3. ஸம்பயுத்தசதுக்கம்

245. ஸம்பயுத்தசதுக்கேபி அவிஜ்ஜாபச்சயாதி ஏத்தாவதா ஸஹஜாதாதி³பச்சயவஸேன ஸங்கா²ரஸ்ஸ அவிஜ்ஜாபச்சயதம் த³ஸ்ஸேத்வா புன ‘‘அவிஜ்ஜாஸம்பயுத்தோ’’தி ஸம்பயுத்தபச்சயதா த³ஸ்ஸிதா. ஸேஸபதே³ஸுபி ஏஸேவ நயோ. யஸ்மா பன அரூபீனம் த⁴ம்மானம் ரூபத⁴ம்மேஹி ஸம்பயோகோ³ நத்தி², தஸ்மா விஞ்ஞாணபச்சயா நாமரூபந்திஆதீ³ஸு ததியசதுத்த²வாரபதே³ஸு ‘‘விஞ்ஞாணஸம்பயுத்தம் நாம’’ந்திஆதி³னா நயேன யம் லப்³ப⁴தி, ததே³வ க³ஹிதந்தி ஏஸ ஸம்பயுத்தசதுக்கே விஸேஸோ.