4-5. உக்கசேலஸுத்தாதி³வண்ணனா

380-381. சதுத்தே² அசிரபரினிப்³பு³தேஸு ஸாரிபுத்தமோக்³க³ல்லானேஸூதி நசிரபரினிப்³பு³தேஸு த்³வீஸு அக்³க³ஸாவகேஸு. தேஸஞ்ஹி த⁴ம்மஸேனாபதி கத்திகமாஸபுண்ணமாய பரினிப்³பு³தோ, மஹாமோக்³க³ல்லானோ ததோ அட்³ட⁴மாஸம் அதிக்கம்ம அமாவஸுபோஸதே². ஸத்தா² த்³வீஸு அக்³க³ஸாவகேஸு பரினிப்³பு³தேஸு மஹாபி⁴க்கு²ஸங்க⁴பரிவாரோ மஹாமண்ட³லே சாரிகம் சரமானோ அனுபுப்³பே³ன உக்கசேலனக³ரம் பத்வா தத்த² பிண்டா³ய சரித்வா க³ங்கா³பிட்டே² ரஜதபட்டவண்ணவாலிகாபுலினே விஹாஸி. தேன வுத்தம் ‘‘அசிரபரினிப்³பு³தேஸு ஸாரிபுத்தமோக்³க³ல்லானேஸூ’’தி. யே மஹந்ததரா க²ந்தா⁴ தே பலுஜ்ஜேய்யுந்தி இதா⁴பி யோஜனஸதுப்³பே³தோ⁴ மஹாஜம்பு³ருக்கோ² விய பி⁴க்கு²ஸங்கோ⁴, தஸ்ஸ த³க்கி²ணதோ ச உத்தரதோ ச க³தா பண்ணாஸயோஜனிகா த்³வே மஹாக²ந்தா⁴ விய த்³வே அக்³க³ஸாவகாதி. ஸேஸம் புரிமனயேனேவ யோஜேதப்³ப³ம். பஞ்சமே தி³ட்டீ²தி கம்மஸ்ஸகதி³ட்டி².