5. பஞ்சமஸிக்கா²பத³வண்ணனா

854. பஞ்சமே – க⁴ரம் ஸோதே⁴ந்தாதி தேஸம் கிர ஏதத³ஹோஸி – ‘‘தே²ரியா கோசி காயிகவாசஸிகோ வீதிக்கமோ ந தி³ஸ்ஸதி, க⁴ரம்பி தாவ ஸோதே⁴மா’’தி, ததோ க⁴ரம் ஸோதே⁴ந்தா நம் அத்³த³ஸம்ஸு.

856. அனோவஸ்ஸகம் அதிக்காமேந்தியாதி பட²மம் பாத³ம் அதிக்காமேந்தியா து³க்கடம், து³தியம் அதிக்காமேந்தியா பாசித்தியம், உபசாராதிக்கமே ஏஸேவ நயோ.

858. கி³லானாயாதி யா தாதி³ஸேன கே³லஞ்ஞேன ஆபுச்சி²தும் ந ஸக்கோதி. ஆபதா³ஸூதி க⁴ரே அக்³கி³ வா உட்டி²தோ ஹோதி, சோரா வா; ஏவரூபே உபத்³த³வே அனாபுச்சா² பக்கமதி, அனாபத்தி. ஸேஸமேத்த² உத்தானமேவ.

கதி²னஸமுட்டா²னம் – காயவாசதோ காயவாசாசித்ததோ ச ஸமுட்டா²தி, கிரியாகிரியம், நோஸஞ்ஞாவிமோக்க²ம், அசித்தகம், பண்ணத்திவஜ்ஜம், காயகம்மம், வசீகம்மம், திசித்தம், திவேத³னந்தி.

பஞ்சமஸிக்கா²பத³ம்.