2. அபி⁴த⁴ம்மபா⁴ஜனீயம்

1. ரூபாவசரகுஸலம்

623. சத்தாரி ஜா²னானி – பட²மம் ஜா²னம், து³தியம் ஜா²னம், ததியம் ஜா²னம், சதுத்த²ம் ஜா²னம்.

624. தத்த² கதமம் பட²மம் ஜா²னம்? இத⁴ பி⁴க்கு² யஸ்மிம் ஸமயே ரூபூபபத்தியா மக்³க³ம் பா⁴வேதி விவிச்சேவ காமேஹி…பே… பட²மம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே பஞ்சங்கி³கம் ஜா²னம் ஹோதி – விதக்கோ, விசாரோ, பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘பட²மம் ஜா²னம்’’. அவஸேஸா த⁴ம்மா ஜா²னஸம்பயுத்தா.

தத்த² கதமம் து³தியம் ஜா²னம்? இத⁴ பி⁴க்கு² யஸ்மிம் ஸமயே ரூபூபபத்தியா மக்³க³ம் பா⁴வேதி விதக்கவிசாரானம் வூபஸமா…பே… து³தியம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே திவங்கி³கம் ஜா²னம் ஹோதி – பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘து³தியம் ஜா²னம்’’. அவஸேஸா த⁴ம்மா ஜா²னஸம்பயுத்தா.

தத்த² கதமம் ததியம் ஜா²னம்? இத⁴ பி⁴க்கு² யஸ்மிம் ஸமயே ரூபூபபத்தியா மக்³க³ம் பா⁴வேதி பீதியா ச விராகா³…பே… ததியம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே து³வங்கி³கம் ஜா²னம் ஹோதி – ஸுக²ம், சித்தஸ்ஸேகக்³க³தா. இத³ம் வுச்சதி ‘‘ததியம் ஜா²னம்’’. அவஸேஸா த⁴ம்மா ஜா²னஸம்பயுத்தா.

தத்த² கதமம் சதுத்த²ம் ஜா²னம்? இத⁴ பி⁴க்கு² யஸ்மிம் ஸமயே ரூபூபபத்தியா மக்³க³ம் பா⁴வேதி ஸுக²ஸ்ஸ ச பஹானா…பே… சதுத்த²ம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே து³வங்கி³கம் ஜா²னம் ஹோதி – உபேக்கா², சித்தஸ்ஸேகக்³க³தா. இத³ம் வுச்சதி ‘‘சதுத்த²ம் ஜா²னம்’’. அவஸேஸா த⁴ம்மா ஜா²னஸம்பயுத்தா.

சதுக்கம்.

625. இத⁴ பி⁴க்கு² யஸ்மிம் ஸமயே ரூபூபபத்தியா மக்³க³ம் பா⁴வேதி விவிச்சேவ காமேஹி…பே… பட²மம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே பஞ்சங்கி³கம் ஜா²னம் ஹோதி – விதக்கோ, விசாரோ, பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘பட²மம் ஜா²னம்’’. அவஸேஸா த⁴ம்மா ஜா²னஸம்பயுத்தா.

இத⁴ பி⁴க்கு² யஸ்மிம் ஸமயே ரூபூபபத்தியா மக்³க³ம் பா⁴வேதி விவிச்சேவ காமேஹி விவிச்ச அகுஸலேஹி த⁴ம்மேஹி அவிதக்கம் விசாரமத்தம் விவேகஜம் பீதிஸுக²ம் து³தியம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே சதுரங்கி³கம் ஜா²னம் ஹோதி – விசாரோ, பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘து³தியம் ஜா²னம்’’. அவஸேஸா த⁴ம்மா ஜா²னஸம்பயுத்தா.

இத⁴ பி⁴க்கு² யஸ்மிம் ஸமயே ரூபூபபத்தியா மக்³க³ம் பா⁴வேதி விதக்கவிசாரானம் வூபஸமா…பே… ததியம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே திவங்கி³கம் ஜா²னம் ஹோதி – பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘ததியம் ஜா²னம்’’. அவஸேஸா த⁴ம்மா ஜா²னஸம்பயுத்தா.

இத⁴ பி⁴க்கு² யஸ்மிம் ஸமயே ரூபூபபத்தியா மக்³க³ம் பா⁴வேதி பீதியா ச விராகா³…பே… சதுத்த²ம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே து³வங்கி³கம் ஜா²னம் ஹோதி – ஸுக²ம், சித்தஸ்ஸேகக்³க³தா. இத³ம் வுச்சதி ‘‘சதுத்த²ம் ஜா²னம்’’. அவஸேஸா த⁴ம்மா ஜா²னஸம்பயுத்தா.

இத⁴ பி⁴க்கு² யஸ்மிம் ஸமயே ரூபூபபத்தியா மக்³க³ம் பா⁴வேதி ஸுக²ஸ்ஸ ச பஹானா…பே… பஞ்சமம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே து³வங்கி³கம் ஜா²னம் ஹோதி – உபேக்கா², சித்தஸ்ஸேகக்³க³தா. இத³ம் வுச்சதி ‘‘பஞ்சமம் ஜா²னம்’’. அவஸேஸா த⁴ம்மா ஜா²னஸம்பயுத்தா.

பஞ்சகம்.

2. அரூபாவசரகுஸலம்

626. இத⁴ பி⁴க்கு² யஸ்மிம் ஸமயே அரூபூபபத்தியா மக்³க³ம் பா⁴வேதி ஸப்³ப³ஸோ ஆகிஞ்சஞ்ஞாயதனம் ஸமதிக்கம்ம நேவஸஞ்ஞானாஸஞ்ஞாயதனஸஞ்ஞாஸஹக³தம் ஸுக²ஸ்ஸ ச பஹானா…பே… சதுத்த²ம் ஜா²னம் உபஸம்பஜ்ஜ விஹரதி, தஸ்மிம் ஸமயே து³வங்கி³கம் ஜா²னம் ஹோதி – உபேக்கா², சித்தஸ்ஸேகக்³க³தா. இத³ம் வுச்சதி ‘‘சதுத்த²ம் ஜா²னம்’’. அவஸேஸா த⁴ம்மா ஜா²னஸம்பயுத்தா.

3. லோகுத்தரகுஸலம்

627. சத்தாரி ஜா²னானி – பட²மம் ஜா²னம், து³தியம் ஜா²னம், ததியம் ஜா²னம், சதுத்த²ம் ஜா²னம்.

628. தத்த² கதமம் பட²மம் ஜா²னம்? இத⁴ பி⁴க்கு² யஸ்மிம் ஸமயே லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா விவிச்சேவ காமேஹி…பே… பட²மம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே பஞ்சங்கி³கம் ஜா²னம் ஹோதி – விதக்கோ, விசாரோ, பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘பட²மம் ஜா²னம்’’. அவஸேஸா த⁴ம்மா ஜா²னஸம்பயுத்தா.

தத்த² கதமம் து³தியம் ஜா²னம்? இத⁴ பி⁴க்கு² யஸ்மிம் ஸமயே லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா விதக்கவிசாரானம் வூபஸமா…பே… து³தியம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே திவங்கி³கம் ஜா²னம் ஹோதி – பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘து³தியம் ஜா²னம்’’. அவஸேஸா த⁴ம்மா ஜா²னஸம்பயுத்தா.

தத்த² கதமம் ததியம் ஜா²னம்? இத⁴ பி⁴க்கு² யஸ்மிம் ஸமயே லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா பீதியா ச விராகா³…பே… ததியம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே து³வங்கி³கம் ஜா²னம் ஹோதி – ஸுக²ம், சித்தஸ்ஸேகக்³க³தா. இத³ம் வுச்சதி ‘‘ததியம் ஜா²னம்’’. அவஸேஸா த⁴ம்மா ஜா²னஸம்பயுத்தா.

தத்த² கதமம் சதுத்த²ம் ஜா²னம்? இத⁴ பி⁴க்கு² யஸ்மிம் ஸமயே லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா ஸுக²ஸ்ஸ ச பஹானா …பே… சதுத்த²ம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே து³வங்கி³கம் ஜா²னம் ஹோதி – உபேக்கா², சித்தஸ்ஸேகக்³க³தா. இத³ம் வுச்சதி ‘‘சதுத்த²ம் ஜா²னம்’’. அவஸேஸா த⁴ம்மா ஜா²னஸம்பயுத்தா.

சதுக்கம்.

629. இத⁴ பி⁴க்கு² யஸ்மிம் ஸமயே லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா விவிச்சேவ காமேஹி…பே… பட²மம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே பஞ்சங்கி³கம் ஜா²னம் ஹோதி – விதக்கோ, விசாரோ, பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘பட²மம் ஜா²னம்’’. அவஸேஸா த⁴ம்மா ஜா²னஸம்பயுத்தா.

இத⁴ பி⁴க்கு² யஸ்மிம் ஸமயே லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா விவிச்சேவ காமேஹி விவிச்ச அகுஸலேஹி த⁴ம்மேஹி அவிதக்கம் விசாரமத்தம் விவேகஜம் பீதிஸுக²ம் து³தியம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே சதுரங்கி³கம் ஜா²னம் ஹோதி விசாரோ பீதி ஸுக²ம் சித்தஸ்ஸேகக்³க³தா. இத³ம் வுச்சதி ‘‘து³தியம் ஜா²னம்’’. அவஸேஸா த⁴ம்மா ஜா²னஸம்பயுத்தா.

இத⁴ பி⁴க்கு² யஸ்மிம் ஸமயே லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா விதக்கவிசாரானம் வூபஸமா…பே… ததியம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே திவங்கி³கம் ஜா²னம் ஹோதி – பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘ததியம் ஜா²னம்’’. அவஸேஸா த⁴ம்மா ஜா²னஸம்பயுத்தா.

இத⁴ பி⁴க்கு² யஸ்மிம் ஸமயே லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா பீதியா ச விராகா³…பே… சதுத்த²ம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே து³வங்கி³கம் ஜா²னம் ஹோதி – ஸுக²ம், சித்தஸ்ஸேகக்³க³தா. இத³ம் வுச்சதி ‘‘சதுத்த²ம் ஜா²னம்’’. அவஸேஸா த⁴ம்மா ஜா²னஸம்பயுத்தா.

இத⁴ பி⁴க்கு² யஸ்மிம் ஸமயே லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா ஸுக²ஸ்ஸ ச பஹானா…பே… பஞ்சமம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே து³வங்கி³கம் ஜா²னம் ஹோதி – உபேக்கா², சித்தஸ்ஸேகக்³க³தா. இத³ம் வுச்சதி ‘‘பஞ்சமம் ஜா²னம்’’. அவஸேஸா த⁴ம்மா ஜா²னஸம்பயுத்தா.

பஞ்சகம்.

4. ரூபாவசரவிபாகா

630. சத்தாரி ஜா²னானி – பட²மம் ஜா²னம், து³தியம் ஜா²னம், ததியம் ஜா²னம், சதுத்த²ம் ஜா²னம்.

631. தத்த² கதமம் பட²மம் ஜா²னம்? இத⁴ பி⁴க்கு² யஸ்மிம் ஸமயே ரூபூபபத்தியா மக்³க³ம் பா⁴வேதி விவிச்சேவ காமேஹி…பே… பட²மம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே ப²ஸ்ஸோ ஹோதி…பே… அவிக்கே²போ ஹோதி. இமே த⁴ம்மா குஸலா. தஸ்ஸேவ ரூபாவசரஸ்ஸ குஸலஸ்ஸ கம்மஸ்ஸ கதத்தா உபசிதத்தா விபாகம் விவிச்சேவ காமேஹி…பே… பட²மம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே பஞ்சங்கி³கம் ஜா²னம் ஹோதி – விதக்கோ, விசாரோ, பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘பட²மம் ஜா²னம்’’. அவஸேஸா த⁴ம்மா ஜா²னஸம்பயுத்தா.

தத்த² கதமம் து³தியம் ஜா²னம்? இத⁴ பி⁴க்கு² யஸ்மிம் ஸமயே ரூபூபபத்தியா மக்³க³ம் பா⁴வேதி விதக்கவிசாரானம் வூபஸமா…பே… து³தியம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே ப²ஸ்ஸோ ஹோதி…பே… அவிக்கே²போ ஹோதி. இமே த⁴ம்மா குஸலா. தஸ்ஸேவ ரூபாவசரஸ்ஸ குஸலஸ்ஸ கம்மஸ்ஸ கதத்தா உபசிதத்தா விபாகம் விதக்கவிசாரானம் வூபஸமா…பே… து³தியம் ஜா²னம்…பே… ததியம் ஜா²னம்…பே… சதுத்த²ம் ஜா²னம்…பே… பட²மம் ஜா²னம்…பே… பஞ்சமம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே து³வங்கி³கம் ஜா²னம் ஹோதி – உபேக்கா², சித்தஸ்ஸேகக்³க³தா. இத³ம் வுச்சதி ‘‘பஞ்சமம் ஜா²னம்’’. அவஸேஸா த⁴ம்மா ஜா²னஸம்பயுத்தா…பே….

5. அரூபாவசரவிபாகா

632. இத⁴ பி⁴க்கு² யஸ்மிம் ஸமயே அரூபூபபத்தியா மக்³க³ம் பா⁴வேதி ஸப்³ப³ஸோ ஆகிஞ்சஞ்ஞாயதனம் ஸமதிக்கம்ம நேவஸஞ்ஞானாஸஞ்ஞாயதனஸஞ்ஞாஸஹக³தம் ஸுக²ஸ்ஸ ச பஹானா…பே… சதுத்த²ம் ஜா²னம் உபஸம்பஜ்ஜ விஹரதி, தஸ்மிம் ஸமயே ப²ஸ்ஸோ ஹோதி…பே… அவிக்கே²போ ஹோதி. இமே த⁴ம்மா குஸலா. தஸ்ஸேவ அரூபாவசரஸ்ஸ குஸலஸ்ஸ கம்மஸ்ஸ கதத்தா உபசிதத்தா விபாகம் ஸப்³ப³ஸோ ஆகிஞ்சஞ்ஞாயதனம் ஸமதிக்கம்ம நேவஸஞ்ஞானாஸஞ்ஞாயதனஸஞ்ஞாஸஹக³தம் ஸுக²ஸ்ஸ ச பஹானா…பே… சதுத்த²ம் ஜா²னம் உபஸம்பஜ்ஜ விஹரதி, தஸ்மிம் ஸமயே து³வங்கி³கம் ஜா²னம் ஹோதி – உபேக்கா², சித்தஸ்ஸேகக்³க³தா. இத³ம் வுச்சதி ‘‘சதுத்த²ம் ஜா²னம்’’. அவஸேஸா த⁴ம்மா ஜா²னஸம்பயுத்தா.

6. லோகுத்தரவிபாகா

633. சத்தாரி ஜா²னானி – பட²மம் ஜா²னம், து³தியம் ஜா²னம், ததியம் ஜா²னம், சதுத்த²ம் ஜா²னம்.

634. தத்த² கதமம் பட²மம் ஜா²னம்? இத⁴ பி⁴க்கு² யஸ்மிம் ஸமயே லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா விவிச்சேவ காமேஹி…பே… பட²மம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே ப²ஸ்ஸோ ஹோதி…பே… அவிக்கே²போ ஹோதி. இமே த⁴ம்மா குஸலா. தஸ்ஸேவ லோகுத்தரஸ்ஸ குஸலஸ்ஸ ஜா²னஸ்ஸ கதத்தா பா⁴விதத்தா விபாகம் விவிச்சேவ காமேஹி…பே… பட²மம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம் ஸுஞ்ஞதம், தஸ்மிம் ஸமயே பஞ்சங்கி³கம் ஜா²னம் ஹோதி – விதக்கோ, விசாரோ, பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘பட²மம் ஜா²னம்’’. அவஸேஸா த⁴ம்மா ஜா²னஸம்பயுத்தா.

தத்த² கதமம் து³தியம் ஜா²னம்? இத⁴ பி⁴க்கு² யஸ்மிம் ஸமயே லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா விதக்கவிசாரானம் வூபஸமா…பே… து³தியம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே ப²ஸ்ஸோ ஹோதி…பே… அவிக்கே²போ ஹோதி. இமே த⁴ம்மா குஸலா. தஸ்ஸேவ லோகுத்தரஸ்ஸ குஸலஸ்ஸ ஜா²னஸ்ஸ கதத்தா பா⁴விதத்தா விபாகம் விதக்கவிசாரானம் வூபஸமா…பே… து³தியம் ஜா²னம் …பே… ததியம் ஜா²னம்…பே… சதுத்த²ம் ஜா²னம்…பே… பட²மம் ஜா²னம்…பே… பஞ்சமம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம் ஸுஞ்ஞதம், தஸ்மிம் ஸமயே து³வங்கி³கம் ஜா²னம் ஹோதி – உபேக்கா², சித்தஸ்ஸேகக்³க³தா. இத³ம் வுச்சதி ‘‘பஞ்சமம் ஜா²னம்’’. அவஸேஸா த⁴ம்மா ஜா²னஸம்பயுத்தா.

7. ரூபாரூபாவசரகிரியா

635. சத்தாரி ஜா²னானி – பட²மம் ஜா²னம், து³தியம் ஜா²னம், ததியம் ஜா²னம், சதுத்த²ம் ஜா²னம்.

636. தத்த² கதமம் பட²மம் ஜா²னம்? இத⁴ பி⁴க்கு² யஸ்மிம் ஸமயே ரூபாவசரம் ஜா²னம் பா⁴வேதி கிரியம் நேவ குஸலம் நாகுஸலம் ந ச கம்மவிபாகம் தி³ட்ட²த⁴ம்மஸுக²விஹாரம் விவிச்சேவ காமேஹி…பே… பட²மம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே பஞ்சங்கி³கம் ஜா²னம் ஹோதி – விதக்கோ, விசாரோ, பீதி, ஸுக²ம், சித்தஸ்ஸேகக்³க³தா. இத³ம் வுச்சதி ‘‘பட²மம் ஜா²னம்’’. அவஸேஸா த⁴ம்மா ஜா²னஸம்பயுத்தா.

தத்த² கதமம் து³தியம் ஜா²னம்? இத⁴ பி⁴க்கு² யஸ்மிம் ஸமயே ரூபாவசரம் ஜா²னம் பா⁴வேதி கிரியம் நேவ குஸலம் நாகுஸலம் ந ச கம்மவிபாகம் தி³ட்ட²த⁴ம்மஸுக²விஹாரம் விதக்கவிசாரானம் வூபஸமா…பே… து³தியம் ஜா²னம்…பே… ததியம் ஜா²னம்…பே… சதுத்த²ம் ஜா²னம்…பே… பட²மம் ஜா²னம்…பே… பஞ்சமம் ஜா²னம் உபஸம்பஜ்ஜ விஹரதி பத²வீகஸிணம், தஸ்மிம் ஸமயே து³வங்கி³கம் ஜா²னம் ஹோதி – உபேக்கா², சித்தஸ்ஸேகக்³க³தா. இத³ம் வுச்சதி ‘‘பஞ்சமம் ஜா²னம்’’. அவஸேஸா த⁴ம்மா ஜா²னஸம்பயுத்தா.

637. இத⁴ பி⁴க்கு² யஸ்மிம் ஸமயே அரூபாவசரம் ஜா²னம் பா⁴வேதி கிரியம் நேவ குஸலம் நாகுஸலம் ந ச கம்மவிபாகம் தி³ட்ட²த⁴ம்மஸுக²விஹாரம் ஸப்³ப³ஸோ ஆகிஞ்சஞ்ஞாயதனம் ஸமதிக்கம்ம நேவஸஞ்ஞானாஸஞ்ஞாயதனஸஞ்ஞாஸஹக³தம் ஸுக²ஸ்ஸ ச பஹானா…பே… சதுத்த²ம் ஜா²னம் உபஸம்பஜ்ஜ விஹரதி, தஸ்மிம் ஸமயே து³வங்கி³கம் ஜா²னம் ஹோதி – உபேக்கா², சித்தஸ்ஸேகக்³க³தா. இத³ம் வுச்சதி ‘‘சதுத்த²ம் ஜா²னம்’’. அவஸேஸா த⁴ம்மா ஜா²னஸம்பயுத்தாதி.

அபி⁴த⁴ம்மபா⁴ஜனீயம்.