7. பாபபுஞ்ஞானம் அப்பானப்பபா⁴வபஞ்ஹோ

7. ராஜா ஆஹ ‘‘ப⁴ந்தே நாக³ஸேன, கதரம் நு கோ² ப³ஹுதரம் புஞ்ஞம் வா அபுஞ்ஞம் வா’’தி? ‘‘புஞ்ஞம் கோ², மஹாராஜ, ப³ஹுதரம், அபுஞ்ஞம் தோ²க’’ந்தி. ‘‘கேன காரணேனா’’தி? ‘‘அபுஞ்ஞம் கோ², மஹாராஜ, கரோந்தோ விப்படிஸாரீ ஹோதி ‘பாபகம்மம் மயா கத’ந்தி, தேன பாபம் ந வட்³ட⁴தி. புஞ்ஞம் கோ², மஹாராஜ, கரோந்தோ அவிப்படிஸாரீ ஹோதி, அவிப்படிஸாரினோ பாமோஜ்ஜம் ஜாயதி, பமுதி³தஸ்ஸ பீதி ஜாயதி, பீதிமனஸ்ஸ காயோ பஸ்ஸம்ப⁴தி, பஸ்ஸத்³த⁴காயோ ஸுக²ம் வேதே³தி, ஸுகி²னோ சித்தம் ஸமாதி⁴யதி, ஸமாஹிதோ யதா²பூ⁴தம் பஜானாதி, தேன காரணேன புஞ்ஞம் வட்³ட⁴தி. புரிஸோ கோ², மஹாராஜ, சி²ன்னஹத்த²பாதோ³ ப⁴க³வதோ ஏகம் உப்பலஹத்த²ம் த³த்வா ஏகனவுதிகப்பானி வினிபாதம் ந க³ச்சி²ஸ்ஸதி. இமினாபி, மஹாராஜ, காரணேன ப⁴ணாமி ‘புஞ்ஞம் ப³ஹுதரம், அபுஞ்ஞம் தோ²க’’’ந்தி.

‘‘கல்லோஸி, ப⁴ந்தே நாக³ஸேனா’’தி.

பாபபுஞ்ஞானம் அப்பானப்பபா⁴வபஞ்ஹோ ஸத்தமோ.