3. பஞ்ஹாபுச்ச²கவண்ணனா

386. பஞ்ஹாபுச்ச²கே பாளிஅனுஸாரேனேவ ஸதிபட்டா²னானம் குஸலாதி³பா⁴வோ வேதி³தப்³போ³. ஆரம்மணத்திகேஸு பன ஸப்³பா³னிபி ஏதானி அப்பமாணம் நிப்³பா³னம் ஆரப்³ப⁴ பவத்தனதோ அப்பமாணாரம்மணானேவ, ந மக்³கா³ரம்மணானி; ஸஹஜாதஹேதுவஸேன பன மக்³க³ஹேதுகானி; வீரியம் வா வீமம்ஸம் வா ஜேட்ட²கம் கத்வா மக்³க³பா⁴வனாகாலே மக்³கா³தி⁴பதீனி; ச²ந்த³சித்தஜேட்ட²காய மக்³க³பா⁴வனாய நவத்தப்³பா³னி மக்³கா³தி⁴பதீனீதி ப²லகாலேபி நவத்தப்³பா³னேவ; அதீதாதீ³ஸு ஏகாரம்மணபா⁴வேனபி நவத்தப்³பா³னி; நிப்³பா³னஸ்ஸ பன ப³ஹித்³தா⁴த⁴ம்மத்தா ப³ஹித்³தா⁴ரம்மணானி நாம ஹோந்தீதி. ஏவமேதஸ்மிம் பஞ்ஹாபுச்ச²கே நிப்³ப³த்திதலோகுத்தரானேவ ஸதிபட்டா²னானி கதி²தானி. ஸம்மாஸம்பு³த்³தே⁴ன ஹி ஸுத்தந்தபா⁴ஜனீயஸ்மிம்யேவ லோகியலோகுத்தரமிஸ்ஸகா ஸதிபட்டா²னா கதி²தா; அபி⁴த⁴ம்மபா⁴ஜனீயபஞ்ஹாபுச்ச²கேஸு பன லோகுத்தராயேவாதி. ஏவமயம் ஸதிபட்டா²னவிப⁴ங்கோ³பி தேபரிவட்டம் நீஹரித்வா பா⁴ஜேத்வா த³ஸ்ஸிதோதி.

ஸம்மோஹவினோத³னியா விப⁴ங்க³ட்ட²கதா²ய

ஸதிபட்டா²னவிப⁴ங்க³வண்ணனா நிட்டி²தா.