5-6. ஸமஜீவீஸுத்தத்³வயவண்ணனா

55-56. பஞ்சமே தேனுபஸங்கமீதி கிமத்த²ம் உபஸங்கமி? அனுக்³க³ண்ஹனத்த²ம். ததா²க³தோ ஹி தம் ரட்ட²ம் பாபுணந்தோ இமேஸம்யேவ த்³வின்னம் ஸங்க³ண்ஹனத்தா²ய பாபுணாதி. நகுலபிதா கிர பஞ்ச ஜாதிஸதானி ததா²க³தஸ்ஸ பிதா அஹோஸி, பஞ்ச ஜாதிஸதானி மஹாபிதா, பஞ்ச ஜாதிஸதானி சூளபிதா. நகுலமாதாபி பஞ்ச ஜாதிஸதானி ததா²க³தஸ்ஸ மாதா அஹோஸி, பஞ்ச ஜாதிஸதானி மஹாமாதா, பஞ்ச ஜாதிஸதானி சூளமாதா. தே ஸத்து² தி³ட்ட²காலதோ பட்டா²ய புத்தஸினேஹம் படிலபி⁴த்வா ‘‘ஹந்தாத, ஹந்தாதா’’தி வச்ச²கம் தி³ஸ்வா வச்ச²கி³த்³தி⁴னீ கா³வீ விய விரவமானா உபஸங்கமித்வா பட²மத³ஸ்ஸனேனேவ ஸோதாபன்னா ஜாதா. நிவேஸனே பஞ்சஸதானம் பி⁴க்கூ²னம் ஆஸனானி ஸதா³ பஞ்ஞத்தானேவ ஹோந்தி. இதி ப⁴க³வா தேஸம் அனுக்³க³ண்ஹனத்தா²ய உபஸங்கமி. அதிசரிதாதி அதிக்கமிதா. அபி⁴ஸம்பராயஞ்சாதி பரலோகே ச. ஸமஸத்³தா⁴தி ஸத்³தா⁴ய ஸமா ஏகஸதி³ஸா. ஸீலாதீ³ஸுபி ஏஸேவ நயோ. ச²ட்ட²ம் கேவலம் பி⁴க்கூ²னம் தே³ஸிதம். ஸேஸமேத்த² தாதி³ஸமேவ.