10. விஞ்ஞத்தி ஸீலந்திகதா²வண்ணனா

601-602. இதா³னி விஞ்ஞத்தி ஸீலந்திகதா² நாம ஹோதி. தத்த² காயவிஞ்ஞத்தி காயகம்மம், வசீவிஞ்ஞத்தி வசீகம்மந்தி க³ஹிதத்தா ‘‘விஞ்ஞத்தி ஸீல’’ந்தி யேஸம் லத்³தி⁴, ஸேய்யதா²பி மஹாஸம்கி⁴கானஞ்சேவ ஸம்மிதியானஞ்ச; தே ஸந்தா⁴ய விஞ்ஞத்தீதி புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நம் யஸ்மா ஸீலம் நாம விரதி, ந ரூபத⁴ம்மோ, தஸ்மா தேனத்தே²ன சோதே³தும் பாணாதிபாதா வேரமணீதிஆதி³மாஹ. அபி⁴வாத³னம் ஸீலந்திஆதி³ யதா²ரூபம் விஞ்ஞத்திம் ஸோ ‘‘ஸீல’’ந்தி மஞ்ஞதி தம் உத்³த⁴ரித்வா த³ஸ்ஸேதும் வுத்தம். யஸ்மா பன ஸா விரதி ந ஹோதி, தஸ்மா புன பாணாதிபாதாதிஆதி³மாஹ. லத்³தி⁴ பனஸ்ஸ ச²லேன பதிட்டி²தத்தா அப்பதிட்டி²தாயேவாதி.

விஞ்ஞத்தி ஸீலந்திகதா²வண்ணனா.