18. அட்டா²ரஸமவக்³கோ³

(185) 9. சக்கு²னா ரூபம் பஸ்ஸதீதிகதா²

826. சக்கு²னா ரூபம் பஸ்ஸதீதி? ஆமந்தா. ரூபேன ரூபம் பஸ்ஸதீதி? ந ஹேவம் வத்தப்³பே³…பே… ரூபேன ரூபம் பஸ்ஸதீதி? ஆமந்தா. ரூபேன ரூபம் படிவிஜானாதீதி? ந ஹேவம் வத்தப்³பே³…பே… ரூபேன ரூபம் படிவிஜானாதீதி? ஆமந்தா. ரூபம் மனோவிஞ்ஞாணந்தி? ந ஹேவம் வத்தப்³பே³…பே… சக்கு²னா ரூபம் பஸ்ஸதீதி? ஆமந்தா. அத்தி² சக்கு²ஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… நனு நத்தி² சக்கு²ஸ்ஸ ஆவட்டனா…பே… பணிதீ⁴தி? ஆமந்தா. ஹஞ்சி நத்தி² சக்கு²ஸ்ஸ ஆவட்டனா…பே… பணிதி⁴, நோ ச வத ரே வத்தப்³பே³ – ‘‘சக்கு²னா ரூபம் பஸ்ஸதீ’’தி.

ஸோதேன ஸத்³த³ம் ஸுணாதீதி…பே… கா⁴னேன க³ந்த⁴ம் கா⁴யதீதி…பே… ஜிவ்ஹாய ரஸம் ஸாயதீதி…பே… காயேன போ²ட்ட²ப்³ப³ம் பு²ஸதீதி? ஆமந்தா. ரூபேன ரூபம் பு²ஸதீதி? ந ஹேவம் வத்தப்³பே³…பே….

ரூபேன ரூபம் பு²ஸதீதி? ஆமந்தா. ரூபேன ரூபம் படிவிஜானாதீதி? ந ஹேவம் வத்தப்³பே³…பே… ரூபேன ரூபம் படிவிஜானாதீதி? ஆமந்தா. ரூபம் மனோவிஞ்ஞாணந்தி? ந ஹேவம் வத்தப்³பே³ …பே… காயேன போ²ட்ட²ப்³ப³ம் பு²ஸதீதி? ஆமந்தா. அத்தி² காயஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… நனு நத்தி² காயஸ்ஸ ஆவட்டனா…பே… பணிதீ⁴தி? ஆமந்தா. ஹஞ்சி நத்தி² காயஸ்ஸ ஆவட்டனா…பே… பணிதி⁴, நோ ச வத ரே வத்தப்³பே³ – ‘‘காயேன போ²ட்ட²ப்³ப³ம் பு²ஸதீ’’தி…பே….

827. ந வத்தப்³ப³ம் – ‘‘சக்கு²னா ரூபம் பஸ்ஸதீ’’தி…பே… ‘‘காயேன போ²ட்ட²ப்³ப³ம் பு²ஸதீ’’தி? ஆமந்தா. நனு வுத்தம் ப⁴க³வதா – ‘‘இத⁴, பி⁴க்க²வே, பி⁴க்கு² சக்கு²னா ரூபம் பஸ்ஸதி…பே… காயேன போ²ட்ட²ப்³ப³ம் பு²ஸதீ’’தி [ம. நி. 1.349; அ. நி. 4.37 (அட்ட²கதா² பஸ்ஸிதப்³பா³)]! அத்தே²வ ஸுத்தந்தோதி? ஆமந்தா. தேன ஹி சக்கு²னா ரூபம் பஸ்ஸதி…பே… காயேன போ²ட்ட²ப்³ப³ம் பு²ஸதீதி.

சக்கு²னா ரூபம் பஸ்ஸதீதிகதா² நிட்டி²தா.

அட்டா²ரஸமவக்³கோ³.

தஸ்ஸுத்³தா³னம் –

பு³த்³தோ⁴ ப⁴க³வா மனுஸ்ஸலோகே அட்டா²ஸி, பு³த்³தே⁴ன ப⁴க³வதா த⁴ம்மோ தே³ஸிதோ, நத்தி² பு³த்³த⁴ஸ்ஸ ப⁴க³வதோ கருணா, பு³த்³த⁴ஸ்ஸ ப⁴க³வதோ உச்சாரபஸ்ஸாவோ அதிவிய அஞ்ஞே க³ந்த⁴ஜாதே அதி⁴க்³க³ண்ஹாதி, ஏகேன அரியமக்³கே³ன சத்தாரி ஸாமஞ்ஞப²லானி ஸச்சி²கரோதி, ஜா²னா ஜா²னம் ஸங்கமதி, அத்தி² ஜா²னந்தரிகா, ஸமாபன்னோ ஸத்³த³ம் ஸுணாதி, சக்கு²னா ரூபம் பஸ்ஸதி காயேன போ²ட்ட²ப்³ப³ம் பு²ஸதி.