8. அட்ட²மஸிக்கா²பத³வண்ணனா

824. அட்ட²மே – நிப்³பி³ட்டோ² ராஜப⁴டோ ரஞ்ஞோ ப⁴தி கேணி ஏதேனாதி நிப்³பி³ட்ட²ராஜப⁴டோ, ஏகம் டா²னந்தரம் கேணியா க³ஹேத்வா ததோ லத்³த⁴உத³யோதி அத்தோ². தஞ்ஞேவ ப⁴டபத²ம் யாசிஸ்ஸாமீதி ரஞ்ஞோ கேணிம் த³த்வா புன தம்யேவ டா²னந்தரம் யாசிஸ்ஸாமீதி சிந்தேந்தோ. பரிபா⁴ஸீதி தா பி⁴க்கு²னியோ ‘‘மா புன ஏவம் கரித்தா²’’தி ஸந்தஜ்ஜேஸி.

826. ஸயம் ச²ட்³டே³தீதி சத்தாரிபி வத்தூ²னி ஏகபயோகே³ன ச²ட்³டே³ந்தியா ஏகாவ ஆபத்தி, பாடேக்கம் ச²ட்³டே³ந்தியா வத்து²க³ணனாய ஆபத்தியோ. ஆணத்தியம்பி ஏஸேவ நயோ. த³ந்தகட்ட²ச²ட்³ட³னேபி பி⁴க்கு²னியா பாசித்தியமேவ. பி⁴க்கு²ஸ்ஸ ஸப்³ப³த்த² து³க்கடம். ஸேஸம் உத்தானமேவ.

ச²ஸமுட்டா²னம் – கிரியாகிரியம், நோஸஞ்ஞாவிமோக்க²ம், அசித்தகம், பண்ணத்திவஜ்ஜம், காயகம்மம், வசீகம்மம், திசித்தம், திவேத³னந்தி.

அட்ட²மஸிக்கா²பத³ம்.