10. உதா³யிஸுத்தவண்ணனா

211. த³ஸமே அப³ஹுகதோதி அகதப³ஹுமானோ. உக்குஜ்ஜாவகுஜ்ஜந்தி ஏத்த² உக்குஜ்ஜம் வுச்சதி உத³யோ, அவகுஜ்ஜம் வயோதி உத³யப்³ப³யவஸேன பரிவத்தேந்தோ ஸம்மஸந்தோதி தீ³பேதி. த⁴ம்மோ ச மே, ப⁴ந்தே, அபி⁴ஸமிதோதி விபஸ்ஸனாத⁴ம்மோ அபி⁴ஸமாக³தோ. மக்³கோ³தி விபஸ்ஸனாமக்³கோ³வ. ஸசே ஹி தே²ரோ தஸ்மிம் ஸமயே ஸோதாபன்னோ, உபரி திண்ணம் மக்³கா³னம் அத்தா²ய, ஸசே அனாகா³மீ, அரஹத்தமக்³க³ஸ்ஸ அத்தா²ய அயம் விபஸ்ஸனா வேதி³தப்³பா³. ததா² ததா² விஹரந்தந்தி தேன தேனாகாரேன விஹரந்தம். தத²த்தாயாதி ததா²பா⁴வாய. கீ²ணா ஜாதீதிஆதீ³ஹி தத²த்தாயாதி அதி⁴ப்பேதம் ததா²பா⁴வம் த³ஸ்ஸேதி. பச்சவேக்க²ணத்தா²ய உபனீயதீதி ஹி ஏத்த² அதி⁴ப்பாயோ, தம் த³ஸ்ஸேந்தோ ஏவமாஹ. ஸேஸம் ஸப்³ப³த்த² உத்தானமேவாதி.

உதா³யிவக்³கோ³.