7. ஸம்பயுத்தசதுக்கம்

தஸ்மிம் ஸமயே அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ, ஸங்கா²ரபச்சயா விஞ்ஞாணம் ஸங்கா²ரஸம்பயுத்தம், விஞ்ஞாணபச்சயா நாமம் விஞ்ஞாணஸம்பயுத்தம், நாமபச்சயா ச²ட்டா²யதனம் நாமஸம்பயுத்தம், ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ, ப²ஸ்ஸபச்சயா வேத³னா ப²ஸ்ஸஸம்பயுத்தா, வேத³னாபச்சயா தண்ஹா வேத³னாஸம்பயுத்தா, தண்ஹாபச்சயா உபாதா³னம் தண்ஹாஸம்பயுத்தம்; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

265. தத்த² கதமா அவிஜ்ஜா? யம் அஞ்ஞாணம் அத³ஸ்ஸனம்…பே… அவிஜ்ஜாலங்கீ³ மோஹோ அகுஸலமூலம் – அயம் வுச்சதி ‘‘அவிஜ்ஜா’’.

தத்த² கதமோ அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ? யா சேதனா ஸஞ்சேதனா ஸஞ்சேதயிதத்தம் – அயம் வுச்சதி ‘‘அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ’’.

தத்த² கதமம் ஸங்கா²ரபச்சயா விஞ்ஞாணம் ஸங்கா²ரஸம்பயுத்தம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘ஸங்கா²ரபச்சயா விஞ்ஞாணம் ஸங்கா²ரஸம்பயுத்தம்’’.

தத்த² கதமம் விஞ்ஞாணபச்சயா நாமம் விஞ்ஞாணஸம்பயுத்தம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘விஞ்ஞாணபச்சயா நாமம் விஞ்ஞாணஸம்பயுத்தம்’’.

தத்த² கதமம் நாமபச்சயா ச²ட்டா²யதனம் நாமஸம்பயுத்தம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘நாமபச்சயா ச²ட்டா²யதனம் நாமஸம்பயுத்தம்’’.

தத்த² கதமோ ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ? யோ ப²ஸ்ஸோ பு²ஸனா ஸம்பு²ஸனா ஸம்பு²ஸிதத்தம் – அயம் வுச்சதி ‘‘ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ’’.

தத்த² கதமா ப²ஸ்ஸபச்சயா வேத³னா ப²ஸ்ஸஸம்பயுத்தா? யம் சேதஸிகம் ஸாதம் சேதஸிகம் ஸுக²ம் சேதோஸம்ப²ஸ்ஸஜம் ஸாதம் ஸுக²ம் வேத³யிதம் சேதோஸம்ப²ஸ்ஸஜா ஸாதா ஸுகா² வேத³னா – அயம் வுச்சதி ‘‘ப²ஸ்ஸபச்சயா வேத³னா ப²ஸ்ஸஸம்பயுத்தா’’.

தத்த² கதமா வேத³னாபச்சயா தண்ஹா வேத³னாஸம்பயுத்தா? யோ ராகோ³ ஸாராகோ³…பே… சித்தஸ்ஸ ஸாராகோ³ – அயம் வுச்சதி ‘‘வேத³னாபச்சயா தண்ஹா வேத³னாஸம்பயுத்தா’’.

தத்த² கதமம் தண்ஹாபச்சயா உபாதா³னம் தண்ஹாஸம்பயுத்தம்? யா தி³ட்டி² தி³ட்டி²க³தம்…பே… தித்தா²யதனம் விபரியாஸக்³கா³ஹோ – இத³ம் வுச்சதி ‘‘தண்ஹாபச்சயா உபாதா³னம் தண்ஹாஸம்பயுத்தம்’’ …பே… தேன வுச்சதி ‘‘ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதீ’’தி.

266. தஸ்மிம் ஸமயே அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ, ஸங்கா²ரபச்சயா விஞ்ஞாணம் ஸங்கா²ரஸம்பயுத்தம், விஞ்ஞாணபச்சயா நாமம் விஞ்ஞாணஸம்பயுத்தம், நாமபச்சயா ப²ஸ்ஸோ நாமஸம்பயுத்தோ, ப²ஸ்ஸபச்சயா வேத³னா ப²ஸ்ஸஸம்பயுத்தா, வேத³னாபச்சயா தண்ஹா வேத³னாஸம்பயுத்தா, தண்ஹாபச்சயா உபாதா³னம் தண்ஹாஸம்பயுத்தம்; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

267. தத்த² கதமா அவிஜ்ஜா? யம் அஞ்ஞாணம் அத³ஸ்ஸனம்…பே… அவிஜ்ஜாலங்கீ³ மோஹோ அகுஸலமூலம் – அயம் வுச்சதி ‘‘அவிஜ்ஜா’’.

தத்த² கதமோ அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ? யா சேதனா ஸஞ்சேதனா ஸஞ்சேதயிதத்தம் – அயம் வுச்சதி ‘‘அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ’’.

தத்த² கதமம் ஸங்கா²ரபச்சயா விஞ்ஞாணம் ஸங்கா²ரஸம்பயுத்தம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘ஸங்கா²ரபச்சயா விஞ்ஞாணம் ஸங்கா²ரஸம்பயுத்தம்’’.

தத்த² கதமம் விஞ்ஞாணபச்சயா நாமம் விஞ்ஞாணஸம்பயுத்தம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘விஞ்ஞாணபச்சயா நாமம் விஞ்ஞாணஸம்பயுத்தம்’’.

நாமபச்சயா ப²ஸ்ஸோ நாமஸம்பயுத்தோதி. தத்த² கதமம் நாமம்? ட²பேத்வா ப²ஸ்ஸம், வேத³னாக்க²ந்தோ⁴ ஸஞ்ஞாக்க²ந்தோ⁴ ஸங்கா²ரக்க²ந்தோ⁴ விஞ்ஞாணக்க²ந்தோ⁴ – இத³ம் வுச்சதி ‘‘நாமம்’’.

தத்த² கதமோ நாமபச்சயா ப²ஸ்ஸோ நாமஸம்பயுத்தோ? யோ ப²ஸ்ஸோ பு²ஸனா ஸம்பு²ஸனா ஸம்பு²ஸிதத்தம் – அயம் வுச்சதி ‘‘நாமபச்சயா ப²ஸ்ஸோ நாமஸம்பயுத்தோ’’…பே… தேன வுச்சதி ‘‘ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதீ’’தி.

268. தஸ்மிம் ஸமயே அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ, ஸங்கா²ரபச்சயா விஞ்ஞாணம் ஸங்கா²ரஸம்பயுத்தம், விஞ்ஞாணபச்சயா நாமரூபம் விஞ்ஞாணஸம்பயுத்தம் நாமம், நாமரூபபச்சயா ச²ட்டா²யதனம் நாமஸம்பயுத்தம், ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ, ப²ஸ்ஸபச்சயா வேத³னா ப²ஸ்ஸஸம்பயுத்தா, வேத³னாபச்சயா தண்ஹா வேத³னாஸம்பயுத்தா, தண்ஹாபச்சயா உபாதா³னம் தண்ஹாஸம்பயுத்தம்; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

269. தத்த² கதமா அவிஜ்ஜா? யம் அஞ்ஞாணம் அத³ஸ்ஸனம்…பே… அவிஜ்ஜாலங்கீ³ மோஹோ அகுஸலமூலம் – அயம் வுச்சதி ‘‘அவிஜ்ஜா’’.

தத்த² கதமோ அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ? யா சேதனா ஸஞ்சேதனா ஸஞ்சேதயிதத்தம் – அயம் வுச்சதி ‘‘அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ’’.

தத்த² கதமம் ஸங்கா²ரபச்சயா விஞ்ஞாணம் ஸங்கா²ரஸம்பயுத்தம்? யம் சித்தம் மனோ மானஸம் …பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘ஸங்கா²ரபச்சயா விஞ்ஞாணம் ஸங்கா²ரஸம்பயுத்தம்’’.

தத்த² கதமம் விஞ்ஞாணபச்சயா நாமரூபம் விஞ்ஞாணஸம்பயுத்தம் நாமம்? அத்தி² நாமம், அத்தி² ரூபம். தத்த² கதமம் நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘நாமம்’’. தத்த² கதமம் ரூபம்? சக்கா²யதனஸ்ஸ உபசயோ, ஸோதாயதனஸ்ஸ உபசயோ, கா⁴னாயதனஸ்ஸ உபசயோ, ஜிவ்ஹாயதனஸ்ஸ உபசயோ, காயாயதனஸ்ஸ உபசயோ, யம் வா பனஞ்ஞம்பி அத்தி² ரூபம் சித்தஜம் சித்தஹேதுகம் சித்தஸமுட்டா²னம் – இத³ம் வுச்சதி ‘‘ரூபம்’’. இதி இத³ஞ்ச நாமம், இத³ஞ்ச ரூபம். இத³ம் வுச்சதி ‘‘விஞ்ஞாணபச்சயா நாமரூபம் விஞ்ஞாணஸம்பயுத்தம் நாமம்’’.

நாமரூபபச்சயா ச²ட்டா²யதனம் நாமஸம்பயுத்தந்தி. அத்தி² நாமம், அத்தி² ரூபம். தத்த² கதமம் நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘நாமம்’’. தத்த² கதமம் ரூபம்? யம் ரூபம் நிஸ்ஸாய மனோவிஞ்ஞாணதா⁴து வத்ததி – இத³ம் வுச்சதி ‘‘ரூபம்’’. இதி இத³ஞ்ச நாமம், இத³ஞ்ச ரூபம். இத³ம் வுச்சதி ‘‘நாமரூபம்’’.

தத்த² கதமம் நாமரூபபச்சயா ச²ட்டா²யதனம் நாமஸம்பயுத்தம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘நாமரூபபச்சயா ச²ட்டா²யதனம் நாமஸம்பயுத்தம்’’.

தத்த² கதமோ ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ? யோ ப²ஸ்ஸோ பு²ஸனா ஸம்பு²ஸனா ஸம்பு²ஸிதத்தம் – அயம் வுச்சதி ‘‘ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ’’…பே… தேன வுச்சதி ‘‘ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதீ’’தி.

270. தஸ்மிம் ஸமயே அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ, ஸங்கா²ரபச்சயா விஞ்ஞாணம் ஸங்கா²ரஸம்பயுத்தம், விஞ்ஞாணபச்சயா நாமரூபம் விஞ்ஞாணஸம்பயுத்தம் நாமம், நாமரூபபச்சயா ஸளாயதனம் நாமஸம்பயுத்தம் ச²ட்டா²யதனம், ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ, ப²ஸ்ஸபச்சயா வேத³னா ப²ஸ்ஸஸம்பயுத்தா, வேத³னாபச்சயா தண்ஹா வேத³னாஸம்பயுத்தா, தண்ஹாபச்சயா உபாதா³னம் தண்ஹாஸம்பயுத்தம்; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

271. தத்த² கதமா அவிஜ்ஜா? யம் அஞ்ஞாணம் அத³ஸ்ஸனம்…பே… அவிஜ்ஜாலங்கீ³ மோஹோ அகுஸலமூலம் – அயம் வுச்சதி ‘‘அவிஜ்ஜா’’.

தத்த² கதமோ அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ? யா சேதனா ஸஞ்சேதனா ஸஞ்சேதயிதத்தம் – அயம் வுச்சதி ‘‘அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ’’.

தத்த² கதமம் ஸங்கா²ரபச்சயா விஞ்ஞாணம் ஸங்கா²ரஸம்பயுத்தம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘ஸங்கா²ரபச்சயா விஞ்ஞாணம் ஸங்கா²ரஸம்பயுத்தம்’’.

தத்த² கதமம் விஞ்ஞாணபச்சயா நாமரூபம் விஞ்ஞாணஸம்பயுத்தம் நாமம்? அத்தி² நாமம், அத்தி² ரூபம். தத்த² கதமம் நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘நாமம்’’. தத்த² கதமம் ரூபம்? சக்கா²யதனஸ்ஸ உபசயோ, ஸோதாயதனஸ்ஸ உபசயோ, கா⁴னாயதனஸ்ஸ உபசயோ, ஜிவ்ஹாயதனஸ்ஸ உபசயோ, காயாயதனஸ்ஸ உபசயோ, யம் வா பனஞ்ஞம்பி அத்தி² ரூபம் சித்தஜம் சித்தஹேதுகம் சித்தஸமுட்டா²னம் – இத³ம் வுச்சதி ‘‘ரூபம்’’. இதி இத³ஞ்ச நாமம், இத³ஞ்ச ரூபம். இத³ம் வுச்சதி ‘‘விஞ்ஞாணபச்சயா நாமரூபம் விஞ்ஞாணஸம்பயுத்தம் நாமம்’’.

நாமரூபபச்சயா ஸளாயதனம் நாமஸம்பயுத்தம் ச²ட்டா²யதனந்தி. அத்தி² நாமம், அத்தி² ரூபம். தத்த² கதமம் நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘நாமம்’’. தத்த² கதமம் ரூபம்? சத்தாரோ ச மஹாபூ⁴தா, யஞ்ச ரூபம் நிஸ்ஸாய மனோவிஞ்ஞாணதா⁴து வத்ததி – இத³ம் வுச்சதி ‘‘ரூபம்’’. இதி இத³ஞ்ச நாமம், இத³ஞ்ச ரூபம். இத³ம் வுச்சதி ‘‘நாமரூபம்’’.

தத்த² கதமம் நாமரூபபச்சயா ஸளாயதனம் நாமஸம்பயுத்தம் ச²ட்டா²யதனம்? சக்கா²யதனம், ஸோதாயதனம், கா⁴னாயதனம், ஜிவ்ஹாயதனம், காயாயதனம், மனாயதனம் – இத³ம் வுச்சதி ‘‘நாமரூபபச்சயா ஸளாயதனம் நாமஸம்பயுத்தம் ச²ட்டா²யதனம்’’.

தத்த² கதமோ ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ? யோ ப²ஸ்ஸோ பு²ஸனா ஸம்பு²ஸனா ஸம்பு²ஸிதத்தம் – அயம் வுச்சதி ‘‘ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ’’…பே… தேன வுச்சதி ‘‘ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதீ’’தி.

ஸம்பயுத்தசதுக்கம்.