5. லக்க²ணஹாரஸம்பாதோ

67. தத்த² கதமோ லக்க²ணோ ஹாரஸம்பாதோ?

‘‘தஸ்மா ரக்கி²தசித்தஸ்ஸ, ஸம்மாஸங்கப்பகோ³சரோ’’தி கா³தா². ‘‘தஸ்மா ரக்கி²தசித்தஸ்ஸ, ஸம்மாஸங்கப்பகோ³சரோ’’தி இத³ம் ஸதிந்த்³ரியம், ஸதிந்த்³ரியே க³ஹிதே க³ஹிதானி ப⁴வந்தி பஞ்சிந்த்³ரியானி. ‘‘ஸம்மாதி³ட்டி²புரேக்கா²ரோ’’தி ஸம்மாதி³ட்டி²யா க³ஹிதாய க³ஹிதோ ப⁴வதி அரியோ அட்ட²ங்கி³கோ மக்³கோ³. தம் கிஸ்ஸ ஹேது? ஸம்மாதி³ட்டி²தோ ஹி ஸம்மாஸங்கப்போ பப⁴வதி, ஸம்மாஸங்கப்பதோ ஸம்மாவாசா பப⁴வதி, ஸம்மாவாசாதோ ஸம்மாகம்மந்தோ பப⁴வதி, ஸம்மாகம்மந்ததோ ஸம்மாஆஜீவோ பப⁴வதி, ஸம்மாஆஜீவதோ ஸம்மாவாயாமோ பப⁴வதி, ஸம்மாவாயாமதோ ஸம்மாஸதி பப⁴வதி, ஸம்மாஸதிதோ ஸம்மாஸமாதி⁴ பப⁴வதி, ஸம்மாஸமாதி⁴தோ ஸம்மாவிமுத்தி பப⁴வதி, ஸம்மாவிமுத்திதோ ஸம்மாவிமுத்திஞாணத³ஸ்ஸனம் பப⁴வதி.

நியுத்தோ லக்க²ணோ ஹாரஸம்பாதோ.