10. ககுத⁴தே²ரஸுத்தவண்ணனா

100. த³ஸமே அத்தபா⁴வபடிலாபோ⁴தி ஸரீரபடிலாபோ⁴. த்³வே வா தீணி வா மாக³த⁴கானி கா³மக்கே²த்தானீதி ஏத்த² மாக³தி⁴கம் கா³மக்கே²த்தம் அத்தி² கு²த்³த³கம், அத்தி² மஜ்ஜி²மம், அத்தி² மஹந்தம். கு²த்³த³கம் கா³மக்கே²த்தம் இதோ சத்தாலீஸம் உஸபா⁴னி, இதோ சத்தாலீஸந்தி கா³வுதம் ஹோதி, மஜ்ஜி²மம் இதோ கா³வுதம், இதோ கா³வுதந்தி அட்³ட⁴யோஜனம் ஹோதி, மஹந்தம் இதோ தி³யட்³ட⁴கா³வுதம், இதோ தி³யட்³ட⁴கா³வுதந்தி திகா³வுதம் ஹோதி. தேஸு கு²த்³த³கேன கா³மக்கே²த்தேன தீணி, கு²த்³த³கேன ச மஜ்ஜி²மேன ச த்³வே கா³மக்கே²த்தானி தஸ்ஸ அத்தபா⁴வோ. திகா³வுதஞ்ஹிஸ்ஸ ஸரீரம். பரிஹரிஸ்ஸாமீதி படிஜக்³கி³ஸ்ஸாமி கோ³பயிஸ்ஸாமி. ரக்க²ஸ்ஸேதந்தி ரக்க²ஸ்ஸு ஏதம். மோக⁴புரிஸோதி துச்ச²புரிஸோ. நாஸ்ஸஸ்ஸாதி ந ஏதஸ்ஸ ப⁴வேய்ய. ஸமுதா³சரேய்யாமாதி கதே²ய்யாம. ஸம்மன்னதீதி ஸம்மானம் கரோதி. யம் துமோ கரிஸ்ஸதி துமோவ தேன பஞ்ஞாயிஸ்ஸதீதி யம் ஏஸ கரிஸ்ஸதி, ஏஸோவ தேன கம்மேன பாகடோ ப⁴விஸ்ஸதி. ஸேஸம் ஸப்³ப³த்த² உத்தானத்த²மேவாதி.

ககுத⁴வக்³கோ³ பஞ்சமோ.