6. ஞாணராஸிச²க்கனித்³தே³ஸோ

183. கதமானி சதுவீஸதி ஸமாதி⁴வஸேன ஞாணானி? தீ³க⁴ம் அஸ்ஸாஸவஸேன சித்தஸ்ஸ ஏகக்³க³தா அவிக்கே²போ ஸமாதி⁴, தீ³க⁴ம் பஸ்ஸாஸவஸேன சித்தஸ்ஸ ஏகக்³க³தா அவிக்கே²போ ஸமாதி⁴…பே… விமோசயம் சித்தம் அஸ்ஸாஸவஸேன சித்தஸ்ஸ ஏகக்³க³தா அவிக்கே²போ ஸமாதி⁴, விமோசயம் சித்தம் பஸ்ஸாஸவஸேன சித்தஸ்ஸ ஏகக்³க³தா அவிக்கே²போ ஸமாதி⁴. இமானி சதுவீஸதி ஸமாதி⁴வஸேன ஞாணானி.

கதமானி த்³வேஸத்ததி விபஸ்ஸனாவஸேன ஞாணானி? தீ³க⁴ம் அஸ்ஸாஸம் அனிச்சதோ அனுபஸ்ஸனட்டே²ன விபஸ்ஸனா, து³க்க²தோ அனுபஸ்ஸனட்டே²ன விபஸ்ஸனா, அனத்ததோ அனுபஸ்ஸனட்டே²ன விபஸ்ஸனா, தீ³க⁴ம் பஸ்ஸாஸம் அனிச்சதோ அனுபஸ்ஸனட்டே²ன விபஸ்ஸனா, து³க்க²தோ அனுபஸ்ஸனட்டே²ன விபஸ்ஸனா, அனத்ததோ அனுபஸ்ஸனட்டே²ன விபஸ்ஸனா…பே… விமோசயம் சித்தம் அஸ்ஸாஸம், விமோசயம் சித்தம் பஸ்ஸாஸம் அனிச்சதோ அனுபஸ்ஸனட்டே²ன விபஸ்ஸனா, து³க்க²தோ அனுபஸ்ஸனட்டே²ன விபஸ்ஸனா, அனத்ததோ அனுபஸ்ஸனட்டே²ன விபஸ்ஸனா. இமானி த்³வேஸத்ததி விபஸ்ஸனாவஸேன ஞாணானி.

கதமானி அட்ட² நிப்³பி³தா³ஞாணானி? அனிச்சானுபஸ்ஸீ அஸ்ஸாஸம் யதா²பூ⁴தம் ஜானாதி பஸ்ஸதீதி – நிப்³பி³தா³ஞாணம், அனிச்சானுபஸ்ஸீ பஸ்ஸாஸம் யதா²பூ⁴தம் ஜானாதி பஸ்ஸதீதி – நிப்³பி³தா³ஞாணம்…பே… படினிஸ்ஸக்³கா³னுபஸ்ஸீ அஸ்ஸாஸம் யதா²பூ⁴தம் ஜானாதி பஸ்ஸதீதி – நிப்³பி³தா³ஞாணம், படினிஸ்ஸக்³கா³னுபஸ்ஸீ பஸ்ஸாஸம் யதா²பூ⁴தம் ஜானாதி பஸ்ஸதீதி – நிப்³பி³தா³ஞாணம். இமானி அட்ட² நிப்³பி³தா³ஞாணானி.

கதமானி அட்ட² நிப்³பி³தா³னுலோமே ஞாணானி? அனிச்சானுபஸ்ஸீ அஸ்ஸாஸம் ப⁴யதுபட்டா²னே பஞ்ஞா நிப்³பி³தா³னுலோமே ஞாணம், அனிச்சானுபஸ்ஸீ பஸ்ஸாஸம் ப⁴யதுபட்டா²னே பஞ்ஞா நிப்³பி³தா³னுலோமே ஞாணம்…பே… படினிஸ்ஸக்³கா³னுபஸ்ஸீ அஸ்ஸாஸம் ப⁴யதுபட்டா²னே பஞ்ஞா நிப்³பி³தா³னுலோமே ஞாணம், படினிஸ்ஸக்³கா³னுபஸ்ஸீ பஸ்ஸாஸம் ப⁴யதுபட்டா²னே பஞ்ஞா நிப்³பி³தா³னுலோமே ஞாணம் – இமானி அட்ட² நிப்³பி³தா³னுலோமே ஞாணானி.

கதமானி அட்ட² நிப்³பி³தா³படிப்பஸ்ஸத்³தி⁴ஞாணானி? அனிச்சானுபஸ்ஸீ அஸ்ஸாஸம் படிஸங்கா² ஸந்திட்ட²னா பஞ்ஞா நிப்³பி³தா³படிப்பஸ்ஸத்³தி⁴ஞாணம், அனிச்சானுபஸ்ஸீ பஸ்ஸாஸம் படிஸங்கா² ஸந்திட்ட²னா பஞ்ஞா நிப்³பி³தா³படிப்பஸ்ஸத்³தி⁴ஞாணம்…பே… படினிஸ்ஸக்³கா³னுபஸ்ஸீ அஸ்ஸாஸம் படிஸங்கா² ஸந்திட்ட²னா பஞ்ஞா நிப்³பி³தா³படிப்பஸ்ஸத்³தி⁴ஞாணம், படினிஸ்ஸக்³கா³னுபஸ்ஸீ பஸ்ஸாஸம் படிஸங்கா² ஸந்திட்ட²னா பஞ்ஞா நிப்³பி³தா³படிப்பஸ்ஸத்³தி⁴ஞாணம் – இமானி அட்ட² நிப்³பி³தா³படிப்பஸ்ஸத்³தி⁴ஞாணானி.

கதமானி ஏகவீஸதி விமுத்திஸுகே² ஞாணானி? ஸோதாபத்திமக்³கே³ன ஸக்காயதி³ட்டி²யா பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணம், விசிகிச்சா²ய பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணம், ஸீலப்³ப³தபராமாஸஸ்ஸ…பே… தி³ட்டா²னுஸயஸ்ஸ, விசிகிச்சா²னுஸயஸ்ஸ பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணம், ஸகதா³கா³மிமக்³கே³ன ஓளாரிகஸ்ஸ, காமராக³ஸஞ்ஞோஜனஸ்ஸ…பே… படிக⁴ஸஞ்ஞோஜனஸ்ஸ, ஓளாரிகஸ்ஸ காமராகா³னுஸயஸ்ஸ, படிகா⁴னுஸயஸ்ஸ பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணம், அனாகா³மிமக்³கே³ன அனுஸஹக³தஸ்ஸ காமராக³ஸஞ்ஞோஜனஸ்ஸ…பே… படிக⁴ஸஞ்ஞோஜனஸ்ஸ, அனுஸஹக³தஸ்ஸ காமராகா³னுஸயஸ்ஸ, படிகா⁴னுஸயஸ்ஸ பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணம், அரஹத்தமக்³கே³ன, ரூபராக³ஸ்ஸ…பே… அரூபராக³ஸ்ஸ, மானஸ்ஸ, உத்³த⁴ச்சஸ்ஸ, அவிஜ்ஜாய, மானானுஸயஸ்ஸ, ப⁴வராகா³னுஸயஸ்ஸ, அவிஜ்ஜானுஸயஸ்ஸ பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணம். இமானி ஏகவீஸதி விமுத்திஸுகே² ஞாணானி. ஸோளஸவத்து²கம் ஆனாபானஸ்ஸதிஸமாதி⁴ம் பா⁴வயதோ ஸமதி⁴கானி இமானி த்³வே ஞாணஸதானி உப்பஜ்ஜந்தி.

ஞாணராஸிச²க்கனித்³தே³ஸோ ச²ட்டோ².

ஆனாபானஸ்ஸதிகதா² [ஆனாபானகதா² (ஸ்யா. க.)] நிட்டி²தா.