3. பஞ்ஹாபுச்ச²கம்

482. ஸத்த போ³ஜ்ஜ²ங்கா³ – ஸதிஸம்போ³ஜ்ஜ²ங்கோ³, த⁴ம்மவிசயஸம்போ³ஜ்ஜ²ங்கோ³, வீரியஸம்போ³ஜ்ஜ²ங்கோ³, பீதிஸம்போ³ஜ்ஜ²ங்கோ³, பஸ்ஸத்³தி⁴ஸம்போ³ஜ்ஜ²ங்கோ³, ஸமாதி⁴ஸம்போ³ஜ்ஜ²ங்கோ³, உபேக்கா²ஸம்போ³ஜ்ஜ²ங்கோ³.

483. ஸத்தன்னம் போ³ஜ்ஜ²ங்கா³னம் கதி குஸலா, கதி அகுஸலா, கதி அப்³யாகதா…பே… கதி ஸரணா, கதி அரணா?

1. திகம்

484. ஸியா குஸலா, ஸியா அப்³யாகதா. பீதிஸம்போ³ஜ்ஜ²ங்கோ³ ஸுகா²ய வேத³னாய ஸம்பயுத்தோ; ச² போ³ஜ்ஜ²ங்கா³ ஸியா ஸுகா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா. ஸியா விபாகா, ஸியா விபாகத⁴ம்மத⁴ம்மா. அனுபாதி³ன்னஅனுபாதா³னியா. அஸம்கிலிட்ட²அஸம்கிலேஸிகா. ஸியா ஸவிதக்கஸவிசாரா, ஸியா அவிதக்கவிசாரமத்தா, ஸியா அவிதக்கஅவிசாரா. பீதிஸம்போ³ஜ்ஜ²ங்கோ³ ந பீதிஸஹக³தோ, ஸுக²ஸஹக³தோ, ந உபேக்கா²ஸஹக³தோ; ச² போ³ஜ்ஜ²ங்கா³ ஸியா பீதிஸஹக³தா, ஸியா ஸுக²ஸஹக³தா, ஸியா உபேக்கா²ஸஹக³தா. நேவ த³ஸ்ஸனேன ந பா⁴வனாய பஹாதப்³பா³. நேவ த³ஸ்ஸனேன ந பா⁴வனாய பஹாதப்³ப³ஹேதுகா. ஸியா அபசயகா³மினோ, ஸியா நேவாசயகா³மினாபசயகா³மினோ. ஸியா ஸேக்கா², ஸியா அஸேக்கா². அப்பமாணா. அப்பமாணாரம்மணா. பணீதா. ஸியா ஸம்மத்தனியதா, ஸியா அனியதா. ந மக்³கா³ரம்மணா, ஸியா மக்³க³ஹேதுகா, ஸியா மக்³கா³தி⁴பதினோ; ஸியா ந வத்தப்³பா³ மக்³க³ஹேதுகாதிபி, மக்³கா³தி⁴பதினோதிபி. ஸியா உப்பன்னா, ஸியா அனுப்பன்னா, ஸியா உப்பாதி³னோ. ஸியா அதீதா, ஸியா அனாக³தா, ஸியா பச்சுப்பன்னா. ந வத்தப்³பா³ அதீதாரம்மணாதிபி, அனாக³தாரம்மணாதிபி, பச்சுப்பன்னாரம்மணாதிபி. ஸியா அஜ்ஜ²த்தா, ஸியா ப³ஹித்³தா⁴, ஸியா அஜ்ஜ²த்தப³ஹித்³தா⁴. ப³ஹித்³தா⁴ரம்மணா. அனித³ஸ்ஸனஅப்படிகா⁴.

2. து³கம்

485. த⁴ம்மவிசயஸம்போ³ஜ்ஜ²ங்கோ³ ஹேது, ச² போ³ஜ்ஜ²ங்கா³ ஹேதுஸம்பயுத்தா. த⁴ம்மவிசயஸம்போ³ஜ்ஜ²ங்கோ³ ஹேது சேவ ஸஹேதுகோ ச, ச² போ³ஜ்ஜ²ங்கா³ ந வத்தப்³பா³ ஹேதூ சேவ ஸஹேதுகா சாதி, ஸஹேதுகா சேவ ந ச ஹேதூ. த⁴ம்மவிசயஸம்போ³ஜ்ஜ²ங்கோ³ ஹேது சேவ ஹேதுஸம்பயுத்தோ ச, ச² போ³ஜ்ஜ²ங்கா³ ந வத்தப்³பா³ ஹேதூ சேவ ஹேதுஸம்பயுத்தா சாதி, ஹேதுஸம்பயுத்தா சேவ ந ச ஹேதூ. ச² போ³ஜ்ஜ²ங்கா³ ந ஹேதூ ஸஹேதுகா, த⁴ம்மவிசயஸம்போ³ஜ்ஜ²ங்கோ³ ந வத்தப்³போ³ ந ஹேதுஸஹேதுகோதிபி, ந ஹேதுஅஹேதுகோதிபி. ஸப்பச்சயா. ஸங்க²தா. அனித³ஸ்ஸனா. அப்படிகா⁴. அரூபா. லோகுத்தரா. கேனசி விஞ்ஞேய்யா, கேனசி ந விஞ்ஞேய்யா. நோ ஆஸவா. அனாஸவா ஆஸவவிப்பயுத்தா. ந வத்தப்³பா³ ஆஸவா சேவ ஸாஸவா சாதிபி, ஸாஸவா சேவ நோ ச ஆஸவாதிபி. ஆஸவா சேவ ஆஸவஸம்பயுத்தா சாதிபி, ஆஸவஸம்பயுத்தா சேவ நோ ச ஆஸவாதிபி. ஆஸவவிப்பயுத்தா. அனாஸவா. நோ ஸம்யோஜனா…பே… நோ க³ந்தா²…பே… நோ ஓகா⁴…பே… நோ யோகா³…பே… நோ நீவரணா…பே… நோ பராமாஸா…பே… ஸாரம்மணா. நோ சித்தா. சேதஸிகா. சித்தஸம்பயுத்தா. சித்தஸம்ஸட்டா². சித்தஸமுட்டா²னா. சித்தஸஹபு⁴னோ. சித்தானுபரிவத்தினோ. சித்தஸம்ஸட்ட²ஸமுட்டா²னா. சித்தஸம்ஸட்ட²ஸமுட்டா²னஸஹபு⁴னோ. சித்தஸம்ஸட்ட²ஸமுட்டா²னானுபரிவத்தினோ. பா³ஹிரா. நோ உபாதா³. அனுபாதி³ன்னா. நோ உபாதா³னா…பே… நோ கிலேஸா…பே… ந த³ஸ்ஸனேன பஹாதப்³பா³. ந பா⁴வனாய பஹாதப்³பா³. ந த³ஸ்ஸனேன பஹாதப்³ப³ஹேதுகா. ந பா⁴வனாய பஹாதப்³ப³ஹேதுகா. ஸியா ஸவிதக்கா, ஸியா அவிதக்கா. ஸியா ஸவிசாரா, ஸியா அவிசாரா.

பீதிஸம்போ³ஜ்ஜ²ங்கோ³ அப்பீதிகோ, ச² போ³ஜ்ஜ²ங்கா³ ஸியா ஸப்பீதிகா, ஸியா அப்பீதிகா. பீதிஸம்போ³ஜ்ஜ²ங்கோ³ ந பீதிஸஹக³தோ, ச² போ³ஜ்ஜ²ங்கா³ ஸியா பீதிஸஹக³தா, ஸியா ந பீதிஸஹக³தா. பீதிஸம்போ³ஜ்ஜ²ங்கோ³ ஸுக²ஸஹக³தோ, ச² போ³ஜ்ஜ²ங்கா³ ஸியா ஸுக²ஸஹக³தா, ஸியா ந ஸுக²ஸஹக³தா. பீதிஸம்போ³ஜ்ஜ²ங்கோ³ ந உபேக்கா²ஸஹக³தோ, ச² போ³ஜ்ஜ²ங்கா³ ஸியா உபேக்கா²ஸஹக³தா, ஸியா ந உபேக்கா²ஸஹக³தா. ந காமாவசரா. ந ரூபாவசரா. ந அரூபாவசரா. அபரியாபன்னா. ஸியா நிய்யானிகா, ஸியா அனிய்யானிகா. ஸியா நியதா, ஸியா அனியதா. அனுத்தரா. அரணாதி.

பஞ்ஹாபுச்ச²கம்.

போ³ஜ்ஜ²ங்க³விப⁴ங்கோ³ நிட்டி²தோ.