9. த⁴ம்மபத³ஸுத்தவண்ணனா

29. நவமே த⁴ம்மபதா³னீதி த⁴ம்மகோட்டா²ஸா. அனபி⁴ஜ்ஜா²திஆதீ³ஸு அபி⁴ஜ்ஜா²படிக்கே²பேன அனபி⁴ஜ்ஜா², ப்³யாபாத³படிக்கே²பேன அப்³யாபாதோ³, மிச்சா²ஸதிபடிக்கே²பேன ஸம்மாஸதி, மிச்சா²ஸமாதி⁴படிக்கே²பேன ஸம்மாஸமாதி⁴ வேதி³தப்³போ³.

அனபி⁴ஜ்ஜா²லூதி நித்தண்ஹோ ஹுத்வா. அப்³யாபன்னேன சேதஸாதி ஸப்³ப³காலம் பகதிபா⁴வம் அவிஜஹந்தேன சித்தேன. ஸதோ ஏகக்³க³சித்தஸ்ஸாதி ஸதியா ஸமன்னாக³தோ ஆரம்மணே ஏகக்³க³சித்தோ அஸ்ஸ. அஜ்ஜ²த்தம் ஸுஸமாஹிதோதி நியகஜ்ஜ²த்தே ஸுட்டு² ட²பிதசித்தோ இமஸ்மிம் ஸுத்தேபி கா³தா²யபி வட்டவிவட்டம் கதி²தம்.