – இமே த்³வே அனுஸயா ப்³யந்தீஹோந்தி. அனாகா³மிமக்³கே³ன அனுஸஹக³தம் காமராக³ஸஞ்ஞோஜனம், படிக⁴ஸஞ்ஞோஜனம் – இமானி த்³வே ஸஞ்ஞோஜனானி பஹீயந்தி; அனுஸஹக³தோ காமராகா³னுஸயோ, படிகா⁴னுஸயோ – இமே த்³வே அனுஸயா ப்³யந்தீஹோந்தி. அரஹத்தமக்³கே³ன ரூபராகோ³, அரூபராகோ³, மானோ, உத்³த⁴ச்சம், அவிஜ்ஜா – இமானி பஞ்ச ஸஞ்ஞோஜனானி பஹீயந்தி; மானானுஸயோ, ப⁴வராகா³னுஸயோ, அவிஜ்ஜானுஸயோ – இமே தயோ அனுஸயா ப்³யந்தீஹோந்தி. ஏவம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி.

3. அப்³யாபாத³வஸேன சித்தஸ்ஸ ஏகக்³க³தா அவிக்கே²போ ஸமாதி⁴…பே… ஆலோகஸஞ்ஞாவஸேன சித்தஸ்ஸ ஏகக்³க³தா அவிக்கே²போ ஸமாதி⁴…பே… படினிஸ்ஸக்³கா³னுபஸ்ஸீ அஸ்ஸாஸவஸேன படினிஸ்ஸக்³கா³னுபஸ்ஸீ பஸ்ஸாஸவஸேன சித்தஸ்ஸ ஏகக்³க³தா அவிக்கே²போ ஸமாதி⁴. தத்த² ஜாதே த⁴ம்மே அனிச்சதோ அனுபஸ்ஸனட்டே²ன விபஸ்ஸனா, து³க்க²தோ அனுபஸ்ஸனட்டே²ன விபஸ்ஸனா, அனத்ததோ அனுபஸ்ஸனட்டே²ன விபஸ்ஸனா. இதி பட²மம் ஸமதோ², பச்சா² விபஸ்ஸனா. தேன வுச்சதி – ‘‘ஸமத²புப்³ப³ங்க³மம் விபஸ்ஸனம் பா⁴வேதீ’’தி. பா⁴வேதீதி சதஸ்ஸோ பா⁴வனா – தத்த² ஜாதானம் த⁴ம்மானம் அனதிவத்தனட்டே²ன பா⁴வனா, இந்த்³ரியானம் ஏகரஸட்டே²ன பா⁴வனா, தது³பக³வீரியவாஹனட்டே²ன பா⁴வனா, ஆஸேவனட்டே²ன பா⁴வனா.

மக்³கோ³ ஸஞ்ஜாயதீதி கத²ம் மக்³கோ³ ஸஞ்ஜாயதி? த³ஸ்ஸனட்டே²ன ஸம்மாதி³ட்டி² மக்³கோ³ ஸஞ்ஜாயதி, அபி⁴னிரோபனட்டே²ன ஸம்மாஸங்கப்போ மக்³கோ³ ஸஞ்ஜாயதி…பே… அவிக்கே²பட்டே²ன ஸம்மாஸமாதி⁴ மக்³கோ³ ஸஞ்ஜாயதி. ஏவம் மக்³கோ³ ஸஞ்ஜாயதி.

ஸோ தம் மக்³க³ம் ஆஸேவதி பா⁴வேதி ப³ஹுலீகரோதி ஆஸேவதீதி கத²ம் ஆஸேவதி? ஆவஜ்ஜந்தோ ஆஸேவதி…பே… ஸச்சி²காதப்³ப³ம் ஸச்சி²கரோந்தோ ஆஸேவதி, ஏவம் ஆஸேவதி. பா⁴வேதீதி கத²ம் பா⁴வேதி? ஆவஜ்ஜந்தோ பா⁴வேதி, ஜானந்தோ பா⁴வேதி…பே… ஸச்சி²காதப்³ப³ம் ஸச்சி²கரோந்தோ பா⁴வேதி, ஏவம் பா⁴வேதி. ப³ஹுலீகரோதீதி கத²ம் ப³ஹுலீகரோதி? ஆவஜ்ஜந்தோ ப³ஹுலீகரோதி, ஜானந்தோ ப³ஹுலீகரோதி…பே… ஸச்சி²காதப்³ப³ம் ஸச்சி²கரோந்தோ ப³ஹுலீகரோதி, ஏவம் ப³ஹுலீகரோதி.

தஸ்ஸ தம் மக்³க³ம் ஆஸேவதோ பா⁴வயதோ ப³ஹுலீகரோதோ ஸஞ்ஞோஜனானி பஹீயந்தி, அனுஸயா ப்³யந்தீஹோந்தீதி கத²ம் ஸஞ்ஞோஜனா பஹீயந்தி, அனுஸயா ப்³யந்தீஹோந்தி? ஸோதாபத்திமக்³கே³ன ஸக்காயதி³ட்டி² விசிகிச்சா² ஸீலப்³ப³தபராமாஸோ – இமானி தீணி ஸஞ்ஞோஜனானி பஹீயந்தி; தி³ட்டா²னுஸயோ, விசிகிச்சா²னுஸயோ – இமே த்³வே அனுஸயா ப்³யந்தீஹோந்தி. ஸகதா³கா³மிமக்³கே³ன ஓளாரிகம் காமராக³ஸஞ்ஞோஜனம், படிக⁴ஸஞ்ஞோஜனம் – இமானி த்³வே ஸஞ்ஞோஜனானி பஹீயந்தி; ஓளாரிகோ காமராகா³னுஸயோ படிகா⁴னுஸயோ – இமே த்³வே அனுஸயா ப்³யந்தீஹோந்தி. அனாகா³மிமக்³கே³ன அனுஸஹக³தம் காமராக³ஸஞ்ஞோஜனம், படிக⁴ஸஞ்ஞோஜனம் – இமானி த்³வே ஸஞ்ஞோஜனானி பஹீயந்தி; அனுஸஹக³தோ காமராகா³னுஸயோ, படிகா⁴னுஸயோ – இமே த்³வே அனுஸயா ப்³யந்தீஹோந்தி. அரஹத்தமக்³கே³ன ரூபராகோ³, அரூபராகோ³, மானோ, உத்³த⁴ச்சம், அவிஜ்ஜா – இமானி பஞ்ச ஸஞ்ஞோஜனானி பஹீயந்தி; மானானுஸயோ, ப⁴வராகா³னுஸயோ, அவிஜ்ஜானுஸயோ – இமே தயோ அனுஸயா ப்³யந்தீஹோந்தி. ஏவம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி. ஏவம் ஸமத²புப்³ப³ங்க³மம் விபஸ்ஸனம் பா⁴வேதி.

4. கத²ம் விபஸ்ஸனாபுப்³ப³ங்க³மம் ஸமத²ம் பா⁴வேதி? அனிச்சதோ அனுபஸ்ஸனட்டே²ன விபஸ்ஸனா, து³க்க²தோ அனுபஸ்ஸனட்டே²ன விபஸ்ஸனா, அனத்ததோ அனுபஸ்ஸனட்டே²ன விபஸ்ஸனா. தத்த² ஜாதானம் த⁴ம்மானஞ்ச வோஸக்³கா³ரம்மணதா [வோஸ்ஸக்³கா³ரம்மணதா (ஸ்யா. க.)] சித்தஸ்ஸ ஏகக்³க³தா அவிக்கே²போ. ஸமாதி⁴ இதி பட²மம் விபஸ்ஸனா, பச்சா² ஸமதோ². தேன வுச்சதி – ‘‘விபஸ்ஸனாபுப்³ப³ங்க³மம் ஸமத²ம் பா⁴வேதீ’’தி. பா⁴வேதீதி சதஸ்ஸோ பா⁴வனா – ஆஸேவனட்டே²ன பா⁴வனா…பே… மக்³கோ³ ஸஞ்ஜாயதீதி கத²ம் மக்³கோ³ ஸஞ்ஜாயதி…பே… ஏவம் மக்³கோ³ ஸஞ்ஜாயதி. ஏவம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி.

ரூபம் அனிச்சதோ அனுபஸ்ஸனட்டே²ன விபஸ்ஸனா, ரூபம் து³க்க²தோ அனுபஸ்ஸனட்டே²ன விபஸ்ஸனா, ரூபம் அனத்ததோ அனுபஸ்ஸனட்டே²ன விபஸ்ஸனா. தத்த² ஜாதானம் த⁴ம்மானஞ்ச வோஸக்³கா³ரம்மணதா சித்தஸ்ஸ ஏகக்³க³தா அவிக்கே²போ ஸமாதி⁴. இதி பட²மம் விபஸ்ஸனா, பச்சா² ஸமதோ². தேன வுச்சதி – ‘‘விபஸ்ஸனாபுப்³ப³ங்க³மம் ஸமத²ம் பா⁴வேதீ’’தி. பா⁴வேதீதி சதஸ்ஸோ பா⁴வனா – ஆஸேவனட்டே²ன பா⁴வனா…பே… மக்³கோ³ ஸஞ்ஜாயதீதி கத²ம் மக்³கோ³ ஸஞ்ஜாயதி…பே… ஏவம் மக்³கோ³ ஸஞ்ஜாயதி. ஏவம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி.

வேத³னம்…பே… ஸஞ்ஞம் … ஸங்கா²ரே… விஞ்ஞாணம்… சக்கு²ம்…பே… ஜராமரணம் அனிச்சதோ அனுபஸ்ஸனட்டே²ன விபஸ்ஸனா, ஜராமரணம் து³க்க²தோ…பே… அனத்ததோ அனுபஸ்ஸனட்டே²ன விபஸ்ஸனா. தத்த² ஜாதானம் த⁴ம்மானஞ்ச வோஸக்³கா³ரம்மணதா சித்தஸ்ஸ ஏகக்³க³தா அவிக்கே²போ ஸமாதி⁴. இதி பட²மம் விபஸ்ஸனா, பச்சா² ஸமதோ². தேன வுச்சதி – ‘‘விபஸ்ஸனாபுப்³ப³ங்க³மம் ஸமத²ம் பா⁴வேதீ’’தி. பா⁴வேதீதி சதஸ்ஸோ பா⁴வனா – ஆஸேவனட்டே²ன பா⁴வனா…பே… மக்³கோ³ ஸஞ்ஜாயதீதி கத²ம் மக்³கோ³ ஸஞ்ஜாயதி…பே… ஏவம் மக்³கோ³ ஸஞ்ஜாயதி. ஏவம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி. ஏவம் விபஸ்ஸனாபுப்³ப³ங்க³மம் ஸமத²ம் பா⁴வேதி.

5. கத²ம் ஸமத²விபஸ்ஸனம் யுக³னத்³த⁴ம் பா⁴வேதி? ஸோளஸஹி ஆகாரேஹி ஸமத²விபஸ்ஸனம் யுக³னத்³த⁴ம் பா⁴வேதி. ஆரம்மணட்டே²ன கோ³சரட்டே²ன பஹானட்டே²ன பரிச்சாக³ட்டே²ன வுட்டா²னட்டே²ன விவட்டனட்டே²ன ஸந்தட்டே²ன பணீதட்டே²ன விமுத்தட்டே²ன அனாஸவட்டே²ன தரணட்டே²ன அனிமித்தட்டே²ன அப்பணிஹிதட்டே²ன ஸுஞ்ஞதட்டே²ன ஏகரஸட்டே²ன அனதிவத்தனட்டே²ன யுக³னத்³த⁴ட்டே²ன.

கத²ம் ஆரம்மணட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சம் பஜஹதோ சித்தஸ்ஸ ஏகக்³க³தா அவிக்கே²போ ஸமாதி⁴ நிரோதா⁴ரம்மணோ, அவிஜ்ஜம் பஜஹதோ அனுபஸ்ஸனட்டே²ன விபஸ்ஸனா நிரோதா⁴ரம்மணா. இதி ஆரம்மணட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘ஆரம்மணட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி. பா⁴வேதீதி சதஸ்ஸோ பா⁴வனா – ஆஸேவனட்டே²ன பா⁴வனா…பே… மக்³கோ³ ஸஞ்ஜாயதீதி கத²ம் மக்³கோ³ ஸஞ்ஜாயதி…பே… ஏவம் மக்³கோ³ ஸஞ்ஜாயதி. ஏவம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி. ஏவம் ஆரம்மணட்டே²ன ஸமத²விபஸ்ஸனம் யுக³னத்³த⁴ம் பா⁴வேதி.

கத²ம் கோ³சரட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சம் பஜஹதோ சித்தஸ்ஸ ஏகக்³க³தா அவிக்கே²போ ஸமாதி⁴ நிரோத⁴கோ³சரோ, அவிஜ்ஜம் பஜஹதோ அனுபஸ்ஸனட்டே²ன விபஸ்ஸனா நிரோத⁴கோ³சரா. இதி கோ³சரட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘கோ³சரட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் பஹானட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சஸஹக³தகிலேஸே ச க²ந்தே⁴ ச பஜஹதோ சித்தஸ்ஸ ஏகக்³க³தா அவிக்கே²போ ஸமாதி⁴ நிரோத⁴கோ³சரோ, அவிஜ்ஜாஸஹக³தகிலேஸே ச க²ந்தே⁴ ச பஜஹதோ அனுபஸ்ஸனட்டே²ன விபஸ்ஸனா நிரோத⁴கோ³சரா. இதி பஹானட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘பஹானட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் பரிச்சாக³ட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சஸஹக³தகிலேஸே ச க²ந்தே⁴ ச பரிச்சஜதோ சித்தஸ்ஸ ஏகக்³க³தா அவிக்கே²போ ஸமாதி⁴ நிரோத⁴கோ³சரோ, அவிஜ்ஜாஸஹக³தகிலேஸே ச க²ந்தே⁴ ச பரிச்சஜதோ அனுபஸ்ஸனட்டே²ன விபஸ்ஸனா நிரோத⁴கோ³சரா. இதி பரிச்சாக³ட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘பரிச்சாக³ட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் வுட்டா²னட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சஸஹக³தகிலேஸேஹி ச க²ந்தே⁴ஹி ச வுட்ட²ஹதோ சித்தஸ்ஸ ஏகக்³க³தா அவிக்கே²போ ஸமாதி⁴ நிரோத⁴கோ³சரோ, அவிஜ்ஜாஸஹக³தகிலேஸேஹி ச க²ந்தே⁴ஹி ச வுட்ட²ஹதோ அனுபஸ்ஸனட்டே²ன விபஸ்ஸனா நிரோத⁴கோ³சரா. இதி வுட்டா²னட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘வுட்டா²னட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் விவட்டனட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சஸஹக³தகிலேஸேஹி ச க²ந்தே⁴ஹி ச விவட்டதோ சித்தஸ்ஸ ஏகக்³க³தா அவிக்கே²போ ஸமாதி⁴ நிரோத⁴கோ³சரோ, அவிஜ்ஜாஸஹக³தகிலேஸேஹி ச க²ந்தே⁴ஹி ச விவட்டதோ அனுபஸ்ஸனட்டே²ன விபஸ்ஸனா நிரோத⁴கோ³சரா. இதி விவட்டனட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘விவட்டனட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் ஸந்தட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சம் பஜஹதோ சித்தஸ்ஸ ஏகக்³க³தா அவிக்கே²போ ஸமாதி⁴ ஸந்தோ ஹோந்தி நிரோத⁴கோ³சரோ, அவிஜ்ஜம் பஜஹதோ அனுபஸ்ஸனட்டே²ன விபஸ்ஸனா ஸந்தா ஹோதி நிரோத⁴கோ³சரா. இதி ஸந்தட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘ஸந்தட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் பணீதட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சம் பஜஹதோ சித்தஸ்ஸ ஏகக்³க³தா அவிக்கே²போ ஸமாதி⁴ பணீதோ ஹோதி நிரோத⁴கோ³சரோ, அவிஜ்ஜம் பஜஹதோ அனுபஸ்ஸனட்டே²ன விபஸ்ஸனா பணீதா ஹோதி நிரோத⁴கோ³சரா. இதி பணீதட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘பணீதட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் விமுத்தட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சம் பஜஹதோ சித்தஸ்ஸ ஏகக்³க³தா அவிக்கே²போ ஸமாதி⁴ காமாஸவா விமுத்தோ ஹோதி நிரோத⁴கோ³சரோ, அவிஜ்ஜம் பஜஹதோ அனுபஸ்ஸனட்டே²ன விபஸ்ஸனா அவிஜ்ஜாஸவா விமுத்தா ஹோதி நிரோத⁴கோ³சரா. இதி ராக³விராகா³ சேதோவிமுத்தி அவிஜ்ஜாவிராகா³ பஞ்ஞா விமுத்தட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘விமுத்தட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் அனாஸவட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சம் பஜஹதோ சித்தஸ்ஸ ஏகக்³க³தா அவிக்கே²போ ஸமாதி⁴ காமாஸவேன அனாஸவோ ஹோதி நிரோத⁴கோ³சரோ, அவிஜ்ஜம் பஜஹதோ அனுபஸ்ஸனட்டே²ன விபஸ்ஸனா அவிஜ்ஜாஸவேன அனாஸவா ஹோதி நிரோத⁴கோ³சரா. இதி அனாஸவட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘அனாஸவட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் தரணட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சஸஹக³தகிலேஸே ச க²ந்தே⁴ ச தரதோ சித்தஸ்ஸ ஏகக்³க³தா அவிக்கே²போ ஸமாதி⁴ நிரோத⁴கோ³சரோ, அவிஜ்ஜாஸஹக³தகிலேஸே ச க²ந்தே⁴ ச தரதோ அனுபஸ்ஸனட்டே²ன விபஸ்ஸனா நிரோத⁴கோ³சரா. இதி தரணட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘தரணட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் அனிமித்தட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சம் பஜஹதோ சித்தஸ்ஸ ஏகக்³க³தா அவிக்கே²போ ஸமாதி⁴ ஸப்³ப³னிமித்தேஹி அனிமித்தோ ஹோதி நிரோத⁴கோ³சரோ, அவிஜ்ஜம் பஜஹதோ அனுபஸ்ஸனட்டே²ன விபஸ்ஸனா ஸப்³ப³னிமித்தேஹி அனிமித்தா ஹோதி நிரோத⁴கோ³சரா. இதி அனிமித்தட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘அனிமித்தட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் அப்பணிஹிதட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சம் பஜஹதோ சித்தஸ்ஸ ஏகக்³க³தா அவிக்கே²போ ஸமாதி⁴ ஸப்³ப³பணிதீ⁴ஹி அப்பணிஹிதோ ஹோதி நிரோத⁴கோ³சரோ, அவிஜ்ஜம் பஜஹதோ அனுபஸ்ஸனட்டே²ன விபஸ்ஸனா ஸப்³ப³பணிதீ⁴ஹி அப்பணிஹிதா ஹோதி நிரோத⁴கோ³சரா. இதி அப்பணிஹிதட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘அப்பணிஹிதட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி.

கத²ம் ஸுஞ்ஞதட்டே²ன ஸமத²விபஸ்ஸனம் யுக³னத்³த⁴ம் பா⁴வேதி? உத்³த⁴ச்சம் பஜஹதோ சித்தஸ்ஸ ஏகக்³க³தா அவிக்கே²போ ஸமாதி⁴ ஸப்³பா³பி⁴னிவேஸேஹி ஸுஞ்ஞோ ஹோதி நிரோத⁴கோ³சரோ, அவிஜ்ஜம் பஜஹதோ அனுபஸ்ஸனட்டே²ன விபஸ்ஸனா ஸப்³பா³பி⁴னிவேஸேஹி ஸுஞ்ஞா ஹோதி நிரோத⁴கோ³சரா. இதி ஸுஞ்ஞதட்டே²ன ஸமத²விபஸ்ஸனா ஏகரஸா ஹோந்தி, யுக³னத்³தா⁴ ஹோந்தி, அஞ்ஞமஞ்ஞம் நாதிவத்தந்தீதி. தேன வுச்சதி – ‘‘ஸுஞ்ஞதட்டே²ன ஸமத²விபஸ்ஸனம் யுக³னத்³த⁴ம் பா⁴வேதீ’’தி. பா⁴வேதீதி சதஸ்ஸோ பா⁴வனா – ஆஸேவனட்டே²ன பா⁴வனா…பே… மக்³கோ³ ஸஞ்ஜாயதீதி கத²ம் மக்³கோ³ ஸஞ்ஜாயதி…பே… ஏவம் மக்³கோ³ ஸஞ்ஜாயதி. ஏவம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி. ஏவம் ஸுஞ்ஞதட்டே²ன ஸமத²விபஸ்ஸனம் யுக³னத்³த⁴ம் பா⁴வேதி. இமேஹி ஸோளஸஹி ஆகாரேஹி ஸமத²விபஸ்ஸனம் யுக³னத்³த⁴ம் பா⁴வேதி, ஏவம் ஸமத²விபஸ்ஸனம் யுக³னத்³த⁴ம் பா⁴வேதி.

ஸுத்தந்தனித்³தே³ஸோ.

2. த⁴ம்முத்³த⁴ச்சவாரனித்³தே³ஸோ

6. கத²ம் த⁴ம்முத்³த⁴ச்சவிக்³க³ஹிதம் மானஸம் ஹோதி? அனிச்சதோ மனஸிகரோதோ ஓபா⁴ஸோ உப்பஜ்ஜதி, ஓபா⁴ஸோ த⁴ம்மோதி ஓபா⁴ஸம் ஆவஜ்ஜதி, ததோ விக்கே²போ உத்³த⁴ச்சம். தேன உத்³த⁴ச்சேன விக்³க³ஹிதமானஸோ அனிச்சதோ உபட்டா²னம் யதா²பூ⁴தம் நப்பஜானாதி, து³க்க²தோ உபட்டா²னம் யதா²பூ⁴தம் நப்பஜானாதி, அனத்ததோ உபட்டா²னம் யதா²பூ⁴தம் நப்பஜானாதி. தேன வுச்சதி – ‘‘த⁴ம்முத்³த⁴ச்சவிக்³க³ஹிதமானஸோ ஹோதி ஸோ ஸமயோ, யம் தம் சித்தம் அஜ்ஜ²த்தமேவ ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி. தஸ்ஸ மக்³கோ³ ஸஞ்ஜாயதீ’’தி கத²ம் மக்³கோ³ ஸஞ்ஜாயதி…பே… ஏவம் மக்³கோ³ ஸஞ்ஜாயதி, ஏவம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி.

அனிச்சதோ மனஸிகரோதோ ஞாணம் உப்பஜ்ஜதி, பீதி உப்பஜ்ஜதி, பஸ்ஸத்³தி⁴ உப்பஜ்ஜதி, ஸுக²ம் உப்பஜ்ஜதி, அதி⁴மோக்கோ² உப்பஜ்ஜதி, பக்³க³ஹோ உப்பஜ்ஜதி, உபட்டா²னம் உப்பஜ்ஜதி, உபேக்கா² உப்பஜ்ஜதி, நிகந்தி உப்பஜ்ஜதி, ‘நிகந்தி த⁴ம்மோ’தி நிகந்திம் ஆவஜ்ஜதி. ததோ விக்கே²போ உத்³த⁴ச்சம். தேன உத்³த⁴ச்சேன விக்³க³ஹிதமானஸோ அனிச்சதோ உபட்டா²னம் யதா²பூ⁴தம் நப்பஜானாதி, து³க்க²தோ உபட்டா²னம் யதா²பூ⁴தம் நப்பஜானாதி, அனத்ததோ உபட்டா²னம் யதா²பூ⁴தம் நப்பஜானாதி. தேன வுச்சதி – ‘‘த⁴ம்முத்³த⁴ச்சவிக்³க³ஹிதமானஸோ ஹோதி ஸோ ஸமயோ, யம் தம் சித்தம் அஜ்ஜ²த்தமேவ ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி. தஸ்ஸ மக்³கோ³ ஸஞ்ஜாயதீ’’தி. கத²ம் மக்³கோ³ ஸஞ்ஜாயதி…பே… ஏவம் மக்³கோ³ ஸஞ்ஜாயதி, ஏவம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி.

து³க்க²தோ மனஸிகரோதோ…பே… அனத்ததோ மனஸிகரோதோ ஓபா⁴ஸோ உப்பஜ்ஜதி…பே… ஞாணம் உப்பஜ்ஜதி, பீதி உப்பஜ்ஜதி, பஸ்ஸத்³தி⁴ உப்பஜ்ஜதி, ஸுக²ம் உப்பஜ்ஜதி, அதி⁴மோக்கோ² உப்பஜ்ஜதி, பக்³க³ஹோ உப்பஜ்ஜதி, உபட்டா²னம் உப்பஜ்ஜதி, உபேக்கா² உப்பஜ்ஜதி, நிகந்தி உப்பஜ்ஜதி, ‘நிகந்தி த⁴ம்மோ’தி நிகந்திம் ஆவஜ்ஜதி. ததோ விக்கே²போ உத்³த⁴ச்சம். தேன உத்³த⁴ச்சேன விக்³க³ஹிதமானஸோ அனத்ததோ உபட்டா²னம், அனிச்சதோ உபட்டா²னம், து³க்க²தோ உபட்டா²னம் யதா²பூ⁴தம் நப்பஜானாதி. தேன வுச்சதி – ‘‘த⁴ம்முத்³த⁴ச்சவிக்³க³ஹிதமானஸோ…பே… ஏவம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி’’.

ரூபம் அனிச்சதோ மனஸிகரோதோ…பே… ரூபம் து³க்க²தோ மனஸிகரோதோ… ரூபம் அனத்ததோ மனஸிகரோதோ… வேத³னம்…பே… ஸஞ்ஞம்… ஸங்கா²ரே… விஞ்ஞாணம்… சக்கு²ம்…பே… ஜராமரணம் அனிச்சதோ மனஸிகரோதோ…பே… ஜராமரணம் து³க்க²தோ மனஸிகரோதோ, ஜராமரணம் அனத்ததோ மனஸிகரோதோ ஓபா⁴ஸோ உப்பஜ்ஜதி…பே… ஞாணம் உப்பஜ்ஜதி, பீதி உப்பஜ்ஜதி, பஸ்ஸத்³தி⁴ உப்பஜ்ஜதி, ஸுக²ம் உப்பஜ்ஜதி, அதி⁴மோக்கோ² உப்பஜ்ஜதி, பக்³க³ஹோ உப்பஜ்ஜதி, உபட்டா²னம் உப்பஜ்ஜதி, உபேக்கா² உப்பஜ்ஜதி, நிகந்தி உப்பஜ்ஜதி, ‘நிகந்தி த⁴ம்மோ’தி நிகந்திம் ஆவஜ்ஜதி. ததோ விக்கே²போ உத்³த⁴ச்சம். தேன உத்³த⁴ச்சேன விக்³க³ஹிதமானஸோ. ஜராமரணம் அனத்ததோ உபட்டா²னம் யதா²பூ⁴தம் நப்பஜானாதி. ஜராமரணம் அனிச்சதோ உபட்டா²னம் யதா²பூ⁴தம் நப்பஜானாதி, ஜராமரணம் து³க்க²தோ உபட்டா²னம் யதா²பூ⁴தம் நப்பஜானாதி. தேன வுச்சதி – ‘‘த⁴ம்முத்³த⁴ச்சவிக்³க³ஹிதமானஸோ ஹோதி. ஸோ ஸமயோ, யம் தம் சித்தம் அஜ்ஜ²த்தமேவ ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி. தஸ்ஸ மக்³கோ³ ஸஞ்ஜாயதீ’’தி. கத²ம் மக்³கோ³ ஸஞ்ஜாயதி…பே… ஏவம் மக்³கோ³ ஸஞ்ஜாயதி. ஏவம் ஸஞ்ஞோஜனானி பஹீயந்தி, அனுஸயா ப்³யந்தீஹோந்தி. ஏவம் த⁴ம்முத்³த⁴ச்சவிக்³க³ஹிதம் மானஸம் ஹோதி.

7. ஓபா⁴ஸே சேவ ஞாணே ச, பீதியா ச விகம்பதி;

பஸ்ஸத்³தி⁴யா ஸுகே² சேவ, யேஹி சித்தம் பவேத⁴தி.

அதி⁴மோக்கே² ச பக்³கா³ஹே, உபட்டா²னே ச கம்பதி;

உபேக்கா²வஜ்ஜனாய சேவ, உபேக்கா²ய ச நிகந்தியா.

இமானி த³ஸ டா²னானி, பஞ்ஞா யஸ்ஸ பரிச்சிதா;

த⁴ம்முத்³த⁴ச்சகுஸலோ ஹோதி, ந ச ஸம்மோஹ க³ச்ச²தி.

விக்கி²பதி சேவ கிலிஸ்ஸதி ச, சவதி சித்தபா⁴வனா;

விக்கி²பதி ந கிலிஸ்ஸதி, பா⁴வனா பரிஹாயதி.

விக்கி²பதி ந கிலிஸ்ஸதி, பா⁴வனா ந பரிஹாயதி;

ந ச விக்கி²பதே சித்தம் ந கிலிஸ்ஸதி, ந சவதி சித்தபா⁴வனா.

இமேஹி சதூஹி டா²னேஹி சித்தஸ்ஸ ஸங்கே²பவிக்கே²பவிக்³க³ஹிதம் [ஸங்கே²பம் விக்கே²பம் விக்³க³ஹிதம் (ஸ்யா.)] த³ஸ டா²னே ஸம்பஜானாதீதி.

யுக³னத்³த⁴கதா² நிட்டி²தா.

2. ஸச்சகதா²

8. புரிமனிதா³னம். ‘‘சத்தாரிமானி, பி⁴க்க²வே [ஸம். நி. 5.1090], ததா²னி அவிததா²னி அனஞ்ஞதா²னி. கதமானி சத்தாரி? ‘இத³ம் து³க்க²’ந்தி, பி⁴க்க²வே, தத²மேதம் அவிதத²மேதம் அனஞ்ஞத²மேதம்; ‘அயம் து³க்க²ஸமுத³யோ’தி தத²மேதம் அவிதத²மேதம் அனஞ்ஞத²மேதம், ‘அயம் து³க்க²னிரோதோ⁴’தி தத²மேதம் அவிதத²மேதம் அனஞ்ஞத²மேதம், ‘அயம் து³க்க²னிரோத⁴கா³மினீ படிபதா³’தி தத²மேதம் அவிதத²மேதம் அனஞ்ஞத²மேதம். இமானி கோ², பி⁴க்க²வே, சத்தாரி ததா²னி அவிததா²னி அனஞ்ஞதா²னி’’.

1. பட²மஸுத்தந்தனித்³தே³ஸோ

கத²ம் து³க்க²ம் தத²ட்டே²ன ஸச்சம்? சத்தாரோ து³க்க²ஸ்ஸ து³க்க²ட்டா² ததா² அவிததா² அனஞ்ஞதா². து³க்க²ஸ்ஸ பீளனட்டோ², ஸங்க²தட்டோ², ஸந்தாபட்டோ², விபரிணாமட்டோ² – இமே சத்தாரோ து³க்க²ஸ்ஸ து³க்க²ட்டா² ததா² அவிததா² அனஞ்ஞதா². ஏவம் து³க்க²ம் தத²ட்டே²ன ஸச்சம்.

கத²ம் ஸமுத³யோ தத²ட்டே²ன ஸச்சம்? சத்தாரோ ஸமுத³யஸ்ஸ ஸமுத³யட்டா² ததா² அவிததா² அனஞ்ஞதா². ஸமுத³யஸ்ஸ ஆயூஹனட்டோ², நிதா³னட்டோ², ஸம்யோக³ட்டோ² பலிபோ³த⁴ட்டோ² – இமே சத்தாரோ ஸமுத³யஸ்ஸ ஸமுத³யட்டா² ததா² அவிததா² அனஞ்ஞதா². ஏவம் ஸமுத³யோ தத²ட்டே²ன ஸச்சம்.

கத²ம் நிரோதோ⁴ தத²ட்டே²ன ஸச்சம்? சத்தாரோ நிரோத⁴ஸ்ஸ நிரோத⁴ட்டா² ததா² அவிததா² அனஞ்ஞதா². நிரோத⁴ஸ்ஸ நிஸ்ஸரணட்டோ², விவேகட்டோ², அஸங்க²தட்டோ², அமதட்டோ² – இமே சத்தாரோ நிரோத⁴ஸ்ஸ நிரோத⁴ட்டா² ததா² அவிததா² அனஞ்ஞதா². ஏவம் நிரோதோ⁴ தத²ட்டே²ன ஸச்சம்.

கத²ம் மக்³கோ³ தத²ட்டே²ன ஸச்சம்? சத்தாரோ மக்³க³ஸ்ஸ மக்³க³ட்டா² ததா² அவிததா² அனஞ்ஞதா². மக்³க³ஸ்ஸ நிய்யானட்டோ², ஹேதுட்டோ², த³ஸ்ஸனட்டோ², ஆதி⁴பதேய்யட்டோ² – இமே சத்தாரோ மக்³க³ஸ்ஸ மக்³க³ட்டா² ததா² அவிததா² அனஞ்ஞதா². ஏவம் மக்³கோ³ தத²ட்டே²ன ஸச்சம்.

9. கதிஹாகாரேஹி சத்தாரி ஸச்சானி ஏகப்படிவேதா⁴னி? சதூஹாகாரேஹி சத்தாரி ஸச்சானி ஏகப்படிவேதா⁴னி. தத²ட்டே²ன, அனத்தட்டே²ன, ஸச்சட்டே²ன, படிவேத⁴ட்டே²ன – இமேஹி சதூஹாகாரேஹி சத்தாரி ஸச்சானி ஏகஸங்க³ஹிதானி. யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

கத²ம் தத²ட்டே²ன சத்தாரி ஸச்சானி ஏகப்படிவேதா⁴னி? சதூஹாகாரேஹி தத²ட்டே²ன சத்தாரி ஸச்சானி ஏகப்படிவேதா⁴னி. து³க்க²ஸ்ஸ து³க்க²ட்டோ² தத²ட்டோ², ஸமுத³யஸ்ஸ ஸமுத³யட்டோ² தத²ட்டோ², நிரோத⁴ஸ்ஸ நிரோத⁴ட்டோ² தத²ட்டோ², மக்³க³ஸ்ஸ மக்³க³ட்டோ² தத²ட்டோ² – இமேஹி சதூஹாகாரேஹி தத²ட்டே²ன சத்தாரி ஸச்சானி ஏகஸங்க³ஹிதானி. யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

கத²ம் அனத்தட்டே²ன சத்தாரி ஸச்சானி ஏகப்படிவேதா⁴னி? சதூஹாகாரேஹி அனத்தட்டே²ன சத்தாரி ஸச்சானி ஏகப்படிவேதா⁴னி. து³க்க²ஸ்ஸ து³க்க²ட்டோ² அனத்தட்டோ², ஸமுத³யஸ்ஸ ஸமுத³யட்டோ² அனத்தட்டோ², நிரோத⁴ஸ்ஸ நிரோத⁴ட்டோ² அனத்தட்டோ², மக்³க³ஸ்ஸ மக்³க³ட்டோ² அனத்தட்டோ² – இமேஹி சதூஹாகாரேஹி அனத்தட்டே²ன சத்தாரி ஸச்சானி ஏகஸங்க³ஹிதானி. யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

கத²ம் ஸச்சட்டே²ன சத்தாரி ஸச்சானி ஏகப்படிவேதா⁴னி? சதூஹாகாரேஹி ஸச்சட்டே²ன சத்தாரி ஸச்சானி ஏகப்படிவேதா⁴னி. து³க்க²ஸ்ஸ து³க்க²ட்டோ² ஸச்சட்டோ², ஸமுத³யஸ்ஸ ஸமுத³யட்டோ² ஸச்சட்டோ², நிரோத⁴ஸ்ஸ நிரோத⁴ட்டோ² ஸச்சட்டோ², மக்³க³ஸ்ஸ மக்³க³ட்டோ² ஸச்சட்டோ² – இமேஹி சதூஹாகாரேஹி ஸச்சட்டே²ன சத்தாரி ஸச்சானி ஏகஸங்க³ஹிதானி. யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

கத²ம் படிவேத⁴ட்டே²ன சத்தாரி ஸச்சானி ஏகப்படிவேதா⁴னி? சதூஹாகாரேஹி படிவேத⁴ட்டே²ன சத்தாரி ஸச்சானி ஏகப்படிவேதா⁴னி. து³க்க²ஸ்ஸ து³க்க²ட்டோ² படிவேத⁴ட்டோ², ஸமுத³யஸ்ஸ ஸமுத³யட்டோ² படிவேத⁴ட்டோ² நிரோத⁴ஸ்ஸ நிரோத⁴ட்டோ² படிவேத⁴ட்டோ², மக்³க³ஸ்ஸ மக்³க³ட்டோ² படிவேத⁴ட்டோ² – இமேஹி சதூஹாகாரேஹி படிவேத⁴ட்டே²ன சத்தாரி ஸச்சானி ஏகஸங்க³ஹிதானி யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

10. கதிஹாகாரேஹி சத்தாரி ஸச்சானி ஏகப்படிவேதா⁴னி? யம் அனிச்சம் தம் து³க்க²ம், யம் து³க்க²ம் தம் அனிச்சம், யம் அனிச்சஞ்ச து³க்க²ஞ்ச தம் அனத்தா. யம் அனிச்சஞ்ச து³க்க²ஞ்ச அனத்தா ச தம் தத²ம். யம் அனிச்சம் ச து³க்க²ஞ்ச அனத்தா ச தத²ஞ்ச தம் ஸச்சம். யம் அனிச்சஞ்ச து³க்க²ஞ்ச அனத்தா ச தத²ஞ்ச ஸச்சஞ்ச தம் ஏகஸங்க³ஹிதம். யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

கதிஹாகாரேஹி சத்தாரி ஸச்சானி ஏகப்படிவேதா⁴னி? நவஹாகாரேஹி சத்தாரி ஸச்சானி ஏகப்படிவேதா⁴னி. தத²ட்டே²ன, அனத்தட்டே²ன, ஸச்சட்டே²ன, படிவேத⁴ட்டே²ன, அபி⁴ஞ்ஞட்டே²ன, பரிஞ்ஞட்டே²ன, பஹானட்டே²ன, பா⁴வனட்டே²ன, ஸச்சி²கிரியட்டே²ன – இமேஹி நவஹாகாரேஹி சத்தாரி ஸச்சானி ஏகஸங்க³ஹிதானி. யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

கத²ம் தத²ட்டே²ன சத்தாரி ஸச்சானி ஏகப்படிவேதா⁴னி? நவஹாகாரேஹி தத²ட்டே²ன சத்தாரி ஸச்சானி ஏகப்படிவேதா⁴னி. து³க்க²ஸ்ஸ து³க்க²ட்டோ² தத²ட்டோ², ஸமுத³யஸ்ஸ ஸமுத³யட்டோ² தத²ட்டோ², நிரோத⁴ஸ்ஸ நிரோத⁴ட்டோ² தத²ட்டோ², மக்³க³ஸ்ஸ மக்³க³ட்டோ² தத²ட்டோ², அபி⁴ஞ்ஞாய அபி⁴ஞ்ஞட்டோ² தத²ட்டோ², பரிஞ்ஞாய பரிஞ்ஞட்டோ² தத²ட்டோ², பஹானஸ்ஸ பஹானட்டோ² தத²ட்டோ², பா⁴வனாய பா⁴வனட்டோ² தத²ட்டோ², ஸச்சி²கிரியாய ஸச்சி²கிரியட்டோ² தத²ட்டோ² – இமேஹி நவஹாகாரேஹி தத²ட்டே²ன சத்தாரி ஸச்சானி ஏகஸங்க³ஹிதானி. யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

கத²ம் அனத்தட்டே²ன… ஸச்சட்டே²ன… படிவேத⁴ட்டே²ன சத்தாரி ஸச்சானி ஏகப்படிவேதா⁴னி? நவஹாகாரேஹி படிவேத⁴ட்டே²ன சத்தாரி ஸச்சானி ஏகப்படிவேதா⁴னி. து³க்க²ஸ்ஸ து³க்க²ட்டோ² படிவேத⁴ட்டோ², ஸமுத³யஸ்ஸ ஸமுத³யட்டோ² படிவேத⁴ட்டோ², நிரோத⁴ஸ்ஸ நிரோத⁴ட்டோ² படிவேத⁴ட்டோ², மக்³க³ஸ்ஸ மக்³க³ட்டோ² படிவேத⁴ட்டோ², அபி⁴ஞ்ஞாய அபி⁴ஞ்ஞட்டோ² படிவேத⁴ட்டோ², பரிஞ்ஞாய பரிஞ்ஞட்டோ² படிவேத⁴ட்டோ², பஹானஸ்ஸ பஹானட்டோ² படிவேத⁴ட்டோ², பா⁴வனாய பா⁴வனட்டோ² படிவேத⁴ட்டோ², ஸச்சி²கிரியாய ஸச்சி²கிரியட்டோ² படிவேத⁴ட்டோ² – இமேஹி நவஹாகாரேஹி படிவேத⁴ட்டே²ன சத்தாரி ஸச்சானி ஏகஸங்க³ஹிதானி. யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

11. கதிஹாகாரேஹி சத்தாரி ஸச்சானி ஏகப்படிவேதா⁴னி? த்³வாத³ஸஹி ஆகாரேஹி சத்தாரி ஸச்சானி ஏகப்படிவேதா⁴னி. தத²ட்டே²ன, அனத்தட்டே²ன, ஸச்சட்டே²ன, படிவேத⁴ட்டே²ன, அபி⁴ஜானனட்டே²ன, பரிஜானனட்டே²ன, த⁴ம்மட்டே²ன, தத²ட்டே²ன, ஞாதட்டே²ன, ஸச்சி²கிரியட்டே²ன, ப²ஸ்ஸனட்டே²ன, அபி⁴ஸமயட்டே²ன – இமேஹி த்³வாத³ஸஹி ஆகாரேஹி சத்தாரி ஸச்சானி ஏகஸங்க³ஹிதானி. யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

கத²ம் தத²ட்டே²ன சத்தாரி ஸச்சானி ஏகப்படிவேதா⁴னி? ஸோளஸஹி ஆகாரேஹி தத²ட்டே²ன சத்தாரி ஸச்சானி ஏகப்படிவேதா⁴னி. து³க்க²ஸ்ஸ பீளனட்டோ², ஸங்க²தட்டோ², ஸந்தாபட்டோ², விபரிணாமட்டோ², தத²ட்டோ²; ஸமுத³யஸ்ஸ ஆயூஹனட்டோ², நிதா³னட்டோ², ஸம்யோக³ட்டோ², பலிபோ³த⁴ட்டோ² தத²ட்டோ²; நிரோத⁴ஸ்ஸ நிஸ்ஸரணட்டோ², விவேகட்டோ², அஸங்க²தட்டோ², அமதட்டோ² தத²ட்டோ²; மக்³க³ஸ்ஸ நிய்யானட்டோ², ஹேதுட்டோ², த³ஸ்ஸனட்டோ², ஆதி⁴பதேய்யட்டோ² தத²ட்டோ² – இமேஹி ஸோளஸஹி ஆகாரேஹி தத²ட்டே²ன சத்தாரி ஸச்சானி ஏகஸங்க³ஹிதானி. யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

கத²ம் அனத்தட்டே²ன…பே… ஸச்சட்டே²ன… படிவேத⁴ட்டே²ன… அபி⁴ஜானனட்டே²ன… பரிஜானனட்டே²ன… த⁴ம்மட்டே²ன… தத²ட்டே²ன… ஞாதட்டே²ன… ஸச்சி²கிரியட்டே²ன… ப²ஸ்ஸனட்டே²ன… அபி⁴ஸமயட்டே²ன சத்தாரி ஸச்சானி ஏகப்படிவேதா⁴னி? ஸோளஸஹி ஆகாரேஹி அபி⁴ஸமயட்டே²ன சத்தாரி ஸச்சானி ஏகப்படிவேதா⁴னி. து³க்க²ஸ்ஸ பீளனட்டோ², ஸங்க²தட்டோ², ஸந்தாபட்டோ², விபரிணாமட்டோ², அபி⁴ஸமயட்டோ²; ஸமுத³யஸ்ஸ ஆயூஹனட்டோ², நிதா³னட்டோ², ஸம்யோக³ட்டோ², பலிபோ³த⁴ட்டோ², அபி⁴ஸமயட்டோ²; நிரோத⁴ஸ்ஸ நிஸ்ஸரணட்டோ², விவேகட்டோ², அஸங்க²தட்டோ², அமதட்டோ², அபி⁴ஸமயட்டோ²; மக்³க³ஸ்ஸ நிய்யானட்டோ², ஹேதுட்டோ², த³ஸ்ஸனட்டோ², ஆதி⁴பதேய்யட்டோ², அபி⁴ஸமயட்டோ² – இமேஹி ஸோளஸஹி ஆகாரேஹி அபி⁴ஸமயட்டே²ன சத்தாரி ஸச்சானி ஏகஸங்க³ஹிதானி. யம் ஏகஸங்க³ஹிதம் தம் ஏகத்தம். ஏகத்தம் ஏகேன ஞாணேன படிவிஜ்ஜ²தீதி – சத்தாரி ஸச்சானி ஏகப்படிவேதா⁴னி.

12. ஸச்சானம் கதி லக்க²ணானி? ஸச்சானம் த்³வே லக்க²ணானி. ஸங்க²தலக்க²ணஞ்ச, அஸங்க²தலக்க²ணஞ்ச – ஸச்சானம் இமானி த்³வே லக்க²ணானி.

ஸச்சானம் கதி லக்க²ணானி? ஸச்சானம் ச² லக்க²ணானி. ஸங்க²தானம் ஸச்சானம் உப்பாதோ³ பஞ்ஞாயதி, வயோ பஞ்ஞாயதி, டி²தானம் அஞ்ஞத²த்தம் பஞ்ஞாயதி அஸங்க²தஸ்ஸ ஸச்சஸ்ஸ ந உப்பாதோ³ பஞ்ஞாயதி, ந வயோ பஞ்ஞாயதி, ந டி²தஸ்ஸ அஞ்ஞத²த்தம் பஞ்ஞாயதி – ஸச்சானம் இமானி ச² லக்க²ணானி.

ஸச்சானம் கதி லக்க²ணானி? ஸச்சானம் த்³வாத³ஸ லக்க²ணானி. து³க்க²ஸச்சஸ்ஸ உப்பாதோ³ பஞ்ஞாயதி, வயோ பஞ்ஞாயதி, டி²தஸ்ஸ அஞ்ஞத²த்தம் பஞ்ஞாயதி; ஸமுத³யஸச்சஸ்ஸ உப்பாதோ³ பஞ்ஞாயதி, வயோ பஞ்ஞாயதி, டி²தஸ்ஸ அஞ்ஞத²த்தம் பஞ்ஞாயதி; மக்³க³ஸச்சஸ்ஸ உப்பாதோ³ பஞ்ஞாயதி, வயோ பஞ்ஞாயதி, டி²தஸ்ஸ அஞ்ஞத²த்தம் பஞ்ஞாயதி; நிரோத⁴ஸச்சஸ்ஸ ந உப்பாதோ³ பஞ்ஞாயதி, ந வயோ பஞ்ஞாயதி, ந டி²தஸ்ஸ அஞ்ஞத²த்தம் பஞ்ஞாயதி – ஸச்சானம் இமானி த்³வாத³ஸ லக்க²ணானி.

சதுன்னம் ஸச்சானம் கதி குஸலா, கதி அகுஸலா, கதி அப்³யாகதா? ஸமுத³யஸச்சம் அகுஸலம், மக்³க³ஸச்சம் குஸலம், நிரோத⁴ஸச்சம் அப்³யாகதம். து³க்க²ஸச்சம் ஸியா குஸலம், ஸியா அகுஸலம், ஸியா அப்³யாகதம்.

ஸியா தீணி ஸச்சானி ஏகஸச்சேன ஸங்க³ஹிதானி, ஏகஸச்சம் தீஹி ஸச்சேஹி ஸங்க³ஹிதம்? வத்து²வஸேன பரியாயேன ஸியாதி. கத²ஞ்ச ஸியா? யம் து³க்க²ஸச்சம் அகுஸலம், ஸமுத³யஸச்சம் அகுஸலம் – ஏவம் அகுஸலட்டே²ன த்³வே ஸச்சானி ஏகஸச்சேன ஸங்க³ஹிதானி, ஏகஸச்சம் த்³வீஹி ஸச்சேஹி ஸங்க³ஹிதம். யம் து³க்க²ஸச்சம் குஸலம், மக்³க³ஸச்சம் குஸலம் – ஏவம் குஸலட்டே²ன த்³வே ஸச்சானி ஏகஸச்சேன ஸங்க³ஹிதானி, ஏகஸச்சம் த்³வீஹி ஸச்சேஹி ஸங்க³ஹிதம். யம் து³க்க²ஸச்சம் அப்³யாகதம், நிரோத⁴ஸச்சம் அப்³யாகதம் – ஏவம் அப்³யாகதட்டே²ன த்³வே ஸச்சானி ஏகஸச்சேன ஸங்க³ஹிதானி, ஏகஸச்சம் த்³வீஹி ஸச்சேஹி ஸங்க³ஹிதம். ஏவம் ஸியா தீணி ஸச்சானி ஏகஸச்சேன ஸங்க³ஹிதானி, ஏகஸச்சம் தீஹி ஸச்சேஹி ஸங்க³ஹிதம் வத்து²வஸேன பரியாயேனாதி.

2. து³தியஸுத்தந்தபாளி

13. ‘‘புப்³பே³ மே, பி⁴க்க²வே [ஸம். நி. 3.26], ஸம்போ³தா⁴ அனபி⁴ஸம்பு³த்³த⁴ஸ்ஸ போ³தி⁴ஸத்தஸ்ஸேவ ஸதோ ஏதத³ஹோஸி – ‘கோ நு கோ² ரூபஸ்ஸ அஸ்ஸாதோ³, கோ ஆதீ³னவோ, கிம் நிஸ்ஸரணம்; கோ வேத³னாய அஸ்ஸாதோ³, கோ ஆதீ³னவோ, கிம் நிஸ்ஸரணம்; கோ ஸஞ்ஞாய அஸ்ஸாதோ³, கோ ஆதீ³னவோ, கிம் நிஸ்ஸரணம்; கோ ஸங்கா²ரானம் அஸ்ஸாதோ³, கோ ஆதீ³னவோ, கிம் நிஸ்ஸரணம்; கோ விஞ்ஞாணஸ்ஸ அஸ்ஸாதோ³, கோ ஆதீ³னவோ, கிம் நிஸ்ஸரண’ந்தி? தஸ்ஸ மய்ஹம், பி⁴க்க²வே, ஏதத³ஹோஸி – ‘யம் கோ² ரூபம் படிச்ச உப்பஜ்ஜதி ஸுக²ம் ஸோமனஸ்ஸம் – அயம் ரூபஸ்ஸ அஸ்ஸாதோ³. யம் ரூபம் அனிச்சம், தம் து³க்க²ம் விபரிணாமத⁴ம்மம் – அயம் ரூபஸ்ஸ ஆதீ³னவோ. யோ ரூபஸ்மிம் ச²ந்த³ராக³வினயோ ச²ந்த³ராக³ப்பஹானம் – இத³ம் ரூபஸ்ஸ நிஸ்ஸரணம். யம் வேத³னம் படிச்ச…பே… யம் ஸஞ்ஞம் படிச்ச… யம் ஸங்கா²ரே படிச்ச… யம் விஞ்ஞாணம் படிச்ச உப்பஜ்ஜதி ஸுக²ம் ஸோமனஸ்ஸம் – அயம் விஞ்ஞாணஸ்ஸ அஸ்ஸாதோ³. யம் விஞ்ஞாணம் அனிச்சம் தம் து³க்க²ம் விபரிணாமத⁴ம்மம் – அயம் விஞ்ஞாணஸ்ஸ ஆதீ³னவோ. யோ விஞ்ஞாணஸ்மிம் ச²ந்த³ராக³வினயோ ச²ந்த³ராக³ப்பஹானம் – இத³ம் விஞ்ஞாணஸ்ஸ நிஸ்ஸரணம்’’.

‘‘யாவகீவஞ்சாஹம், பி⁴க்க²வே, இமேஸம் பஞ்சன்னம் உபாதா³னக்க²ந்தா⁴னம் ஏவம் அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ நிஸ்ஸரணஞ்ச நிஸ்ஸரணதோ யதா²பூ⁴தம் நாப்³ப⁴ஞ்ஞாஸிம், நேவ தாவாஹம், பி⁴க்க²வே, ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய ‘அனுத்தரம் ஸம்மாஸம்போ³தி⁴ம் அபி⁴ஸம்பு³த்³தோ⁴’தி பச்சஞ்ஞாஸிம் [அபி⁴ஸம்பு³த்³தோ⁴ பச்சஞ்ஞாஸிம் (ஸ்யா.) ஸம். நி. 3.26 பஸ்ஸிதப்³பா³] யதோ ச க்²வாஹம், பி⁴க்க²வே, இமேஸம் பஞ்சன்னம் உபாதா³னக்க²ந்தா⁴னம் ஏவம் அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ நிஸ்ஸரணஞ்ச நிஸ்ஸரணதோ யதா²பூ⁴தம் அப்³ப⁴ஞ்ஞாஸிம், அதா²ஹம், பி⁴க்க²வே, ‘ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய அனுத்தரம் ஸம்மாஸம்போ³தி⁴ம் அபி⁴ஸம்பு³த்³தோ⁴’தி பச்சஞ்ஞாஸிம். ஞாணஞ்ச பன மே த³ஸ்ஸனம் உத³பாதி³ – ‘அகுப்பா மே விமுத்தி [சேதோவிமுத்தி (ஸ்யா. க.) ஸம். நி. 3.27 பஸ்ஸிதப்³பா³]. அயமந்திமா ஜாதி, நத்தி² தா³னி புனப்³ப⁴வோ’’’தி.

3. து³தியஸுத்தந்தனித்³தே³ஸோ

14. யம் ரூபம் படிச்ச உப்பஜ்ஜதி ஸுக²ம் ஸோமனஸ்ஸம், அயம் ரூபஸ்ஸ அஸ்ஸாதோ³தி – பஹானப்படிவேதோ⁴ ஸமுத³யஸச்சம். யம் ரூபம் அனிச்சம் தம் து³க்க²ம் விபரிணாமத⁴ம்மம், அயம் ரூபஸ்ஸ ஆதீ³னவோதி – பரிஞ்ஞாபடிவேதோ⁴ து³க்க²ஸச்சம். யோ ரூபஸ்மிம் ச²ந்த³ராக³வினயோ ச²ந்த³ராக³ப்பஹானம், இத³ம் ரூபஸ்ஸ நிஸ்ஸரணந்தி – ஸச்சி²கிரியாபடிவேதோ⁴ நிரோத⁴ஸச்சம். யா இமேஸு தீஸு டா²னேஸு தி³ட்டி² ஸங்கப்போ வாசா கம்மந்தோ ஆஜீவோ வாயாமோ ஸதி ஸமாதி⁴ – பா⁴வனாபடிவேதோ⁴ மக்³க³ஸச்சம்.

யம் வேத³னம் படிச்ச…பே… யம் ஸஞ்ஞம் படிச்ச… யம் ஸங்கா²ரே படிச்ச… யம் விஞ்ஞாணம் படிச்ச உப்பஜ்ஜதி ஸுக²ம் ஸோமனஸ்ஸம், அயம் விஞ்ஞாணஸ்ஸ அஸ்ஸாதோ³தி – பஹானப்படிவேதோ⁴ ஸமுத³யஸச்சம். யம் விஞ்ஞாணம் அனிச்சம் தம் து³க்க²ம் விபரிணாமத⁴ம்மம், அயம் விஞ்ஞாணஸ்ஸ ஆதீ³னவோதி – பரிஞ்ஞாபடிவேதோ⁴ து³க்க²ஸச்சம். யோ விஞ்ஞாணஸ்மிம் ச²ந்த³ராக³வினயோ ச²ந்த³ராக³ப்பஹானம், இத³ம் விஞ்ஞாணஸ்ஸ நிஸ்ஸரணந்தி – ஸச்சி²கிரியாபடிவேதோ⁴ நிரோத⁴ஸச்சம். யா இமேஸு தீஸு டா²னேஸு தி³ட்டி² ஸங்கப்போ வாசா கம்மந்தோ ஆஜீவோ வாயாமோ ஸதி ஸமாதி⁴ – பா⁴வனாபடிவேதோ⁴ மக்³க³ஸச்சம்.

15. ஸச்சந்தி கதிஹாகாரேஹி ஸச்சம்? ஏஸனட்டே²ன, பரிக்³க³ஹட்டே²ன, படிவேத⁴ட்டே²ன. கத²ம் ஏஸனட்டே²ன ஸச்சம்? ஜராமரணம் கிம்னிதா³னம், கிம்ஸமுத³யம், கிம்ஜாதிகம், கிம்பப⁴வந்தி – ஏவம் ஏஸனட்டே²ன ஸச்சம். ஜராமரணம் ஜாதினிதா³னம், ஜாதிஸமுத³யம், ஜாதிஜாதிகம், ஜாதிப்பப⁴வந்தி – ஏவம் பரிக்³க³ஹட்டே²ன ஸச்சம். ஜராமரணஞ்ச பஜானாதி, ஜராமரணஸமுத³யஞ்ச பஜானாதி, ஜராமரணனிரோத⁴ஞ்ச பஜானாதி, ஜராமரணனிரோத⁴கா³மினிம் படிபத³ஞ்ச பஜானாதி – ஏவம் படிவேத⁴ட்டே²ன ஸச்சம்.

ஜாதி கிம்னிதா³னா, கிம்ஸமுத³யா, கிம்ஜாதிகா, கிம்பப⁴வாதி – ஏவம் ஏஸனட்டே²ன ஸச்சம். ஜாதி ப⁴வனிதா³னா, ப⁴வஸமுத³யா, ப⁴வஜாதிகா, ப⁴வப்பப⁴வாதி – ஏவம் பரிக்³க³ஹட்டே²ன ஸச்சம். ஜாதிஞ்ச பஜானாதி, ஜாதிஸமுத³யஞ்ச பஜானாதி, ஜாதினிரோத⁴ஞ்ச பஜானாதி, ஜாதினிரோத⁴கா³மினிம் படிபத³ஞ்ச பஜானாதி – ஏவம் படிவேத⁴ட்டே²ன ஸச்சம்.

ப⁴வோ கிம்னிதா³னோ, கிம்ஸமுத³யோ, கிம்ஜாதிகோ, கிம்பப⁴வோதி – ஏவம் ஏஸனட்டே²ன ஸச்சம். ப⁴வோ உபாதா³னனிதா³னோ, உபாதா³னஸமுத³யோ, உபாதா³னஜாதிகோ, உபாதா³னப்பப⁴வோதி – ஏவம் பரிக்³க³ஹட்டே²ன ஸச்சம். ப⁴வம் ச பஜானாதி, ப⁴வஸமுத³யஞ்ச பஜானாதி, ப⁴வனிரோத⁴ஞ்ச பஜானாதி, ப⁴வனிரோத⁴கா³மினிம் படிபத³ஞ்ச பஜானாதி – ஏவம் படிவேத⁴ட்டே²ன ஸச்சம்.

உபாதா³னம் கிம்னிதா³னம், கிம்ஸமுத³யம், கிம்ஜாதிகம், கிம்பப⁴வந்தி – ஏவம் ஏஸனட்டே²ன ஸச்சம். உபாதா³னம் தண்ஹானிதா³னம், தண்ஹாஸமுத³யம், தண்ஹாஜாதிகம், தண்ஹாபப⁴வந்தி – ஏவம் பரிக்³க³ஹட்டே²ன ஸச்சம். உபாதா³னஞ்ச பஜானாதி, உபாதா³னஸமுத³யஞ்ச பஜானாதி, உபாதா³னனிரோத⁴ஞ்ச பஜானாதி உபாதா³னனிரோத⁴கா³மினிம் படிபத³ஞ்ச பஜானாதி – ஏவம் படிவேத⁴ட்டே²ன ஸச்சம்.

தண்ஹா கிம்னிதா³னா, கிம்ஸமுத³யா, கிம்ஜாதிகா, கிம்பப⁴வாதி – ஏவம் ஏஸனட்டே²ன ஸச்சம். தண்ஹா வேத³னானிதா³னா, வேத³னாஸமுத³யா, வேத³னாஜாதிகா, வேத³னாபப⁴வாதி – ஏவம் பரிக்³க³ஹட்டே²ன ஸச்சம். தண்ஹஞ்ச பஜானாதி, தண்ஹாஸமுத³யஞ்ச பஜானாதி, தண்ஹானிரோத⁴ஞ்ச பஜானாதி, தண்ஹானிரோத⁴கா³மினிம் படிபத³ஞ்ச பஜானாதி – ஏவம் படிவேத⁴ட்டே²ன ஸச்சம்.

வேத³னா கிம்னிதா³னா, கிம்ஸமுத³யா, கிம்ஜாதிகா, கிம்பப⁴வாதி – ஏவம் ஏஸனட்டே²ன ஸச்சம். வேத³னா ப²ஸ்ஸனிதா³னா, ப²ஸ்ஸஸமுத³யா, ப²ஸ்ஸஜாதிகா, ப²ஸ்ஸப்பப⁴வாதி – ஏவம் பரிக்³க³ஹட்டே²ன ஸச்சம். வேத³னஞ்ச பஜானாதி, வேத³னாஸமுத³யஞ்ச பஜானாதி, வேத³னானிரோத⁴ஞ்ச பஜானாதி, வேத³னானிரோத⁴கா³மினிம் படிபத³ஞ்ச பஜானாதி – ஏவம் படிவேத⁴ட்டே²ன ஸச்சம்.

ப²ஸ்ஸோ கிம்னிதா³னோ, கிம்ஸமுத³யோ, கிம்ஜாதிகோ, கிம்பப⁴வோதி – ஏவம் ஏஸனட்டே²ன ஸச்சம். ப²ஸ்ஸோ ஸளாயதனனிதா³னோ, ஸளாயதனஸமுத³யோ, ஸளாயதனஜாதிகோ, ஸளாயதனப்பப⁴வோதி – ஏவம் பரிக்³க³ஹட்டே²ன ஸச்சம். ப²ஸ்ஸஞ்ச பஜானாதி, ப²ஸ்ஸஸமுத³யஞ்ச பஜானாதி, ப²ஸ்ஸனிரோத⁴ஞ்ச பஜானாதி, ப²ஸ்ஸனிரோத⁴கா³மினிம் படிபத³ஞ்ச பஜானாதி – ஏவம் படிவேத⁴ட்டே²ன ஸச்சம்.

ஸளாயதனம் கிம்னிதா³னம், கிம்ஸமுத³யம், கிம்ஜாதிகம், கிம்பப⁴வந்தி – ஏவம் ஏஸனட்டே²ன ஸச்சம். ஸளாயதனம் நாமரூபனிதா³னம், நாமரூபஸமுத³யம், நாமரூபஜாதிகம், நாமரூபப்பப⁴வந்தி – ஏவம் பரிக்³க³ஹட்டே²ன ஸச்சம். ஸளாயதனஞ்ச பஜானாதி, ஸளாயதனஸமுத³யஞ்ச பஜானாதி, ஸளாயதனனிரோத⁴ஞ்ச பஜானாதி, ஸளாயதனனிரோத⁴கா³மினிம் படிபத³ஞ்ச பஜானாதி – ஏவம் படிவேத⁴ட்டே²ன ஸச்சம்.

நாமரூபம் கிம்னிதா³னம், கிம்ஸமுத³யம், கிம்ஜாதிகம், கிம்பப⁴வந்தி – ஏவம் ஏஸனட்டே²ன ஸச்சம். நாமரூபம் விஞ்ஞாணனிதா³னம், விஞ்ஞாணஸமுத³யம், விஞ்ஞாணஜாதிகம், விஞ்ஞாணப்பப⁴வந்தி – ஏவம் பரிக்³க³ஹட்டே²ன ஸச்சம். நாமரூபஞ்ச பஜானாதி, நாமரூபஸமுத³யஞ்ச பஜானாதி, நாமரூபனிரோத⁴ஞ்ச பஜானாதி, நாமரூபனிரோத⁴கா³மினிம் படிபத³ஞ்ச பஜானாதி – ஏவம் படிவேத⁴ட்டே²ன ஸச்சம்.

விஞ்ஞாணம் கிம்னிதா³னம், கிம்ஸமுத³யம், கிம்ஜாதிகம், கிம்பப⁴வந்தி – ஏவம் ஏஸனட்டே²ன ஸச்சம். விஞ்ஞாணம் ஸங்கா²ரனிதா³னம், ஸங்கா²ரஸமுத³யம், ஸங்கா²ரஜாதிகம், ஸங்கா²ரப்பப⁴வந்தி – ஏவம் பரிக்³க³ஹட்டே²ன ஸச்சம். விஞ்ஞாணஞ்ச பஜானாதி, விஞ்ஞாணஸமுத³யஞ்ச பஜானாதி, விஞ்ஞாணனிரோத⁴ஞ்ச பஜானாதி, விஞ்ஞாணனிரோத⁴கா³மினிம் படிபத³ஞ்ச பஜானாதி – ஏவம் படிவேத⁴ட்டே²ன ஸச்சம்.

ஸங்கா²ரா கிம்னிதா³னா, கிம்ஸமுத³யா, கிம்ஜாதிகா, கிம்பப⁴வாதி – ஏவம் ஏஸனட்டே²ன ஸச்சம். ஸங்கா²ரா அவிஜ்ஜானிதா³னா, அவிஜ்ஜாஸமுத³யா, அவிஜ்ஜாஜாதிகா, அவிஜ்ஜாபப⁴வாதி – ஏவம் பரிக்³க³ஹட்டே²ன ஸச்சம். ஸங்கா²ரே ச பஜானாதி, ஸங்கா²ரஸமுத³யஞ்ச பஜானாதி, ஸங்கா²ரனிரோத⁴ஞ்ச பஜானாதி, ஸங்கா²ரனிரோத⁴கா³மினிம் படிபத³ஞ்ச பஜானாதி – ஏவம் படிவேத⁴ட்டே²ன ஸச்சம்.

16. ஜராமரணம் து³க்க²ஸச்சம், ஜாதி ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம். ஜாதி து³க்க²ஸச்சம், ப⁴வோ ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம். ப⁴வோ து³க்க²ஸச்சம், உபாதா³னம் ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம். உபாதா³னம் து³க்க²ஸச்சம், தண்ஹா ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம். தண்ஹா து³க்க²ஸச்சம், வேத³னா ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம். வேத³னா து³க்க²ஸச்சம், ப²ஸ்ஸோ ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம். ப²ஸ்ஸோ து³க்க²ஸச்சம், ஸளாயதனம் ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம். ஸளாயதனம் து³க்க²ஸச்சம், நாமரூபம் ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம். நாமரூபம் து³க்க²ஸச்சம், விஞ்ஞாணம் ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம். விஞ்ஞாணம் து³க்க²ஸச்சம், ஸங்கா²ரா ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம். ஸங்கா²ரா து³க்க²ஸச்சம், அவிஜ்ஜா ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம்.

ஜராமரணம் ஸியா து³க்க²ஸச்சம், ஸியா ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சம். ஜாதி ஸியா து³க்க²ஸச்சம், ஸியா ஸமுத³யஸச்சம்…பே… ப⁴வோ ஸியா து³க்க²ஸச்சம், ஸியா ஸமுத³யஸச்சம், உபி⁴ன்னம்பி நிஸ்ஸரணம் நிரோத⁴ஸச்சம், நிரோத⁴ப்பஜானனா மக்³க³ஸச்சந்தி.

பா⁴ணவாரோ.

ஸச்சகதா² நிட்டி²தா.

3. போ³ஜ்ஜ²ங்க³கதா²

17. ஸாவத்தி²னிதா³னம். ‘‘ஸத்திமே, பி⁴க்க²வே [ஸம். நி. 5.200], போ³ஜ்ஜ²ங்கா³. கதமே ஸத்த? ஸதிஸம்போ³ஜ்ஜ²ங்கோ³, த⁴ம்மவிசயஸம்போ³ஜ்ஜ²ங்கோ³, வீரியஸம்போ³ஜ்ஜ²ங்கோ³, பீதிஸம்போ³ஜ்ஜ²ங்கோ³, பஸ்ஸத்³தி⁴ஸம்போ³ஜ்ஜ²ங்கோ³, ஸமாதி⁴ஸம்போ³ஜ்ஜ²ங்கோ³, உபேக்கா²ஸம்போ³ஜ்ஜ²ங்கோ³ – இமே கோ², பி⁴க்க²வே, ஸத்த போ³ஜ்ஜ²ங்கா³’’.

போ³ஜ்ஜ²ங்கா³தி கேனட்டே²ன போ³ஜ்ஜ²ங்கா³? போ³தா⁴ய ஸம்வத்தந்தீதி – போ³ஜ்ஜ²ங்கா³. பு³ஜ்ஜ²ந்தீதி – போ³ஜ்ஜ²ங்கா³. அனுபு³ஜ்ஜ²ந்தீதி – போ³ஜ்ஜ²ங்கா³. படிபு³ஜ்ஜ²ந்தீதி – போ³ஜ்ஜ²ங்கா³. ஸம்பு³ஜ்ஜ²ந்தீதி – போ³ஜ்ஜ²ங்கா³.

பு³ஜ்ஜ²னட்டே²ன போ³ஜ்ஜ²ங்கா³, அனுபு³ஜ்ஜ²னட்டே²ன போ³ஜ்ஜ²ங்கா³, படிபு³ஜ்ஜ²னட்டே²ன போ³ஜ்ஜ²ங்கா³, ஸம்பு³ஜ்ஜ²னட்டே²ன போ³ஜ்ஜ²ங்கா³.

போ³தே⁴ந்தீதி – போ³ஜ்ஜ²ங்கா³. அனுபோ³தே⁴ந்தீதி – போ³ஜ்ஜ²ங்கா³. படிபோ³தே⁴ந்தீதி – போ³ஜ்ஜ²ங்கா³. ஸம்போ³தே⁴ந்தீதி – போ³ஜ்ஜ²ங்கா³.

போ³த⁴னட்டே²ன போ³ஜ்ஜ²ங்கா³, அனுபோ³த⁴னட்டே²ன போ³ஜ்ஜ²ங்கா³, படிபோ³த⁴னட்டே²ன போ³ஜ்ஜ²ங்கா³, ஸம்போ³த⁴னட்டே²ன போ³ஜ்ஜ²ங்கா³.

போ³தி⁴பக்கி²யட்டே²ன போ³ஜ்ஜ²ங்கா³, அனுபோ³தி⁴பக்கி²யட்டே²ன போ³ஜ்ஜ²ங்கா³, படிபோ³தி⁴பக்கி²யட்டே²ன போ³ஜ்ஜ²ங்கா³, ஸம்போ³தி⁴பக்கி²யட்டே²ன போ³ஜ்ஜ²ங்கா³.

பு³த்³தி⁴லப⁴னட்டே²ன போ³ஜ்ஜ²ங்கா³, பு³த்³தி⁴படிலப⁴னட்டே²ன போ³ஜ்ஜ²ங்கா³, பு³த்³தி⁴ரோபனட்டே²ன போ³ஜ்ஜ²ங்கா³, பு³த்³தி⁴அபி⁴ரோபனட்டே²ன போ³ஜ்ஜ²ங்கா³, பு³த்³தி⁴பாபனட்டே²ன போ³ஜ்ஜ²ங்கா³, பு³த்³தி⁴ஸம்பாபனட்டே²ன போ³ஜ்ஜ²ங்கா³.

மூலமூலகாதி³த³ஸகம்

18. மூலட்டே²ன போ³ஜ்ஜ²ங்கா³, மூலசரியட்டே²ன போ³ஜ்ஜ²ங்கா³, மூலபரிக்³க³ஹட்டே²ன போ³ஜ்ஜ²ங்கா³, மூலபரிவாரட்டே²ன போ³ஜ்ஜ²ங்கா³, மூலபரிபூரணட்டே²ன [மூலபரிபூரட்டே²ன (ஸ்யா. க.) ஏவமுபரிபி] போ³ஜ்ஜ²ங்கா³, மூலபரிபாகட்டே²ன போ³ஜ்ஜ²ங்கா³, மூலபடிஸம்பி⁴த³ட்டே²ன போ³ஜ்ஜ²ங்கா³, மூலபடிஸம்பி⁴தா³பாபனட்டே²ன போ³ஜ்ஜ²ங்கா³, மூலபடிஸம்பி⁴தா³ய வஸீபா⁴வட்டே²ன போ³ஜ்ஜ²ங்கா³, மூலபடிஸம்பி⁴தா³ய வஸீபா⁴வப்பத்தானம்பி போ³ஜ்ஜ²ங்கா³.

ஹேதுட்டே²ன போ³ஜ்ஜ²ங்கா³, ஹேதுசரியட்டே²ன போ³ஜ்ஜ²ங்கா³, ஹேதுபரிக்³க³ஹட்டே²ன போ³ஜ்ஜ²ங்கா³, ஹேதுபரிவாரட்டே²ன போ³ஜ்ஜ²ங்கா³, ஹேதுபரிபூரணட்டே²ன போ³ஜ்ஜ²ங்கா³, ஹேதுபரிபாகட்டே²ன போ³ஜ்ஜ²ங்கா³, ஹேதுபடிஸம்பி⁴த³ட்டே²ன போ³ஜ்ஜ²ங்கா³, ஹேதுபடிஸம்பி⁴தா³பாபனட்டே²ன போ³ஜ்ஜ²ங்கா³, ஹேதுபடிஸம்பி⁴தா³ய வஸீபா⁴வட்டே²ன போ³ஜ்ஜ²ங்கா³, ஹேதுபடிஸம்பி⁴தா³ய வஸீபா⁴வப்பத்தானம்பி போ³ஜ்ஜ²ங்கா³.

பச்சயட்டே²ன போ³ஜ்ஜ²ங்கா³, பச்சயசரியட்டே²ன போ³ஜ்ஜ²ங்கா³, பச்சயபரிக்³க³ஹட்டே²ன போ³ஜ்ஜ²ங்கா³, பச்சயபரிவாரட்டே²ன போ³ஜ்ஜ²ங்கா³, பச்சயபரிபூரணட்டே²ன போ³ஜ்ஜ²ங்கா³, பச்சயபரிபாகட்டே²ன போ³ஜ்ஜ²ங்கா³, பச்சயபடிஸம்பி⁴த³ட்டே²ன போ³ஜ்ஜ²ங்கா³, பச்சயபடிஸம்பி⁴தா³பாபனட்டே²ன போ³ஜ்ஜ²ங்கா³, பச்சயபடிஸம்பி⁴தா³ய வஸீபா⁴வட்டே²ன போ³ஜ்ஜ²ங்கா³, பச்சயபடிஸம்பி⁴தா³ய வஸீபா⁴வப்பத்தானம்பி போ³ஜ்ஜ²ங்கா³.

விஸுத்³த⁴ட்டே²ன போ³ஜ்ஜ²ங்கா³, விஸுத்³தி⁴சரியட்டே²ன போ³ஜ்ஜ²ங்கா³, விஸுத்³தி⁴பரிக்³க³ஹட்டே²ன போ³ஜ்ஜ²ங்கா³, விஸுத்³தி⁴பரிவாரட்டே²ன போ³ஜ்ஜ²ங்கா³, விஸுத்³தி⁴பரிபூரணட்டே²ன போ³ஜ்ஜ²ங்கா³, விஸுத்³தி⁴பரிபாகட்டே²ன போ³ஜ்ஜ²ங்கா³, விஸுத்³தி⁴படிஸம்பி⁴த³ட்டே²ன போ³ஜ்ஜ²ங்கா³, விஸுத்³தி⁴படிஸம்பி⁴தா³பாபனட்டே²ன போ³ஜ்ஜ²ங்கா³, விஸுத்³தி⁴படிஸம்பி⁴தா³ய வஸீபா⁴வட்டே²ன போ³ஜ்ஜ²ங்கா³, விஸுத்³தி⁴படிஸம்பி⁴தா³ய வஸீபா⁴வப்பத்தானம்பி போ³ஜ்ஜ²ங்கா³.

அனவஜ்ஜட்டே²ன போ³ஜ்ஜ²ங்கா³, அனவஜ்ஜசரியட்டே²ன போ³ஜ்ஜ²ங்கா³, அனவஜ்ஜபரிக்³க³ஹட்டே²ன போ³ஜ்ஜ²ங்கா³, அனவஜ்ஜபரிவாரட்டே²ன போ³ஜ்ஜ²ங்கா³, அனவஜ்ஜபரிபூரணட்டே²ன போ³ஜ்ஜ²ங்கா³, அனவஜ்ஜபரிபாகட்டே²ன போ³ஜ்ஜ²ங்கா³, அனவஜ்ஜபடிஸம்பி⁴த³ட்டே²ன போ³ஜ்ஜ²ங்கா³, அனவஜ்ஜபடிஸம்பி⁴தா³பாபனட்டே²ன போ³ஜ்ஜ²ங்கா³, அனவஜ்ஜபடிஸம்பி⁴தா³ய வஸீபா⁴வட்டே²ன போ³ஜ்ஜ²ங்கா³, அனவஜ்ஜபடிஸம்பி⁴தா³ய வஸீபா⁴வப்பத்தானம்பி போ³ஜ்ஜ²ங்கா³.

நேக்க²ம்மட்டே²ன போ³ஜ்ஜ²ங்கா³, நேக்க²ம்மசரியட்டே²ன போ³ஜ்ஜ²ங்கா³, நேக்க²ம்மபரிக்³க³ஹட்டே²ன போ³ஜ்ஜ²ங்கா³, நேக்க²ம்மபரிவாரட்டே²ன போ³ஜ்ஜ²ங்கா³, நேக்க²ம்மபரிபூரணட்டே²ன போ³ஜ்ஜ²ங்கா³, நேக்க²ம்மபரிபாகட்டே²ன போ³ஜ்ஜ²ங்கா³, நேக்க²ம்மபடிஸம்பி⁴த³ட்டே²ன போ³ஜ்ஜ²ங்கா³, நேக்க²ம்மபடிஸம்பி⁴தா³பாபனட்டே²ன போ³ஜ்ஜ²ங்கா³, நேக்க²ம்மபடிஸம்பி⁴தா³ய வஸீபா⁴வட்டே²ன போ³ஜ்ஜ²ங்கா³, நேக்க²ம்மபடிஸம்பி⁴தா³ய வஸீபா⁴வப்பத்தானம்பி போ³ஜ்ஜ²ங்கா³.

விமுத்தட்டே²ன போ³ஜ்ஜ²ங்கா³, விமுத்திசரியட்டே²ன போ³ஜ்ஜ²ங்கா³, விமுத்திபரிக்³க³ஹட்டே²ன போ³ஜ்ஜ²ங்கா³, விமுத்திபரிவாரட்டே²ன போ³ஜ்ஜ²ங்கா³, விமுத்திபரிபூரணட்டே²ன போ³ஜ்ஜ²ங்கா³, விமுத்திபரிபாகட்டே²ன போ³ஜ்ஜ²ங்கா³, விமுத்திபடிஸம்பி⁴த³ட்டே²ன போ³ஜ்ஜ²ங்கா³, விமுத்திபடிஸம்பி⁴தா³பாபனட்டே²ன போ³ஜ்ஜ²ங்கா³, விமுத்திபடிஸம்பி⁴தா³ய வஸீபா⁴வட்டே²ன போ³ஜ்ஜ²ங்கா³, விமுத்திபடிஸம்பி⁴தா³ய வஸீபா⁴வப்பத்தானம்பி போ³ஜ்ஜ²ங்கா³.

அனாஸவட்டே²ன போ³ஜ்ஜ²ங்கா³, அனாஸவசரியட்டே²ன போ³ஜ்ஜ²ங்கா³, அனாஸவபரிக்³க³ஹட்டே²ன போ³ஜ்ஜ²ங்கா³, அனாஸவபரிவாரட்டே²ன போ³ஜ்ஜ²ங்கா³, அனாஸவபரிபூரணட்டே²ன போ³ஜ்ஜ²ங்கா³, அனாஸவபரிபாகட்டே²ன போ³ஜ்ஜ²ங்கா³, அனாஸவபடிஸம்பி⁴த³ட்டே²ன போ³ஜ்ஜ²ங்கா³, அனாஸவபடிஸம்பி⁴தா³பாபனட்டே²ன போ³ஜ்ஜ²ங்கா³, அனாஸவபடிஸம்பி⁴தா³ய வஸீபா⁴வட்டே²ன போ³ஜ்ஜ²ங்கா³, அனாஸவபடிஸம்பி⁴தா³ய வஸீபா⁴வப்பத்தானம்பி போ³ஜ்ஜ²ங்கா³.

விவேகட்டே²ன போ³ஜ்ஜ²ங்கா³, விவேகசரியட்டே²ன போ³ஜ்ஜ²ங்கா³, விவேகபரிக்³க³ஹட்டே²ன போ³ஜ்ஜ²ங்கா³, விவேகபரிவாரட்டே²ன போ³ஜ்ஜ²ங்கா³, விவேகபரிபூரணட்டே²ன போ³ஜ்ஜ²ங்கா³, விவேகபரிபாகட்டே²ன போ³ஜ்ஜ²ங்கா³, விவேகபடிஸம்பி⁴த³ட்டே²ன போ³ஜ்ஜ²ங்கா³, விவேகபடிஸம்பி⁴தா³பாபனட்டே²ன போ³ஜ்ஜ²ங்கா³, விவேகபடிஸம்பி⁴தா³ய வஸீபா⁴வட்டே²ன போ³ஜ்ஜ²ங்கா³, விவேகபடிஸம்பி⁴தா³ய வஸீபா⁴வப்பத்தானம்பி போ³ஜ்ஜ²ங்கா³.

வோஸக்³க³ட்டே²ன போ³ஜ்ஜ²ங்கா³, வோஸக்³க³சரியட்டே²ன போ³ஜ்ஜ²ங்கா³, வோஸக்³க³பரிக்³க³ஹட்டே²ன போ³ஜ்ஜ²ங்கா³, வோஸக்³க³பரிவாரட்டே²ன போ³ஜ்ஜ²ங்கா³, வோஸக்³க³பரிபூரணட்டே²ன போ³ஜ்ஜ²ங்கா³, வோஸக்³க³பரிபாகட்டே²ன போ³ஜ்ஜ²ங்கா³, வோஸக்³க³படிஸம்பி⁴த³ட்டே²ன போ³ஜ்ஜ²ங்கா³, வோஸக்³க³படிஸம்பி⁴தா³பாபனட்டே²ன போ³ஜ்ஜ²ங்கா³, வோஸக்³க³படிஸம்பி⁴தா³ய வஸீபா⁴வட்டே²ன போ³ஜ்ஜ²ங்கா³, வோஸக்³க³படிஸம்பி⁴தா³ய வஸீபா⁴வப்பத்தானம்பி போ³ஜ்ஜ²ங்கா³.

19. மூலட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஹேதுட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பச்சயட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விஸுத்³த⁴ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அனவஜ்ஜட்ட²ம் பு³ஜ்ஜ²ந்தீதி – போ³ஜ்ஜ²ங்கா³. நேக்க²ம்மட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விமுத்தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அனாஸவட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விவேகட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வோஸக்³க³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

மூலசரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஹேதுசரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பச்சயசரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விஸுத்³தி⁴சரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அனவஜ்ஜசரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. நேக்க²ம்மசரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விமுத்திசரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அனாஸவசரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விவேகசரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வோஸக்³க³சரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

மூலபரிக்³க³ஹட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… வோஸக்³க³பரிக்³க³ஹட்ட²ம் பு³ஜ்ஜ²ந்தீதி – போ³ஜ்ஜ²ங்கா³. மூலபரிவாரட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… வோஸக்³க³பரிவாரட்ட²ம் பு³ஜ்ஜ²ந்தீதி – போ³ஜ்ஜ²ங்கா³. மூலபரிபூரணட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… வோஸக்³க³பரிபூரட்ட²ம் பு³ஜ்ஜ²ந்தீதி – போ³ஜ்ஜ²ங்கா³. மூலபரிபாகட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… வோஸக்³க³பரிபாகட்ட²ம் பு³ஜ்ஜ²ந்தீதி – போ³ஜ்ஜ²ங்கா³. மூலபடிஸம்பி⁴த³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… வோஸக்³க³படிஸம்பி⁴த³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. மூலபடிஸம்பி⁴தா³பாபனட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… வோஸக்³க³படிஸம்பி⁴தா³பாபனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. மூலபடிஸம்பி⁴தா³ய வஸீபா⁴வட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… வோஸக்³க³படிஸம்பி⁴தா³ய வஸீபா⁴வட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே….

பரிக்³க³ஹட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பரிவாரட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பரிபூரணட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகக்³க³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அவிக்கே²பட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பக்³க³ஹட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அவிஸாரட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அனாவிலட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அனிஞ்ஜனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்துபட்டா²னவஸேன சித்தஸ்ஸ டி²தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஆரம்மணட்ட²ம் பு³ஜ்ஜ²ந்தீதி – போ³ஜ்ஜ²ங்கா³. கோ³சரட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பஹானட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பரிச்சாக³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வுட்டா²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விவட்டனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸந்தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பணீதட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விமுத்தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அனாஸவட்ட²ம் பு³ஜ்ஜ²ந்தீதி – போ³ஜ்ஜ²ங்கா³. தரணட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அனிமித்தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அப்பணிஹிதட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸுஞ்ஞதட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகரஸட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அனதிவத்தனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. யுக³னத்³த⁴ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. நிய்யானட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஹேதுட்ட²ம் பு³ஜ்ஜ²ந்தீதி – போ³ஜ்ஜ²ங்கா³. த³ஸ்ஸனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஆதி⁴பதேய்யட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

ஸமத²ஸ்ஸ அவிக்கே²பட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விபஸ்ஸனாய அனுபஸ்ஸனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸமத²விபஸ்ஸனானம் ஏகரஸட்ட²ம் பு³ஜ்ஜ²ந்தீதி – போ³ஜ்ஜ²ங்கா³. யுக³னத்³த⁴ஸ்ஸ அனதிவத்தனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸிக்கா²ய ஸமாதா³னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஆரம்மணஸ்ஸ கோ³சரட்ட²ம் பு³ஜ்ஜ²ந்தீதி – போ³ஜ்ஜ²ங்கா³. லீனஸ்ஸ சித்தஸ்ஸ பக்³க³ஹட்ட²ம் பு³ஜ்ஜ²ந்தீதி – போ³ஜ்ஜ²ங்கா³. உத்³த⁴தஸ்ஸ சித்தஸ்ஸ நிக்³க³ஹட்ட²ம் பு³ஜ்ஜ²ந்தீதி – போ³ஜ்ஜ²ங்கா³. உபோ⁴விஸுத்³தா⁴னம் அஜ்ஜு²பேக்க²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விஸேஸாதி⁴க³மட்ட²ம் பு³ஜ்ஜ²ந்தீதி – போ³ஜ்ஜ²ங்கா³. உத்தரி படிவேத⁴ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸச்சாபி⁴ஸமயட்ட²ம் பு³ஜ்ஜ²ந்தீதி – போ³ஜ்ஜ²ங்கா³. நிரோதே⁴ பதிட்டா²பகட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

ஸத்³தி⁴ந்த்³ரியஸ்ஸ அதி⁴மோக்க²ட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… பஞ்ஞிந்த்³ரியஸ்ஸ த³ஸ்ஸனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸத்³தா⁴ப³லஸ்ஸ அஸ்ஸத்³தி⁴யே அகம்பியட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… பஞ்ஞாப³லஸ்ஸ அவிஜ்ஜாய அகம்பியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸதிஸம்போ³ஜ்ஜ²ங்க³ஸ்ஸ உபட்டா²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… உபேக்கா²ஸம்போ³ஜ்ஜ²ங்க³ஸ்ஸ படிஸங்கா²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸம்மாதி³ட்டி²யா த³ஸ்ஸனட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… ஸம்மாஸமாதி⁴ஸ்ஸ அவிக்கே²பட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

இந்த்³ரியானம் ஆதி⁴பதேய்யட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ப³லானம் அகம்பியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. நிய்யானட்ட²ம் பு³ஜ்ஜ²ந்தீதி – போ³ஜ்ஜ²ங்கா³. மக்³க³ஸ்ஸ ஹேதுட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸதிபட்டா²னானம் உபட்டா²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸம்மப்பதா⁴னானம் பத³ஹனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. இத்³தி⁴பாதா³னம் இஜ்ஜ²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸச்சானம் தத²ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பயோகா³னம் படிப்பஸ்ஸத்³த⁴ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ப²லானம் ஸச்சி²கிரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

விதக்கஸ்ஸ அபி⁴னிரோபனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விசாரஸ்ஸ உபவிசாரட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பீதியா ப²ரணட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸுக²ஸ்ஸ அபி⁴ஸந்த³னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ ஏகக்³க³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

ஆவஜ்ஜனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விஜானனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பஜானனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸஞ்ஜானனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகோத³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அபி⁴ஞ்ஞாய ஞாதட்ட²ம் [அபி⁴ஞ்ஞேய்யத்த²ம் (ஸ்யா.)] பு³ஜ்ஜ²ந்தீதி – போ³ஜ்ஜ²ங்கா³. பரிஞ்ஞாய தீரணட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பஹானஸ்ஸ பரிச்சாக³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பா⁴வனாய ஏகரஸட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸச்சி²கிரியாய ப²ஸ்ஸனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. க²ந்தா⁴னம் க²ந்த⁴ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. தா⁴தூனம் தா⁴துட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஆயதனானம் ஆயதனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸங்க²தானம் ஸங்க²தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அஸங்க²தஸ்ஸ அஸங்க²தட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

சித்தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தானந்தரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ வுட்டா²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ விவட்டனட்ட²ம் [விவஜ்ஜனட்ட²ம் (ஸ்யா.)] பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ ஹேதுட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ பச்சயட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ வத்து²ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ பூ⁴மட்ட²ம் [பு⁴ம்மட்ட²ம் (ஸ்யா.) படி. ம. 1.14 பஸ்ஸிதப்³பா³] பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ ஆரம்மணட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ கோ³சரட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ சரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ க³தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ அபி⁴னீஹாரட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ நிய்யானட்ட²ம் பு³ஜ்ஜ²ந்தீதி – போ³ஜ்ஜ²ங்கா³. சித்தஸ்ஸ நிஸ்ஸரணட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

ஏகத்தே ஆவஜ்ஜனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே விஜானனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே பஜானனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஸஞ்ஜானனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஏகோத³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ( ) [(ஏகத்தே உபனிப³ந்த⁴னட்ட²ம் பு³ஜ்ஜ²ந்தீதி – போ³ஜ்ஜ²ங்கா³) (ஸப்³ப³த்த²)]. ஏகத்தே பக்க²ந்த³னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே பஸீத³னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஸந்திட்ட²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே விமுச்சனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஏதம் ஸந்தந்தி பஸ்ஸனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே யானீகதட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே வத்து²கதட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே அனுட்டி²தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே பரிசிதட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஸுஸமாரத்³த⁴ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே பரிக்³க³ஹட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே பரிவாரட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே பரிபூரணட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஸமோதா⁴னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே அதி⁴ட்டா²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஆஸேவனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே பா⁴வனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ப³ஹுலீகம்மட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஸுஸமுக்³க³தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஸுவிமுத்தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே பு³ஜ்ஜ²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே அனுபு³ஜ்ஜ²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே படிபு³ஜ்ஜ²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஸம்பு³ஜ்ஜ²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே போ³த⁴னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே அனுபோ³த⁴னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே படிபோ³த⁴னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஸம்பு³ஜ்ஜ²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே போ³தி⁴பக்கி²யட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே அனுபோ³தி⁴பக்கி²யட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே படிபோ³தி⁴பக்கி²யட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஸம்போ³தி⁴பக்கி²யட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஜோதனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே உஜ்ஜோதனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே அனுஜோதனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே படிஜோதனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஏகத்தே ஸஞ்ஜோதனட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

பதாபனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விரோசனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. கிலேஸானம் ஸந்தாபனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அமலட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விமலட்ட²ம் பு³ஜ்ஜ²ந்தீதி – போ³ஜ்ஜ²ங்கா³. நிம்மலட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸமட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸமயட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விவேகட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விவேகசரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விராக³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விராக³சரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. நிரோத⁴ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. நிரோத⁴சரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வோஸக்³க³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வோஸக்³க³சரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விமுத்தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. விமுத்திசரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

ச²ந்த³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ச²ந்த³ஸ்ஸ மூலட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ச²ந்த³ஸ்ஸ பாத³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ச²ந்த³ஸ்ஸ பதா⁴னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ச²ந்த³ஸ்ஸ இஜ்ஜ²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ச²ந்த³ஸ்ஸ அதி⁴மோக்க²ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ச²ந்த³ஸ்ஸ பக்³க³ஹட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ச²ந்த³ஸ்ஸ உபட்டா²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ச²ந்த³ஸ்ஸ அவிக்கே²பட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ச²ந்த³ஸ்ஸ த³ஸ்ஸனட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

வீரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… சித்தட்ட²ம் பு³ஜ்ஜ²ந்தீதி – போ³ஜ்ஜ²ங்கா³…பே… வீமம்ஸட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வீமம்ஸாய மூலட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வீமம்ஸாய பாத³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வீமம்ஸாய பதா⁴னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வீமம்ஸாய இஜ்ஜ²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வீமம்ஸாய அதி⁴மோக்க²ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வீமம்ஸாய பக்³க³ஹட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வீமம்ஸாய உபட்டா²னட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வீமம்ஸாய அவிக்கே²பட்ட²ம் பு³ஜ்ஜ²ந்தீதி – போ³ஜ்ஜ²ங்கா³. வீமம்ஸாய த³ஸ்ஸனட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

து³க்க²ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. து³க்க²ஸ்ஸ பீளனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. து³க்க²ஸ்ஸ ஸங்க²தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. து³க்க²ஸ்ஸ ஸந்தாபட்ட²ம் பு³ஜ்ஜ²ந்தீதி – போ³ஜ்ஜ²ங்கா³. து³க்க²ஸ்ஸ விபரிணாமட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸமுத³யட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸமுத³யஸ்ஸ ஆயூஹனட்ட²ம் நிதா³னட்ட²ம் ஸஞ்ஞோக³ட்ட²ம் பலிபோ³த⁴ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. நிரோத⁴ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. நிரோத⁴ஸ்ஸ நிஸ்ஸரணட்ட²ம் விவேகட்ட²ம் அஸங்க²தட்ட²ம் அமதட்ட²ம் பு³ஜ்ஜ²ந்தீதி – போ³ஜ்ஜ²ங்கா³. மக்³க³ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. மக்³க³ஸ்ஸ நிய்யானட்ட²ம் ஹேதுட்ட²ம் த³ஸ்ஸனட்ட²ம் ஆதி⁴பதேய்யட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

தத²ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அனத்தட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸச்சட்ட²ம் பு³ஜ்ஜ²ந்தீதி – போ³ஜ்ஜ²ங்கா³. படிவேத⁴ட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அபி⁴ஜானனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. பரிஜானனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. த⁴ம்மட்ட²ம் பு³ஜ்ஜ²ந்தீதி – போ³ஜ்ஜ²ங்கா³. தா⁴துட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஞாதட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஸச்சி²கிரியட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ப²ஸ்ஸனட்ட²ம் பு³ஜ்ஜ²ந்தீதி – போ³ஜ்ஜ²ங்கா³. அபி⁴ஸமயட்ட²ம் பு³ஜ்ஜ²ந்தீதி – போ³ஜ்ஜ²ங்கா³.

நேக்க²ம்மம் பு³ஜ்ஜ²ந்தீதி – போ³ஜ்ஜ²ங்கா³. அப்³யாபாத³ம் பு³ஜ்ஜ²ந்தீதி – போ³ஜ்ஜ²ங்கா³. ஆலோகஸஞ்ஞம் பு³ஜ்ஜ²ந்தீதி – போ³ஜ்ஜ²ங்கா³. அவிக்கே²பம் பு³ஜ்ஜ²ந்தீதி – போ³ஜ்ஜ²ங்கா³. த⁴ம்மவவத்தா²னம் பு³ஜ்ஜ²ந்தீதி – போ³ஜ்ஜ²ங்கா³. ஞாணம் பு³ஜ்ஜ²ந்தீதி – போ³ஜ்ஜ²ங்கா³. பாமோஜ்ஜம் பு³ஜ்ஜ²ந்தீதி – போ³ஜ்ஜ²ங்கா³. பட²மம் ஜா²னம் பு³ஜ்ஜ²ந்தீதி – போ³ஜ்ஜ²ங்கா³…பே… அரஹத்தமக்³க³ம் பு³ஜ்ஜ²ந்தீதி – போ³ஜ்ஜ²ங்கா³. அரஹத்தப²லஸமாபத்திம் பு³ஜ்ஜ²ந்தீதி – போ³ஜ்ஜ²ங்கா³.

அதி⁴மோக்க²ட்டே²ன ஸத்³தி⁴ந்த்³ரியம் பு³ஜ்ஜ²ந்தீதி – போ³ஜ்ஜ²ங்கா³…பே… த³ஸ்ஸனட்டே²ன பஞ்ஞிந்த்³ரியம் பு³ஜ்ஜ²ந்தீதி – போ³ஜ்ஜ²ங்கா³. அஸ்ஸத்³தி⁴யே அகம்பியட்டே²ன ஸத்³தா⁴ப³லம் பு³ஜ்ஜ²ந்தீதி – போ³ஜ்ஜ²ங்கா³…பே… அவிஜ்ஜாய அகம்பியட்டே²ன பஞ்ஞாப³லம் பு³ஜ்ஜ²ந்தீதி – போ³ஜ்ஜ²ங்கா³. உபட்டா²னட்டே²ன ஸதிஸம்போ³ஜ்ஜ²ங்க³ம் பு³ஜ்ஜ²ந்தீதி – போ³ஜ்ஜ²ங்கா³…பே… படிஸங்கா²னட்டே²ன உபேக்கா²ஸம்போ³ஜ்ஜ²ங்க³ம் பு³ஜ்ஜ²ந்தீதி – போ³ஜ்ஜ²ங்கா³.

த³ஸ்ஸனட்டே²ன ஸம்மாதி³ட்டி²ம் பு³ஜ்ஜ²ந்தீதி – போ³ஜ்ஜ²ங்கா³…பே… அவிக்கே²பட்டே²ன ஸம்மாஸமாதி⁴ம் பு³ஜ்ஜ²ந்தீதி – போ³ஜ்ஜ²ங்கா³. ஆதி⁴பதேய்யட்டே²ன இந்த்³ரியம் பு³ஜ்ஜ²ந்தீதி – போ³ஜ்ஜ²ங்கா³. அகம்பியட்டே²ன ப³லம் பு³ஜ்ஜ²ந்தீதி – போ³ஜ்ஜ²ங்கா³. நிய்யானட்ட²ம் பு³ஜ்ஜ²ந்தீதி – போ³ஜ்ஜ²ங்கா³. ஹேதுட்டே²ன மக்³க³ம் பு³ஜ்ஜ²ந்தீதி – போ³ஜ்ஜ²ங்கா³. உபட்டா²னட்டே²ன ஸதிபட்டா²னம் பு³ஜ்ஜ²ந்தீதி – போ³ஜ்ஜ²ங்கா³. பத³ஹனட்டே²ன ஸம்மப்பதா⁴னம் பு³ஜ்ஜ²ந்தீதி – போ³ஜ்ஜ²ங்கா³. இஜ்ஜ²னட்டே²ன இத்³தி⁴பாத³ம் பு³ஜ்ஜ²ந்தீதி – போ³ஜ்ஜ²ங்கா³. தத²ட்டே²ன ஸச்சம் பு³ஜ்ஜ²ந்தீதி – போ³ஜ்ஜ²ங்கா³. அவிக்கே²பட்டே²ன ஸமத²ம் பு³ஜ்ஜ²ந்தீதி – போ³ஜ்ஜ²ங்கா³. அனுபஸ்ஸனட்டே² விபஸ்ஸனம் …பே… ஏகரஸட்டே²ன ஸமத²விபஸ்ஸனம் பு³ஜ்ஜ²ந்தீதி – போ³ஜ்ஜ²ங்கா³. அனதிவத்தனட்டே²ன யுக³னத்³த⁴ம் பு³ஜ்ஜ²ந்தீதி – போ³ஜ்ஜ²ங்கா³. ஸம்வரட்டே²ன ஸீலவிஸுத்³தி⁴ம் பு³ஜ்ஜ²ந்தீதி – போ³ஜ்ஜ²ங்கா³. அவிக்கே²பட்டே²ன சித்தவிஸுத்³தி⁴ம் பு³ஜ்ஜ²ந்தீதி – போ³ஜ்ஜ²ங்கா³. த³ஸ்ஸனட்டே²ன தி³ட்டி²விஸுத்³தி⁴ம் பு³ஜ்ஜ²ந்தீதி – போ³ஜ்ஜ²ங்கா³. முத்தட்டே²ன விமோக்க²ம் பு³ஜ்ஜ²ந்தீதி – போ³ஜ்ஜ²ங்கா³. படிவேத⁴ட்டே²ன விஜ்ஜம் பு³ஜ்ஜ²ந்தீதி – போ³ஜ்ஜ²ங்கா³. பரிச்சாக³ட்டே²ன விமுத்திம் பு³ஜ்ஜ²ந்தீதி – போ³ஜ்ஜ²ங்கா³. ஸமுச்சே²த³ட்டே²ன க²யே ஞாணம் பு³ஜ்ஜ²ந்தீதி – போ³ஜ்ஜ²ங்கா³. படிப்பஸ்ஸத்³த⁴ட்டே²ன அனுப்பாதே³ ஞாணம் பு³ஜ்ஜ²ந்தீதி – போ³ஜ்ஜ²ங்கா³.

ச²ந்த³ம் மூலட்டே²ன பு³ஜ்ஜ²ந்தீதி – போ³ஜ்ஜ²ங்கா³. மனஸிகாரம் ஸமுட்டா²னட்டே²ன பு³ஜ்ஜ²ந்தீதி – போ³ஜ்ஜ²ங்கா³. ப²ஸ்ஸம் ஸமோதா⁴னட்டே²ன பு³ஜ்ஜ²ந்தீதி – போ³ஜ்ஜ²ங்கா³. வேத³னம் ஸமோஸரணட்டே²ன பு³ஜ்ஜ²ந்தீதி – போ³ஜ்ஜ²ங்கா³. ஸமாதி⁴ம் பமுக²ட்டே²ன பு³ஜ்ஜ²ந்தீதி – போ³ஜ்ஜ²ங்கா³. ஸதிம் ஆதி⁴பதேய்யட்டே²ன பு³ஜ்ஜ²ந்தீதி – போ³ஜ்ஜ²ங்கா³. பஞ்ஞம் ததுத்தரட்டே²ன பு³ஜ்ஜ²ந்தீதி – போ³ஜ்ஜ²ங்கா³. விமுத்திம் ஸாரட்டே²ன பு³ஜ்ஜ²ந்தீதி – போ³ஜ்ஜ²ங்கா³. அமதோக³த⁴ம் நிப்³பா³னம் பரியோஸானட்டே²ன பு³ஜ்ஜ²ந்தீதி – போ³ஜ்ஜ²ங்கா³.

20. ஸாவத்தி²னிதா³னம். தத்ர கோ² ஆயஸ்மா ஸாரிபுத்தோ பி⁴க்கூ² ஆமந்தேஸி – ‘‘ஆவுஸோ பி⁴க்க²வோ’’தி [ஆவுஸோதி (ஸ்யா.) ஸம். நி. 5.185 பஸ்ஸிதப்³பா³]. ‘‘ஆவுஸோ’’தி கோ² தே பி⁴க்கூ² ஆயஸ்மதோ ஸாரிபுத்தஸ்ஸ பச்சஸ்ஸோஸும். ஆயஸ்மா ஸாரிபுத்தோ ஏதத³வோச –

‘‘ஸத்திமே, ஆவுஸோ, போ³ஜ்ஜ²ங்கா³. கதமே ஸத்த? ஸதிஸம்போ³ஜ்ஜ²ங்கோ³, த⁴ம்மவிசயஸம்போ³ஜ்ஜ²ங்கோ³…பே… உபேக்கா²ஸம்போ³ஜ்ஜ²ங்கோ³ – இமே கோ², ஆவுஸோ, ஸத்த போ³ஜ்ஜ²ங்கா³. இமேஸம் க்²வாஹம், ஆவுஸோ, ஸத்தன்னம் போ³ஜ்ஜ²ங்கா³னம் யேன யேன போ³ஜ்ஜ²ங்கே³ன ஆகங்கா²மி புப்³ப³ண்ஹஸமயம் விஹரிதும், தேன தேன போ³ஜ்ஜ²ங்கே³ன புப்³ப³ண்ஹஸமயம் விஹராமி. யேன யேன போ³ஜ்ஜ²ங்கே³ன ஆகங்கா²மி மஜ்ஜ²ன்ஹிகஸமயம்…பே… ஸாயன்ஹஸமயம் விஹரிதும், தேன தேன போ³ஜ்ஜ²ங்கே³ன ஸாயன்ஹஸமயம் விஹராமி. ஸதிஸம்போ³ஜ்ஜ²ங்கோ³ இதி சே மே, ‘ஆவுஸோ, ஹோதி, அப்பமாணோ’தி மே ஹோதி, ‘ஸுஸமாரத்³தோ⁴’தி மே ஹோதி. திட்ட²ந்தஞ்ச நம் [திட்ட²ந்தம் சரம் (ஸ்யா.) ஸம். நி. 5.185 பஸ்ஸிதப்³பா³] ‘திட்ட²தீ’தி பஜானாமி. ஸசேபி மே சவதி, ‘இத³ப்பச்சயா மே சவதீ’தி பஜானாமி. த⁴ம்மவிசயஸம்போ³ஜ்ஜ²ங்கோ³…பே… உபேக்கா²ஸம்போ³ஜ்ஜ²ங்கோ³ இதி சே மே, ஆவுஸோ, ஹோதி, ‘அப்பமாணோ’தி மே ஹோதி, ‘ஸுஸமாரத்³தோ⁴’தி மே ஹோதி. திட்ட²ந்தஞ்ச நம் ‘திட்ட²தீ’தி பஜானாமி. ஸசேபி மே சவதி, ‘இத³ப்பச்சயா மே சவதீ’தி பஜானாமி.

‘‘ஸேய்யதா²பி, ஆவுஸோ, ரஞ்ஞோ வா ராஜமஹாமத்தஸ்ஸ வா நானாரத்தானம் து³ஸ்ஸானம் து³ஸ்ஸகரண்ட³கோ பூரோ அஸ்ஸ. ஸோ யஞ்ஞதே³வ து³ஸ்ஸயுக³ம் ஆகங்கே²ய்ய புப்³ப³ண்ஹஸமயம் பாருபிதும், தம் ததே³வ து³ஸ்ஸயுக³ம் புப்³ப³ண்ஹஸமயம் பாருபேய்ய. யஞ்ஞதே³வ து³ஸ்ஸயுக³ம் ஆகங்கே²ய்ய மஜ்ஜ²ன்ஹிகஸமயம்…பே… ஸாயன்ஹஸமயம் பாருபிதும், தம் ததே³வ து³ஸ்ஸயுக³ம் ஸாயன்ஹஸமயம் பாருபேய்ய. ஏவமேவ க்²வாஹம், ஆவுஸோ, இமேஸம் ஸத்தன்னம் போ³ஜ்ஜ²ங்கா³னம் யேன யேன போ³ஜ்ஜ²ங்கே³ன ஆகங்கா²மி புப்³ப³ண்ஹஸமயம் விஹரிதும், தேன தேன போ³ஜ்ஜ²ங்கே³ன புப்³ப³ண்ஹஸமயம் விஹராமி. யேன யேன போ³ஜ்ஜ²ங்கே³ன ஆகங்கா²மி மஜ்ஜ²ன்ஹிகஸமயம்…பே… ஸாயன்ஹஸமயம் விஹரிதும், தேன தேன போ³ஜ்ஜ²ங்கே³ன ஸாயன்ஹஸமயம் விஹராமி. ஸதிஸம்போ³ஜ்ஜ²ங்கோ³ இதி சே மே, ஆவுஸோ, ஹோதி, ‘அப்பமாணோ’தி மே ஹோதி, ‘ஸுஸமாரத்³தோ⁴’தி மே ஹோதி. திட்ட²ந்தஞ்ச நம் ‘திட்ட²தீ’தி பஜானாமி. ஸசேபி மே சவதி, ‘இத³ப்பச்சயா மே சவதீ’தி பஜானாமி…பே… உபேக்கா²ஸம்போ³ஜ்ஜ²ங்கோ³ இதி சே மே, ஆவுஸோ, ஹோதி, ‘அப்பமாணோ’தி மே ஹோதி, ‘ஸுஸமாரத்³தோ⁴’தி மே ஹோதி. திட்ட²ந்தஞ்ச நம் ‘திட்ட²தீ’தி பஜானாமி. ஸசேபி மே சவதி, ‘இத³ப்பச்சயா மே சவதீ’தி பஜானாமி’’.

ஸுத்தந்தனித்³தே³ஸோ

21. கத²ம் ஸதிஸம்போ³ஜ்ஜ²ங்கோ³ இதி சே மே ஹோதீதி போ³ஜ்ஜ²ங்கோ³? யாவதா நிரோதூ⁴பட்டா²தி தாவதா ஸதிஸம்போ³ஜ்ஜ²ங்கோ³. இதி சே மே ஹோதீதி போ³ஜ்ஜ²ங்கோ³. ஸேய்யதா²பி தேலப்பதீ³பஸ்ஸ ஜா²யதோ யாவதா அச்சி தாவதா வண்ணோ, யாவதா வண்ணோ தாவதா அச்சி. ஏவமேவ யாவதா நிரோதூ⁴பட்டா²தி தாவதா ஸதிஸம்போ³ஜ்ஜ²ங்கோ³. இதி சே மே ஹோதீதி போ³ஜ்ஜ²ங்கோ³.

கத²ம் அப்பமாணோ இதி சே மே ஹோதீதி போ³ஜ்ஜ²ங்கோ³? பமாணப³த்³தா⁴ [பமாணவந்தா (ஸ்யா.), அட்ட²கதா² ஓலோகேதப்³பா³] கிலேஸா, ஸப்³பே³ ச பரியுட்டா²னா, யே ச ஸங்கா²ரா போனோப⁴விகா அப்பமாணோ நிரோதோ⁴ அசலட்டே²ன அஸங்க²தட்டே²ன. யாவதா நிரோதூ⁴பட்டா²தி தாவதா அப்பமாணோ. இதி சே மே ஹோதீதி போ³ஜ்ஜ²ங்கோ³.

கத²ம் ஸுஸமாரத்³தோ⁴ இதி சே மே ஹோதீதி – போ³ஜ்ஜ²ங்கோ³? விஸமா கிலேஸா, ஸப்³பே³ ச பரியுட்டா²னா, யே ச ஸங்கா²ரா போனோப⁴விகா, ஸமத⁴ம்மோ நிரோதோ⁴ ஸந்தட்டே²ன பணீதட்டே²ன. யாவதா நிரோதூ⁴பட்டா²தி தாவதா ஸுஸமாரத்³தோ⁴ இதி சே மே ஹோதீதி போ³ஜ்ஜ²ங்கோ³.

கத²ம் ‘‘திட்ட²ந்தஞ்ச நம் திட்ட²தீ’’தி பஜானாமி; ஸசேபி சவதி ‘‘இத³ப்பச்சயா சவதீ’’தி பஜானாமி? கதிஹாகாரேஹி ஸதிஸம்போ³ஜ்ஜ²ங்கோ³ திட்ட²தி? கதிஹாகாரேஹி ஸதிஸம்போ³ஜ்ஜ²ங்கோ³ சவதி? அட்ட²ஹாகாரேஹி ஸதிஸம்போ³ஜ்ஜ²ங்கோ³ திட்ட²தி. அட்ட²ஹாகாரேஹி ஸதிஸம்போ³ஜ்ஜ²ங்கோ³ சவதி.

கதமேஹி அட்ட²ஹாகாரேஹி ஸதிஸம்போ³ஜ்ஜ²ங்கோ³ திட்ட²தி? அனுப்பாத³ம் ஆவஜ்ஜிதத்தா ஸதிஸம்போ³ஜ்ஜ²ங்கோ³ திட்ட²தி, உப்பாத³ம் அனாவஜ்ஜிதத்தா ஸதிஸம்போ³ஜ்ஜ²ங்கோ³ திட்ட²தி, அப்பவத்தம் ஆவஜ்ஜிதத்தா ஸதிஸம்போ³ஜ்ஜ²ங்கோ³ திட்ட²தி, பவத்தம் அனாவஜ்ஜிதத்தா ஸதிஸம்போ³ஜ்ஜ²ங்கோ³ திட்ட²தி, அனிமித்தம் ஆவஜ்ஜிதத்தா ஸதிஸம்போ³ஜ்ஜ²ங்கோ³ திட்ட²தி, நிமித்தம் அனாவஜ்ஜிதத்தா ஸதிஸம்போ³ஜ்ஜ²ங்கோ³ திட்ட²தி, நிரோத⁴ம் ஆவஜ்ஜிதத்தா ஸதிஸம்போ³ஜ்ஜ²ங்கோ³ திட்ட²தி, ஸங்கா²ரே அனாவஜ்ஜிதத்தா ஸதிஸம்போ³ஜ்ஜ²ங்கோ³ திட்ட²தி – இமேஹி அட்ட²ஹாகாரேஹி ஸதிஸம்போ³ஜ்ஜ²ங்கோ³ திட்ட²தி.

கதமேஹி அட்ட²ஹாகாரேஹி ஸதிஸம்போ³ஜ்ஜ²ங்கோ³ சவதி? உப்பாத³ம் ஆவஜ்ஜிதத்தா ஸதிஸம்போ³ஜ்ஜ²ங்கோ³ சவதி, அனுப்பாத³ம் அனாவஜ்ஜிதத்தா ஸதிஸம்போ³ஜ்ஜ²ங்கோ³ சவதி, பவத்தம் ஆவஜ்ஜிதத்தா ஸதிஸம்போ³ஜ்ஜ²ங்கோ³ சவதி, அப்பவத்தம் அனாவஜ்ஜிதத்தா ஸதிஸம்போ³ஜ்ஜ²ங்கோ³ சவதி, நிமித்தம் ஆவஜ்ஜிதத்தா ஸதிஸம்போ³ஜ்ஜ²ங்கோ³ சவதி, அனிமித்தம் அனாவஜ்ஜிதத்தா ஸதிஸம்போ³ஜ்ஜ²ங்கோ³ சவதி, ஸங்கா²ரே ஆவஜ்ஜிதத்தா ஸதிஸம்போ³ஜ்ஜ²ங்கோ³ சவதி, நிரோத⁴ம் அனாவஜ்ஜிதத்தா ஸதிஸம்போ³ஜ்ஜ²ங்கோ³ சவதி – இமேஹி அட்ட²ஹாகாரேஹி ஸதிஸம்போ³ஜ்ஜ²ங்கோ³ சவதி. ஏவம் ‘‘திட்ட²ந்தஞ்ச நம் திட்ட²தீ’’தி பஜானாமி. ஸசேபி சவதி, ‘‘இத³ப்பச்சயா மே சவதீ’’தி பஜானாமி…பே….