3. ஸஞ்ஞோஜனகதா²வண்ணனா

881-882. இதா³னி ஸஞ்ஞோஜனகதா² நாம ஹோதி. தத்த² யஸ்மா அரஹா ஸப்³ப³ம் பு³த்³த⁴விஸயம் ந ஜானாதி, தஸ்மா தஸ்ஸ தத்த² அவிஜ்ஜாவிசிகிச்சா²ஹி அப்பஹீனாஹி ப⁴விதப்³ப³ந்தி ஸஞ்ஞாய ‘‘அத்தி² கிஞ்சி ஸஞ்ஞோஜனம் அப்பஹாய அரஹத்தப்பத்தீ’’தி யேஸம் லத்³தி⁴, ஸேய்யதா²பி மஹாஸங்கி⁴கானம், தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத்தி² கிஞ்சி ஸக்காயதி³ட்டீ²திஆதி³ அரஹதோ ஸப்³ப³ஸம்யோஜனப்பஹானத³ஸ்ஸனத்த²ம் வுத்தம். ஸப்³ப³ம் பு³த்³த⁴விஸயந்தி பஞ்ஹத்³வயே அரஹதோ ஸப்³ப³ஞ்ஞுதஞ்ஞாணாபா⁴வேன படிஸேதோ⁴ கதோ, ந அவிஜ்ஜாவிசிகிச்சா²னம் அப்பஹானேன. இதரோ பன தேஸம் அப்பஹீனதம் ஸந்தா⁴ய தேன ஹீதி லத்³தி⁴ம் பதிட்ட²பேதி. ஸா அயோனிஸோ பதிட்டா²பிதத்தா அப்பதிட்டி²தாவ ஹோதீதி.

ஸஞ்ஞோஜனகதா²வண்ணனா.