7. ஸத்தகபுக்³க³லபஞ்ஞத்தி

203. கத²ஞ்ச புக்³க³லோ ஸகிம் நிமுக்³கோ³ நிமுக்³கோ³வ ஹோதி? இதே⁴கச்சோ புக்³க³லோ ஸமன்னாக³தோ ஹோதி ஏகந்தகாளகேஹி அகுஸலேஹி த⁴ம்மேஹி. ஏவம் புக்³க³லோ ஸகிம் நிமுக்³கோ³ நிமுக்³கோ³வ ஹோதி.

கத²ஞ்ச புக்³க³லோ உம்முஜ்ஜித்வா நிமுஜ்ஜதி? இதே⁴கச்சோ புக்³க³லோ உம்முஜ்ஜதி ‘‘ஸாஹு ஸத்³தா⁴ குஸலேஸு த⁴ம்மேஸு, ஸாது⁴ [ஸாஹு (ஸீ. ஸ்யா.) ஏவம் தீஸு டா²னேஸுபி] ஹிரீ குஸலேஸு த⁴ம்மேஸு, ஸாது⁴ ஓத்தப்பம் குஸலேஸு த⁴ம்மேஸு, ஸாது⁴ வீரியம் [விரியம் (ஸீ. ஸ்யா.)] குஸலேஸு த⁴ம்மேஸு, ஸாது⁴ பஞ்ஞா குஸலேஸு த⁴ம்மேஸூ’’தி. தஸ்ஸ ஸா ஸத்³தா⁴ நேவ திட்ட²தி நோ வட்³ட⁴தி ஹாயதியேவ, தஸ்ஸ ஸா ஹிரீ நேவ திட்ட²தி நோ வட்³ட⁴தி ஹாயதியேவ, தஸ்ஸ தம் ஓத்தப்பம் நேவ திட்ட²தி நோ வட்³ட⁴தி ஹாயதியேவ, தஸ்ஸ தம் வீரியம் நேவ திட்ட²தி நோ வட்³ட⁴தி ஹாயதியேவ, தஸ்ஸ ஸா பஞ்ஞா நேவ திட்ட²தி நோ வட்³ட⁴தி ஹாயதியேவ. ஏவம் புக்³க³லோ உம்முஜ்ஜித்வா நிமுஜ்ஜதி.

கத²ஞ்ச புக்³க³லோ உம்முஜ்ஜித்வா டி²தோ ஹோதி? இதே⁴கச்சோ புக்³க³லோ உம்முஜ்ஜதி ‘‘ஸாஹு ஸத்³தா⁴ குஸலேஸு த⁴ம்மேஸு, ஸாது⁴ ஹிரீ குஸலேஸு த⁴ம்மேஸு, ஸாது⁴ ஓத்தப்பம் குஸலேஸு த⁴ம்மேஸு, ஸாது⁴ வீரியம் குஸலேஸு த⁴ம்மேஸு, ஸாது⁴ பஞ்ஞா குஸலேஸு த⁴ம்மேஸூ’’தி. தஸ்ஸ ஸா ஸத்³தா⁴ நேவ ஹாயதி நோ வட்³ட⁴தி டி²தா ஹோதி, தஸ்ஸ ஸா ஹிரீ நேவ ஹாயதி நோ வட்³ட⁴தி டி²தா ஹோதி, தஸ்ஸ தம் ஓத்தப்பம் நேவ ஹாயதி நோ வட்³ட⁴தி டி²தம் ஹோதி, தஸ்ஸ தம் வீரியம் நேவ ஹாயதி நோ வட்³ட⁴தி டி²தம் ஹோதி, தஸ்ஸ ஸா பஞ்ஞா நேவ ஹாயதி நோ வட்³ட⁴தி டி²தா ஹோதி. ஏவம் புக்³க³லோ உம்முஜ்ஜித்வா டி²தோ ஹோதி.

கத²ஞ்ச புக்³க³லோ உம்முஜ்ஜித்வா விபஸ்ஸதி விலோகேதி? இதே⁴கச்சோ புக்³க³லோ உம்முஜ்ஜதி ‘‘ஸாஹு ஸத்³தா⁴ குஸலேஸு த⁴ம்மேஸு, ஸாது⁴ ஹிரீ குஸலேஸு த⁴ம்மேஸு, ஸாது⁴ ஓத்தப்பம் குஸலேஸு த⁴ம்மேஸு, ஸாது⁴ வீரியம் குஸலேஸு த⁴ம்மேஸு, ஸாது⁴ பஞ்ஞா குஸலேஸு த⁴ம்மேஸூ’’தி. ஸோ திண்ணம் ஸம்யோஜனானம் பரிக்க²யா ஸோதாபன்னோ ஹோதி அவினிபாதத⁴ம்மோ நியதோ ஸம்போ³தி⁴பராயனோ. ஏவம் புக்³க³லோ உம்முஜ்ஜித்வா விபஸ்ஸதி விலோகேதி.

கத²ஞ்ச புக்³க³லோ உம்முஜ்ஜித்வா பதரதி? இதே⁴கச்சோ புக்³க³லோ உம்முஜ்ஜதி ‘‘ஸாஹு ஸத்³தா⁴ குஸலேஸு த⁴ம்மேஸு, ஸாது⁴ ஹிரீ குஸலேஸு த⁴ம்மேஸு, ஸாது⁴ ஓத்தப்பம் குஸலேஸு த⁴ம்மேஸு, ஸாது⁴ வீரியம் குஸலேஸு த⁴ம்மேஸு, ஸாது⁴ பஞ்ஞா குஸலேஸு த⁴ம்மேஸூ’’தி. ஸோ திண்ணம் ஸம்யோஜனானம் பரிக்க²யா ராக³தோ³ஸமோஹானம் தனுத்தா ஸகதா³கா³மீ ஹோதி ஸகிதே³வ இமம் லோகம் ஆக³ந்த்வா து³க்க²ஸ்ஸந்தகரோ ஹோதி. ஏவம் புக்³க³லோ உம்முஜ்ஜித்வா பதரதி.

கத²ஞ்ச புக்³க³லோ உம்முஜ்ஜித்வா பதிகா³த⁴ப்பத்தோ ஹோதி? இதே⁴கச்சோ புக்³க³லோ உம்முஜ்ஜதி ‘‘ஸாஹு ஸத்³தா⁴ குஸலேஸு த⁴ம்மேஸு, ஸாது⁴ ஹிரீ குஸலேஸு த⁴ம்மேஸு, ஸாது⁴ ஓத்தப்பம் குஸலேஸு த⁴ம்மேஸு, ஸாது⁴ வீரியம் குஸலேஸு த⁴ம்மேஸு, ஸாது⁴ பஞ்ஞா குஸலேஸு த⁴ம்மேஸூ’’தி. ஸோ பஞ்சன்னம் ஓரம்பா⁴கி³யானம் ஸம்யோஜனானம் பரிக்க²யா ஓபபாதிகோ ஹோதி தத்த² பரினிப்³பா³யீ அனாவத்தித⁴ம்மோ தஸ்மா லோகா. ஏவம் புக்³க³லோ உம்முஜ்ஜித்வா பதிகா³த⁴ப்பத்தோ ஹோதி.

கத²ஞ்ச புக்³க³லோ உம்முஜ்ஜித்வா திண்ணோ ஹோதி பாரங்க³தோ த²லே திட்ட²தி ப்³ராஹ்மணோ? இதே⁴கச்சோ புக்³க³லோ உம்முஜ்ஜதி ‘‘ஸாஹு ஸத்³தா⁴ குஸலேஸு த⁴ம்மேஸு, ஸாது⁴ ஹிரீ குஸலேஸு த⁴ம்மேஸு, ஸாது⁴ ஓத்தப்பம் குஸலேஸு த⁴ம்மேஸு, ஸாது⁴ வீரியம் குஸலேஸு த⁴ம்மேஸு, ஸாது⁴ பஞ்ஞா குஸலேஸு த⁴ம்மேஸூ’’தி. ஸோ ஆஸவானம் க²யா அனாஸவம் சேதோவிமுத்திம் பஞ்ஞாவிமுத்திம் தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி. ஏவம் புக்³க³லோ உம்முஜ்ஜித்வா திண்ணோ ஹோதி பாரங்க³தோ த²லே திட்ட²தி ப்³ராஹ்மணோ.

204. கதமோ ச புக்³க³லோ உப⁴தோபா⁴க³விமுத்தோ? இதே⁴கச்சோ புக்³க³லோ அட்ட² விமோக்கே² காயேன பு²ஸித்வா விஹரதி பஞ்ஞாய சஸ்ஸ தி³ஸ்வா ஆஸவா பரிக்கீ²ணா ஹோந்தி. அயம் வுச்சதி புக்³க³லோ உப⁴தோபா⁴க³விமுத்தோ.

205. கதமோ ச புக்³க³லோ பஞ்ஞாவிமுத்தோ…பே… காயஸக்கீ²… தி³ட்டி²ப்பத்தோ… ஸத்³தா⁴விமுத்தோ… த⁴ம்மானுஸாரீ ….

206. கதமோ ச புக்³க³லோ ஸத்³தா⁴னுஸாரீ? யஸ்ஸ புக்³க³லஸ்ஸ ஸோதாபத்திப²லஸச்சி²கிரியாய படிபன்னஸ்ஸ ஸத்³தி⁴ந்த்³ரியம் அதி⁴மத்தம் ஹோதி, ஸத்³தா⁴வாஹிம் ஸத்³தா⁴புப்³ப³ங்க³மம் அரியமக்³க³ம் பா⁴வேதி. அயம் வுச்சதி புக்³க³லோ ஸத்³தா⁴னுஸாரீ. ஸோதாபத்திப²லஸச்சி²கிரியாய படிபன்னோ புக்³க³லோ ஸத்³தா⁴னுஸாரீ, ப²லே டி²தோ ஸத்³தா⁴விமுத்தோதி.

ஸத்தகனித்³தே³ஸோ.