4. இந்த்³ரியகதா²

1. பட²மஸுத்தந்தனித்³தே³ஸோ

184. ஏவம் மே ஸுதம் – ஏகம் ஸமயம் ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி [‘‘ப⁴த்³த³ந்தே’’தி (க.)] தே பி⁴க்கூ² ப⁴க³வதோ பச்சஸ்ஸோஸும். ப⁴க³வா ஏதத³வோச –

‘‘பஞ்சிமானி, பி⁴க்க²வே, இந்த்³ரியானி. கதமானி பஞ்ச? ஸத்³தி⁴ந்த்³ரியம், வீரியிந்த்³ரியம், ஸதிந்த்³ரியம், ஸமாதி⁴ந்த்³ரியம், பஞ்ஞிந்த்³ரியம் – இமானி கோ², பி⁴க்க²வே, பஞ்சிந்த்³ரியானி’’ [ஸம். நி. 5.471].

185. இமானி பஞ்சிந்த்³ரியானி கதிஹாகாரேஹி விஸுஜ்ஜ²ந்தி? இமானி பஞ்சிந்த்³ரியானி பன்னரஸஹி ஆகாரேஹி விஸுஜ்ஜ²ந்தி. அஸ்ஸத்³தே⁴ புக்³க³லே பரிவஜ்ஜயதோ, ஸத்³தே⁴ புக்³க³லே ஸேவதோ ப⁴ஜதோ பயிருபாஸதோ, பஸாத³னீயே ஸுத்தந்தே பச்சவேக்க²தோ – இமேஹி தீஹாகாரேஹி ஸத்³தி⁴ந்த்³ரியம் விஸுஜ்ஜ²தி. குஸீதே புக்³க³லே பரிவஜ்ஜயதோ, ஆரத்³த⁴வீரியே புக்³க³லே ஸேவதோ ப⁴ஜதோ பயிருபாஸதோ, ஸம்மப்பதா⁴னே பச்சவேக்க²தோ – இமேஹி தீஹாகாரேஹி வீரியிந்த்³ரியம் விஸுஜ்ஜ²தி. முட்ட²ஸ்ஸதீ புக்³க³லே பரிவஜ்ஜயதோ, உபட்டி²தஸ்ஸதீ புக்³க³லே ஸேவதோ ப⁴ஜதோ பயிருபாஸதோ, ஸதிபட்டா²னே பச்சவேக்க²தோ – இமேஹி தீஹாகாரேஹி ஸதிந்த்³ரியம் விஸுஜ்ஜ²தி. அஸமாஹிதே புக்³க³லே பரிவஜ்ஜயதோ, ஸமாஹிதே புக்³க³லே ஸேவதோ ப⁴ஜதோ பயிருபாஸதோ, ஜா²னவிமோக்கே² பச்சவேக்க²தோ – இமேஹி தீஹாகாரேஹி ஸமாதி⁴ந்த்³ரியம் விஸுஜ்ஜ²தி. து³ப்பஞ்ஞே புக்³க³லே பரிவஜ்ஜயதோ, பஞ்ஞவந்தே புக்³க³லே ஸேவதோ ப⁴ஜதோ பயிருபாஸதோ, க³ம்பீ⁴ரஞாணசரியம் பச்சவேக்க²தோ – இமேஹி தீஹாகாரேஹி பஞ்ஞிந்த்³ரியம் விஸுஜ்ஜ²தி. இதி இமே பஞ்ச புக்³க³லே பரிவஜ்ஜயதோ, பஞ்ச புக்³க³லே ஸேவதோ ப⁴ஜதோ பயிருபாஸதோ, பஞ்ச ஸுத்தந்தக்க²ந்தே⁴ பச்சவேக்க²தோ – இமேஹி பன்னரஸஹி ஆகாரேஹி இமானி பஞ்சிந்த்³ரியானி விஸுஜ்ஜ²ந்தி.

கதிஹாகாரேஹி பஞ்சிந்த்³ரியானி பா⁴வியந்தி, கதிஹாகாரேஹி பஞ்சன்னம் இந்த்³ரியானம் பா⁴வனா ஹோதி? த³ஸஹாகாரேஹி பஞ்சிந்த்³ரியானி பா⁴வியந்தி, த³ஸஹாகாரேஹி பஞ்சன்னம் இந்த்³ரியானம் பா⁴வனா ஹோதி. அஸ்ஸத்³தி⁴யம் பஜஹந்தோ ஸத்³தி⁴ந்த்³ரியம் பா⁴வேதி, ஸத்³தி⁴ந்த்³ரியம் பா⁴வேந்தோ அஸ்ஸத்³தி⁴யம் பஜஹதி; கோஸஜ்ஜம் பஜஹந்தோ வீரியிந்த்³ரியம் பா⁴வேதி, வீரியிந்த்³ரியம் பா⁴வேந்தோ கோஸஜ்ஜம் பஜஹதி; பமாத³ம் பஜஹந்தோ ஸதிந்த்³ரியம் பா⁴வேதி, ஸதிந்த்³ரியம் பா⁴வேந்தோ பமாத³ம் பஜஹதி; உத்³த⁴ச்சம் பஜஹந்தோ ஸமாதி⁴ந்த்³ரியம் பா⁴வேதி, ஸமாதி⁴ந்த்³ரியம் பா⁴வேந்தோ உத்³த⁴ச்சம் பஜஹதி; அவிஜ்ஜம் பஜஹந்தோ பஞ்ஞிந்த்³ரியம் பா⁴வேதி, பஞ்ஞிந்த்³ரியம் பா⁴வேந்தோ அவிஜ்ஜம் பஜஹதி. இமேஹி த³ஸஹாகாரேஹி பஞ்சிந்த்³ரியானி பா⁴வியந்தி, இமேஹி த³ஸஹாகாரேஹி பஞ்சன்னம் இந்த்³ரியானம் பா⁴வனா ஹோதி.

கதிஹாகாரேஹி பஞ்சிந்த்³ரியானி பா⁴விதானி ஹோந்தி ஸுபா⁴விதானி? த³ஸஹாகாரேஹி பஞ்சிந்த்³ரியானி பா⁴விதானி ஹோந்தி ஸுபா⁴விதானி. அஸ்ஸத்³தி⁴யஸ்ஸ பஹீனத்தா ஸுப்பஹீனத்தா ஸத்³தி⁴ந்த்³ரியம் பா⁴விதம் ஹோதி ஸுபா⁴விதம்; ஸத்³தி⁴ந்த்³ரியஸ்ஸ பா⁴விதத்தா ஸுபா⁴விதத்தா அஸ்ஸத்³தி⁴யம் பஹீனம் ஹோதி ஸுப்பஹீனம். கோஸஜ்ஜஸ்ஸ பஹீனத்தா ஸுப்பஹீனத்தா வீரியிந்த்³ரியம் பா⁴விதம் ஹோதி ஸுபா⁴விதம்; வீரியிந்த்³ரியஸ்ஸ பா⁴விதத்தா ஸுபா⁴விதத்தா கோஸஜ்ஜம் பஹீனம் ஹோதி ஸுப்பஹீனம். பமாத³ஸ்ஸ பஹீனத்தா ஸுப்பஹீனத்தா ஸதிந்த்³ரியம் பா⁴விதம் ஹோதி ஸுபா⁴விதம்; ஸதிந்த்³ரியஸ்ஸ பா⁴விதத்தா ஸுபா⁴விதத்தா பமாதோ³ பஹீனோ ஹோதி ஸுப்பஹீனோ. உத்³த⁴ச்சஸ்ஸ பஹீனத்தா ஸுப்பஹீனத்தா ஸமாதி⁴ந்த்³ரியம் பா⁴விதம் ஹோதி ஸுபா⁴விதம்; ஸமாதி⁴ந்த்³ரியஸ்ஸ பா⁴விதத்தா ஸுபா⁴விதத்தா உத்³த⁴ச்சம் பஹீனம் ஹோதி ஸுப்பஹீனம். அவிஜ்ஜாய பஹீனத்தா பஞ்ஞிந்த்³ரியம் பா⁴விதம் ஹோதி ஸுபா⁴விதம்; பஞ்ஞிந்த்³ரியஸ்ஸ பா⁴விதத்தா ஸுபா⁴விதத்தா அவிஜ்ஜா பஹீனா ஹோதி ஸுப்பஹீனா. இமேஹி த³ஸஹாகாரேஹி பஞ்சிந்த்³ரியானி பா⁴விதானி ஹோந்தி ஸுபா⁴விதானி.

186. கதிஹாகாரேஹி பஞ்சிந்த்³ரியானி பா⁴வியந்தி, கதிஹாகாரேஹி பஞ்சிந்த்³ரியானி பா⁴விதானி சேவ ஹோந்தி ஸுபா⁴விதானி ச படிப்பஸ்ஸத்³தா⁴னி ச ஸுப்படிப்பஸ்ஸத்³தா⁴னி ச? சதூஹாகாரேஹி பஞ்சிந்த்³ரியானி பா⁴வியந்தி சதூஹாகாரேஹி பஞ்சிந்த்³ரியானி பா⁴விதானி சேவ ஹோந்தி ஸுபா⁴விதானி ச படிப்பஸ்ஸத்³தா⁴னி ச ஸுப்படிப்பஸ்ஸத்³தா⁴னி ச. ஸோதாபத்திமக்³க³க்க²ணே பஞ்சிந்த்³ரியானி பா⁴வியந்தி; ஸோதாபத்திப²லக்க²ணே பஞ்சிந்த்³ரியானி பா⁴விதானி சேவ ஹோந்தி ஸுபா⁴விதானி ச படிப்பஸ்ஸத்³தா⁴னி ச ஸுப்படிப்பஸ்ஸத்³தா⁴னி ச. ஸகதா³கா³மிமக்³க³க்க²ணே பஞ்சிந்த்³ரியானி பா⁴வியந்தி; ஸகதா³கா³மிப²லக்க²ணே பஞ்சிந்த்³ரியானி பா⁴விதானி சேவ ஹோந்தி ஸுபா⁴விதானி ச படிப்பஸ்ஸத்³தா⁴னி ச ஸுப்படிப்பஸ்ஸத்³தா⁴னி ச. அனாகா³மிமக்³க³க்க²ணே பஞ்சிந்த்³ரியானி பா⁴வியந்தி; அனாகா³மிப²லக்க²ணே பஞ்சிந்த்³ரியானி பா⁴விதானி சேவ ஹோந்தி ஸுபா⁴விதானி ச படிப்பஸ்ஸத்³தா⁴னி ச ஸுப்படிப்பஸ்ஸத்³தா⁴னி ச. அரஹத்தமக்³க³க்க²ணே பஞ்சிந்த்³ரியானி பா⁴வியந்தி; அரஹத்தப²லக்க²ணே பஞ்சிந்த்³ரியானி பா⁴விதானி சேவ ஹோந்தி ஸுபா⁴விதானி ச படிப்பஸ்ஸத்³தா⁴னி ச ஸுப்படிப்பஸ்ஸத்³தா⁴னி ச. இதி சதஸ்ஸோ மக்³க³விஸுத்³தி⁴யோ, சதஸ்ஸோ ப²லவிஸுத்³தி⁴யோ, சதஸ்ஸோ ஸமுச்சே²த³விஸுத்³தி⁴யோ, சதஸ்ஸோ படிப்பஸ்ஸத்³தி⁴விஸுத்³தி⁴யோ. இமேஹி சதூஹாகாரேஹி பஞ்சிந்த்³ரியானி பா⁴வியந்தி; இமேஹி சதூஹாகாரேஹி பஞ்சிந்த்³ரியானி பா⁴விதானி சேவ ஹோந்தி ஸுபா⁴விதானி ச படிப்பஸ்ஸத்³தா⁴னி ச ஸுப்படிப்பஸ்ஸத்³தா⁴னி ச.

கதினம் புக்³க³லானம் இந்த்³ரியபா⁴வனா; கதி புக்³க³லா பா⁴விதிந்த்³ரியா? அட்ட²ன்னம் புக்³க³லானம் இந்த்³ரியபா⁴வனா; தயோ புக்³க³லா பா⁴விதிந்த்³ரியா. கதமேஸம் அட்ட²ன்னம் புக்³க³லானம் இந்த்³ரியபா⁴வனா? ஸத்தன்னஞ்ச ஸேக்கா²னம், புது²ஜ்ஜனகல்யாணகஸ்ஸ ச – இமேஸம் அட்ட²ன்னம் புக்³க³லானம் இந்த்³ரியபா⁴வனா. கதமே தயோ புக்³க³லா பா⁴விதிந்த்³ரியா? ஸவனேன பு³த்³தோ⁴ ததா²க³தஸ்ஸ ஸாவகோ கீ²ணாஸவோ பா⁴விதிந்த்³ரியோ, ஸயம் பூ⁴தட்டே²ன பச்சேகஸம்பு³த்³தோ⁴ பா⁴விதிந்த்³ரியோ, அப்பமேய்யட்டே²ன ததா²க³தோ அரஹம் ஸம்மாஸம்பு³த்³தோ⁴ பா⁴விதிந்த்³ரியோ – இமே தயோ புக்³க³லா பா⁴விதிந்த்³ரியா. இதி இமேஸம் அட்ட²ன்னம் புக்³க³லானம் இந்த்³ரியபா⁴வனா; இமே தயோ புக்³க³லா பா⁴விதிந்த்³ரியா.

ஸுத்தந்தனித்³தே³ஸோ பட²மோ.

2. து³தியஸுத்தந்தனித்³தே³ஸோ

187. ஸாவத்தி²னிதா³னம். ‘‘பஞ்சிமானி, பி⁴க்க²வே, இந்த்³ரியானி. கதமானி பஞ்ச? ஸத்³தி⁴ந்த்³ரியம், வீரியிந்த்³ரியம், ஸதிந்த்³ரியம், ஸமாதி⁴ந்த்³ரியம், பஞ்ஞிந்த்³ரியம். யே ஹி கேசி, பி⁴க்க²வே, ஸமணா வா ப்³ராஹ்மணா வா இமேஸம் பஞ்சன்னம் இந்த்³ரியானம் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் நப்பஜானந்தி, ந மே தே, பி⁴க்க²வே, ஸமணா வா ப்³ராஹ்மணா வா ஸமணேஸு [சேவ (க.) ஸம். நி. 5.476] வா ஸமணஸம்மதா, ப்³ராஹ்மணேஸு வா ப்³ராஹ்மணஸம்மதா; ந ச பனேதே ஆயஸ்மந்தா [ஆயஸ்மந்தோ ஸம். நி. 5.476] ஸாமஞ்ஞத்த²ம் வா ப்³ரஹ்மஞ்ஞத்த²ம் வா தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தி. யே ச கோ² கேசி [யே கேசி கோ² (ஸ்யா.), யே ஹி கேசி கோ² (க.) ஸம். நி. 5.476 பஸ்ஸிதப்³பா³] பி⁴க்க²வே ஸமணா வா ப்³ராஹ்மணா வா இமேஸம் பஞ்சன்னம் இந்த்³ரியானம் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தம் பஜானந்தி, தே கோ² மே, பி⁴க்க²வே, ஸமணா வா ப்³ராஹ்மணா வா ஸமணேஸு வா ஸமணஸம்மதா, ப்³ராஹ்மணேஸு வா ப்³ராஹ்மணஸம்மதா; தே ச பனாயஸ்மந்தா ஸாமஞ்ஞத்த²ஞ்ச ப்³ரஹ்மஞ்ஞத்த²ஞ்ச தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தீ’’தி.

188. கதிஹாகாரேஹி பஞ்சன்னம் இந்த்³ரியானம் ஸமுத³யோ ஹோதி; கதிஹாகாரேஹி பஞ்சன்னம் இந்த்³ரியானம் ஸமுத³யம் பஜானாதி? கதிஹாகாரேஹி பஞ்சன்னம் இந்த்³ரியானம் அத்த²ங்க³மோ ஹோதி; கதிஹாகாரேஹி பஞ்சன்னம் இந்த்³ரியானம் அத்த²ங்க³மம் பஜானாதி? கதிஹாகாரேஹி பஞ்சன்னம் இந்த்³ரியானம் அஸ்ஸாதோ³ ஹோதி, கதிஹாகாரேஹி பஞ்சன்னம் இந்த்³ரியானம் அஸ்ஸாத³ம் பஜானாதி? கதிஹாகாரேஹி பஞ்சன்னம் இந்த்³ரியானம் ஆதீ³னவோ ஹோதி; கதிஹாகாரேஹி பஞ்சன்னம் இந்த்³ரியானம் ஆதீ³னவம் பஜானாதி? கதிஹாகாரேஹி பஞ்சன்னம் இந்த்³ரியானம் நிஸ்ஸரணம் ஹோதி; கதிஹாகாரேஹி பஞ்சன்னம் இந்த்³ரியானம் நிஸ்ஸரணம் பஜானாதி?

சத்தாரீஸாய ஆகாரேஹி பஞ்சன்னம் இந்த்³ரியானம் ஸமுத³யோ ஹோதி; சத்தாரீஸாய ஆகாரேஹி பஞ்சன்னம் இந்த்³ரியானம் ஸமுத³யம் பஜானாதி. சத்தாரீஸாய ஆகாரேஹி பஞ்சன்னம் இந்த்³ரியானம் அத்த²ங்க³மோ ஹோதி; சத்தாரீஸாய ஆகாரேஹி பஞ்சன்னம் இந்த்³ரியானம் அத்த²ங்க³மம் பஜானாதி. பஞ்சவீஸதியா ஆகாரேஹி பஞ்சன்னம் இந்த்³ரியானம் அஸ்ஸாதோ³ ஹோதி; பஞ்சவீஸதியா ஆகாரேஹி பஞ்சன்னம் இந்த்³ரியானம் அஸ்ஸாத³ம் பஜானாதி. பஞ்சவீஸதியா ஆகாரேஹி பஞ்சன்னம் இந்த்³ரியானம் ஆதீ³னவோ ஹோதி; பஞ்சவீஸதியா ஆகாரேஹி பஞ்சன்னம் இந்த்³ரியானம் ஆதீ³னவம் பஜானாதி. அஸீதிஸதம் ஆகாரேஹி [அஸீதிஸதாகாரேஹி (ஸ்யா.)] பஞ்சன்னம் இந்த்³ரியானம் நிஸ்ஸரணம் ஹோதி; அஸீதிஸதம் ஆகாரேஹி பஞ்சன்னம் இந்த்³ரியானம் நிஸ்ஸரணம் பஜானாதி.

கதமேஹி சத்தாரீஸாய ஆகாரேஹி பஞ்சன்னம் இந்த்³ரியானம் ஸமுத³யோ ஹோதி; கதமேஹி சத்தாரீஸாய ஆகாரேஹி பஞ்சன்னம் இந்த்³ரியானம் ஸமுத³யம் பஜானாதி? அதி⁴மோக்க²த்தா²ய ஆவஜ்ஜனாய ஸமுத³யோ ஸத்³தி⁴ந்த்³ரியஸ்ஸ ஸமுத³யோ ஹோதி, அதி⁴மோக்க²வஸேன ச²ந்த³ஸ்ஸ ஸமுத³யோ ஸத்³தி⁴ந்த்³ரியஸ்ஸ ஸமுத³யோ ஹோதி, அதி⁴மோக்க²வஸேன மனஸிகாரஸ்ஸ ஸமுத³யோ ஸத்³தி⁴ந்த்³ரியஸ்ஸ ஸமுத³யோ ஹோதி, ஸத்³தி⁴ந்த்³ரியஸ்ஸ வஸேன ஏகத்துபட்டா²னம் ஸத்³தி⁴ந்த்³ரியஸ்ஸ ஸமுத³யோ ஹோதி; பக்³க³ஹத்தா²ய ஆவஜ்ஜனாய ஸமுத³யோ வீரியிந்த்³ரியஸ்ஸ ஸமுத³யோ ஹோதி, பக்³க³ஹவஸேன ச²ந்த³ஸ்ஸ ஸமுத³யோ வீரியிந்த்³ரியஸ்ஸ ஸமுத³யோ ஹோதி, பக்³க³ஹவஸேன மனஸிகாரஸ்ஸ ஸமுத³யோ வீரியிந்த்³ரியஸ்ஸ ஸமுத³யோ ஹோதி, வீரியிந்த்³ரியஸ்ஸ வஸேன ஏகத்துபட்டா²னம் வீரியிந்த்³ரியஸ்ஸ ஸமுத³யோ ஹோதி; உபட்டா²னத்தா²ய ஆவஜ்ஜனாய ஸமுத³யோ ஸதிந்த்³ரியஸ்ஸ ஸமுத³யோ ஹோதி, உபட்டா²னவஸேன ச²ந்த³ஸ்ஸ ஸமுத³யோ ஸதிந்த்³ரியஸ்ஸ ஸமுத³யோ ஹோதி, உபட்டா²னவஸேன மனஸிகாரஸ்ஸ ஸமுத³யோ ஸதிந்த்³ரியஸ்ஸ ஸமுத³யோ ஹோதி, ஸதிந்த்³ரியஸ்ஸ வஸேன ஏகத்துபட்டா²னம் ஸதிந்த்³ரியஸ்ஸ ஸமுத³யோ ஹோதி; அவிக்கே²பத்தா²ய ஆவஜ்ஜனாய ஸமுத³யோ ஸமாதி⁴ந்த்³ரியஸ்ஸ ஸமுத³யோ ஹோதி, அவிக்கே²பவஸேன ச²ந்த³ஸ்ஸ ஸமுத³யோ ஸமாதி⁴ந்த்³ரியஸ்ஸ ஸமுத³யோ ஹோதி, அவிக்கே²பவஸேன மனஸிகாரஸ்ஸ ஸமுத³யோ ஸமாதி⁴ந்த்³ரியஸ்ஸ ஸமுத³யோ ஹோதி, ஸமாதி⁴ந்த்³ரியஸ்ஸ வஸேன ஏகத்துபட்டா²னம் ஸமாதி⁴ந்த்³ரியஸ்ஸ ஸமுத³யோ ஹோதி; த³ஸ்ஸனத்தா²ய ஆவஜ்ஜனாய ஸமுத³யோ பஞ்ஞிந்த்³ரியஸ்ஸ ஸமுத³யோ ஹோதி, த³ஸ்ஸனவஸேன ச²ந்த³ஸ்ஸ ஸமுத³யோ பஞ்ஞிந்த்³ரியஸ்ஸ ஸமுத³யோ ஹோதி, த³ஸ்ஸனவஸேன மனஸிகாரஸ்ஸ ஸமுத³யோ பஞ்ஞிந்த்³ரியஸ்ஸ ஸமுத³யோ ஹோதி, பஞ்ஞிந்த்³ரியஸ்ஸ வஸேன ஏகத்துபட்டா²னம் பஞ்ஞிந்த்³ரியஸ்ஸ ஸமுத³யோ ஹோதி. அதி⁴மோக்க²த்தா²ய ஆவஜ்ஜனாய ஸமுத³யோ ஸத்³தி⁴ந்த்³ரியஸ்ஸ ஸமுத³யோ ஹோதி, பக்³க³ஹத்தா²ய ஆவஜ்ஜனாய ஸமுத³யோ வீரியிந்த்³ரியஸ்ஸ ஸமுத³யோ ஹோதி, உபட்டா²னத்தா²ய ஆவஜ்ஜனாய ஸமுத³யோ ஸதிந்த்³ரியஸ்ஸ ஸமுத³யோ ஹோதி, அவிக்கே²பத்தா²ய ஆவஜ்ஜனாய ஸமுத³யோ ஸமாதி⁴ந்த்³ரியஸ்ஸ ஸமுத³யோ ஹோதி, த³ஸ்ஸனத்தா²ய ஆவஜ்ஜனாய ஸமுத³யோ பஞ்ஞிந்த்³ரியஸ்ஸ ஸமுத³யோ ஹோதி. அதி⁴மோக்க²வஸேன ச²ந்த³ஸ்ஸ ஸமுத³யோ ஸத்³தி⁴ந்த்³ரியஸ்ஸ ஸமுத³யோ ஹோதி, பக்³க³ஹவஸேன ச²ந்த³ஸ்ஸ ஸமுத³யோ வீரியிந்த்³ரியஸ்ஸ ஸமுத³யோ ஹோதி, உபட்டா²னவஸேன ச²ந்த³ஸ்ஸ ஸமுத³யோ ஸதிந்த்³ரியஸ்ஸ ஸமுத³யோ ஹோதி, அவிக்கே²பவஸேன ச²ந்த³ஸ்ஸ ஸமுத³யோ ஸமாதி⁴ந்த்³ரியஸ்ஸ ஸமுத³யோ ஹோதி, த³ஸ்ஸனவஸேன ச²ந்த³ஸ்ஸ ஸமுத³யோ பஞ்ஞிந்த்³ரியஸ்ஸ ஸமுத³யோ ஹோதி. அதி⁴மோக்க²வஸேன மனஸிகாரஸ்ஸ ஸமுத³யோ ஸத்³தி⁴ந்த்³ரியஸ்ஸ ஸமுத³யோ ஹோதி, பக்³க³ஹவஸேன மனஸிகாரஸ்ஸ ஸமுத³யோ வீரியிந்த்³ரியஸ்ஸ ஸமுத³யோ ஹோதி, உபட்டா²னவஸேன மனஸிகாரஸ்ஸ ஸமுத³யோ ஸதிந்த்³ரியஸ்ஸ ஸமுத³யோ ஹோதி, அவிக்கே²பவஸேன மனஸிகாரஸ்ஸ ஸமுத³யோ ஸமாதி⁴ந்த்³ரியஸ்ஸ ஸமுத³யோ ஹோதி, த³ஸ்ஸனவஸேன மனஸிகாரஸ்ஸ ஸமுத³யோ பஞ்ஞிந்த்³ரியஸ்ஸ ஸமுத³யோ ஹோதி. ஸத்³தி⁴ந்த்³ரியஸ்ஸ வஸேன ஏகத்துபட்டா²னம் ஸத்³தி⁴ந்த்³ரியஸ்ஸ ஸமுத³யோ ஹோதி வீரியிந்த்³ரியஸ்ஸ வஸேன ஏகத்துபட்டா²னம் வீரியிந்த்³ரியஸ்ஸ ஸமுத³யோ ஹோதி, ஸதிந்த்³ரியஸ்ஸ வஸேன ஏகத்துபட்டா²னம் ஸதிந்த்³ரியஸ்ஸ ஸமுத³யோ ஹோதி, ஸமாதி⁴ந்த்³ரியஸ்ஸ வஸேன ஏகத்துபட்டா²னம் ஸமாதி⁴ந்த்³ரியஸ்ஸ ஸமுத³யோ ஹோதி, பஞ்ஞிந்த்³ரியஸ்ஸ வஸேன ஏகத்துபட்டா²னம் பஞ்ஞிந்த்³ரியஸ்ஸ ஸமுத³யோ ஹோதி.

இமேஹி சத்தாரீஸாய ஆகாரேஹி பஞ்சன்னம் இந்த்³ரியானம் ஸமுத³யோ ஹோதி, இமேஹி சத்தாரீஸாய ஆகாரேஹி பஞ்சன்னம் இந்த்³ரியானம் ஸமுத³யம் பஜானாதி.

கதமேஹி சத்தாரீஸாய ஆகாரேஹி பஞ்சன்னம் இந்த்³ரியானம் அத்த²ங்க³மோ ஹோதி; கதமேஹி சத்தாரீஸாய ஆகாரேஹி பஞ்சன்னம் இந்த்³ரியானம் அத்த²ங்க³மம் பஜானாதி? அதி⁴மோக்க²த்தா²ய ஆவஜ்ஜனாய அத்த²ங்க³மோ ஸத்³தி⁴ந்த்³ரியஸ்ஸ அத்த²ங்க³மோ ஹோதி, அதி⁴மோக்க²வஸேன ச²ந்த³ஸ்ஸ அத்த²ங்க³மோ ஸத்³தி⁴ந்த்³ரியஸ்ஸ அத்த²ங்க³மோ ஹோதி, அதி⁴மோக்க²வஸேன மனஸிகாரஸ்ஸ அத்த²ங்க³மோ ஸத்³தி⁴ந்த்³ரியஸ்ஸ அத்த²ங்க³மோ ஹோதி, ஸத்³தி⁴ந்த்³ரியஸ்ஸ வஸேன ஏகத்தஅனுபட்டா²னம் [ஏகத்தம் அனுபட்டா²னம் (ஸ்யா.)] ஸத்³தி⁴ந்த்³ரியஸ்ஸ வஸேன அத்த²ங்க³மோ ஹோதி; பக்³க³ஹத்தா²ய ஆவஜ்ஜனாய அத்த²ங்க³மோ வீரியிந்த்³ரியஸ்ஸ அத்த²ங்க³மோ ஹோதி, பக்³க³ஹவஸேன ச²ந்த³ஸ்ஸ அத்த²ங்க³மோ வீரியிந்த்³ரியஸ்ஸ அத்த²ங்க³மோ ஹோதி, பக்³க³ஹவஸேன மனஸிகாரஸ்ஸ அத்த²ங்க³மோ வீரியிந்த்³ரியஸ்ஸ அத்த²ங்க³மோ ஹோதி, வீரியிந்த்³ரியஸ்ஸ வஸேன ஏகத்தஅனுபட்டா²னம் வீரியிந்த்³ரியஸ்ஸ அத்த²ங்க³மோ ஹோதி; உபட்டா²னத்தா²ய ஆவஜ்ஜனாய அத்த²ங்க³மோ ஸதிந்த்³ரியஸ்ஸ அத்த²ங்க³மோ ஹோதி, உபட்டா²னவஸேன ச²ந்த³ஸ்ஸ அத்த²ங்க³மோ ஸதிந்த்³ரியஸ்ஸ அத்த²ங்க³மோ ஹோதி, உபட்டா²னவஸேன மனஸிகாரஸ்ஸ அத்த²ங்க³மோ ஸதிந்த்³ரியஸ்ஸ அத்த²ங்க³மோ ஹோதி, ஸதிந்த்³ரியஸ்ஸ வஸேன ஏகத்தஅனுபட்டா²னம் ஸதிந்த்³ரியஸ்ஸ அத்த²ங்க³மோ ஹோதி; அவிக்கே²பத்தா²ய ஆவஜ்ஜனாய அத்த²ங்க³மோ ஸமாதி⁴ந்த்³ரியஸ்ஸ அத்த²ங்க³மோ ஹோதி, அவிக்கே²பவஸேன ச²ந்த³ஸ்ஸ அத்த²ங்க³மோ ஸமாதி⁴ந்த்³ரியஸ்ஸ அத்த²ங்க³மோ ஹோதி, அவிக்கே²பவஸேன மனஸிகாரஸ்ஸ அத்த²ங்க³மோ ஸமாதி⁴ந்த்³ரியஸ்ஸ அத்த²ங்க³மோ ஹோதி, ஸமாதி⁴ந்த்³ரியஸ்ஸ வஸேன ஏகத்தஅனுபட்டா²னம் ஸமாதி⁴ந்த்³ரியஸ்ஸ அத்த²ங்க³மோ ஹோதி; த³ஸ்ஸனத்தா²ய ஆவஜ்ஜனாய அத்த²ங்க³மோ பஞ்ஞிந்த்³ரியஸ்ஸ அத்த²ங்க³மோ ஹோதி, த³ஸ்ஸனவஸேன ச²ந்த³ஸ்ஸ அத்த²ங்க³மோ பஞ்ஞிந்த்³ரியஸ்ஸ அத்த²ங்க³மோ ஹோதி, த³ஸ்ஸனவஸேன மனஸிகாரஸ்ஸ அத்த²ங்க³மோ பஞ்ஞிந்த்³ரியஸ்ஸ அத்த²ங்க³மோ ஹோதி, பஞ்ஞிந்த்³ரியஸ்ஸ வஸேன ஏகத்தஅனுபட்டா²னம் பஞ்ஞிந்த்³ரியஸ்ஸ அத்த²ங்க³மோ ஹோதி.

அதி⁴மோக்க²த்தா²ய ஆவஜ்ஜனாய அத்த²ங்க³மோ ஸத்³தி⁴ந்த்³ரியஸ்ஸ அத்த²ங்க³மோ ஹோதி, பக்³க³ஹத்தா²ய ஆவஜ்ஜனாய அத்த²ங்க³மோ வீரியிந்த்³ரியஸ்ஸ அத்த²ங்க³மோ ஹோதி, உபட்டா²னத்தா²ய ஆவஜ்ஜனாய அத்த²ங்க³மோ ஸதிந்த்³ரியஸ்ஸ அத்த²ங்க³மோ ஹோதி, அவிக்கே²பத்தா²ய ஆவஜ்ஜனாய அத்த²ங்க³மோ ஸமாதி⁴ந்த்³ரியஸ்ஸ அத்த²ங்க³மோ ஹோதி, த³ஸ்ஸனத்தா²ய ஆவஜ்ஜனாய அத்த²ங்க³மோ பஞ்ஞிந்த்³ரியஸ்ஸ அத்த²ங்க³மோ ஹோதி. அதி⁴மோக்க²வஸேன ச²ந்த³ஸ்ஸ அத்த²ங்க³மோ ஸத்³தி⁴ந்த்³ரியஸ்ஸ அத்த²ங்க³மோ ஹோதி, பக்³க³ஹவஸேன ச²ந்த³ஸ்ஸ அத்த²ங்க³மோ வீரியிந்த்³ரியஸ்ஸ அத்த²ங்க³மோ ஹோதி, உபட்டா²னவஸேன ச²ந்த³ஸ்ஸ அத்த²ங்க³மோ ஸதிந்த்³ரியஸ்ஸ அத்த²ங்க³மோ ஹோதி, அவிக்கே²பவஸேன ச²ந்த³ஸ்ஸ அத்த²ங்க³மோ ஸமாதி⁴ந்த்³ரியஸ்ஸ அத்த²ங்க³மோ ஹோதி, த³ஸ்ஸனவஸேன ச²ந்த³ஸ்ஸ அத்த²ங்க³மோ பஞ்ஞிந்த்³ரியஸ்ஸ அத்த²ங்க³மோ ஹோதி. அதி⁴மோக்க²வஸேன மனஸிகாரஸ்ஸ அத்த²ங்க³மோ ஸத்³தி⁴ந்த்³ரியஸ்ஸ அத்த²ங்க³மோ ஹோதி, பக்³க³ஹவஸேன மனஸிகாரஸ்ஸ அத்த²ங்க³மோ வீரியிந்த்³ரியஸ்ஸ அத்த²ங்க³மோ ஹோதி, உபட்டா²னவஸேன மனஸிகாரஸ்ஸ அத்த²ங்க³மோ ஸதிந்த்³ரியஸ்ஸ அத்த²ங்க³மோ ஹோதி, அவிக்கே²பவஸேன மனஸிகாரஸ்ஸ அத்த²ங்க³மோ ஸமாதி⁴ந்த்³ரியஸ்ஸ அத்த²ங்க³மோ ஹோதி, த³ஸ்ஸனவஸேன மனஸிகாரஸ்ஸ அத்த²ங்க³மோ பஞ்ஞிந்த்³ரியஸ்ஸ அத்த²ங்க³மோ ஹோதி. ஸத்³தி⁴ந்த்³ரியஸ்ஸ வஸேன ஏகத்தஅனுபட்டா²னம் ஸத்³தி⁴ந்த்³ரியஸ்ஸ அத்த²ங்க³மோ ஹோதி, வீரியிந்த்³ரியஸ்ஸ வஸேன ஏகத்தஅனுபட்டா²னம் வீரியிந்த்³ரியஸ்ஸ அத்த²ங்க³மோ ஹோதி, ஸதிந்த்³ரியஸ்ஸ வஸேன ஏகத்தஅனுபட்டா²னம் ஸதிந்த்³ரியஸ்ஸ அத்த²ங்க³மோ ஹோதி, ஸமாதி⁴ந்த்³ரியஸ்ஸ வஸேன ஏகத்தஅனுபட்டா²னம் ஸமாதி⁴ந்த்³ரியஸ்ஸ அத்த²ங்க³மோ ஹோதி, பஞ்ஞிந்த்³ரியஸ்ஸ வஸேன ஏகத்தஅனுபட்டா²னம் பஞ்ஞிந்த்³ரியஸ்ஸ அத்த²ங்க³மோ ஹோதி.

இமேஹி சத்தாரீஸாய ஆகாரேஹி பஞ்சன்னம் இந்த்³ரியானம் அத்த²ங்க³மோ ஹோதி; இமேஹி சத்தாரீஸாய ஆகாரேஹி பஞ்சன்னம் இந்த்³ரியானம் அத்த²ங்க³மம் பஜானாதி.

க. அஸ்ஸாத³னித்³தே³ஸோ

189. கதமேஹி பஞ்சவீஸதியா ஆகாரேஹி பஞ்சன்னம் இந்த்³ரியானம் அஸ்ஸாதோ³ ஹோதி; கதமேஹி பஞ்சவீஸதியா ஆகாரேஹி பஞ்சன்னம் இந்த்³ரியானம் அஸ்ஸாத³ம் பஜானாதி? அஸ்ஸத்³தி⁴யஸ்ஸ அனுபட்டா²னம் ஸத்³தி⁴ந்த்³ரியஸ்ஸ அஸ்ஸாதோ³ ஹோதி, அஸ்ஸத்³தி⁴யபரிளாஹஸ்ஸ அனுபட்டா²னம் ஸத்³தி⁴ந்த்³ரியஸ்ஸ அஸ்ஸாதோ³ ஹோதி, அதி⁴மோக்க²சரியாய வேஸாரஜ்ஜம் ஸத்³தி⁴ந்த்³ரியஸ்ஸ அஸ்ஸாதோ³ ஹோதி, ஸந்தோ ச விஹாராதி⁴க³மோ ஸத்³தி⁴ந்த்³ரியஸ்ஸ அஸ்ஸாதோ³ ஹோதி, யம் ஸத்³தி⁴ந்த்³ரியம் படிச்ச உப்பஜ்ஜதி ஸுக²ம் ஸோமனஸ்ஸம் அயம் ஸத்³தி⁴ந்த்³ரியஸ்ஸ அஸ்ஸாதோ³.

கோஸஜ்ஜஸ்ஸ அனுபட்டா²னம் வீரியிந்த்³ரியஸ்ஸ அஸ்ஸாதோ³ ஹோதி, கோஸஜ்ஜபரிளாஹஸ்ஸ அனுபட்டா²னம் வீரியிந்த்³ரியஸ்ஸ அஸ்ஸாதோ³ ஹோதி, பக்³க³ஹசரியாய வேஸாரஜ்ஜம் வீரியிந்த்³ரியஸ்ஸ அஸ்ஸாதோ³ ஹோதி, ஸந்தோ ச விஹாராதி⁴க³மோ வீரியிந்த்³ரியஸ்ஸ அஸ்ஸாதோ³ ஹோதி, யம் வீரியிந்த்³ரியம் படிச்ச உப்பஜ்ஜதி ஸுக²ம் ஸோமனஸ்ஸம் அயம் வீரியிந்த்³ரியஸ்ஸ அஸ்ஸாதோ³.

பமாத³ஸ்ஸ அனுபட்டா²னம் ஸதிந்த்³ரியஸ்ஸ அஸ்ஸாதோ³ ஹோதி, பமாத³பரிளாஹஸ்ஸ அனுபட்டா²னம் ஸதிந்த்³ரியஸ்ஸ அஸ்ஸாதோ³ ஹோதி, உபட்டா²னசரியாய வேஸாரஜ்ஜம் ஸதிந்த்³ரியஸ்ஸ அஸ்ஸாதோ³ ஹோதி, ஸந்தோ ச விஹாராதி⁴க³மோ ஸதிந்த்³ரியஸ்ஸ அஸ்ஸாதோ³ ஹோதி, யம் ஸதிந்த்³ரியம் படிச்ச உப்பஜ்ஜதி ஸுக²ம் ஸோமனஸ்ஸம் அயம் ஸதிந்த்³ரியஸ்ஸ அஸ்ஸாதோ³.

உத்³த⁴ச்சஸ்ஸ அனுபட்டா²னம் ஸமாதி⁴ந்த்³ரியஸ்ஸ அஸ்ஸாதோ³ ஹோதி, உத்³த⁴ச்சபரிளாஹஸ்ஸ அனுபட்டா²னம் ஸமாதி⁴ந்த்³ரியஸ்ஸ அஸ்ஸாதோ³ ஹோதி, அவிக்கே²பசரியாய வேஸாரஜ்ஜம் ஸமாதி⁴ந்த்³ரியஸ்ஸ அஸ்ஸாதோ³ ஹோதி, ஸந்தோ ச விஹாராதி⁴க³மோ ஸமாதி⁴ந்த்³ரியஸ்ஸ அஸ்ஸாதோ³ ஹோதி, யம் ஸமாதி⁴ந்த்³ரியம் படிச்ச உப்பஜ்ஜதி ஸுக²ம் ஸோமனஸ்ஸம் அயம் ஸமாதி⁴ந்த்³ரியஸ்ஸ அஸ்ஸாதோ³.

அவிஜ்ஜாய அனுபட்டா²னம் பஞ்ஞிந்த்³ரியஸ்ஸ அஸ்ஸாதோ³ ஹோதி, அவிஜ்ஜாபரிளாஹஸ்ஸ அனுபட்டா²னம் பஞ்ஞிந்த்³ரியஸ்ஸ அஸ்ஸாதோ³ ஹோதி, த³ஸ்ஸனசரியாய வேஸாரஜ்ஜம் பஞ்ஞிந்த்³ரியஸ்ஸ அஸ்ஸாதோ³ ஹோதி, ஸந்தோ ச விஹாராதி⁴க³மோ பஞ்ஞிந்த்³ரியஸ்ஸ அஸ்ஸாதோ³ ஹோதி, யம் பஞ்ஞிந்த்³ரியம் படிச்ச உப்பஜ்ஜதி ஸுக²ம் ஸோமனஸ்ஸம் அயம் பஞ்ஞிந்த்³ரியஸ்ஸ அஸ்ஸாதோ³.

இமேஹி பஞ்சவீஸதியா ஆகாரேஹி பஞ்சன்னம் இந்த்³ரியானம் அஸ்ஸாதோ³ ஹோதி; இமேஹி பஞ்சவீஸதியா ஆகாரேஹி பஞ்சன்னம் இந்த்³ரியானம் அஸ்ஸாத³ம் பஜானாதி.

க². ஆதீ³னவனித்³தே³ஸோ

190. கதமேஹி பஞ்சவீஸதியா ஆகாரேஹி பஞ்சன்னம் இந்த்³ரியானம் ஆதீ³னவோ ஹோதி; கதமேஹி பஞ்சவீஸதியா ஆகாரேஹி பஞ்சன்னம் இந்த்³ரியானம் ஆதீ³னவம் பஜானாதி? அஸ்ஸத்³தி⁴யஸ்ஸ உபட்டா²னம் ஸத்³தி⁴ந்த்³ரியஸ்ஸ ஆதீ³னவோ ஹோதி, அஸ்ஸத்³தி⁴யபரிளாஹஸ்ஸ உபட்டா²னம் ஸத்³தி⁴ந்த்³ரியஸ்ஸ ஆதீ³னவோ ஹோதி, அனிச்சட்டே²ன ஸத்³தி⁴ந்த்³ரியஸ்ஸ ஆதீ³னவோ ஹோதி, து³க்க²ட்டே²ன ஸத்³தி⁴ந்த்³ரியஸ்ஸ ஆதீ³னவோ ஹோதி, அனத்தட்டே²ன ஸத்³தி⁴ந்த்³ரியஸ்ஸ ஆதீ³னவோ ஹோதி.

கோஸஜ்ஜஸ்ஸ உபட்டா²னம் வீரியிந்த்³ரியஸ்ஸ ஆதீ³னவோ ஹோதி, கோஸஜ்ஜபரிளாஹஸ்ஸ உபட்டா²னம் வீரியிந்த்³ரியஸ்ஸ ஆதீ³னவோ ஹோதி, அனிச்சட்டே²ன வீரியிந்த்³ரியஸ்ஸ ஆதீ³னவோ ஹோதி, து³க்க²ட்டே²ன…பே… அனத்தட்டே²ன வீரியிந்த்³ரியஸ்ஸ ஆதீ³னவோ ஹோதி.

பமாத³ஸ்ஸ உபட்டா²னம் ஸதிந்த்³ரியஸ்ஸ ஆதீ³னவோ ஹோதி, பமாத³பரிளாஹஸ்ஸ உபட்டா²னம் ஸதிந்த்³ரியஸ்ஸ ஆதீ³னவோ ஹோதி, அனிச்சட்டே²ன ஸதிந்த்³ரியஸ்ஸ ஆதீ³னவோ ஹோதி, து³க்க²ட்டே²ன…பே… அனத்தட்டே²ன ஸதிந்த்³ரியஸ்ஸ ஆதீ³னவோ ஹோதி.

உத்³த⁴ச்சஸ்ஸ உபட்டா²னம் ஸமாதி⁴ந்த்³ரியஸ்ஸ ஆதீ³னவோ ஹோதி, உத்³த⁴ச்சபரிளாஹஸ்ஸ உபட்டா²னம் ஸமாதி⁴ந்த்³ரியஸ்ஸ ஆதீ³னவோ ஹோதி, அனிச்சட்டே²ன ஸமாதி⁴ந்த்³ரியஸ்ஸ ஆதீ³னவோ ஹோதி, து³க்க²ட்டே²ன…பே… அனத்தட்டே²ன ஸமாதி⁴ந்த்³ரியஸ்ஸ ஆதீ³னவோ ஹோதி.

அவிஜ்ஜாய உபட்டா²னம் பஞ்ஞிந்த்³ரியஸ்ஸ ஆதீ³னவோ ஹோதி, அவிஜ்ஜாபரிளாஹஸ்ஸ உபட்டா²னம் பஞ்ஞிந்த்³ரியஸ்ஸ ஆதீ³னவோ ஹோதி, அனிச்சட்டே²ன பஞ்ஞிந்த்³ரியஸ்ஸ ஆதீ³னவோ ஹோதி, து³க்க²ட்டே²ன பஞ்ஞிந்த்³ரியஸ்ஸ ஆதீ³னவோ ஹோதி, அனத்தட்டே²ன பஞ்ஞிந்த்³ரியஸ்ஸ ஆதீ³னவோ ஹோதி.

இமேஹி பஞ்சவீஸதியா ஆகாரேஹி பஞ்சன்னம் இந்த்³ரியானம் ஆதீ³னவோ ஹோதி; இமேஹி பஞ்சவீஸதியா ஆகாரேஹி பஞ்சன்னம் இந்த்³ரியானம் ஆதீ³னவம் பஜானாதி.

க³. நிஸ்ஸரணனித்³தே³ஸோ

191. கதமேஹி அஸீதிஸதம் ஆகாரேஹி பஞ்சன்னம் இந்த்³ரியானம் நிஸ்ஸரணம் ஹோதி; கதமேஹி அஸீதிஸதம் ஆகாரேஹி பஞ்சன்னம் இந்த்³ரியானம் நிஸ்ஸரணம் பஜானாதி? அதி⁴மோக்க²ட்டே²ன ஸத்³தி⁴ந்த்³ரியம் அஸ்ஸத்³தி⁴யா நிஸ்ஸடம் ஹோதி, அஸ்ஸத்³தி⁴யபரிளாஹா நிஸ்ஸடம் ஹோதி, தத³னுவத்தககிலேஸேஹி ச க²ந்தே⁴ஹி ச நிஸ்ஸடம் ஹோதி, ப³ஹித்³தா⁴ ச ஸப்³ப³னிமித்தேஹி நிஸ்ஸடம் ஹோதி, ததோ பணீததரஸத்³தி⁴ந்த்³ரியஸ்ஸ படிலாபா⁴ புரிமதரஸத்³தி⁴ந்த்³ரியா நிஸ்ஸடம் ஹோதி; பக்³க³ஹட்டே²ன வீரியிந்த்³ரியம் கோஸஜ்ஜா நிஸ்ஸடம் ஹோதி, கோஸஜ்ஜபரிளாஹா நிஸ்ஸடம் ஹோதி, தத³னுவத்தககிலேஸேஹி ச க²ந்தே⁴ஹி ச நிஸ்ஸடம் ஹோதி, ப³ஹித்³தா⁴ ச ஸப்³ப³னிமித்தேஹி நிஸ்ஸடம் ஹோதி, ததோ பணீததரவீரியிந்த்³ரியஸ்ஸ படிலாபா⁴ புரிமதரவீரியிந்த்³ரியா நிஸ்ஸடம் ஹோதி; உபட்டா²னட்டே²ன ஸதிந்த்³ரியம் பமாதா³ நிஸ்ஸடம் ஹோதி, பமாத³பரிளாஹா நிஸ்ஸடம் ஹோதி, தத³னுவத்தககிலேஸேஹி ச க²ந்தே⁴ஹி ச நிஸ்ஸடம் ஹோதி, ப³ஹித்³தா⁴ ச ஸப்³ப³னிமித்தேஹி நிஸ்ஸடம் ஹோதி, ததோ பணீததரஸதிந்த்³ரியஸ்ஸ படிலாபா⁴ புரிமதரஸதிந்த்³ரியா நிஸ்ஸடம் ஹோதி; அவிக்கே²பட்டே²ன ஸமாதி⁴ந்த்³ரியம் உத்³த⁴ச்சா நிஸ்ஸடம் ஹோதி, உத்³த⁴ச்சபரிளாஹா நிஸ்ஸடம் ஹோதி, தத³னுவத்தககிலேஸேஹி ச க²ந்தே⁴ஹி ச நிஸ்ஸடம் ஹோதி, ப³ஹித்³தா⁴ ச ஸப்³ப³னிமித்தேஹி நிஸ்ஸடம் ஹோதி, ததோ பணீததரஸமாதி⁴ந்த்³ரியஸ்ஸ படிலாபா⁴ புரிமதரஸமாதி⁴ந்த்³ரியா நிஸ்ஸடம் ஹோதி; த³ஸ்ஸனட்டே²ன பஞ்ஞிந்த்³ரியம் அவிஜ்ஜாய நிஸ்ஸடம் ஹோதி, அவிஜ்ஜாபரிளாஹா நிஸ்ஸடம் ஹோதி, தத³னுவத்தககிலேஸேஹி ச க²ந்தே⁴ஹி ச நிஸ்ஸடம் ஹோதி, ப³ஹித்³தா⁴ ச ஸப்³ப³னிமித்தேஹி நிஸ்ஸடம் ஹோதி, ததோ பணீததரபஞ்ஞிந்த்³ரியஸ்ஸ படிலாபா⁴ புரிமதரபஞ்ஞிந்த்³ரியா நிஸ்ஸடம் ஹோதி.

192. புப்³ப³பா⁴கே³ பஞ்சஹி இந்த்³ரியேஹி பட²மஜ்ஜா²னவஸேன பஞ்சிந்த்³ரியானி நிஸ்ஸடானி ஹோந்தி, பட²மே ஜா²னே பஞ்சஹிந்த்³ரியேஹி து³தியஜ்ஜா²னவஸேன பஞ்சிந்த்³ரியானி நிஸ்ஸடானி ஹோந்தி, து³தியே ஜா²னே பஞ்சஹிந்த்³ரியேஹி ததியஜ்ஜா²னவஸேன பஞ்சிந்த்³ரியானி நிஸ்ஸடானி ஹோந்தி, ததியே ஜா²னே பஞ்சஹிந்த்³ரியேஹி சதுத்த²ஜ்ஜா²னவஸேன பஞ்சிந்த்³ரியானி நிஸ்ஸடானி ஹோந்தி, சதுத்தே² ஜா²னே பஞ்சஹிந்த்³ரியேஹி ஆகாஸானஞ்சாயதனஸமாபத்திவஸேன பஞ்சிந்த்³ரியானி நிஸ்ஸடானி ஹோந்தி, ஆகாஸானஞ்சாயதனஸமாபத்தியா பஞ்சஹிந்த்³ரியேஹி விஞ்ஞாணஞ்சாயதனஸமாபத்திவஸேன பஞ்சிந்த்³ரியானி நிஸ்ஸடானி ஹோந்தி, விஞ்ஞாணஞ்சாயதனஸமாபத்தியா பஞ்சஹிந்த்³ரியேஹி ஆகிஞ்சஞ்ஞாயதனஸமாபத்திவஸேன பஞ்சிந்த்³ரியானி நிஸ்ஸடானி ஹோந்தி, ஆகிஞ்சஞ்ஞாயதனஸமாபத்தியா பஞ்சஹிந்த்³ரியேஹி நேவஸஞ்ஞானாஸஞ்ஞாயதனஸமாபத்திவஸேன பஞ்சிந்த்³ரியானி நிஸ்ஸடானி ஹோந்தி, நேவஸஞ்ஞானாஸஞ்ஞாயதனஸமாபத்தியா பஞ்சஹிந்த்³ரியேஹி அனிச்சானுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி.

அனிச்சானுபஸ்ஸனா பஞ்சஹிந்த்³ரியேஹி து³க்கா²னுபஸ்ஸனாவஸே பஞ்சிந்த்³ரியானி நிஸ்ஸடானி ஹோந்தி, து³க்கா²னுபஸ்ஸனா பஞ்சஹிந்த்³ரியேஹி அனத்தானுபஸ்ஸனாவஸே பஞ்சிந்த்³ரியானி நிஸ்ஸடானி ஹோந்தி, அனத்தானுபஸ்ஸனா பஞ்சஹிந்த்³ரியேஹி நிப்³பி³தா³னுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி, நிப்³பி³தா³னுபஸ்ஸனாய பஞ்சஹிந்த்³ரியேஹி விராகா³னுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி, விராகா³னுபஸ்ஸனாய பஞ்சஹிந்த்³ரியேஹி நிரோதா⁴னுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி, நிரோதா⁴னுபஸ்ஸனாய பஞ்சஹிந்த்³ரியேஹி படினிஸ்ஸக்³கா³னுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி, படினிஸ்ஸக்³கா³னுபஸ்ஸனாய பஞ்சஹிந்த்³ரியேஹி க²யானுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி, க²யானுபஸ்ஸனாய பஞ்சஹிந்த்³ரியேஹி வயானுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி, வயானுபஸ்ஸனாய பஞ்சஹிந்த்³ரியேஹி விபரிணாமானுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி, விபரிணாமானுபஸ்ஸனாய பஞ்சஹிந்த்³ரியேஹி அனிமித்தானுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி, அனிமித்தானுபஸ்ஸனாய பஞ்சஹிந்த்³ரியேஹி அப்பணிஹிதானுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி, அப்பணிஹிதானுபஸ்ஸனாய பஞ்சஹிந்த்³ரியேஹி ஸுஞ்ஞதானுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி ஸுஞ்ஞதானுபஸ்ஸனாய பஞ்சஹிந்த்³ரியேஹி அதி⁴பஞ்ஞாத⁴ம்மவிபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி. அதி⁴பஞ்ஞாத⁴ம்மவிபஸ்ஸனாய பஞ்சஹிந்த்³ரியேஹி யதா²பூ⁴தஞாணத³ஸ்ஸனவஸேன பஞ்சிந்த்³ரியானி நிஸ்ஸடானி ஹோந்தி, யதா²பூ⁴தஞாணத³ஸ்ஸனே பஞ்சஹிந்த்³ரியேஹி ஆதீ³னவானுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி, ஆதீ³னவானுபஸ்ஸனாய பஞ்சஹிந்த்³ரியேஹி படிஸங்கா²னுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி, படிஸங்கா²னுபஸ்ஸனாய பஞ்சஹிந்த்³ரியேஹி விவட்டனானுபஸ்ஸனாவஸேன பஞ்சிந்த்³ரியானி நிஸ்ஸடானி ஹோந்தி. விவட்டனானுபஸ்ஸனாய பஞ்சஹிந்த்³ரியேஹி ஸோதாபத்திமக்³க³வஸேன பஞ்சிந்த்³ரியானி நிஸ்ஸடானி ஹோந்தி.

ஸோதாபத்திமக்³கே³ பஞ்சஹிந்த்³ரியேஹி ஸோதாபத்திப²லஸமாபத்திவஸேன பஞ்சிந்த்³ரியானி நிஸ்ஸடானி ஹோந்தி, ஸோதாபத்திப²லஸமாபத்தியா பஞ்சஹிந்த்³ரியேஹி ஸகதா³கா³மிமக்³க³வஸேன பஞ்சிந்த்³ரியானி நிஸ்ஸடானி ஹோந்தி, ஸகதா³கா³மிமக்³கே³ பஞ்சஹிந்த்³ரியேஹி ஸகதா³கா³மிப²லஸமாபத்திவஸேன பஞ்சிந்த்³ரியானி நிஸ்ஸடானி ஹோந்தி, ஸகதா³கா³மிப²லஸமாபத்தியா பஞ்சஹிந்த்³ரியேஹி அனாகா³மிமக்³க³வஸேன பஞ்சிந்த்³ரியானி நிஸ்ஸடானி ஹோந்தி, அனாகா³மிமக்³கே³ பஞ்சஹிந்த்³ரியேஹி அனாகா³மிப²லஸமாபத்திவஸேன பஞ்சிந்த்³ரியானி நிஸ்ஸடானி ஹோந்தி, அனாகா³மிப²லஸமாபத்தியா பஞ்சஹிந்த்³ரியேஹி அரஹத்தமக்³க³வஸேன பஞ்சிந்த்³ரியானி நிஸ்ஸடானி ஹோந்தி, அரஹத்தமக்³கே³ பஞ்சஹிந்த்³ரியேஹி அரஹத்தப²லஸமாபத்திவஸேன பஞ்சிந்த்³ரியானி நிஸ்ஸடானி ஹோந்தி.

நேக்க²ம்மே பஞ்சிந்த்³ரியானி காமச்ச²ந்த³தோ நிஸ்ஸடானி ஹோந்தி, அப்³யாபாதே³ பஞ்சிந்த்³ரியானி ப்³யாபாத³தோ நிஸ்ஸடானி ஹோந்தி, ஆலோகஸஞ்ஞாய பஞ்சிந்த்³ரியானி தி²னமித்³த⁴தோ நிஸ்ஸடானி ஹோந்தி, அவிக்கே²பே பஞ்சிந்த்³ரியானி உத்³த⁴ச்சதோ நிஸ்ஸடானி ஹோந்தி, த⁴ம்மவவத்தா²னே பஞ்சிந்த்³ரியானி விசிகிச்சா²ய நிஸ்ஸடானி ஹோந்தி, ஞாணே பஞ்சிந்த்³ரியானி அவிஜ்ஜாய நிஸ்ஸடானி ஹோந்தி, பாமோஜ்ஜே பஞ்சிந்த்³ரியானி அரதியா நிஸ்ஸடானி ஹோந்தி.

193. பட²மே ஜா²னே பஞ்சிந்த்³ரியானி நீவரணேஹி நிஸ்ஸடானி ஹோந்தி, து³தியே ஜா²னே பஞ்சிந்த்³ரியானி விதக்கவிசாரேஹி நிஸ்ஸடானி ஹோந்தி, ததியே ஜா²னே பஞ்சிந்த்³ரியானி பீதியா நிஸ்ஸடானி ஹோந்தி, சதுத்தே² ஜா²னே பஞ்சிந்த்³ரியானி ஸுக²து³க்கே²ஹி நிஸ்ஸடானி ஹோந்தி, ஆகாஸானஞ்சாயதனஸமாபத்தியா பஞ்சிந்த்³ரியானி ரூபஸஞ்ஞாய படிக⁴ஸஞ்ஞாய நானத்தஸஞ்ஞாய நிஸ்ஸடானி ஹோந்தி, விஞ்ஞாணஞ்சாயதனஸமாபத்தியா பஞ்சிந்த்³ரியானி ஆகாஸானஞ்சாயதனஸஞ்ஞாய நிஸ்ஸடானி ஹோந்தி, ஆகிஞ்சஞ்ஞாயதனஸமாபத்தியா பஞ்சிந்த்³ரியானி விஞ்ஞாணஞ்சாயதனஸஞ்ஞாய நிஸ்ஸடானி ஹோந்தி, நேவஸஞ்ஞானாஸஞ்ஞாயதனஸமாபத்தியா பஞ்சிந்த்³ரியானி ஆகிஞ்சஞ்ஞாயதனஸஞ்ஞாய நிஸ்ஸடானி ஹோந்தி.

அனிச்சானுபஸ்ஸனா பஞ்சிந்த்³ரியானி நிச்சஸஞ்ஞாய நிஸ்ஸடானி ஹோந்தி, து³க்கா²னுபஸ்ஸனா பஞ்சிந்த்³ரியானி ஸுக²ஸஞ்ஞாய நிஸ்ஸடானி ஹோந்தி, அனத்தானுபஸ்ஸனா பஞ்சிந்த்³ரியானி அத்தஸஞ்ஞாய நிஸ்ஸடானி ஹோந்தி, நிப்³பி³தா³னுபஸ்ஸனாய பஞ்சிந்த்³ரியானி நந்தி³யா நிஸ்ஸடானி ஹோந்தி, விராகா³னுபஸ்ஸனாய பஞ்சிந்த்³ரியானி ராக³தோ நிஸ்ஸடானி ஹோந்தி, நிரோதா⁴னுபஸ்ஸனாய பஞ்சிந்த்³ரியானி ஸமுத³யதோ நிஸ்ஸடானி ஹோந்தி, படினிஸ்ஸக்³கா³னுபஸ்ஸனாய பஞ்சிந்த்³ரியானி ஆதா³னதோ நிஸ்ஸடானி ஹோந்தி, க²யானுபஸ்ஸனாய பஞ்சிந்த்³ரியானி க⁴னஸஞ்ஞாய நிஸ்ஸடானி ஹோந்தி, வயானுபஸ்ஸனாய பஞ்சிந்த்³ரியானி ஆயூஹனதோ நிஸ்ஸடானி ஹோந்தி, விபரிணாமானுபஸ்ஸனாய பஞ்சிந்த்³ரியானி து⁴வஸஞ்ஞாய நிஸ்ஸடானி ஹோந்தி, அனிமித்தானுபஸ்ஸனாய பஞ்சிந்த்³ரியானி நிமித்ததோ நிஸ்ஸடானி ஹோந்தி, அப்பணிஹிதானுபஸ்ஸனாய பஞ்சிந்த்³ரியானி பணிதி⁴யா நிஸ்ஸடானி ஹோந்தி, ஸுஞ்ஞதானுபஸ்ஸனாய பஞ்சிந்த்³ரியானி அபி⁴னிவேஸதோ நிஸ்ஸடானி ஹோந்தி. அதி⁴பஞ்ஞாத⁴ம்மவிபஸ்ஸனாய பஞ்சிந்த்³ரியானி ஸாராதா³னாபி⁴னிவேஸதோ நிஸ்ஸடானி ஹோந்தி, யதா²பூ⁴தஞாணத³ஸ்ஸனே பஞ்சிந்த்³ரியானி ஸம்மோஹாபி⁴னிவேஸதோ நிஸ்ஸடானி ஹோந்தி, ஆதீ³னவானுபஸ்ஸனாய பஞ்சிந்த்³ரியானி ஆலயாபி⁴னிவேஸதோ நிஸ்ஸடானி ஹோந்தி, படிஸங்கா²னுபஸ்ஸனாய பஞ்சிந்த்³ரியானி அப்படிஸங்கா²ய நிஸ்ஸடானி ஹோந்தி, விவட்டனானுபஸ்ஸனாய பஞ்சிந்த்³ரியானி ஸஞ்ஞோகா³பி⁴னிவேஸதோ நிஸ்ஸடானி ஹோந்தி.

ஸோதாபத்திமக்³கே³ பஞ்சிந்த்³ரியானி தி³ட்டே²கட்டே²ஹி கிலேஸேஹி நிஸ்ஸடானி ஹோந்தி, ஸகதா³கா³மிமக்³கே³ பஞ்சிந்த்³ரியானி ஓளாரிகேஹி கிலேஸேஹி நிஸ்ஸடானி ஹோந்தி, அனாகா³மிமக்³கே³ பஞ்சிந்த்³ரியானி அனுஸஹக³தேஹி கிலேஸேஹி நிஸ்ஸடானி ஹோந்தி, அரஹத்தமக்³கே³ பஞ்சிந்த்³ரியானி ஸப்³ப³கிலேஸேஹி நிஸ்ஸடானி ஹோந்தி, ஸப்³பே³ஸஞ்ஞேவ கீ²ணாஸவானம் தத்த² தத்த² பஞ்சிந்த்³ரியானி நிஸ்ஸடானி சேவ ஹோந்தி ஸுனிஸ்ஸடானி ச படிப்பஸ்ஸத்³தா⁴னி ச ஸுப்படிப்பஸ்ஸத்³தா⁴னி ச.

இமேஹி அஸீதிஸதம் ஆகாரேஹி பஞ்சன்னம் இந்த்³ரியானம் நிஸ்ஸரணம் ஹோதி; இமேஹி அஸீதிஸதம் ஆகாரேஹி பஞ்சன்னம் இந்த்³ரியானம் நிஸ்ஸரணம் பஜானாதி.

ஸுத்தந்தனித்³தே³ஸோ து³தியோ.

பட²மபா⁴ணவாரோ.

3. ததியஸுத்தந்தனித்³தே³ஸோ

194. ஸாவத்தி²னிதா³னம் [ஸம். நி. 5.478-479 பஸ்ஸிதப்³பா³]. ‘‘பஞ்சிமானி, பி⁴க்க²வே, இந்த்³ரியானி. கதமானி பஞ்ச? ஸத்³தி⁴ந்த்³ரியம், வீரியிந்த்³ரியம், ஸதிந்த்³ரியம், ஸமாதி⁴ந்த்³ரியம், பஞ்ஞிந்த்³ரியம். கத்த² ச, பி⁴க்க²வே, ஸத்³தி⁴ந்த்³ரியம் த³ட்ட²ப்³ப³ம்? சதூஸு ஸோதாபத்தியங்கே³ஸு – ஏத்த² ஸத்³தி⁴ந்த்³ரியம் த³ட்ட²ப்³ப³ம். கத்த² ச, பி⁴க்க²வே, வீரியிந்த்³ரியம் த³ட்ட²ப்³ப³ம்? சதூஸு ஸம்மப்பதா⁴னேஸு – ஏத்த² வீரியிந்த்³ரியம் த³ட்ட²ப்³ப³ம். கத்த² ச, பி⁴க்க²வே, ஸதிந்த்³ரியம் த³ட்ட²ப்³ப³ம்? சதூஸு ஸதிபட்டா²னேஸு – ஏத்த² ஸதிந்த்³ரியம் த³ட்ட²ப்³ப³ம். கத்த² ச, பி⁴க்க²வே, ஸமாதி⁴ந்த்³ரியம் த³ட்ட²ப்³ப³ம்? சதூஸு ஜா²னேஸு – ஏத்த² ஸமாதி⁴ந்த்³ரியம் த³ட்ட²ப்³ப³ம். கத்த² ச, பி⁴க்க²வே, பஞ்ஞிந்த்³ரியம் த³ட்ட²ப்³ப³ம்? சதூஸு அரியஸச்சேஸு – ஏத்த² பஞ்ஞிந்த்³ரியம் த³ட்ட²ப்³ப³ம்’’.

சதூஸு ஸோதாபத்தியங்கே³ஸு ஸத்³தி⁴ந்த்³ரியஸ்ஸ வஸேன கதிஹாகாரேஹி பஞ்சிந்த்³ரியானி த³ட்ட²ப்³பா³னி? சதூஸு ஸம்மப்பதா⁴னேஸு வீரியிந்த்³ரியஸ்ஸ வஸேன கதிஹாகாரேஹி பஞ்சிந்த்³ரியானி த³ட்ட²ப்³பா³னி? சதூஸு ஸதிபட்டா²னேஸு ஸதிந்த்³ரியஸ்ஸ வஸேன கதிஹாகாரேஹி பஞ்சிந்த்³ரியானி த³ட்ட²ப்³பா³னி? சதூஸு ஜா²னேஸு ஸமாதி⁴ந்த்³ரியஸ்ஸ வஸேன கதிஹாகாரேஹி பஞ்சிந்த்³ரியானி த³ட்ட²ப்³பா³னி? சதூஸு அரியஸச்சேஸு பஞ்ஞிந்த்³ரியஸ்ஸ வஸேன கதிஹாகாரேஹி பஞ்சிந்த்³ரியானி த³ட்ட²ப்³பா³னி?

சதூஸு ஸோதாபத்தியங்கே³ஸு ஸத்³தி⁴ந்த்³ரியஸ்ஸ வஸேன வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி. சதூஸு ஸம்மப்பதா⁴னேஸு வீரியிந்த்³ரியஸ்ஸ வஸேன வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி. சதூஸு ஸதிபட்டா²னேஸு ஸதிந்த்³ரியஸ்ஸ வஸேன வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி. சதூஸு ஜா²னேஸு ஸமாதி⁴ந்த்³ரியஸ்ஸ வஸேன வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி. சதூஸு அரியஸச்சேஸு பஞ்ஞிந்த்³ரியஸ்ஸ வஸேன வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி.

க. பபே⁴த³க³ணனனித்³தே³ஸோ

195. சதூஸு ஸோதாபத்தியங்கே³ஸு ஸத்³தி⁴ந்த்³ரியஸ்ஸ வஸேன கதமேஹி வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி? ஸப்புரிஸஸம்ஸேவே ஸோதாபத்தியங்கே³ அதி⁴மோக்கா²தி⁴பதேய்யட்டே²ன ஸத்³தி⁴ந்த்³ரியம் த³ட்ட²ப்³ப³ம், ஸத்³தி⁴ந்த்³ரியஸ்ஸ வஸேன பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம்; ஸத்³த⁴ம்மஸவனே ஸோதாபத்தியங்கே³… யோனிஸோமனஸிகாரே ஸோதாபத்தியங்கே³… த⁴ம்மானுத⁴ம்மபடிபத்தியா ஸோதாபத்தியங்கே³ அதி⁴மோக்கா²தி⁴பதேய்யட்டே²ன ஸத்³தி⁴ந்த்³ரியம் த³ட்ட²ப்³ப³ம், ஸத்³தி⁴ந்த்³ரியஸ்ஸ வஸேன பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம். சதூஸு ஸோதாபத்தியங்கே³ஸு ஸத்³தி⁴ந்த்³ரியஸ்ஸ வஸேன இமேஹி வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி.

சதூஸு ஸம்மப்பதா⁴னேஸு வீரியிந்த்³ரியஸ்ஸ வஸேன கதமேஹி வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி? அனுப்பன்னானம் பாபகானம் அகுஸலானம் த⁴ம்மானம் அனுப்பாதா³ய ஸம்மப்பதா⁴னே பக்³க³ஹாதி⁴பதேய்யட்டே²ன வீரியிந்த்³ரியம் த³ட்ட²ப்³ப³ம், வீரியிந்த்³ரியஸ்ஸ வஸேன உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம். உப்பன்னானம் பாபகானம் அகுஸலானம் த⁴ம்மானம் பஹானாய ஸம்மப்பதா⁴னே…பே… அனுப்பன்னானம் குஸலானம் த⁴ம்மானம் உப்பாதா³ய ஸம்மப்பதா⁴னே…பே… உப்பன்னானம் குஸலானம் த⁴ம்மானம் டி²தியா அஸம்மோஸாய பி⁴ய்யோபா⁴வாய வேபுல்லாய பா⁴வனாய பாரிபூரியா ஸம்மப்பதா⁴னே பக்³க³ஹாதி⁴பதேய்யட்டே²ன வீரியிந்த்³ரியம் த³ட்ட²ப்³ப³ம், வீரியிந்த்³ரியஸ்ஸ வஸேன உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம். சதூஸு ஸம்மப்பதா⁴னேஸு வீரியிந்த்³ரியஸ்ஸ வஸேன இமேஹி வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி.

சதூஸு ஸதிபட்டா²னேஸு ஸதிந்த்³ரியஸ்ஸ வஸேன கதமேஹி வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி? காயே காயானுபஸ்ஸனாஸதிபட்டா²னே உபட்டா²னாதி⁴பதேய்யட்டே²ன ஸதிந்த்³ரியம் த³ட்ட²ப்³ப³ம், ஸதிந்த்³ரியஸ்ஸ வஸேன அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம். வேத³னாஸு வேத³னானுபஸ்ஸனாஸதிபட்டா²னே…பே… சித்தே சித்தானுபஸ்ஸனாஸதிபட்டா²னே… த⁴ம்மேஸு த⁴ம்மானுபஸ்ஸனாஸதிபட்டா²னே உபட்டா²னாதி⁴பதேய்யட்டே²ன ஸதிந்த்³ரியம் த³ட்ட²ப்³ப³ம், ஸதிந்த்³ரியஸ்ஸ வஸேன அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம். சதூஸு ஸதிபட்டா²னேஸு ஸதிந்த்³ரியஸ்ஸ வஸேன இமேஹி வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி.

சதூஸு ஜா²னேஸு ஸமாதி⁴ந்த்³ரியஸ்ஸ வஸேன கதமேஹி வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி? பட²மே ஜா²னே அவிக்கே²பாதி⁴பதேய்யட்டே²ன ஸமாதி⁴ந்த்³ரியம் த³ட்ட²ப்³ப³ம், ஸமாதி⁴ந்த்³ரியஸ்ஸ வஸேன த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம். து³தியே ஜா²னே…பே… ததியே ஜா²னே… சதுத்தே² ஜா²னே அவிக்கே²பாதி⁴பதேய்யட்டே²ன ஸமாதி⁴ந்த்³ரியம் த³ட்ட²ப்³ப³ம், ஸமாதி⁴ந்த்³ரியஸ்ஸ வஸேன த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம். சதூஸு ஜா²னேஸு ஸமாதி⁴ந்த்³ரியஸ்ஸ வஸேன இமேஹி வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி.

சதூஸு அரியஸச்சேஸு பஞ்ஞிந்த்³ரியஸ்ஸ வஸேன கதமேஹி வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி? து³க்கே² அரியஸச்சே த³ஸ்ஸனாதி⁴பதேய்யட்டே²ன பஞ்ஞிந்த்³ரியம் த³ட்ட²ப்³ப³ம், பஞ்ஞிந்த்³ரியஸ்ஸ வஸேன அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம். து³க்க²ஸமுத³யே அரியஸச்சே…பே… து³க்க²னிரோதே⁴ அரியஸச்சே… து³க்க²னிரோத⁴கா³மினியா படிபதா³ய அரியஸச்சே த³ஸ்ஸனாதி⁴பதேய்யட்டே²ன பஞ்ஞிந்த்³ரியம் த³ட்ட²ப்³ப³ம், பஞ்ஞிந்த்³ரியஸ்ஸ வஸேன அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம். சதூஸு அரியஸச்சேஸு பஞ்ஞிந்த்³ரியஸ்ஸ வஸேன இமேஹி வீஸதியா ஆகாரேஹி பஞ்சிந்த்³ரியானி த³ட்ட²ப்³பா³னி.

க². சரியவாரோ

196. சதூஸு ஸோதாபத்தியங்கே³ஸு ஸத்³தி⁴ந்த்³ரியஸ்ஸ வஸேன கதிஹாகாரேஹி பஞ்சன்னம் இந்த்³ரியானம் சரியா த³ட்ட²ப்³பா³?

சதூஸு ஸம்மப்பதா⁴னேஸு…பே… சதூஸு ஸதிபட்டா²னேஸு… சதூஸு ஜா²னேஸு… சதூஸு அரியஸச்சேஸு பஞ்ஞிந்த்³ரியஸ்ஸ வஸேன கதிஹாகாரேஹி பஞ்சன்னம் இந்த்³ரியானம் சரியா த³ட்ட²ப்³பா³? சதூஸு ஸோதாபத்தியங்கே³ஸு ஸத்³தி⁴ந்த்³ரியஸ்ஸ வஸேன வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³. சதூஸு ஸம்மப்பதா⁴னேஸு…பே… சதூஸு ஸதிபட்டா²னேஸு… சதூஸு ஜா²னேஸு… சதூஸு அரியஸச்சேஸு பஞ்ஞிந்த்³ரியஸ்ஸ வஸேன வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³.

சதூஸு ஸோதாபத்தியங்கே³ஸு ஸத்³தி⁴ந்த்³ரியஸ்ஸ வஸேன கதமேஹி வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³? ஸப்புரிஸஸம்ஸேவே ஸோதாபத்தியங்கே³ அதி⁴மோக்கா²தி⁴பதேய்யட்டே²ன ஸத்³தி⁴ந்த்³ரியஸ்ஸ சரியா த³ட்ட²ப்³பா³, ஸத்³தி⁴ந்த்³ரியஸ்ஸ வஸேன பக்³க³ஹட்டே²ன வீரியிந்த்³ரியஸ்ஸ சரியா த³ட்ட²ப்³பா³, உபட்டா²னட்டே²ன ஸதிந்த்³ரியஸ்ஸ சரியா த³ட்ட²ப்³பா³, அவிக்கே²பட்டே²ன ஸமாதி⁴ந்த்³ரியஸ்ஸ சரியா த³ட்ட²ப்³பா³, த³ஸ்ஸனட்டே²ன பஞ்ஞிந்த்³ரியஸ்ஸ சரியா த³ட்ட²ப்³பா³. ஸத்³த⁴ம்மஸவனே ஸோதாபத்தியங்கே³…பே… யோனிஸோ மனஸிகாரே ஸோதாபத்தியங்கே³… த⁴ம்மானுத⁴ம்மபடிபத்தியா ஸோதாபத்தியங்கே³ அதி⁴மோக்கா²தி⁴பதேய்யட்டே²ன ஸத்³தி⁴ந்த்³ரியஸ்ஸ சரியா த³ட்ட²ப்³பா³, ஸத்³தி⁴ந்த்³ரியஸ்ஸ வஸேன பக்³க³ஹட்டே²ன வீரியிந்த்³ரியஸ்ஸ சரியா த³ட்ட²ப்³பா³, உபட்டா²னட்டே²ன ஸதிந்த்³ரியஸ்ஸ சரியா த³ட்ட²ப்³பா³, அவிக்கே²பட்டே²ன ஸமாதி⁴ந்த்³ரியஸ்ஸ சரியா த³ட்ட²ப்³பா³, த³ஸ்ஸனட்டே²ன பஞ்ஞிந்த்³ரியஸ்ஸ சரியா த³ட்ட²ப்³பா³. சதூஸு ஸோதாபத்தியங்கே³ஸு ஸத்³தி⁴ந்த்³ரியஸ்ஸ வஸேன இமேஹி வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³.

சதூஸு ஸம்மப்பதா⁴னேஸு வீரியிந்த்³ரியஸ்ஸ வஸேன கதமேஹி வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³? அனுப்பன்னானம் பாபகானம் அகுஸலானம் த⁴ம்மானம் அனுப்பாதா³ய ஸம்மப்பதா⁴னே பக்³க³ஹாதி⁴பதேய்யட்டே²ன வீரியிந்த்³ரியஸ்ஸ சரியா த³ட்ட²ப்³பா³, வீரியிந்த்³ரியஸ்ஸ வஸேன உபட்டா²னட்டே²ன ஸதிந்த்³ரியஸ்ஸ சரியா த³ட்ட²ப்³பா³, அவிக்கே²பட்டே²ன ஸமாதி⁴ந்த்³ரியஸ்ஸ சரியா த³ட்ட²ப்³பா³, த³ஸ்ஸனட்டே²ன பஞ்ஞிந்த்³ரியஸ்ஸ சரியா த³ட்ட²ப்³பா³, அதி⁴மோக்க²ட்டே²ன ஸத்³தி⁴ந்த்³ரியஸ்ஸ சரியா த³ட்ட²ப்³பா³. உப்பன்னானம் பாபகானம் அகுஸலானம் த⁴ம்மானம் பஹானாய ஸம்மப்பதா⁴னே…பே… அனுப்பன்னானம் குஸலானம் த⁴ம்மானம் உப்பாதா³ய ஸம்மப்பதா⁴னே…பே… உப்பன்னானம் குஸலானம் த⁴ம்மானம் டி²தியா அஸம்மோஸாய பி⁴ய்யோபா⁴வாய வேபுல்லாய பா⁴வனாய பாரிபூரியா ஸம்மப்பதா⁴னே பக்³க³ஹாதி⁴பதேய்யட்டே²ன வீரியிந்த்³ரியஸ்ஸ சரியா த³ட்ட²ப்³பா³…பே… சதூஸு ஸம்மப்பதா⁴னேஸு வீரியிந்த்³ரியஸ்ஸ வஸேன இமேஹி வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³.

சதூஸு ஸதிபட்டா²னேஸு ஸதிந்த்³ரியஸ்ஸ வஸேன கதமேஹி வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³? காயே காயானுபஸ்ஸனாஸதிபட்டா²னே உபட்டா²னாதி⁴பதேய்யட்டே²ன ஸதிந்த்³ரியஸ்ஸ சரியா த³ட்ட²ப்³பா³, ஸதிந்த்³ரியஸ்ஸ வஸேன அவிக்கே²பட்டே²ன ஸமாதி⁴ந்த்³ரியஸ்ஸ சரியா த³ட்ட²ப்³பா³, த³ஸ்ஸனட்டே²ன பஞ்ஞிந்த்³ரியஸ்ஸ சரியா த³ட்ட²ப்³பா³, அதி⁴மோக்க²ட்டே²ன ஸத்³தி⁴ந்த்³ரியஸ்ஸ சரியா த³ட்ட²ப்³பா³, பக்³க³ஹட்டே²ன வீரியிந்த்³ரியஸ்ஸ சரியா த³ட்ட²ப்³பா³. வேத³னாஸு வேத³னானுபஸ்ஸனாஸதிபட்டா²னே…பே… சித்தே சித்தானுபஸ்ஸனாஸதிபட்டா²னே…பே… த⁴ம்மேஸு த⁴ம்மானுபஸ்ஸனாஸதிபட்டா²னே உபட்டா²னாதி⁴பதேய்யட்டே²ன ஸதிந்த்³ரியஸ்ஸ சரியா த³ட்ட²ப்³பா³…பே… சதூஸு ஸதிபட்டா²னேஸு ஸதிந்த்³ரியஸ்ஸ வஸேன இமேஹி வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³.

சதூஸு ஜா²னேஸு ஸமாதி⁴ந்த்³ரியஸ்ஸ வஸேன கதமேஹி வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³? பட²மே ஜா²னே அவிக்கே²பாதி⁴பதேய்யட்டே²ன ஸமாதி⁴ந்த்³ரியஸ்ஸ சரியா த³ட்ட²ப்³பா³, ஸமாதி⁴ந்த்³ரியஸ்ஸ வஸேன த³ஸ்ஸனட்டே²ன பஞ்ஞிந்த்³ரியஸ்ஸ சரியா த³ட்ட²ப்³பா³, அதி⁴மோக்க²ட்டே²ன ஸத்³தி⁴ந்த்³ரியஸ்ஸ சரியா த³ட்ட²ப்³பா³, பக்³க³ஹட்டே²ன வீரியிந்த்³ரியஸ்ஸ சரியா த³ட்ட²ப்³பா³, உபட்டா²னட்டே²ன ஸதிந்த்³ரியஸ்ஸ சரியா த³ட்ட²ப்³பா³. து³தியே ஜா²னே…பே… ததியே ஜா²னே…பே… சதுத்தே² ஜா²னே அவிக்கே²பாதி⁴பதேய்யட்டே²ன ஸமாதி⁴ந்த்³ரியஸ்ஸ சரியா த³ட்ட²ப்³பா³…பே… சதூஸு ஜா²னேஸு ஸமாதி⁴ந்த்³ரியஸ்ஸ வஸேன இமேஹி வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³.

சதூஸு அரியஸச்சேஸு பஞ்ஞிந்த்³ரியஸ்ஸ வஸேன கதமேஹி வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³? து³க்கே² அரியஸச்சே த³ஸ்ஸனாதி⁴பதேய்யட்டே²ன பஞ்ஞிந்த்³ரியஸ்ஸ சரியா த³ட்ட²ப்³பா³, பஞ்ஞிந்த்³ரியஸ்ஸ வஸேன அதி⁴மோக்க²ட்டே²ன ஸத்³தி⁴ந்த்³ரியஸ்ஸ சரியா த³ட்ட²ப்³பா³, பக்³க³ஹட்டே²ன வீரியிந்த்³ரியஸ்ஸ சரியா த³ட்ட²ப்³பா³, உபட்டா²னட்டே²ன ஸதிந்த்³ரியஸ்ஸ சரியா த³ட்ட²ப்³பா³, அவிக்கே²பட்டே²ன ஸமாதி⁴ந்த்³ரியஸ்ஸ சரியா த³ட்ட²ப்³பா³. து³க்க²ஸமுத³யே அரியஸச்சே…பே… து³க்க²னிரோதே⁴ அரியஸச்சே… து³க்க²னிரோத⁴கா³மினியா படிபதா³ய அரியஸச்சே த³ஸ்ஸனாதி⁴பதேய்யட்டே²ன பஞ்ஞிந்த்³ரியஸ்ஸ சரியா த³ட்ட²ப்³பா³, பஞ்ஞிந்த்³ரியஸ்ஸ வஸேன அதி⁴மோக்க²ட்டே²ன ஸத்³தி⁴ந்த்³ரியஸ்ஸ சரியா த³ட்ட²ப்³பா³, பக்³க³ஹட்டே²ன வீரியிந்த்³ரியஸ்ஸ சரியா த³ட்ட²ப்³பா³, உபட்டா²னட்டே²ன ஸதிந்த்³ரியஸ்ஸ சரியா த³ட்ட²ப்³பா³, அவிக்கே²பட்டே²ன ஸமாதி⁴ந்த்³ரியஸ்ஸ சரியா த³ட்ட²ப்³பா³. சதூஸு அரியஸச்சேஸு பஞ்ஞிந்த்³ரியஸ்ஸ வஸேன இமேஹி வீஸதியா ஆகாரேஹி பஞ்சன்னம் இந்த்³ரியானம் சரியா த³ட்ட²ப்³பா³.

க³. சாரவிஹாரனித்³தே³ஸோ

197. சாரோ ச விஹாரோ ச அனுபு³த்³தோ⁴ ஹோதி படிவித்³தோ⁴, யதா²சரந்தம் யதா²விஹரந்தம் விஞ்ஞூ ஸப்³ரஹ்மசாரீ க³ம்பீ⁴ரேஸு டா²னேஸு ஓகப்பேய்யும் – ‘‘அத்³தா⁴, அயமாயஸ்மா பத்தோ வா பாபுணிஸ்ஸதி வா’’.

சரியாதி அட்ட² சரியாயோ – இரியாபத²சரியா, ஆயதனசரியா, ஸதிசரியா, ஸமாதி⁴சரியா, ஞாணசரியா, மக்³க³சரியா, பத்திசரியா, லோகத்த²சரியாதி. இரியாபத²சரியாதி சதூஸு இரியாபதே²ஸு. ஆயதனசரியாதி ச²ஸு அஜ்ஜ²த்திகபா³ஹிரேஸு ஆயதனேஸு. ஸதிசரியாதி சதூஸு ஸதிபட்டா²னேஸு. ஸமாதி⁴சரியாதி சதூஸு ஜா²னேஸு. ஞாணசரியாதி சதூஸு அரியஸச்சேஸு. மக்³க³சரியாதி சதூஸு அரியமக்³கே³ஸு. பத்திசரியாதி சதூஸு ஸாமஞ்ஞப²லேஸு. லோகத்த²சரியாதி ததா²க³தேஸு அரஹந்தேஸு ஸம்மாஸம்பு³த்³தே⁴ஸு, பதே³ஸே பச்சேகபு³த்³தே⁴ஸு, பதே³ஸே ஸாவகேஸு. இரியாபத²சரியா ச பணிதி⁴ஸம்பன்னானம், ஆயதனசரியா ச இந்த்³ரியேஸு கு³த்தத்³வாரானம், ஸதிசரியா ச அப்பமாத³விஹாரீனம், ஸமாதி⁴சரியா ச அதி⁴சித்தமனுயுத்தானம், ஞாணசரியா ச பு³த்³தி⁴ஸம்பன்னானம், மக்³க³சரியா ச ஸம்மாபடிபன்னானம், பத்திசரியா ச அதி⁴க³தப²லானம், லோகத்த²சரியா ச ததா²க³தானம் அரஹந்தானம் ஸம்மாஸம்பு³த்³தா⁴னம், பதே³ஸே பச்சேகபு³த்³தா⁴னம், பதே³ஸே ஸாவகானம். இமா அட்ட² சரியாயோ.

அபராபி அட்ட² சரியாயோ. அதி⁴முச்சந்தோ ஸத்³தா⁴ய சரதி, பக்³க³ண்ஹந்தோ வீரியேன சரதி, உபட்டா²பேந்தோ ஸதியா சரதி, அவிக்கே²பம் கரோந்தோ ஸமாதி⁴னா சரதி, பஜானந்தோ பஞ்ஞாய சரதி, விஜானந்தோ விஞ்ஞாணசரியாய சரதி, ஏவம் படிபன்னஸ்ஸ குஸலா த⁴ம்மா ஆயாபேந்தீதி ஆயதனசரியாய சரதி, ஏவம் படிபன்னோ விஸேஸமதி⁴க³ச்ச²தீதி விஸேஸசரியாய சரதி – இமா அட்ட² சரியாயோ.

அபராபி அட்ட² சரியாயோ. த³ஸ்ஸனசரியா ச ஸம்மாதி³ட்டி²யா, அபி⁴னிரோபனசரியா ச ஸம்மாஸங்கப்பஸ்ஸ, பரிக்³க³ஹசரியா ச ஸம்மாவாசாய, ஸமுட்டா²னசரியா ச ஸம்மாகம்மந்தஸ்ஸ, வோதா³னசரியா ச ஸம்மாஆஜீவஸ்ஸ, பக்³க³ஹசரியா ச ஸம்மாவாயாமஸ்ஸ, உபட்டா²னசரியா ச ஸம்மாஸதியா, அவிக்கே²பசரியா ச ஸம்மாஸமாதி⁴ஸ்ஸ – இமா அட்ட² சரியாயோ.

விஹாரோதி அதி⁴முச்சந்தோ ஸத்³தா⁴ய விஹரதி, பக்³க³ண்ஹந்தோ வீரியேன விஹரதி, உபட்டா²பேந்தோ ஸதியா விஹரதி, அவிக்கே²பம் கரோந்தோ ஸமாதி⁴னா விஹரதி, பஜானந்தோ பஞ்ஞாய விஹரதி.

அனுபு³த்³தோ⁴தி ஸத்³தி⁴ந்த்³ரியஸ்ஸ அதி⁴மோக்க²ட்டோ² அனுபு³த்³தோ⁴ ஹோதி, வீரியிந்த்³ரியஸ்ஸ பக்³க³ஹட்டோ² அனுபு³த்³தோ⁴ ஹோதி, ஸதிந்த்³ரியஸ்ஸ உபட்டா²னட்டோ² அனுபு³த்³தோ⁴ ஹோதி, ஸமாதி⁴ந்த்³ரியஸ்ஸ அவிக்கே²பட்டோ² அனுபு³த்³தோ⁴ ஹோதி, பஞ்ஞிந்த்³ரியஸ்ஸ த³ஸ்ஸனட்டோ² அனுபு³த்³தோ⁴ ஹோதி.

படிவித்³தோ⁴தி ஸத்³தி⁴ந்த்³ரியஸ்ஸ அதி⁴மோக்க²ட்டோ² படிவித்³தோ⁴ ஹோதி, வீரியிந்த்³ரியஸ்ஸ பக்³க³ஹட்டோ² படிவித்³தோ⁴ ஹோதி, ஸதிந்த்³ரியஸ்ஸ உபட்டா²னட்டோ² படிவித்³தோ⁴ ஹோதி, ஸமாதி⁴ந்த்³ரியஸ்ஸ அவிக்கே²பட்டோ² படிவித்³தோ⁴ ஹோதி, பஞ்ஞிந்த்³ரியஸ்ஸ த³ஸ்ஸனட்டோ² படிவித்³தோ⁴ ஹோதி. யதா²சரந்தந்தி ஏவம் ஸத்³தா⁴ய சரந்தம், ஏவம் வீரியேன சரந்தம், ஏவம் ஸதியா சரந்தம், ஏவம் ஸமாதி⁴னா சரந்தம், ஏவம் பஞ்ஞாய சரந்தம். யதா²விஹரந்தந்தி ஏவம் ஸத்³தா⁴ய விஹரந்தம், ஏவம் வீரியேன விஹரந்தம், ஏவம் ஸதியா விஹரந்தம், ஏவம் ஸமாதி⁴னா விஹரந்தம், ஏவம் பஞ்ஞாய விஹரந்தம். விஞ்ஞூதி விஞ்ஞூ விபா⁴வீ மேதா⁴வீ பண்டி³தா பு³த்³தி⁴ஸம்பன்னா. ஸப்³ரஹ்மசாரீதி ஏககம்மம் ஏகுத்³தே³ஸோ ஸமஸிக்க²தா. க³ம்பீ⁴ரேஸு டா²னேஸூதி க³ம்பீ⁴ரானி டா²னானி வுச்சந்தி ஜா²னா ச விமோக்கா² ச ஸமாதீ⁴ ச ஸமாபத்தியோ ச மக்³கா³ ச ப²லானி ச அபி⁴ஞ்ஞாயோ ச படிஸம்பி⁴தா³ ச. ஓகப்பேய்யுந்தி ஸத்³த³ஹேய்யும் அதி⁴முச்சேய்யும். அத்³தா⁴தி ஏகம்ஸவசனமேதம் நிஸ்ஸம்ஸயவசனமேதம் நிக்கங்க²வசனமேதம் அத்³வேஜ்ஜ²வசனமேதம் அத்³வேள்ஹகவசனமேதம் நியோக³வசனமேதம் அபண்ணகவசனமேதம் அவத்தா²பனவசனமேதம் – அத்³தா⁴தி. ஆயஸ்மாதி பியவசனமேதம் க³ருவசனமேதம் ஸகா³ரவஸப்பதிஸ்ஸாதி⁴வசனமேதம் – ஆயஸ்மாதி. பத்தோ வாதி அதி⁴க³தோ வா. பாபுணிஸ்ஸதி வாதி அதி⁴க³மிஸ்ஸதி வா.

ஸுத்தந்தனித்³தே³ஸோ ததியோ.

4. சதுத்த²ஸுத்தந்தனித்³தே³ஸோ

198. புரிமனிதா³னம் [பரிபுண்ணனிதா³னம் (ஸ்யா. க.)]. ‘‘பஞ்சிமானி, பி⁴க்க²வே, இந்த்³ரியானி. கதமானி பஞ்ச? ஸத்³தி⁴ந்த்³ரியம், வீரியிந்த்³ரியம், ஸதிந்த்³ரியம், ஸமாதி⁴ந்த்³ரியம், பஞ்ஞிந்த்³ரியம் – இமானி கோ², பி⁴க்க²வே, பஞ்சிந்த்³ரியானி. இமானி பஞ்சிந்த்³ரியானி கதிஹாகாரேஹி கேனட்டே²ன த³ட்ட²ப்³பா³னி? இமானி பஞ்சிந்த்³ரியானி ச²ஹாகாரேஹி தேனட்டே²ன த³ட்ட²ப்³பா³னி – ஆதி⁴பதேய்யட்டே²ன ஆதி³விஸோத⁴னட்டே²ன அதி⁴மத்தட்டே²ன, அதி⁴ட்டா²னட்டே²ன, பரியாதா³னட்டே²ன, பதிட்டா²பகட்டே²ன’’.

க. ஆதி⁴பதேய்யட்ட²னித்³தே³ஸோ

199. கத²ம் ஆதி⁴பதேய்யட்டே²ன இந்த்³ரியானி த³ட்ட²ப்³பா³னி? அஸ்ஸத்³தி⁴யம் பஜஹதோ அதி⁴மோக்கா²தி⁴பதேய்யட்டே²ன ஸத்³தி⁴ந்த்³ரியம் த³ட்ட²ப்³ப³ம், ஸத்³தி⁴ந்த்³ரியஸ்ஸ வஸேன பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம். கோஸஜ்ஜம் பஜஹதோ பக்³க³ஹாதி⁴பதேய்யட்டே²ன வீரியிந்த்³ரியம் த³ட்ட²ப்³ப³ம், வீரியிந்த்³ரியஸ்ஸ வஸேன உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம். பமாத³ம் பஜஹதோ உபட்டா²னாதி⁴பதேய்யட்டே²ன ஸதிந்த்³ரியம் த³ட்ட²ப்³ப³ம், ஸதிந்த்³ரியஸ்ஸ வஸேன அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம். உத்³த⁴ச்சம் பஜஹதோ அவிக்கே²பாதி⁴பதேய்யட்டே²ன ஸமாதி⁴ந்த்³ரியம் த³ட்ட²ப்³ப³ம், ஸமாதி⁴ந்த்³ரியஸ்ஸ வஸேன த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம். அவிஜ்ஜம் பஜஹதோ த³ஸ்ஸனாதி⁴பதேய்யட்டே²ன பஞ்ஞிந்த்³ரியம் த³ட்ட²ப்³ப³ம், பஞ்ஞிந்த்³ரியஸ்ஸ வஸேன அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம்.

காமச்ச²ந்த³ம் பஜஹதோ நேக்க²ம்மவஸேன அதி⁴மோக்கா²தி⁴பதேய்யட்டே²ன ஸத்³தி⁴ந்த்³ரியம் த³ட்ட²ப்³ப³ம், ஸத்³தி⁴ந்த்³ரியஸ்ஸ வஸேன பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம். காமச்ச²ந்த³ம் பஜஹதோ நேக்க²ம்மவஸேன பக்³க³ஹாதி⁴பதேய்யட்டே²ன வீரியிந்த்³ரியம் த³ட்ட²ப்³ப³ம், வீரியிந்த்³ரியஸ்ஸ வஸேன உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம். காமச்ச²ந்த³ம் பஜஹதோ நேக்க²ம்மவஸேன உபட்டா²னாதி⁴பதேய்யட்டே²ன ஸதிந்த்³ரியம் த³ட்ட²ப்³ப³ம், ஸதிந்த்³ரியஸ்ஸ வஸேன அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம். காமச்ச²ந்த³ம் பஜஹதோ நேக்க²ம்மவஸேன அவிக்கே²பாதி⁴பதேய்யட்டே²ன ஸமாதி⁴ந்த்³ரியம் த³ட்ட²ப்³ப³ம், ஸமாதி⁴ந்த்³ரியஸ்ஸ வஸேன த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம், அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம். காமச்ச²ந்த³ம் பஜஹதோ நேக்க²ம்மவஸேன த³ஸ்ஸனாதி⁴பதேய்யட்டே²ன பஞ்ஞிந்த்³ரியம் த³ட்ட²ப்³ப³ம், பஞ்ஞிந்த்³ரியஸ்ஸ வஸேன அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம்.

ப்³யாபாத³ம் பஜஹதோ அப்³யாபாத³வஸேன…பே… தி²னமித்³த⁴ம் பஜஹதோ ஆலோகஸஞ்ஞாவஸேன…பே… ஸப்³ப³கிலேஸே பஜஹதோ அரஹத்தமக்³க³வஸேன அதி⁴மோக்கா²தி⁴பதேய்யட்டே²ன ஸத்³தி⁴ந்த்³ரியம் த³ட்ட²ப்³ப³ம், ஸத்³தி⁴ந்த்³ரியஸ்ஸ வஸேன பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம், த³ஸ்ஸனட்டே²ன பஞ்ஞிந்த்³ரியம் த³ட்ட²ப்³ப³ம்…பே… ஸப்³ப³கிலேஸே பஜஹதோ அரஹத்தமக்³க³வஸேன த³ஸ்ஸனாதி⁴பதேய்யட்டே²ன பஞ்ஞிந்த்³ரியம் த³ட்ட²ப்³ப³ம், பஞ்ஞிந்த்³ரியஸ்ஸ வஸேன அதி⁴மோக்க²ட்டே²ன ஸத்³தி⁴ந்த்³ரியம் த³ட்ட²ப்³ப³ம், பக்³க³ஹட்டே²ன வீரியிந்த்³ரியம் த³ட்ட²ப்³ப³ம், உபட்டா²னட்டே²ன ஸதிந்த்³ரியம் த³ட்ட²ப்³ப³ம், அவிக்கே²பட்டே²ன ஸமாதி⁴ந்த்³ரியம் த³ட்ட²ப்³ப³ம். ஏவம் ஆதி⁴பதேய்யட்டே²ன இந்த்³ரியானி த³ட்ட²ப்³பா³னி.

க². ஆதி³விஸோத⁴னட்ட²னித்³தே³ஸோ

200. கத²ம் ஆதி³விஸோத⁴னட்டே²ன இந்த்³ரியானி த³ட்ட²ப்³பா³னி? அதி⁴மோக்க²ட்டே²ன ஸத்³தி⁴ந்த்³ரியம், அஸ்ஸத்³தி⁴யஸம்வரட்டே²ன [அஸ்ஸத்³தி⁴யம் ஸம்வரட்டே²ன (ஸ்யா. க.) ஏவமீதி³ஸேஸு பதே³ஸுபி] ஸீலவிஸுத்³தி⁴ – ஸத்³தி⁴ந்த்³ரியஸ்ஸ ஆதி³விஸோத⁴னா. பக்³க³ஹட்டே²ன வீரியிந்த்³ரியம், கோஸஜ்ஜஸம்வரட்டே²ன ஸீலவிஸுத்³தி⁴ – வீரியிந்த்³ரியஸ்ஸ ஆதி³விஸோத⁴னா. உபட்டா²னட்டே²ன ஸதிந்த்³ரியம், பமாத³ஸம்வரட்டே²ன ஸீலவிஸுத்³தி⁴ – ஸதிந்த்³ரியஸ்ஸ ஆதி³விஸோத⁴னா. அவிக்கே²பட்டே²ன ஸமாதி⁴ந்த்³ரியம், உத்³த⁴ச்சஸம்வரட்டே²ன ஸீலவிஸுத்³தி⁴ – ஸமாதி⁴ந்த்³ரியஸ்ஸ ஆதி³விஸோத⁴னா. த³ஸ்ஸனட்டே²ன பஞ்ஞிந்த்³ரியம், அவிஜ்ஜாஸம்வரட்டே²ன ஸீலவிஸுத்³தி⁴ – பஞ்ஞிந்த்³ரியஸ்ஸ ஆதி³விஸோத⁴னா. நேக்க²ம்மே பஞ்சிந்த்³ரியானி, காமச்ச²ந்த³ஸம்வரட்டே²ன ஸீலவிஸுத்³தி⁴ – பஞ்சன்னம் இந்த்³ரியானம் ஆதி³விஸோத⁴னா. அப்³யாபாதே³ பஞ்சிந்த்³ரியானி, ப்³யாபாத³ஸம்வரட்டே²ன ஸீலவிஸுத்³தி⁴ – பஞ்சன்னம் இந்த்³ரியானம் ஆதி³விஸோத⁴னா…பே… அரஹத்தமக்³கே³ பஞ்சிந்த்³ரியானி, ஸப்³ப³கிலேஸஸம்வரட்டே²ன ஸீலவிஸுத்³தி⁴ – பஞ்சன்னம் இந்த்³ரியானம் ஆதி³விஸோத⁴னா. ஏவம் ஆதி³விஸோத⁴னட்டே²ன இந்த்³ரியானி த³ட்ட²ப்³பா³னி.

க³. அதி⁴மத்தட்ட²னித்³தே³ஸோ

201. கத²ம் அதி⁴மத்தட்டே²ன இந்த்³ரியானி த³ட்ட²ப்³பா³னி? ஸத்³தி⁴ந்த்³ரியஸ்ஸ பா⁴வனாய ச²ந்தோ³ உப்பஜ்ஜதி – ச²ந்த³வஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. ச²ந்த³வஸேன பாமோஜ்ஜம் உப்பஜ்ஜதி – பாமோஜ்ஜவஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. பாமோஜ்ஜவஸேன பீதி உப்பஜ்ஜதி – பீதிவஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. பீதிவஸேன பஸ்ஸத்³தி⁴ உப்பஜ்ஜதி – பஸ்ஸத்³தி⁴வஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. பஸ்ஸத்³தி⁴வஸேன ஸுக²ம் உப்பஜ்ஜதி – ஸுக²வஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. ஸுக²வஸேன ஓபா⁴ஸோ உப்பஜ்ஜதி – ஓபா⁴ஸவஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. ஓபா⁴ஸவஸேன ஸம்வேகோ³ உப்பஜ்ஜதி – ஸம்வேக³வஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. ஸம்வேஜேத்வா சித்தம் ஸமாத³ஹதி – ஸமாதி⁴வஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. ததா² ஸமாஹிதம் சித்தம் ஸாது⁴கம் பக்³க³ண்ஹாதி – பக்³க³ஹவஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. ததா²பக்³க³ஹிதம் சித்தம் ஸாது⁴கம் அஜ்ஜு²பேக்க²தி – உபேக்கா²வஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. உபேக்கா²வஸேன நானத்தகிலேஸேஹி சித்தம் விமுச்சதி – விமோக்க²வஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. விமுத்தத்தா தே த⁴ம்மா ஏகரஸா ஹோந்தி – ஏகரஸட்டே²ன பா⁴வனாவஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. பா⁴விதத்தா ததோ பணீததரே விவட்டந்தி – விவட்டனாவஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. விவட்டிதத்தா ததோ வோஸஜ்ஜதி [வோஸ்ஸஜ்ஜதி (ஸ்யா. க.)] – வோஸக்³க³வஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. வோஸஜ்ஜிதத்தா ததோ நிருஜ்ஜ²ந்தி – நிரோத⁴வஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி. நிரோத⁴வஸேன த்³வே வோஸக்³கா³ – பரிச்சாக³வோஸக்³கோ³ ச, பக்க²ந்த³னவோஸக்³கோ³ ச. கிலேஸே ச க²ந்தே⁴ ச பரிச்சஜதீதி – பரிச்சாக³வோஸக்³கோ³. நிரோத⁴னிப்³பா³னதா⁴துயா சித்தம் பக்க²ந்த³தீதி – பக்க²ந்த³னவோஸக்³கோ³. நிரோத⁴வஸேன இமே த்³வே வோஸக்³கா³.

அஸ்ஸத்³தி⁴யஸ்ஸ பஹானாய ச²ந்தோ³ உப்பஜ்ஜதி…பே… அஸ்ஸத்³தி⁴யபரிளாஹஸ்ஸ பஹானாய ச²ந்தோ³ உப்பஜ்ஜதி… தி³ட்டே²கட்டா²னம் கிலேஸானம் பஹானாய ச²ந்தோ³ உப்பஜ்ஜதி… ஓளாரிகானம் கிலேஸானம் பஹானாய ச²ந்தோ³ உப்பஜ்ஜதி… அனுஸஹக³தானம் கிலேஸானம் பஹானாய ச²ந்தோ³ உப்பஜ்ஜதி… ஸப்³ப³கிலேஸானம் பஹானாய ச²ந்தோ³ உப்பஜ்ஜதி – ச²ந்த³வஸேன ஸத்³தா⁴வஸேன ஸத்³தி⁴ந்த்³ரியம் அதி⁴மத்தம் ஹோதி…பே… வீரியிந்த்³ரியஸ்ஸ பா⁴வனாய ச²ந்தோ³ உப்பஜ்ஜதி…பே… கோஸஜ்ஜஸ்ஸ பஹானாய ச²ந்தோ³ உப்பஜ்ஜதி… கோஸஜ்ஜபரிளாஹஸ்ஸ பஹானாய ச²ந்தோ³ உப்பஜ்ஜதி… தி³ட்டே²கட்டா²னம் கிலேஸானம் பஹானாய ச²ந்தோ³ உப்பஜ்ஜதி…பே… ஸப்³ப³கிலேஸானம் பஹானாய ச²ந்தோ³ உப்பஜ்ஜதி… ஸதிந்த்³ரியஸ்ஸ பா⁴வனாய ச²ந்தோ³ உப்பஜ்ஜதி…பே… பமாத³ஸ்ஸ பஹானாய ச²ந்தோ³ உப்பஜ்ஜதி… பமாத³பரிளாஹஸ்ஸ பஹானாய ச²ந்தோ³ உப்பஜ்ஜதி…பே… ஸப்³ப³கிலேஸானம் பஹானாய ச²ந்தோ³ உப்பஜ்ஜதி… ஸமாதி⁴ந்த்³ரியஸ்ஸ பா⁴வனாய ச²ந்தோ³ உப்பஜ்ஜதி…பே… உத்³த⁴ச்சஸ்ஸ பஹானாய ச²ந்தோ³ உப்பஜ்ஜதி உத்³த⁴ச்சபரிளாஹஸ்ஸ பஹானாய ச²ந்தோ³ உப்பஜ்ஜதி…பே… ஸப்³ப³கிலேஸானம் பஹானாய ச²ந்தோ³ உப்பஜ்ஜதி… பஞ்ஞிந்த்³ரியஸ்ஸ பா⁴வனாய ச²ந்தோ³ உப்பஜ்ஜதி…பே… அவிஜ்ஜாய பஹானாய ச²ந்தோ³ உப்பஜ்ஜதி… அவிஜ்ஜாபரிளாஹஸ்ஸ பஹானாய ச²ந்தோ³ உப்பஜ்ஜதி… தி³ட்டே²கட்டா²னம் கிலேஸானம் பஹானாய ச²ந்தோ³ உப்பஜ்ஜதி… ஓளாரிகானம் கிலேஸானம் பஹானாய ச²ந்தோ³ உப்பஜ்ஜதி… அனுஸஹக³தானம் கிலேஸானம் பஹானாய ச²ந்தோ³ உப்பஜ்ஜதி… ஸப்³ப³கிலேஸானம் பஹானாய ச²ந்தோ³ உப்பஜ்ஜதி – ச²ந்த³வஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. ச²ந்த³வஸேன பாமோஜ்ஜம் உப்பஜ்ஜதி – பாமோஜ்ஜவஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. பாமோஜ்ஜவஸேன பீதி உப்பஜ்ஜதி – பீதிவஸேன பஞ்ஞா வஸேன பஞ்ஞிந்த்³ரியம் அதி⁴மத்தம் ஹோதி. பீதிவஸேன பஸ்ஸத்³தி⁴ உப்பஜ்ஜதி – பஸ்ஸத்³தி⁴வஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. பஸ்ஸத்³தி⁴வஸேன ஸுக²ம் உப்பஜ்ஜதி – ஸுக²வஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. ஸுக²வஸேன ஓபா⁴ஸோ உப்பஜ்ஜதி – ஓபா⁴ஸவஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. ஓபா⁴ஸவஸேன ஸம்வேகோ³ உப்பஜ்ஜதி – ஸம்வேக³வஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. ஸம்வேஜேத்வா சித்தம் ஸமாத³ஹதி – ஸமாதி⁴வஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. ததா²ஸமாஹிதம் சித்தம் ஸாது⁴கம் பக்³க³ண்ஹாதி – பக்³க³ஹவஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. ததா²பக்³க³ஹிதம் சித்தம் ஸாது⁴கம் அஜ்ஜு²பேக்க²தி – உபேக்கா²வஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. உபேக்கா²வஸேன நானத்தகிலேஸேஹி சித்தம் விமுச்சதி – விமோக்க²வஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. விமுத்தத்தா தே த⁴ம்மா ஏகரஸா ஹோந்தி – பா⁴வனாவஸேன [ஏகரஸட்டே²ன பா⁴வனாவஸேன (ஸ்யா. க.) அட்ட²கதா² ஓலோகேதப்³போ³] பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. பா⁴விதத்தா ததோ பணீததரே விவட்டந்தி – விவட்டனாவஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. விவட்டிதத்தா ததோ வோஸஜ்ஜதி – வோஸக்³க³வஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. வோஸஜ்ஜிதத்தா ததோ நிருஜ்ஜ²ந்தி – நிரோத⁴வஸேன பஞ்ஞாவஸேன பஞ்ஞிந்த்³ரியம் அதி⁴மத்தம் ஹோதி. நிரோத⁴வஸேன த்³வே வோஸக்³கா³ – பரிச்சாக³வோஸக்³கோ³ ச, பக்க²ந்த³னவோஸக்³கோ³ ச. கிலேஸே ச க²ந்தே⁴ ச பரிச்சஜதீதி – பரிச்சாக³வோஸக்³கோ³. நிரோத⁴னிப்³பா³னதா⁴துயா சித்தம் பக்க²ந்த³தீதி – பக்க²ந்த³னவோஸக்³கோ³. நிரோத⁴வஸேன இமே த்³வே வோஸக்³கா³. ஏவம் அதி⁴மத்தட்டே²ன இந்த்³ரியானி த³ட்ட²ப்³பா³னி.

து³தியபா⁴ணவாரோ.

க⁴. அதி⁴ட்டா²னட்ட²னித்³தே³ஸோ

202. கத²ம் அதி⁴ட்டா²னட்டே²ன இந்த்³ரியானி த³ட்ட²ப்³பா³னி? ஸத்³தி⁴ந்த்³ரியஸ்ஸ பா⁴வனாய ச²ந்தோ³ உப்பஜ்ஜதி – ச²ந்த³வஸேன ஸத்³தா⁴வஸேன ஸத்³தி⁴ந்த்³ரியம் அதி⁴ட்டா²தி. ச²ந்த³வஸேன பாமோஜ்ஜம் உப்பஜ்ஜதி – பாமோஜ்ஜவஸேன ஸத்³தா⁴வஸேன ஸத்³தி⁴ந்த்³ரியம் அதி⁴ட்டா²தி…பே… ஏவம் அதி⁴ட்டா²னட்டே²ன இந்த்³ரியானி த³ட்ட²ப்³பா³னி.

ங. பரியாதா³னட்ட²னித்³தே³ஸோ

கத²ம் பரியாதா³னட்டே²ன இந்த்³ரியானி த³ட்ட²ப்³பா³னி? அதி⁴மோக்க²ட்டே²ன ஸத்³தி⁴ந்த்³ரியம் அஸ்ஸத்³தி⁴யம் பரியாதி³யதி, அஸ்ஸத்³தி⁴யபரிளாஹம் பரியாதி³யதி. பக்³க³ஹட்டே²ன வீரியிந்த்³ரியம் கோஸஜ்ஜம் பரியாதி³யதி, கோஸஜ்ஜபரிளாஹம் பரியாதி³யதி. உபட்டா²னட்டே²ன ஸதிந்த்³ரியம் பமாத³ம் பரியாதி³யதி, பமாத³பரிளாஹம் பரியாதி³யதி. அவிக்கே²பட்டே²ன ஸமாதி⁴ந்த்³ரியம் உத்³த⁴ச்சம் பரியாதி³யதி, உத்³த⁴ச்சபரிளாஹம் பரியாதி³யதி. த³ஸ்ஸனட்டே²ன பஞ்ஞிந்த்³ரியம் அவிஜ்ஜம் பரியாதி³யதி, அவிஜ்ஜாபரிளாஹம் பரியாதி³யதி. நேக்க²ம்மே பஞ்சிந்த்³ரியானி காமச்ச²ந்த³ம் பரியாதி³யந்தி. அப்³யாபாதே³ பஞ்சிந்த்³ரியானி ப்³யாபாத³ம் பரியாதி³யந்தி. ஆலோகஸஞ்ஞாய பஞ்சிந்த்³ரியானி தி²னமித்³த⁴ம் பரியாதி³யந்தி. அவிக்கே²பே பஞ்சிந்த்³ரியானி உத்³த⁴ச்சம் பரியாதி³யந்தி…பே… அரஹத்தமக்³கே³ பஞ்சிந்த்³ரியானி ஸப்³ப³கிலேஸே பரியாதி³யந்தி. ஏவம் பரியாதா³னட்டே²ன இந்த்³ரியானி த³ட்ட²ப்³பா³னி.

ச. பதிட்டா²பகட்ட²னித்³தே³ஸோ

203. கத²ம் பதிட்டா²பகட்டே²ன இந்த்³ரியானி த³ட்ட²ப்³பா³னி? ஸத்³தோ⁴ ஸத்³தி⁴ந்த்³ரியம் அதி⁴மோக்கே² பதிட்டா²பேதி, ஸத்³த⁴ஸ்ஸ ஸத்³தி⁴ந்த்³ரியம் அதி⁴மோக்கே² பதிட்டா²பேதி. வீரியவா வீரியிந்த்³ரியம் பக்³க³ஹே பதிட்டா²பேதி, வீரியவதோ வீரியிந்த்³ரியம் பக்³க³ஹே பதிட்டா²பேதி. ஸதிமா ஸதிந்த்³ரியம் உபட்டா²னே பதிட்டா²பேதி, ஸதிமதோ ஸதிந்த்³ரியம் உபட்டா²னே பதிட்டா²பேதி. ஸமாஹிதோ ஸமாதி⁴ந்த்³ரியம் அவிக்கே²பே பதிட்டா²பேதி, ஸமாஹிதஸ்ஸ ஸமாதி⁴ந்த்³ரியம் அவிக்கே²பே பதிட்டா²பேதி. பஞ்ஞவா பஞ்ஞிந்த்³ரியம் த³ஸ்ஸனே பதிட்டா²பேதி, பஞ்ஞவதோ பஞ்ஞிந்த்³ரியம் த³ஸ்ஸனே பதிட்டா²பேதி. யோகா³வசரோ பஞ்சிந்த்³ரியானி நேக்க²ம்மே பதிட்டா²பேதி, யோகா³வசரஸ்ஸ பஞ்சிந்த்³ரியானி நேக்க²ம்மே பதிட்டா²பேந்தி. யோகா³வசரோ பஞ்சிந்த்³ரியானி அப்³யாபாதே³ பதிட்டா²பேதி, யோகா³வசரஸ்ஸ பஞ்சிந்த்³ரியானி அப்³யாபாதே³ பதிட்டா²பேந்தி. யோகா³வசரோ பஞ்சிந்த்³ரியானி ஆலோகஸஞ்ஞாய பதிட்டா²பேதி, யோகா³வசரஸ்ஸ பஞ்சிந்த்³ரியானி ஆலோகஸஞ்ஞாய பதிட்டா²பேந்தி. யோகா³வசரோ பஞ்சிந்த்³ரியானி அவிக்கே²பே பதிட்டா²பேதி, யோகா³வசரஸ்ஸ பஞ்சிந்த்³ரியானி அவிக்கே²பே பதிட்டா²பேந்தி…பே… யோகா³வசரோ பஞ்சிந்த்³ரியானி அரஹத்தமக்³கே³ பதிட்டா²பேதி, யோகா³வசரஸ்ஸ பஞ்சிந்த்³ரியானி அரஹத்தமக்³கே³ பதிட்டா²பேந்தி. ஏவம் பதிட்டா²பகட்டே²ன இந்த்³ரியானி த³ட்ட²ப்³பா³னி.

ஸுத்தந்தனித்³தே³ஸோ சதுத்தோ².

5. இந்த்³ரியஸமோதா⁴னம்

204. புது²ஜ்ஜனோ ஸமாதி⁴ம் பா⁴வேந்தோ கதிஹாகாரேஹி உபட்டா²னகுஸலோ ஹோதி? ஸேக்கோ² ஸமாதி⁴ம் பா⁴வேந்தோ கதிஹாகாரேஹி உபட்டா²னகுஸலோ ஹோதி? வீதராகோ³ ஸமாதி⁴ம் பா⁴வேந்தோ கதிஹாகாரேஹி உபட்டா²னகுஸலோ ஹோதி? புது²ஜ்ஜனோ ஸமாதி⁴ம் பா⁴வேந்தோ ஸத்தஹி ஆகாரேஹி உபட்டா²னகுஸலோ ஹோதி. ஸேக்கோ² ஸமாதி⁴ம் பா⁴வேந்தோ அட்ட²ஹி ஆகாரேஹி உபட்டா²னகுஸலோ ஹோதி. வீதராகோ³ ஸமாதி⁴ம் பா⁴வேந்தோ த³ஸஹி ஆகாரேஹி உபட்டா²னகுஸலோ ஹோதி.

புது²ஜ்ஜனோ ஸமாதி⁴ம் பா⁴வேந்தோ கதமேஹி ஸத்தஹாகாரேஹி உபட்டா²னகுஸலோ ஹோதி? ஆவஜ்ஜிதத்தா ஆரம்மணூபட்டா²னகுஸலோ ஹோதி, ஸமத²னிமித்தூபட்டா²னகுஸலோ ஹோதி, பக்³க³ஹனிமித்தூபட்டா²னகுஸலோ ஹோதி, அவிக்கே²பூபட்டா²னகுஸலோ ஹோதி, ஓபா⁴ஸூபட்டா²னகுஸலோ ஹோதி, ஸம்பஹம்ஸனூபட்டா²னகுஸலோ ஹோதி, உபேக்கூ²பட்டா²னகுஸலோ ஹோதி – புது²ஜ்ஜனோ ஸமாதி⁴ம் பா⁴வேந்தோ இமேஹி ஸத்தஹி ஆகாரேஹி உபட்டா²னகுஸலோ ஹோதி.

ஸேக்கோ² ஸமாதி⁴ம் பா⁴வேந்தோ கதமேஹி அட்ட²ஹி ஆகாரேஹி உபட்டா²னகுஸலோ ஹோதி? ஆவஜ்ஜிதத்தா ஆரம்மணூபட்டா²னகுஸலோ ஹோதி, ஸமத²னிமித்தூபட்டா²னகுஸலோ ஹோதி, பக்³க³ஹனிமித்தூபட்டா²னகுஸலோ ஹோதி, அவிக்கே²பூபட்டா²னகுஸலோ ஹோதி, ஓபா⁴ஸூபட்டா²னகுஸலோ ஹோதி, ஸம்பஹம்ஸனூபட்டா²னகுஸலோ ஹோதி, உபேக்கூ²பட்டா²னகுஸலோ ஹோதி, ஏகத்தூபட்டா²னகுஸலோ ஹோதி – ஸேக்கோ² ஸமாதி⁴ம் பா⁴வேந்தோ இமேஹி அட்ட²ஹி ஆகாரேஹி உபட்டா²னகுஸலோ ஹோதி.

வீதராகோ³ ஸமாதி⁴ம் பா⁴வேந்தோ கதமேஹி த³ஸஹி ஆகாரேஹி உபட்டா²னகுஸலோ ஹோதி? ஆவஜ்ஜிதத்தா ஆரம்மணூபட்டா²னகுஸலோ ஹோதி…பே… ஏகத்தூபட்டா²னகுஸலோ ஹோதி, ஞாணூபட்டா²னகுஸலோ ஹோதி, விமுத்தூபட்டா²னகுஸலோ ஹோதி – வீதராகோ³ ஸமாதி⁴ம் பா⁴வேந்தோ இமேஹி த³ஸஹி ஆகாரேஹி உபட்டா²னகுஸலோ ஹோதி.

205. புது²ஜ்ஜனோ விபஸ்ஸனம் பா⁴வேந்தோ கதிஹாகாரேஹி உபட்டா²னகுஸலோ ஹோதி, கதிஹாகாரேஹி அனுபட்டா²னகுஸலோ ஹோதி? ஸேக்கோ² விபஸ்ஸனம் பா⁴வேந்தோ கதிஹாகாரேஹி உபட்டா²னகுஸலோ ஹோதி, கதிஹாகாரேஹி அனுபட்டா²னகுஸலோ ஹோதி? வீதராகோ³ விபஸ்ஸனம் பா⁴வேந்தோ கதிஹாகாரேஹி உபட்டா²னகுஸலோ ஹோதி, கதிஹாகாரேஹி அனுபட்டா²னகுஸலோ ஹோதி?

புது²ஜ்ஜனோ விபஸ்ஸனம் பா⁴வேந்தோ நவஹி ஆகாரேஹி உபட்டா²னகுஸலோ ஹோதி, நவஹி ஆகாரேஹி அனுபட்டா²னகுஸலோ ஹோதி. ஸேக்கோ² விபஸ்ஸனம் பா⁴வேந்தோ த³ஸஹி ஆகாரேஹி உபட்டா²னகுஸலோ ஹோதி, த³ஸஹி ஆகாரேஹி அனுபட்டா²னகுஸலோ ஹோதி. வீதராகோ³ விபஸ்ஸனம் பா⁴வேந்தோ த்³வாத³ஸஹி ஆகாரேஹி உபட்டா²னகுஸலோ ஹோதி, த்³வாத³ஸஹி ஆகாரேஹி அனுபட்டா²னகுஸலோ ஹோதி.

புது²ஜ்ஜனோ விபஸ்ஸனம் பா⁴வேந்தோ கதமேஹி நவஹி ஆகாரேஹி உபட்டா²னகுஸலோ ஹோதி, கதமேஹி நவஹி ஆகாரேஹி அனுபட்டா²னகுஸலோ ஹோதி? அனிச்சதோ உபட்டா²னகுஸலோ ஹோதி, நிச்சதோ அனுபட்டா²னகுஸலோ ஹோதி. து³க்க²தோ உபட்டா²னகுஸலோ ஹோதி, ஸுக²தோ அனுபட்டா²னகுஸலோ ஹோதி. அனத்ததோ உபட்டா²னகுஸலோ ஹோதி, அத்ததோ அனுபட்டா²னகுஸலோ ஹோதி. க²யதோ உபட்டா²னகுஸலோ ஹோதி, க⁴னதோ அனுபட்டா²னகுஸலோ ஹோதி. வயதோ உபட்டா²னகுஸலோ ஹோதி, ஆயூஹனானுபட்டா²னகுஸலோ ஹோதி. விபரிணாமூபட்டா²னகுஸலோ ஹோதி, து⁴வதோ அனுபட்டா²னகுஸலோ ஹோதி. அனிமித்தூபட்டா²னகுஸலோ ஹோதி, நிமித்தானுபட்டா²னகுஸலோ ஹோதி. அப்பணிஹிதூபட்டா²னகுஸலோ ஹோதி, பணிதி⁴அனுபட்டா²னகுஸலோ [பணிதா⁴னுபட்டா²னகுஸலோ (ஸ்யா.)] ஹோதி. ஸுஞ்ஞதூபட்டா²னகுஸலோ ஹோதி, அபி⁴னிவேஸானுபட்டா²னகுஸலோ ஹோதி – புது²ஜ்ஜனோ விபஸ்ஸனம் பா⁴வேந்தோ இமேஹி நவஹி ஆகாரேஹி உபட்டா²னகுஸலோ ஹோதி, இமேஹி நவஹி ஆகாரேஹி அனுபட்டா²னகுஸலோ ஹோதி.

206. ஸேக்கோ² விபஸ்ஸனம் பா⁴வேந்தோ கதமேஹி த³ஸஹி ஆகாரேஹி உபட்டா²னகுஸலோ ஹோதி, கதமேஹி த³ஸஹி ஆகாரேஹி அனுபட்டா²னகுஸலோ ஹோதி? அனிச்சதோ உபட்டா²னகுஸலோ ஹோதி, நிச்சதோ அனுபட்டா²னகுஸலோ ஹோதி…பே… ஸுஞ்ஞதூபட்டா²னகுஸலோ ஹோதி, அபி⁴னிவேஸானூபட்டா²னகுஸலோ ஹோதி. ஞாணூபட்டா²னகுஸலோ ஹோதி, அஞாணஅனுபட்டா²னகுஸலோ ஹோதி – ஸேக்கோ² விபஸ்ஸனம் பா⁴வேந்தோ இமேஹி த³ஸஹி ஆகாரேஹி உபட்டா²னகுஸலோ ஹோதி, இமேஹி த³ஸஹி ஆகாரேஹி அனுபட்டா²னகுஸலோ ஹோதி.

வீதராகோ³ விபஸ்ஸனம் பா⁴வேந்தோ கதமேஹி த்³வாத³ஸஹி ஆகாரேஹி உபட்டா²னகுஸலோ ஹோதி, கதமேஹி த்³வாத³ஸஹி ஆகாரேஹி அனுபட்டா²னகுஸலோ ஹோதி? அனிச்சதோ உபட்டா²னகுஸலோ ஹோதி, நிச்சதோ அனுபட்டா²னகுஸலோ ஹோதி…பே… ஞாணூபட்டா²னகுஸலோ ஹோதி, அஞாணானுபட்டா²னகுஸலோ ஹோதி. விஸஞ்ஞோகூ³பட்டா²னகுஸலோ ஹோதி, ஸஞ்ஞோகா³னுபட்டா²னகுஸலோ ஹோதி. நிரோதூ⁴பட்டா²னகுஸலோ ஹோதி, ஸங்கா²ரானுபட்டா²னகுஸலோ ஹோதி – வீதராகோ³ விபஸ்ஸனம் பா⁴வேந்தோ இமேஹி த்³வாத³ஸஹி ஆகாரேஹி உபட்டா²னகுஸலோ ஹோதி, இமேஹி த்³வாத³ஸஹி ஆகாரேஹி அனுபட்டா²னகுஸலோ ஹோதி.

ஆவஜ்ஜிதத்தா ஆரம்மணூபட்டா²னகுஸலவஸேன இந்த்³ரியானி ஸமோதா⁴னேதி, கோ³சரஞ்ச பஜானாதி, ஸமத்த²ஞ்ச படிவிஜ்ஜ²தி…பே… த⁴ம்மே ஸமோதா⁴னேதி, கோ³சரஞ்ச பஜானாதி, ஸமத்த²ஞ்ச படிவிஜ்ஜ²தி. இந்த்³ரியானி ஸமோதா⁴னேதீதி கத²ம் இந்த்³ரியானி ஸமோதா⁴னேதி? அதி⁴மோக்க²ட்டே²ன ஸத்³தி⁴ந்த்³ரியம் ஸமோதா⁴னேதி…பே… ஸமத²னிமித்தூபட்டா²னகுஸலவஸேன, பக்³க³ஹனிமித்தூபட்டா²னகுஸலவஸேன, அவிக்கே²பூபட்டா²னகுஸலவஸேன, ஓபா⁴ஸூபட்டா²னகுஸலவஸேன, ஸம்பஹம்ஸனூபட்டா²னகுஸலவஸேன, உபேக்கூ²பட்டா²னகுஸலவஸேன, ஏகத்தூபட்டா²னகுஸலவஸேன, ஞாணூபட்டா²னகுஸலவஸேன, விமுத்தூபட்டா²னகுஸலவஸேன.

அனிச்சதோ உபட்டா²னகுஸலவஸேன, நிச்சதோ அனுபட்டா²னகுஸலவஸேன, து³க்க²தோ உபட்டா²னகுஸலவஸேன, ஸுக²தோ அனுபட்டா²னகுஸலவஸேன, அனத்ததோ உபட்டா²னகுஸலவஸேன, அத்ததோ அனுபட்டா²னகுஸலவஸேன, க²யதோ உபட்டா²னகுஸலவஸேன, க⁴னதோ அனுபட்டா²னகுஸலவஸேன, வயதோ உபட்டா²னகுஸலவஸேன, ஆயூஹனானுபட்டா²னகுஸலவஸேன, விபரிணாமூபட்டா²னகுஸலவஸேன, து⁴வதோ அனுபட்டா²னகுஸலவஸேன, அனிமித்தூபட்டா²னகுஸலவஸேன, நிமித்தானுபட்டா²னகுஸலவஸேன, அப்பணிஹிதூபட்டா²னகுஸலவஸேன, பணிதி⁴அனுபட்டா²னகுஸலவஸேன, ஸுஞ்ஞதூபட்டா²னகுஸலவஸேன, அபி⁴னிவேஸானுபட்டா²னகுஸலவஸேன, ஞாணூபட்டா²னகுஸலவஸேன, அஞாணானுபட்டா²னகுஸலவஸேன, விஸஞ்ஞோகூ³பட்டா²னகுஸலவஸேன, ஸஞ்ஞோகா³னுபட்டா²னகுஸலவஸேன, நிரோதூ⁴பட்டா²னகுஸலவஸேன, ஸங்கா²ரானுபட்டா²னகுஸலவஸேன இந்த்³ரியானி ஸமோதா⁴னேதி, கோ³சரஞ்ச பஜானாதி, ஸமத்த²ஞ்ச படிவிஜ்ஜ²தி.

207. சதுஸட்டி²யா ஆகாரேஹி திண்ணன்னம் இந்த்³ரியானம் வஸீபா⁴வதாபஞ்ஞா ஆஸவானம் க²யே ஞாணம். கதமேஸம் திண்ணன்னம் இந்த்³ரியானம்? அனஞ்ஞாதஞ்ஞஸ்ஸாமீதிந்த்³ரியஸ்ஸ, அஞ்ஞிந்த்³ரியஸ்ஸ, அஞ்ஞாதாவிந்த்³ரியஸ்ஸ.

அனஞ்ஞாதஞ்ஞஸ்ஸாமீதிந்த்³ரியம் கதி டா²னானி க³ச்ச²தி? அஞ்ஞிந்த்³ரியம் கதி டா²னானி க³ச்ச²தி? அஞ்ஞாதாவிந்த்³ரியம் கதி டா²னானி க³ச்ச²தி? அனஞ்ஞாதஞ்ஞஸ்ஸாமீதிந்த்³ரியம் ஏகம் டா²னம் க³ச்ச²தி – ஸோதாபத்திமக்³க³ம். அஞ்ஞிந்த்³ரியம் ச² டா²னானி க³ச்ச²தி – ஸோதாபத்திப²லம், ஸகதா³கா³மிமக்³க³ம், ஸகதா³கா³மிப²லம், அனாகா³மிமக்³க³ம், அனாகா³மிப²லம், அரஹத்தமக்³க³ம். அஞ்ஞாதாவிந்த்³ரியம் ஏகம் டா²னம் க³ச்ச²தி – அரஹத்தப²லம்.

ஸோதாபத்திமக்³க³க்க²ணே அனஞ்ஞாதஞ்ஞஸ்ஸாமீதிந்த்³ரியஸ்ஸ ஸத்³தி⁴ந்த்³ரியம் அதி⁴மோக்க²பரிவாரம் ஹோதி, வீரியிந்த்³ரியம் பக்³க³ஹபரிவாரம் ஹோதி, ஸதிந்த்³ரியம் உபட்டா²னபரிவாரம் ஹோதி, ஸமாதி⁴ந்த்³ரியம் அவிக்கே²பபரிவாரம் ஹோதி, பஞ்ஞிந்த்³ரியம் த³ஸ்ஸனபரிவாரம் ஹோதி, மனிந்த்³ரியம் விஜானனபரிவாரம் ஹோதி, ஸோமனஸ்ஸிந்த்³ரியம் அபி⁴ஸந்த³னபரிவாரம் ஹோதி, ஜீவிதிந்த்³ரியம் பவத்தஸந்ததாதி⁴பதேய்யபரிவாரம் ஹோதி. ஸோதாபத்திமக்³க³க்க²ணே ஜாதா த⁴ம்மா, ட²பேத்வா சித்தஸமுட்டா²னம் ரூபம், ஸப்³பே³வ குஸலா ஹோந்தி, ஸப்³பே³வ அனாஸவா ஹோந்தி, ஸப்³பே³வ நிய்யானிகா ஹோந்தி, ஸப்³பே³வ அபசயகா³மினோ ஹோந்தி, ஸப்³பே³வ லோகுத்தரா ஹோந்தி, ஸப்³பே³வ நிப்³பா³னாரம்மணா ஹோந்தி. ஸோதாபத்திமக்³க³க்க²ணே அனஞ்ஞாதஞ்ஞஸ்ஸாமீதிந்த்³ரியஸ்ஸ இமானி அட்டி²ந்த்³ரியானி ஸஹஜாதபரிவாரா ஹோந்தி, அஞ்ஞமஞ்ஞபரிவாரா ஹோந்தி, நிஸ்ஸயபரிவாரா ஹோந்தி, ஸம்பயுத்தபரிவாரா ஹோந்தி, ஸஹக³தா ஹோந்தி, ஸஹஜாதா ஹோந்தி, ஸம்ஸட்டா² ஹோந்தி, ஸம்பயுத்தா ஹோந்தி. தேவ தஸ்ஸ ஆகாரா சேவ ஹோந்தி பரிவாரா ச.

ஸோதாபத்திப²லக்க²ணே…பே… அரஹத்தப²லக்க²ணே அஞ்ஞாதாவிந்த்³ரியஸ்ஸ ஸத்³தி⁴ந்த்³ரியம் அதி⁴மோக்க²பரிவாரம் ஹோதி…பே… ஜீவிதிந்த்³ரியம் பவத்தஸந்ததாதி⁴பதேய்யபரிவாரம் ஹோதி. அரஹத்தப²லக்க²ணே ஜாதா த⁴ம்மா ஸப்³பே³வ அப்³யாகதா ஹோந்தி, ட²பேத்வா சித்தஸமுட்டா²னம் ரூபம் ஸப்³பே³வ அனாஸவா ஹோந்தி, ஸப்³பே³வ லோகுத்தரா ஹோந்தி, ஸப்³பே³வ நிப்³பா³னாரம்மணா ஹோந்தி. அரஹத்தப²லக்க²ணே அஞ்ஞாதாவிந்த்³ரியஸ்ஸ இமானி அட்டி²ந்த்³ரியானி ஸஹஜாதபரிவாரா ஹோந்தி. தேவ தஸ்ஸ ஆகாரா சேவ ஹோந்தி பரிவாரா ச. இதி இமானி அட்ட² அட்ட²கானி சதுஸட்டி² ஹோந்தி.

ஆஸவாதி கதமே தே ஆஸவா? காமாஸவோ, ப⁴வாஸவோ, தி³ட்டா²ஸவோ, அவிஜ்ஜாஸவோ. கத்தே²தே ஆஸவா கீ²யந்தி [கி²ய்யந்தி (க.)]? ஸோதாபத்திமக்³கே³ன அனவஸேஸோ தி³ட்டா²ஸவோ கீ²யதி. அபாயக³மனீயோ காமாஸவோ கீ²யதி, அபாயக³மனீயோ ப⁴வாஸவோ கீ²யதி, அபாயக³மனீயோ அவிஜ்ஜாஸவோ கீ²யதி. ஏத்தே²தே ஆஸவா கீ²யந்தி. ஸகதா³கா³மிமக்³கே³ன ஓளாரிகோ காமாஸவோ கீ²யதி, ததே³கட்டோ² ப⁴வாஸவோ கீ²யதி, ததே³கட்டோ² அவிஜ்ஜாஸவோ கீ²யதி. ஏத்தே²தே ஆஸவா கீ²யந்தி. அனாகா³மிமக்³கே³ன அனவஸேஸோ காமாஸவோ கீ²யதி, ததே³கட்டோ² ப⁴வாஸவோ கீ²யதி, ததே³கட்டோ² அவிஜ்ஜாஸவோ கீ²யதி. ஏத்தே²தே ஆஸவா கீ²யந்தி. அரஹத்தமக்³கே³ன அனவஸேஸோ ப⁴வாஸவோ கீ²யதி, அனவஸேஸோ அவிஜ்ஜாஸவோ கீ²யதி. ஏத்தே²தே ஆஸவா கீ²யந்தி.

208. ந தஸ்ஸ அத்³தி³ட்ட²மித⁴த்தி² கிஞ்சி, அதோ² அவிஞ்ஞாதமஜானிதப்³ப³ம்;

ஸப்³ப³ம் அபி⁴ஞ்ஞாஸி யத³த்தி² நேய்யம், ததா²க³தோ தேன ஸமந்தசக்கூ²தி.

ஸமந்தசக்கூ²தி கேனட்டே²ன ஸமந்தசக்கு²? சுத்³த³ஸ பு³த்³த⁴ஞாணானி – து³க்கே² ஞாணம் பு³த்³த⁴ஞாணம், து³க்க²ஸமுத³யே ஞாணம் பு³த்³த⁴ஞாணம்…பே… ஸப்³ப³ஞ்ஞுதஞாணம் பு³த்³த⁴ஞாணம், அனாவரணஞாணம் பு³த்³த⁴ஞாணம். இமானி சுத்³த³ஸ பு³த்³த⁴ஞாணானி. இமேஸம் சுத்³த³ஸன்னம் பு³த்³த⁴ஞாணானம் அட்ட² ஞாணானி ஸாவகஸாதா⁴ரணானி, ச² ஞாணானி அஸாதா⁴ரணானி ஸாவகேஹி.

யாவதா து³க்க²ஸ்ஸ து³க்க²ட்டோ² ஞாதோ, அஞ்ஞாதோ து³க்க²ட்டோ² நத்தீ²தி – ஸமந்தசக்கு². யம் ஸமந்தசக்கு² தம் பஞ்ஞிந்த்³ரியம். பஞ்ஞிந்த்³ரியஸ்ஸ வஸேன அதி⁴மோக்க²ட்டே²ன ஸத்³தி⁴ந்த்³ரியம், பக்³க³ஹட்டே²ன வீரியிந்த்³ரியம், உபட்டா²னட்டே²ன ஸதிந்த்³ரியம், அவிக்கே²பட்டே²ன ஸமாதி⁴ந்த்³ரியம். யாவதா து³க்க²ஸ்ஸ து³க்க²ட்டோ² தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய; அப²ஸ்ஸிதோ பஞ்ஞாய து³க்க²ட்டோ² நத்தீ²தி – ஸமந்தசக்கு². யம் ஸமந்தசக்கு² தம் பஞ்ஞிந்த்³ரியம். பஞ்ஞிந்த்³ரியஸ்ஸ வஸேன அதி⁴மோக்க²ட்டே²ன ஸத்³தி⁴ந்த்³ரியம், பக்³க³ஹட்டே²ன வீரியிந்த்³ரியம், உபட்டா²னட்டே²ன ஸதிந்த்³ரியம், அவிக்கே²பட்டே²ன ஸமாதி⁴ந்த்³ரியம். யாவதா ஸமுத³யஸ்ஸ ஸமுத³யட்டோ²…பே… யாவதா நிரோத⁴ஸ்ஸ நிரோத⁴ட்டோ²… யாவதா மக்³க³ஸ்ஸ மக்³க³ட்டோ²… யாவதா அத்த²படிஸம்பி⁴தா³ய அத்த²படிஸம்பி⁴த³ட்டோ²… யாவதா த⁴ம்மபடிஸம்பி⁴தா³ய த⁴ம்மபடிஸம்பி⁴த³ட்டோ²… யாவதா நிருத்திபடிஸம்பி⁴தா³ய நிருத்திபடிஸம்பி⁴த³ட்டோ²… யாவதா படிபா⁴னபடிஸம்பி⁴தா³ய படிபா⁴னபடிஸம்பி⁴த³ட்டோ²… யாவதா இந்த்³ரியபரோபரியத்தே ஞாணம்… யாவதா ஸத்தானம் ஆஸயானுஸயே ஞாணம்… யாவதா யமகபாடிஹீரே ஞாணம்… யாவதா மஹாகருணாஸமாபத்தியா ஞாணம்… யாவதா ஸதே³வகஸ்ஸ லோகஸ்ஸ ஸமாரகஸ்ஸ ஸப்³ரஹ்மகஸ்ஸ ஸஸ்ஸமணப்³ராஹ்மணியா பஜாய ஸதே³வமனுஸ்ஸாய தி³ட்ட²ம் ஸுதம் முதம் விஞ்ஞாதம் பத்தம் பரியேஸிதம் அனுவிசரிதம் மனஸா, தம் ஞாதம் தி³ட்ட²ம் விதி³தம் ஸச்சி²கதம் ப²ஸ்ஸிதம் பஞ்ஞாய. அப²ஸ்ஸிதம் பஞ்ஞாய நத்தீ²தி – ஸமந்தசக்கு². யம் ஸமந்தசக்கு² தம் பஞ்ஞிந்த்³ரியம். பஞ்ஞிந்த்³ரியஸ்ஸ வஸேன அதி⁴மோக்க²ட்டே²ன ஸத்³தி⁴ந்த்³ரியம், பக்³க³ஹட்டே²ன வீரியிந்த்³ரியம், உபட்டா²னட்டே²ன ஸதிந்த்³ரியம், அவிக்கே²பட்டே²ன ஸமாதி⁴ந்த்³ரியம்.

ஸத்³த³ஹந்தோ பக்³க³ண்ஹாதி, பக்³க³ண்ஹந்தோ ஸத்³த³ஹதி. ஸத்³த³ஹந்தோ உபட்டா²பேதி, உபட்டா²பேந்தோ ஸத்³த³ஹதி. ஸத்³த³ஹந்தோ ஸமாத³ஹதி, ஸமாத³ஹந்தோ ஸத்³த³ஹதி. ஸத்³த³ஹந்தோ பஜானாதி, பஜானந்தோ ஸத்³த³ஹதி. பக்³க³ண்ஹந்தோ உபட்டா²பேதி, உபட்டா²பேந்தோ பக்³க³ண்ஹாதி. பக்³க³ண்ஹந்தோ ஸமாத³ஹதி, ஸமாத³ஹந்தோ பக்³க³ண்ஹாதி. பக்³க³ண்ஹந்தோ பஜானாதி, பஜானந்தோ பக்³க³ண்ஹாதி. பக்³க³ண்ஹந்தோ ஸத்³த³ஹதி, ஸத்³த³ஹந்தோ பக்³க³ண்ஹாதி. உபட்டா²பேந்தோ ஸமாத³ஹதி, ஸமாத³ஹந்தோ உபட்டா²பேதி. உபட்டா²பேந்தோ பஜானாதி, பஜானந்தோ உபட்டா²பேதி. உபட்டா²பேந்தோ ஸத்³த³ஹதி, ஸத்³த³ஹந்தோ உபட்டா²பேதி. உபட்டா²பேந்தோ பக்³க³ண்ஹாதி, பக்³க³ண்ஹந்தோ உபட்டா²பேதி. ஸமாத³ஹந்தோ பஜானாதி, பஜானந்தோ ஸமாத³ஹதி. ஸமாத³ஹந்தோ ஸத்³த³ஹதி, ஸத்³த³ஹந்தோ ஸமாத³ஹதி. ஸமாத³ஹந்தோ பக்³க³ண்ஹாதி, பக்³க³ண்ஹந்தோ ஸமாத³ஹதி. ஸமாத³ஹந்தோ உபட்டா²பேதி, உபட்டா²பேந்தோ ஸமாத³ஹதி. பஜானந்தோ ஸத்³த³ஹதி, ஸத்³த³ஹந்தோ பஜானாதி. பஜானந்தோ பக்³க³ண்ஹாதி, பக்³க³ண்ஹந்தோ பஜானாதி. பஜானந்தோ உபட்டா²பேதி, உபட்டா²பேந்தோ பஜானாதி. பஜானந்தோ ஸமாத³ஹதி, ஸமாத³ஹந்தோ பஜானாதி.

ஸத்³த³ஹிதத்தா பக்³க³ஹிதம், பக்³க³ஹிதத்தா ஸத்³த³ஹிதம். ஸத்³த³ஹிதத்தா உபட்டா²பிதம், உபட்டா²பிதத்தா ஸத்³த³ஹிதம். ஸத்³த³ஹிதத்தா ஸமாத³ஹிதம், ஸமாத³ஹிதத்தா ஸத்³த³ஹிதம். ஸத்³த³ஹிதத்தா பஜானிதம், பஜானிதத்தா ஸத்³த³ஹிதம். பக்³க³ஹிதத்தா உபட்டா²பிதம், உபட்டா²பிதத்தா பக்³க³ஹிதம். பக்³க³ஹிதத்தா ஸமாத³ஹிதம், ஸமாத³ஹிதத்தா பக்³க³ஹிதம். பக்³க³ஹிதத்தா பஜானிதம் பஜானிதத்தா பக்³க³ஹிதம். பக்³க³ஹிதத்தா ஸத்³த³ஹிதம், ஸத்³த³ஹிதத்தா பக்³க³ஹிதம். உபட்டா²பிதத்தா ஸமாத³ஹிதம், ஸமாத³ஹிதத்தா உபட்டா²பிதம். உபட்டா²பிதத்தா பஜானிதம், பஜானிதத்தா உபட்டா²பிதம். உபட்டா²பிதத்தா ஸத்³த³ஹிதம், ஸத்³த³ஹிதத்தா உபட்டா²பிதம். உபட்டா²பிதத்தா பக்³க³ஹிதம், பக்³க³ஹிதத்தா உபட்டா²பிதம். ஸமாத³ஹிதத்தா பஜானிதம், பஜானிதத்தா ஸமாத³ஹிதம். ஸமாத³ஹிதத்தா ஸத்³த³ஹிதம், ஸத்³த³ஹிதத்தா ஸமாத³ஹிதம். ஸமாத³ஹிதத்தா பக்³க³ஹிதம், பக்³க³ஹிதத்தா ஸமாத³ஹிதம். ஸமாத³ஹிதத்தா உபட்டா²பிதம், உபட்டா²பிதத்தா ஸமாத³ஹிதம். பஜானிதத்தா ஸத்³த³ஹிதம், ஸத்³த³ஹிதத்தா பஜானிதம். பஜானிதத்தா பக்³க³ஹிதம், பக்³க³ஹிதத்தா பஜானிதம். பஜானிதத்தா உபட்டா²பிதம், உபட்டா²பிதத்தா பஜானிதம். பஜானிதத்தா ஸமாத³ஹிதம், ஸமாத³ஹிதத்தா பஜானிதம்.

யம் பு³த்³த⁴சக்கு² தம் பு³த்³த⁴ஞாணம், யம் பு³த்³த⁴ஞாணம் தம் பு³த்³த⁴சக்கு², யேன சக்கு²னா ததா²க³தோ ஸத்தே பஸ்ஸதி அப்பரஜக்கே² மஹாரஜக்கே² திக்கி²ந்த்³ரியே முதி³ந்த்³ரியே ஸ்வாகாரே த்³வாகாரே ஸுவிஞ்ஞாபயே து³விஞ்ஞாபயே அப்பேகச்சே பரலோகவஜ்ஜப⁴யத³ஸ்ஸாவினோ [பரலோகவஜ்ஜப⁴யத³ஸ்ஸாவினே (ஸ்யா. க.)], அப்பேகச்சே நபரலோகவஜ்ஜப⁴யத³ஸ்ஸாவினோ.

அப்பரஜக்கே² மஹாரஜக்கே²தி ஸத்³தோ⁴ புக்³க³லோ அப்பரஜக்கோ², அஸ்ஸத்³தோ⁴ புக்³க³லோ மஹாரஜக்கோ². ஆரத்³த⁴வீரியோ புக்³க³லோ அப்பரஜக்கோ², குஸீதோ புக்³க³லோ மஹாரஜக்கோ². உபட்டி²தஸ்ஸதி புக்³க³லோ அப்பரஜக்கோ², முட்ட²ஸ்ஸதி புக்³க³லோ மஹாரஜக்கோ². ஸமாஹிதோ புக்³க³லோ அப்பரஜக்கோ², அஸமாஹிதோ புக்³க³லோ மஹாரஜக்கோ². பஞ்ஞவா புக்³க³லோ அப்பரஜக்கோ², து³ப்பஞ்ஞோ புக்³க³லோ மஹாரஜக்கோ².

திக்கி²ந்த்³ரியே முதி³ந்த்³ரியேதி ஸத்³தோ⁴ புக்³க³லோ திக்கி²ந்த்³ரியோ, அஸ்ஸத்³தோ⁴ புக்³க³லோ முதி³ந்த்³ரியோ…பே… பஞ்ஞவா புக்³க³லோ திக்கி²ந்த்³ரியோ, து³ப்பஞ்ஞோ புக்³க³லோ முதி³ந்த்³ரியோ. ஸ்வாகாரே த்³வாகாரேதி ஸத்³தோ⁴ புக்³க³லோ ஸ்வாகாரோ, அஸ்ஸத்³தோ⁴ புக்³க³லோ த்³வாகாரோ…பே… பஞ்ஞவா புக்³க³லோ ஸ்வாகாரோ, து³ப்பஞ்ஞோ புக்³க³லோ த்³வாகாரோ. ஸுவிஞ்ஞாபயே து³விஞ்ஞாபயேதி ஸத்³தோ⁴ புக்³க³லோ ஸுவிஞ்ஞாபயோ, அஸ்ஸத்³தோ⁴ புக்³க³லோ து³விஞ்ஞாபயோ…பே… பஞ்ஞவா புக்³க³லோ ஸுவிஞ்ஞாபயோ, து³ப்பஞ்ஞோ புக்³க³லோ து³விஞ்ஞாபயோ.

அப்பேகச்சே பரலோகவஜ்ஜப⁴யத³ஸ்ஸாவினோ, அப்பேகச்சே நபரலோகவஜ்ஜப⁴யத³ஸ்ஸாவினோதி ஸத்³தோ⁴ புக்³க³லோ பரலோகவஜ்ஜப⁴யத³ஸ்ஸாவீ, அஸ்ஸத்³தோ⁴ புக்³க³லோ நபரலோகவஜ்ஜப⁴யத³ஸ்ஸாவீ. ஆரத்³த⁴வீரியோ புக்³க³லோ பரலோகவஜ்ஜப⁴யத³ஸ்ஸாவீ, குஸீதோ புக்³க³லோ நபரலோகவஜ்ஜப⁴யத³ஸ்ஸாவீ…பே… பஞ்ஞவா புக்³க³லோ பரலோகவஜ்ஜப⁴யத³ஸ்ஸாவீ, து³ப்பஞ்ஞோ புக்³க³லோ நபரலோகவஜ்ஜப⁴யத³ஸ்ஸாவீ.

லோகோதி க²ந்த⁴லோகோ தா⁴துலோகோ ஆயதனலோகோ விபத்திப⁴வலோகோ விபத்திஸம்ப⁴வலோகோ ஸம்பத்திப⁴வலோகோ ஸம்பத்திஸம்ப⁴வலோகோ.

ஏகோ லோகோ – ஸப்³பே³ ஸத்தா ஆஹாரட்டி²திகா. த்³வே லோகா – நாமஞ்ச ரூபஞ்ச. தயோ லோகா – திஸ்ஸோ வேத³னா. சத்தாரோ லோகா – சத்தாரோ ஆஹாரா. பஞ்ச லோகா – பஞ்சுபாதா³னக்க²ந்தா⁴. ச² லோகா – ச² அஜ்ஜ²த்திகானி ஆயதனானி. ஸத்த லோகா – ஸத்த விஞ்ஞாணட்டி²தியோ. அட்ட² லோகா – அட்ட² லோகத⁴ம்மா. நவ லோகா – நவ ஸத்தாவாஸா. த³ஸ லோகா – த³ஸாயதனானி. த்³வாத³ஸ லோகா – த்³வாத³ஸாயதனானி. அட்டா²ரஸ லோகா – அட்டா²ரஸ தா⁴துயோ.

வஜ்ஜந்தி ஸப்³பே³ கிலேஸா வஜ்ஜா, ஸப்³பே³ து³ச்சரிதா வஜ்ஜா, ஸப்³பே³ அபி⁴ஸங்கா²ரா வஜ்ஜா, ஸப்³பே³ ப⁴வகா³மிகம்மா வஜ்ஜா. இதி இமஸ்மிஞ்ச லோகே இமஸ்மிஞ்ச வஜ்ஜே திப்³பா³ ப⁴யஸஞ்ஞா பச்சுபட்டி²தா ஹோந்தி, ஸேய்யதா²பி உக்கி²த்தாஸிகே வத⁴கே. இமேஹி பஞ்ஞாஸாய ஆகாரேஹி இமானி பஞ்சிந்த்³ரியானி ஜானாதி பஸ்ஸதி அஞ்ஞாதி படிவிஜ்ஜ²தீதி.

இந்த்³ரியஸமோதா⁴னோ பஞ்சமோ.

ததியபா⁴ணவாரோ.

இந்த்³ரியகதா² நிட்டி²தா.