4. கிரியவாரோ

743. திஸ்ஸோ படிஸம்பி⁴தா³ – அத்த²படிஸம்பி⁴தா³, நிருத்திபடிஸம்பி⁴தா³, படிபா⁴னபடிஸம்பி⁴தா³.

கதமே த⁴ம்மா அப்³யாகதா? யஸ்மிம் ஸமயே மனோதா⁴து உப்பன்னா ஹோதி கிரியா நேவ குஸலா நாகுஸலா ந ச கம்மவிபாகா உபேக்கா²ஸஹக³தா ரூபாரம்மணா வா…பே… போ²ட்ட²ப்³பா³ரம்மணா வா யம் யம் வா பனாரப்³ப⁴, தஸ்மிம் ஸமயே ப²ஸ்ஸோ ஹோதி, வேத³னா ஹோதி, ஸஞ்ஞா ஹோதி, சேதனா ஹோதி, சித்தம் ஹோதி, விதக்கோ ஹோதி, விசாரோ ஹோதி, உபேக்கா² ஹோதி, சித்தஸ்ஸேகக்³க³தா ஹோதி, மனிந்த்³ரியம் ஹோதி, உபேக்கி²ந்த்³ரியம் ஹோதி, ஜீவிதிந்த்³ரியம் ஹோதி, யே வா பன தஸ்மிம் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா. இமே த⁴ம்மா அப்³யாகதா. இமேஸு த⁴ம்மேஸு ஞாணம் அத்த²படிஸம்பி⁴தா³. யாய நிருத்தியா தேஸம் த⁴ம்மானம் பஞ்ஞத்தி ஹோதி தத்ர த⁴ம்மனிருத்தாபி⁴லாபே ஞாணம் நிருத்திபடிஸம்பி⁴தா³. யேன ஞாணேன தானி ஞாணானி ஜானாதி – ‘‘இமானி ஞாணானி இத³மத்த²ஜோதகானீ’’தி, ஞாணேஸு ஞாணம் படிபா⁴னபடிஸம்பி⁴தா³.

744. திஸ்ஸோ படிஸம்பி⁴தா³ – அத்த²படிஸம்பி⁴தா³, நிருத்திபடிஸம்பி⁴தா³, படிபா⁴னபடிஸம்பி⁴தா³.

கதமே த⁴ம்மா அப்³யாகதா? யஸ்மிம் ஸமயே மனோவிஞ்ஞாணதா⁴து உப்பன்னா ஹோதி கிரியா நேவ குஸலா நாகுஸலா ந ச கம்மவிபாகா ஸோமனஸ்ஸஸஹக³தா ரூபாரம்மணா வா…பே… த⁴ம்மாரம்மணா வா…பே… மனோவிஞ்ஞாணதா⁴து உப்பன்னா ஹோதி கிரியா நேவ குஸலா நாகுஸலா ந ச கம்மவிபாகா உபேக்கா²ஸஹக³தா ரூபாரம்மணா வா…பே… த⁴ம்மாரம்மணா வா யம் யம் வா பனாரப்³ப⁴, தஸ்மிம் ஸமயே ப²ஸ்ஸோ ஹோதி, வேத³னா ஹோதி, ஸஞ்ஞா ஹோதி, சேதனா ஹோதி, சித்தம் ஹோதி, விதக்கோ ஹோதி, விசாரோ ஹோதி, உபேக்கா² ஹோதி, சித்தஸ்ஸேகக்³க³தா ஹோதி, வீரியிந்த்³ரியம் ஹோதி, ஸமாதி⁴ந்த்³ரியம் ஹோதி, மனிந்த்³ரியம் ஹோதி, உபேக்கி²ந்த்³ரியம் ஹோதி, ஜீவிதிந்த்³ரியம் ஹோதி, யே வா பன தஸ்மிம் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா. இமே த⁴ம்மா அப்³யாகதா. இமேஸு த⁴ம்மேஸு ஞாணம் அத்த²படிஸம்பி⁴தா³. யாய நிருத்தியா தேஸம் த⁴ம்மானம் பஞ்ஞத்தி ஹோதி தத்ர த⁴ம்மனிருத்தாபி⁴லாபே ஞாணம் நிருத்திபடிஸம்பி⁴தா³. யேன ஞாணேன தானி ஞாணானி ஜானாதி – ‘‘இமானி ஞாணானி இத³மத்த²ஜோதகானீ’’தி, ஞாணேஸு ஞாணம் படிபா⁴னபடிஸம்பி⁴தா³.

745. திஸ்ஸோ படிஸம்பி⁴தா³ – அத்த²படிஸம்பி⁴தா³, நிருத்திபடிஸம்பி⁴தா³, படிபா⁴னபடிஸம்பி⁴தா³.

கதமே த⁴ம்மா அப்³யாகதா? யஸ்மிம் ஸமயே மனோவிஞ்ஞாணதா⁴து உப்பன்னா ஹோதி கிரியா நேவ குஸலா நாகுஸலா ந ச கம்மவிபாகா ஸோமனஸ்ஸஸஹக³தா ஞாணஸம்பயுத்தா…பே… ஸோமனஸ்ஸஸஹக³தா ஞாணஸம்பயுத்தா ஸஸங்கா²ரேன…பே… ஸோமனஸ்ஸஸஹக³தா ஞாணவிப்பயுத்தா…பே… ஸோமனஸ்ஸஸஹக³தா ஞாணவிப்பயுத்தா ஸஸங்கா²ரேன…பே… உபேக்கா²ஸஹக³தா ஞாணஸம்பயுத்தா…பே… உபேக்கா²ஸஹக³தா ஞாணஸம்பயுத்தா ஸஸங்கா²ரேன…பே… உபேக்கா²ஸஹக³தா ஞாணவிப்பயுத்தா…பே… உபேக்கா²ஸஹக³தா ஞாணவிப்பயுத்தா ஸஸங்கா²ரேன…பே… ரூபாவசரம் ஜா²னம் பா⁴வேதி…பே… அரூபாவசரம் ஜா²னம் பா⁴வேதி கிரியம் நேவ குஸலம் நாகுஸலம் ந ச கம்மவிபாகம் தி³ட்ட²த⁴ம்மஸுக²விஹாரம்…பே… ஸப்³ப³ஸோ ஆகிஞ்சஞ்ஞாயதனம் ஸமதிக்கம்ம நேவஸஞ்ஞானாஸஞ்ஞாயதனஸஞ்ஞாஸஹக³தம் ஸுக²ஸ்ஸ ச பஹானா…பே… சதுத்த²ம் ஜா²னம் உபஸம்பஜ்ஜ விஹரதி, தஸ்மிம் ஸமயே ப²ஸ்ஸோ ஹோதி…பே… அவிக்கே²போ ஹோதி. இமே த⁴ம்மா அப்³யாகதா. இமேஸு த⁴ம்மேஸு ஞாணம் அத்த²படிஸம்பி⁴தா³. யாய நிருத்தியா தேஸம் த⁴ம்மானம் பஞ்ஞத்தி ஹோதி தத்ர த⁴ம்மனிருத்தாபி⁴லாபே ஞாணம் நிருத்திபடிஸம்பி⁴தா³. யேன ஞாணேன தானி ஞாணானி ஜானாதி – ‘‘இமானி ஞாணானி இத³மத்த²ஜோதகானீ’’தி, ஞாணேஸு ஞாணம் படிபா⁴னபடிஸம்பி⁴தா³.

746. சதஸ்ஸோ படிஸம்பி⁴தா³ – அத்த²படிஸம்பி⁴தா³, த⁴ம்மபடிஸம்பி⁴தா³, நிருத்திபடிஸம்பி⁴தா³, படிபா⁴னபடிஸம்பி⁴தா³. திஸ்ஸோ படிஸம்பி⁴தா³ காமாவசரகுஸலதோ சதூஸு ஞாணஸம்பயுத்தேஸு சித்துப்பாதே³ஸு, கிரியதோ சதூஸு ஞாணஸம்பயுத்தேஸு சித்துப்பாதே³ஸு உப்பஜ்ஜந்தி. அத்த²படிஸம்பி⁴தா³ ஏதேஸு சேவ உப்பஜ்ஜதி, சதூஸு மக்³கே³ஸு சதூஸு ப²லேஸு ச உப்பஜ்ஜதி.

அபி⁴த⁴ம்மபா⁴ஜனீயம்.