10. து³தியமரணஸ்ஸதிஸுத்தவண்ணனா

20. த³ஸமே பதிக³தாயாதி படிபன்னாய. இதி படிஸஞ்சிக்க²தீதி ஏவம் பச்சவேக்க²தி. ஸோ மமஸ்ஸ அந்தராயோதி ஏத்த² திவிதோ⁴ அந்தராயோ ஜீவிதந்தராயோ, ஸமணத⁴ம்மந்தராயோ, புது²ஜ்ஜனகாலகிரியம் கரோந்தஸ்ஸ ஸக்³க³ந்தராயோ சேவ மக்³க³ந்தராயோ சாதி. தம் ஸப்³ப³ம்பி ஸந்தா⁴யேவமாஹ. ப்³யாபஜ்ஜேய்யாதி அஜிண்ணகாதி³வஸேன விபஜ்ஜேய்ய. அதி⁴மத்தோதி ப³லவா. ச²ந்தோ³தி கத்துகம்யதாச²ந்தோ³. வாயாமோதி பயோக³வீரியம். உஸ்ஸாஹோதி உஸ்ஸாபனவீரியம். உஸ்ஸோள்ஹீதி ஸம்பாத³னவீரியம். அப்படிவானீதி அனுக்கண்ட²னா அப்படிஸங்க⁴ரணா. ஸேஸம் ஸப்³ப³த்த² உத்தானத்த²மேவாதி.

ஸாரணீயவக்³கோ³ து³தியோ.