3. பஞ்ஹாபுச்ச²கம்

747. சதஸ்ஸோ படிஸம்பி⁴தா³ – அத்த²படிஸம்பி⁴தா³, த⁴ம்மபடிஸம்பி⁴தா³, நிருத்திபடிஸம்பி⁴தா³, படிபா⁴னபடிஸம்பி⁴தா³.

748. சதுன்னம் படிஸம்பி⁴தா³னம் கதி குஸலா, கதி அகுஸலா, கதி அப்³யாகதா…பே… கதி ஸரணா, கதி அரணா?

1. திகம்

749. ஸியா குஸலா, ஸியா அப்³யாகதா. ஸியா ஸுகா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா. திஸ்ஸோ படிஸம்பி⁴தா³ ஸியா விபாகத⁴ம்மத⁴ம்மா, ஸியா நேவவிபாகனவிபாகத⁴ம்மத⁴ம்மா; அத்த²படிஸம்பி⁴தா³ ஸியா விபாகா, ஸியா விபாகத⁴ம்மத⁴ம்மா, ஸியா நேவவிபாகனவிபாகத⁴ம்மத⁴ம்மா. திஸ்ஸோ படிஸம்பி⁴தா³ அனுபாதி³ன்னுபாதா³னியா; அத்த²படிஸம்பி⁴தா³ ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா. திஸ்ஸோ படிஸம்பி⁴தா³ அஸம்கிலிட்ட²அஸம்கிலேஸிகா; அத்த²படிஸம்பி⁴தா³ ஸியா அஸம்கிலிட்ட²ஸம்கிலேஸிகா, ஸியா அஸம்கிலிட்ட²அஸம்கிலேஸிகா.

திஸ்ஸோ படிஸம்பி⁴தா³ ஸவிதக்கஸவிசாரா; அத்த²படிஸம்பி⁴தா³ ஸியா ஸவிதக்கஸவிசாரா, ஸியா அவிதக்கவிசாரமத்தா, ஸியா அவிதக்கஅவிசாரா. ஸியா பீதிஸஹக³தா, ஸியா ஸுக²ஸஹக³தா, ஸியா உபேக்கா²ஸஹக³தா. நேவ த³ஸ்ஸனேன ந பா⁴வனாய பஹாதப்³பா³. நேவ த³ஸ்ஸனேன ந பா⁴வனாய பஹாதப்³ப³ஹேதுகா.

திஸ்ஸோ படிஸம்பி⁴தா³ ஸியா ஆசயகா³மினோ, ஸியா நேவாசயகா³மினாபசயகா³மினோ; அத்த²படிஸம்பி⁴தா³ ஸியா ஆசயகா³மினீ, ஸியா அபசயகா³மினீ, ஸியா நேவாசயகா³மினாபசயகா³மினீ.

திஸ்ஸோ படிஸம்பி⁴தா³ நேவஸேக்க²னாஸேக்கா², அத்த²படிஸம்பி⁴தா³ ஸியா ஸேக்கா², ஸியா அஸேக்கா², ஸியா நேவஸேக்க²னாஸேக்கா². திஸ்ஸோ படிஸம்பி⁴தா³ பரித்தா; அத்த²படிஸம்பி⁴தா³ ஸியா பரித்தா, ஸியா அப்பமாணா. நிருத்திபடிஸம்பி⁴தா³ பரித்தாரம்மணா; திஸ்ஸோ படிஸம்பி⁴தா³ ஸியா பரித்தாரம்மணா, ஸியா மஹக்³க³தாரம்மணா, ஸியா அப்பமாணாரம்மணா.

திஸ்ஸோ படிஸம்பி⁴தா³ மஜ்ஜி²மா; அத்த²படிஸம்பி⁴தா³ ஸியா மஜ்ஜி²மா, ஸியா பணீதா. திஸ்ஸோ படிஸம்பி⁴தா³ அனியதா; அத்த²படிஸம்பி⁴தா³ ஸியா ஸம்மத்தனியதா, ஸியா அனியதா. நிருத்திபடிஸம்பி⁴தா³ ந வத்தப்³பா³ – மக்³கா³ரம்மணாதிபி, மக்³க³ஹேதுகாதிபி, மக்³கா³தி⁴பதினீதிபி; அத்த²படிஸம்பி⁴தா³ ந மக்³கா³ரம்மணா, ஸியா மக்³க³ஹேதுகா, ஸியா மக்³கா³தி⁴பதினீ, ஸியா ந வத்தப்³பா³ மக்³க³ஹேதுகாதிபி, மக்³கா³தி⁴பதினீதிபி; த்³வே படிஸம்பி⁴தா³ ஸியா மக்³கா³ரம்மணா, ந மக்³க³ஹேதுகா, ஸியா மக்³கா³தி⁴பதினோ, ஸியா ந வத்தப்³பா³ மக்³கா³ரம்மணாதிபி, மக்³கா³தி⁴பதினோதிபி.

திஸ்ஸோ படிஸம்பி⁴தா³ ஸியா உப்பன்னா, ஸியா அனுப்பன்னா, ந வத்தப்³பா³ உப்பாதி³னோதி; அத்த²படிஸம்பி⁴தா³ ஸியா உப்பன்னா, ஸியா அனுப்பன்னா, ஸியா உப்பாதி³னீ. ஸியா அதீதா, ஸியா அனாக³தா, ஸியா பச்சுப்பன்னா. நிருத்திபடிஸம்பி⁴தா³ பச்சுப்பன்னாரம்மணா; த்³வே படிஸம்பி⁴தா³ ஸியா அதீதாரம்மணா, ஸியா அனாக³தாரம்மணா, ஸியா பச்சுப்பன்னாரம்மணா; அத்த²படிஸம்பி⁴தா³ ஸியா அதீதாரம்மணா, ஸியா அனாக³தாரம்மணா, ஸியா பச்சுப்பன்னாரம்மணா, ஸியா ந வத்தப்³பா³ அதீதாரம்மணாதிபி, அனாக³தாரம்மணாதிபி, பச்சுப்பன்னாரம்மணாதிபி. ஸியா அஜ்ஜ²த்தா, ஸியா ப³ஹித்³தா⁴, ஸியா அஜ்ஜ²த்தப³ஹித்³தா⁴. நிருத்திபடிஸம்பி⁴தா³ ப³ஹித்³தா⁴ரம்மணா; திஸ்ஸோ படிஸம்பி⁴தா³ ஸியா அஜ்ஜ²த்தாரம்மணா, ஸியா ப³ஹித்³தா⁴ரம்மணா, ஸியா அஜ்ஜ²த்தப³ஹித்³தா⁴ரம்மணா. அனித³ஸ்ஸனஅபடிகா⁴.

2. து³கம்

750. ஹேதூ, ஸஹேதுகா, ஹேதுஸம்பயுத்தா, ஹேதூ சேவ ஸஹேதுகா ச, ஹேதூ சேவ ஹேதுஸம்பயுத்தா ச, ந வத்தப்³பா³ ந ஹேதூ ஸஹேதுகாதிபி, நஹேதூஅஹேதுகாதிபி.

ஸப்பச்சயா, ஸங்க²தா, அனித³ஸ்ஸனா, அப்படிகா⁴, அரூபா, திஸ்ஸோ படிஸம்பி⁴தா³ லோகியா, அத்த²படிஸம்பி⁴தா³ ஸியா லோகியா, ஸியா லோகுத்தரா, கேனசி விஞ்ஞேய்யா, கேனசி ந விஞ்ஞேய்யா.

நோ ஆஸவா. திஸ்ஸோ படிஸம்பி⁴தா³ ஸாஸவா; அத்த²படிஸம்பி⁴தா³ ஸியா ஸாஸவா, ஸியா அனாஸவா. ஆஸவவிப்பயுத்தா. திஸ்ஸோ படிஸம்பி⁴தா³ ந வத்தப்³பா³ ஆஸவா சேவ ஸாஸவா சாதி, ஸாஸவா சேவ நோ ச ஆஸவா; அத்த²படிஸம்பி⁴தா³ ந வத்தப்³பா³ ஆஸவோ [ஆஸவா (ஸீ.) தா⁴துவிப⁴ங்கே³ பன பாட²னானத்தம் நத்தி²] சேவ ஸாஸவா சாதி, ஸியா ஸாஸவா சேவ நோ ச ஆஸவோ [ஆஸவா (ஸீ.) தா⁴துவிப⁴ங்கே³ பன பாட²னானத்தம் நத்தி²], ஸியா ந வத்தப்³பா³ ஸாஸவா சேவ நோ ச ஆஸவாதி. ந வத்தப்³பா³ ஆஸவா சேவ ஆஸவஸம்பயுத்தா சாதிபி, ஆஸவஸம்பயுத்தா சேவ நோ ச ஆஸவாதிபி. திஸ்ஸோ படிஸம்பி⁴தா³ ஆஸவவிப்பயுத்தா ஸாஸவா; அத்த²படிஸம்பி⁴தா³ ஸியா ஆஸவவிப்பயுத்தா ஸாஸவா, ஸியா ஆஸவவிப்பயுத்தா அனாஸவா.

நோ ஸம்யோஜனா…பே… நோ க³ந்தா²…பே… நோ ஓகா⁴…பே… நோ யோகா³…பே… நோ நீவரணா…பே… நோ பராமாஸா…பே… ஸாரம்மணா. நோ சித்தா, சேதஸிகா, சித்தஸம்பயுத்தா, சித்தஸம்ஸட்டா², சித்தஸமுட்டா²னா, சித்தஸஹபு⁴னோ, சித்தானுபரிவத்தினோ. சித்தஸம்ஸட்ட²ஸமுட்டா²னா, சித்தஸம்ஸட்ட²ஸமுட்டா²னஸஹபு⁴னோ, சித்தஸம்ஸட்ட²ஸமுட்டா²னானுபரிவத்தினோ, பா³ஹிரா, நோ உபாதா³, அனுபாதி³ன்னா.

நோ உபாதா³னா…பே… நோ கிலேஸா…பே… ந த³ஸ்ஸனேன பஹாதப்³பா³. ந பா⁴வனாய பஹாதப்³பா³. ந த³ஸ்ஸனேன பஹாதப்³ப³ஹேதுகா. ந பா⁴வனாய பஹாதப்³ப³ஹேதுகா. திஸ்ஸோ படிஸம்பி⁴தா³ ஸவிதக்கா; அத்த²படிஸம்பி⁴தா³ ஸியா ஸவிதக்கா, ஸியா அவிதக்கா. திஸ்ஸோ படிஸம்பி⁴தா³ ஸவிசாரா; அத்த²படிஸம்பி⁴தா³ ஸியா ஸவிசாரா, ஸியா அவிசாரா. ஸியா ஸப்பீதிகா, ஸியா அப்பீதிகா. ஸியா பீதிஸஹக³தா, ஸியா ந பீதிஸஹக³தா. ஸியா ஸுக²ஸஹக³தா, ஸியா ந ஸுக²ஸஹக³தா. ஸியா உபேக்கா²ஸஹக³தா, ஸியா ந உபேக்கா²ஸஹக³தா. திஸ்ஸோ படிஸம்பி⁴தா³ காமாவசரா; அத்த²படிஸம்பி⁴தா³ ஸியா காமாவசரா, ஸியா ந காமாவசரா. ந ரூபாவசரா. ந அரூபாவசரா. திஸ்ஸோ படிஸம்பி⁴தா³ பரியாபன்னா; அத்த²படிஸம்பி⁴தா³ ஸியா பரியாபன்னா, ஸியா அபரியாபன்னா. திஸ்ஸோ படிஸம்பி⁴தா³ அனிய்யானிகா; அத்த²படிஸம்பி⁴தா³ ஸியா நிய்யானிகா, ஸியா அனிய்யானிகா. திஸ்ஸோ படிஸம்பி⁴தா³ அனியதா; அத்த²படிஸம்பி⁴தா³ ஸியா நியதா, ஸியா அனியதா. திஸ்ஸோ படிஸம்பி⁴தா³ ஸஉத்தரா; அத்த²படிஸம்பி⁴தா³ ஸியா ஸஉத்தரா, ஸியா அனுத்தரா. அரணாதி.

பஞ்ஹாபுச்ச²கம்.

படிஸம்பி⁴தா³விப⁴ங்கோ³ நிட்டி²தோ.