11. அதீதானாக³தஸமன்னாக³தகதா²வண்ணனா

568-570. இதா³னி அதீதானாக³தேஹி ஸமன்னாக³தகதா² நாம ஹோதி. தத்த² ஸமன்னாக³தபஞ்ஞத்தி படிலாப⁴பஞ்ஞத்தீதி த்³வே பஞ்ஞத்தியோ வேதி³தப்³பா³. தாஸு பச்சுப்பன்னத⁴ம்மஸமங்கீ³ ஸமன்னாக³தோதி வுச்சதி. அட்ட² ஸமாபத்திலாபி⁴னோ பன ஸமாபத்தியோ கிஞ்சாபி ந ஏகக்க²ணே பவத்தந்தி, அஞ்ஞா அதீதா ஹோந்தி, அஞ்ஞா அனாக³தா, அஞ்ஞா பச்சுப்பன்னா, படிவிஜ்ஜி²த்வா அபரிஹீனதாய பன லாபீ⁴தி வுச்சதி. தத்த² யேஸம் இமம் விபா⁴க³ம் அக்³க³ஹேத்வா யஸ்மா ஜா²னலாபீ⁴னம் அதீதானாக³தானி ஜா²னானிபி அத்தி², தஸ்மா ‘‘தே அதீதேனபி அனாக³தேனபி ஸமன்னாக³தா’’தி லத்³தி⁴, ஸேய்யதா²பி அந்த⁴கானம். தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. ஸேஸமேத்த² உத்தானத்த²மேவாதி. ‘‘அட்ட²விமோக்க²ஜா²யீ’’திஆதி³ பன லாபீ⁴பா⁴வஸ்ஸ ஸாத⁴கம், ந ஸமன்னாக³தபா⁴வஸ்ஸாதி.

அதீதானாக³தஸமன்னாக³தகதா²வண்ணனா.

நவமோ வக்³கோ³.