2-55. ஸமாதி⁴மூலகடி²திஸுத்தாதி³வண்ணனா

663-716. து³தியாதீ³ஸு ந ஸமாதி⁴ஸ்மிம் டி²திகுஸலோதி ஜா²னம் ட²பேதும் அகுஸலோ, ஸத்தட்ட²அச்ச²ராமத்தம் ஜா²னம் ட²பேதும் ந ஸக்கோதி. ந ஸமாதி⁴ஸ்மிம் வுட்டா²னகுஸலோதி ஜா²னதோ வுட்டா²தும் அகுஸலோ, யதா²பரிச்சே²தே³ன வுட்டா²தும் ந ஸக்கோதி. ந ஸமாதி⁴ஸ்மிம் கல்லிதகுஸலோதி சித்தம் ஹாஸேத்வா கல்லம் காதும் அகுஸலோ. ந ஸமாதி⁴ஸ்மிம் ஆரம்மணகுஸலோதி கஸிணாரம்மணேஸு அகுஸலோ. ந ஸமாதி⁴ஸ்மிம் கோ³சரகுஸலோதி கம்மட்டா²னகோ³சரே சேவ பி⁴க்கா²சாரகோ³சரே ச அகுஸலோ. ந ஸமாதி⁴ஸ்மிம் அபி⁴னீஹாரகுஸலோதி கம்மட்டா²னம் அபி⁴னீஹரிதும் அகுஸலோ. ந ஸமாதி⁴ஸ்மிம் ஸக்கச்சகாரீதி ஜா²னம் அப்பேதும் ஸக்கச்சகாரீ ந ஹோதி. ந ஸமாதி⁴ஸ்மிம் ஸாதச்சகாரீதி ஜா²னப்பனாய ஸததகாரீ ந ஹோதி, கதா³சிதே³வ கரோதி. ந ஸமாதி⁴ஸ்மிம் ஸப்பாயகாரீதி ஸமாதி⁴ஸ்ஸ ஸப்பாயே உபகாரகத⁴ம்மே பூரேதும் ந ஸக்கோதி. ததோ பரம் ஸமாபத்திஆதீ³ஹி பதே³ஹி யோஜேத்வா சதுக்கா வுத்தா. தேஸம் அத்தோ² வுத்தனயேனேவ வேதி³தப்³போ³. ஸகலம் பனேத்த² ஜா²னஸம்யுத்தம் லோகியஜ்ஜா²னவஸேனேவ கதி²தந்தி.

ஜா²னஸம்யுத்தவண்ணனா நிட்டி²தா.

இதி ஸாரத்த²ப்பகாஸினியா ஸம்யுத்தனிகாய-அட்ட²கதா²ய

க²ந்த⁴வக்³க³வண்ணனா நிட்டி²தா.

ஸம்யுத்தனிகாய-அட்ட²கதா²ய து³தியோ பா⁴கோ³.