7. அஸ்ஸத்³த⁴ஸம்ஸந்த³னஸுத்தவண்ணனா

101. ஸத்தமே அஸ்ஸத்³தா⁴ அஸ்ஸத்³தே⁴ஹீதிஆதீ³ஸு பு³த்³தே⁴ வா த⁴ம்மே வா ஸங்கே⁴ வா ஸத்³தா⁴விரஹிதா நிரோஜா நிரஸா புக்³க³லா ஸமுத்³த³ஸ்ஸ ஓரிமதீரே டி²தா பாரிமதீரேபி டி²தேஹி அஸ்ஸத்³தே⁴ஹி ஸத்³தி⁴ம் தாய அஸ்ஸத்³த⁴தாய ஏகஸதி³ஸா நிரந்தரா ஹோந்தி. ததா² அஹிரிகா பி⁴ன்னமரியாதா³ அலஜ்ஜிபுக்³க³லா அஹிரிகேஹி, அனோத்தப்பினோ பாபகிரியாய அபா⁴யமானா அனோத்தப்பீஹி, அப்பஸ்ஸுதா ஸுதவிரஹிதா அப்பஸ்ஸுதேஹி, குஸீதா ஆலஸியபுக்³க³லா குஸீதேஹி, முட்ட²ஸ்ஸதினோ ப⁴த்தனிக்கி²த்தகாகமம்ஸனிக்கி²த்தஸிங்கா³லஸதி³ஸா முட்ட²ஸ்ஸதீஹி, து³ப்பஞ்ஞா க²ந்தா⁴தி³பரிச்சே²தி³காய பஞ்ஞாய அபா⁴வேன நிப்பஞ்ஞா தாதி³ஸேஹேவ து³ப்பஞ்ஞேஹி, ஸத்³தா⁴ஸம்பன்னா சேதியவந்த³னாதி³கிச்சபஸுதா ஸத்³தே⁴ஹி, ஹிரிமனா லஜ்ஜிபுக்³க³லா ஹிரிமனேஹி, ஓத்தப்பினோ பாபபீ⁴ருகா ஓத்தப்பீஹி, ப³ஹுஸ்ஸுதா ஸுதத⁴ரா ஆக³மத⁴ரா தந்திபாலகா வம்ஸானுரக்க²கா ப³ஹுஸ்ஸுதேஹி, ஆரத்³த⁴வீரியா பரிபுண்ணபரக்கமா ஆரத்³த⁴வீரியேஹி, உபட்டி²தஸ்ஸதீ ஸப்³ப³கிச்சபரிக்³கா³ஹிகாய ஸதியா ஸமன்னாக³தா உபட்டி²தஸ்ஸதீஹி, பஞ்ஞவந்தோ மஹாபஞ்ஞேஹி வஜிரூபமஞாணேஹி பஞ்ஞவந்தேஹி ஸத்³தி⁴ம் தூ³ரே டி²தாபி தாய பஞ்ஞாஸம்பத்தியா ஸம்ஸந்த³ந்தி ஸமேந்தி. ஸத்தமம்.