5. மக்க²ஸுத்தவண்ணனா

5. பஞ்சமே மக்க²ந்தி பரகு³ணமக்க²னம். யதி³பி ஹி ஸோ கூ³த²ம் க³ஹேத்வா பரம் பஹரந்தோ விய அத்தனோ கரம் பட²மதரம் மக்க²தியேவ, ததா²பி பரேஸம் கு³ணமக்க²னாதி⁴ப்பாயேன பவத்தேதப்³ப³த்தா ‘‘பரகு³ணமக்க²னோ’’தி வுச்சதி. ததா² ஹி ஸோ உத³கபுஞ்ச²னமிவ ந்ஹாதஸ்ஸ ஸரீரக³தம் உத³கம் பரேஸம் கு³ணே மக்கே²தி புஞ்ச²தி வினாஸேதி, பரேஹி வா கதானம் மஹந்தானம்பி காரானம் கே²பனதோ த⁴ம்ஸனதோ மக்கோ²தி வுச்சதி. ஸோ பரகு³ணமக்க²னலக்க²ணோ, தேஸம் வினாஸனரஸோ, தத³வச்சா²த³னபச்சுபட்டா²னோ. அத்த²தோ பன பரேஸம் கு³ணமக்க²னாகாரேன பவத்தோ தோ³மனஸ்ஸஸஹக³தசித்துப்பாதோ³தி த³ட்ட²ப்³ப³ம். பஜஹதா²தி தத்த² வுத்தப்பபே⁴த³ம் தோ³ஸம், தோ³ஸே ச வுத்தனயம் ஆதீ³னவம், பஹானே சஸ்ஸ ஆனிஸம்ஸம் பச்சவேக்கி²த்வா புப்³ப³பா⁴கே³ தத³ங்கா³தி³வஸேன பஜஹந்தா விபஸ்ஸனம் உஸ்ஸுக்காபேத்வா ததியமக்³கே³ன அனவஸேஸம் ஸமுச்சி²ந்த³தா²தி அத்தோ². மக்கா²ஸேதி மக்கி²தா மக்கி²தபரகு³ணா, பரேஸம் கு³ணானம் மக்கி²தாரோ, ததோ ஏவ அத்தனோபி த⁴ம்ஸிதகு³ணாதி அத்தோ². ஸேஸம் வுத்தனயமேவ.

பஞ்சமஸுத்தவண்ணனா நிட்டி²தா.