8. அரஹத்தவக்³கோ³

1. து³க்க²ஸுத்தவண்ணனா

75. அட்ட²மஸ்ஸ பட²மே ஸவிகா⁴தந்தி ஸஉபகா⁴தம் ஸோபத்³த³வம். ஸபரிளாஹந்தி காயிகசேதஸிகேன பரிளாஹேன ஸபரிளாஹம். பாடிகங்கா²தி இச்சி²தப்³பா³ அவஸ்ஸம்பா⁴வினீ.

2. அரஹத்தஸுத்தவண்ணனா

76. து³தியே மானந்தி ஜாதிஆதீ³ஹி மஞ்ஞனம். ஓமானந்தி ஹீனோஹமஸ்மீதி மானம். அதிமானந்தி அதிக்கமித்வா பவத்தம் அச்சுண்ணதிமானம். அதி⁴மானந்தி அதி⁴க³தமானம். த²ம்ப⁴ந்தி கோத⁴மானேஹி த²த்³த⁴பா⁴வம். அதினிபாதந்தி ஹீனஸ்ஸ ஹீனோஹமஸ்மீதி மானம்.

3. உத்தரிமனுஸ்ஸத⁴ம்மஸுத்தவண்ணனா

77. ததியே உத்தரிமனுஸ்ஸத⁴ம்மாதி மனுஸ்ஸத⁴ம்மதோ உத்தரி. அலமரியஞாணத³ஸ்ஸனவிஸேஸந்தி அரியபா⁴வம் காதும் ஸமத்த²ம் ஞாணத³ஸ்ஸனவிஸேஸம், சத்தாரோ மக்³கே³ சத்தாரி ச ப²லானீதி அத்தோ². குஹனந்தி திவித⁴ம் குஹனவத்து²ம். லபனந்தி லாப⁴த்தி²கதாய உக்கி²பித்வா அவக்கி²பித்வா வா லபனம்.

4. ஸுக²ஸோமனஸ்ஸஸுத்தவண்ணனா

78. சதுத்தே² யோனி சஸ்ஸ ஆரத்³தா⁴ ஹோதீதி காரணஞ்சஸ்ஸ பரிபுண்ணம் பக்³க³ஹிதம் ஹோதி. த⁴ம்மாராமோதி த⁴ம்மே ரதிம் விந்த³தி. பா⁴வனாய ரமதி, பா⁴வேந்தோ வா ரமதீதி பா⁴வனாராமோ. பஹானே ரமதி, பஜஹந்தோ வா ரமதீதி பஹானாராமோ. திவிதே⁴ பவிவேகே ரமதீதி பவிவேகாராமோ. அப்³யாபஜ்ஜே² நித்³து³க்க²பா⁴வே ரமதீதி அப்³யாபஜ்ஜா²ராமோ. நிப்பபஞ்சஸங்கா²தே நிப்³பா³னே ரமதீதி நிப்பபஞ்சாராமோ.

5. அதி⁴க³மஸுத்தவண்ணனா

79. பஞ்சமே ந ஆயகுஸலோதி ந ஆக³மனகுஸலோ. ந அபாயகுஸலோதி ந அபக³மனகுஸலோ. ச²ந்த³ந்தி கத்துகம்யதாச²ந்த³ம். ந ஆரக்க²தீதி ந ரக்க²தி.

6. மஹந்தத்தஸுத்தவண்ணனா

80. ச²ட்டே² ஆலோகப³ஹுலோதி ஞாணாலோகப³ஹுலோ. யோக³ப³ஹுலோதி யோகே³ ப³ஹுலம் கரோதி. வேத³ப³ஹுலோதி பீதிபாமோஜ்ஜப³ஹுலோ. அஸந்துட்டி²ப³ஹுலோதி குஸலத⁴ம்மேஸு அஸந்துட்டோ². அனிக்கி²த்தது⁴ரோதி அட்ட²பிதது⁴ரோ பக்³க³ஹிதவீரியோ. உத்தரி ச பதாரேதீதி ஸம்பதி ச உத்தரிஞ்ச வீரியம் கரோதேவ. ஸத்தமம் உத்தானமேவ.

8-10. து³தியனிரயஸுத்தாதி³வண்ணனா

82-84. அட்ட²மே பக³ப்³போ⁴தி காயபாக³ப்³பி⁴யாதீ³ஹி ஸமன்னாக³தோ. நவமம் உத்தானத்த²மேவ. த³ஸமே விகா⁴தவாதி மஹிச்ச²தம் நிஸ்ஸாய உப்பன்னேன லோப⁴து³க்கே²ன து³க்கி²தோ. ஸேஸம் ஸப்³ப³த்த² உத்தானமேவாதி.

அரஹத்தவக்³கோ³ அட்ட²மோ.