8. அஞ்ஞமஞ்ஞசதுக்கம்

272. தஸ்மிம் ஸமயே அவிஜ்ஜாபச்சயா ஸங்கா²ரோ, ஸங்கா²ரபச்சயாபி அவிஜ்ஜா; ஸங்கா²ரபச்சயா விஞ்ஞாணம், விஞ்ஞாணபச்சயாபி ஸங்கா²ரோ; விஞ்ஞாணபச்சயா நாமம், நாமபச்சயாபி விஞ்ஞாணம்; நாமபச்சயா ச²ட்டா²யதனம், ச²ட்டா²யதனபச்சயாபி நாமம்; ச²ட்டா²யதனபச்சயா ப²ஸ்ஸோ, ப²ஸ்ஸபச்சயாபி ச²ட்டா²யதனம்; ப²ஸ்ஸபச்சயா வேத³னா, வேத³னாபச்சயாபி ப²ஸ்ஸோ; வேத³னாபச்சயா தண்ஹா, தண்ஹாபச்சயாபி வேத³னா; தண்ஹாபச்சயா உபாதா³னம், உபாதா³னபச்சயாபி தண்ஹா; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

273. தத்த² கதமா அவிஜ்ஜா? யம் அஞ்ஞாணம் அத³ஸ்ஸனம்…பே… அவிஜ்ஜாலங்கீ³ மோஹோ அகுஸலமூலம் – அயம் வுச்சதி ‘‘அவிஜ்ஜா’’.

தத்த² கதமோ அவிஜ்ஜாபச்சயா ஸங்கா²ரோ? யா சேதனா ஸஞ்சேதனா ஸஞ்சேதயிதத்தம் – அயம் வுச்சதி ‘‘அவிஜ்ஜாபச்சயா ஸங்கா²ரோ’’.

தத்த² கதமா ஸங்கா²ரபச்சயாபி அவிஜ்ஜா? யம் அஞ்ஞாணம் அத³ஸ்ஸனம்…பே… அவிஜ்ஜாலங்கீ³ மோஹோ அகுஸலமூலம் – அயம் வுச்சதி ‘‘ஸங்கா²ரபச்சயாபி அவிஜ்ஜா’’.

தத்த² கதமம் ஸங்கா²ரபச்சயா விஞ்ஞாணம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ஸங்கா²ரபச்சயா விஞ்ஞாணம்.

தத்த² கதமோ விஞ்ஞாணபச்சயாபி ஸங்கா²ரோ? யா சேதனா ஸஞ்சேதனா ஸஞ்சேதயிதத்தம் – அயம் வுச்சதி ‘‘விஞ்ஞாணபச்சயாபி ஸங்கா²ரோ’’.

தத்த² கதமம் விஞ்ஞாணபச்சயா நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘விஞ்ஞாணபச்சயா நாமம்’’.

தத்த² கதமம் நாமபச்சயாபி விஞ்ஞாணம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘நாமபச்சயாபி விஞ்ஞாணம்’’.

தத்த² கதமம் நாமபச்சயா ச²ட்டா²யதனம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘நாமபச்சயா ச²ட்டா²யதனம்’’.

தத்த² கதமம் ச²ட்டா²யதனபச்சயாபி நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘ச²ட்டா²யதனபச்சயாபி நாமம்’’.

தத்த² கதமோ ச²ட்டா²யதனபச்சயா ப²ஸ்ஸோ? யோ ப²ஸ்ஸோ பு²ஸனா ஸம்பு²ஸனா ஸம்பு²ஸிதத்தம் – அயம் வுச்சதி ‘‘ச²ட்டா²யதனபச்சயா ப²ஸ்ஸோ’’.

தத்த² கதமம் ப²ஸ்ஸபச்சயாபி ச²ட்டா²யதனம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘ப²ஸ்ஸபச்சயாபி ச²ட்டா²யதனம்’’.

தத்த² கதமா ப²ஸ்ஸபச்சயா வேத³னா? யம் சேதஸிகம் ஸாதம் சேதஸிகம் ஸுக²ம் சேதோஸம்ப²ஸ்ஸஜம் ஸாதம் ஸுக²ம் வேத³யிதம் சேதோஸம்ப²ஸ்ஸஜா ஸாதா ஸுகா² வேத³னா – அயம் வுச்சதி ‘‘ப²ஸ்ஸபச்சயா வேத³னா’’.

தத்த² கதமோ வேத³னாபச்சயாபி ப²ஸ்ஸோ? யோ ப²ஸ்ஸோ பு²ஸனா ஸம்பு²ஸனா ஸம்பு²ஸிதத்தம் – அயம் வுச்சதி ‘‘வேத³னாபச்சயாபி ப²ஸ்ஸோ’’.

தத்த² கதமா வேத³னாபச்சயா தண்ஹா? யோ ராகோ³ ஸாராகோ³…பே… சித்தஸ்ஸ ஸாராகோ³ – அயம் வுச்சதி ‘‘வேத³னாபச்சயா தண்ஹா’’.

தத்த² கதமா தண்ஹாபச்சயாபி வேத³னா? யம் சேதஸிகம் ஸாதம் சேதஸிகம் ஸுக²ம் சேதோஸம்ப²ஸ்ஸஜம் ஸாதம் ஸுக²ம் வேத³யிதம் சேதோஸம்ப²ஸ்ஸஜா ஸாதா ஸுகா² வேத³னா – அயம் வுச்சதி ‘‘தண்ஹாபச்சயாபி வேத³னா’’.

தத்த² கதமம் தண்ஹாபச்சயா உபாதா³னம்? யா தி³ட்டி² தி³ட்டி²க³தம்…பே… தித்தா²யதனம் விபரியாஸக்³கா³ஹோ – இத³ம் வுச்சதி ‘‘தண்ஹாபச்சயா உபாதா³னம்’’.

தத்த² கதமா உபாதா³னபச்சயாபி தண்ஹா? யோ ராகோ³…பே… சித்தஸ்ஸ ஸாராகோ³ – அயம் வுச்சதி ‘‘உபாதா³னபச்சயாபி தண்ஹா’’.

தத்த² கதமோ உபாதா³னபச்சயா ப⁴வோ? ட²பேத்வா உபாதா³னம், வேத³னாக்க²ந்தோ⁴ ஸஞ்ஞாக்க²ந்தோ⁴ ஸங்கா²ரக்க²ந்தோ⁴ விஞ்ஞாணக்க²ந்தோ⁴ – அயம் வுச்சதி ‘‘உபாதா³னபச்சயா ப⁴வோ’’.

தத்த² கதமா ப⁴வபச்சயா ஜாதி? யா தேஸம் தேஸம் த⁴ம்மானம் ஜாதி ஸஞ்ஜாதி நிப்³ப³த்தி அபி⁴னிப்³ப³தி பாதுபா⁴வோ – அயம் வுச்சதி ‘‘ப⁴வபச்சயா ஜாதி’’.

தத்த² கதமம் ஜாதிபச்சயா ஜராமரணம்? அத்தி² ஜரா, அத்தி² மரணம். தத்த² கதமா ஜரா? யா தேஸம் தேஸம் த⁴ம்மானம் ஜரா ஜீரணதா ஆயுனோ ஸம்ஹானி – அயம் வுச்சதி ‘‘ஜரா’’. தத்த² கதமம் மரணம்? யோ தேஸம் தேஸம் த⁴ம்மானம் க²யோ வயோ பே⁴தோ³ பரிபே⁴தோ³ அனிச்சதா அந்தரதா⁴னம் – இத³ம் வுச்சதி ‘‘மரணம்’’. இதி அயஞ்ச ஜரா, இத³ஞ்ச மரணம். இத³ம் வுச்சதி ‘‘ஜாதிபச்சயா ஜராமரணம்’’.

ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதீதி. ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸங்க³தி ஹோதி, ஸமாக³மோ ஹோதி, ஸமோதா⁴னம் ஹோதி, பாதுபா⁴வோ ஹோதி. தேன வுச்சதி ‘‘ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதீ’’தி.

274. தஸ்மிம் ஸமயே அவிஜ்ஜாபச்சயா ஸங்கா²ரோ, ஸங்கா²ரபச்சயாபி அவிஜ்ஜா; ஸங்கா²ரபச்சயா விஞ்ஞாணம், விஞ்ஞாணபச்சயாபி ஸங்கா²ரோ; விஞ்ஞாணபச்சயா நாமம், நாமபச்சயாபி விஞ்ஞாணம்; நாமபச்சயா ப²ஸ்ஸோ, ப²ஸ்ஸபச்சயாபி நாமம்; ப²ஸ்ஸபச்சயா வேத³னா, வேத³னாபச்சயாபி ப²ஸ்ஸோ; வேத³னாபச்சயா தண்ஹா, தண்ஹாபச்சயாபி வேத³னா; தண்ஹாபச்சயா உபாதா³னம், உபாதா³னபச்சயாபி தண்ஹா; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

275. தத்த² கதமா அவிஜ்ஜா? யம் அஞ்ஞாணம் அத³ஸ்ஸனம்…பே… அவிஜ்ஜாலங்கீ³ மோஹோ அகுஸலமூலம் – அயம் வுச்சதி ‘‘அவிஜ்ஜா’’.

தத்த² கதமம் ஸங்கா²ரபச்சயா விஞ்ஞாணம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘ஸங்கா²ரபச்சயா விஞ்ஞாணம்’’.

நாமபச்சயா ப²ஸ்ஸோதி. தத்த² கதமம் நாமம்? ட²பேத்வா ப²ஸ்ஸம், வேத³னாக்க²ந்தோ⁴ ஸஞ்ஞாக்க²ந்தோ⁴ ஸங்கா²ரக்க²ந்தோ⁴ விஞ்ஞாணக்க²ந்தோ⁴ – இத³ம் வுச்சதி ‘‘நாமம்’’.

தத்த² கதமோ நாமபச்சயா ப²ஸ்ஸோ? யோ ப²ஸ்ஸோ பு²ஸனா ஸம்பு²ஸனா ஸம்பு²ஸிதத்தம் – அயம் வுச்சதி ‘‘நாமபச்சயா ப²ஸ்ஸோ’’.

தத்த² கதமம் ப²ஸ்ஸபச்சயாபி நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இத³ம் வுச்சதி ‘‘ப²ஸ்ஸபச்சயாபி நாமம்’’…பே… தேன வுச்சதி ‘‘ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதீ’’தி.

276. தஸ்மிம் ஸமயே அவிஜ்ஜாபச்சயா ஸங்கா²ரோ, ஸங்கா²ரபச்சயாபி அவிஜ்ஜா; ஸங்கா²ரபச்சயா விஞ்ஞாணம், விஞ்ஞாணபச்சயாபி ஸங்கா²ரோ; விஞ்ஞாணபச்சயா நாமரூபம், நாமரூபபச்சயாபி விஞ்ஞாணம்; நாமரூபபச்சயா ச²ட்டா²யதனம், ச²ட்டா²யதனபச்சயாபி நாமரூபம்; ச²ட்டா²யதனபச்சயா ப²ஸ்ஸோ, ப²ஸ்ஸபச்சயாபி ச²ட்டா²யதனம்; ப²ஸ்ஸபச்சயா வேத³னா, வேத³னாபச்சயாபி ப²ஸ்ஸோ; வேத³னாபச்சயா தண்ஹா, தண்ஹாபச்சயாபி வேத³னா; தண்ஹாபச்சயா உபாதா³னம், உபாதா³னபச்சயாபி தண்ஹா; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

277. தத்த² கதமா அவிஜ்ஜா? யம் அஞ்ஞாணம் அத³ஸ்ஸனம்…பே… அவிஜ்ஜாலங்கீ³ மோஹோ அகுஸமூலம் – அயம் வுச்சதி ‘‘அவிஜ்ஜா’’.

தத்த² கதமோ அவிஜ்ஜாபச்சயா ஸங்கா²ரோ? யா சேதனா ஸஞ்சேதனா ஸஞ்சேதயிதத்தம் – அயம் வுச்சதி ‘‘அவிஜ்ஜாபச்சயா ஸங்கா²ரோ.

தத்த² கதமம் விஞ்ஞாணபச்சயா நாமரூபம்? அத்தி² நாமம், அத்தி² ரூபம். தத்த² கதமம் நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘நாமம்’’. தத்த² கதமம் ரூபம்? சக்கா²யதனஸ்ஸ உபசயோ, ஸோதாயதனஸ்ஸ உபசயோ, கா⁴னாயதனஸ்ஸ உபசயோ, ஜிவ்ஹாயதனஸ்ஸ உபசயோ, காயாயதனஸ்ஸ உபசயோ, யம் வா பனஞ்ஞம்பி அத்தி² ரூபம் சித்தஜம் சித்தஹேதுகம் சித்தஸமுட்டா²னம் – இத³ம் வுச்சதி ‘‘ரூபம்’’. இதி இத³ஞ்ச நாமம், இத³ஞ்ச ரூபம். இத³ம் வுச்சதி ‘‘விஞ்ஞாணபச்சயா நாமரூபம்’’.

நாமரூபபச்சயாபி விஞ்ஞாணந்தி. அத்தி² நாமம், அத்தி² ரூபம். தத்த² கதமம் நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘நாமம்’’. தத்த² கதமம் ரூபம்? யம் ரூபம் நிஸ்ஸாய மனோவிஞ்ஞாணதா⁴து வத்ததி – இத³ம் வுச்சதி ‘‘ரூபம்’’. இதி இத³ஞ்ச நாமம், இத³ஞ்ச ரூபம். இத³ம் வுச்சதி ‘‘நாமரூபம்’’.

தத்த² கதமம் நாமரூபபச்சயாபி விஞ்ஞாணம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘நாமரூபபச்சயாபி விஞ்ஞாணம்’’.

நாமரூபபச்சயா ச²ட்டா²யதனந்தி. அத்தி² நாமம், அத்தி² ரூபம். தத்த² கதமம் நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘நாமம்’’. தத்த² கதமம் ரூபம்? யம் ரூபம் நிஸ்ஸாய மனோவிஞ்ஞாணதா⁴து வத்ததி – இத³ம் வுச்சதி ‘‘ரூபம்’’. இதி இத³ஞ்ச நாமம், இத³ஞ்ச ரூபம். இத³ம் வுச்சதி ‘‘நாமரூபம்’’.

தத்த² கதமம் நாமரூபபச்சயா ச²ட்டா²யதனம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘நாமரூபபச்சயா ச²ட்டா²யதனம்’’.

தத்த² கதமம் ச²ட்டா²யதனபச்சயாபி நாமரூபம்? அத்தி² நாமம், அத்தி² ரூபம். தத்த² கதமம் நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘நாமம்’’. தத்த² கதமம் ரூபம்? சக்கா²யதனஸ்ஸ உபசயோ, ஸோதாயதனஸ்ஸ உபசயோ, கா⁴னாயதனஸ்ஸ உபசயோ, ஜிவ்ஹாயதனஸ்ஸ உபசயோ, காயாயதனஸ்ஸ உபசயோ, யம் வா பனஞ்ஞம்பி அத்தி² ரூபம் சித்தஜம் சித்தஹேதுகம் சித்தஸமுட்டா²னம் – இத³ம் வுச்சதி ‘‘ரூபம்’’. இதி இத³ஞ்ச நாமம், இத³ஞ்ச ரூபம். இத³ம் வுச்சதி ‘‘ச²ட்டா²யதனபச்சயாபி நாமரூபம்’’.

தத்த² கதமம் ப²ஸ்ஸபச்சயாபி ச²ட்டா²யதனம்? யம் சித்தம் மனோ மானஸம்…பே… தஜ்ஜாமனோவிஞ்ஞாணதா⁴து – இத³ம் வுச்சதி ‘‘ப²ஸ்ஸபச்சயாபி ச²ட்டா²யதனம்’’…பே… தேன வுச்சதி ‘‘ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதீ’’தி.

278. தஸ்மிம் ஸமயே அவிஜ்ஜாபச்சயா ஸங்கா²ரோ, ஸங்கா²ரபச்சயாபி அவிஜ்ஜா; ஸங்கா²ரபச்சயா விஞ்ஞாணம், விஞ்ஞாணபச்சயாபி ஸங்கா²ரோ; விஞ்ஞாணபச்சயா நாமரூபம், நாமரூபபச்சயாபி விஞ்ஞாணம்; நாமரூபபச்சயா ஸளாயதனம், ச²ட்டா²யதனபச்சயாபி நாமரூபம்; ச²ட்டா²யதனபச்சயா ப²ஸ்ஸோ, ப²ஸ்ஸபச்சயாபி ச²ட்டா²யதனம்; ப²ஸ்ஸபச்சயா வேத³னா, வேத³னாபச்சயாபி ப²ஸ்ஸோ; வேத³னாபச்சயா தண்ஹா, தண்ஹாபச்சயாபி வேத³னா; தண்ஹாபச்சயா உபாதா³னம், உபாதா³னபச்சயாபி தண்ஹா; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

279. தத்த² கதமா அவிஜ்ஜா? யம் அஞ்ஞாணம் அத³ஸ்ஸனம்…பே… அவிஜ்ஜாலங்கீ³ மோஹோ அகுஸலமூலம் – அயம் வுச்சதி ‘‘அவிஜ்ஜா’’.

தத்த² கதமம் விஞ்ஞாணபச்சயா நாமரூபம்? அத்தி² நாமம், அத்தி² ரூபம். தத்த² கதமம் நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி நாமம். தத்த² கதமம் ரூபம்? சக்கா²யதனஸ்ஸ உபசயோ, ஸோதாயதனஸ்ஸ உபசயோ, கா⁴னாயதனஸ்ஸ உபசயோ, ஜிவ்ஹாயதனஸ்ஸ உபசயோ, காயாயதனஸ்ஸ உபசயோ, யம் வா பனஞ்ஞம்பி அத்தி² ரூபம் சித்தஜம் சித்தஹேதுகம் சித்தஸமுட்டா²னம் – இத³ம் வுச்சதி ‘‘ரூபம்’’. இதி இத³ஞ்ச நாமம், இத³ஞ்ச ரூபம். இத³ம் வுச்சதி ‘‘விஞ்ஞாணபச்சயா நாமரூபம்’’.

நாமரூபபச்சயா ஸளாயதனந்தி. அத்தி² நாமம், அத்தி² ரூபம். தத்த² கதமம் நாமம்? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ம் வுச்சதி ‘‘நாமம்’’. தத்த² கதமம் ரூபம்? சத்தாரோ ச மஹாபூ⁴தா, யஞ்ச ரூபம் நிஸ்ஸாய மனோவிஞ்ஞாணதா⁴து வத்ததி – இத³ம் வுச்சதி ‘‘ரூபம்’’. இதி இத³ஞ்ச நாமம், இத³ஞ்ச ரூபம். இத³ம் வுச்சதி ‘‘நாமரூபம்’’.

தத்த² கதமம் நாமரூபபச்சயா ஸளாயதனம்? சக்கா²யதனம், ஸோதாயதனம், கா⁴னாயதனம், ஜிவ்ஹாயதனம், காயாயதனம், மனாயதனம் – இத³ம் வுச்சதி ‘‘நாமரூபபச்சயா ஸளாயதனம்’’.

அஞ்ஞமஞ்ஞசதுக்கம்.